Erë diktature?!

[shigjeta]

Ere diktature?!

Kështu filloi edhe në 1945 por për të zezën tonë të gjithë e dimë sa zgjati e si përfundoi . Ngjashmëria midis ardhjes në pushtet të komunistëve në vitin 1945 me “Rilindjen” në vitin 2014 është shumë e frikshme dhe duhet të jetë një alarm për shqiptarët që e mbajnë mend ende diktaturën . Për të freskuar kujtesën historike dua të sjell disa shembuj të ngjashmërisë së dy situatave qe na detyron të dalim në përfundimin se Shqipëria po rrezikon të rrëshqas në diktaturë .

Gjëja e parë që komunistët paraardhës gjenetike e politikë që qeverisë së sotme bënë kur erdhën në pushtet ishte hedhja në erë me eksploziv të varrit të Nënës Mbretëreshë në parkun pranë Pallatit Mbretëror në rrugën e Elbasanit. Të njëjtën gjë bënë edhe bijtë e tyre “rilindës” duke hedhur një ndërtesë në erë ne te njëjtin vend e në të njëjtën mënyrë e vend, vetëm pak metra larg me njeri- tjetrin. Kjo përzgjedhje për të filluar punën nga qeveria Rama për mënyrën dhe bujën e madhe me të cilën u realizua nuk mund te ishte një rastësi por një mesazh përzgjedhur me kujdesa e me shume domethënie .

Taksa progresive që si për dreq mban autorësinë e Spiro Kolekës , dajës së kryeministrit Rama ishte masa e parë fiskale e të dy qeverive asaj të vitit 1945 dhe kësaj të 2014-ës. Eleminimi fizik i opozitës dhe i çdo kundërshtari tjetër politik qe kulmoi me pushkatimin e grupit të deputeteve , intelektuale të njohur te zgjedhuar nga populli ne ato pak hapësira lirie të zgjedhjeve të para te pas luftës por që kundërshtonin terrorin politik me të cilën po qeverisnin komunistët ishte një nga aktet themelore të instalimit të diktaturës komuniste në vitin 1945. Rilindja e filloi instalimin e sajë në pushtet duke demonstruar një dhunë të paparë verbale ndaj opozitës dhe institucioneve jashtë kontrollit të sajë gjë që paralajmëroi një revansh të ashpër politik i cili ishte paralajmëruar si retorikë që në fushatë. Heqja 20 minuta mbas betimit të portretit të presidentit Nishani nga të gjitha zyrat e qeverisë dhe administratës shtetërore nuk ishte vetëm megalomani dhe arrogancë e qeverisë por një mesazh i qartë që Presidenti i Republikës dhe të gjitha institucionet në vartësi apo kujdes të tij do të ishin nen shënjestrën e pushtetit të ri .
E njëjta gjë ndodhi dhe me parlamentin . Si ne vitin 1945 edhe në 2913 qeveria e filloi aktivitetin e sajë parlamentar me terror psikologjik për të përfunduar pas 300 ditësh në terror e dhune fizike ndaj opozitës si ka ndodhur te paktën dy herë me deputetin e PD, Starzimiri . Kryeministri Rama që ne ditën e parë te tij në parlament pasi shantazhi pothuaj çdo institucion të shtetit përfshi edhe parlamentin , deklaroi hapur intensifikimin e dhunës politike kur ju përgjigj me fjalët , “nuk keni parë ende gjë”, reagimit të opozitës ndaj dhunës verbale të tij. Sigurisht qe ky mesazh i thënë publikisht nuk synonte vetëm opozitën por gjithë shqiptareve sidomos atyre qe i konsideronte si kundërshtar të tij . Dhuna e përsëritur fizike e verbale në Kuvend ka bërë që opozita ta braktis atë duke e lënë vendin pa opozitë parlamentare një situatë e ngjashme me atë pas pushkatimit te Grupit të Deputetëve në vitin 1946.

Sistemi gjyqësor ishte i pari pushtet qe komunistët urzupuan në vitin 1945 një fushatë që kishte filluar qe me gjyqet terroriste partizane qe kishin mare deri atëherë mijëra jetë njerëzish. Injorantë te p shkolluar zëvendësuan juristë të shkolluar në universitetet më të mira të perëndimit të cilët u kthyen menjëherë nga gjyqtare e prokurore ne te pandehur që tani gjykoheshin nga terroristë të kthyer në gjykatës . Mijëra ekzekutime e dënime të tjera te rënda u firmosen nga gjykatës e prokurore pa asnjë kulturë juridike ,një pjesë e mirë e te cilëve mezi hidhnin firmat e tyre. Domethënës , jo vetëm për atë kohë , ishte deklarata ne gjyqin special e juristit dhe avokatit te shquar Muzafer Pipa drejtuar kryetarit te gjyqit Koçi Xoxe: Nuk mundesh ti teneqexhi te gjykosh juristet dhe intelektualët me të shquar të vendit” , deklarate qe një vit më vonë do ti kushtonte jetën në mënyrën më mizore Av. Pipës. Sot jemi para të njëjtës situatë . Qeveria Rama ka shpallur kryqëzatën kundër sistemit gjyqësor duke filluar nga kreu i tij Presidenti i Republikës , KLD e deri tek individë të veçantë. Me një stil propagande e demagogjie me bazë terrorin e kërcënimin e drejtpërdrejtë shume te ngeshme me atë të Hoxhës kryeministri po shantazhin hapur një nga pushtet kryesore pavarësi e te cilit është e garantuar me kushtetutë ndërkohë që ka bërë gati edhe ndryshimet kushtetuese që do ti mundësonin kontrollon politik mbi drejtësinë. Presidenti dhe KLD kanë reaguar fort por nuk duket se ky reagim e ka stepur qeverinë përkundrazi e ka acaruar edhe më shumë situatën . Reagimit publik të një anëtari të KLD-së te sulmuar ashpër publikisht nga qeveria dhe media e sajë qeveria ju përgjigj flak për flakë me një padi në prokuroria për “pastrim parsh” vetëm një orë pas reagimit publik të tij .

Qeveria po përdora parlamentin për të marre nen kontroll KLD dhe ka iniciuar një ligj të ri kushtetues për organizimin ne drejtësisë. Këtu vijmë sërish ne situate te ngjashme me atë të vitit 1945 ku teneqexhinjtë gjykonin e vrisnin të diplomuarit e Harvardit , Sorbonës e Kembrixhit ndërkohë që parlamenti i mbushur me kriminele të dalë nga burgjet vrasës me pagese e fshatarë injorante miratonte ligjet me te cilat gjykonin teneqexhinjtë. Me ligjin e ri parlamenti mund te shkarkoje e të emërojë kë e kur të dojë nga anëtarët e KLD duke marrë kështu nën kontroll politik shtyllën kurrizore te shtetit ligjor, drejtësinë. Por jo vetëm kaq . Opozita dhe të tjerë kanë deklaruar që të paktën 19 deputet të qeverisë janë me precedentë penalë domethënë të inkriminuar . Pikërisht kjo kategori deputetësh po ftohet të votojë drejtuesit e drejtësisë KLD , Gjykata e Lartë etje gjë qe e bën edhe më tragjike situatën dhe më të madh alarminpër publikun . Për tu kthjelluar disi bëni pak pyetje vetes : Cilin gjyqtar të ndershëm e profesionist do të votonte një i inkriminuar ?! Me ligjin e ri krejt sistemi gjyqësor është në dore te krimit nëpërmjet përfaqësuesve të tij të përfolur në parlament .

Forcat e Armatosura dhe kontrolli mbi to është një tjetër shenjë paralajmëruese diktature. Me anë të një ligji të ri për ushtrinë qeveria i hoqi Presidentit të Republikës te drejtën e emërimit dhe shkarkimit të drejtuesve të lartë të ushtrisë duke e bërë atë de facto Komandant të Përgjithshëm . Efektet negative të kësaj tendence antikushtetuese të qeverisë u panë muaj më parë ku gjatë një debati për ambasadorin tonë në NATO shefi i Shtabit te Përgjithshëm u rreshtua me kryeministrin Rama kundër Komandantit kushtetues të Përgjithshëm , presidentit Nishani. Nga viti 1945 e deri në vitet 60 kryeministri i asaj kohe Enver Hoxha ishte edhe Komandant i Përgjithshëm dhe rrinte i veshur me uniformë gjenerali . Ajo ishte një qeveri ushtarake dhe legjitimohej nga diktatura ,de jure, e proletariatit . Por me këto që po ndodhin tani me kalimin e komandës së ushtrisë tek kryeministri besoj se vetëm uniforma e gjeneralit i duhet z. Rama për tu njehsuar me Hoxhën . Ai tentoi më parë të vinte nën kontroll edhe shërbimin sekret SHIK , por rezistenca e kreut te tij , opozitës dhe sidomos aleatëve të NATO kjo gjë hë për hë është lënë në heshtje por nuk besoj për një kohë të gjatë.

Ndërkombëtarët si gjithmonë na kuptojnë e reagojnë me vonesë ndaj zhvillimeve në Shqipëri. Ne vitin 1945 ishin aleatët anglo-amerikanë qe financuan dhe mundësuan ardhjen ne pushtet te komunistëve gjë që e kanë pranuar edhe vetë. U deshën vetëm pak muaj që ata te shpalleshin armiqtë me te egër te qeverisë komuniste të Tiranës. Britanikët e pësuan të parët kur ushtria jugosllave me lejen dhe ndihmën e qeverisë shqiptare minoi Kanalin e Korfuzit duke hedhur ne erë disa anie luftarake britanike e vrarë marinarët e tyre . Më vonë edhe amerikanët dhe perëndimoret e tjerë do të trajtoheshin si armiq gjë që vazhdoi deri në vitin 1990. Por edhe pasardhësit “rilindës” nuk duken ndryshe nga te paret e tyre . Në lëvizjen e parë ndërkombëtare z. Rama guxoi te mashtrojë aleatin tone me strategjik ,SHBA, duke mos firmosur një marrëveshje për armët kimike siriane qe ia kishte premtuar e garantuar zyrtareve amerikanë më parë. Sekretari i jashtëm i SHBA-ve z. Kerri reagoi ashpër me shumë se sa ndaj prishjes së marrëveshjes , ndaj mashtrimit të z. Rama duke i kujtuar atij se “kishin ndihmuar të vinte ne pushtet” . Kështu i gjeti anglo-amerikanet me Enver Hoxhën të cilit i dhanë miliona ndihma në para e materiale si dhe përkrahje politike për të ardhur në pushtet dhe ai konsideronte si “rrezikun më të madh për Shqipërinë . Pas mashtrimit për armët kimike siriane amerikanët duket se janë bërë më të vëmendshëm për zhvillimet në Shqipëri . Para disa ditësh sekretari Kerri e radhiti Shqipërinë në krye të listës se vendeve me” demokraci të rrezikuar” që nënkupton qartë rrëshqitje në diktaturë. Disa muaj më parë ai ngriti shqetësimin e “pushtetit të oligarkëve” në Lindjen ish-komuniste duke e vënë sërish dorën në një plagë nga e cila lëngon edhe Shqipëria .

Por pritja vetëm nga ndërkombëtarët edhe sikur të jetë në kohë dhe e plotë nuk është e mjaftueshme për të penguar rrëshqitjen në greminë. Përvoja e viteve 1945 e këtej ,ku shumica e demokratëve shqiptar shpresonin ta përmbysnin komunizmin me ndihmën e aleateve që nuk erdhi kurrë, mjafton për të kuptuar faktin që “i zoti e nxjerr gomarin nga balat” . Besoj se ka shumë nevoje për një reagim të gjerë publik në mënyre të veçantë të mendjehapurve që e kuptojnë rrezikun që po na kërcënon përditë e më shumë . Nuk e di çfarë duhet të ndodhë ende për të kuptuar rrezikun . Mjaftojnë familjet dhe emrat e njëjtë si Koleka , Rama , Bushati , Çuci , Gjermeni ,Ylli, Ziçishti. Çuko etje, drejtues të shtetit e qeverive të 1945-ës dhe të 2014-ës për të zgjuar një shqetësim kombëtar për atë që po ndodh. Shenjë alarmuese është edhe aksioni politik për rehabilitimin e diktatorit dhe diktaturës , portreti i të cilit pas 22 vjetësh u shfaq sërish në ceremonitë zyrtare të qeverisë, një rikthim tjetër në vitin 1945.

Nebil Çika - Ekspres

[JuliusB]

A me mo ? Seriozisht eeee ? Cjan kto budalliqe mor amani ....po ku ka ***** Edi Ramboja t instaloje diktature... Jo Edi Ramboja por kushdo shqiptar tjeter nuk mundet te instaloje diktature ne Shqiperi...
Pastaj c esh ky shkrim kshu ? Sikur e kam shkruar un jo naj gazetar

[Elian70]

partine e krijuan italianet
komunistet i krijuan italianet
mbreterine e krijuan italianet
demokracine e krijuan italianet

p.s. me beni nje nder, mos i ngaterroni vrasesit me komunistet se komuniste te ndershem ka pase plot dhe eshte gabim i rende. njihni njerezit pastaj flisni e komentoni me emra te pervecem e jo pergjithesime...

[loni-loni]

A me mo ? Seriozisht eeee ? Cjan kto budalliqe mor amani ....po ku ka ***** Edi Ramboja t instaloje diktature... Jo Edi Ramboja por kushdo shqiptar tjeter nuk mundet te instaloje diktature ne Shqiperi...
Pastaj c esh ky shkrim kshu ? Sikur e kam shkruar un jo naj gazetar

Edi Rama ka PADRON,,,,,,dhe po perpiqet te instaloje "diktat oligarkesh" ashtu si PUTINI

[Qyfyre]

Nder temat me te bukura te forumit.

[Do Not Tread On]

Shkrimi duhet vleresuar per nga qellimi... Eshte ndalur ne simbolike le te themi, por per te mos perseritur me komunizmin do te duhej te shkohej pertej simbolikes per tu ndalur tek filozofia qe qendron pas ketyre gjesteve dhe akteve... Qe eshte filozofia e shtrirjes se ndikimit te shtetit gjithnje e me shume ne aktivitetin privat apo publik te njerezve.