Jeta e foshnjes 16-muajsh peng i ilacit qe mungon ne pediatri, qsut pret tenderin!

[Vinjol]

Fëmija që shikoni në është vetëm 16 muajsh dhe është i operuar nga tumori në veshka në spitalin Pediatrik në QSUT. Por për ti shpëtuar plotësisht jetën mjekët kanë vendosur që fëmija ti nënshtrohet kimioterapisë të ndarë në 51 seanca. Deri në këtë pikë fëmija ka qenë me fat thonë prindërit për të cilët drama e vërtetë nis në momentin kur mësojnë se ilaçi bazë për kimioterapinë mungon në spital dhe për më tepër nuk gjendet as në farmaci ku me ligj është rreptësisht i ndaluar të tregtohet.
“Pse nuk sillet ky ilaç, nëse nuk ka fonde le ta sjellin ta blejmë me lekë Përgjigja është nuk e sjellin grosistët se nuk kanë interes, Jeta e fëmijëve tanë varet nga grosistët. Nëse nuk e merr këtë ilaç vdekjen e ka prezent dhe nëse djali vdes faji është i Ministrisë së Shëndetësisë”, u shpreh babai i fëmijës.
Për rastin në fjalë ka reaguar QSUT. Burime zyrtare nga ky institucion sqarojnë se medikamenti aktinomicinë është në listën e barnave për tu blerë nga QSUT për vitin 2014. Sipas drejtorisë janë kryer dy tendera njëri në ministrinë e Shëndetësisë dhe tjetri në QSUT për blerjen e barit por në të dyja rastet procedurat kanë dështuar për mos paraqitjen e firmave farmaceutike në tender.
Sipas QSUT po bëhen të gjitha procedurat që tenderi të ripërsëritet nga e para. Ndërkohë sqarohet se bari aktinomicinë është i paregjistruar në Shqipëri dhe blerja e tij bëhet me autorizimin e ministrit të Shëndetësisë.
Nga ana e tyre drejtues të shërbimit të onkohematologjisë në pediatrinë e QSUT pranojnë situatën serioze për disa pacientë që sipas protokolleve duhet të kurohen me aktinomicinë e që sipas tyre mungon prej vitesh në këtë spital.
Ata shtojnë se për problemin është informuar zyrtarisht ministria e Shëndetsisë dhe drejtoria e spitalit si dhe janë bërë edhe propozime konkrete. Shefja e këtij shërbimi Anila Godo pohon se i është kërkuar ministrisë së Shëndetësisë që për disa kategori barnash si në rastin e aktinomicinës të bëhen blerje të drejtpërdrejta dhe jo me tender.
I dëshpëruar babai i foshnjës thotë se është i detyruar ti injektojë sot fëmijës medikamentin duke perdorur një ampulë të siguruar kontrabandë e që ka skaduar që në muajin maj.

[Wordless]

Ministrin e Shëndetsisë e kam denoncuar si të pa-aftë që ditën e parë që u zgjodh. Histroikisht në këto 20 vjet Ministrat e Shëndetsisë janë vëndosur Politikisht dhe jo me merita..!