Lajme te ndryshme nga bota Islame.

[Mexhid Yvejsi]

Gruaja pakistaneze që bëri histori në kaligrafi të Kur'anit

Një grua pakistaneze ka bërë histori duke shkruar Kur’anin, Librin e Shenjtë, me duart e saj me një kaligrafi të bukur për të dërguar një mesazh të paqes, një mesazh shpirtëror, si përgjigje për rritjen e nivelit të islamofobisë dhe racizmit.
Farhanda Pervaiz, e cila është me prejardhje nga Pakistani, jeton në Londër që nga viti 1992. Ajo vendosi për të shkruar Kur’anin Fisnik me dorën e saj për të kënaq veten shpirtërisht dhe për të marrë një lidhje më të ngushtë dhe më të ndjeshme me Librin e Shenjtë, si dhe me Krijuesin.
Ishte një kthesë trishtuese në jetën e saj kur burri i saj vdiq më shumë se 15 vjet më parë dhe la një zbrazëtirë në jetën e saj. Ajo u la e vetme e kështu duhej të merrej me shumë çështje, duke përfshirë rritjen e tre fëmijëve të vegjël pa asnjë ndihmë. Në kohën e trazirave, shqetësimeve, ajo gjeti ngushëllim në Kur’an, në Librin e Shenjtë dhe vendosi që në kohën e lirë të shkruaj Kur’anin me duart e veta me qëllim për të krijuar një marrëdhënie më të thellë me Librin e Shenjtë.
Farhanda Pervaiz është një myslimane praktikuese dhe puna e saj sfidon stereotipin e gruas muslimane si e portretizojnë në media në përgjithësi, kurse në veçanti ajo është një shembull për gratë muslimane në të gjithë botën. Një grua pakistanez e cila përballojë shumë sfida në rrugën e saj, ajo është një frymëzim për të gjitha gratë muslimane që ballafaqohen me vështirësi për t'u marrë me presionet shoqërore.
Dy bijtë e saj jetojnë dhe punojnë në Londër dhe e kanë ndihmuar nënën e tyre në përfundimin e punës së saj.
" Puna e nisur për të shkruar Kur’anin e Shenjtë më mori afër 15 vjet deri tek përfundimi i shkrimit të Kur’anit. Ky ishte një projekt që e kam dashur me zemër, me shpirt. Ishte diçka mes meje dhe Allahut tim. Kjo ishte dëshira ime për të shkruar Kur’anin e Shenjtë, por unë do të doja të them se kjo është tërësisht një bekim nga Allahu i Plotfuqishëm, "tha ajo në një intervistë për agjencinë The News.
Ajo tha se gjatë gjithë këtyre vitetev nuk është përballuar me ndonjë problem.
"Kjo ishte koha ime e qetë, shpirtërisht e gëzuar shumë gjatë kësaj periudhe. Jam ballafaquar me shumë probleme kur burri im vdiq, por të gjitha problemet e mia janë zgjidhur kur unë u ktheva tek Kur’ani, Librit i Shenjtë. All-llahu është ndihmëtari më i miri prej të gjithë ndihmëtarëve dhe lidhja me Kur’anin e Shenjtë na mundëson që ne mund t’i zgjidhim problemet tona në mënyrën më të mirë të mundshme.
Kur’ani i Shenjtë i shkruar me dorë peshon mbi 20 kilogramë dhe është stolisur me ngjyrna të bukura. Të gjitha faqet janë të mbrojtura me një mbulesë transparente. Farhanda Pervaiz e ka vendosur Kur’anin me një dhomë të vogël, të veçantë ku Libri i Shenjtë qëndron më i mbrojtur.
Tani ajo dëshiron të dërgojë Librin e Shenjtë në Medine, në Arabinë Saudite. "Kjo është dëshira ime dhe kërkesa ime për Allahun e Plotfuqishëm që të më ndihmojë për të dërguar atë në Arabinë Saudite. Unë do të ndjehem shumë e lehtësuar pasi Kur’ani të merret atje. "
Ajo thotë se çdo njeri duhet t’i binden ligjit të Krijuesit të tyre, Allahut të Plotfuqishëm dhe të gjithë të dërguarëve, lajmëtarëve të Tij, të cilët kishin ardhur me ligjet e vërteta, për njerëzimin, për paqen dhe harmoninë në këtë botë.
Pasioni i saj për të shkruar Kur’anin, Librin e Shenjt, u nxitë nga portretizimi jashtëzakonisht negativ i muslimanëve në mediat dhe shoqërinë perëndimore, sidomos pas karikaturave blasfemuese dhe artikujve negativ të publikuar rreth Pejgamberit të Fundit, Muhammedit (a.s.). Por në vend që të bëhet negative apo të kthehet në pesimizëm, ajo niset në një udhëtim shpirtëror.
"Kudo në këtë botë ka një portretizim negativ të myslimanëve, sepse myslimanët janë larguar nga Mësimet e Zotit dhe nga Kur’ani i Shenjtë. Ky është faji jonë. Ne nuk mund të fajësojmë të tjerët për të metat tona. “

Burimi: The News
Përktheu nga anglishtja:
Mexhid Yvejsi, Gjakovë

[Kachurreli]

LIVE para namazit te jacise Moter Mardalena pranon Islamin ne Xhamine "Dine Hoxha". TIRANË ku ne kete xhami eshte imam hoxhe Ahmed Kalaja , Allahu e ruajt!

[Mexhid Yvejsi]

Hindusët agjërojnë Ramazanin

Për shumicën e komunitetin hindu në Indi, Ramazani është i lidhur me ushqimet e shijshme që ata i shijojnë me miqtë e tyre muslimanë.
Çdo vit, myslimanët e Indisë si të fillojnë përgatitjet për agjërimin e Ramazanit, shumë hindusë për të respektuar muajin e agjërimit, Ramazanin, ndajnë këto përgatitje dhe marrin pjesë në agjërim gjatë muajit të shenjtë jo vetëm për myslimanët, por edhe për shumë hindusë.
"Unë kam agjëruar muajin e Ramazanit për gjatë 14 vitet e fundit. Agjërimi më jep forcë të brendshme, "tha për OnIslam.net, Sunil Shrivastava nga qyteti Vidisha në Indinë qendrore.
"Unë kam qenë i frymëzuar nga ana e përkushtimin të njërit prej miqëve të mi muslimanë, i cili është një mysliman i devotshëm. Unë mendova se është mirë ta respektojë mikun tim të paktën duke agjëruar një ditë në shenjë solidariteti me shokun tim. Por pas agjërimit të një ditë, u ndjeva aq mirë që unë fillova të agjërojë rregullisht gjatë tërë muajit të shenjtë. "
Ai më tej tha se familja e tij nuk është kundër vendimit të tij dhe ata e përkrahin atë.
Për Mehul Kumar, banor i rrethit Raisen në shtetin qendror indian të Madhya Pradesh, Ramazani është diçka që i mësoi atij disiplinën.
Ai filloi me agjëruar para nëntë viteve, kur atë e kishte këshilluar një hoxhë, imam, duke i thënë: Nëse dëshiron me qenë i shëndetshëm – agjëroni.
"I kam agjëruar disa ditë gjatë Ramazanit për herë të parë dhe në vend që të ndihem i uritur dhe i lodhur, unë gjeta forcën time të brendshme. Dhe pastaj agjërimi im u bë i rregullt për mua, "tha ai për OnIslam.net.
”Për tri vitet e fundit, unë kam agjëruar tërë Ramazanin.”
Edhe djali i tij, i cili është 17 vjeçar, ka filluar agjërimin e muajit të shenjtë Ramazan.
Në muajin Ramazan, muslimanët e rritur abstenojnë nga ushqimi, pija, duhani dhe marrëdhëniet seksuale, nga agimi i diellit dhe deri në perëndim të diellit.
Të sëmurët dhe ata që udhëtojnë janë të liruar nga agjërimi, gjatë këtyre ditëve, veçanërisht nëse ai paraqet rreziqe shëndetësore.
Në muajin Ramazan, muslimanët i përkushtojnë më shumë kohë Allahut përmes lutjeve, sabrit apo durimit, vetëpërmbajtjes, veprave të mira apo bamirësisë ndaj të varfërve.
Këtë vit më shumë se 150 të burgosur hindu në burgun Tihar të Delhit kanë agjëruar së bashku me të burgosurit muslimanë.
Të burgosurit indianë vendosën që të agjërojnë tërë muajin e shenjtë, prej ditës së parë të Ramazanit dhe deri në ditën e Bajramit.
Për shumicën e komunitetit hindu në Indi, Ramazani është i lidhur me ushqimet e shijshme që ata shijojnë me miqtë e tyre muslimanë.
Gjatë viteve të fundit, numri i hindusëve që agjërojnë bashkë me muslimanët është rritur.
Ka shumë hindusë, të cilët agjërojnë vetëm ditëve të xhuma, gjatë Ramazanit, dhe ky numër po rritet vazhdimisht.
"Unë mendoj se është koha që të ushtrojmë vetëpërmbajtjen," tha Anil Tiuvari, i cili ka agjëruar gjatë 11 viteve të fundit për disa ditë gjatë të Ramazanit së bashku me gruan e tij Anitën.
"Gjatë këtij muaji, ne e kuptojmë rëndësinë e ushqimit dhe të mendojnë për njerëzit e varfër të cilët shpesh s’kanë as ushqim," shtoi Tiuvari.
Për më tepër, iftare të veçantë janë organizuar çdo vit nga hindusët për muslimanët gjatë muajit Ramazan, ku kanë marrë pjesë organizata të ndryshme, shoqata dhe individë pjesë çdo vit.
"Ne duam, gjithashtu, të bëhemi një pjesë e muajit të gjatë Ramazanit. Kjo është arsyeja pse ne të organizojnë Iftarët. Në këto iftare ftohen jo vetëm VIP-at, por edhe njerëzit e thjeshtë, "tha Surendra Nath Singh, një politikan lokal në Bhopal, kryeqyteti i shtetit Madhya Pradesh.
Gjatë kohës së zgjedhjeve, partitë politike dhe politikanët shtrojnë Iftarë sa munden vetëm për të fituar përkrahjen dhe votat e komunitetit musliman.
Disa vjet më parë, mbrapa, Organi më i lartë Islam, Darul Ulum Deoband lëshoi një feta, vendim apo dekret kundër këtyre iftarëve politikë dhe i cilësoi ato iftare anti-islame. Ata kërkuan që muslimanët të mos marrë pjesë në to.
Në vitet e fundit, iftari është bërë një çështje e madhe dhe për shumë hindusë, Ramazani është bërë pjesë e kalendarit të tyre vjetor.
Përgatitja e iftarëve në xhami është bërë, gjithashtu, shumë e zakonshme në mesin e muslimanëve të Indisë.
Në shumë vende edhe hindusët e pasur organizojn iftar për myslimanët dhe dërgojnë iftare edhe nëpër të xhami të ndryshme.
"Për ne kjo është një traditë dhe vazhduar për vite me rradhë. Babai ka dërguar artikuj ushqimorë në xhami gjatë muajit të Ramazanit, "thotë Akshat Xhain, familja e të cilit ka dërguar iftar në xhami për shumë vite.
”Tani ne jemi duke vazhduar këtë traditë, ne, ata që agjërojnë, kemi rastin t’i gëzojmë.”

Burimi: OnIslam
Përktheu nga anglishtja:
Mexhid Yvejsi, Gjakovë

================================================== ====

[Mexhid Yvejsi]

Gaza me pikëllim e pret Bajramin e Dëshmorëve

Me qindra të vdekur dhe mijëra të pastrehë kanë shkatërruar çdo shansë për të shijuar Bajramin.
Gaza -Në mes të bombave, gjakut dhe vdekjeve, banorët e Gazës në dhjetë ditët e fundit të muajit të shenjtë të Ramazanit janë lutur brenda një kishe të krishterë, në pritje të Bajramit për dëshmorë.
"Ata na lejuan të lutemi. Kjo ka ndryshuar pikëpamjen time ndaj të krishterëve – Unë vërtet nuk kam njohur ndonjë prej tyre më parë, por ata u bënë vëllezërit tanë, tha një banor i Gazës, Mahmud Khalaf, 27 vjeçar, i cili e pranoi se ai kurrë nuk kishte pritur që t’i kryente lutjet, namazet e tij në një kishë, kështu tha për Agjencinë France Presse (AFP), të shtunën, më 26 korrik 2014.
"Ne (muslimanët) u lutëm të gjithë së bashku, (me të krishterët) mbrëmë, " tha ai. "Këtu, dashuria midis myslimanëve dhe të krishterëve është rritur."
Ashtu si qindra e muslimanëve të Gazës, Mahmud Khalaf gjeti një strehë të sigurt në oborrin e Kishës Shën Porphyrius, në qytetin e Gazës.
"Duke ecur në oborrin e Kishës Shën Porphyrius në qytetin e Gazës, vizitorët përshëndeten me një ” marhaba”, kurse nga ndihmëtarët e krishterë, me një përshëndetje të plotë Islamike me “es-selamun alejkum (Paqa qoftë mbi ju "nga shumica e banorëve aktualë - banorë të zhvendosur të Gazës që janë strehuar për gati dy javë.
Mahmud Khalaf, i cili u largua nga shtëpia e tij në Shaaf, pasi zona u bë një shënjestër për avionëve luftarakë izraelitë, ka gjetur një vend të shenjtë së bashku rreth 500 muslimanë të tjerë të zhvendosur.
"Të krishterët na morën brenda. Ne i falënderojmë ata për këtë, për të qëndruar në anën tonë, për të na ndihmuar, " tha ai.
"Të krishterët, sigurisht, nuk agjërojnë Ramazanin, por ata janë duke u shmangur qëllimisht nga ushqimi para nesh gjatë ditës. Ata nuk pinë as duhan apo pije para nesh, "thotë Mahmud.
Megjithatë, vdekjet e përditshme nga bombardimet izraelite e kanë bërë të vështirë që të përqendrohen në devotshmërisë fetare gjatë konfliktit të përgjakshme dhe pa dallim që kanë vrarë më shumë se 900 palestinezë, shumica e tyre civilë.
"Unë jam mysliman, por unë kam pirë duhan gjatë Ramazanit. Unë nuk kam agjëruar - Unë jam shumë i frikësuar dhe i tensionuar nga lufta. "

Bajrami i Dëshmorëve

Pritet që dita e dielë të jetë dita e fundit e muajit të shenjtë të Ramazanit, bombardimet e vazhdueshme, qindra të vdekur dhe mijëra të pastrehë kanë shkatërruar çdo shansë për të shijuar Bajramin.
"Të krishterët dhe myslimanët mund të festojmë Bajramin së bashku këtu, "tha Sabrina al-Ziyara, një grua muslimane e cila ka punuar në kishë për 10 vjet si pastruese.
Por, këtë vit nuk është festa e Fitër Bajramit – por kjo është Festa apo Bajrami i Dëshmorëve," tha ajo, duke iu referuar me respekt ndaj të vdekurve.
Të krishterët e Gazës janë rreth 1.500 banorë, nga një popullsi kryesisht myslimane sunni prej 1.7 milion banorëve.
Komuniteti i krishterë është pakësuar për shkak të konfliktit dhe të papunësisë.
Por përvoja e përbashkët e rënies nën pushtim ka nxitur ndjenjën e vëllazërisë në mesin e besimeve të Gazës.
"Jezusi tha: duaje të afërmin tënd, jo vetëm familjen tënde, por edhe kolegët, shokët e klasës, qofshin ata musliman, hindus, hebre," tha në vullnetar i krishterë, me emrin Tavfik Khader.
"Ne kemi hapur dyert tona për të gjithë njerëzit."
Izraeli ka filluar pamëshirshëm me sulme ajrore kundër Gazës që prej datës 8 Korrik 2014, ku me qindra janë vrarë dhe të plagosur.
Forcat okupuese të Izraelit filluan një pushtim tokësor në Gazën e rrethuar, më 17 Korrik 2014, ku jetojnë afër dy milionë banorë.
Numri palestinezëve të vdekur nga ofensiva izraelite në Rripin e Gazës u rrit në mbi 985 të vrarë, me mijëra të tjerë të plagosur.
Sipas agjencisë së OKB-së për ndihmë për palestinezët (UNRWA), shkalla e madhe e shkatërrimit në masë në Gaza ka lënë rreth 1.255 shtëpi të dëmtuara rëndë, duke detyruar dhjetëra mijëra të largohen nga shtëpitë e tyre që janë shkatërruar nga sulmet ajrore izraelite.
`Bajrami i Madh është një nga dy festat kryesore fetare islame së bashku me Bajramin e Vogël apo Kurban Bajrami.

Burimi: OnIslam & News Agencies
Përktheu nga anglishtja:
Mexhid Yvejsi, Gjakovë

[Mexhid Yvejsi]

Shpërndahet përkthimi holandisht i Kur’anit në Holandë

Një institut islamik në Holandë ka filluar shpërndarjen falas të kopjeve të përkthimit holandisht të Kur'anit të Shenjtë.
Instituti el-Sunneti është e realizuesi i planit të shpërndarjes, në bashkëpunim me Grupin Islamik el-Jekin, raporton faqja: Sadi al-Balad website.
Plani është duke u zhvilluar me rastin e muajit të shenjtë të Ramazanit me qëllim të ofrimit të përkthimeve holandisht të Kur’anit për ata musliman në Holandë të cilët nuk e njohin gjuhën arabe.
Përkthimi i Kur’anit në holandisht ofron një mundësi për myslimanët në Holandë që të njihen më mirë me mësimet e Librit të Shenjtë në Ramazan.
Jo-Muslimanët të cilët janë të interesuar të dinë më shumë për Islamin dhe mesazhet e Librit të tij të Shenjtë, gjithashtu, mund të përfitojnë nga shpërndarja e kopjeve falas.
Holanda, sipas përqindjes së popullsisë, ka disa prej bashkësive më të mëdha myslimane në Bashkimin Evropian.
Në këtë shtet, pra në Holandë, jetojnë afër një milion myslimanë, që përfaqësojnë afërsisht gjashtë për qind të popullsisë. Muslimanët janë të përqendruar në zona të mëdha urbane, veçanërisht në katër qytetet më të mëdha siç janë Amsterdami, Rotterdami, Haga dhe Ulrecht.

Burimi: IQNA /News
Përktheu nga anglishtja:
Mexhid Yvejsi, Gjakovë
================================================== ====

[Mexhid Yvejsi]

Përkthimi i Kur'ani në kinezisht

Deri më tani janë publikuar 12 përkthime të Kur'anit të Shenjtë në gjuhën kineze.
Ka edhe dy dy përkthime të Librit të Shenjtë të publikuara në Kinë, një është në gjuhën ujgure dhe tjetri në gjuhën kazake.
Kur'ani, në origjinal, në gjuhën arabe, është botuar për herë të parë në Kinë në vitin 1862.
Më vonë, gjatë viteve të fundit të sundimit të Dinastisë Ming, përkthimi i Kur'anit në gjuhën kineze ka filluar të përkthehet pjesërisht, por askush nuk e mori përsipër të përkthej gjithë Kur’anin e Shenjtë në kinezisht. Pse? Sepse, atëherë besohej se Kur'ani nuk duhet të përkthehet në gjuhë të tjera, sepse gjuha arabe është gjuha e Islamit dhe, për këtë arsye, të gjithë myslimanët duhet të mësojnë atë në gjuhën arabe.
Të tjerë, megjithatë, kanë thënë se është mirë të përkthehet Kur'ani, sepse Kur’ani tashmë është përkthyer në shumë gjuhë nga myslimanët që nuk janë arabë, që nuk e njohin gjuhën arabe.
Përkthimi i parë i Kur’anit të shenjtë në gjuhën kineze është përfunduar dhe botuar në vitin 1930.
Edhe pse myslimanët janë përqendruar në Kinën perëndimore, Islami praktikohet në të gjithë Kinën.
Janë dhjetë grupet etnike në Kinë që janë muslimanë, duke përfshirë ujgurët, salarët, kazakët, tatarët, taxhikët dhe Uzbekët, të gjithë i përkasin fesë Islame.
Feja Islame ka filluar të përhapet në Kinë që në shekullin e VIII-të përmes tregtisë me vendet muslimane.

Burimi: IQNA
Përkhteu nga anglishtja:
Mexhid Yvejsi, Gjakovë

[Mexhid Yvejsi]

Policia izraelite sulmoi xhaminë al-Aksa në Jerusalem

Policia izraelite sulmoi kompleksin e xhamisë al-Aksa në Jerusalem, më 4 gusht 2014, duke gjuajtur granata tymuese dhe plumba gome kundër besimtarëve, namazlive, brenda xhamisë së shenjtë.
”Dhjetëra policë izraelitë sulmuan kompleksin e Xhamisë al-Aksa, sulmuan përmes hyrjes Maghatbeh dhe i sulmuan besimtarët brenda kompleksit të Xhamisë al-Kebali,” i tha një roje palestinez Agjencisë Anadolu në kushte anonimiteti për shkak se ai nuk është i autorizuar të flasë për media.
"Policia izraelite ka gjuajtur granata tymuese dhe plumba gome në një përpjekje për të detyruar besimtarët të dalin jashtë," tha ai, duke shtuar se besimtarët-namazli janë përgjigjur duke hedhur këpucët dhe gurë në policët izraelitë.
Sipas rojeve, për të plagosur ende nuk është raportuar.
Ai shtoi se sulmi erdhi si shkak për të hapur rrugën për kolonët çifutë që të parakalonin për të shkuar në vendin e shenjtë hebre në përvjetorin e të ashtuquajturit 'Shkatërrimit i Tempullit, i cili i bie ditën e martë.
Tensioni vazhdon të jetë i lartë në Bregun e pushtuar Perëndimor për shkak të sulmeve shkatërruese të Izraelit kundër Rripit të Gazës.
Operacioni ushtarak izraelit në Gaza ka lënë të vrarë paktën 1.821 palestinezë - kryesisht civilë dhe 9.420 të plagosur.
Xhamia Al-Aksa është Kibla (Drejtimi ) i parë në namaz për myslimanët dhe për nga rëndësija është Xhamia e tretë e shenjtë pas Qabesë në Mekke dhe Xhamisë së Muhammedit (a.s.) në Medine, në Arabinë Saudite.
Rëndësia e saj është përforcuar në Natën e Isra’as dhe Miraxhit, udhëtimi Muhammedit (a.s.) . nga Meka në Al-Kuds (Jerusalem).
Izraeli e ka pushtuar qytetin e shenjtë të Jerusalemit dhe Bregun Perëndimor në luftën e vitit 1967 dhe më vonë e ka aneksuar atë, por kjo nuk është njohur nga Bashkësia Ndërkombëtare apo nga Organizata e Kombeve të Bashkuara.
Që atëherë, Izraeli ka miratuar një sërë masash shtypëse për të detyruar palestinezët të largohen prej qytetit, duke përfshirë edhe shkatërrimin sistematik të shtëpive të tyre dhe ndërtimin e vendbanimeve të kolonistëve izraelit.

Burimi: On Islam
Përktheu nga anglishtja:
Mexhid Yvejsi, Gjakovë
================================================== ====

[angmokio]

Kjo eshte nje ngjarje e rende qe meriton vemendjen e gjithe muslimaneve ne mbare boten. Xhamia Al-Aksa eshte faltorja e 3-te e shenjte e muslimaneve pas Qabes dhe xhamise se profetit ne Medine.

[Mexhid Yvejsi]

Myftiu i Arabisë Saudite kundër protestave për Gazën

Ndërsa regjimi sionist vazhdon krimet e tij në Rripin e Gazës me dritën e jeshile të perëndimorëve dhe të disa vendeve arabe, Myftiu i Arabisë Saudite i ka përshkruar protestat, demonstratat në përkrahje të Gazës si akte apo vepra rebele.
Myftiu, Abdel Aziz Shejh tha, gjithashtu, se protestat e mbajtura në shenjë solidariteti me palestinezët janë të padobishme.
Kjo vjen në kohën kur ndërsa njerëzit në të gjithë botën janë duke dalur nëpër rrugë për të denoncuar krimet e regjimit sionist në Gaza.
Të premten, mijëra aktivistë të paqes mbajtën një demonstratë në qytetin e Nju Jorkut për të protestuar kundër krimeve të Izraelit në Gaza dhe kundër paraqitjes, mbulimit, të njëanshëm të lajmeve, informacioneve që ata marrin në mediat amerikane.
Demonstrata janë mbajtur edhe në Greqi, Francë, Venezuela, Malajzi dhe disa vende të tjera.
Të shtunën, mijëra njerëz u mblodhën përpara Shtëpisë së Bardhë për të protestuar kundër përkrahjes të palëkundur të Shteteve të Bashkuara të Amerikës për Izraelin ndërsa regjimi sionist vazhdon me fushatën e saj të përgjakshme ushtarake në Rripin e Gazës.
Më shumë se 1.700 palestinezë janë vrarë, duke përfshirë gratë dhe fëmijët, dhe mijëra të tjerë u plagosën nga sulmet ajrore dhe tokësore të Izraelit kundër Gazës.

================================================== ====

[Mexhid Yvejsi]

41 Xhami të shkatërruara në Gaza

Ministria e Çështjeve Fetare e qeverisë së Hamasit tha se më shumë se 40 xhami janë shkatërruar plotësisht gjatë sulmeve të regjimit Sionist kundër Rripit të Gazës.
Deklarata e Ministrisë shtoi se disa nga 120 xhamitë në enklavën bregdetare janë dëmtuar pjesërisht nga sulmet izraelit, raportoi rrjeti lajmeve Al-Manar.
Ai tha se aeroplanët luftarakë të regjimit sionist kanë sulmuar qëllimisht besimtarët, dhuruesit në xhami disa herë.
Izraeli po e bombardon Rripin e Gazës me sulme të vazhdueshme ushtarake që nga data 8 korrik 2014.
Sulmet e vazhdueshme nga qielli, nga deti dhe nga toka të Izraelit deri më tani kanë vrarë të paktën 1.712 banorë dhe kanë plagosur mbi 9.080 të tjerë, sipas burimeve palestineze.

Burimi: iqna.ir/fa/News