Deputetet e LSI dhe PS duan te largojne ministrin Tahiri nga Qeveria e Rilindjes

[Albo]

Meta: Qëndrim personal i Kadelit, mbështesim Tahirin

“Largimi nga festa e PS ishte keqkuptim oraresh për nisjen e Kampionatit Botëror”

Kryetari i Kuvendit, Ilir Meta, deklaroi dje se qëndrimi i deputetit Gjovalin Kadeli për zëvendësimin e një ministri të qeverisë është personal dhe jo qëndrimi i LSI-së.
Duke folur në një prononcim për mediat, Meta tha se përgjegjësinë për ndryshimet në kabinetin qeveritar e ka Kryeministri Edi Rama dhe se Lëvizja Socialiste për Integrim do të jetë në mbështetje të qeverisë dhe jo të vlerësimit individual të ministrave të caktuar. “Qëndrimi im dhe i LSI-së ka qenë dhe mbetet i qartë në mbështetje të qeverisë, të Policisë së Shtetit dhe të ministrit të Brendshëm, z. Tahiri, në luftën kundër krimit të organizuar, në luftën kundër trafikut të lëndëve narkotike”, theksoi Meta, i pyetur nga gazetarët. Kreu i Lëvizjes Socialiste për Integrim ka komentuar dhe largimin e tij në ceremoninë e përvjetorit të Partisë Socialiste, duke thënë se kishte ngatërruar orarin me fillimin e ndeshjes së Botërorit. “Nëse do ta dija se ndeshja do të fillonte më vonë, patjetër që do të kisha qëndruar edhe më shumë, sepse ishte kënaqësi”, theksoi Meta.
Nga LSI-ja, konkretisht nga deputeti Gjovalin Kadeli, janë artikuluar kërkesa për ndryshim të një ministri, sipas të cilit nuk ka performuar ashtu siç duhet. Deklaratë e cila është përforcuar më pas edhe nga ministri juaj në qeveri, z. Lefter Koka. Është ky qëndrim deklaratë personale, apo i bashkoheni edhe ju kërkesës për ndryshime në kabinetin qeveritar?
Përgjegjësinë kryesore për qeverinë dhe qeverisjen në radhë të parë e ka Kryeministri. Është detyrë e maxhorancës dhe e gjithë forcave politike që të japin mbështetjen maksimale në përmbushjen e detyrimeve kushtetuese, politike dhe qeverisëse.
Absolutisht që LSI ka qenë dhe është në mbështetje të plotë të ushtrimit të të gjitha përgjegjësive nga ana e Kryeministrit, duke evituar çdo vlerësim personal të cilitdo qoftë edhe deputet, edhe ministër. Kështu që besoj se ky është një qëndrim shumë i qartë i Lëvizjes Socialiste për Integrim.
Edhe më herët ka pasur deklarata, sjell këtu rastin e z.Luan Rama, ku ka folur për një performancë të dobët në Ministrinë e Brendshme dhe në drejtimin e kësaj Ministrie. A ndani ju të njëjtin qëndrim?
Qëndrimi im dhe i LSI-së ka qenë dhe mbetet i qartë në mbështetje të qeverisë, të Policisë së Shtetit dhe të ministrit të Brendshëm, z. Tahiri, në luftën kundër krimit të organizuar në luftën kundër trafikut të lëndëve narkotike, që dëmton forcimin e mëtejshëm të ligjit në vend dhe njëkohësisht që është e rëndësishme për vetë forcimin e sundimit të ligjit, por edhe për vetë integrimin europian të Shqipërisë.
A mendoni edhe ju se një nga ministrat e qeverisë nuk ka punuar aq mirë deri tani dhe, nëse po, cili ministër është?
Gjithmonë ka vend që të gjithë ne, duke filluar që nga unë si kryetar i Kuvendit, që nga deputetët, që nga ministrat, të punojnë më mirë, prandaj dhe jemi çdo ditë në raporte e llogaridhënie edhe me opinionin publik, edhe me votuesit tanë, me qytetarët e taksapaguesit shqiptarë dhe duhet të reflektojmë çdo ditë, por asnjëherë një palë nuk ka të drejtë vetëm të kërkojë llogari dhe të mos japë llogari.
Megjithatë, ka pasur gjithashtu spekulime ndoshta për arsye të largimit tuaj nga festa e PS-së para se z.Rama të mbante fjalën përshëndetëse. A mund ta dimë se cila ka qenë arsyeja e largimit tuaj para se Kryeministri të mbajë fjalën në këtë festë?
Në rast se doni një përgjigje fare të sinqertë, kjo ka të bëjë me ngatërrimin e orarit të ceremonisë së kampionatit botëror të futbollit. Mendoj se ka qenë më se e mjaftueshme për të marrë pjesë në festën e Partisë Socialiste pas një dite tejet të zgjatur në Kuvend, të debateve pa fund për t’i uruar të gjithë socialistët për këtë festë mjaft të rëndësishme dhe kuptimplotë.
Thjesht ka qenë një keqkuptim oraresh. Nëse do ta dija se ndeshja do të fillonte më vonë, patjetër që do të kisha qëndruar edhe më shumë, sepse ishte kënaqësi. Lozte Kroacia dhe nuk është ndonjë sekret që t’ju them se, kur luajnë ekipet e Ballkanit, unë jam me to.
Pavarësisht se ju thoni që janë deklarata personale dhe qëndrime apo mendime personale të deputetëve të LSI-së, a nuk mendoni se këto e dëmtojnë në perceptimin publik marrëdhënien PS-LSI dhe konkretisht maxhorancën dhe qeverinë?
Çdo deklaratë e nxituar dhe personale mendoj që nuk ndihmon cilindo që nxitohet. Sa u takon marrëdhënieve PS-LSI, ato janë tepër solide dhe janë marrëdhënie, të cilat do t’i shërbejnë forcimit të mëtejshëm të qeverisjes së vendit, duke u sjellë gjithnjë me përgjegjshmëri dhe luajalitet, jo vetëm reciprok, por në radhë të parë ndaj qytetarëve dhe votuesve tanë.
Z.Meta, në cilin dikaster mendoni se ka nevojë për përmirësime?
Nevojë për përmirësime ka kudo, duke filluar që nga e enjtja në Parlament.

Panorama

[Albo]

Ligji për shkrirjen e SHKB, Xhafaj e Fino kundër Tahirit. Debati në Komisionin e Ligjeve

Komisioni i Ligjeve miraton në parim vetëm me votat e maxhorancës ligjin e ri të ardhur nga qeveria, që parashikon shkrirjen e SHKB. Megjithatë, kryetari i Komisionit Fatmir Xhafaj dhe deputeti Bashkim Fino kanë shprehur pakënaqësitë e tyre për disa pjesë të projektligjit.

Në të njëjtën kohë, edhe deputetët e opozitës e kundërshtuan draftin e prezantuar në Komision nga ministri i Brendshëm Saimir Tahiri dhe në fund e votuan kundër.

DEBATI
Kreu i Komisionit të Ligjeve, Xhafaj, tha gjatë seancës së pyetje-përgjigjeve se në draft ka shumë akte që parashikohet t’i nxjerrë ministri dhe e pyeti atë nëse do të ishte mirë që ato të specifikoheshin në ligj. “S’do ishte e nevojshme që ligji vetë, disa nga këto t’i detajonte më mirë sesa t’i linte në vullnetin e ministrit dhe strukturës për të evituar në procesin e punës në të ardhmen çdo lloj qëndrimi subjektiv mbi procedurat, sidomos kur kanë të bëjnë me veprimtarinë hetimore?”, pyeti Xhafaj.

Por, sipas Tahirit: “Rekomandimi i partnerëve ka qenë mbajtja e një ligji sintetik principesh dhe pastaj për t’u detajuar në akte nënligjore, pavarësisht se kush i nxjerr. Çdo veprimtari e Shërbimit që ka të bëjë me sipërmarrje operacionale nuk mund të detajohet me akte nënligjore nga ministri, por përcaktohen në ligj”. Ndërsa deputeti Bashkim Fino iu referua nenit 97 të projektligjit, i cili në pikën 1 parashikon shfuqizimin e ligjit të vjetër, ndërsa në pikën 2 parashikon që aktet nënligjore që kanë dalë në zbatim të ligjit të vjetër të shfuqizohen brenda gjashtë muajve.

“Në qoftë se jeni gati ne mund ta miratojmë ligjin, në të kundërt, nëse ka shumë akte nënligjore që do nxjerrë qeveria dhe ju si ministër, ta shtymë sepse ky ligj nuk mund të funksionojë me akte nënligjore të vjetra, siç thotë neni 97. Nëse ligji i vjetër shfuqizohet, automatikisht edhe aktet nënligjore shfuqizohen”, u shpreh Fino. Nga ana e tij, ministri i Brendshëm garantoi se rreth 90% e këtyre akteve tashmë janë gati. Fation Binjaku

Debatin e zbardhur e lexoni sot ne “Panorama” print

[Albo]

Deputetët e PS i heqin kompetencën Tahirit

Me propozim të deputetit Bashkim Fino, i mbështetur edhe nga kryetari i Komisionit Fatmir Xhafaj dhe relatorja Ermonela Felaj, struktura e re e SHKB-së do të miratohet nga Kryeministri dhe jo nga ministri i Brendshëm, siç ishte në variantin fillestar të projektligjit.

“Meqenëse thonë se struktura nuk ndryshon, por mund të ndryshojë individi që Bashkimi është në këtë degë dhe me urdhër ministri shkon në një degë tjetër për një çështje pune tjetër, unë mendoj se duhet bërë siç propozojmë ne. Struktura dhe organika, me propozim të ministrit, e miraton Kryeministri. Brenda për brenda strukturës se si e përcaktoni ju është çështja e ministrit. Ky është parim për të gjitha drejtoritë e përgjithshme. Nuk e kuptoj pse kjo drejtori duhet të propozohet dhe firmoset vetëm nga një njeri”, tha Fino, teksa shtoi se nëse propozimi i tij nuk do të pranohet, do ta paraqesë në seancë.

Në të njëjtën linjë ishte edhe relatorja Felaj, e cila tha se duhet të jetë Kryeministri ai që duhet të miratojë strukturën e SHKB-së. Kreu i SHKB-së, Arben Skëndo, argumentoi: “Ne kemi shpjeguar që gjithë korniza e strukturës së Shërbimit ku bëjnë pjesë fondi limit i punonjësve, tabela e pagave, ekuivalentimi i gradave, nivelet dhe funksionet, përcaktohen me vendim të Këshillit të Ministrave. Kontrolli makro është i plotë. Bëhet fjalë për strukturën e cila në një moment të caktuar, në bashkëpunim me prokurorin, bën lëvizje, por jo shkurtime”.

Relatorja Felaj rrëzoi edhe një nga risitë e këtij projektligji, hetimin e pasurive të pajustifikueshme të policive. Ajo tha se kjo është një kompetencë e Prokurorisë së Krimeve të Rënda…

Lajmin e plote e lexoni sot ne “Panorama” print

[Xinxerfilli]

Hahahahahaha. Po ku o derbardhe ke njeri qe thote dua te heqim Tahirin?

As Kadeli ska permendur emra.

Keto jane tektika komuniste ne tentative per diversion pas aksionit policor ne lazarat.

Tahiri te ben te fala me Gaten qe leshoi Berisha perseri ne pranga!

[Albo]

Prapaskenat, peticioni i LSI për një ministër të PS nisi pas një dreke

TIRANE- Deputetët e Lëvizjes Socialiste për Integrim kanë marrë vendimin për t’iu drejtuar Edi Ramës për lëvizjen e të paktën një ministri gjatë një dreke miqësore të tyre. Një deputet i kësaj partie tha dje se çdo gjë nisi gjatë një dreke mes kolegësh e ku ata kanë shprehur pakënaqësitë e tyre për një nga ministrat e kabinetit “Rama”.

Gjatë drekës ata janë shprehur se nuk po arrijnë të komunikojnë me një nga ministrat e qeverisë, as telefonin nuk ua hap dhe, si të mos mjaftonte kjo, edhe performanca e punës së tij në këtë Ministri nuk është ajo e pritura dhe nuk ka ritmin e disa ministrave të tjerë. Gjatë drekës është hedhur dhe ideja e një kërkese zyrtare jo vetëm të tyre, por edhe nga deputetë të Partisë Socialiste, të cilët ndajnë të njëjtin mendim me ta, për t’iu drejtuar Kryeministrit Rama, citon e përditshmja "Panorama".

Një ditë më pas, deputeti më kurajoz, me sa duket, Gjovalin Kadeli, ka bërë një deklaratë në media, ku ka transmetuar këtë shqetësim të deputetëve të LSI-së, por edhe të disa deputetëve të PS-së. “Jo më pak se 12 deputetë kanë vendosur të largohet një prej ministrave të kabinetit për performancë të dobët, për mungesën e komunikimit me deputetët, duke mos qenë në rolin e duhur për të qenë pranë votuesve shqiptarë, pranë atyre që na kanë zgjedhur…

Kadeli: Nuk kam kërkuar dorëheqjen e Tahirit
Deputeti i LSI-së, Gjovalin Kadeli, tha sot se nuk ka kërkuar dorëheqjen e Saimir Tahirit dhe se ndërhyrja në Lazarat ishte një punë e mirë. Reagimi i Kadelit vjen pasi një javë më parë ai deklaroi në media se një grup prej 12 deputetësh të LSI-së do të kërkojnë ndryshime në qeveri dhe largimin e një ministri të saj.

Kadeli thotë se i qëndron deklaratës për ndryshime në qeveri. “Unë e kam thënë në kohën dhe momentin e duhur dhe i përmbahem kësaj deklarate. Deputetët e LSI-së së shpejti do marrin një iniciativë, ku do t’i drejtohen Kryeministrit Rama për largimin e të paktën një ministri”, tha Kadeli.

(ed.me/Panorama/BalkanWeb)

[Albo]

Rama në Grupin e PS: Deputetët, ndjesë Saimir Tahirit

Detyra elementare e deputetit, mbështetje pa kushte e ministrit”

Kryeministri Edi Ra-ma kërkoi dje nga deputetët e Partisë Socialiste që të kërkojnë ndjesë për dyshimet që patën ndaj ministrit të Brendshëm Saimir Tahiri pas suksesit të policisë në Lazarat.
Në mbledhjen e Grupit të PS-së, Rama vlerësoi punën e ministrit të Brendshëm, duke thënë se falënderimi në këtë rast duhet të vinte nga të gjithë, edhe nga ata që nuk e mbështetën ministrin Tahiri në detyrën e tij. “Prandaj Saimir Tahiri sot meriton jo vetëm falënderimin tonë të megjithëzemërt për vlerën e shtuar që i ka sjellë jo vetëm qeverisjes, por dhe familjes sonë politike në sytë e publikut, por meriton besoj – dhe kjo duhet thënë sot – edhe ndjesën e heshtur të kujtdo deputeti që ndaj tij nuk e ka bërë si duhet detyrën elementare të deputetit, e cila për kujtesë është mbështetja pa kushte dhe as rezervë e çdo ministri që kryen me përkushtim detyrën. E sidomos kur për shkak të detyrës, ministri përballet me sfida dhe probleme posaçërisht të vështira, me reforma dhe masa që ndryshojnë statusquo-në apo që prekin shpesh-herë interesa të thella. Apo edhe më keq si në rastin e ministrit të Bren-dshëm që në kushtet ku i ka rënë në pjesë të punojë, i duhet të përballet nganjëherë me situata tejet të rënda”, theksoi dje Kryeministri. Rama ka theksuar më tej se opozita i bë aleate e kriminelëve në Lazarat. “Ka pasur momente që do kishin dekurajuar shumë-kënd, aq më tepër në kushtet kur krimi ka gjetur në krah këto kohë një aleat shumë të rrallë, opozitën politike, e cila në këtë periudhë të vështirë rilindjeje iu kundërvu Policisë së Shtetit me një tërbim të pashoq”, tha ai.

Korrupsioni
Kreu i qeverisë dha edhe një mesazh të fortë për reformën e thellë do të ndërmerret në sistemin e drejtësisë, duke paralelizuar Gate Mamutajn e Lazaratit me gjyqtarët dhe prokurorët e korruptuar. “Lazarati tregoi se ne mundemi dhe se asgjë nuk është pamundur për këtë qeveri. Po, pa dyshim, sfida për shtet dhe drejtësi është e gjitha përpara nesh. Dhe Lazarati, jo më ai fshati i çliruar tanimë, po fenomeni Lazarat si forcë e paudhë e paligjshmërisë dhe si triumf i padrejtësisë mbi drejtësinë është shumë herë më i egër, shumë herë më i rrezikshëm dhe shumë herë më i fortë në sistemin e drejtësisë. Gatja i Lazaratit, me armë dhe me thasë të mbushur me hashash në shtëpi, është askush në krahasim me ‘Gatet e pushtetit gjyqësor’, që si armë kanë çekiçin e gjykatësit, ndërsa paratë i bëjnë me thasë duke nxjerrë nga kafazet ‘Gatet e krimit’. Ose në krahasim me ‘Gatet e pazarit të prokurorisë’, që i kanë kthyer shumë prej dosjeve të luftës sonë kundër korrupsionit në letra me vlerë për karrierë dhe përfitime krejt vetjake, në kurriz të drejtësisë”, theksoi Rama.

Fenomeni
Sipas kreut të PS-së, gjyqtarët e korruptuar dhe prokurorët kryejnë krime më të rënda në kurriz të qytetarëve, duke mos ndëshkuar kriminelët dhe duke arrestuar ata që Rama i quajti si “cironkat e lodhura”. Rama lëshoi një apel të fortë duke thënë se këta gjyqtarë dhe prokurorë nuk do të mund t’u shmangen përgjegjësive të tyre. “Gjyqtarët që kryejnë krime duke u bërë pjesëmarrës në vrasjet dhe në tragjeditë njerëzore që shkaktojnë rrugëve ‘Gatet’ e liruar me një të rënë çekiçi prej tyre, duhet ta marrin të qartë mesazhin se ne jemi gati të përballemi me çfarëdo kostoje me ta, derisa kush nuk do të ndahet nga ‘Gatet’, të shkojë të rrijë me ‘Gaten’ te vendi i ‘Gateve’, pa mundur të bëjë dot më dëm për njerëzit e pafajshëm, në këtë vend, që s’është vendi i ‘Gateve’, por është vendi i qytetarëve të vet të zakonshëm dhe i familjeve të njerëzve të zakonshëm të këtij vendi. Po ashtu, sot prokurorët që i kanë marrë kaq shumë kohë këtij vendi duke u ardhur vërdallë dosjeve të krimeve, të zyrtarëve të lartë apo duke nxjerrë prej tyre vetëm disa ‘cironka’ të lodhura, – si ato që kapnim ne me kavanoz te bregu i liqenit, – duhet ta kenë të qartë se nuk mund t’i fshihen më përgjegjësisë së tyre”, tha Rama.

FATION BINJAKU

Panorama