Taksë e re për bizneset, Rama rikthen TVSH për makineritë
Biznesi kundërshton ashpër vendimin e marrë nga qeveria për rikthimin e TVSH-së së makinerive. Që financat publike janë në një kaos total, kjo tashmë është bërë e ditur. Qeveria po vë në jetë dhe një pikë tjetër të marrëveshjes me FMN-në, siç është vendosja e TVSH-së makinerive, e cila u hoq nga qeverisja e djathtë kohë më parë. Heqja e kësaj takse u cilësua nga Kryeministri i asaj kohe, Sali Berisha, si një masë që synon të nxisë ekonominë, edhe pse dëmi që i shkaktohet buxhetit të shtetit ishte 120 milionë dollarë. Të gjitha këto janë përballuar nga buxheti i qeverisë, por çfarë po ndodh tani? E gjendur në një kaos total të menaxhimit të financave publike, por edhe e rrethuar nga presioni i FMN-së, qeverisë i duhen të ardhura për buxhetin e shtetit. I duhen të ardhura për të mbushur arkën e shtetit, edhe pse këto të ardhura tashmë duhen siguruar që me paketën e re fiskale nga janari i këtij viti.
Drejt zbatimit një taksë e re për biznesin, TVSH-ja e makinerive
Paketa fiskale jo vetëm që nuk ka rezultuar e suksesshme, por nuk ka dhënë qoftë as pritshmëritë pozitive më të vogla në këtë drejtim. E ndërsa xhepi i qytetarëve dhe i bizneseve po rëndohet çdo ditë e më shumë, me kodin e ri doganor, qeveria i bën biznesit një tjetër dhuratë, futjen në lojë të TVSH-së së makinerive. E cilësuar si një ndër taksat e arta për arkën e shtetit, qeveria pretendon kësaj here që pa marrë parasysh kërkesën e biznesit të realizojë objektivat dhe kushtet e vendosura nga FMN-ja. Sapo lajmi është bërë i ditur, i menjëhershëm ka qenë edhe reagimi i biznesit, i cili e ka kundërshtuar taksimin e makinerive. Por vlen të theksohet këtu, se edhe deputetë të mazhorancës kanë kërkuar të shtyhet në kohë vendosja e TVSH-së për makineritë, pajisjet dhe lëndën e parë nga importi që përdoret për investime në infrastrukturë dhe energjetikë dhe kjo për vetë situatën, në të cilën ndodhet aktualisht biznesi jonë.
FMN dhe qeveria, “OK” TVSH-së
E cilësuar si një ndër masat më të mirëpritura, siç ishte ajo e kësaj takse për biznesin, që u ndërmor vitin e kaluar nga ana e qeverisë Berisha, FMN dhe ministri i ri i Financave nuk e patën për gjë ta sakrifikojnë këtë. Por duket se, presioni ka bërë punën e vet.
Ndryshimet në projektligjin e TVSH, janë prezantuar një ditë më parë nga ministri i Financave, Shkëlqim Cani, në Komisionin parlamentar për Ekonominë dhe Financat. Deri tani, Administrata Tatimore dhe biznesi operonin me një kuadër ligjor të hartuar para 20 viteve, në kushtet kur tregu dhe ekonomia kishin evoluar, ndërsa interpretimi dhe zbatimi në praktikë po krijonte gjoja gjithnjë e më shumë terren për abuzime dhe klimë frenuese për investitorët. “Ligji është bërë nga e para, ka ndryshuar i gjithi. Është hartuar me mbështetjen e Bashkimit Evropian në bashkëpunim me Drejtorinë e Përgjithshme të Financave Publike të Francës. Gjithashtu, është punuar dhe janë konsultuar gjerësisht me Direktivat e Bashkimit Evropian. Me biznesin është diskutuar gjatë, pasi edhe kuadri është teknik. Ndaj për këtë ‘produkt’ që po prezantojmë sot, kemi marrë nga shoqatat e biznesit vlerësime. Jemi konsultuar ngushtë edhe me strukturat e posaçme të Fondit Monetar”, u shpreh kështu ministri Cani, në një kohë kur komuniteti i biznesit deklaron tërësisht të kundërtën. Sipas biznesit, jo vetëm që nuk është marrë mendimi i tyre, por janë tërësisht të surprizuar me futjen në zbatim të kësaj takse, kur vetëm një vit më parë Kryeministri aktual, kryetari i opozitës e cilësoi vendimin e ish-Kryeministrit Berisha si një kopje e pastër e programit elektoral të Partisë Socialiste.
Aplikimi i taksave në vesh të shurdhër
Vendosja e një takse të re, ndryshe nga ajo e taksës së sheshtë siç edhe pretendohet prej kreut Rama, po e çojnë vendin drejt një rreziku të madh, pasojat e të cilit do të ndjehen që në vitin e parë të qeverisjes. Ndaj dhe Kryeministri i ri, Edi Rama duhet t’u kushtojë rëndësi porosive të lëna në unison nga ekspertët e huaj, të cilët këshilluan kundër aplikimit të taksës progresive, si dhe theksuan se, deri tani qeveria shqiptare ka mundur të shmangë me sukses recensionin, që përfshiu një pjesë të madhe të vendeve të Evropës dhe botës.
Ekspertët e huaj janë shprehur vazhdimisht për një kujdes për taksat.
Këshilla për të rritur ekonominë dhe jo taksat, ka rënë në vesh të shurdhër të atyre që tashmë kanë bërë publik edhe projektin qeverisës për 4 vitet e ardhshme.
Entela VRAPI (RilindjaDemokratike)
Përgjigju Duke Cituar
Postuar më parë nga CRO
Krijoni Kontakt