Shkup, protestuesit shqiptarë përleshen me policinë, disa të plagosur

[Korcar-L1]

Shkup, protestuesit shqiptarë përleshen me policinë, disa të plagosur

TIRANE- Dhjetëra protestues janë plagosur në përleshjet me policinë në protestat e sotme në Shkup, të nisura kundër rasteve të montuara për shqiptarët dhe dënimit me burg të përjetshëm për vrasjen e pesëfishtë të Smilkovcit, sic raporton agjencia maqedonase e lajmeve, INA.

Situata është ndezur para gjykatës themelore Shkupi 1, kur protestuesit kanë gjuajtur me gurë drejt gjykatës, gjë që solli edhe reagimin e njësiteve speciale policore.

Policia ka përdorur gazë lotsjellës dhe topa me ujë kundër demonstruesve që janë grumbulluar para Bit Pazarit në Shkup. Në këtë pjesë ndodhi edhe përleshja e policisë me protestuesit. Mësohet se nga përleshja janë djegur disa kontejnerë.

Shkup, protestuesit shqiptarë përleshen me policinë, disa të plagosur -FOTO+VIDEOTIRANE- Dhjetëra protestues janë plagosur në përleshjet me policinë në protestat e sotme në Shkup, të nisura kundër rasteve të montuara për shqiptarët dhe dënimit me burg të përjetshëm për vrasjen e pesëfishtë të Smilkovcit, sic raporton agjencia maqedonase e lajmeve, INA.

Situata është ndezur para gjykatës themelore Shkupi 1, kur protestuesit kanë gjuajtur me gurë drejt gjykatës, gjë që solli edhe reagimin e njësiteve speciale policore.

Policia ka përdorur gazë lotsjellës dhe topa me ujë kundër demonstruesve që janë grumbulluar para Bit Pazarit në Shkup. Në këtë pjesë ndodhi edhe përleshja e policisë me protestuesit. Mësohet se nga përleshja janë djegur disa kontejnerë.

Raportohet se protestuesit u shpërndanë rreth orës 16.00, dhe se policia është pozicionuar pranë qendrës tregtare “Çairçanja” në Shkup. MPB ka shtuar praninë nga udhëkryqi tek gjykatat deri në hyrje të komunës së Çairit. Aktualisht policia ka bllokuar daljet nga Çairi dhe po tenton të neutralizojë protestuesit. Nga MPB-ja thonë se deri tani nuk kanë bilanc të saktë të të lënduarve dhe arrestuarve.

Protesta nisi para faljes së namazit të xhumasë në Shkup, kur mbi 5 mijë qytetarë u drejtuan drejt gjykatës, për të shprehur revoltën lidhur me dënimin me burgim të përjetshëm të gjashtë shqiptarëve, për vrasjen e pesëfishtë në Smilkovc të Shkupit, më 12 prill të 2012.

Protesta ka nisur par Xhamisë së Jahja Pashës në Shkup, duke vazhduar me marshin protestues me thirrjet ““Ne nuk jemi teroristë, duam drejtësi”, “Jankullovska teroriste”, “Mijallkovska drzhava”, “UÇK”, “Stop Rasteve të Montuara” etj.

Thirrja për protestën është shpërndarë në rrjetet sociale, ndërsa organizatorë të saj bëhet e ditur se janë aktivistë për të drejtat e njeriut me mbështetjen edhe të familjarëve të gjashtë shqiptarëve të dënuar me burg të përjetshëm.

“Protesta thirret kundër rasteve të montuara, padrejtësisë, vrasjeve të pafajshme, maltretimeve familjare, urrejtjes etnike dhe fetare. O ju njerëz nuk është vetëm protestë, por është obligim kombëtar. Nëse nuk intervenojmë sot kur padrejtësia arriti kulmin, atëherë mos paçin gjumë sytë e frikacakëve”, thuhet në apelin për protestën të paralajmëruar për sot pas lutjeve të së premtes, nga ku siç thuhet marshi protestues nis nga qendra tregtare “Çairçanja” në Shkup.

Por përkrahja për protestën ka ardhur nga shumë shoqata dhe asociacione në vend për mbrojtjen të drejtave të njeriut, nga organizata të shqiptarëve në diasporë, personalitete të ndryshme publike.



Dënimi me burgim të përjetshëm
Gjykata Themelore Shkupi 1 dha dënimet me burgim të përjetshëm për të akuzuarit për vrasjen e pesëfishtë në Smilkovc të Shkupit. Por, vetëm njëri nga të akuzuarit Rami Sejdini është shpallur i pafajshëm. Trupi gjykues vendosi mbi bazën e aktakuzës së ngritur nga prokuroria për rastin e koduar “Monstra”, ndërsa gjashtë shqiptarët akuzohen për vepër terroriste si autorë të kryerjes së krimit makabër që ndodhi më 12 prill 2012 në liqenin artificial Smilkovc në periferi të Shkupit, ku u vranë katër të rinj maqedonas dhe një peshkatar maqedonas nga fshati Radishan i Shkupit.

Procesi gjyqësor ka filluar më 20 dhjetor 2012, pas hetimeve disa mujore. Të dënuarit me burgim të përjetshëm janë: Alil Demiri, vëllezërit Afrim dhe Agim Ismailoviq, Fejzi Aziri, Haki Haziri dhe Sami Luta. Por dy nga të dënuarit Alil Demiri dhe Afrim Ismailoviq janë në burg në Prishtinë, ku janë të dënuar për armëmbajtje pa leje dhe se procedura për esktradimin e tyre është në vijim e sipër.

--------------------------

[Albo]

Sërish protesta në Shkup, shqiptarët sulmojnë me gurë komunën e Çairit dhe BDI


Protesta e paralajmëruar për sot në Shkup ka mbledhur rreht 100 persona. Megjithatë, protestuesit sot, ndryshe nga dje, kanë marr drejtimin nga Komuna e Çairit, njofton Gazeta Lajm. Me të arritur në Komunën e Çairit protestuesit kanë filluar të gjuajnë me gur godinën e komunës. Njësoj si dje policia po tenton që të shpërndajë masën e protestuesve.

Ndërkohë nga disa media shqiptare në Maqedoni raportohet se protestuesit kanë goditur me gurë edhe selinë e partisë shqiptare në pushtet BDI.

“Po jemi të irrituar nga aktgjykimi për rastin ‘Monstra’. Organet gjyqësore sillen në mënyrë fashiste ndaj ne, shqiptarëve. Ne jemi qytetarë lojal të këtij shteti, por me veprimet e veta, shteti nuk dëshmon se është lojal ndaj këtij populli, e theksoj ndaj popullatës shqiptare përderisa shqiptarët janë lojalë ndaj shtetit. Nëse vazhdohet kështu, Maqedonia, si shtet, mund të them se nuk ka ardhmëri, nuk i mbetet kurrfarë perspektive”, është shprehur për Radion Evropa e Lirë një nga protestuesit e së shtunës.

MAPO

[Albo]

MPJ: Dënojmë dhunën, garantoni gjykim të drejtë për shqiptarët

Ministria e Punëve të Jashtme e Shqipërisë ka reaguar pas dhunës së ushtruar sot në protestën e organizuar në Shkup, ku kanë mbetur të plagosur disa shqiptarë dhe oficerë të policisë maqedonase. MPJ ka kërkuar gjakftohtësi dhe vetë-përmbajtje nga plaët. Gjithashtu ministria e Jashtme ka kërkuar nga autoritetet maqedonase që të garantojnë një proces gjyqësor të drejtë ndaj 6 shqiptarëve të akuzuar për terrorizëm.

“Duke konsideruar zhvillimet e fundit në Shkup, lidhur me dënimin e 6 shqiptarëve të Maqedonisë të akuzuar për terrorizëm, Ministria e Punëve të Jashtme shpreh shqetësimin e saj për dhunën e ushtruar gjatë demonstratave të ditës së sotme. MPJ u kërkon autoriteteve Maqedonase dhe instancave përkatëse gjyqësore që të garantojnë një proces gjyqësor të drejtë, të paanshëm dhe të bazuar mbi prova. Dhuna e ushtruar nuk ndihmon në zbardhjen e çështjes dhe dëmton marrëdhëniet ndëretnike dhe harmoninë midis komuniteteve. MPJ do të vijojë të ndjekë me vëmendje zhvillimet në Shkup dhe fton palët të tregojnë vetë-përmbajtje dhe gjakftohtësi”, thuhet në deklaratën e MPJ.

MAPO

[Albo]

SHBA bën thirrje për qetësi në Maqedoni

SHBA bën thirrje për qetësi në MaqedoniSHBA-Ambasada e Shteteve të Bashkuara në Shkup ka bërë thirrje për përmbajtje nga dhuna, pasi sot priten protesta të reja nga shqiptarët.

Në një deklaratë, ambasada amerikane ka thënë se “dhuna minon legjitimitetin e shkakut dhe largon vëmendjen nga përpjekjet produktive për zgjidhjen e çështjeve”.

Më 4 korrik, policia në Shkup është përleshur me protestuesit që protestonin kundër dënimit me burgim të përjetshëm të gjashtë shqiptarëve.

Këta të fundit janë akuzuar për vrasje dhe terrorizëm.

(d.b/BalkanWeb)

[Albo]

Ahmeti: Monitorim ndërkombëtar për “Monstrën”

Protestat që pasuan pas vendimit të Gjykatës për burgimin e përjetshëm të 6 shqiptarëve në rastin “Monstra”, ka qenë temë e bisedimeve në takimin e sotëm në mes kryetarit të BDI-së, Ali Ahmetit dhe ambasadorit amerikan Pol Voles, i cili ka zgjatur më tepër se dy orë, njofton Zhurnal.

“Sot kisha një takim mjaft të rëndësishëm me ambasadorin e SHBA-ve, ku bashkërisht vlerësuam se e drejtë e çdo qytetari është të protestojë, e drejtë legjitime është që të gjithë të shfaqin pakënaqësi për procese të caktuara, që këto procese të jenë sa më transparent dhe sa më të besueshme për publikun, për gjithë opinionbërësit.

Gjithashtu vlerësuam se dhuna nuk e ndihmon procesin, nuk ndihmon në zgjidhjen institucionale që ky proces të jetë sa më bindës për Gjykatën e Apelit me qëllim që ky zhvillim të rikthehet në shkallë të pare”, ka thënë i pari i BDI-së Ali Ahmeti.

Ai ka njoftuar ambasadorin Volers se BDI do kërkoj monitorim nga ekspert ndërkombëtarë dhe vendor, me qasje të plotë në të gjithë procesin dhe procedurat, për rastin “Monstra” që opinioni të jetë në mënyrën më transparente i informuar.

MAPO

[beni33]

Sërish protesta në Shkup, shqiptarët sulmojnë me gurë komunën e Çairit dhe BDI


Protesta e paralajmëruar për sot në Shkup ka mbledhur rreht 100 persona. Megjithatë, protestuesit sot, ndryshe nga dje, kanë marr drejtimin nga Komuna e Çairit, njofton Gazeta Lajm. Me të arritur në Komunën e Çairit protestuesit kanë filluar të gjuajnë me gur godinën e komunës. Njësoj si dje policia po tenton që të shpërndajë masën e protestuesve.

Ndërkohë nga disa media shqiptare në Maqedoni raportohet se protestuesit kanë goditur me gurë edhe selinë e partisë shqiptare në pushtet BDI.

“Po jemi të irrituar nga aktgjykimi për rastin ‘Monstra’. Organet gjyqësore sillen në mënyrë fashiste ndaj ne, shqiptarëve. Ne jemi qytetarë lojal të këtij shteti, por me veprimet e veta, shteti nuk dëshmon se është lojal ndaj këtij populli, e theksoj ndaj popullatës shqiptare përderisa shqiptarët janë lojalë ndaj shtetit. Nëse vazhdohet kështu, Maqedonia, si shtet, mund të them se nuk ka ardhmëri, nuk i mbetet kurrfarë perspektive”, është shprehur për Radion Evropa e Lirë një nga protestuesit e së shtunës.

MAPO

BDI esht klonizim i PDK-S NE KOSOVE JAN PARTI E TURPIT