Procesi i Pavarësimit të Kosovës

[drini_në_TR]

shkoni keqbërës, hikni prej Dardanisë...

--------------------------------------------------------------------------------
I pakënaqur nga politika zëvendëskryeministri përgatitet të lërë detyrën

Dorëheqje e mundshme e Çoviçit nga Kosova


Zëvendëskryeministri serb, Nebojsha Çoviç, po mendon të japë dorëheqjen nga funksioni i tij në drejtimin e Qendrës së Koordinimit për Kosovën. I pakënaqur nga politika me Kosovën, Çoviç po mendon ta braktisë detyrën e tij të vështirësuar ditët e fundit nga debate të ashpra lidhur me statusin përfundimtar të Kosovës. "Mendoj se nuk i kam arritur rezultatet e duhura në luginën e Preshevës dhe në Kosovë", tha Çoviç, i cituar nga Radio-Televizioni i Kosovës. Gjithsesi, Çoviç ka paralajmëruar se nuk do ta japë dorëheqjen menjëherë, duke mos bërë të ditur se kur do të ndodhë një gjë e tillë. Vetëm pak javë më parë Çoviç deklaroi se Serbia do të ishte gati për luftë, në rast se Kosova shpallej e pavarur. Deklarata e tij shkaktoi reagimin e menjëhershëm të politikanëve kosovarë, si dhe debate midis zyrtarëve serbë dhe kryeadministratorit të OKB-së në Kosovë, Mikael Shtajner.

Prill 13, 2003 (Gazeta Shqiptare)

---------------------------------------------------------------------------------

... edhe një hap tjetër për pavarsinë e Dardanisë.

drini.

[dodoni]

Në Union, Kosova dhe Shqipëria do të ishin dy shtete të pavarura


Prishtinë, 15 prill (Kosovapress) Time:17:25

“Arsyeja kryesore që na shtyri të punojmë në krijimin e Unionit Shqipëri-Kosovë është forcimi i pozicionit të Kosovës, por edhe të Shqipërisë dhe të hapësirës shqiptare në përgjithësi, si në planin e brendshëm ashtu edhe në atë të jashtëm. Në Union Shqipëria dhe Kosova do të ishin dy shtete të pavarura”,- thotë ndër të tjera në një intervistë për “Kosovapress”-in, Emrush Xhemajli, kryetar i Lëvizjes Popullore të Kosovës.

Jo vetëm forcimi i faktorit shqiptar por edhe vet fakti që është zgjidhja më e mirë, më e lehtë dhe më me interes për të gjithë duke përfshirë edhe vet serbët këtu dhe që siguron paqe dhe stabilitet të qëndrueshëm dhe afatgjatë, duhet të na shtyjë jo vetëm ne shqiptarëve por edhe të gjithë tjerët duke përfshirë ndërkombëtarët dhe vet serbët.

[drini_në_TR]

6.05.2003
Sorosi: Kosovës t’i lejohet pavarësia, por kjo të kushtëzohet me mbrojtjen e minoriteteve

Miliarderi dhe humanisti, George Soros, vizitoi Kosovën

LUNDRIM ALIU
PRISHTINË, 25 MAJ - Miliarderi dhe humanisti amerikan, George Soros, ka dëgjuar personalisht të dielën në Prishtinë zyrtarët më të lartë në Kosovë, duke premtuar ndihmë të mëtutjeshme dhe duke bërë të ditura në të njëjtën kohë edhe pikëpamjet e veta për të ardhmen e Kosovës. “Kosova nuk mund të mbetet pjesë e Serbisë”, ka përsëritur George Soros në një konferencë për mediat televizive kosovare atë që ka deklaruar edhe në Athinë, duke argumentuar se mbetja e Kosovës nën Serbi do të thotë pengesë reciproke drejt integrimit në Bashkimin Evropian. “Unë mendoj se duhet të pranohet se Kosova nuk mund të mbetet pjesë e Serbisë. Kosova duhet të lejohet që të shkojë nga pavarësia. Por, kjo duhet të kushtëzohet për mbrojtjen e minoriteteve, për çka kosovarët ende nuk kanë shfaqur angazhim të mjaftueshëm”, ka thënë Sorosi, ndërsa ka transmetuar televizioni KTV. Ai ka vlerësuar si shumë të rëndësishme edhe inicimin e bisedave të kosovarëve me fqinjët e tyre. “Për autoritetet kosovare është shumë e rëndësishme që të inicojnë bisedimet me fqinjët, sepse Bashkimi Evropian nuk dëshiron të imponojë marrëveshje, ata dëshirojnë t’i shohin vendet duke diskutuar dhe duke arritur marrëveshje”, ka pohuar ai. Gjatë qëndrimit në Prishtinë Sorosi vizitoi kryeministrin Bajram Rexhepi në zyrën e tij në Qeverinë e Kosovës, pastaj drekoi me kryeadministratorin Michael Steiner në restoranin “Rio” në rrugën për në malin e Gërmisë dhe në fund para konferencës për mediat televizive e vizitoi edhe presidentin Ibrahim Rugova në rezidencën e tij në lagjen “Velania” të Prishtinës. Siç ka informuar kryeministri Rexhepi pas takimit të tij me George Soros, mysafiri pasanik nga njëra anë ka shprehur gatishmëri për të ndihmuar me trajnime zyrtarët e Qeverisë së Kosovës, si dhe ndihmë në sektorin e telekomunikacioneve dhe industrisë ushqimore, ndërsa nga ana tjetër është interesuar për gjendjen e minoriteteve në Kosovë. “Ai shprehu gatishmërinë që në forma të ndryshme ta ndihmojë qeverinë me disa tranjime të krijojmë ekspertë të domosdoshëm për qeverinë për arsye se fondacionet deri më tash kanë qenë të orientuara vetëm në shoqërinë civile që është krejt në rregull, mirëpo qeveria ka nevojë shumë për ekspertë dhe nuk mund të ndajmë fonde të posaçme, besoj se do të na ndihmojë në këtë drejtim. Po ashtu edhe për programe të ndryshme zhvillimore, këta më tepër janë të interesuar në telekomunikacion... dhe po ashtu në sektorin e agrikulturës dhe industrisë ushqimore, në mënyrë që të zvogëlohet papunësia”, njoftoi kryeministri Rexhepi. Ai tha se Soros kishte shprehur interesim edhe për gjendjen e minoriteteve dhe për procesin e kthimit të tyre, edhe pse, siç pohoi Rexhepi, ai i “kupton shumë drejt ku janë problemet reale. E problemi kryesor sipas kryeministrit kosovar është “politizimi, instrumentalizimi i komunitetit dhe papunësia e madhe në Kosovë ku ata nuk gjejnë motivin e vet për të ardhur dhe instrumentalizimi për të penguar Kosovën drejt përparimit nga Bashkimi Evropian dhe definimi i statusit”. Kryeministri Rexhepi njoftoi edhe për një mbështetje eventuale nga zoti Soros. “Ndoshta do ta kemi mbështetjen për krijimin e një programi më të detajizuar ekonomik ku do të na ofronin disa ekspertë të tyre të cilët do të na sugjeronin disa vizione më konkrete”, tha ai. Kryeministri po ashtu bëri të ditur se ka kërkuar nga mysafiri me influencë “që ai të avokojë që ne të marrim pjesë në samitin e Selanikut dhe Kosova mos të mbetet si një rajon i izoluar për arsye se nëse mbetemi vetëm ne të izoluar atëherë do të jetë keq edhe për Kosovën edhe për rajonin”. Përderisa Steiner nuk bëri ndonjë deklaratë për takimin e tij me George Soros, kryetari i Kosovës, Ibrahim Rugova, e falënderoi atë publikisht. “Pata kënaqësinë dhe nderin e veçantë të pres presidentin e fondacionit së Shoqërisë së Hapur, George Soros, që është shumë i njohur në Kosovë dhe e falenderova i shpreha një mirënjohje të madhe publike në emër të popullit të Kosovës për gjithë atë që ka bërë për Kosovën”, tha ai. Rugova bëri edhe një përshkrim të historisë së aktiviteteve të sponzorizuara nga fondacioni i zotit Soros në Kosovë. “Siç e dini prej para luftës është një ndër fondacionet e para që ka ardhur në Kosovë në kohë të vështira në 93 ka ndihmuar këtu Kosovën, arsimin, shoqërinë civile, masmediumet dhe po ashtu edhe pas luftës ka vazhduar fondacioni i zotit Soros në Kosovë dhe ka ndihmuar rindërtimin në Kosovë dhe mund të themi se zoti Soros është pjesë e progresit të Kosovës”, shpjegoi kryetari Rugova. Ai në të njëjtën kohë tha se e kishte njoftuar mysafirin “me objektivat tona: zhvillimin ekonomik, prosperitin, një Kosovë për të gjithë qytetarët e saj dhe natyrisht integrimin e grupeve etnike dhe fiqnjësi të mirë me të gjithë fqinjët tonë dhe ju siç po e dini unë që insistoj që pavarësia e Kosovës të njihet sa më parë sepse do të ndihmonte progresin në këtë pjesë të Evropës dhe botës, integrimet evropiane, në NATO dhe miqësi të përhershme me SHBA-të”. “Zoti Soros ju faleminderit dhe po ashtu dëshiroj të them se shumë nxënës të shkollave për vite me radhë kanë kushtuar vjersha, i keni parë edhe ju, zotit Soros si falënderim kur na ka ndihmuar atëherë në kohë të vështira edhe tash në kohë të mira”, kujtoi në fund i buzëqeshur para gazetarëve kryetari i Kosovës. George Soros është në një turne ballkanik. Në Prishtinë ka ardhur nga Athina, ndërsa pas takimeve në Prishtinë të dielën është dashur të udhëtojë për në Shkup për takime me zyrtarët e atjeshëm.

(marrë nga Gazeta Koha)
------------------------

Një lajm për t'u përshëndetur!!!

[drini_në_TR]

Pëllumbi takon Rugovën - Të forcojmë bashkëpunimin
Lajmi i ores 2:55 PM



Servet Pellumbi dhe Ibrahim Rugova
PRISHTINË (27 Maj) - Presidenti i Kosovës Ibrahim Rugova priti një delegacion të Kuvendit të Shqipërisë, të kryesuar nga kryetari Servet Pëllumbi. Presidenti Rugova tha pas takimit se me kryeparlamentarin e Shqipërisë ka zhvilluar një bisedë të rëndësishme për një bashkëpunim të frutshëm, jo vetëm ndërmjet dy parlamenteve, por edhe ndërmjet dy vendeve, në të gjitha fushat e jetës. Presidenti tha se duhet aktivizuar edhe më tej ky bashkëpunim. Gjithashtu ai tha se e kishte njoftuar Pëllumbin me zhvillimet në Kosovë në vitet e pasluftës, me progresin e arritur dhe me objektivat që kanë institucionet e Kosovës, si zhvillimi ekonomik, iniciativat private, privatizimi dhe integrimet në shoqërinë kosovare të të gjithë qytetarëve të saj. Ai kërkoi një bashkëpunim shumë më aktiv në të gjitha fushat, duke shtuar se të dy bashkëbiseduesit janë dakord që të punojnë edhe më shumë për ndërtimin e rrugës Prishtinë -Durrës. Kryetari i Kuvendit të Shqipërisë, tha se Kosova vërtet po bën një përparim të ndjeshëm, duke konstatuar se ndërmjet Kosovës dhe Shqipërisë tashmë ka një bashkëpunim institucional. Ai vlerësoi se bashkëpunimi ndërmjet Shqipërisë dhe Kosovës ka shënuar tashmë arritje të reja institucionale, por shprehu dëshirën që ky bashkëpunim të jetë më i madh. dxh/dxh

(Kosovapress/BalkanWeb).

-----------------------------------------
Edhe institucionet tashmë po i afrohen njëra-tjetrës. Duket hija e bashkimit, është tek shtrëngimi i duarve të dy qevertitarëve të Kosovës dhe Shqipërisë.

Në vazhdim:

Pëllumbi e Daci diskutojnë për proceset integruese të dy vendeve
Lajmi i ores 10:20 AM

PRISHTINE (27 Maj) - Kryetari i Kuvendit të Shqipërisë Servet Pëllumbi ka biseduar dje pasdite me kryeparlamentarin e Kosovës Nexhat Daci. Bashkëbiseduesit kanë thënë pas takimit se dy parlamentet janë të gatshme që të marrin mbi vete përgjegjësitë që u takojnë në proceset, nëpër të cilat po kalojnë dy vendet. Ndërkaq, Daci tha se institucionet e Kosovës kanë aftësi të mjaftueshme për të zgjidhur të gjitha problemet me fqinjët pa përjashtimin e askujt. Duke e falënderuar homologun e tij Servet Pëllumbi për rolin e Shqipërisë në përpjekjet për përfshirjen e Kosovës në të gjitha proceset e integrimit në rajon dhe më gjerë, Daci ka theksuar se Shqipëria gjithmonë ka mbajtur qëndrim pozitiv ndaj Kosovës. Ai shtoi se po bëhen përgatitje shumë serioze për t'i diskutuar të gjitha problemet me bashkësinë ndërkombëtare, ndërkaq e cilësoi dëshirë të mirë synimin e Qeverisë së Shqipërisë për të ofruar ndihmën e saj. Ndërkaq, kryetari i Kuvendit të Shqipërisë është shprehur se Shqipëria angazhohet për integrimin e Kosovës në të gjitha proceset integruese në rajon. ro/ro

(QIK/BalkanWeb)

[Dita]

Kosova duhet të bëhet shtet

Raporti i Qendrës për Studime Strategjike Ndërkombëtare (CSIS)

CHRISTIAN BOURGE\UPI


WASHINGTON - Kosova e pavarur është e vetmja zgjidhje për një stabilitet afatgjatë në Ballkan dhe kjo duhet të merret parasysh, mbështetur në një raport të kohëve të fundit të bërë nga Qendra për Studime Strategjike Ndërkombëtare (CSIS), me seli në Washington. "Duhet t'ia vëmë kapakun kësaj pune dhe t'i ulim gjakrat", ka thënë Paul Williams, profesor në American University, bashkautor i raportit. "Forma e vetme për ta bërë këtë është përmes një lloj pavarësimi me faza", i ka deklaruar ai agjencisë United Press International. Në raportin "Arritja e zgjidhjes së statusit final të Kosovës" Williams dhe autori tjetër - Janusz Bugajski, drejtor i Projektit për Evropën Lindore të CSIS-së, si dhe R. Bruce Hitchner, udhëheqës i projektit për Marrëveshjen e Daytonit - thonë se shtyrja e vazhdueshme ndërkombëtare dhe ambiguiteti rreth statusit final të Kosovës jo vetëm që i acaron tensionet etnike në rajon, por edhe kontribuon në stagnimin politik dhe ekonomik të Ballkanit. Ata thonë se qeveria e zgjedhur me votën e lirë në Kosovë do të zvogëlonte potencialin për trazira sociale në rajon midis shqiptarëve dhe serbëve dhe kosovarëve. Pos kësaj, ata thonë se një hap i tillë do të promovonte sundimin e ligjit dhe pluralizmin duke e bërë Kosovën entitet sovran dhe jo duke e lënë si protektorat të komunitetit ndërkombëtar.

James Dobbins, drejtor i Qendrës për Politikë të Mbrojtes dhe Sigurisë Ndërkombëtare nga Rand Corporation, i cili po ashtu ka qenë sekretar shteti në kohën e administratës së Clintonit, ka thënë se hapi drejt pavarësisë është shtyrë pas luftës në Kosovë për shkak se rajoni kishte mbetur i trazuar. Dobbins, i cili ka qenë mbikëqyrës i operacioneve paqeruajtëse, ka thënë se atëherë ka ekzistuar droja se përpjekjet për ta shndërruar Kosovën në shtet të pavarur do ta mbanin në këmbë regjimin e Milosheviçit. "Kjo do të shkaktonte luftë civile në Maqedoni dhe do ta bënte rajonin përgjithësisht më të destabilizuar", ka thënë ai dhe ka shtuar se "mendon se tani ato çështje janë shqyrtuar dhe janë kaluar". Ai ka vënë në pah se Serbia ka pasur tranzicion demokratik të qeverisë dhe se lufta në Maqedoni është mbyllur.

Megjithatë, natyra e pazgjidhur e statusit të Kosovës si shtet potencial vazhdon të jetë pengesë për arritjen e pajtimit midis grupeve etnike në rajon. Pos kësaj, ai ka tërhequr vërejtjen se Kosova si protektorat mbetet e varur nga ndihmat e mëdha ndërkombëtare me kusht që të mbijetojë. "Ne i kemi dhënë ca kohë procesit të pasluftës dhe me siguri që ia vlen t'i kthehemi problemit të Kosovës", ka thënë Dobbins. "Nuk do të thoja se nuk ka ende shqetësime, por tani rajoni është i pacifizuar". Gjithmonë kam besuar se rezultati i vetëm që do të kënaqte shumicën e njerëzve do të ishte një lloj forme e pavarësisë". Specifikisht, në raport thuhet se pavarësimi i Kosovës është i mundur vetëm nëse ka një përkrahje më të madhe ndërkombëtare për një shtet të Serbisë të pavarur prej Kosovës dhe Malit të Zi. Në këtë drejtim Serbisë do t'i bëheshin disa favore me kusht që të heqë dorë prej synimit që të kontrollojë territorin e Kosovës.

Raporti po ashtu bën thirrje për implementimin e së ashtuquajturës kornizë kohore për avancimin e standardeve qeverisëse dhe ndërtimin e institucioneve në Kosovë, bashkë me hapat e qartë për negocimin e pavarësisë. Pos kësaj, Kosova do të kishte nevojë për asistencë më të madhe ndërkombëtare, në veçanti nga BE-ja, e cila duhet të ndërlidhet më aktivisht në proces. Williams ka thënë se procesi duhet të jetë gradual, dhe se pavarësimi i menjëhershëm nuk do të ishte i mundur sepse vetëm do t'i acaronte tensionet ndëretnike. Ai po ashtu ka thënë se Qeveria e Kosovës duhet të jetë e gatshme që të dëshmojë se po arrin progres në mbrojtjen dhe respektimin e të drejtave të minoriteteve duke u dhënë edhe përfaqësim adekuat në strukturat qeverisëse atyre, para se të mund të fitojë sovranitetin mbi Kosovën. Një problem tjetër përsa i përket ecjes drejt pavarësimit të Kosovës në këtë periudhë është se rajoni mund të jetë stabil ndoshta vetëm për shkak se atje ka prezencë ndërkombëtare dhe ndihmë ndërkombëtare dhe situata monitorohet për së afërmi.

Williams mendon se derisa negociatat duhet të kenë fokus ndërkombëtar, SHBA-ja duhet të udhëheqë procesin pasi që Evropa është dëshmuar e paaftë për t'u ballafaquar me problemet e Ballkanit. "Ne nuk guxojmë t'ua lëmë në dorë atyre (Evropës) këtë çështje, ne kemi marrë mësim prej tyre për tetë vjet (1992-2000)", ka thënë ai duke shtuar se "evropianët nuk janë të aftë që të merren me këtë çështje në mënyrë efektive".

Por rekomandimet për të ecur përpara me pavarësimin e Kosovës nuk janë pa kritikë, të cilët mendojnë se nuk është koha e duhur dhe negociatat mund të sjellin pasoja të rrezikshme. Përkundër përkrahjes për këtë ide, Dobbins mendon se një faktor që duhet të merret parasysh është se Kosova e pavarur mund të bëhet forcë destabilizuese për Maqedoninë.

John Hulsman, hulumtues në Fondacionin Heritage, mendon ndërkaq se propozimet e CSIS-it vënë në pah verbëri ndaj realiteteve të tanishme dhe gjeopolitikës në Evropë. Ai ka thënë se duke e pasur parasysh raportin midis SHBA-së dhe aleatëve evropianë rreth Irakut, perspektiva e zgjidhjes së këtij problemi është e kufizuar. Për rrjedhojë, ka shtuar ai, edhe pse mungesa e progresit drejt realizimit të pavarësisë së Kosovës mund të çojë përfundimisht drejt destabilizimit në Ballkan, nuk mund të vërejë probleme të mëdha në të ardhmen e afërt. "Në shtigje të gjata ne duhet ta shqyrtojmë mundësinë e pavarësisë, por tani nuk e kemi në rrugë këtë punë", ka thënë ai. "Ideja se kjo çështje (Kosova dhe pavarësimi i saj) do të ishin në krye të axhendës së prioriteteve të politikës së jashtme amerikane është qesharake".




(marre nga Gazeta TemA)

[Tal Aga]

Me të vërtetë çudi se si një "kryeministër i përkohshëm i Kosovës" mund të shkruaj idiotizma të tilla!!!!!
Apo, ndoshta nuk duhet çuditur fare?!


(kryeministër i përkohshëm i qeverisë së përkohshme ka pasë qenë Thaqi, atëherë pas lufte, kurse ky Krasniqi më duket se është ushtrues detyre për kohë të caktuar të pushimeve verore, po nejse se shpesh ne ia fusim "ashtu disi" e aq na bënë për korrektësi dhe saktësi në emërtime e gjëra tjera...)

[Tal Aga]

Lum bëfsh, zotni Llapi, lum bëfsh!

Pika 1. mua më duket e pakuptimtë, joserioze dhe e papjekur.
Nga pika 2. nuk po shoh ndonjëfarë dobie, përndryshe në një formë a tjetër ata (disa nga ta) kanë shprehur keqardhjen dhe mospajtimin e tyre ndaj asaj që është bërë ndaj shqiptarëve (nuk po dua këtu as t'i mbrojë e as t'i arsyetoj) por kjo kërkesë po tingëllon pak si fëmijërore, së paku në këtë nivel, e shprehur nga një ministër.
Pika 3. në përgjithësi është me vend por jo si parakusht për bisedime për çështje teknike ( kjo kërkesë është parashtruar para shumë kohësh nga instanca të ndryshme dhe ky proces, siç e di e tërë bota, është duke rrjedhur tërë kohën, para ca ditësh u dorëzuan edhe disa dhjetëra kufoma në Merdarë....)
Pika 4. gjithashtu është me vend, por është e pakuptimt si parakusht sepse ajo duhet të jetë një ndër çështjet teknike për të cilën duhet të bisedohet!
Pika 5. e njëjtë sikur 4., pra ajo është çështje teknike që duhet të realizohet.
Edhe pika 6. gjithashtu.
Pika 7. sipas mendimit tim po të shtrohej nga ndonjë fëmijë do të mund ta quanim si naivitet, kurse e shtruar nga një ministër ajo për mua është thjesht idiotizëm politik.
Në pikën 8. është një fakt që duhet pasur parasysh para se të hudhet në letër një kërkesë e tillë: duhet të jesh në gjendje të argumentosh që këto enklava i kanë formuar ata me të cilët duhet të bisedohet sepse përndryshe do të dukesh qesharak!
Pika 9. është "vrima e fundit e kavallit", ata do ta bëjnë këtë por pasi që KS i Kombeve të Bashkuara të shpallë pavarësinë e Kosovës.
Pika 10. është vërtetë me vend, por mendoj unë se nëse nuk do të pajtoheshin me realitetet e reja kosovare, ata as që do të pranonin të bisedonin fare...

Kështu i shoh gjërat unë, pa syza partiake, vetëm si një shqiptar i thjesht...

[shoku_sar]

Nga Qazim Tepshi
Me kerkese te qeverise se Unionit Serbi-Mali i Zi, u mblodh dje Keshilli i Sigurimit te OKB-se. Thuhet se mbledhja duhej te kishte nje rezolute paraprake, por u pershpejtua ne procedure , ne shpjegime dhe ne kontaktime te pese perfaqesuesve te perhershem te KS me ndihmesen si dhe me nje nderhyrje te perfaqesuesve franceze dhe ruse ne OKB.

Si rregull, mbledhjet e Keshillit te Sigurimit te OKB-se, thirren nga cdo shtet anetar per ceshtje qe kane te bejne me sigurine, paqen dhe stabiliten si dhe per ceshtje qe kane te bejne direkt ose indirekt me problematikat e cituara me siper. Por asnje mbledhje jashte radhes nuk mblidhet pa mbeshtetjen e forte te njerit nga anetaret e perhershem te Keshillit te Sigurimit dhe pa pelqimin e te pese anetareve te perhershem. Gjithashtu edhe Sekretari i Pergjithshem i OKB-se, Kofi Anan ,mund ta therrase mbledhjen e Keshillit te Sigurimit, por per probleme qe kane te bejne me elementet qe cituam me siper dhe duke u konsultuar me anetaret e perhershem te ketij Keshilli.

Mbledhja pa problematiken "statutore"

A kishim ne kete thirrje te mbledhjes se Keshillit te Sigurimit problematiken qe cituam me siper ?! Nuk e kishim. Nuk kishim as shqetesim te shprehur nga UNMNIK ose KFOR. Po perse perfaqesuesi i Frances ne KS u muarr vesh me Covicin qe te enjten 14 gusht, dy dite pasi u vrane ne Kastrat te Pejes dy te rinj serbe (nuk dihet kush i ka vrare: jane vete serbet qe i kane vrare me ane te policise se tyre sekrete e paprekur qe nga Milosevici, apo jane vrare per hakmarrje te brendeshme-policia nderkombetare akoma nuk ka dhene versionin e saj) te bejne zhurme ne Keshillin e Sigurimit, kur po ate dite ne Mitrovice, nen hunden e ushtareve franceze shperthejne bomba nga serbet kunder shqiptareve? Rolin e Rusise e dime tashme, ajo nuk pranon rezultat te mire te UNMNIK-ut e KFOR-t ne Kosove dhe nuk pranon integrim te Kosoves ne BE. Ajo nuk kontribuoi me tej per sigurine dhe stabilitetin ne Kosove, qe eshte i lidhur me sigurine e stabilitetin ne Ballkan dhe Europe dhe i largoi forcat e saj, duke ia lene endrren francezeve. Po Franca a eshte e interesuar per BE, a eshte e interesuar per paqen, sigurine, stabilitetin ne Kosove, ne rajonin e Ballkanit dhe ne Europe?! Apo mendon akoma se keto arrihen me nacionalizmin e semure bizantino-ortodoks serb, duke

perjashtuar popujt e tjere dhe interesat e tyre ?

Sherbimi I Frances ndaj kerkeses Covic

Nuk duam te themi se kjo France eshte e hapur kunder interesave te shqiptareve apo te popujve te tjere te rajonit, pa folur per interesat strategjike te BE, NATO-s e te SHBA !!!Do te duhej nje shpjegim i plote i qeverise franceze per kete qendrim gjithnje ne vazhde e politikes se saj te vjeter per Ballkanin, apo ndoshta nje shpjegim nga kreu i shtetit francez, qe gjate luftes se Kosoves, kerkoi t'u shpegonte kosovareve shembullin e arritjes se pajtimit franko-gjerman. Them se do te duhej dhe nje shpjegim nga politika shqiptare, qe mbron gjithnje interesat franceze ne Shqiperi e ne rajon.

Perse Franca nuk respekton interesat e te tjereve dhe behet pjese e sherreve qe duan te luajne vazhdimisht serbet ne rajon e ne Kosove. Mos valle Franca nuk e ka akoma te qarte se sigurine, paqen e stabilitetin ne rajonin e Ballkanit nuk e kane ne dore me serbet ? Perse Franca kerkon perseri te behet pjese e lojes se rrezikshme te nacionalisteve te semure serbe, qe me forcat policore sekrete te ngritura nga Milosevici vazhdojne te pergjakin edhe sot Kosoven, te krijojne pasiguri e pastabilitet ne Kosove.

Nuk kuptojme poziten e Kofi Anan: kudo vriten, por nuk behet zhurme e madhe, pa gjetur kush i vrau? Qeveria e Malit te Zi dhe e Serbise duhen perkrahur e mbeshtetur qe te behen pjese e sigurise dhe stabilitetit ne Kosove e ne Ballkan, por jo te nxisin pasiguri e pastabilitet atje. Shpresojme se ai do ta interpretoje drejt letren e kryeministrit te Kosoves, qe paraqet shqetesimet e Kosoves dhe luften qe ben ajo se bashku me UNMNIK e KFOR per te perballuar problematiken e vazhdueshme qe krijon policia sekrete serbe dhe politikanet serbe, qe kerkojne te zhvleresojne punen e UNMNIK-ut e te KFOR-it per sigurine e stabilitetin ne Kosove dhe plotesimin e standarteve te vendosura nga Keshilli i Sigurimit per Kosoven .

Eshte e cuditeshme se perfaqesuesi i Kofi Anan-it nuk ka marre akoma ne dorezim detyren e tij ne Kosove dhe lejohet te thirret nje mbledhje rutine e Keshillit te Sigurimit me shpejtesi, ku ai nuk do jete prezent.

Reagimi I duhur amerikano-britanik

Shpresojme se perfaqesuesit e SHBA-se dhe Anglise do te dine te vene ne pozita te turpshme Covicin dhe ata qe e perkrahin ne Keshillin e Sigurimit, per t'i thene Keshillit (ne

mungese te Holkerit e te perfaqesuesve te zgjedhur te Kosoves ) se zhurma e coviceve te Beogradit behet per te penguar ecurine e Kosoves drejt standarteve te BE e te Keshillit te Sigurimit dhe per te mbuluar terrorizimet qe i bejne edhe sot popullsise se Kosoves, jo vetem ne Mitrovice, por ne gjithe Kosoven, duke krijuar pasiguri e pastabilitet me grupet policore qe dergojne ne menyre te vazhdueshme pa dijenine e UNMNIK-ut e KFOR-t.

Perfaqesuesit e SHBA-se dhe Anglise ne Keshillin e Sigurimit

duhet ta kene kuptuar nderhyrjen franceze dhe perpjekjen qe bejne ne Beograd covicet per te bindur komunitetin nderkombetar se vertet ka probleme ne Kosove, qe rrezikojne paqen e sigurine ne rajon, se UNMNIK e KFOR nuk e luajne dot rolin e paqtimit te Kosoves e te ngritjes se shtetit te Kosoves. Kosova ka probleme, por ato i krijojne nderhyrjet e coviceve te Beogradit, qe don te binde komunitetin nderkombetar se genocidi i kryer nga ata disa vite me pare nuk u krye nga ata, por fajtore kane qene gjithnje kosovaret. Gjithashtu perfaqesuesit e SHBA e Anglise duhet ta kene trajtuar thirrjen e kesaj mbledhjeje si nje ceshtje rutine, sepse per te bere nje rezolute te re kerkohet nje ngjarje reale apo nje fenomen real qe duhet riparuar. Cfare do te riparohet tjeter ne Kosove, pervec asaj qe duhet iponuar e frenuar sa me pare, nderhyrja e hapur e coviceve te Beogradit.

Misioni Coviq per shperberjen e TMK

Ne emer te BE ne Keshillin e Sigurimit, perfaqesuesi i Italise, qe ka kryesine e radhes se BE, shpresojme te percoje nje qendrim te prere te BE-s ndaj Beogradit e te mos perseriten tolerimet e pershpejtimet qe beri Solana nje vit me pare me preambulen e kushtetutes se unionit Mali i Zi dhe Serbi.

I dime kerkesat e Covicit, qe kerkon edhe nje rezolute per mbledhjen e armeve dhe shuarjen e Trupave Mbrojtese te Kosoves. Armet jane mbledhur nga KFOR-i dhe arme kane vetem grupet e armatosura serbe qe shetisin lirisht prane enklavave te krijuara serbe e prane kishave ortodokse serbe. Natyrisht Covici nuk mund te thirrte Keshillin e Sigurimit, me ndihmen e francezeve dhe te ruseve per rrahjen deri ne vdekje te pese shqiptareve ne Gracanice, qe ruhet nga trupa te KFOR-it. Ai therret Keshillin e Sigurimit me ndihmen e francezeve e ruseve qe te beje nje hap, te pergatise terren qe te eleminohen Trupat Mbrojtese te Kosoves.

Eshte e natyrshme se covicet nuk harrojne se si u krijuan keto trupa, por perpjekja e coviceve behet duke shpresuar se NATO dhe SHBA do te tolerojne pas ofertes se Beogradit per te derguar trupa ne Irak.

Shpresojme qe perfaqesuesi i Shqiperise te kete theksuar rrezikun qe paraqesin sot covicet ne Beograd per BE, NATO-n e interesat strategjike te SHBA ne rajonin e Ballkanit.

[KOMFORT LUX]

Nuk i jepet pavarsia kosoves se po pritet te shperbehet maqedonia dhe te bashkohet me kosoven.pastaj do jepet pavarsia kosoves .

[dodoni]

Brajen: Përforcimi i nacionalizmit serb e shtyn Kosovën në pavarësi


Nju-Jork, 6 janar (Kosovapress) Time: 10: 30

Përforcimi i fuqishëm i nacionalistëve në Serbi do ta shtyjë Kosovën ndaj pavarësisë, tha të hënën në Nju-Jork ish- i dërguari i posaçëm amerikan për Ballkan O'Brajen.




Mendoj se pavarësia duhet të jetë vetëm rrugë kalimtare drejt bashkimit me Shqipërinë, nëse nuk arrihet direkt në bashkim.
Përshëndetje