Lajme te ndryshme nga bota Islame.

[Mexhid Yvejsi]

Forumi Kur’anor u zvillua në Irak

Një Forum Kur'anor me titull ”Këndimi i Kur'ani në Praninë e Juristëve dhe Ekspertëve të Texhvidit” u mbajt më 29 nëntor 2014 në qytetin e shenjtë të Naxhafit, Irak.
Sipas faqes të internetit të Xhamisë së Imam Aliut, në Naxhaf, programi u organizua nga Dega Kur’anore e Qendrës Dar-ul-Kur’an që ka lidhmëri me Xhaminë e Imam Aliut.
I kryesuar nga Shejh Ahmed Jasim Al-Naxhafi, kënduesi i Kur'anit dhe Myezin i Xhamisë së Shenjtë, forumi u ndoq nga Rafi 'el-'Ameri, mjeshtër irakian i Kur'anit dhe Ahmad Al-Rahimi, studiues, hulumtues i Kur’anit.
Një numër i përfaqësuesve të qendrave Kur'anore dhe instituteve në qytetin e shenjtë të Naxhafit dhe një delegacion nga Institutit Kur’anor i Bagdadit, gjithashtu, morën pjesë në këtë program.
Muhammed Fahruddin, kryetar i forumit dhe udhëheqësi i seksionit Kur'anor, tha se programi ishte pjesë e aktiviteteve Kur'anore të seksionit të mbajtur me qëllim të promovimit të një qasje shkencore në përhapjen e kulturës Kur'anore.
Një lidhje e ngushtë ndërmjet fushave të Jurisprudencës dhe Texhvidit është hetuar në forum.
Duke iu drejtuar programit, Rafi el-'Ameri tha se dijetarët musliman ishin të përfshirë thellë në shkencat Kur'anore dhe disa prej tyre kanë shkruar temat e tyre rreth Texhvidit.
Texhvidi është njohuria dhe aplikimi i rregullave mbi shqiptimin gjatë këndimit të Kur'anit kështu që leximi, këndimi i Kur'anit është i njëjtë sikur ka kënduar Pejgamberi, Muhammedi (a.s.).

Burimi: IQNA News
Përktheu nga anglishtja:
Mexhid Yvejsi, Gjakovë

================================================== ====

[Mexhid Yvejsi]

Ambasadori kuban: Xhamia do të ndërtohet

Ambasadori në Kubë ka thënë se një xhami do të ndërtohet në Havanë.

Duke iu përgjigjur komenteve të presidentit Erdogan lidhur me një xhami që do të ndërtohet në Kubë, Ambasadori i Kubës, Albertao Gonzales Casals, deklaroi se ata mendojnë se ndërtimi i një xhamie për muslimanët që jetojnë në këtë vend është një e drejtë që ata të kenë një xhami. Gjatë transmetimit të drejtpërdrejtë në kanalin NTV-së, Gonzales Casals u përgjigj pyetjeve të Can Ertuna-së duke thënë se popullsia e Kubës prej 11-të milion banorë ka 5.000 muslimanë.
Duke deklaruar se ai nuk ka dashur të hyjë në një debat historik, ambasadori tha se kjo çështje ishte ngritur më parë. Dy vjet më parë, "Muslimanët në Kubë kishin paraqitur një kërkesë për një xhami. Ne jemi një vend laik. Ne i konsiderojmë kërkesat e feve të ndryshme. Muslimanët kanë të drejtë për një xhami. Qeveria turke do të ndihmojë, Ministria për Çështjeve Fetare, gjithashtu, do të ndihmojë për ndërtimin e xhamisë. Çfarë është e rëndësishme është kërkesa e njerëzve që jetojnë në Havanë dhe ne e kemi konsideruar këtë për mjaft kohë. Kjo xhami do të ndërtohet ".
Kryetari Erdogan tha në fjalimin e tij në Samitin e Parë të Udhëheqësve Fetarë Muslimanë të Amerikës Latine se Amerika ishte zbuluar para vitit 1492. Ai ka thënë se " 314 vjet para Kolombos, detarët muslimanë lundruan dhe kishin arritur kontinentin amerikan në vitin 1178. Në kujtimet e Kristofor Kolombos , aty është përmendur një xhami në majë të një kodre. Ne flasim për këtë me vëllezërit e mi kubanë. Dhe një xhami do të përshtatet në maje të kodrës “shumë bukur ".

Burimi: World Bulletin
Përktheu nga anglishtja:
Mexhid Yvejsi, Gjakovë

================================================== ====

[Mexhid Yvejsi]

Botohet një përkthim i ri i Kur’anit në gjuhën azere

Një përkthim i ri i Kur'anit të Shenjtë në gjuhën azere, përkthye nga nga Resul Ismailzadeh, është botuar nga Instituti Terxhumani Vahi.
Departamenti i Studimeve Kur'anore ka bashkëpunuar me Institutin e Prkthimeve në botimin e përkthimit, i cili u botua në alfabetin Çirilik, Arab dhe Latin.
Përkthimi është përshkruar si një veprimtari akademike, bazuar në studimet Kur'anore dhe është shkruar në një gjuhë të rrjedhshme.
Përkthyesi ka studiuar jurisprudencën, Sheriatin, ligjin dhe turkologjinë. Ai është një ekspert në letërsinë dhe poezinë turke dhe bashkëpunon me Organizatën Islamike për Kulturë dhe Marrëdhënie, pranohet si një ekspert në çështjet kulturore të Lindjesë së Mesme dhe Kaukaz.
Ai ka shkruar më shumë se 50 artikuj rreth letërsisë, elegjive të Azerbajxhanit, gjuhësisë turke, kritika rreth përkthimeve të Kur’anit në gjuhën turke dhe kritika të përkthimeve në gjuhën perse të Nehxh –ul Belaga-s.
Edicioni i "Divan"-it nga Shah Ismail Safavi, "Divani Hikmet" nga Hoxha Ahmed Jesevi dhe "Divani" nga Sejjid 'Imaduddin Nasimi dhe një rishikim të veprës ” Akaid -ul Islam" nga Mukaddas Ardabili janë disa nga veprat e tij.

Burimi: IQNA News
Përktheu nga anglishtja:
Mexhid Yvejsi, Gjakovë
================================================== ====