Orikum, banorët në protestë: Jo bashkimit me Vlorën
Banorët e Orikumit janë ngritur në protestë, duke kundërshtuar kështu ndarjen e re territoriale. Në shenjë proteste, ata kanë bllokuar aksin Vlorë-Sarandë, gjë të cilin e kishin paralajmëruar ditë më parë.
Banorët e zonës nuk janë shprehur dakord që Orikumi të bashkohet me Vlorën. Në mbështetje të tyre është dhe Këshilli Bashkiak, i cili ka kërkuar që Orikumi të jetë bashki më vete.
Koha Jone
gje shume e mire qe jane ndergjegjesuar njerezit per vet administrimin e terrritorit te tyre... me behet qejfi qe eshte rritur mosbesimi tek pushteti qendror, sepse sic tregon shembulli i mire amerikan, dhe eterit themelues te Amerikes organet e pushtetit apo drejtorite endryshme me kalimin e kohes nuk i sherbejne me individeve dhe zonave te banuara por kthehen ne organe qe e kane pushtetin dhe abuzimin si qellim me vete. duke shkuar kesisoj ne abuzime me parate publike.
prandaj edhe them se eshte gje e mire qe ka ndergjegjesim, per nje shperndarje kapilare te pushtetit dhe administrimit te parase publike. vetem ne kete menyre banoret, shtetasit, individet jane ne kontakt me te afert me ata qe e administrojne territorin. ne rastin e kundert, kur rritet burrokracia dhe zonat e banuara grumbullohen bashke, sic do te beje reforma e re qenderzuese, rriten tej mase abuzimet e pushtetit dhe qytetari del jashte vemendjes meqe raposrti pushtet vendor/qendror-qytatar/banor eshte tejet jo efikas...
kur pushteti eshte me i decentralizuar raporti eshte me direkt dhe paraja dhe sherbimet jane me mire te shfrytezueshme dhe te kontrollueshme nga publiku.
'Who is John Galt?'To say 'I love you' one must first be able to say the 'I' - Ayn Rand
Piro Dhima rrëzon Kokëdhimën: Ndarja e re e papranueshme
Thënie kontradiktore mes deputeti socialist, Koço Kokëdhima dhe deputeti himariot të PASOK-ut grek, Pirro Dhima mbrëmjen e sotme rreth një takimi të zhvilluar në Qeparo dhe zgjati rreth 30 minuta.
Ndërsa Koço Kokëdhima shkruante se në takim kishte arritur ta bindte Dhimën se reforma ishte në të mirë të Himarës, vjen deklarata e ish-peshëngritësit, tani deputet, se në asnjë moment nuk e ka mbështetur atë.
Fillimisht deputeti socialisit njoftoi përmes adresës së tij në facebook, se gjatë takimit kishte bindur himariotin se reforma territoriale ishte e mirë, madje këtij të fundit i është dukur ide e mirë.
Postimi u bë rreth orës 18:00 të 28 korrikut. Tre orë më pas, rreth orës 21:00 vjen dhe kundërshtimi.
Deputeti i PASOK-ut që ka një vend në Parlamentin e Greqisë përmes një postimi po në facebook, në faqen e tij zyrtare shkruante se kishte saktësuar Kokëdhimën se ajo që do të votohet përfundimisht është e papranueshme dhe kundër çdo koncepti të së drejtës ndërkombëtare.”
Në takim ishte i pranishëm edhe Jorgo Goro, kreu i bashkisë Himarë dhe takimi ishte zhvilluar në hotel Valta në Qeparo
Ja çfarë shkruante Koço Kokëdhima në profilin e tij në Facebook:
“Piro më shpjegoi se ishte prej disa ditësh në Himarë, kishte ardhur me një ide negative për reformën, por pasi kish takuar njerëzit dhe kish folur me ta, kish krijuar një përshtypje krejtësisht tjetër. Ne ramë dakort që të bashkëpunojmë për reformën territoriale sepse kjo i shërben të ardhmes së Himarës. Ai më tha drejtpërdrejtë se plani juaj është i bukur dhe se do të flasë me autoritetet greke sapo të kthehet në Greqi.”
Piro Dhima edhe më parë ishte shprehur kundër hartes së re të Shqipërisë sikurse edhe kryetari i tij që njëherësh është zëvendëskryeministri i Greqisë, Evangelos Venizelos.
(Në foto: Postimi i Koço Kokëdhimës në Facebook në orën 18:00)
Ja çfarë shkruan më pas Piro Dhima në “Facebook”
“Në Himarë isha në fundjavë dhe u takova me kryebashkiakun Jorgo Goro dhe deputetin e parlamentit shqiptar Kokëdhima. Biseduam edhe për ndarjen e re administrative, që parashtron shteti shqiptar dhe u bëra të qartë se ne nuk do të jemi dakort. Unë riktheksova edhe njëherë se për ne vorioepiriotët ajo që do të votohet përfundimisht është e papranueshme dhe kundër çdo koncepti të së drejtës ndërkombëtare.”
Më herët deputeti Kokëdhima u shpreh se gjatë takimit mes tyre ishte arritur nje marrëveshje dhe sipas tij Dhima e ka cilësuar si pozitive ndarjen e re adminitrative. kokëdhima tha gjithashtu se ai i kishte komunikuar se këtë ndarje do ta diskutonte me palën greke.
ORA NEWS
Ndarja e re territoriale, protesta në komunat e Shkodrës dhe Vlorës
Shkodër - Vijojnë të forcohen zërat kundër reformës territoriale. Reagimi i radhës përmes firmosjes së një peticioni ka ardhur nga komuna Berdicë, ku gjatë mbledhjes së këshillit të komunës dhe kryepleqve të fshatrave, u kundërshtua me forcë ndarja në vetëm 2 njësi vendore e qarkut të Shkodrës.
Sipas tyre ka probleme më emergjente për të zgjidhur, duke nisur nga situata ekonomike, tek arsimi, shëndetësia etj. I ashpër në fjalën e tij ishte edhe kryetari i komunës Berdicë Besnik Brahimi, i cili ndonëse është përfaqësues i mazhorancës, ka theksuar se që në dhjetor të 2013-ës i ka dërguar qeverisë dhe presidentit një shkresë që kundërshton këtë ndarje territoriale.
Nëse me 31 korrik Parlamenti do të miratojë ndarjen territoriale me 61 njësi, ateherë banorët e qarkut të Shkodres do te dalin në protesta për ta kundërshtuar atë. Më parë kanë qënë banorët e Dukagjinit, Velipojës, Dajçit dhe Postribës që kanë protestuar kundër kësaj reforme.
Vlorë
Protestave per ndarjen e re administrative territoriale, e cila pritet që shumë shpejt të votohet edhe në Parlament, iu janë bashkuar edhe banoret e komunave Novoselë, Qendër dhe Shushicë në rrethin e Vlorës.
Të shkëputur totalisht nga politika dhe krerët e komunave të tyre, komuniteti i këtyre zonave ka protestuar paqesisht duke kundërshtuar ndarjen e re me 61 bashki.
Sipas banorëve, nëpërmjet kësaj ndarjeje, shërbimi nuk mbërrin asnjëherë tek qytetari.
Me pankarta në duar, ata kanë përshkuar aksin nacional duke i bërë thirrje Parlamentit dhe qeverisë të reagojë sa nuk është vonë.
ar.sh/Oranews.tv
Qeverritarët asnjëherë nuk punojnë për qytetarët dhe për kombin
O shoku Rama.
Ne kete 1 vit qe i ke hipur qeverise, nuk i kish irrituar shqiptaret sa duhet. Tani me kete "reformen territoriale" i vure kapakun gjerave. Nuk ka per te ngelur fshatar e qytetar i pakenaquar nga kjo ndarja e re. Po ti mos u merzit, se shqetesohen e protestojne shqiptaret sot, por i harrojne neser kur te shkojne te votojne ne kutite e votimit.
Albo
Pse ndarja territoriale është diskriminuese
KASTRIOT ISLAMI
Shqipëria ka tashmë një qeverisje qendrore që përfaqëson interesat e një klientele të ngushtë oligarkike. Kjo qeverisje është konceptuar dhe përgatitur për 15 vjet, që me vendosjen e Ramës në krye të Bashkisë së Tiranës. Me fitimin e maxhorancës më 23 qershor 2013, prej një viti, Rama, në detyrën e Kryeministrit, po përmbyll projektin e qeverisjes oligarkike, duke realizuar dy qëllime madhore: i) kapjen e Gjyqësorit, si faza e fundit apo faza e konsolidimit të qeverisjes qendrore të interesave të oligarkisë; ii) realizimi i ndarjes territoriale që garanton kapjen e pushtetit vendor nga klientela oligarkike. Tani e tutje nuk do të bëhet më fjalë thjesht për korrupsion elitar, por për “qeverisje të interesave të oligarkisë”, qendrore e vendore, që: i) blen votat; ii) komandon mandatet e të zgjedhurve, pra i blen apo ia heq dikujt e jep dikujt tjetër; iii) tenton të zvogëlojë, rrudhë apo kthejë në fasadë opozitën; iv) që godet çdo opozitar a disident apo “fshin” çdo opinion alternativ; v) që zotëron pothuajse të gjithë median për t’i mbyllur gojën apo “demaskuar” çdo kundërshtar dhe për të paraqitur si “suksese” mosrealizimet e dështimet e qeverisë; vi) që vendos nën kontroll të gjitha bizneset e rëndësishme e zotëron aksione në çdo biznes të rëndësishëm e të suksesshëm; vii) që kontrollon të gjitha organizatat joqeveritare të shoqërisë civile; viii) së fundi që vendos nën kontroll sistemin e drejtësisë për t’u mbrojtur nga çdo sulm eventual, por edhe për të realizuar gjuetinë e shtrigave ndaj çdo opozitari apo disidenti. Ky nuk është as ekzagjerim dhe as diçka që mund të ndodhë në të ardhmen; ky është realiteti shqetësues që klientela qeveritare oligarkike përpiqet ta maskojë përmes demagogjisë e mashtrimit mediatik me penelat e “reformave” e të “luftës kundër korrupsionit”. Ndarja territoriale është një prej tyre, e cila nuk është reformë për interesat e qytetarëve, por një “mekanizëm” që i lehtëson klientelës oligarkike “kapjen e pushtetit vendor” në zgjedhjet e vitit 2015. Për më tepër kjo reformë rezulton “diskriminuese”.
1- Ndarja territoriale është diskriminuese…
Ndarja territoriale mund të konsiderohet “diskriminuese”. Nga 374 bashki/komuna bëhen 61, pra mund të thuhet se numri i tyre zvogëlohet/”rrudhet” 6.1 herë. Pyetja që shtrohet është: A zvogëlohet ky numër për të gjitha qarqet në mënyrë të njëjtë? Duke iu referuar numrit të bashki/komunave në variantin ekzistues dhe variantit të propozuar me 61 bashki, situata paraqitet si më poshtë.
A) Së pari për qarqet e Veriut: i) në qarkun e Dibrës, nga 36 bashki/komuna bëhen 4 bashki, pra ky numër zvogëlohet me 9 herë; ii) në qarkun e Kukës, nga 27 bashki/komuna bëhen 3 bashki, pra ky numër zvogëlohet me 9 herë; iii) në qarkun e Lezhës, nga 21 bashki/komuna bëhen 3 bashki, pra zvogëlimi është 7 herë; iv) në qarkun e Shkodrës, nga 33 bashki/komuna bëhen 5 bashki, pra ky numër zvogëlohet me 6.6 herë. Përmbledhtas, në Veri, në katër qarqet, Dibër, Kukës, Lezhë e Shkodër, numri i bashki/komunave nga 117 bëhet 15, pra zvogëlohet me 7.8 herë.
B) Së dyti për qarqet e Jugut: i) në qarkun e Beratit, nga 25 bashki/komuna bëhen 5, pra ky numër zvogëlohet 5 herë; ii) në qarkun e Vlorës, nga 26 bashki/komuna bëhen 7 bashki, pra ky numër zvogëlohet me 3.7 herë, iii) në qarkun e Gjirokastrës, nga 32 bashki/komuna bëhen 7 bashki, pra ky numër zvogëlohet me 4.6 herë; iv) në qarkun e Fierit, nga 42 bashki/komuna bëhen 6 bashki, pra ky numër zvogëlohet me 7 herë. Përmbledhtas, në Jug, në katër qarqet, Berat, Vlorë, Gjirokastër dhe Fier, nga 125 bashki/komuna bëhen 25 bashki, pra ky numër zvogëlohet me 5 herë.
Përfundimi është i qartë: Numri i bashki/komunave për qarqet në Veri “rrudhet” me 7.8 herë, kurse ai i bashki/komunave për qarqet në Jug “rrudhet” vetëm 5 herë. Kjo natyrisht mund të konsiderohet “diskriminuese”. Ky “diskriminim” zbulon qëllimin elektoral që hartuesit kanë pasur në mendje gjatë krijimit të hartës territoriale.
I. Ndarja territoriale “diskriminuese” sipas kriterit të popullsisë/zgjedhësve
Sapo dikush lexon përfundimet e mësipërme mund të shtronte pyetjen: Mos vallë ky përfundim ka lidhje me numrin e popullsisë/zgjedhësve në Veri e Jug? Përgjigjja është e thjeshtë: Jo. Sepse numri i popullsisë/zgjedhësve nuk ka qenë kriter për të hartuar këtë ndarje territoriale. Për të provuar këtë, mjaftojnë dy-tre shembuj të thjeshtë. Qarku i Tiranës ka 785 086 zgjedhës dhe ka vetëm 5 bashki në ndarjen e re, kurse qarku i Beratit ka 175 794 zgjedhës, pra rreth 4.5 herë më pak zgjedhës sesa Tirana, dhe ka po 5 bashki. Fieri ka 373 706 zgjedhës dhe ka 6 bashki, kurse Gjirokastra ka 122 039 zgjedhës, pra 3 herë më pak se Berati, dhe ka 7 bashki. Sikur të ishte aplikuar kriteri i popullsisë/zgjedhësve, hartuesit do ta kishin të pamundur të shpjegonin përse në katër qarqet e zonës “së mesme” (Tiranë, Durrës, Elbasan dhe Korçë) me rreth 1.7 milion zgjedhës, ka vetëm 21 bashki, kurse në katër qarqet e Jugut (Berat, Gjirokastër, Vlorë e Fier) me rreth 970 mijë zgjedhës, ka 25 bashki; edhe ky fsheh synimin elektoral në realizimin e kësaj ndarjeje territoriale, ose e thënë ndryshe, edhe në këtë aspekt kjo “ndarje” është diskriminuese.
II. “Ndarja” territoriale nxit konfliktet dhe destabilitetin…
“Diskriminimi” është vetëm një nga defektet e shumta të kësaj ndarjeje territoriale. Kjo është një “ndarje” pa koncept e pa vizion. Një “ndarje” në kundërshtim të plotë me parimin kushtetues të “marrjes së mendimit të popullsisë që banon në to (neni 108 i Kushtetutës, pika 2) për përcaktimin e kufijve. Një “ndarje” e cunguar, e mangët, për rrjedhojë e gabuar. Një “ndarje” që kërkon t’u imponohet qytetarëve përmes një procesi gjithëpërjashtues dhe që ka gjeneruar reagime të shumta, pakënaqësi e protesta nga banorët e shumë komunave, bashkive apo krahinave. Një “ndarje” që bie ndesh me filozofinë e decentralizimit e të autonomisë vendore. Një “ndarje” që është e vendosur në një mjedis e klimë konfliktuale të gjeneruar nga maxhoranca, por që njëkohësisht nxit dhe thellon konfliktin ndërpartiak e godet bashkëpunimin e konsensusin politik. Pas të gjithë këtyre veprimeve fshihet synimi për realizimin në tavolinë të fitores elektorale në zgjedhjet e vitit 2015: i) duke reduktuar numrin e njësive vendore e rritur mjaftueshmërisht madhësinë e tyre; ii) duke realizuar një “ndarje” diskriminuese Veri-Jug; iii) duke vepruar në disa raste me teknologjinë e “xherimanderit”. Ky synim elektoral lidhet me objektivin për kalimin e pushtetit vendor në një numër të kufizuar oligarkësh rajonalë. Një “ndarje” e bazuar në këto interesa, e konceptuar gabimisht, e realizuar pa konsensus me opozitën, e pakonsultuar me publikun dhe grupet e interesit, në dhunim të qartë të Kushtetutës e tjerë, e tjerë, me siguri do të nxisë protesta, konflikt e ndoshta deri destabilitet…
III. “Reforma” territoriale – një hap drejt krijimit të oligarkisë vendore….
Qëllimi kryesor i reformës territoriale është vendosja e pushtetit vendor nën dominimin e interesave të oligarkisë. Përmes kësaj reforme tentohet të krijohen “pashallëqet oligarkike”, mjaftueshmërisht të mëdha e tërheqëse për klientelën e kësaj qeverisje oligarkike. Synimi madhor për “kapjen e pushtetit vendor” nga interesat e oligarkisë maskohet përmes demagogjisë e mashtrimit për nevojën e reformës territoriale. Prandaj maxhoranca synon të realizojë këtë reformë pa pjesëmarrjen e opozitës ose me opozitën fasadë. Është hera e parë në këta 23 vjet që një reformë kaq e rëndësishme realizohet pa pjesëmarrjen e opozitës. Kryeministri Rama nuk ka pranuar t’i ofrojë partisë kryesore të opozitës, siç ka ndodhur në 23 vjet, të drejtën për ta votuar në Kuvend reformën vetëm nëse dokumenti përfundimtar do të votohej me konsensusin PS-PD në komisionin e reformës territoriale. Po kështu kjo klientelë oligarkike nuk ka mundur të sigurojë në zgjedhjet e 23 qershorit 2013 shumicën prej 84 mandatesh, të nevojshme ligjërisht (por jo të mjaftueshme politikisht) për të votuar e vetme këtë reformë, por e ka siguruar “shumicën e cilësuar” përmes “blerjes së mandateve”, veprim tipik i “interesave të oligarkisë”. Ndryshimet e fundit, me afrimin e disa deputetëve të opozitës, me largimin e disa deputetëve të minoritetit apo zemërimin a sherret me disa nga deputetët e maxhorancës, janë argumente të forta që përforcojnë tezën se kjo ndarje u shërben vetëm interesave të oligarkisë.
IV. Në vend të një përfundimi…
Kjo ndarje rezulton, përveç të tjerash, edhe diskriminuese. Për rrjedhojë, edhe në këtë aspekt ajo mund të gjenerojë “përçarje” e destabilitet. Hartuesit e kësaj ndarjeje, përfaqësues të interesave të oligarkisë, janë kujdesur vetëm për të siguruar në tavolinë një fitore elektorale sa më të madhe në vitin 2015. Kjo shpjegon përse “Veriu” është diskriminuar ndaj “Jugut” përsa i përket “rrudhjes” së numrit të bashki/komunave. Dhe përse zona e “mesme” është diskriminuar ndaj Jugut po t’i referohemi raportit zgjedhës/numër bashkish. Protestat dhe reagimet sapo kanë filluar, ndonëse hartuesit me hile kanë menduar ta mbyllin këtë proces më 31 korrik dhe t’u thonë “mirupafshim” votuesve me idenë se në gusht votuesit në pushime nuk janë të prirë për reagime e protesta. Jam i sigurt se kjo lloj hileje veçse do të rrisë adrenalinën e votuesve për të reaguar e protestuar më fuqimisht edhe kundër ndarjes edhe kundër mashtrimeve e hileve…
Panorama
Deputetët “rebelë”, Rama: Bënë detyrën, keqardhje nëse Dule ikën nga koalicioni
Tiranë –Kryeministri Edi Rama mohoi të ketë pasur negociata me deputetët e ashtuquajtur rebelë brenda PS-së për të votuar pr/ligjet që kërkonin shumicë të cilësuar. Sipas Ramës, të gjithë kanë bërë detyrën e vet.
Sa i takon marrëdhënieve të kryetarit të PBDNJ-së Vangjel Dule, Rama u shpreh se e ka pasur dhe do ta ketë mik, por do të ndihej i keqardhur nëse për shkak të Himarës do të largohej nga koalicioni.
Deklaratat u bënë sot në mesditë në një konferencë për shtyp nga kryeministri ku njoftoi dhe dorëheqjen e Ilirjan Celibashit nga posti i ministrit të Shtetit i Marrëdhënieve me Parlamentin dhe në vend të tij emërimin e Ermonela Felajt.
Keqardhje nëse Dule ikën nga koalicioni
Pyetja e gazetares Ora News, Klementina Cenkollari: Ju dje arritët të realizonit reformën, por u duk se nisët përplasjen me një nga aleatët që nisët rrugëtimin 300-ditor, me PBDNJ-në, që kishte deklaruar se në rast se nuk merren parasysh kërkesat e saj, mund të dalë nga koalicioni. A keni pasur një komunikim për këtë dhe a do të ndiheshin i keqardhur në rast se z.Dule do të largohej nga koalicioni juaj?
Edi Rama: Së pari, Vangjel Dulen unë nuk kam bërë mik në koalicionin qeverisës. E kam pasur mik më parë pavarësisht se në ç’koalicion ka qënë e do ta kem mik gjithmonë, pavarësisht se në ç’koalicion do të jetë. Natyrisht që do të isha i keqardhur nëse një reformë historike, me të cilën duhet të ndjehet mirë çdo shtetas shqiptar, jo vetëm shtesa shqiptar me kombësi shqiptare, por edhe shtetas shqiptar me kombësi greke, të ishte sebep për t’u larguar nga koalicioni. Sepse do të ishte në rastin më të mirë, mungesë objektiviteti në vlerësimin e një reforme që do të ndryshojë përgjithmonë Shqipërinë.
Nga ana tjetër, ne jemi në një koalicion, jo në një kazermë dhe subjektet e koalicionit kanë këndvështrime që jo gjithmonë përkojnë me njeri tjetrin dhe në këtë rast këndvështrimet tona ishin të papërputhshme, sepse për ne ka qënë dhe mbetet e qartë se Himara nuk është çështje më shumë se ç’është Tropoja, Dibra, Shkodra, Durrësi,Tirana, Elbasani, Korça dhe të gjitha bashkitë e tjera të Shqipërisë. Në këtë pikë nuk ka asgjë më shumë për të shtuar por dua të shtoj se me reformën e djeshme, Shqipëria jep një shembull të shkëlqyer për të gjithë fqinjët dhe si një vend europian në Europë, se garanton në mënyrë bujare dhe largpamëse, një trajtim të posaçëm për minoritetet.
Janë 61 bashki që tani përbëjnë korpusin e qeverisjes vendore, por janë 58 të krijuara mbi kriteret e zonës funksionale dhe tre të tjera mbi një kriter të vetëm, përjashtues, që është vetëdija jona për të respektuar përgjithësisht lirinë e të drejtën e çdo shtetasi shqiptar të kombësie tjetër.”
Deputetët “rebelë” të PS-së, Rama: Nuk ka pasur negociata. Bënë detyrën
Pyetja e gazetarit Indrit Maraku: Si arritët t’i bindnit të ashtuquajturit “grupi i rebelëve” të votojnë ligjet me shumicë të dcilësuar dhe a mendoni se negociimi me ta do të rrisë presionet e grupit parlamentar drejt jush në të ardhmen ?
Edi Rama: “Kjo është Abc e Abc, por jo Abc e mënyrës si funksionon qeveria e PS. Nuk ka pasur asnjë negocim dhe të gjithë deputetët kanë bërë detyrën e tyre”
Pr/ligji për KLD-në, Gjëja e duhur
Kryeministri Edi Rama e cilëson të duhur miratimin e ndryshimeve në pr/ligjin për KLD-në.
“Sa i takon vendimit të djeshëm për të ndërhyrë në funksion të distancimit të qartë e të prerë nga një forum i cili është zemra e problemit të madh që Shqipëria ka me drejtësinë bëmë gjënë e duhur në kohën e duhur dhe me të njëjtën vendosmëri do të shkojmë përpara. Të mos harrojmë se ne jemi votuar për të transformuar rrënjësisht Shqipërinë dhe kur të dalim të japim llogari para popullit që zgjedh nuk kemi asnjë alibi e asnjë mundësi të justifikohemi e fshihemi prapa kujdo tjetër. Jemi përballë dhe I përgjigjemi një më një.”
“Reforma është votuar pa votat e PD-së, por jo pa votat e opozitës”
Kreu i Qeverisë Edi Rama ka deklaruar sot se për reformën territoriale të vendit nuk ka votuar PD-ja, por s’mund të thuhet se për të nuk votoi opozita, pasi në parlament dje ishte e pranishme partia e dytë më e madhe e opozitës.
Sipas Ramës, “Reforma është votuar pa votat e PD-së, por jo pa votat e opozitës, sepse PD është pa asnjë dyshim opozita më e madhe vendit, por nuk është në zotërim të monopoli të opozitës. Dje, me reformën, janë bashkuar në një seancë debati dhe votimi, edhe përfaqësues të partisë të dytë më të madhe të opozitës, që gjej rastin t’i falenderoj për qasjen kontruktive ndaj një procesi ku kam keqardhjen më të plotë për PD-në.
Reforma u kurorëzua me një sukses të plotë vetëm dje, në ditën e fundit të sesionit, jo sepse nuk mund ta bënim atë më parë, por sespe kemi pritur deri ën sekondën e fundit, PD-në. por, nga ana tjetër, pritja jonë ka kufi, objektivat tanë. Ne nuk do të cedojmë në asnjë moment nga objektivat tanë, ne do të bëjmë gjithçka në rrugën drejt objektivit për të dëgjuar, por ne do të udhëheqim. Kemi marrë mandatin për të udhëhequr e jo për të pritur, ”-theksoi Rama.
Gjithashtu, fuqinë e Aleancës sonë nuk e mbështes tek votat në parlament, por tek 1 milionë votat që u dhanë në 23 qershor. Në funksion të mandatit që kemi marrë 23 qershorin e shkuar, kjo nuk është një shumicë me 84 -85 apo 88 vota por të paktën një shumicë me 1 milionë vota.”
Lidhur me dorëheqjen e ministrit Celibashi, Rama shtoi se “më vjen keq që asnjëhërë nuk kam pasur kohën e mjaftueshme t’iu shpreh ministrave, mirënjohjen time për përkushtimin e tyre të plotë dhe falë kontributit të gjithsecilit, janë arritur objektivat e 300-ditëshit.”
ORA NEWS
Reforma krijon hartë të re territoriale, në qarkun Korçë nga 36 njësi, funksionale 6 Bashki
Korçë- Reforma administrative teritoriale e miratuar tashmë në Kuvendin e Shqipërisë ndryshon totalisht hartën e kufinjve mes Bashkive në qarkun e Korçës, nga 36 njësi që kanë funsionuar deri më tani Komuna dhe Bashki, mbeten vetëm 6 Bashki.
Sipas prefektit të Korçës, Ardit Konomi, reforma territoriale ishte një nevojë për të ndalur abuzimet me fondet dhe buxhetin e shtetit nga krerët e njësive vendore.
Sa i përket protestave që jane zhvilluar deri më tani, Konomi tha se njerëzit janë të lirë për të protestuar, por në radhë të parë duhet të dinë për çfarë protestojnë dhe të mos bëhen pjesë e lojës së kryetarëve të Komunave.
Sipas tij përveç ndryshimeve, pritet të ketë edhe një sërë krerësh Komunash që mund të ndiqen penalisht për abuzime me paratë e popullit.
Në qarkun e Korçës tashmë do të jenë funksionale vetëm 6 Bashki, ajo e Korçës, Pogradec, Ersekë, Bilisht, Maliq dhe ajo e Pustecit që i përket minoritetit maqedonas.
ORA NEWS
Bujar Kapexhiu:
Përgjigju Duke Cituar
Krijoni Kontakt