BRAZIL 2014: GJERMANIA shpallet Kampion Bote

[Xhuxhumaku]

Finalja, Boateng luajti ndeshjen e jetës


Boateng

Bastian Shvajnshtaiger ishte simboli i vuajtjeve në finalen e Kupës së Botës, pasi luajti i gjakosur, i dëmtuar dhe pësoi shumë ndërhyrje të ashpra. Gjithsesi, vrapoi më shumë se gjithë të tjerët. Mario Gëce u bë heroi i triumfit, duke shënuar golin e vetëm të takimit. Por, një nga lojtarët që bëri një paraqitje në kufijtë e perfektes, edhe pse pa rënë shumë në sy, ka qenë Zherom Boateng. “Ndeshja e jetës”, e kanë cilësuar mediat gjermane, pasi arriti të krijonte një “mur” të pakalueshëm për Lionel Mesin dhe shokët e tij. Mbrojtësi 25-vjeçar ka qenë gjithnjë në vendin e duhur, në momentin e duhur. Ndërhyrje të sakta, presing deri në mesfushë, madje duke menduar që të mbulojë shpeshherë edhe Mats Humelsin. Pavarësisht se duhet të ishte ky i fundit që të kishte bashkëpunimin më të afërt me portierin Nojer, mendoi Zherom për ta bërë një gjë të tillë. 83% të dyluftimeve arriti t’i fitonte (Humels 64%), një tregues që vërteton qartë saktësinë e lartë. “Momentalisht ndihem shumë i lodhur fizikisht, por ishte me vërtet një ndeshje që më ka shijuar shumë. Kishte ritëm të lartë, kundërshtari ka lojtarë mjaftë cilësorë në sulm, por ne ia dolëm mbanë që të mos pësonim asnjë gol. Ndihem krenar për këtë arritje”, deklaroi Boatengu pas finales kundër Argjentinës. Në ato raste që ekipi i Sabejës iu afrua golit, ndodhi pikërisht prej pozicionimit të gabuar të mbrojtësit të Dortmundit dhe në të paktën tre momente, Boatengut iu desh të vraponte dhe rrëshqiste në koherencë perfekte me lëvizjen e kundërshtarit, kur arritën të kalonin partnerin e repartit defensiv.

Burimi: http://www.panorama-sport.com/botero...#ixzz37YmJFtrS

[Xhuxhumaku]

Gjermani rekordesh, shifrat e kampionëve


Gjermania kombetare

Manuel Nojer, Filip Lahm, Bastian Shvajnshtaiger dhe Tomas Myler janë vetëm njëra anë e një formacioni që hyri në histori, duke iu bashkuar “heronjve” që i dhanë Kupën e Botës Gjermanisë në 1954, 1974 dhe 1990-ën. Mirëpo, pas përfaqësues së Joakim Lëvit qëndrojnë një sërë rekordesh dhe kuriozitetesh, që e bëjnë edhe më interesante “krijesën” e tij, i cili, që prej 2006- ës kur e mori në dorëzim, nuk ka reshtur së përmirësuari…
Golat - Gjermania në 7 takimet që luajti në këtë Botëror arriti të shënonte 18 gola. Një sipërmarrje e tillë i kishte dalë vetëm Brazilit, që realizoi të njëjtin numër golash kur u kurorëzua kampion bote në “Kore të Jugut dhe Japoni 2002″. Me këtë sasi golash “teutonët” ia kanë dalë që të kenë shënuar mesatarisht 2.57 rrjeta për ndeshje. Ndërkohë që Mario Gëce ishte autor i golit të 171-të të turneut. Më parë, vetëm në “Francë 1998″ kishte ndodhur që të shënoheshin kaq shumë gola. Ndërkohë që turneu ku gjermanët kanë realizuar më shumë herë është ai “Zvicër 1954″, kur Fric Valter me shokë arritën në shifrën e 25 golave në 6 takime, pra mesatarisht 4.17 gola për ndeshje.
“Pushtuesit” - Triumfi nën qiellin e Rios nuk ka qenë i veçantë vetëm për Gjermaninë. E gjithë Europa i është gëzuar suksesit të skuadrës së Lëvit, që bëhet e para përfaqësuese që fiton këtë event në kontinentin amerikan. Në Botërorin që u organizua në Uruguai në 1930-n u fitua nga vendësit. Ndërkohë që të njëjtin fund kishte edhe edicioni që u mbajt në “Brazil 1950″. Në “Kili 1962″ dhe “Meksikë 1970″ ishte Brazili që përfitoi nga faktori “kontinent”. Tetë vite më pas Argjentina do të triumfonte në Botërorin e organizuar në shtëpinë e vet. Më tej radhën për të shfrytëzuar këtë faktor e pati Argjentina, e cila fitoi Botërorin e zhvilluar në shtëpi në 1978-n dhe atë që u zhvillua në “Meksikë 1986″. Tetë vite më pas Brazili do të ngrinte kupën për herë të katërt në Pasadena të Amerikës. Në tetë Botërorë të luajtur në kontinentin amerikano-latin u desh Gjermania që të thyente magjinë dhe të bëhej e para europiane që triumfon në këtë tokë.
“Sweeper-keeper” - Manuel Nojer është njëri prej lojtarëve, të cilëve Gjermania u detyrohet shumë. 28-vjeçari, në këtë edicion të 20-të të Botërorëve, ka pësuar 4 gola, ndërsa ka mbyllur 4 prej 7 ndeshjeve duke mos marrë asnjë gol. Nojer ka pritur 86% të goditjeve që i kanë ardhur në kuadrat. Me Francën, “Titani” kaloi vetveten, duke ia mbyllur “derën” në fytyrë Benzemasë më shumë se një herë. Ndërkohë që me Algjerinë “zëvendësoi” Humelsin mjaft mirë pasi, përveç portierit, bëri edhe liberon.
“Zakoni” i finaleve - Gjermania në këtë Botëror shkoi për herë të tetë në finale. Më parë asnjë ekip tjetër nuk ka mundur të luajë katër gjysmëfinale radhazi në një Botëror.
“Guru” Lëv - Bilanci i Joakim Lëvit si komisar teknik i Gjermanisë është mjaft pozitiv. Në “Euro 2008″-ën ai e dërgoi Gjermaninë në finale, ndërsa në Botërorin e zhvilluar dy vite më vonë katër herë kampionët e Botës mbyllën turneun duke fituar me Uruguain finalen e vogël. Në “Euro 2012″ do të ishte Italia, ajo që do t’u ndërpriste ëndrrën gjermanëve, që u larguan nga ai kompeticion në gjysmëfinale. Ndërkohë që në Botërorin “Brazil 2014″ formacioni i Lëvit bëri historinë, duke “qepur” yllin e katërt në zemër. Finalja me Argjentinën ishte takimi i 112-të ndërkombëtar i Lëvit në pankinën e Gjermanisë, ndërsa fitorja ishte e 77- ta për teknikun.
Gola nga pankina - Për të arritur që të shpallet kampione në Amerikën Latine, Gjermania ka pasur nevojë për të gjithë lojtarët. Një gjë të tillë e tregon edhe numri i golave që kanë ardhur nga pankina. Hoakim Lëv ka “gjetur” gjithmonë zëvendësimet e duhura, pasi prej tyre ka marrë 5 gola. Tre i ka shënuar Shyrrle, ndërsa nga një i kanë shënuar respektivisht Mario Gëce dhe Miroslav Klose.
“Bomberi” - Ashtu siç e kanë për traditë, “teutonëve” edhe në këtë sezon Botërori nuk u ka munguar “topçiu” që shënon gola. Pas fenomenit Klose, i cili në moshën 36- vjeçare i theu rekordin Ronaldos, Gjermania ka gjetur te Tomas Myler “topçiun” perfekt. 24-vjeçari, deri më tani në dy sezonet që ka marrë pjesë në Botëror, mban firmën e 10 golave.
Më shumë ndeshje - Takimi me Argjentinën ishte i 106- ti për Gjermaninë në finalet e Kupave të Botës. Në këtë aspekt, “teutonët” mbajnë vendin e parë, pasi asnjë përfaqësuese nuk ka zhvilluar kaq shumë takime në një event si ky. Prej këtyre, Gjermania ka fituar 66 ndeshje. Ajo ka lënë prapa Brazilin edhe në sasinë e golave të shënuar. Europianët kanë realizuar deri më tani 224, ndërsa “seleçao” 221.
Telespektatorë - Sipas raportimeve të fundit, mësohet se televizioni gjerman “ARD”, në momentin që ka transmetuar takimin mes Gjermanisë dhe Argjentinës, e vlefshme për finalen e “Brazil 2014″, është ndjekur prej 34.65 milionë banorë. Ndërkohë që gjysmëfinalen, atë ku Gjermania shkatërroi Brazilin 7-1, mësohet ta kenë ndjekur nga televizori 32.57 milionë banorë.
Ndeshje epike - Në Botërorin e 1970-ës, Gjermania do të hynte në histori, edhe pse nuk arriti të ngrinte lart trofeun. Ekipi “teuton” u mund në gjysmëfinale nga Italia me rezultatin 4-3, pas një ndeshjeje mjaft emocionuese, e cila edhe sot njihet si takimi i shekullit. Por tani me humbjen turpëruese që i shkaktuan Brazilit, gjermanët u futën në histori, duke bërë një tjetër ndeshje të papërsëritshme. Ata mundën Brazilin 7-1, rezultat që nuk kishte precedent në gjysmëfinalet e një eventi si Botërori.
“Tiki-taken” - Gjermanët kanë marrë “tiki-takën” spanjolle dhe e kanë transformuar atë në “tiki-taken”, pasi kanë rritur edhe më shumë saktësinë, si dhe forcën në veprimet e tyre. Deri më tani ata kanë pasuar 5.084 herë topin, që ka mbërritur në destinacionin e dëshiruar 4.157 herë. Në këtë klasifikim special, Gjermania ka lënë pas Argjentinën, e cila, në 4.318 pasimet e bëra gjatë këtij Botërori, ka gabuar shumë pak, pasi 3.344 të tillave kanë shkuar në destinacion. Kjo saktësi nuk të habitë, nëse shikon se Filip Lahm prej 651 pasime të kryera, 562 të tilla i ka realizuar me sukses. Të njëjtën gjë mund të themi edhe për Toni Kros, i cili e ka dërguar topin ku ka preferuar plot 537 herë në 633 tentativa.
Tifozët - Një tjetër e veçantë e kësaj Gjermanie qëndron jashtë saj. Tifozët e këtij ekipi janë specialë. Njëri prej tyre mund të themi se është Amhad Hosain, i cli në Bangladesh ka qepur flamurin më të gjatë të Gjermanisë, që është 3.5 kilometra. Diçka të tillë 63-vjeçari e arriti në 6 vite, duke shitur edhe disa toka që kishte në pronësi.
Përgatiti: ALTIN VORPSI

Burimi: http://www.panorama-sport.com/botero...#ixzz37YmW0KAU

[Elian70]

epo dun qe ti bojne pulat me veze me te verdha

Tomas Myler: “Këpucën e Artë” fute në b…


MylerTomas Myler është golashënuesi i dytë më i mirë i Botërorit, por sulmuesit gjerman “Këpuca e Artë” as që i intereson fare. Futbollisti i ka lënë me gojë hapur të gjithë, ndërsa i ka dhënë një përgjigje të paedukatë një gazetareje kolumbiane që u përpoq ta ngacmonte atë për faktin se Hames Rordriguez i mori trofeun, duke realizuar gjashtë gola, ndërsa Myler shënoi një më pak. Dhe përgjigjja e kampionit të ri të botës ishte befasuese. Pikë së pari sepse fjalët ishin në dialektin bavarez, të pakuptueshme për reporteren, por edhe sepse etika mungonte: “I gjithë ky trofe m… nuk më intereson. Ne jemi kampion të botës, jemi zotëruesit e kupës. ‘Këpucën e Artë’ ti mund ta fusësh në b…”. Bashkë me lojtarin 24-vjeçar, i pranishëm në intervistë ishte edhe mesfushori Bastian Shvajnshtajger. Ky i fundit qeshi me përgjigjen e shokut të ekipit, edhe pse u tregua shumë më i edukuar.
Mesfushori - Shakaja e Shvajnit ishte më e lehtë. Kur gazetarja kolumbiane iu afrua dhe i foli në anglisht, ai e pyeti nëse dinte të fliste gjermanisht, në mënyrë që intervista të bëhej në këtë gjuhë. Më pas, fjalët e Mylerit ai i kaloi me një të qeshur. Por mediat latine nuk i kanë kursyer kritikat për përgjigjen e dhënë nga futbollisti gjerman. Sipas tyre, 24- vjeçari ka treguar mungesë të theksuar respekti e nuk duhet që të fliste në mënyrë të tillë, në një intervistë, e cila shikohej nga mijëra teleshikues. Dhe kjo sepse prekeshin tifozët kolumbianë, e jo vetëm, pavarësisht faktit se Myler foli në dialektin bavarez, i vështirë për t’u kuptuar nga vetë gjermanët. Megjithatë, tifozë të tjerë e kanë justifikuar sjelljen e Mylerit me faktin se ai ishte shumë i gëzuar për triumfin e jashtëzakonshëm të arritur në Brazil, ku Gjermania u shpall Kampione e Botës pas 24 vitesh. Dhe lojtari i Bajernit ka një rol të rëndësishëm në këtë sukses, me golat dhe punën e tij për ekipin.
Përgatiti: IRGIS HYSENAJ

Burimi: http://www.panorama-sport.com/botero...#ixzz37YgvrKFq

hahahaha keshtu ndodh kur te ngacmojne edhe jevgat....

[Xhuxhumaku]

hahahaha keshtu ndodh kur te ngacmojne edhe jevgat....

lagjes se brrakes s'kaloj dot, dalin jevgat qajne me lot

[anita340]

ti jeton ne xhermani, dhe sje tifoze me xhermont?

jazek, si thote hoxhefenia..
kishte dale gje Drague me cunin per te pershendet dojcat?

Kush tha qe s' jam o xhuxhu. Madje kishim daulle e fanelle per djalin. Nja dy here qe mori topin Messi mbylla syte nga frika se po merrnim gol. Jemi tifoz te Bajernit gjithashtu. Une edhe e Lahm-it.

Kur thashe kane fillu me m'pelqy gjermanet mendova per popullin gjerman ne pergjithesi.

[bayern]

Per te gjithe ata tifozat e Italise qe na kan ca majen me argumentin ne kemi 4 kupa, ju keni 3....Kjo e katerta eshte per ju.

[shigjeta]

Gjate ndeshjes mund te besh shume aksione dhe here shenon e here humbet, vijojne perseri rastet ne minutat e tjera...eshte komplet ndryshe, kur je ne piken e 11 metershit, per me teper portier te kesh shokun e ish-skuadres. Cfare tensioni kane futbollistet ne keto momente, gjithe gjithe zgjat me sekonda, por te duket sikur kalojne ore...