Dorëhiqet Ilirjan Celibashi, në vend të tij, ministre e Shtetit: Ermonela Felaj
Tiranë -Ilirijan Celibashi ka detyruar kryeministrin Edi Rama të bëjë ndryshimin e parë të kabinetit pa mbushur ende një vit në qeverisje.
Ministri për marrëdhëniet me parlamentin në mënyrë krejt të papritur i ka dorëzuar dorëheqjen Ramës duke u largua edhe nga politika pasi më herët ka lënë edhe mandatin e deputetit. Në pritje të dekretit të presidenti dhe votimin në parlament, kryeministri paralajmëroi si pasuese të Celibashit, Ermonela Felajn.
Nga kryeministria përmes një konference për shtyp, Rama e ka falenderuar Celibashin për përkushtimin dhe integritetin e lartë profesional dhe moral për të përballuar këtë detyrë në një funksion të krijuar rishtaz në qeverinë e re.
Po ashtu, Rama ka uruar që vendimi i tij për motive tërësisht personale, të jetë vendimi i duhur dhe koha në dispozicion pas lënies së detyrës, të jetë më e plotë për të plotësuar angazhimet e tij personale dhe familjare.
“Vendimi ka motive tërësisht personale uroj që të jetë vendimi i i duhur dhe koha në dispozicion pas lënies së detyrës të jetë më e plotë, të plotësojë angazhimet e tij familjare dhe personale me shrpesën e bindjen se ai mbetet pjesë e familjes tonë” tha Rama në konferencën për shtyp të orës 12:00 në kryeministri.
Dorëheqja ime personale
Vetë Celibashi në fjalën e tij ka falenderuar Kryeministrin dhe Partinë Socialiste për besimin që i kanë dhënë dhe ka theksuar se arsyet e tij janë tërësisht familjare, personale.
“Jo për kompromis të rastit,”- tha Celibashi, -” por ka qënë një periudhë mjaft mbresëlënëse për mua kjo periudhë 300-ditore. Arsyet janë tërësisht personale. Arsyet, motive dhe interesi gjithashtu. Shpresoj që me këtë akt të mos dëmtoj askënd, pasi si qytetar i kësaj republike, nuk do t’ia lejoja vetes që këtë vendim ta merrja në një moment tjetër duke pasur parasysh atë që kjo qeveri ka arritur në 300 ditë. Gjej rastin të shpreh mirënjohje të thellë për Kryeministrin rama dhe PS-në për vlerësimin që i bënë kapaciteteve të mia profesionale, por edhe si njeri. Ka qënë privilegj për mua të përfaqësoja Partinë Socialiste. Kjo vendimarrje e imja nuk ka vënë aspak në dyshim, besimin dhe bindjen time të kahershme tek edi rama për seriozitetin dhe përgjegjësinë që ai ka marrë,”- nënvizoi Celibashi.
Ministrja e re e Shtetit Ermonela Felaj falenderoi për detyrën që iu besua. “Ndihem shumë mirë që do të pasoj punën e Ilirjanit, – tha Felaj, – me të cilin jam koleg edhe në profesion. Kështu që më vjen mirë do të kem mundësi të bashkëpunoj me të.”
ORA NEWS
Përgjigju Duke Cituar
Postuar më parë nga Qyfyre
Krijoni Kontakt