Shqiperi, ne 100 martesa, 16 perfundojne ne divorc!

[Vinjol]

Numri i divorceve në vendin tonë ka ardhur gjithmonë në rritje, duke arritur ‘kulmin’ në vitin 2013, ku rezulton se 16 në 100 martesa përfundojnë në ndarje. Të dhënat raportohen nga Open Data Albania, e cila ka përditësuar të dhënat lidhur me numrin e martesave dhe divorceve të shënuara në Regjistrin Kombëtar të Gjendjes Civile deri në vitin 2013.
Në pesë vitet e fundit (2009-2013), sipas këtij grupi hulumtues, numri i martesave ka ardhur duke u ulur për të shënuar në vitin e fundit një ngritje me vetëm 4% krahasuar me vitin pararendës.
Nëse në vitin 1990 shënohen 28,992 martesa, sipas ODA në vitin 2013 shënohen 23,820 martesa. Pra, në harkun kohor të 23- viteve, ODA vlerëson se numri i martesave ka pësuar një rënie prej 18%.