Ekipet Shqiptare ne Kupat e Europes

[Xhuxhumaku]

kto po lujn me ekipet e fermave ruse

partizani- austria vien 2-0 kam qen personalmente ne staduim

1-0 mduket, plako,

Se kam qene edhe vete.

Po amon, akoma me futbollin shqiptar merresh ti?

Kur Lu Laci, kruja, ballshi, ne kategori te pare.

Prit kur te hyj edhe puka, kopliku, dhe luzzi I vogel....lol

P.s

Sna postove noj foto te dojcave dje ne Berlin.

[EXODUS]

U habita edhe une kur mesova se rezultati BATE Borisov vs Skenderbeu ishte 0-0. Per vete eksperiencen, cilesine e lojtareve, infrastrukturen dhe organizimin qe ka BATE si klub, kisha menduar se fitorja per ta nuk do te ishte e veshtire perballe nje Senderbeu modest.

Pikerisht kete mendova pas ndeshjes! K.F Skenderbeu ka nje vlere prej 3 deri 4 milion euro, nderkohe qe vlera e bjellorusve te Bate shkon ne €35million(gati 10fish) Bate fiton kampionatin bjellorus non-stop prej 2006 dhe ka marre pjese disa here ne fazen e grupeve te Champs.League (2008/09, 2011-/12, 2012/13)
Ajo qe vihet re, eshte se Skenderbeu ka erdhur ne rritje qe prej fitimit te titullit te dyte Kampion ne historine e vet, ne 2011 dhe ne vazhdimesi ne pjesmarrje ne kupat e europes... eshte maturuar ndjeshem, duke fituar eksperience njekohesisht. Vitin qe kaloi, Sknd. ne ChL eliminoi te favorizuarit azerbajxhansit e Neftchi Baku (0-0 atje; 1-0 ne "strofull") Me pas ne turin e 3-te kishte perballe kazaket e Shakhter Karagandy (0-3 atje; 3-2 strofull) prej te cileve u eliminua, por aventura e Sknd. ne kupat e Europes, s'perfundoi atje sepse kishte edhe nje shans tjeter ne Europa League ku u ndesh me ukrainasit e Chornomorets Odesa me te cilet nese fitonte shkonte ne grupet e Eu.League. Skend. humbet 1-0 ne Ukraine por fiton 1-0 ne Shq. Penalltite i japin perparesi ukrainasve.

Me bjelloruset e Bate-s s'ka perfunduar asgje, beteja e vertete do jete ne kthim! Shpresojme...

[EXODUS]

Shkëmbi: Ja si e kalojmë BATE-n, sot tifo për Flamurtarin

Skedarët e Bashkëngjitur 164904

Barazimi në transfertë me BATE Borisovin ka shtuar entuziazmin te korçarët, megjithëse janë të ndërgjegjshëm se për t’i kaluar bjellorusët u duhet të fitojnë patjetër. Bledi Shkëmbi pranon se kundërshtarët nuk janë më ata të disa viteve më parë kur mundnin Bajernin e Mynihut, por gjithsesi me më pak kujdes dhe më pak sens inferioriteti ndaj rivalëve, kampionët e Shqipërisë mund t’ia dalin. Në një intervistë për “Panorama Sport”, kapiteni i Skënderbeut prek edhe tema të tjera, si çështja “Bakaj” apo lëvizjet në sulm.

Si është të barazosh me Baten në transfertë?
Ndjesi e mirë dhe pa dyshim që rrit vetëvlerësimin. E dinim që do ta kishim të vështirë, por besonim se mund të merrnim një rezultat pozitiv. Sigurisht, patëm fat, por edhe luftuam shumë.
Sa shanse ka Skënderbeu në kthim?
Ka shanse të mira, por BATE mbetet favorite. Duhet të jemi të sinqertë me veten dhe të pranojmë se ekipet shqiptare shumë pak herë janë favorite në arenën ndërkombëtare. Në këtë rast, rivalë si BATE Borisov duhet shumë për t’i eliminuar, por ne besojmë.
Çfarë i thatë skuadrës para ndeshjes?
Nuk e kam zakon të mbaj fjalime, por ndonjëherë flas para këtyre ndeshjeve kaq të rëndësishme. Thjesht u kërkova shokëve të ekipit të jemi vetvetja dhe të luajmë ashtu siç dimë, aq sa ç’dimë… Ndonjëherë sensi i tepruar i inferioritetit që kemi ne shqiptarët ndaj kundërshtarëve të huaj, na i bën gjërat më të vështira se ç’janë. Nuk doja të ndodhte kjo dje (të martën) dhe nuk ndodhi.
Sa e rëndësishme është eksperienca në të tilla nivele?
Shumë. Ne po luajmë për herë të katërt në Champions dhe pa dyshim që nuk jemi më si vitin e parë. Vjet e treguam këtë gjë dhe sivjet jemi në rrugën e duhur. Nuk mund të na marrë koka erë dhe të fluturojmë pas këtij barazimi, por gjithsesi duhet të pranojmë se tani kemi më shumë besim te forcat tona dhe më shumë qetësi.
Çfarë i duhet Skënderbeut që të bëjë hapin e madh?
Eh, kjo është shumë e thellë… i duhet pak nga të gjitha, por jo vetëm në organikë. Shikoni, futbolli shqiptar ecën paralel me fushat e tjera të jetës. Shqipëria sot nuk shkëlqen as në industri, as në drejtësi, as në turizëm dhe pa dyshim as në sport. Sot që flasim, jemi në atë pikë saqë, po të kalojmë turin e dytë, na kap paniku: po tani në cilin stadium do luajmë?! Nuk e kam vetëm për Skënderbeun, por për futbollin tonë në përgjithësi. Kudo që shkojmë, gjejmë stadiume dhe klube më të organizuara se ne… Investohet pak dhe jo me plane afatgjata. Por e përsëris, kjo temë do shumë kohë dhe shumë faqe për t’u diskutuar. Sa i përket ndeshjes, mendoj se kemi shanse të mira, por duhet të luftojmë fort.
Sipas jush, cila ishte pika më e dobët e BATE-s?
Nuk kishin shumë pika të dobëta, por tani presionin e kanë ata. Pashë që u nervozuan shumë dhe e konsideruan humbje barazimin me ne. Së pari ne duhet të japim 120 për qind për të kaluar dhe duhet të luftojmë si skuadër. E rëndësishme është të mos pësojmë kurrsesi gol dhe më pas të shohim se çfarë do të dalë. Sigurisht do të na duhet edhe fat. Ai është shumë i rëndësishëm.
Josa tha se luajtët si Kosta Rika në këtë ndeshje…
Luajtëm si skuadër dhe shfrytëzuam maksimumin e potencialit tonë. Duhet ta pranojmë: një skuadre si BATE nuk i luajmë dot hapur dhe në sulm. Gjithsesi, të jeni të bindur se në Korçë, së bashku edhe me tifozët tanë, Skënderbeu do ndryshojë.
Më mirë Pejiç apo Sefa?
Më mirë Sefa.
Pse?
Sepse është pjesë e jona tani dhe i përket të ardhmes. Por edhe sepse është një sulmues i zoti dhe djalë i mirë. Ju siguroj se do të shënojë shumë gola këtë sezon me ne.
Si kapiten, nuk keni folur kurrë për çështjen Bakaj, çfarë ndodhi me të?
Unë gëzoj respekt për Bakajn dhe për potencialin që ka si futbollist. Por ndonjëherë gjërat nuk funksionojnë dhe, kur një lojtar, kushdo qoftë ai, nuk arrin të përshtatet me grupin, i bie që duhet të largohet ai, sepse nuk mund të largojmë 20 lojtarë. Skënderbeu është nga ato klube që nuk shquhet për probleme brenda “gardhit” dhe nuk duam ta prishim këtë traditë…
Çfarë do i thuash mikut tënd Muzaka për nesër (sot)?
Nuk kam folur ende me të, por do t’i uroj patjetër të fitojë. Pa diskutim, nuk kam ndonjë raport mbresëlënës me Flamurtarin, por kur kjo skuadër luan jashtë, jam tifoz i saj. Jam tifoz i çdo skuadre shqiptare kur luan jashtë, sepse në lojë është imazhi ynë, pra i shqiptarëve. Nesër (sot) ju siguroj se do të jem një tifoz i Flamurtarit!
Si të janë dukur lëvizjet në merkaton shqiptare? E kam fjalën për Kukësin, Flamurtarin, Tiranën dhe Partizanin.
Shoh Flamurtarin më solid dhe më të kompletuar. Deri tani mendoj se është skuadra që mund të na rivalizojë denjësisht edhe në kampionat. Kukësi është po ai që ka qenë. Tirana në letër duket mirë dhe besoj se do ketë një ekip të mirë. Partizanin është herët për ta gjykuar. Kanë marrë shumë lojtarë, një pjesë nuk i njoh, ndaj para se të flasim, duhet ta shohim në fushë se çfarë është në gjendje të bëjë.

JETMIR HALILAJ

Burimi: http://www.panorama-sport.com/ballin...#ixzz37kDnb6vE

[EXODUS]

Nga Tonin Frroku

Sipas presidentit, shanset janë reale, por kundërshtari është i rrezikshëm
Takaj: Duhet kujdes, luhet edhe 90-minuta



“Luhen edhe 90 minuta të tjera, ndaj askush nuk ka të drejtë të festojë pas këtij takimi të parë”, thotë presidenti i Skënderbeut. Sepse, Bate Borisov ka treguar se luan më mirë jashtë fushës së vet se në shtëpi. Ndaj, dhe për këtë të gjithë duhet të jemi më këmbë në tokë, pasi në ndeshje të tilla evropiane gjërat ndryshojnë aty për aty. Të gjithë kemi të drejtë të festojmë vetëm pas takimit të dytë. “Kësaj radhe luajmë në fushën tonë, aty ku të gjitha skuadrat janë nën presion. Përjashtim nuk bën as Bate”, tha Takaj. Kur e ndan në përqindje kalimin e skuadrës në turin tjetër, ai thotë se mundësitë kësaj radhe janë 60 me 40 për Skënderbeun.

-Takaj, barazim pa gola në takimin e parë me bjellorusët. Të kënaqur?
-Shumë. Një rezultat si ky ka qenë edhe objektivi ynë për këtë takim. Më pak fjalë ja kemi arritur qëllimit. Të gjithë besoj se e pranojnë se ky takim ka qenë një nga ndeshjet më të bukura që skuadrat tona kanë luajtur në kupat europiane.
-Më pak fjalë ky rezultat nuk ka qenë surprizë?
-Kush guxon dhe e thotë këtë ka gabuar rëndë. Ky rezultat ka ardhur falë lojës së skuadrës, ekip që ka funksionuar në të gjitha drejtimet. Si një skuadër evropiane. Nuk ishte aspak e lehtë të luaje në atë stadium, së pari ndaj një ekipi të njohur në kupat evropiane dhe së dyti në një stadium të mbushur plotë me tifozë vendas të cilët nuk kanë pushuar për asnjë çast së përkrahuri ekipin e tyre. Vetëm një skuadër si Skënderbeu duke pasur në përbërje lojtarë të një niveli të lartë është në gjendje të përballojë një ndeshje si kjo dhe mbi të gjitha presionin e një takimi të tillë.
-Mund të themi se Skënderbeu pas kësaj ndeshje është më afër kalimit në turin tjetër?
-Para se të them nëse Skënderbeu kalon në turin tjetër më duhet të bëj të ditur se Bate Borisov ka treguar se në të shumtën e rasteve më mirë luan në transfertë se në fushën e vet. Gjë të cilën në mos gabohem e ka pranuar ditë para kësaj ndeshjeje edhe trajneri Mirel Josa.
-Çfarë do të thoni më këtë?
-Sigurisht që asgjë më tepër se pas këtij takimi nuk është përcaktuar kalimi i Skënderbeut në turin tjetër. Pranoj se pas këtij rezultati është radha jonë të tregojmë më shumë gjëra se në ndeshjen e parë. Dhe kemi për ta bërë këtë. Por, nuk duhet të harrojmë se një rezultat pa gola si ky me Bate nuk jep siguri maksimale për kalimin e turit. Më pak fjalë duhet të jemi të kujdesshëm në maksimum edhe në takimin e shtëpisë.
-Më pak fjalë po thoni se ky rezultat nuk ju favorizon?
-Në ndeshjen e dytë luajmë para fansave tanë, në një fushë ku kemi treguar se nuk mundemi lehtë. Në fushën tonë kemi treguar se më një tifozeri si kjo që ka Skënderbeu vështirë të ketë ekip të përballojë skuadrën tonë. Por, sigurisht që jemi të detyruar të pranojmë se një rezultat pa gola si ky me Bate tregon se gjithçka nis nga e parë.
-Por, kjo nuk na pengon të themi se Skënderbeu ka më tepër shanse për të kaluar?
-Kalimi në turin tjetër më tepër se tek Bate Borisov varet tashmë në dorë të vetë Skënderbeut. Më këtë dua të them se shanset për të luajtur në turin tjetër tashmë janë vetëm në dorën tonë. I bindur se do ta administrojmë më së miri këtë ndeshje të dytë ashtu siç administruar po kaq mirë dhe ndeshjen e parë.
-Sipas jush kalimi vjen vetëm në qoftë se skuadra është në maksimum?
-Nuk jam vetëm unë personi që mendoj kështu. Të gjithë janë në këtë linjë, sepse në ndeshjet të tilla evropiane gjërat ndahen vetëm pas dy takimeve. Këtë e dimë po kaq mirë edhe lojtarët dhe trajnerët e tyre. Nuk është koha për tu ngutur, por të jemi më këmbë në tokë. Siç dhe kemi qenë para ndeshjes së parë.
-Më të gjitha këto do të tregoni urimin tuaj për skuadrën, e cila vjen vetëm pas ndeshjes së dytë?
-Pas takimit të barazuar sigurisht që kam thënë fjalët më të mira për lojën e secilit lojtar. Urimi final i çdo presidenti vjen vetëm pasi të jetë arritur qëllimi, i cili për Skënderbeun është kalimi në turin tjetër. Jemi shumë afër, por duhet kujdes se luhet edhe një ndeshje tjetër.
-Diku më lart thanë se Skënderbeu i ka lojtarët e duhur për të administruar një ndeshje si kjo?
-Që kur kemi vendosur të sjellim në ekip gjithë këta lojtarë të njohur pikë së pari kemi pasur parasysh kërkesat tona për ndeshjet evropiane. Vetëm pasi kemi bërë gati një grup të tillë jemi shprehur se tashmë kemi një grup me lojtarë të pjekur për të luajtur si të barabartë në ndeshje europiane. Por, unë edhe një herë tjetër rikthehem tek takimi i dytë, sepse janë edhe 90 minuta të tjera që kërkojnë një përqendrim maksimal.
-Tifozeria korçare ka filluar përgatitjet për natën e ndeshjes së dytë. Madje ata shkojnë më tej, kur thonë se jemi në turin tjetër?
-Në mos gabohem, diku më sipër thash se me një tifozeri si kjo e Skënderbeut gjithnjë është e lehtë për ekipin tonë dhe tejet e vështirë për skuadrat e tjera. Bate, sigurisht që nuk bën përjashtim. Këtë e pranoj edhe unë. Por, të gjithë ne duhet të jemi të përgatitur edhe për një tjetër ndeshje po aq të vështirë sa ajo e para,në mos më shumë.
-Për ta mbyllur,nga një deri në dhjetë, sa e shikon Skënderbeu në turin tjetër?
-(Qesh). Ju mendoni se unë do të them 50 me 50. Pas ndeshjes së parë të barazuar tani gjërat e shikojmë ndryshme. 60 me 40 për Skënderbeun.

http://www.sportishqiptar.com.al/new....mA2BkGbG.dpuf

[MaDaBeR]

Deshtim i ekipeve Shqiptare ne ndeshjet e para te Turit e Dyte te Europa League.

Ora 17:00: KF Laçi 0 - 3 Zorya Lugansk
Sheta '23 (autogol), Ljubenovic '47, Boli '75

Ora 18:30: Petrolul Ploiesti 2 - 0 Flamurtari Vlore
Nepomuceno '77, Tamuz '84

[EXODUS]

Ndeshja e kthimit ne stadiumin Skenderbeu, KORCE, Skenderbeu 1-1 Bate Borisov
Shenimi i golit ne fushe kundershtare i jep kualifikimin bjelloruseve.
Vlen te theksohet se Skenderbeu beri nje paraqitje te mire dhe i anullohet nje gol, plotesisht i rregullt pasi replay i momentit te golit, tregon qarte se nuk ka faull ndaj portierit bjellorus, i cili ngaterrohet me panxhat e tij dhe duke ecur prapa humb ekuilibrin dhe rrezohet.

Vlora dhe Laci sot luajne ndeshjen e kthimit ne turin e dyte. Laci eshte pothuajse i eliminuar duke humbur ne fushe te vet (0-3) ndersa lebrit kane edhe nje shans tjeter sot per te permbysur rezultatin e pergjithshem, ne stadiumin e vet kunder rumuneve, ndaj te cileve humben ne transferte(2-0)

[MaDaBeR]

Te gjitha ekipet Shqiptare u eleminuan nga Kupat e Evropes. Kukesi u eleminua i pari qe ne Turin e pare, ndersa Laçi dhe Flamurtari ne Turin e Dyte Eleminator te UEFA Europa League.

Ndersa Skenderbeu mori pjese direkt ne Turin e Dyte Eleminator te UEFA Champions League dhe u eleminua me 2 barazime, 0-0 ne Bjellorusi dhe 1-1 ne Korçe. Vertet mekat per Skenderbeun, pasi ne fundin e takimit pati vertet 2 shanse te arta per te shenuar e kaluar me tej.