PD: 19 depute socialiste jane njerez nga bota e krimit, shteti i kapur nga krimi

[Qyfyre]

Dakort jam me ty, por ai qe doli te na i tregonte keto fakte ka qene i denuar per shperdorim detyre dhe ka bere burg tek 313 ndaj dhe ishte ironike qe nxoren pikerisht ate per te nxjerre te palarat e demokrateve te kthyer socialist!

Ironike eshte, por kjo nuk ndryshon faktin se ai dokument ekziston. PS duhet te kishte bere te njejten gje kur ky ishte demokrat dhe te kishte bere publike dosjen e tij. Ose te pakten te gerrmonte kur e ben deputet qe te gjenin nese ka dosje kriminale apo jo (nese supozojme se nuk e kane ditur).

[CRO]

[...]Ose te pakten te gerrmonte kur e ben deputet qe te gjenin nese ka dosje kriminale apo jo (nese supozojme se nuk e kane ditur).

E dine tani...

[Qyfyre]

Po Edi Rama mezi e beri depuutet ate... hoqi femrat qe ishin pare tij ne liste qe beri kete deputet.
Pse ca mendon ti, aq thjeshte kerkohet doreheqja pasi i ke dhene votat tjetrit.

P.S: nuk ekziston shteti normal. Ekziston vetm shteti minimal, qe funksionon, ku ata qe vendosen ne poste publike duhet te kalojne konkurse publike. Jo te emerohen nga idiota si Edi Rama. Aq me teper qe jane edhe deputet. Nuk e di ca mendimi ke ti, po ky sistemi qe deputetet emerohen nga kryetari eshte me i shpifuri, me pak perfaqesuesi... gjithe kermat ka emeruar Piktori.

Per sistemin e zgjedhjeve qe perdoret e kam shprehur me pare mendimin qe eshte pa kuptim pasi votohet per partine e jo per personin.

[Qyfyre]

E dine tani...

Se di se cfare fuqie ka partia per ta hequr si deputet dhe normalisht nese e kane kete mundesi duhet ta bejne. Por sic e thashe ne fillim ai duhet te japi doreheqjen vete i pari.

[CRO]

Per sistemin e zgjedhjeve qe perdoret e kam shprehur me pare mendimin qe eshte pa kuptim pasi votohet per partine e jo per personin.

Nejse, nuk te kam lexuar. Pak muaj kam qe jam anetaresuar.

[Albo]

PD, Deda: Rama hesht për Ndokën, sepse sakrifikoi dy gra për të



Tiranë – Partia Demokratike kërkon një përgjigje nga Kryeministri Rama për kërcënimin që i ka dërguar, deputeti socialist Arben Ndoka, zëdhënëses së PD-së.

Nga ana tjetër, PD-ja nuk ka hequr dorë së akuzuari deputetin Ndoka, duke i kujtuar Ramës se për futjen e tij në parlament, ka sakrifikuar dy gra kandidate.

Sot, nga selia e PD-së, denoncimi është bërë nga një deputete, Albina Deda, e cila tha:

“Sot është dita e tretë e heshtjes së Edi Ramës, pas kërcënimit banditesk që ai i bëri zëdhënëses së Partisë Demokratike, Laura Vorpsi, me anë të deputetit Arben Ndoka.

Kërcënimi me jetë i zëdhënëses dhe i familjes së saj, janë një kërcënim për fjalën e lirë, për demokracinë në vend.

Eshtë Edi Rama, që bën propagandë për të drejtat e grave, por në realitet ai hoqi dy gra kandidate, vetëm për ti hapur rrugën hyrjes në parlament të një personi të dënuar për shfrytëzim prostitucioni,”- tha Deda.

armanda shtembari/Oranews.tv

[Albo]

Si u zgjodh Ndoka deputet ne Kuvendin e Shqiperise? E kemi te dokumentuar ne forum ne temen me poshte:

http://www.forumishqiptar.com/thread...C3%ABn-burrave

[Albo]

Padia në Prokurori, zbardhet biseda katër minuta e deputetit të PS me Laura Vorpsin


DEPUTETI I PS,ARBEN NDOKA (MAJTAS) ZEDHENESJA E PD,LAURA VORPSI

Partia Demokratike ka depozituar dje në Prokurorinë e Përgjith-shme një kallëzim penal ndaj deputetit socialist Arben Ndoka.

Përfaqësuesi i qarkut të Lezhës akuzohet për veprat penale “kanosje për shkak të detyrës” dhe “fyerje për shkak të detyrës”. Kallëzimi penal mban firmën e kreut të Grupit Parlamentar demokrat, Edi Paloka.

BISEDA NDOKA-VORPSI
Në orën 12:00 të ditës së diel, zëdhënësja e Partisë Demokratike, Laura Vorpsi, doli në një konferencë për shtyp nga selia blu, ku deklaroi se i vetmi që po hesht për futjen e krimit në Parlament është Kryeministri Edi Rama. Duke iu referuar dosjes së Arben Ndokës, të publikuar po prej selisë blu, Vorpsi tha se kreu i qeverisë e ka tashmë një emër konkret që provon lidhjet e tij me krimin. Por, pak më shumë se katër orë nga kjo konferencë për shtyp, deputeti i PSsë në qarkun e Lezhës ka telefonuar zëdhënësen Vorpsi. Detajet e telefonatës janë bërë dje publike nga PD në kallëzimin penal ndaj deputetit të PS, Arben Ndoka. Ka qenë ora 16:36 e ditës së diel kur nga numri celular i deputetit Ndoka janë bërë 5 thirrje në programin e telefonit “Viber” të zëdhënëses Vorpsi. Sipas fotografisë së telefonit të zëdhënëses, provë që i është bashkëngjitur kallëzimit penal të PD-së, rezulton se në dy raste Vorpsi e ka hapur telefonin, ku në njërin rast koha e bisedës ka qenë zero, ndërsa në një rast koha e bisedës 21 sekonda. Ndërsa në tri telefonata të tjera, zëdhënësja nuk i është përgjigjur telefonatës së deputetit socialist. Thirrja e fundit në Viber është bërë në orën 16:38. Një minutë më vonë, Arben Ndoka ka telefonuar me anë të telefonit të tij zëdhënësen e PD-së dhe siç provohet nga fotografia e telefonit, biseda mes tyre ka zgjatur katër minuta. Duke iu referuar edhe kallëzimit penal të Grupit Parlamentar demokrat, deputeti socialist i ka kërkuar zëdhënëses demokrate të mos bëjë asnjë deklaratë për shtyp lidhur me personin e tij. Nga ana e saj Vorpsi i ka thënë Ndokës se deklaratat janë qëndrimi zyrtar i Partisë Demokratike, dhe jo të sajat personale. Pas këtij momenti deputeti i qarkut të Lezhës i është drejtuar zëdhënëses me fjalë fyese dhe kërcënuese. “… Duke i shkaktuar një tronditje të rëndë dhe frikësim”, thuhet në kallëzimin e PD-së. Sipas të njëjtit dokument, deputeti socialist e ka kërcënuar Vorpsin se do të ketë pasoja të rënda çdo person që bën deklarata kundër tij, ndërsa fjalët fyese kanë cenuar dinjitetin njerëzor të zëdhënëses së PD.

KALLËZIMI
Në kallëzimin penal të depozituar në Prokurori thuhet se kërcënimi i deputetit Ndoka është tjetër provë që Kryeministri Rama ka ngritur një infrastrukturë kriminale në Kuvend. “Kërcënimi i sotshëm banditesk ndaj zëdhënëses zyrtare të Partisë Demokratike, Laura Vorpsi, nga shtetasi Arben Ndoka, është një tjetër provë se në Shqipëri, Edi Rama ka ngritur një infrastrukturë kriminale e mafioze për t’i mbyllur gojën opozitës dhe fjalës së lirë, duke mos u ndalur vetëm te dhunimi e kërcënimi i deputetëve, por duke e shtrirë veprimtarinë e tij kriminale ndaj çdo zëri opozitar”. Në dokumentin e depozituar në Prokurori demokratët u referohen neneve 238 dhe 239 të Kodit të Procedurës Penale, që ka të bëjë me kanosjen dhe fyerjen për shkak të detyrës. Sipas këtyre dy neneve, kanosja serioze për vrasje apo plagosje që i bëhet një punonjësi që kryen shërbim publik dënohet me gjobë ose në 2 vjet burg. Ndërsa fyerja publike që i bëhet punonjësit që kryen shërbim publik dënohet me gjobë ose në një vit burg dhe në rast se përsëritet, me gjobë ose në 2 vjet burg. “Subjekti i veprës penale është i akuzuari Arben Ndoka, i cili, sipas të gjitha të dhënave të siguruara prej nesh, ka kërcënuar dhe fyer nëpërmjet telefonit zëdhënësen Vorpsi. Për këtë qëllim, organi i Prokurorisë duhet të marrë në konsideratë telefonatat e kryera nga shtetasi Arben Ndoka në numrin personal të znj. Vorpsi, si dhe në deklarimin e tij publik për vërtetësinë e telefonatës në profilin e tij zyrtar në Facebook”, thuhet në kallëzimin penal të depozituar në Prokurorinë e Përgjithshme. Sipas PD-së, fakti që shtetasi Arben Ndoka ka marrë në telefon zëdhënësen Vorpsi, pavarësisht se midis tyre nuk ekziston asnjë njohje personale, provon se ai e ka kryer veprën penale me dashje direkte.

Basha, 40 minuta në zyrën e Llallës

PD depoziton dy padi në Prokurori. Verifikim sjelljeve të Ramës. Halimi: Hetime të shpejta dhe efikase

Kallëzim penal Ndokës e Ndreut: I thanë Strazimirit, do të vras



Basha, Halimi dhe Ristani duke dalë dje nga Prokuroria e Përgjithshme

Kryetari i PD-së, Lulzim Basha, i shoqëruar nga deputetët Arben Ristani dhe Eduard Halimi, u takuan dje për rreth 40 minuta me kryeprokurorin Adriatik Llalla, ku depozituan edhe dy padi penale, ndaj Arben Ndokës dhe Pjerin Ndreut.
Gjatë këtij takimi u kërkua hetimi i shpejtë i të dyja rasteve të fundit kur u goditën dhe fyen përfaqësuesit e opozitës. “Sigurisht, diskutuam bashkë me prokurorin e Përgjithshëm dhe kërkuam prej tij hapa të shpejtë dhe efikasë, në mënyrë që të fillojë sa më shpejt hetimi ndaj agresorëve dhe që institucionet në Shqipëri të funksionojnë. Është ekzistencial funksionimi i institucioneve të pavarura në Shqipëri në mënyrë që demokracia të jetë funksionale, në mënyrë që shteti ligjor dhe ligji të sundojë në Shqipëri dhe të mos sundojë dhuna, të mos sundojë arbitrariteti dhe të mos funksionojë mbyllja e gojës së opozitës”, tha deputeti Halimi në përfundim të takimit me kryeprokurorin.

GODITJA NDAJ STRAZIMIRIT
Në seancën plenare të së enjtes së kaluar, deputeti demokrat, Gent Strazimiri, ka mbajtur një fjalim në Parlament ku i ka kërkuar Kryeministrit që të mos veshë me pushtet njerëz të botës së krimit. Në përfundim të fjalimit ai ka dalë për një pushim në korridorin e Kuvendit. Siç thuhet edhe në kallëzimin penal, deputetit demokrat i janë afruar menjëherë deputetët Arben Ndoka dhe Pjerin Ndreu dhe pasi i janë drejtuar me fjalët “do të vras”, e kanë goditur fizikisht. Partia Demokratike i ka kërkuar Prokurorisë që të administrojë pamjet filmike të ambienteve të brendshme të Kuvendit si dhe të thërrasë për të dëshmuar përfaqësuesit e Gardës së Republikës. “Përveç kallëzimit ndaj shtetasve Arben Ndoka dhe Pjerin Ndreu, kërkojmë nga organi i akuzës që të verifikojë edhe sjelljen e shtetasit Edi Kristaq Rama, i cili është organizator i akteve të dhunës ndaj deputetëve të opozitës, duke ngritur një strukturë kriminale brenda Grupit Parlamentar vetëm për këtë qëllim. Kërkojmë që të verifikohen pamjet filmike të sallës së seancave plenare, si dhe bisedat telefonike të Kryeministrit pak minuta para ngjarjes, për të analizuar veprimtarinë dhe rolin e këtij shtetasi në ngjarje”, vijon më tej kallëzimi i demokratëve. Në dokumentin e depozituar në Prokurori ata u referohen neneve 237 dhe 238 të Kodit Penal. Konkretisht, goditja për shkak të detyrës parashikon dënimin me gjobë ose me burgim gjer në 3 vjet, ndërsa kanosja për shkak të detyrës parashikon dënim me gjobë ose burgim gjer në dy vjet. “Grupi Parlamentar i Partisë Demokratike ka pasur dhe do të ketë gjithmonë në vëmendjen e tij respektimin e marrëdhënieve të vendosura për mbrojtjen e veprimtarisë parlamentare të deputetëve dhe sigurisht, përmbi të gjitha, mbrojtjen e jetës së deputeteve nga çdo agresor, qoftë ky edhe ‘deputet’”, thuhet më tej në kallëzim.

ADI SHKEMBI

Panorama

[Albo]

PD: Rama hesht për goditjen dhe kërcënimin e opozitës, se është vetë autori

Deputeti i PD-se, Oerd Bylykbashi ka denoncuar sot mosreagimin e Kryeministrit një javë pas goditjes dhe kërcënimit me jetë të përfaqësuesve të Partisë Demokratike

Ne nje deklarate per media ai perseriti akuzen ndaj Rames si urdherures te dhunes ndaj Strazimitit.

“Edi Rama fillimisht angazhoi Xhackën, dhe kërkoi emra dhe prova, dhe më pas me xheste e sinjale padrinoje ndërseu strukturën e tij të dhunës të cilët goditën dhe kërcënuan deputetin Strazimiri në korridorin e Parlamentit. Prej një javë tashmë Edi Rama ka edhe emrin e deputetit dhe provat e pakontestueshme të së kaluarës kriminale të Arben Ndokës. Por Edi Rama hesht. Si personi që eliminoi dy gra kandidate nga lista për ti hapur rrugën hyrjes në parlament të Arben Ndokës, Edi Rama hesht edhe për kërcënimin që deputeti i tij i bëri zëdhënëses së Partisë Demokratike”- tha ai.

Sipas tij, Rama hesht sepse është ai autori i vërtetë i goditjes dhe dhunimit të deputetit të opozitës.

“Hesht sepse është ai autori i vërtetë i kërcënimit me jetë të përfaqësuesve të opozitës. Edi Rama është njeriu që ka orkestruar veshjen e përfaqësuesve të botës së krimit me kostumin parlamentar. E ka bërë këtë pikërisht që ti përdorë ata për të goditur opozitën dhe fjalën e lirë. Dhe ju shërben atyre, duke u vënë shtetin në dispozicion. Prandaj në përpjekjen e tyre për të nënshtruar dhe kapur edhe drejtësinë, Edi Rama dhe Ilir Meta kanë vendosur që për fatin e drejtësisë fjalën e fundit ta thonë Arben Ndoka dhe sivëllamët e tij të krimit në Parlament”- tha ai.

Ai akuzoi Ramen e Meten se po i sherbejne deri në fund aleancës së krimit me të cilën erdhën në pushtet.

Panorama

[Albo]

PD: Deputeti i PS, Ndoka, ka vuajtur një pjesë të dënimit në burgun e Varezes. Ja kërkesa për falje



TIRANE- Partia Demokratike ka publikuar sot prova të tjera, që sipas saj vërtetojnë se deputeti socialist Arben Ndoka, jo vetëm është dënuar në Itali, por edhe ka vuajtur një pjesë të dënimit në burgun e Varezes.

Ne nje deklarate per mediat, deputeti Flamur Noka ka treguar me nje vendim gjykate qe ndalimi që i kanë bërë në 2002 në Itali, nuk ka qënë një keqkuptim që është sqaruar, por ai ka nisur vuajtjen e dënimit atje dhe më pas është transferuar në Shqipëri.

“Kemi këtu kërkesën e deputetit të Edi Ramës, dërguar Gjykatës së Romës për të marrë falje për 3 vite, nga 7 vite e 6 muaj që ishte dënuar. Kjo dëshmon se deputeti i Edi Ramës ka pranuar vetë akuzën dhe dënimin për trafik prostitucioni në rrethana rënduese. Kjo tregon se deputeti i Edi Ramës ka pranuar vetë akuzën dhe dënimin për rrembim personi. Faktet e reja, vërtetojnë edhe një herë se Edi Rama ka veshur me imunitetin e deputetit, një person me të kaluar të rëndë kriminale”- tha Noka.

Sipas tij, Rama i hapi rrugën hyrjes në Kuvend, të deputetit të tij me këtë të kaluar kriminale, duke shmangur nga lista dy kandidate gra.

“Dhe Edi Rama hesht prej një jave, edhe pse emri që ai kërkoi u bë publik, edhe pse provat që ai kërkoi u bënë publike. Rama hesht, edhe pse deputeti i tij i dënuar nga drejtësia italiane , godet dhe kërcënon përfaqësuesit e opozitës. Heshtja e Ramës, është prova e gjallë se Edi Rama është i lidhur me krimin që ka hyrë në parlament”- perfundoi Noka.

Panorama