Durrës, vriten dy të moshuara

[Vinjol]

Një ngjarje e rëndë kriminale ka ndodhur gjatë orëve të para të ditës së martë në qytetin bregdetar të Durrësit. Dy gra të moshuara janë lidhur dhe mbytur me qese plastmasi në banesën e tyre.


Gjinovefa dhe Elsa Vava, përkatësisht 70 dhe 75 vjeç, jetonin në katin e dytë të një shtëpie dykatëshe në lagjen 11 të qytetit.

Dy viktimat, kunata me njëra-tjetrën, janë gjetur me duar të lidhura nga pas dhe me qese plastmasi në kokë. Nga këqyrja e trupave të tyre rezulton se vdekja u ka ardhur nga asfiksia.

Në katin e parë të shtëpisë jetonte një tjetër e moshuar në gjendje të paralizuar, e cila, sipas burimeve nga grupi hetimor, ka deklaruar se nuk ka parë dhe as dëgjuar gjë gjatë orëve të natës kur ka ndodhur dhe ngjarja e rëndë që ka shokuar opinionin publik.

Pas krimit hetimet janë përqëndruar në pistat e vrasjes për motive pronësie dhe të grabitjes, ndërsa në cilësinë e personave që mund të ndihmojnë në zbardhjen e ngjarjes janë shoqëruar për të dëshmuar 18 vetë, kryesisht të afërm, fqinj të dy viktimave dhe banorë të zonës me preçedentë penalë.

Shtëpia dykatëshe, që ndodhet në një nga lagjet e vjetra të Durrësit, ka qenë mollë sherri midis familjeve me lidhje gjaku e krushqie mes tyre, që kanë jetuar në të

[Xhuxhumaku]

Durrës, torturohen për vdekje 2 kunatat e moshuara, krimi ende pa autor

rDURRES- Horror në Durrës. Një ngjarje e rëndë ka ndodhur gjatë natës në këtë qytet, ku dy gra të moshuara janë dhunuar për vdekje.

Mësohet se viktimat janë Gjinovefa dhe Elsa Vava, 70 dhe 75 vjeçe, kunata me njëra-tjetrën. Trupat u zbuluan sot rreth orës 7:00 të mëngjesit të sotëm nga djali i Elsa Vavas, njërës prej viktimave. Sipas dëshmisë të djalit, ai në mëngjes kishte shkuar drejt banesës ku dhe kishte parë derën e hapur dhe dy gratë e pajeta. Gjithçka duket si pjesë e një skenari filmi horror, pasi viktimat dyshohet të jenë mbytur me qese plasmasi, ndërsa burime policore kanë pohuar se të moshuarat i kishin të lidhura duart me qese dhe se janë mbytur nga asfiksia.

Gazetarja jonë në Durrës, Klodiana Haxhiaj bën me dije se ngjarja ka ndodhur në katin e dytë të një banese private ku rrinin dy kunatat, e cila ishte në pronësi të tyre, në lagjen nr.11, pranë Postës të qytetit bregdetar.

Trupat e dy të ndjerave janë nisur drejt morgut të qytetit për të vijuar me ekspertizën mjeko-ligjore. Njëra prej viktimave, Elsa Vava ishte e martuar dhe kishte dy fëmijë. Sipas dëshmive të të afërmeve, viktimat kujdeseshin për një grua invalide, e cila jetonte në katin e parë të banesës.
Por në mbrëmjen e djeshme, kur ndodhi krimi e motra e Gjinovefës, edhe pse ka qenë në dhomën ngjitur, ndonëse ka dëgjuar zhurmë nuk ka mundur të bëjë asgjë.

grate e moshuara qe u vrane

Hetimet ne dy pista
Hetimet e policisë janë përqendruar në dy pista të mundshme, atë të një konflikti për pronën dhe pistën e grabitjes. Sipas raportimeve, mësohet se janë shoqëruar në polici cilësinë e dëshmitarëve, disa fqinj dhe të afërm të të moshuarave, për tu pyetur rreth ndonjë konflikti të mundshëm.

Në vendngjarje ndodhet prokurori Besim Hajdarmataj, ndërkohë që vijon puna për zbardhjen e plotë të kësaj ngjarje të rëndë. Hidhen dyshime se mund të kenë qenë më shumë se 2 autorë që kanë marrë pjesë në këtë krim makabër.
Nuk dihet ende cilet mund të jenë autorët, por motivi i krimit të tmerrshëm vishet me mister për shkak se nuk ka shenja që banesa të jetë grabitur. Kjo i çon hetuesit në dyshimin se ka pasur konflikte të tjera, përfshirë edhe ato pronësie.

Shoqërohen në polici 20 të dyshuar
20 persona të dyshuar janë shoqëruar sot në policinë e Durrësit në lidhje me krimin e dyfishtë. Sipas informacioneve që përcjell policia, mësohet se këta persona janë me precedentë penal, kryesisht për grabitje. Ndërkohë po verifikohen shenjat e gishtërinjve, të cilat janë marrë dhe në vendin e ngjarjes, të cilat po krahasohen me ato të të dyshuarve. Mësohet se mes të shoqëruarve ka dhe disa të afërm të viktimave.

Ja njoftimi i plotë i policisë
Më date 02.09.2014, ora 06.35, ne lagjen Nr.11 Durrës, në banesën e tyre private janë gjetur të vdekura shtetaset E.V., 72 vjeçe dhe Gj.V., 77 vjece, banuese në lagjen Nr.11, te cilat janë mbytur dhe lidhur në duar.
Ne vendngjarje Grupi Hetimor po vijon veprimet e para. Veprimet hetimore po drejtohen nga Prokurori i Rrethit. Nga Drejtoria e Përgjithshme e Policisë Shtetit janë dërguar specialistë të hetimit të krimeve të rënda dhe veprimet po ndiqen nga strukturat e Drejtorisë së Policisë Qarkut në funksion të zbardhjes së ngjarjes dhe motiveve e rrethanave të saj.
Deri tani, nga ana jonë janë shoqëruar në Polici 20 shtetas të cilët dyshohet të kenë dijeni mbi rrethanat e hetimit si komshinj, të afërm apo edhe persona me precedent në fushën e vjedhjeve me dhunë dhe përdorimit të narkotikëve.

FLASIN FQINJE E FAMILJARE
flasin mikeshat e te moshuarave te mbytyra ne durres
Komshije, shoqe të dy grave të moshuara dhe familjarë shpreh të tronditur rreth krimit ndaj dy të moshuarave. Me lotët që u rrjedhin syve shprehen se nuk mund ta besojnë sesi mundet që të vihet dorë dhe për më tepër të vrasësh në mënyrë aq makabre dy gra të moshuara.

Komshija
“Elsa, ka qenë një llogaritare e mrekullueshme ka rritur dy fëmijë të mrekullueshëm, zonjë e madhe dhe Marjana ashtu ka qenë, i ka dashur kunatat i ka respektuar, një dhëndër i mrekullueshëm. Sot sikur na ra një tërmet i madh. I kemi dashur shumë, na ka ndihmuar shumë. Kanë qenë gra të mrekullueshme”.

“I njoh që në fëmijëri. Një familje, një nuse që rrinte me dy kunata. Kanë ditur që kanë pas prona. Po nuk e besoj ta kenë nipat dhe familjarët nuk janë ashtu kategorie. Me gjyqe për pronat kanë qëkur ka qenë demokracia, që para 20 vitesh”, shprehet një komshije tjetër.

Nipi
“Policia se ka dhënë ende versionin, presim cfarë do japë. Unë jam nipi. Nuk di për konflikte, nuk di cfarë të them. Sipas policisë, flitet për grabitje jo për konflikte. Nuk di cfarë të them...(qan)”

Një tjetër i afërm
“Kanë dyshuar se këtu fshihej një pasuri shumë e madhe, vepër kaq kriminale, kanë shfrytëzuar natën me shi dje. Po të vesh dorë mbi dy të moshuara, nuk e di cfarë të them. Sic thotë dhe nipi, kriminelët nuk janë kurrë në lartësinë e krimit që bëjnë. Shpresoj ti kapin”.

(ed.me/d.b/BalkanWeb)

http://www.balkanweb.com/kryesore/1/...or-208858.html

[Vinjol]

nuk mjafton 1 here qe eshte dhene ky lajm apo ta bejme 2-3 here
v.l terrisim postimet Pfffffffff