Festivali nderkombetar operistik "Marie Kraja"

[sirena_adria]

Rikthehet pas dy vitesh festivali "Marie Kraja", Tirana mirëpret eventin më të rëndësishëm të vokalit operistik

Konkurs i këngëtarëve operistikë; një koncert i jashtëzakonshëm me arie dhe këngë nga më të njohurat e të përzgjedhurat e repertorit botëror; balet dhe kostume mahnitëse: Edicioni i tetëmbëdhjetë i Festivalit Ndërkombëtar te Vokalit Operistik "Marie Kraja" do të zhvillohet në Tiranë në datat 29-30 Mars.

Pesëmbëdhjetë konkurrentë, nga katër kontinente do të garojnë për të marrë cmimin që mban emrin e themelueses së operës shqiptare "Marie Kraja". Ata do të gjykohen nga një juri ndërkombëtare, e përbërë prej drejtues të operave të mëdha evropiane, duke i dhënë pjesëmarrësve mundësinë që përvec garës dhe çmimit, të bëjnë hapa të vlefshëm në karrierën e tyre të ardhshme. Në sajë të pjesëmarrjes së emrave të mëdhenj opertistikë botëror në juri, festivali "Marie Kraja" është bërë i kërkuar për artistët e rinj nga e gjithë bota.

Juria ka bërë përzgjedhjen paraprake dhe në netët finale do të konkurrojnë 15 artistë. Netët do të jenë të ndërtuara në formën e spektaklit, regjisori i të cilit Anatolli Solovianenko, është regjisor dhe Drejtor i Përgjithshëm i skenës në Teatrit Nacional të Operas së Kievit - Ukrainë. I ikur nga lufta ai tani vjen në Tiranë, duke pasur mundësinë të bashkëpunojë për këtë festival. Dirigjenti i orkestrës vjen nga Anglia dhe është i mirënjohuri Martin Andre. Festivali do të transmetohet në Radio Televizionin Publik Shqiptar RTSH dhe regjia televizive i është besuar Redi Trenit.

Ndërsa prezantuese e festivalit është një emër i lidhur ngushtësisht me "Marie Krajën": sopranoja e njohur shqiptare Enkeleda Kamani. Ajo ka triumfuar në këtë skenë në vitin 2015 dhe prej aty nisi një karrierë të shkëlqyer ndërkombëtare. Tashmë Kamani rikthehet në këtë skenë si prezantuese, por dhe për të kënduar, për të treguar historinë e saj të suksesit, por dhe për të qenë ndoshta një ogur i mirë për pjesëmarrësit në garë.

Në të dyja netët e festivalit, nuk do të mungojë edhe trupa e baletit, ku këtë vit për herë të parë ngjiten në skenë shumë kërcimtarë të rinj. Po për promovimin e të rinjve do të shërbejë dhe një sfilatë e veçantë, e organizuar nga artistja Najada Hamza, e cila ka përzgjedhur veshje nga veprat më të njohura të skenës së operës dhe baletit dhe që janë realizuar nga kostumografët e rinj të sapodiplomuar në Fakultetin e Arteve të Bukura si fashion designer. Në këtë mënyrë edhe studentëve që sapo kanë mbaruar studimet me rezultate të shkëlqyera u jepet një mundësi për t'u shfaqur, promovuar në fushën e artit dhe tregun e punës.

Por, përveç misionit të tij kryesor, garës dhe promovimit të talenteve të reja, festivali "Marie Kraja" është dhe dy netë koncertore për t'u shijuar në sallën e Teatrit të Operës dhe Baletit. Publiku i këtij teatri do të mund të shijojë dy mbrëmje me muzikë të përzgjedhur nga repertori botëror Puccini, Gounod, Bellini, Mozart, Bizet, Verdi, Rossini, Donizetti, por edhe këngë lirike mjaft të njohura. Dy netë që ia vlen të ndiqen dhe një festival ku ka veç fitues.


Living

https://www.the-living-media.com/new...alit-operistik

[sirena_adria]

Festivalit Ndërkombëtar Operistik "Marie Kraja" shpall fituesit



https://www.youtube.com/watch?v=hYZpHi_hOIg

Magjia e garës operistike në kryeqytet !

31 Mars, 2022 - Rudina, TV Klan.

[sirena_adria]

Festivalit Ndërkombëtar Operistik "Marie Kraja" - Edicioni i 18-të




" IMAGINE " Kënga që çeli & përmbylli Edicioni i 18-të dhe shumë surpriza të Natës së Parë.

[sirena_adria]

Carolina Lopez Moreno, sopranoja me nënë shqiptare dhe babain bolivian, por e lindur dhe rritur në Gjermani, është fituesja e Festivalit Ndërkombëtar Operistik “Marie Kraja”.

https://www.youtube.com/watch?v=WPIENHx5-nQ


Sopranoja Carolina Lopez Moreno, fituese e çmimit të parë në festivalin “Marie Kraja”

Sopranoja shqiptaro - gjermane, Carolina Lopez Moreno u shpall fituese e çmimit të parë të edicionit të 18-të të Festivalit Ndërkombëtar të Vokalit Operistik “Marie Kraja”, që u zhvillua në Teatrin e Operës dhe Baletit nga 28-30 mars.

Juria e përbërë nga drejtorët e përgjithshëm të disa teatrove europiane, kryesuar nga Presidentja e Opera Europa, Anna Maria Meo, vlerësoi me çmime 4 konkurentë mes 15 konkurenteve pjesëmarrës.

Me çmimin e dytë u vlerësua baritoni Samueol Park, nga Korea e Jugut, me çmimin e tretë sopranoja Yulia Merkudinova nga Ukraina, e cila fitoi edhe çmimin e këngës.

Çmimi i parë ju dorëzua në skenë sopranos fituese nga kryetari i bashkisë së Tiranës.

Festivali që u ka dedikuar një moment të veçantë ngjarjeve në Ukrainë i dha çmimin e tretë sopranos Yulia Merkudinova, e cila ishte po ashtu e përzgjedhura e orkestrës së Teatrit të Operës dhe Baletit për çmimin e orkestrës.

Krahas interpretimit të arieve të njohura ndërkombëtare e shqiptare nën drejtimin e dirigjentit Martin Andre, nuk munguan as notat e spektaklit dhe baletit.

Në edicionin e 18-të të Festivalit Ndërkombëtar të Vokalit Operistik “Marie Kraja”, morën pjesë 15 konkurrentë, nga katër kontinente.


/ KultPlus.com

https://www.kultplus.com/muzika/sopr...n-marie-kraja/

[sirena_adria]

SWR Junge Opernstars 2018 - Carolina Lopez Moreno - “Signore, ascolta!”


"Emmerich Smola Förderpreis 2018“ at the Jugendstil-Festhalle Landau / February 2018.