Qeveria e Rilindjes: I fal borxhet CEZ dhe i jep 95 milion euro demshperblim

[Albo]

Marrëvesja me CEZ, ambasada çeke: Kompromis mbi kërkesat legjitime të palëve

TIRANE- Marrëveshja e qeverisë me komapninë çeke CEZ ka qenë në qendër të akuzave të opozitës ndaj maxhorancës. Në vijim të këtyre deklaratave, ambasada çeke në Tiranë reagoi sot nëpërmjet një deklarate për shtyp, duke thënë se marrëveshja ishte kompromis mbi kërkesat legjitime të palëve që rezultoi nga negociata të gjata.

“Republika Çeke mirëpret arritjen e marrëveshjes mes palëve dhe miratimin e saj në Parlamentin e Shqipërisë më 31 Korrik 2014. Republika Çeke e konsideron marrëveshjen si një kompromis mbi kërkesat legjitime të palëve që rezultoi nga negociata të gjata”-thuhet në deklaratë.

Republika Çeke vlerëson asistencën e dhënë nga Sekretariati i Komunitetit të Energjisë në lehtësimin e negociatave ndërmjet palëve dhe inkurajimin e vazhdueshëm në drejtim të të dyja palëve nga partnerët e tjerë ndërkombëtarë si Bashkimi Europian, Banka Botërore, Fondi Monetar Ndërkombëtar për një zgjidhje të mosmarrëveshjes jashtë gjykatës, përfundon deklarata.

Ndërkaq, prej ditësh opozita ka akuzar qeverinë se ka firmosur marrëveshjen me kompaninë CEZ as. në mungesë të plotë të transparences, si dhe ne kundërshim të plotë me ligjin dhe interesin e Shqipërisë dhe shqiptarëve.

Panorama

[Albo]

Ligji për CEZ, PD i drejtohet Kushtetueses, Halimi: Do kërkojmë hetim ndërkombëtar



Partia Demokratike do të çojë në Gjykatën Kushtetuese marrëveshjen e arritur mes qeverisë dhe CEZ, e cila u bë për të shmangur arbitrazhin. Deputeti Eduard Halimi deklaroi se dy krerët e mazhorancës po bëjnë gjithçka për të mbyllur mundësitë e hetimit dhe për të fshehur vjedhjen më të madhe të pasurisë së shqiptarëve.
Eduard Halimi: Në fillim të javës së ardhshme, Grupi Parlamentar i Partisë Demokratike, do ti drejtohet Gjykatës Kushtetuese, për ta deklaruar si antikushtetues e për ta hedhur poshtë ligjin, pra marrëveshjen për zgjidhjen me mirëkuptim ndërmjet Republikës së Shqipërisë dhe shoqërisë “CEZ, a. S.”. Partia Demokratike argumenton qartë në kërkesën e saj se ky akt dëmton interesat financiare të shtetit shqiptar dhe ngarkon me borxh të tmerrshëm çdo qytetar të vendit
Për më tepër Halimi tha se Partia Demokratike do të kërkojë hetim ndërkombëtar për aferën e CEZ përmes një ligji të vecantë.
Eduard Halimi: Partia Demokratike ditën e hënë do të depozitojë në Kuvendin e Shqipërisë projekt-ligjin që bën të mundur hetimin e plotë ndërkombëtar të kësaj afere korruptive.
Sipas Partisë Demokratike hetimi ndërkombëtar është e vetmja rrugëzgjidhje , në shërbim të vendit dhe interesave të qytetarëve.

ORA NEWS

[Albo]

Pakti i Qeverisë me CEZ, zbulohen nenet që nuk lejojnë hetimin e abuzimeve

Përfaqësuesit e maxhorancës janë shprehur të hapur për të lejuar hetimin e plotë të skandalit me CEZin, ndërkohë që ky hetim është i pamundur në sajë të marrëveshjes që palët kanë nënshkruar më 23 qershor 2014 mes tyre.



Në marrëveshjen për zgjidhjen me mirëkuptim të kontratës mes qeverisë shqiptare dhe kompanisë CEZ, përfaqësuesit e qeverisë u kanë dhënë garanci në të paktën katër pika çekëve që nuk do të lejojnë asnjë hetim ndaj tyre. Teksa e kaluan në Kuvend më 31 korrik 2014, me 85 vota, përfaqësuesit e maxhorancës nuk e kishin parashikuar publikimin e fakteve në lidhje me kompaninë “DIA” dhe përfshirjen e disa prej aktorëve politikë në aferën e CEZ, për të cilët është kërkuar edhe hetim ndërkombëtar.

MARRËVESHJA

Për Kryeministrin Rama dhe ministrin e Energjetikës, Damian Gjiknuri, prishja me mirëkuptim e marrëveshjes me CEZ, pavarësisht dëmshpërblimit financiar që do të paguhet, ishte zgjidhja më e mirë. Ndërkohë që rihapja e çështjes dhe kërkesa për hetim pengohet nga nenet që vetë përfaqësuesit e maxhorancës kanë pranuar të jenë pjesë e kësaj marrëveshjeje.



Kështu, në nenin 9, pika 5, theksohet se në bazë të marrëveshjes në rast se ndonjë nga palët shqiptare do të vihet në dijeni për ndonjë procedim ndaj kompanisë CEZ, procedimet do të ndërpriten menjëherë duke rrëzuar çdo pretendim të ngritur.

Në marrëveshjen e miratuar në Kuvend, pala shqiptare është angazhuar në raport me CEZ edhe që asnjë prej degëve të saj të mos ngrejë ndonjë pretendim apo të paraqesë, apo vazhdojë ndonjë procedim kundër grupit CEZ. Krahas angazhimit të saj, qeveria shqiptare u ka garantuar në marrëveshje çekëve të kompanisë CEZ edhe mos përfshirjen në pretendimet që mund të ngrejë një palë e tretë në lidhje me ndonjë pretendim përkatës ndaj CEZ-it. Ndërkohë që kufizimin e plotë për hetimin e kompanisë CEZ nga qeveria shqiptare brenda afatit të përmbushjes së detyrimeve në marrëveshje jepet në nenin 6, pika 2. Në këtë pikë, qeveria dhe CEZ japin garanci se midis datës së nënshkrimit dhe datës së përmbushjes, asnjë palë nuk do të ndërmarrë hapa armiqësore, veprime apo kufizime ndaj ndonjë pale tjetër dhe në mënyrë të veçantë nuk do të fillohet asnjë procedim, gjykim, arbitrazh apo procedurë.

HETIMI

Grupi Parlamentar i Partisë Demokratike do t’i drejtohet Gjykatës Kushtetuese këtë të hënë me një kërkesë për shfuqizimin e kësaj marrëveshjeje. Demokratët nuk kanë marrë pjesë në seancën e 31 korrikut kur është miratuar prishja e marrëveshjes së qeverisë shqiptare me CEZ-in, ndërkohë që tani kërkojnë hetim të plotë të skandalit me kompaninë çeke. Përfaqë- suesit e opozitës akuzojnë dyshen Rama-Meta se kanë caktuar qëllimisht nene që do të pengonin hetimin e marrëveshjes, ndaj do t’i kërkojnë Gjykatës Kushtetuese shfuqizimin e saj. Kreu i Kuvendit Meta, ndaj të cilit opozita ka ngritur një sërë akuzash, kërkoi hetim ndërkombëtar për këtë çështje, kërkesë që ishte në vazhdimësi të së njëjtës kërkesë të bërë nga ishkryeministri Berisha.

Pavarësisht kufizimeve për hetime që qeveria shqiptare ka parashikuar në marrëveshjen me CEZ-in, ish-kryeprokurori Theodhori Sollaku tha një ditë më parë për “Panorama” se ende ka hapësira për kryerjen e veprimeve nga Prokuroria. “Asnjë lloj marrëveshjeje e qeverisë, qoftë kjo e miratuar me shumicë të thjeshtë në Parlament, nuk mund të ndalojë Prokurorinë që të hetojë për çështje penale nëse e gjykon të arsyeshme”, u shpreh Sollaku.

JUXHIN MUSTAFARAJ

Panorama

[Albo]

Marrëveshja me CEZ, Berisha: Qeveria bleu 600 mln € heqjen e vetos së Çekisë për statusin



Një ditë pasi Janez Kopac, drejtori ekzekutiv i Sekretariatit të Komitetit të Energjisë në Vjenë tha se çekët kushtëzuan statusin kundrejt marrëveshjes me CEZ, ish kryeministri Berisha e ka konsideruar këtë si një pazar, duke akuzuar drejtpërdrejte kryeministrin Rama.
Në një bashkëbisedim me gazetarët, Sali Berisha dhe se Rama bleu me 600 mln euro heqjen e vetos për statusin e Shqipërisë.
Sali Berisha: Zoti Kopac konfimroi pazarin e kulisave të bëra në kuriz të shqiptarëve. Deklarata e tij se 30 min pas firmosjes së marrëveshjes me CEZ qeveri çeke tërhoqi veton tregon qarte së Rama bashkërndoi pazarin për CEZ. Kurrë një qeveri e një vendi anëtar të BE nuk mund të përdorë veton për ta blerë me 600 mln euro heqjen e saj. Kjo është jashtë çdo imagjintae. Cështja e statusit nuk është cështje tregtare, është vendim i mirëfilltë politik, i vendeve anëtare dhe i Komisionit Europian.
Deputeti demokrat tha çështja e statusit është një çështje politike dhe mund të nagtërrohej me një çështje tregtare. Berisha i bëri thirrje Ramës që të pranojë hetim ndërkombëtar për këtë çështje.
Sali Berisha: Çështja e statusit, unë kam marrë garanci nga Kryeministri i Çekisë i cili erdhi në Tiranë, por Çekia nuk mund të ngatërronte një vendim politik me një cështje tregtare që sipas ligjit europian do zgjidhej në arbitrazh. Unë kam përmendur edhe zotin Fyle, e keni shkrimin të botuar, por fakti që marrëveshja u firmos afërzyrave të tij, marrëveshja me CEZ u nënshkrua në Bruksel, e tha vetë Ahmetaj. Fakti që Kopac deklaron se 30 min më vonë Çekia tërhoqi veton tregon se ky ka qenë një Pazar ndër më të flliqur të Edi Ramës në të cilën mund të jenë ndarë dhjetëra miliona euro. Kurrë një qeveri e një vendi anëtar nuk mund të shndërrojë një çëshjte tregtare në një çëshje politike. E imagjinoni ju të bllokohej një kompani…jashtë cdo lloj mundësie, kjo ka vetëm një mundësi. Kur njëra palë thotë më blloko ti, që të bëjmë pazarin, këtu faturën e paguajnë shqiptarët. Rama të pranojë hetimin ndërkombëtar për afërën e CEZ nga dita e parë e ardhjes në Shqipëri deri në ditën famzësë kur u gjobiten shqiptarët.

ORA NEWS

[Albo]

Basha: I falëm CEZ 600 mln euro se Çekia mund të vendoste veton. Justifikimi i fundit i Ramës



TIRANE- Kreu i Partisë demokratike Lulzim Basha ka reaguar ditën e sotme ndaj të ashtuquajturës aferë me CEZ. Në një postim në rrjetin social “Facebook” Basha shkruan se 600 milionë eurot që iu dhanë CEZ-it nën pretendimin se Çekia do të vendoste veton, ishte një justifikim i kryeministrit Edi Rama.

Basha akuzon kryeministrin Rama se ai “bllokoi statusin e vendit kandidat për kryetarin e qarkut të Fierit”.

“I falem CEZ 600 milion euro, se Cekia mund te vendoste veton per statusin e vendit kandidat per ne BE! Ky eshte justifikimi me i fundit i Edi Ramës. Po a nuk ishte Edi Rama qe bllokoi statusin e vendit kandidat per kryetarin e qarkut te Fierit? Me i rendesishem kreu i qarkut Fier se 600 milion euro te shqiptareve? Nese do te ishte kaq i interesuar per statusin Edi Rama nuk e bllokonte tre vjet me rradhe. “Veto” eshte argument per mega-aferen e CEZ. 600 milion eurot e shqiptareve jane falur dhe ndare. Gjithcka tjeter eshte perralle e kokoshit 200 milionesh. Por nuk e ha me njeri kete corbe. Do ti shkojme deri ne fund kesaj afere. Keto jane leket e shqiptareve te cilet sot po burgosen e shtyhen drejt vetvrasjes per 2000 lekë”, shkruan Basha.

(el.sp/BalkanWeb)