Procesi i Pavarësimit të Kosovës

[dodoni]

Problemi i Kosoves, nuk mvaret me fare nga Serbia, dhe kete duhet pasur parasysh te gjithe, pikerisht per kete arsye edhe nderkombetaret u kujdesen (mirepo edhe nuk kishte zgjidhje tjeter) , per largimin e te gjitha forcave serbe me 1999.
Tani une mendoj se problemi i Dardanise tone illire eshte ne krijimin e nje lloj me shume tolerance etnike, sepse sic dihet nga te gjithe e edhe nga nderkombetaret, eshte shume e veshtire te arrihet menjehere duke pasur parasysh se kemi shume shqiptare ne Dardanine tone ilire qe kane me dhjetera te aferm te masakruar nga serbet ne kohen e luftes, dhe kjo gje e ben shume te veshtire sigurine e pakices serbe atje, gje qe eshte shume normale.
Mirepo tani mendoj se jane pjekur kushtet, edhe per ne shqiptaret qe ne njefare menyre te fillojme te leme anash ate se cfare ka ndodhur ( jo te harrojme se kjo nuk mund te harrohet) por per hir te te ardhmes sic thote edhe Klintoni te mos behemi si i keqi , te mos futemi ne nje thes me te keqin sic thote edhe nje fjale popullore, dhe keshtu edhe do te pershpejtojme procesin e pavaresise dhe bashkimit tone kombetar per cgje edhe ka ardhur koha tani, edhe pse koha gjithmone ka qene per kete, por tani koha e pavaresimit dhe bashkimit ka ardhur dhe nuk ka nevoje dhe nuk mund te shtyhet me.
Drini ju lumte juve dhe gjithe te tjereve.
Pershendetje
Rrofshin Shqiptaret e Bashkuar dhe Shqiperia e Bashkuar.

[Dita]

Përditësimi: 13.2.2003 16:28 (CET)
Kosovë: Kuvendi mbështet në parim pavarësinë


Shefat e katër grupeve parlamentare të Kuvendit të Kosovës kanë rikonfirmuar mbështetjen e tyre për deklaratën e pavarësisë për Kosovën.
Deklarata e sotme (e enjte) pason vendimin për të mos përfshirë në rendin e ditës së mbledhjes planare nismën e 42 deputetëve të Kuvendit të Kosovës për shpalljen e Kosovës shtet të pavarur dhe sovran. Deklaratën e lexoi njëri prej nënkryetarëve të Kuvendit të Kosovës, dhe me të janë hequr dilemat rreth mundësisë që Kuvendi i Kosovës të shpallë pavarësinë e Kosovës.
Është thënë se nisma është legjitime, dhe se miratimi i kësaj deklarate ka hyrë në procedurë të rregullt dhe se do të shqyrtohet në njërën nga mbledhjet e ardhshme.
Kjo deklaratë është lexuar pikerisht sot (e enjte), kur deputetet serb te koalicionit "Kthimi" janë kthyer në kuvend pas një bojkoti më shumë se tre muajsh.
Leximi i saj dhe vendimi që të procedohet me deklaratën në njërën prej mbledhjeve të ardhshme, për deputetet serb ka pasur kuptime të ndryshme.
Rada Trajkoviq, deri vonë shefe e grupit parlamentar serb, është e mendimit se Kuvendi i Kosovës në fakt e ka shpallur pavarësinë, ndërkaq veprimin e kolegëve të saj e ka cilësuar si veprim të turpshëm:
"Unë jam shumë e indinjuar dhe nuk e kuptoj se si kemi mundur të heshtim ndaj një projekti të tillë.
Për mua, shqiptarët kanë bërë një veprim dinak dhe kjo nuk do të shfuqizohet nga kreu i UNMIK-ut, sepse formalisht për të nuk është votuar, edhe pse kjo është miratuar me aklamacion", tha zonja Trajkoviq.
"Mendoj se përfundimisht është shpallur pavarësisa e Kosovës", shtoi ajo.
Një tjetër anëtar i këtij koalicioni, Oliver Ivanoviq, ndërkaq mendon se në mbledhjen e sotme (e enjte) të Kuvendit nuk ka ndodhur asgjë.
Për më shumë, thotë Ivanoviq, është respektuar vendimi i kryesisë që kjo çështje të mos vendoset në rend të ditës.
Ndryshe, 42 deputetët e Kuvendit të Kosovës kanë hartuar një projekt - deklaratë me të cilën kërokohet që Kuvendi i Kosovës të shpallë Kosovën shtet të pavarur dhe sovran.
Teksti i kësaj deklarate, sëbashku me kërkesën për shqyrtimin e saj, i është dorëzuar Kuvendit dhjetë ditë më parë. Ndërkohë, kanë vazhduar diskutimet për harmonizimin e saj ndërmjet grupeve parlamentare.
Pavarësisht se formalisht deklarata e pavarësisë nuk është vendosur në rend të ditës, deputetët kanë konstatuar se kjo është e drejtë legjitime e tyre, dhe kanë vendosur që më në fund ta diskutojnë nismën e 42 kolegëve të tyre, por pa saktësuar kohën se kur.



Teksti i deklaratës së shefave të grupeve parlamentare

1 - Përkrahim nismën e deputetëve të Kuvendit të Kosovës për miratimin e deklaratës për Kosovën shtet sovran dhe i pavarur, të datës 3 shkurt 2003.

2 - Nisma e deputetëve ka hyrë në procedurë të rregullt në Kuvend dhe vazhdon shqyrtimi i saj.

3 - Kryetarët e grupeve parlamentare marrin përsipër harmonizimin e qëndrimeve për deklaratën e pavarësisë me grupet parlamentare dhe me institucionet tjera në Kosovë.

4 - Deklarata e harmonizuar do të dalë për miratim në ndonjërën prej seancave të ardhshme të Kuvendit të Kosovës, në procedurë të rregullt, në bashkëpunim të kryetarëve të grupeve parlamentare dhe të kryesisë së Kuvendit.



BBC

[Dita]

WASHINGTON: SHQETËSIM PËR KOMENTET MBI STATUSIN E KOSOVËS
13 Feb 2003, 19:26 UTC


Shtetet e Bashkuara shprehën sot shqetësim për komentet e autoriteteve të Beogradit dhe të politikanëve shqiptarë mbi statusin përfundimtar të Kosovës. Zëdhënësi i Departamentit të Shtetit Richard Boucher thekson përmes një deklarate se Shtetet e Bashkuara mbështesin plotësisht rezolutën 12-44 të Këshillit të Sigurimit e cila përcakton se statusi përfundimtar do të zgjidhet përmes një procesi politik. Washingtoni mbështet qëndrimin e administratorit Michael Steiner për plotësimin e standarteve, para hapjes së bisedimeve për statusin. Departamenti i Shtetit thekson se deklaratat e Beogradit, apo ato të politikanëve shqiptarë në Kosovë, për çështjen e statusit, mund të sjellin një destabilizim të situatës. Departamenti i Shtetit u bën thirrje autoriteteve të bashkëpunojnë me komunitetin ndërkombëtar për krijimin e bazave për një shoqëri demokratike në Kosovë.


Zeri i Amerikes

[AsgjëSikurDielli]

Fluturimi i krokodilit

Fillimi i shekullit

VETON SURROI

1. Në një barcoletë të vjetër sovjetike, eprori e pyet ushtarin se a fluturon krokodili. Pasi që ushtari përgjigjet negativisht, atë e dërgon në Siberi. E njëjta gjë ndodh edhe me të ardhshmin. Kur i vjen radha të tretit, e duke i parë pasojat e përgjigjes për dy kolegët e mëparmë, ushtari i pyetur përgjigjet: “Po, por fluturon ulët!”. Ushtari i tretë, i cili gjeti kompromisin mes trysnisë së eprorit dhe ndërgjegjes së vet që i thoshte se krokodilët nuk fluturojnë, shpëtoi. Pak a shumë kështu ndodhi dje edhe me deputetët e Kuvendit të Kosovës, përkatësisht me grupet parlamentare shqiptare. U ballafaquan me ndjenjen pro-pavarësi dhe me trysninë e kryeqendrave perëndimore që të mos e bëjnë shpalljen në Kuvend të ndjenjave të tyre, dhe e gjetën formulën me të cilën krokodili kosovar fluturonte ulët. Pas më shumë se një javë marrjeje me projektdeklaratën për pavarësi doli një paradeklaratë, pra marrëveshja e tri grupeve parlamentare shqiptare dhe e grupit minoritar joserb se do të ulen e t’i harmonizojnë qëndrimet lidhur me deklaratën e ardhshme për pavarësinë e Kosovës. Me këtë manifestuan ndjenjen e tyre pro-pavarësi, qëllimin se ndonjë ditë do ta shpallnin qëllimin e tyre dhe vetëkënaqësinë se ia kishim mbërritur edhe të thonë se krokodili fluturon ulët e edhe t’i iknin ndëshkimit, d.m.th. se kishin mbërritur një kompromis që i kënaq të gjitha e të gjithë.

2. Nuk ndodhi, megjithatë, vetëm kaq. Me apo pa dashje, në e rreth Kosovës u zbatua një taktikë e vjetër guerile, e ashtuquajtura zbrazja testuese e karikatorit. Kur nuk di se në ç’pozicion e ke të vendosur kundërshtarin, zbraz një karikator në të katër anët dhe pret që armiku të identifikohet vetë me të shtënat e veta. Këtë e zbatoi së pari Gjingjiqi, duke zbrazur karikatorin provues me deklarimin për hapjen e negociatave rreth statusit të Kosovës, dhe taktika i dha rezultat. Brenda Serbisë vërejti se nuk ka të shtëna, por përkrahje. Në radhë vinin Evropa dhe Amerika, të shtënat e të cilëve i priste, por nuk dinte se ç’intensiteti ishin e tash i di. Ato janë pak të dallueshme: në Evropë i thuhet që të presë e në Amerikë se do t’i vështirësohet pozicioni Serbisë nëse vazhdon me këso provokimesh. Që nga të dyja i sugjerohet që të futet në “biseda teknike”. Dhe në fund i priti të shtënat kosovare, të cilat të pakoordinuara, arritën të sajohen dikund vonë mbrëmë, me dakordimin e grupeve parlamentare për paradeklaratë. Po ta mbledh e pjesëton, karikatori i Gjingjiqit nuk shkoi bosh. Edhe përgjigjja iniciale kosovare qe një lloj karikatori testues. Nga Kosova nuk pati të shtëna, por dikund përqeshje e dikund kritika, një huti që shprehej me pyetjen se “a thua kush po shtien?”.Të shtënat nga Serbia dhe liderët serbë kosovarë ishin të pritshme, dhe ravijëzuan aktivitetin e tyre të ardhshëm politik: territorializimi etnik, grupimi i komuniteteve serbe në një territor të ndërlidhur mes vete e ku shumicë do të jenë serbët. Iniciatorët e deklaratës i prisnin gjithashtu të shtënat nga Evropa e Amerika, dhe gjithashtu vlerësuan intensitetin e tyre. Në Evropë u tha se nuk ka nevojë për këso deklaratash, sepse nuk e përcaktojnë statusin, në Amerikë u tha se një gjë e tillë jo vetëm se nuk i ndihmon Kosovës, por nuk i ndihmon as atij që mund ta ndihmojë Kosovën. Edhe Evropa, edhe Amerika sugjeruan “biseda teknike” me Serbinë. Përfundimi i karikatorëve ishte gjithëfarshëm, por në fund zbuluan se duhet të zhvillohen “biseda teknike”, e nuk jam i sigurt se këtë epilog e dëshironte cilado palë, as Beogradi e as Prishtina.

3. Blerja e kohës e bërë dje në Kuvend të Kosovës do të rihapë, ndoshta jo edhe përfundimisht, njërën prej çështjeve kyçe në Kosovë: përcaktimin e politikave në të ardhmen. E aty janë dy çështje të ndërlidhura: çfarë do të jenë politikat e së ardhmes dhe kush do ta krijojë konsensusin rreth tyre. Paradeklarata zhvendosi vëmendjen prej liderëve partiakë në atë të shefave të grupeve parlamentare, por dosido ende pa përcaktuar se kush në të vërtetë merr vendime. E vendimet kanë të bëjnë me një rrjedhojë të natyrshme që del nga përcaktimi i djeshëm i Kuvendit: kur mendojnë anëtarët e Kuvendit se do ta bëjnë shpalljen e pavarësisë, çfarë parakushtesh të shtetit funksional duhet të kihen para se të bëhet kjo shpallje formale dhe si të arrihet të ndërtohen këto parakushte të shtetit funksional? Nëse nuk mund të ndërtohen politikat që do të përcaktojnë përgjigje për këtë pyetje, atëherë ky mandat i Kuvendit të Kosovës jo që nuk mund të nxjerrë një deklaratë, por lirisht mund ta kalojë tërë mandatin duke përcaktuar se a ka krokodili krahë që të fluturojë.

4. Dikund në margjina të shënimeve për ngjarje të mëdha politike, gjithsesi duhet t’i gjendet vendi edhe faktit se në Kuvend u trajtua edhe projektligji për bankrot. Ndoshta ishte vetëm një rastësi simbolike, por paralel me frytin e mosefikasitetit politik, doli në shqyrtim njëri prej ligjeve më të rëndësishme reformuese e që pritet ta ndryshojë strukturën pronësore në Kosovë, ligji i cili duhet të sanksionojë mosefikasitetin ekonomik. Kur deputetët e Kuvendit të fillojnë t’i ndiejnë efektet e këtij ligji, mandatit të tyre do t’u afrohet fundi.

[Dita]

14.2.2003 13:55 (CET)
Partosh për statusin e Kosovës


Një grup deputetësh kosovarë, para pak ditësh, hartuan një deklaratë për pavarësinë e Kosovës.
Deklarata që të enjten u miratua në parim dhe nga Kuvendi, shkaktoi regime nga përfaqësues të komunitetit ndërkombëtar.
Ata argumentojnë se koha për të vendosur statusin final të Kosovës, nuk ka ardhur ende.
Rreth kësaj çështjeje, Albana Kasapi e seksionit shqiptar të BBC-së, bisedoi me analistin e BBC-së, Gabriel Partosh.


BBC: A kanë të drejtë deputetet shqiptarë të kërkojnë pavarësi?

PARTOSH: Sigurisht që po, moralisht dhe politikisht, ata kanë të drejtë, për arsyen e thjeshtë se sipas çdo treguesi të mundshëm, shumica e shqiptarëve të Kosovës, e mbështesin pavarësinë dhe nëse beson në vetëvendosje, kjo çështje duhet parë. Por këtu ka dhe çështje të tjera: kushtetuese, ligjore dhe aspekte të tjera politike. Ansambleja nuk ka autoritet që të shpallë pavarësinë e Kosovës, por edhe nëse do ta bënte këtë, kjo do të bllokohej nga përfaqësuesi i OKB-së, Z. Shtajner dhe nga ky këndvështrim, do të qe më shumë një veprim politik sesa një lëvizje politike me baza.

BBC: Në fakt nuk janë vetëm shqiptarët që kërkojnë një zgjidhje sa më të shpejtë të statusit të Kosovës. Kryeministri serb, Zoran Xhinxhiç, ka kërkuar po ashtu që kjo çështje të diskutohet në një konferencë për Kosovën, që ai mendon se duhet të mbahet në muajin qershor të këtij viti, katër vjet pas vendosjes së Kosovës nën administrim ndërkombëtar.

PARTOSH: Mendoj se pikërisht prej kërkesës së Z. Xhinxhiç, komuniteti ndërkombëtar mendon se kjo nuk është koha e duhur për të folur për statusin. Z. Xhinxhiç ka axhendën e vet, që ndoshta është interesante për t'u marrë vesh dhe për t'u diskutuar dhe që mund të ketë të bëjë në një farë mënyre, me faktin se ai do tani të futet në territorin politik, që deri tani ka qenë pronë e Z. Koshtunica, që t'u apelojë votuesve më të moderuar nacionalistë në Serbi.
Por pavarësisht nga kjo, komuniteti ndërkombëtar mendon se është ende shumë herët për të folur për statusin përfundimtar të Kosovës.
Arsyeja është se nuk është bërë ndonjë marrëveshje kompromisi për momentin që do të ishte e pranueshme nga të dyja palët. Dhe të fillosh diskutimet për këtë tani dhe t'i shohësh këto diskutime që të zgjasin muaj pas muaji apo vit pas viti, apo të dështojnë, do të ishte kontraproduktive. Prandaj ata duan ta lënë çështjen për momentin kështu si është.

BBC: Z. Partosh, sipas mendimit tuaj, sa kohë duhet të zgjasë dhe sa kohë do të zgjasë në fakt, arritja e një marrëveshje në gjirin e komunitetit ndërkombëtar për statusin përfundimtar të Kosovës?

PARTOSH: Kjo është pyetje shumë e vështirë. Është interesante se në fakt, vitin e shkuar, para gjashtë muajsh, u takova me disa diplomatë të Bashkimit Evropian, që po shtynin idenë për fillimin e negociatave për statusin e Kosovës në të ardhmen e afërt, brenda këtij viti. Tani duket se ky moment ka kaluar. Pse? Mendoj se një arsye është se Iraku është bërë çështja parësore dhe është e vështirë të merresh me një çështje të rëndësishme, po ashtu dhe terrorizmi ndërkombëtar apo çështja e Koresë së Veriut që ka potencial të bëhet një çështje shumë e rrezikshme. Kështu që, të kesh përpara një çështje të katërt apo të pestë në të njëjtën kohë, është shumë, shumë e komplikuar, shumë problematike. Kjo është arsyeja kryesore dhe më e rëndësishme (që nuk diskutohet statusi i Kosovës tani).
Arsye tjetër është se, në mungesë të një alternative të pranueshme për të dy palët, shqiptarët dhe Beogradin, apo pak a shumë të pranueshme, në mungesë të kësaj, shihet se është shumë herët për të filluar këto bisedime.
Sa kohë do të zgjasë kjo? Nuk e di, nuk mendoj se ideja është të pritet shumë gjatë. Por kjo do të varet pjesërisht koha që do të marrë nga zgjidhja e këtyre problemeve të tjera më akute të skenës ndërkombëtare dhe po ashtu, deri diku, duhen bërë ca përgatitje në prapaskenë për të dalë, së paku me një sugjerim apo sugjerime të ndryshme, që mund të jenë baza e diskutimeve.

BBC: Parakusht për këtë, sipas jush, do të jetë arritja e një lloj marrëveshjeje mes Beogradit dhe shqiptarëve dhe zgjidhja e problemeve të tjera ndërkombëtare. Por Ballkani, si e dimë të gjithë, mund të jetë shpërthyes. Patëm një konflikt në Maqedoni, një tjetër në Luginën e Preshevës, ku tensionet tani janë ngritur sërish. Dhe në Kosovë situata nuk është e qendrueshme. A mund të përballet komuniteti ndërkombëtar dhe vetë misioni i OKB-së në Kosovë me ndonjë rrezik duke e shtyrë zgjidhjen e statusit të Kosovës?

PARTOSH: Po, por ky rrezik nuk shihet si rrezik i momentit dhe kjo e bën të mundur që ky proces të shtyhet e të vonohet. Por mendoj se ka ndërgjegjësim se, pothuajse padyshim, ky rrezik do të rritet gradualisht, sepse në mënyrë të pashmangshme, do të rritet frustrimi i njerëzve.
Dhe nga ky këndvështrim, një arsye për presionin mbi shqiptarët dhe udhëheqjen e tyre për të mos e miratuar këtë deklaratë, ndoshta ishte pikërisht sepse me sa duket, kjo do të shihej si një nxitje për ekstremistët kundër pranisë ndërkombëtare në Kosovë. Sepse sapo Kosova të shpallet e pavarur nga parlamenti i vet, në mendjet e disa nga mbështetësve më pak të sofistikuar të pavarësisë së Kosovës, kjo ndoshta do ta transferonte praninë e trupave të huaj në Kosovë, nga çlirues, në pushtues.
E gjitha mund të tingëllojë si ndryshim shumë i madh, por kjo në fakt do të kishte krijuar terrenin që gjërat të shkonin drejt kësaj situate.
Kështu që çështja e statusit nuk mund të shtyhet përjetësisht, padyshim, por mendoj ngaqë rreziku nuk shihet shumë afër, kjo mundëson komunitetin ndërkombëtar që të thotë: në rregull, le të presim dhe ca.

BBC: A janë gati shqiptarët për pavarësi?

PARTOSH: Ata kanë qenë gati për së paku 13 vjet...kanë qenë gati në kuptimin që e shpallën pavarësinë. Por nëse ata janë gati që të marrin përsipër përgjegjësitë, kjo është çështje tjetër dhe duhet trajtuar ndryshe...
Kosova nuk ka traditë pavarësie dhe disa nga aftësitë kërkojnë kohë që të përftohen. Për të mos përmendur këtu, atë që kosova nuk është gati për pavarësi sepse ende nuk ka një sistem në mbrojtje të minoriteteve, një mjedis të sigurtë për të gjithë, mbrojtje të të drejtave të njeriut, për disa arsye që kuptohen për shkak të historisë së represionit serb.
Por edhe nëse pranohet parimi i vetëvendosjes dhe injorohet pronësia historike dhe të drejtat e Serbisë mbi territorin, ideja e përgjithshme do të ishte se nuk mund të shkohet për pavarësi që tani për shkak se kushtet nuk janë krijuar ende. Edhe kjo është pjesë e këtij procesi, ndonjëherë të gjatë dhe të dhimbshëm të pritjes dhe hezitimit, para se të fillojë ndonjë lloj bisedimi.

BBC: Krijimi i Serbisë dhe Malit të Zi dhe referendumi pas tre vjetësh që ata do të mbajnë për të vendosur për statusin e tyre, mos ndoshta do të kërkojë që bisedat rreth statusit të Kosovës deri atëherë, në një farë mënyre, të jenë saktësuar?

PARTOSH: Po, mendoj se do të ketë një ndikim nëse Serbia dhe Mali i Zi shkojnë në drejtime të ndryshme për tre vjet. Pastaj, duhet gjetur një zgjidhje. Jo një zgjidhje që do të zbatohej menjëherë, por që së paku, një marrëveshje deri atëherë duhet të jetë arritur që do të thotë një perspektivë afatmesme për ta zgjidhur këtë çeshtje. E pritshme është që kjo të jetë drejt pavaresisë së Kosovës. Kjo nuk do të ndodhë menjëherë, por brenda një afati të caktuar. Ndoshta, koha, si mund të shihet tani, do të koincidonte me hyrjen në BE, brenda 7,8, 9 a 10 vjetësh, të të gjitha këtyre entiteteve, republikave, vendeve. Kështu, askush nuk do të vinte re ngritjen e kufijve të rinj, sepse ata do të binin me hyrjen në BE.

[Dita]

D. Serwer mohon akuzat e kryeministrit serb Xhinxhiç.
14 shkurt 2003; 20:15 UTC



A.Xh.: Zoti Serwer, kryeministri i Serbisë, Zoran Xhinxhiç bëri disa akuza ndaj jush këto ditë. Ai ju quajti ju si anëtar të lobit shqiptar, këtu në Shtetet e Bashkuara. Si iu përgjigjeni ju këtyre kritikave.

D.Serwer: Ky nuk është një pretendim i besueshëm. Instituti i Paqes ka një historik shumë të gjatë miqësie dhe përkrahjeje për opozitën demokratike serbe. Ne përpiqemi të ruajmë një qëndrim të balancuar ndërmjet shqiptarëve dhe serbëve. Ne përpiqemi t’u vëmë gjërave emrin që u takon. Nuk jemi lobistë të askujt dhe ai e di këtë. A.Xh.: Komentet e kryeministrit serb Xhinxhiç përkojnë me një raport që Instituti juaj i Paqes botoi këto ditë pas një takimi me ekspertë amerikanë dhe evropianë mbi mënyrën se si duhet trajtuar e ardhmja e Kosovës, e statusit të saj përfundimtar. A shikoni ndonjë lidhje midis raportit tuaj ku ju rekomandoni që çështja e statusit të Kosovës të përcaktohet pas disa vitesh, ndërsa kryeministri Xhinxhiç ka kërkuar me këmbëngulje kohët e fundit që statusi i Kosovës, bisedimet për të, të fillojnë menjëherë?

D.Serwer: Nuk e di. Këtë pyetje duhet t’ia bëni Zoran Xhinxhiçit. Mendoj se nevojitet një vit apo pak më gjatë për përgatitjet për statusin përfundimtar të Kosovës. Ne nuk mendojmë se kjo çështje mund të shtyhet pafundësisht. Nuk mendoj se Beogradi dhe Prishtina janë të përgatitura t’i hapin këto bisedime që nesër. Mendoj se është e nevojshme që veçanërisht në Prishtinë të përgatiten studime serioze se çfarë domethënieje do të ketë pavarësia, çfarë forme do të kenë marrëdhëniet me fqinjët, çfarë statusi do të kenë pakicat në skenarin e tyre të preferuar. Po ashtu Beogradi duhet të përgatitet për negociata duke qartësuar idenë se çfarë forme dëshiron që të marrin marrëdhëniet e pakicave serbe dhe pakicave të tjera me shumicën në Kosovë; si do të qeveriset Kosova; çfarë domethënieje do të kishte ruajtja e sovranitetit serb në Kosovë. Mendoj se nevojiten analiza serioze dhe të kujdesshme, ku të përfshihen edhe alternativa nga të dyja palët. Nuk mendoj se kjo punë është bërë. Mendoj se do të duhet së paku një vit. Por nuk mendoj se diskutimi i statusit përfundimtar mund të shtyhet pafundësisht. Mendoj se ka ardhur koha për t’u angazhuar seriozisht në këtë drejtim.

A.Xh.: Nëse i kthehemi raportit të fundit të organizatës suaj, cilat janë disa nga rekomandimet që bëhen në të?

D.Serwer: Ne rekomandojmë që të fillojë një periudhë përgatitore, e cila do të përfundojë me fillimin zyrtar të bisedimeve në vitin 2004-2005 dhe bisedimet mund të zgjasin 2-3 vjet. Ky do të ishte parashikimi im më i mirë, por nëse kjo mund të realizohet më shpejt, aq më mirë. Ne rekomandojmë që Shtetet e Bashkuara, Bashkimi Evropian dhe Rusia të fillojnë të përgatiten për këto bisedime. Ne gjithashtu i mbështesim me forcë standartet e Kombeve të Bashkuara. Këto standarte duhen përmbushur, sidomos standarti që ka të bëjë me serbët dhe pakicat e tjera në Kosovë. Ky standart duhet përmbushur pa vonesë nëse shqiptarët dëshirojnë hapjen e bisedimeve për statusin përfundimtar në një të ardhme të afërt.

A.Xh.: Në raport ju rekomandoni një rol të madh për Shtetet e Bashkuara në Ballkan për çështjen e statusit të Kosovës. A mendoni se Shtetet e Bashkuara do të vazhdojnë të qëndrojnë në angazhuara në Ballkan pas angazhimit të madh tashmë në një luftë të mundshme kundër Irakut dhe me krizën në Korenë e Veriut?

D.Serwer: Mendoj se gjatë muajve të ardhshëm do të jetë shumë e vështirë për Shtetet e Bashkuara të luajnë një rol të rëndësishëm në statusin përfundimtar të Kosovës, por, siç e thashë më parë, për 1 vit apo 1 vit e gjysëm vëmendja duhet të përqëndrohen në përgatitjet në Beograd dhe Prishtinë. Pra, nuk ka nevojë të ngutshme për rolin e Shteteve të Bashkuara. Shpresoj që gjërat të shkojnë mirë me Irakun, Korenë e Veriut, Afganistanin si dhe çështje të tjera me të cilat ndeshen amerikanët, në mënyrë që ata të kenë rezerva që të angazhohen në këtë çështje, të themi pas 2 vjetësh. Nëse nuk është e mundur kjo, Kombet e Bashkuara ose Bashkimi Evropian mund të mbajnë peshën e këtyre përpjekjeve. Mendoj se angazhimi amerikan do ta lehtësonte procesin. Mendoj se ky është një faktor i rëndësishëm pozitiv, por nëse nuk është e mundur, procesi duhet të vazhdojë pa të.

A.Xh.: Dhe një pyetje e fundit; ditët e fundit gjendja në Luginën e Preshevës është acaruar së tepërmi dhe kryeministri serb Xhinxhiç bëri disa komente të ashpra për të ndërhyrë kundër ekstremistëve shqiptarë. Si e shikoni ju gjendjen në këtë zonë?
D.Serwer: Jam dakort me kryeministrin Xhinxhiçi se është e pajustifikueshme të ngresh armët kundër autoriteteve të ligjshme në Serbinë e Jugut, Kosovë apo Maqedoni sot. Ata që ngrenë armët kundër autoriteteve të ligjshme në këto vende duhet ta kenë të qartë se do të trajtohen si kriminelë.
Intervistën mund ta ndiqni në emisionin tonë të orës 18:00 të datës 17 shkurt.


Zeri i Amerikes




Sqarim: Daniel Serwer eshte kryesues i organizates Iniciativa per Ballkanin qe ne korrik te vitit 2002 ka publikuar nje studim me tete mundesi per statusin perfundimtar te Kosoves.

[Brari]

Dita !


Shume interesante ato Shkrimet qe ke sjelle.

Asgje !

Boll more e mbajte kryet ne diell tan diten e lume. Hin dhe ne liqen pak me u fresku e me u la.

Vetoni ka shkrue bukur.

Ai bukur i ve ne loje Dugollat qe bejne prova me "Testue" se cka po thojke Bota madhe per pun te pamvaresise ashtu si Xhinxhici ne krahun tjeter.
Por dhe vet Vetoni priti cka po thot Bota e mbasandej foli vet.

Ai kish kohe rreth tre jav me i dal perpara me mendimet e veta inisiatives se Dugoll - Hydajet-Limajt me 42 trimat e Ali babes..

Por Vetoni priti se mos po gabon ndaj atyre jasht e atyre mbrenda e mbasi u sigurue se cka tha Bota e nxorri dhe Vetoni kallashin e tije dhe e shprazi nji karikator me than qe ja ku jam dhe une.

Kur vjen puna me kundershtue Rugoven Vetoni mjaftohet vetem me i pelqye PDK-AAK-se qe ato te mos e lujne qimet e Tulles kOkmadhe te Vetonit. Ne keto raste ai e shpraz kallashin pa frike sepse Rugova vec fol e nuk ka njesite guerile qe vrasin bab e bira.
Vetoni blindohet gjithmon dubel e Treubel karshi guerilsave qe te heqin Koken.
Njiheri duke i pas punt mire me regjisoret e PDK dhe AAK-se ne Tirane..e duke i pas mire me Diplomatet e huaj ne Jugo-ballkan.


Shkurt hesapi Vetoni nuk eshte aspak origjinal ne mendime por eshte krejt i ngjashem me ate ushtarin e trete te krokodilit te Kolkozit sovietik te cilin e merr si shembull me tall te tjeret.

Po ky Limaj cfar kish qe u nxitua e nuk pyeti Tiranen ne kto dite te nismes Dugolljane?

Limajt i del emri vazhdimisht ne gjyqin e Vrasesve te komandant Drinit..

Duke krijuar ose duke vene veten ne qender te Zhurmes Dugolliane ai mendon te largoje vemendjen nga POJATA e PRIZRENI ku Drini i Vrare akuzon.

Po Dugolli ku e kish Hallin?

Mos valle dhe Dugolli eshte instruktor banditesh si Limaj?

Vrasja e Tahir Zemajt eshte enigm por enigm nga pikpamja juridike sepse Populli e Di se hajnat e AAK-se jane mbrapa kesaj vrasjeje.

Keto dite Gjykata Tiranes i c'fajesoj Banden e Hakmarrjes.

Mos valle Thesi me Euro qe u dha per vrasjen e Tahir Zemajt mbushi Xhepat e Gjykatesve te Tiranes??

Mos valle Banda Hakmarrja i ka liruar nga "aksionet" me telashe guerilsat marksist te Kosoves duke kryer vrasje me Porosi dhe Lire e shpejte e me Cilesi ne Kosove..??

Te shohim..


Kjo bande me 10 antare profesioniste ben aksione jo vetem brenda Kufijve te Shtetit gjinushoist-Servet-Pellumboist..
Ata fare mire mund te nxjerrin "Buken e Gojes" dhe ne Kosove ku PDK e Halitit paguan mire.



Tash ne teme:


Ja c'thote Ky burri ne trepca:


------
Zyra e Institutit për Demokraci dhe Relacione Etnike (IDERK)

Cili është Interesi nacional i Kosovarëve?




16 shkurt 2003 / Shkruan : Fadil Maloku / Sociolog /
Një ndër temat më madhore dhe më preokupuese që do të mund të identifikonin qytetarët e Kosovës, përpara se do të rrumbullaksohej procesi i realizimit të synimit të identitetit të tyre shtetëror, së bashku me grupet tjera etnike që jetojnë në Kosovë, padyshim se është ai i definimit të preokupimit të asajë që gjithë popujt e civilizuar e identifikojnë si Interes nacional të vetin.

Në ndërkohë, rrugëtimi që po tentohet të sponsorohet në nivel të pasionit ndër shqiptarët e Kosovës dhe nga ana e Administratës ndërkombëtare, pas luftës përkitazi me të poseduarit e një lloj legjitimiteti demokratik, në momentin kur ende nuk janë definuar as kornizat elemetare identifikuese të shtetësisë për qytetarët e Kosovës, bënë që raportet e këtilla të pakonsoliduara në aspektin; ekonomik, juridik dhe parasëgjithash në ate politik në këtë fazë të pasluftës, të mos mund të definojnë qart konceptin e Interesit shqiptar në Kosovë.


Imponimi i mëtejmë i kësisojtë, dmth. si jodefinues i subjektit aktual politik shqiptar; si ndajë faktorit të jashtëm (ndajë të cilit mund të përdoret ende alibi i ndodhjes së luftës, anarkisë, kriminalitetit, etj.) ashtu edhe atij të mbrendshëm (ndajë të cilit s' mund të përdoret asfarë mekanizmi identik!) sipas dioptrisë sociologjike, përveq reperkusionit të mosqartësimit të statusit politik të Kosovës, sjellë edhe pasojat e :

a/ Krijimit të një lloj hutie, anarkie e pasigurie në realizimin e relevancës së asajë që do të duhej të identifikojej si Interes vital nacional shqiptar në Kosovë, që me ardhjen e forcave të NATO-s, e cila duhet të eliminohet nga shkaku se: si në opinionin e mbrendshëm e sidomos ate jashtmin lënë përshtypjen e një papjekurie të përgjithshme politike në Kosovë. Në fazën e parë të imponimit, sukcesivisht ky problem, nuk do të duhej të ishte edhe aq gjithaq preokupues, mirëpo çdo vazhdim i mëtejmë i kësajë gjendjeje jokonsoliduese, do të mund të sjellë kokëqarje dhe probleme afatgjata për Kosovën.

Me kalimin e kohës, moskordinimi, apo më mirë me thënë mos sinkronizimi i veprimeve të subjektit politiko - ushtarake të akterëve në Kosovë, në sytë e Administratës ndërkombëtare dhe institucioneve tjera relevante ndërkombëtare që ende e kanë të drejtuar vëmendjen e vetë në ndihmën dhe solidaritetin me Kosovarët, mu

[Brari]

Dita !


Shume interesante ato Shkrimet qe ke sjelle.

Asgje !

Boll more e mbajte kryet ne diell tan diten e lume. Hin dhe ne liqen pak me u fresku e me u la.

Vetoni ka shkrue bukur.

Ai bukur i ve ne loje Dugollat qe bejne prova me "Testue" se cka po thojke Bota madhe per pun te pamvaresise ashtu si Xhinxhici ne krahun tjeter.
Por dhe vet Vetoni priti cka po thot Bota e mbasandej foli vet.

Ai kish kohe rreth tre jav me i dal perpara me mendimet e veta inisiatives se Dugoll - Hydajet-Limajt me 42 trimat e Ali babes..

Por Vetoni priti se mos po gabon ndaj atyre jasht e atyre mbrenda e mbasi u sigurue se cka tha Bota e nxorri dhe Vetoni kallashin e tije dhe e shprazi nji karikator me than qe ja ku jam dhe une.

Kur vjen puna me kundershtue Rugoven Vetoni mjaftohet vetem me i pelqye PDK-AAK-se qe ato te mos e lujne qimet e Tulles kOkmadhe te Vetonit. Ne keto raste ai e shpraz kallashin pa frike sepse Rugova vec fol e nuk ka njesite guerile qe vrasin bab e bira.
Vetoni blindohet gjithmon dubel e Treubel karshi guerilsave qe te heqin Koken.
Njiheri duke i pas punt mire me regjisoret e PDK dhe AAK-se ne Tirane..e duke i pas mire me Diplomatet e huaj ne Jugo-ballkan.


Shkurt hesapi Vetoni nuk eshte aspak origjinal ne mendime por eshte krejt i ngjashem me ate ushtarin e trete te krokodilit te Kolkozit sovietik te cilin e merr si shembull me tall te tjeret.

Po ky Limaj cfar kish qe u nxitua e nuk pyeti Tiranen ne kto dite te nismes Dugolljane?

Limajt i del emri vazhdimisht ne gjyqin e Vrasesve te komandant Drinit..

Duke krijuar ose duke vene veten ne qender te Zhurmes Dugolliane ai mendon te largoje vemendjen nga POJATA e PRIZRENI ku Drini i Vrare akuzon.

Po Dugolli ku e kish Hallin?

Mos valle dhe Dugolli eshte instruktor banditesh si Limaj?

Vrasja e Tahir Zemajt eshte enigm por enigm nga pikpamja juridike sepse Populli e Di se hajnat e AAK-se jane mbrapa kesaj vrasjeje.

Keto dite Gjykata Tiranes i c'fajesoj Banden e Hakmarrjes.

Mos valle Thesi me Euro qe u dha per vrasjen e Tahir Zemajt mbushi Xhepat e Gjykatesve te Tiranes??

Mos valle Banda Hakmarrja i ka liruar nga "aksionet" me telashe guerilsat marksist te Kosoves duke kryer vrasje me Porosi dhe Lire e shpejte e me Cilesi ne Kosove..??

Te shohim..


Kjo bande me 10 antare profesioniste ben aksione jo vetem brenda Kufijve te Shtetit gjinushoist-Servet-Pellumboist..
Ata fare mire mund te nxjerrin "Buken e Gojes" dhe ne Kosove ku PDK e Halitit paguan mire.



Tash ne teme:


Ja c'thote Ky burri ne trepca:


------
Zyra e Institutit për Demokraci dhe Relacione Etnike (IDERK)

Cili është Interesi nacional i Kosovarëve?




16 shkurt 2003 / Shkruan : Fadil Maloku / Sociolog /
Një ndër temat më madhore dhe më preokupuese që do të mund të identifikonin qytetarët e Kosovës, përpara se do të rrumbullaksohej procesi i realizimit të synimit të identitetit të tyre shtetëror, së bashku me grupet tjera etnike që jetojnë në Kosovë, padyshim se është ai i definimit të preokupimit të asajë që gjithë popujt e civilizuar e identifikojnë si Interes nacional të vetin.

Në ndërkohë, rrugëtimi që po tentohet të sponsorohet në nivel të pasionit ndër shqiptarët e Kosovës dhe nga ana e Administratës ndërkombëtare, pas luftës përkitazi me të poseduarit e një lloj legjitimiteti demokratik, në momentin kur ende nuk janë definuar as kornizat elemetare identifikuese të shtetësisë për qytetarët e Kosovës, bënë që raportet e këtilla të pakonsoliduara në aspektin; ekonomik, juridik dhe parasëgjithash në ate politik në këtë fazë të pasluftës, të mos mund të definojnë qart konceptin e Interesit shqiptar në Kosovë.


Imponimi i mëtejmë i kësisojtë, dmth. si jodefinues i subjektit aktual politik shqiptar; si ndajë faktorit të jashtëm (ndajë të cilit mund të përdoret ende alibi i ndodhjes së luftës, anarkisë, kriminalitetit, etj.) ashtu edhe atij të mbrendshëm (ndajë të cilit s' mund të përdoret asfarë mekanizmi identik!) sipas dioptrisë sociologjike, përveq reperkusionit të mosqartësimit të statusit politik të Kosovës, sjellë edhe pasojat e :

a/ Krijimit të një lloj hutie, anarkie e pasigurie në realizimin e relevancës së asajë që do të duhej të identifikojej si Interes vital nacional shqiptar në Kosovë, që me ardhjen e forcave të NATO-s, e cila duhet të eliminohet nga shkaku se: si në opinionin e mbrendshëm e sidomos ate jashtmin lënë përshtypjen e një papjekurie të përgjithshme politike në Kosovë. Në fazën e parë të imponimit, sukcesivisht ky problem, nuk do të duhej të ishte edhe aq gjithaq preokupues, mirëpo çdo vazhdim i mëtejmë i kësajë gjendjeje jokonsoliduese, do të mund të sjellë kokëqarje dhe probleme afatgjata për Kosovën.

Me kalimin e kohës, moskordinimi, apo më mirë me thënë mos sinkronizimi i veprimeve të subjektit politiko - ushtarake të akterëve në Kosovë, në sytë e Administratës ndërkombëtare dhe institucioneve tjera relevante ndërkombëtare që ende e kanë të drejtuar vëmendjen e vetë në ndihmën dhe solidaritetin me Kosovarët, mund të zgjojë dilemat e indeferencës që shumë leht shëndrrohën në hendikep. .

b/ Rrezikut të këmbimit të Interesit të njëmendët nacional Kosovar, me ndonjë pseudointeres apo standard tjetër të për afërt me te, psh: ate të floskulave identifikuese të pseudodemokracisë, apo "lirisë" së prejudikuar përmes stereotipeve të Kushtetushmërisë përëndimore, që tashma e ka tejkaluar ndjenjën e identitetit kolektiv shtetëror, në kontekstin, që ajo më nuk preokupohet edhe aq opsesivisht me te. Të kuptuarit, dmth.të identifikuarit e interesit nacional me identitet shtetëror ndër përëndimorët presupozohet si diçka e tejkaluar dhe që pakashum ka filluar të pushoj së egzistuari dhe preokupuari, kjo vlen për t’u theksuar sidomos në nivelin kolektiv! Këtë koncept prejudikues, në një mënyrë e mbulon platforma dhe Projekti i ashtuquajtur i Mastrihit, ku sipas të cilit identiti i “shenjët ” i shtetëzimit viktimizohet (për çudi në favor të po këtij interesi nacional!) në favor të identitetit nacional apo atij kombëtar!

Bile ashtu, formohet një përshtypje, nga distanca e jonë Ballkanike! Mirëpo, kjo deridiku do të thoshnim e ka kuptimin dhe arsyetimin e vetë politik, sepse njerzit preokupimet dhe frustrimet e tyre, atje nuk i kanalizojnë dhe nuk i shprazin më në formë dhe përmbajtje kolektiviste, ashtu siq bëjnë vendet postkomuniste por në formë të individualizmit (do të thoshja) ekstremisht të tepruar!

Standardet rreth interesit nacional, ndër gjithë popujt janë pakashum identike, edhe me vetë faktin se ndërlidhën me kategorin e shtetësisë apo botëkuptimit mbi te, dallimi qëndron vetëm në të kundruallit e aspektit të realizimit apo mosrealizimit të tij në formë dhe përmbajtje.

Modeli i shoqërisë shqiptare Kosovare, ku vendimi për realizimin e identitetit shtetëror qëndron ende pezull, edhe për shkak se ai jo që ende nuk është definuar e ndërtuar në kuptimin: politik, juridik, e ate ekonomik, por as ate teritorial, që për kohën momentale anipse është një hendikep i llojit të vetë, deridiku e ka arsyetimin e kuptueshëm që ndërlidhet me agonin e pasluftës dhe mosinteresimin e gjertanishëm të elitave politike ndërkombëtare për këtë çështje.

Elita këto që kanë për detyrë dhe obligim imediat të artikulojnë qartë vijën e"kuqe" të asajë që gjithëkund në botën e civilizuar shquhet si : INTERES NACIONAL e POLITIKË NACIONALE E SHTETIT APO KOMBIT!?

Kjo mangësi, të themi kushtimisht e mosinteresimit apo edhe pamundësisë së perceptimit të një detyre të tillë kaq delikate, për ta interpretuar (e realizuar) decidivisht "formulën" e kësajë kategorie politike, e parasëgjithasht sociologjiko-historike, në aulën e shqiptarëve të Kosovës, disi e ka një të metë, që ndoshta gjithaqë nuk mbështetet në faktet e prapambetjes relative (ekonomike, politike, shkencore dhe emancipuese), sa në ato të joemancipimit dhe vetëdijësimit për ta bërë realitet këtë interesim.

Në anën tjetër, për çdo "vonim" , si të them historik të spjegimit, kuptuarit dhe realizimit të këtij diskursi, fajin drejtëpërdrejti do ta bartin elitat politike e intelektuale shqiptare të Kosovës, së bashku me byrokracinë e rafineruar të Administratës ndërkombëtare e cila këtë problem nuk e ndien edhe gjithaq si të vetin.

Tek kombet e realizuara postkomuniste në Ballkan e gjetiu, që nuk kanë probleme të kësajë natyre, preokupimi për Interesin nacional, rëndom shoqërohet me disa konotime tjera, siq jane bie fjala, ato të diskursit: kulturor, historik, politik, e sidomos të atij ekonomik. Kjo ngjanë kështu ngaqë ata nuk kanë problemin e ridefinimit të kësajë problematike.

Në aktualitetin e ri historik, në të cilin gjenden shqiptarët e Kosovës, kur nga ata edhe kategorikisht është kërkuar të prolongohet çështja e definimit të identitetit të tyre shtetëror (marrëveshja e Rambujes!), çështja e interesit vital kombëtar, për elitën e re politike dhe "prokurorët" akademikë përrreth sajë, kjo çështje imponohet: jo më si detyrë shtepiake obligative afatshkurtër, por si nevojë dhe domosdoshmëri historike! Ngase, çdo shtyrje e mëtejme, involvon mundësinë e shkapërderdhjes së interesimit kolektiv shqiptar për te.

Kurse abstenimi eventual apo heqja dorë e elitës së tanishme apo asajë të ardhshme, nga synimi madhor i realizimit të pavarësisë, apo në fund edhe fatpajtimit me çfardo pseudoidentiteti të pa profilizuar sa duhet të Kosoves, grupacionet tjera (opozitare) shqiptare nuk do të duhej t'i amnestoj nga e drejta e vazhdimit të gjurmimit të kësajë nevoje dhe domosdosmërie për kombet moderne.

Në këtë drejtim kam përshtypjen se Parlamenti do të jetë ajo fushë mejdani dhe ajo pika kryesore ku do të thyhen shtizat në mes blloqeve politike të Kosovës përkitazi me atë se çka në të vërtetë nënkuptohet me këtë kategorinë e interesit nacional të Kosovarëve.

Në këtë kontekst, ndër përëndimorët, që kanë një traditë të lashtë të kultivimit të identitetit shtetëror, semantika e Interesit nacional sot realisht nuk ndërlidhet më me demiurgun e shtetit,por ndërlidhet përmes nivelit të vlerave dhe principeve: mbi lirinë, barazinë, demokracinë dhe shoqërinë civile, pastaj kushtetutshmërinë, pushtetin e kufizuar politik, privatizimin,etj. Që kur të krahasohet me botëkuptimet tona që po përpiqemi t'i ndërtojmë e afirmojmë, këtu në Kosovë e përgjithësisht në Ballkan, hetojmë se ato konsumohën jashtë kritereve, standardeve dhe formulimeve të sipërpërmendura, që dmth. se botëkuptimi ynë si botëkuptim dhe mentalitet postkomunist ende kuptohet vetëm si ekskluzivitetit i formës që nuk posedon asfar determinante tjetër, përveq atij të konotimit nacional?!

Habia bëhet edhe më e madhe kur sistemi i këtillë imponues në vetëdijen e emancipuar politike të shqiptarëve të Kosovës, nuk e zgjon ndjenjën e realizimit, e me këtë edhe interesimin për ta interpretuar këtë nivel të zhvillimit: ekonomik, politik,e juridik, etj. por ate të nevojës së imponimit në formë dhe përmbajtje të mekanizmit mbrojtës (!) si formë e statisfaksionit moral që përveq vetëknaqësisë absurde nuk sjell asgjë tjetër në përspektivë.

Ku qëndrojnë, pra shkaqet e dështimit të gjithë këtij synimi shekullor shqiptar për : interes kombëtar, shtetësi,e më këtë edhe zhvillim, emancipim, e ngritje të natyrshme si gjithë popujt tjerë?

Me gjasë, qysh gjatë zgjedhës së sundimit turk, si thuhet nga historianët ishte prezent tendenca e aktualizimit të këtij koncepti jetik ndër shqiptarët në përgjithësi, mirëpo, pamundësia për ta krijuar një rrjetë të tërë sistemi: politiko-ekonomik, bëri që gjumi robërues pesëqindvjeçar të përmbysë arsyen e nevojës së çlirimit, emancipimit, e edhe zhvillimit të ndjenjës për identitet kolektiv vetanak. Periudha nën ish strukturën e sistemit të mbretërisë SKS-e, për elementin shqiptar, ishte poashtu një ripërseritje e statusit të tyre denigrues.

Në komunizëm, në emër të ikonografisë së internacionalizmit, tendenca e shkrirjes së unit dhe identitetit kombëtar në sistem folklorik, mori kahjet e një përmase tragjike për shqiptarët, pasojat e të cilit tash veç ngadal por sigurtë po i qartësojmë.

Gjerësa, mikrosistemet demokratike që në truallin e Kosovës ende, funksionojnë në bazë të një bioritmi do të thoshnim emocional, nuk mund të premtojnë ende suksesin e një sistemi të mirëfillët dhe të unifikuar mirë, që për synim ka ekskluzivitetin e interesit kombëtar në Kosovë. Makrosistemi serb, anipse i plagosur rëndë me "humbjen e Kosovës", dhe përkundër averzionit të krijuar ndajë tij nga ana e faktorit dhe qendrave të vendosjes politike, në çdo mënyrë do ta vazhdojë agoninë e "shpresës" së rikthimit të Kosovës në gjirin e sferës së interesit të tij nacional.! Këtë teori dhe shansë stereotipe, ata e ndërtojnë në shembullin e Çeçenisë!

Në teoritë sociologjike, konsistohet që shtetësia dhe fryma e idesë së demokracisë si dy binjakë mund të rezultojnë vetëm në saje të idesë madhore të revolucionit (që për kushtet dhe rrethanat e Kosovës që e ka kaluar një pjesë të këtij purgatori), ndërsa mund bëhen të përdorshme vetëm atëherë kur kulmohet në; lirinë e shprehjes dhe të mendimit, në tregun e lirë të kapitalit dhe ideve, në emancipimin ekonomik dhe atë politik, etj.

Shtizat e lidershipit (LDK-s dhe PDK-s) Kosovar që po pretendon të nderohet me rolin e karizmës kryesore politike, duhet të thyhen jo rreth ekskluziviteteve që kanë filluar të marrin ngjyrë dhe konotime ideologjike, por rreth ekskluziviteteve të sistemit apo mekanizmave të cilët duhet do ta ndihmojnë daljen nga gjendja dhe statusi aktual i jodefinimit të; asajë që gjiththëkund quhet shtet dhe interes vital i qytetarëve të Kosovës.

Bartja apo shkapërderdhja e interesit nacional shqiptar në Kosovë, nëpër subjektët e papërvojë politik, /pa u definuar çështja e identitetit shtetëror/ në një mënyrë do ta dëmtojë rëndë edhe çështjen e përkufizimit të interesave reale shqiptare në Ballkan!
Në mungesë të analizave relevante për këtë problematikë, do shtonim vetëm një konstatim të dëshmuar, se : jodefinimi i identitetit shtetëror të Kosovës, në këtë fazë të emancipimit politik do të sjellë si domosdoshmëri /jo si nevojë më!/ jodefinimin e kompleksit të interesave vitale kombëtare të shqiptarëve në përgjithësi, në tërë Ballkanin.

Në anën tjetër, pretendimi për ta përkufizuar vetë, kuptimin e këtij kompleksi strategjik, pa ndihmën dhe aminin e qendrave dhe fuqive të vendosjes politike ndërkombëtare, është poashtu i pamundshëm dhe i pa imagjinueshëm.

S' këndejmi, kompleksi i përkufizimit apo definimit të interesit nacional për kombet që nuk kanë arritur gjertani të realizohën me stereotipin e standardizuar përëndimor do të thoshnim si mundësi dhe reperkusion eventual bartë me vete rrezikun e relativizimit të kësajë nevoje, që në integrimet e ardhshme do të minimizohet deri në maksimum. Çështja, është sa janë qytetarët e Kosovës të gatshëm të ballafaqohën me sfidën e tyre të kahmotshme shekullore dhe të kuptojnë esencën dhe kuptimin e asajë që gjithëherë dhe gjithëkund është quajtur Interes nacional i tyre?




----------

Kush ta lexoje ..se un pertoj le te bej Koment..

[Dita]

Sjelle me pare ne fprum nga Qyfyri tek Temat e Shtypit te dites

-----------------------------------------------------------------------------

Autori Tema



qyfyri
Anëtar i/e nderuar




Regjistruar: 28-04-2002
Vendndodhja:
Anëtari Nr. 268
Poste: 124
Pamja: E Purpurt


Ekonomisti për Kosovën Postimi #1

Artikulli botuar në publikimin e fundit......

Pyetja pa përgjigje

Statusi përfundimtar i Kosovës

A do të vazhdojë Kosova të jetë pjesë e Serbise? Aaaa!

Për tre vjet e gjysëm, qe prej çastit kur forcat e Natos zhvendosën administraten serbe në provincën e Kosovës, populluar kryesisht nga shqiptarë të cilët ishin të pakënaqur me regjimin, dhe ua dorëzuan Kombeve të Bashkuara, zhvillimet kanë qenë të qëndrueshme, ndonëse të ngadalta. Mund te shihej qartë qe politikanët serbë të Beogradit, kryeqytetit të tyre, e kishin pranuar në heshtje humbjen e provincës. çështja e “statusit përfundimtar” te Kosovës – si një vend i mosvarur Shqiptar ose si pjesë autonome e Serbisë apo si ndonjë dicka tjetër – nuk ishte urgjente.

Papritur, çështja po kthehet në plan të parë. Gjatë javëve të fundit, Zoran Xhinxhiç, kryeministri serb, ka deklaruar se Kosova po lundron drejt pavarësise, dhe ky proçes duhet ndaluar medoemos. Ai ka këmbëngulur per ballafaqime mbi “statusin përfundimtar” të Kosovës. Gjithashtu ai ka kërkuar që policia dhe ushtria Serbe të rikthehen në provincë. Rezoluta e OKB-së që u nënshkrua pas bombardimeve 78 ditëshe, e parashikon këtë fakt, por OKB-ja vazhdon të këmbëngulë se koha nuk ka ardhur për një lëvizje të tillë. 1.8 milionë Shqiptarët e kësaj province, që përbejnë rreth 95% të popullsisë do ta quanin kete akt si një ndërmarrje per ta rikthyer Kosoven nën autoritetin Serb – dhe rrjedhimisht do ta kundërshtonin me dhunë.

Çështja u ndërlikua më tej muajin e kaluar, kur ish Republika Federale e Jugosllavisë u zëvendësua nga nje lidhje më e lirshme midis dy republikave që quhet thjesht Serbia dhe Mali i Zi. Kushtetuta e kësaj lidhjeje, e perfshin Kosovën si pjesë thelbësore të Serbisë. Shqiptarët në kuvendin e Kosovës u përgjigjën duke hartuar një deklaratë pavarësie, ndërsa serbët nën trysni të vazhdueshme, kanë formuar një lidhje të bashkive serbe – dhe thonë se, nëse Kosova deklaron pavarësine, pjesa veriore e saj që popullohet nga më tepër serbë do të ndahet dhe do të bashkohet me Serbinë. Megjithatë, nëse kjo do te ishte e pamundur, serbët e Kosovës do të ndiqnin shembullin e vëllezerve te tyre ne Bosnjë dhe do të krijonin një “Republikë Serbe” brenda kufijve të Kosovës. Amerikanët dhe Europianët duken te bezdisur nga nënteksti që nëse Kosova voton për pavarësi rrjedhimisht Serbët e Bosniës mund të kërkojnë të njëjtën të drejtë.

Arsyeja për këtë lojë që zoti Xhinxhiç po luan me nacionalistët Serbë vjen për faktin qe Amerikanët e kanë kërcënuar Serbinë me sanksione nëse ajo nuk dorëzon gjeneralin Ratko Mladiç, komandantin Boniako-Serb në gjyqin e Hagës. Kjo do të shkaktonte pakënaqësi ndër popullatën serbe. Udhëheqesi i krahut tejet-nacionalist të Serbisë, Vojisllav Sheshelj, i cili thotë hapur se edhe ai kërkohet nga Haga, do të përdorte te gjitha mënyrat për ta bërë kryeministrin edhe më të padëshirueshëm nga opinioni publik Serb.

Sidoqoftë, administrata e OKB-së ne Kosovë është e shqetësuar prej kërcënimeve të reja nga një grup i panjohur deri më sot që quhet Ushtria Kombëtare Shqiptare (UKSH). Ndryshe nga grupime të tjera shqiptare, ky grup ka një strukturë të organizuar me celula, gjë që lehtëson depërtimin e elementeve krimnalë, të gatshëm për të shfrytëzuar kaosin. Këtë jave shtatë shqiptarë nga Serbia e jugut, pranë kufijve të Kosovës, u hodhën ne gjyq për terrorrizëm. Nëse nuk vihet nën kontroll UKSH-ja mund të krijojë situata të dhunshme në Kosovë, Maqedoni e Serbinë e jugut. Të urtët e administratës së OKB-së mendojnë që ky nuk është çasti për të shqyrtuar “statusin përfundimtar” të Kosovës. Megjithatë, kjo çështje po bëhet gjithnjë e më e vështirë për tu shmangur.

Perktheu qyfo - per ankesa drejtohuni ku te doni po jo tek une


Qyfo

[saimiri-uk]

Ne mendimin tim nuk ka shume rendesi te madhe nese Kosova behet e pavarur ose Province brenda federates. Rendesi ka qe mos te ndodhin me vrasje masive te Shqipetareve nga ana e barbareve serf.
Jam me te vertete optimist se ka ardhur koha Shqiptarit. Zoti na ka beku me pjellurine e madhe dhe nuk ka me Europe ose bote qe na mban ne Shqiptareve. Gjithashtu duhet tu vijme ne ndihme Shqiptareve te Medvegjes, Bujanovcit e Presheves. Edhe ata jane Shqiptare, krenare dhe tanet. Ti drejtojme nga anet tona si ne bisnes, arsim, politike etj. Me shrirjen e kufijve ka marre fund kjo pune, sepse per shpirt ne do drejtohemi nga njeri-tjetri. Cfare duhet eshte nje politike, platforme, mirnjohje dhe njehesim i te tere shqipetareve, qofshin ne Kosove, Shqiperi, USA, Itali (arbereshet) greqi (arvanitet etnik deri ne Athine) e kudo. Duhet ta kuptojme rendesine e mesimit te gjuhes Shqipe dhe kontribojme ne projekte modernizime, kulturor, social etj.
Kjo ceshtje e ka perulur shume servine dhe nuk dine as ata sesi ta cojne kete pune. Keq (per ta) ta njohin pavaresine e Kosoves keq ti ken Shqiptaret e Kosoves brenda ne shtetin e tyre qe me nivelin e shtimit kane per ta zabtuar me tej servine. Tashme kjo pune eshte larg influences servo-greke, pasi Shqiptaret kane "veglen" lart qe prodhon djem, dhe gjuhen e stabilizuar shqipe. Jemi mesuar tashme mire e keq ekonomikisht por kemi zakonet e traditat qe kane kuptim si vet jeta per ne.
Bota eshte plot me "mender" dhe vetem njeri tjetrit duhet ti besojme pasi aleat natyror nuk kemi. Kur te bashkohemi grusht nuk ka fuqi qe na del perpara, dhe eshte kjo qe armiqte kane frike dhe ketu mundohen te investojne, te na mbajne te percare.
Eshte per tu pasur lakmi organizimi cifut per shtetin e Izraelit. Te tere arabet armiq i kane dhe prap e kane Shtetin e tyre stabilizuar mire. Gjashte dite u nevojiten per te bere zap tere shtetet arabe rotull Izraelit. Kjo do te thote qe eshte me mire te dijsh sesa te kesh.
Kosova Republike, Kosova e Shqiperise, nuk ka rendesi. Rendesi ka qe ka Shqiptare dhe ziejne. Flamuri te mbahet lart dhe vetem lart.
Me poshte eshte nje web site i ri plot me flamuj te kuq i Shqiptareve te Kosoves.
http://www.albanianrap.us/
Keep it real, keep it Albanian