Gjermania ka pergjuar Shqiperine qe prej vitit 2009 Rama: S'ka gje te keqe

[Albo]

Shërbimet sekrete gjermane përgjojnë Shqipërinë që prej 2009

Gazeta e njohur gjermane “Der Spiegel” njofton se Shqipëria ndodhet prej vitesh nën përgjimin Gjermanisë, me qëllim mbledhjen e sa më shumë informacioneve rreth “krimit të organizuar”. Sipas “Der Spiegel”, Shqipëria ndodhet në listën e shteteve të cilat përgjohen nga agjencisa gjermane e inteligjencës (BND). Gazeta gjermane njofton se këto përgjime kanë nisur përpara anëtarësimit të Shqipërisë në NATO në vitin 2009.

Informacionet e publikuara bëhen të njohura vetëm pak ditë përpara se të mbahet në Berlin konferenca për Ballkanin Perëndimor, ku Gjermania i ka dhënë Shqipërisë një pozicion më të favorshëm se vendet e tjera. Nuk dihet nëse pas publikimit të këtij lajmi pjesë e diskutimeve midis kancelares gjermane Angela Merkel dhe kryeministrit shqiptar Edi Rama, do të jetë edhe çështja e përgjimit.

“Der Spiegel” publikoi një javë më parë informacione se Berlini ka përgjuar gjithashtu që prej vitit 2009 Turqinë, madje edhe një bisedë telefonike të Sekretarit amerikan të Shtetit, John Kerry.

Publikimi i këtyre lajmeve ka sjellë edhe reagimin e shpejtë dhe të fortë të Ankarasë, e cila ka deklaruar se veprime të tilla nuk do të tolerohen.

Ndërsa, publikimi i informacioneve vitin e kaluar se telefoni i kancelares Merkel ishte përgjuar prej vitesh nga inteligjenca amerikane, shkaktoi një tronditje të fortë në marrëdhëniet diplomatike midis Gjermanisë dhe SHBA-së.

MAPO

[Vinjol]

Ministri i Jashtëm Ditmir Bushati komentoi gjatë një konference për mediat çështjen e përgjimit të Shqipërisë nga shërbimet sekrete gjermane. Kreu i diplomacisë shiqptare theksoi se kjo çështje do të diskutohet në kanale diplomatike.

“Garantoj opinionin publik që ne jemi në kontakte të vazhdueshme me Gjermaninë si një vend partner strategjik sa i takon ecurisë së Shqipërisë në procesin e integrimit europian. Kjo është një çështje që do të trajtohet në kanale diplomatike.

Shqipëria do ta trajtojë këtë çështje në kanale zyrtare dhe diplomatike dhe nuk kam çfarë të shtoj më shumë deklaratës së kancelares Merkel se çështjet e sigurisë kombëtare janë çështje që gjejnë adresim në kanalet e duhura diplomatike e zyrtare. Asnjë prej mjeteve që përdor diplomacia në këtë drejtim nuk ka pse të jetë e përjashtuar”, theksoi ministri Bushati

Gjithashtu ai ka komentuar edhe vizitën e Kryeministrit Edi Rama në Serbi, për të cilën tha se ajo do të realizohet brenda vjeshtës së këtij viti, por nuk bëri të ditur një datë të saktë apo të përafërt për zhvillimin e saj.

“Kemi vullnet përtë hecur përpara në marrëdhëniet me Serbinë, për të adresuar cështje që kanë mbetur pezull, sikundër elementë që kanë të bëjnë me respektimin e të drejtave të njeriut, sidomos të shqiptarëve në Luginën e Preshevës.

Po kështu do të adresojmë një pjesë të marrëveshjeve që nga pala serbe ende nuk kemi marrë përgjigje.

Vetëm në këtë mënyrë ne mund të pretendojmë të krijojmë marrëdhënie në një stad të ri. Vizita e Kryeministrit Rama në Serbi do të realizohet brenda vjeshtës së vitit.

Kursi ynë në rajon është i qartë dhe Shqipëria ka pasur dhe ka prezantuar dokumente konkrete që forcojnë bashkëpunimin me të gjitha vendet e rajonit që besojmë se kemi një të ardhme të përbashkët europiane. Të njëjtën gjë do të bëjmë edhe në konferencën për Ballkanin që do të mbahet në Berlin”,

[Xhuxhumaku]

Si duket kto gjermanet, Kane gjet aleancen e qelbesirave, dhe e Kane bashku nepermjet pergjimeve.

P.s

E gjeten gje kush ja vrau, ate spiunin e tyre qe shiste viza.

[Albo]

Rama legjitimon përgjimin gjerman: Nuk na vjen asgjë e keqe

Kryeministri i Shqipërisë, Edi Rama, ka deklaruar se nuk do ta diskutoj çështjen e përgjimit të vendit tonë nga shërbimet e inteligjencës gjermane me kancelaren Angela Merkel.

Gjatë konferencës për media në ambientet e aeroportit “Nënë Tereza”, përpara nisjes në Berlin, ku edhe do të marrë pjesë në konferencën për Ballkanin Perëndimor, Rama është shprehur se Shqipërisë nuk i vjen asgjë e keqe nga Gjermania.

“Përgjimet nuk i diskutoj me Merkel. Askush nuk dyshon që Gjermania është një vend thellësisht demokratik dhe i rëndësishëm, vend lider në Europë, i dorës së parë në NATO. Askush se ka harruar që ne jemi pjesë e NATO-s, pjesë e një familje që luftojnë për më shumë siguri, kur bëhet fjalë për sigurinë përpjekja për informacion dhe veprim nuk njeh kufij. Nuk na shkon ta zmadhojmë, nuk i heqim asnjë presje deklaratës së Merkel. Në rrugë diplomatike do bëjmë shkëmbim të ideve për më shumë qartësi. E keqja nuk i vjen Shqipërisë nëse Gjermania apo vende aleate për sa i përket sigurisë që kërcënohet nga terrorizmi të bëjnë punën e tyre””, tha Rama.

Duke komentuar deklaratën e presidentit i cili e akuzon qeverinë për autoritarizëm, kryeministri ka thënë se Nishani flet si një ish anëtar i PD-së. “E thënë nga një anëtar i vjetër i PD ka besueshmëri, referojuni PD në qeveri dhe asaj në opozitë për të kuptuar sa e vërtetë është kjo deklaratë”, tha Rama.

Rama ka sqaruar edhe pikat të cilat do të diskutohen në Konferencën e Berlinit.

“Do flas për një politikë të re që ka nisur në rajon, në shtysën e fortë të paqes dhe mbi faktin e thjeshtë se ky është viti i parë që rajoni jeton pa konflikte. Mbi këtë themel duhet ndërtuar një marrëdhënie e re, në funksion të rritjes së financimeve për rajonin. Kriza financiare e ka goditur rajonin. Janë 4 zona ku do kalojë diskutimi, bazuar sipas nesh në një strukturë që duhet të shkojë nga infrastruktura rajonale, bllok ku përfshihet Kosova, Mali i Zi dhe Bosnja për të mbështetur projektin e madh të korridorit të Kaltër, i cili lidh jugun e Kroacisë me Shqipërinë. Unaza e turizmit, është një aks për shkëmbim intensiv të njerëzve dhe mallrave në funksion të një rritje të qëndrueshme. Ky projekt është në një fazë të avancuar, së dyti infrastruktura hekurudhore rajonale, së treti qendra për parqet logjistike dhe portet multimodale si dhe së 4-ti një shtysë për të ngushtuar hendekun mes Europës në pikëpamjen e teknologjisë dixhitale dhe në eksesin e shoqërive të Ballkanit. Siguria energjetike është një temë tjetër që pritet të diskutohet. Ne si rajon përfshihemi në TAP por mbetet për të insistuar që të nxisim investime, të ketë ndërlidhmëri brenda rajonit. BE dhe rajoni të jenë në një rrjet të integruar të energjisë. Do argumentojmë domosdoshmërinë për të siguruar në afat të mesëm dhe të gjatë financime për të mbështetur sipërmarrjen. Për ne rëndësi ka mbështetja për rritjen e arsimit profesional bazuar mbi modelin gjerman. Së fundi do diskutohet edhe turizmi, si një shtyllë e rëndësishme. Jemi në një moment shumë të rëndësishëm për nga potenciali që kjo kohë ka, përbën një shtysë të fortë për t’ju afruar rajonit në një tentativë të re. Ta cojmë së bashku në një fazë të re ekonominë dhe jetën sociale të rajonit. Objektivi i integrimit të kundërbalancohet me një zhvillim të përbashkët rajonal”, deklaroi Rama.


MAPO

[user010]

Do habitesha po mos te ishim ne pergjim, je vetem nga gjermani por dhe te tjere.

[rromanoku]

\
shiko mos u rreni se Merkel paska thene se miqt nuk pergjohen.Ajo e di mir edhe politiken edhe etiken.Kurse ne shqipeteret kemi besen.....ndoren.....miqe sine hi hi ihi na marrcin te keqen te tere ne jemi me te miret,me bese si ma do,pa hile fare,burra zamani fare mo.....

Nji filozof gjerman para nja 200 vitesh tthoshte see respektonte me teper ate qe e shante se ate qe e levdonte

[skender76]

"Nga Gjermania nuk na vjen asgje e keqe"!!!!

Hajde kryeminister hajde!!!

[Wordless]

Nuk kanë pse të na përgjojnë, ne i'ua themi vetë sekretet tona.. le që ku kemi sekrete ne për të fshehur?!

[mesia4ever]

Nuk kanë pse të na përgjojnë, ne i'ua themi vetë sekretet tona.. le që ku kemi sekrete ne për të fshehur?!

Me ne fund the dicka te mencur, kjo i ka munguar ketij forumi nga ti. Vetem vazhdo perpara, suksese.

[mesia4ever]

Sa i perket pergjimeve secili shtet ka te drejte ta pergjoje shtetin tjeter megjithese kjo duket e padrejte. A nuk do te kishit ju deshire qe shteti shqiptar ta kishte mundesine t'i pergjonte disa shtete si p.sh. Greqine, Serbine e pse jo edhe Turqine per t'i pare se cfare politikash kane plan te bejne me ne (respektivisht Kosoven e Shqiperine). Shqiperia nuk ka te keqe nga Gjermania, na duhet bashkepunimi me Gjermanine, UK, Francen dhe poashtu me ShBA-ne qe te na ndihmojme te mberrijme standardet e tyre sa i perket zhvillimit te shtetit ligjor. Por kjo eshte e veshtire me njerez si Ceni, Albo, Nuh Musa e te mos permendim disa emra tjere se mos po u bjen infrakt dikujt ktu.

Mesia4ever: z. Albo sot e kane vrare Edi Ramen.
Albo: Sigurisht Edvini e ka vrare. Lol