ISIS : Shteti i djallit dhe i krimineleve.

[altin55]

Khauarixhët dhe veprat e tyre të pështira që i bëjnë në Siri dhe Irak – Shejkh Suhejmi

Category: Khauarixhët
Autor: Shejkh Salih es-Suhejmi

Burimi: http://www.sahab.net/forums/index.php?showtopic=146354





Pyetje:

(Pyetësi) thotë: “Allahu ju dhëntë sukses. Kohët e fundit vërehet se Perëndimi ka marr iniciativë me kërcënimet e tij dhe do të ndërhyj në Irak, (pyetësi) thotë se në fillim SHIISH-i (ISIS) vriste dhe kryqëzonte (njerëz). Tani që këta (terroristët e ISIS-it) kanë filluar me të Krishterët duke i vrarë burrat e tyre dhe duke i robëruar gratë e tyre, (pyetësi) thotë: ndërhyri Perëndimi?



Përgjigje:

Në rregull! Cili është shkaku?! Ne po pyesim të kundërtën: Kush është ai që ua dha atyre këtë shkas?! A nuk janë Tekfirijunët, të cilët i masakrojnë Muslimanët, përveç kësaj edhe të Krishterët! Ata masakrojnë çdonjërin që i kundërshton ata, i therin si delet. Ata vrasin të voglin, të porsalindurin, plakun, gruan që janë nga Muslimanët.

Pra, kush është ai që u jep arsye pabesimtarëve nga Perëndimi dhe Lindja, gjë që janë mbledhur kundër Muslimanëve për shkak të veprave të tyre (Khauarixhëve).

﴿وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ﴾

“Çdo fatkeqësi që ju godet, ajo është pasojë e veprave tuaja (të këqija) që keni bërë.” Esh-Shura, 30

Pra, këta Tekfirijun dhe Khauarixh janë po këta që ua kanë mundësuar atyre pabesimtarëve të bëjnë këtë vepër (të ndërhyjnë në Irak, sh.p). Madje ata, tani në Sham, bashkëpunojnë me Nusajrit kundër Ehli Sunnetit, si dhe në Irak e në vende tjera. Ata bashkëpunojnë me armiqtë e Sunnetit, siç janë Rafidijtë dhe të tjerët, kurse ata (ISIS-i) shfaqen duke pretenduar se janë armiq të tyre (Rafidijve).

Por, këta që janë vrarë nga duart e këtyre (Khauarixhëve) janë më shumë se ata që kanë vrarë Rafidijt në Irak. Që të gjithë kanë një medh’heb të prishur, qofshin Rafidijt, apo Khauarixhët, çfarëdo besimi dhe emërtimi qoftë ai. Padyshim se të gjithë ata janë në devijim dhe të gjithë janë të dalë nga feja.

﴿لاَ يَرْقُبُونَ فِي مُؤْمِنٍ إِلاًّ وَلاَ ذِمَّةً﴾

“Ata nuk respektojnë as farefisin dhe as marrëveshjen e besimtarit.” Et-Teubeh, 8

Unë them: kush janë ata që ua kanë mundësuar atyre këtë?! Ua kanë mundësuar atyre ata që japin fetva të devijuara, të cilët i humbën të rinjtë tanë pas këtij iluzioni dhe u kanë dhënë atyre letrën e indulgjencës (faljes së mëkateve) siç janë letrat e të Krishterëve, letrat e priftërinjve, që nëse e shpërthejnë veten e tyre me eksploziv në një vend të caktuar, menjëherë do t’ju vijnë atyre hyritë (bukuroshet e xhennetit).

Është për t’u habitur se nuk e dëgjon prej tyre fjalën “Ngritja e Fjalës së Allahut” dhe as fjalën “Fitorja e Fesë” porse të gjitha këndimet e tyre, ilahijet, këngët dhe brohoritjet e tyre që po i përsërisin, të gjitha këto kufizohen vetëm tek hyritë. Padyshim se hyritë janë prej begative të xhenetit dhe kjo është një e vërtetë që çdo musliman e kërkon atë, porse që të kufizohen gjërat vetëm tek kjo çështje është injorancë.

Njërin prej tyre që e takuam në Komisionin e Këshillimit, unë e pyeta rastësisht: A je i martuar? Më tha: “Pasha Allahun në mes meje dhe martesës më ndau një çast i vetëm, porse u privova prej saj.” I thash: pa si ishte, ma thuaj? Më tha: “pothuajse isha duke u martuar me hyritë (e xhennetit) në vend të hyrive të kësaj bote, porse më privuan kur më arrestuan.” I thashë: Falendero Zotin tënd që të kanë arrestuar, të kanë ndaluar që të jesh vrasës apo i vrarë, agresor apo të kishe mbaruar. Andaj, falendero Allahun – e Madhëruar e të Lavdëruar – i Cili të shpëtoi që mos t’i vrasësh Muslimanët në emër të Xhihadit të rremë, mashtrimit, i cili nuk është Xhihad porse është shkatërrim në fe.

Shikoni këta! Dje kishin vrarë përnjëherë 150 persona nga Ehli Sunneti në Irak, ata Khauarixh. E të mos e përmendim fare metodën e urryer me të cilën i vrasin ata. Para disa ditësh kishin vrarë pesë persona. Ma sha Allah! Ata e “kanë frik Allahun.” Ua diktojnë atyre shehadetin (dëshminë La ilahe il-Allah), pastaj i vrasin. Në rregull! Prej nga erdhët me këtë gjë (parim)?! Nëse ia dikton shehadetin dhe ai e thotë shehadetin, madje edhe sipas terminologjisë suaj, përderisa ai e tha shehadetin dhe hyri në Islam, atëherë përse e vret atë?! Përse e vret atë?! Ata thonë: ne duam që ai të vdes në Islam. Ai e thotë shehadetin kurse ata e therin me thikë.

Ata janë egërsira. Madje me aq sa duket – Allahu e di më së miri – se ata drejtohen nga ana e pabesimtarëve, e kuptojnë këtë apo nuk e kuptojnë.

Dje një grua thërriste: “O shejkhu jonë Bagdadi! Na merr! Fëmijët tanë kanë shkuar! Fëmijët tanë janë nëpër burgje!” Një grua e cila jeton në begati, jeton me mbulesë (hixhab), jeton në një vend ku ka siguri, dhe në një vend të mbulesës, dëshiron t’ju bashkëngjitet atyre budallenjve dhe u thërret atyre përmes faqeve të twitter-it. Ajo do që ta shpëtojnë atë nga një vend Islam që të jetë nën udhëheqjen e tyre që janë të dalë nga feja e Allahut – të Madhëruar e të Lavdëruar.

Kini kujdes! Kini kujdes! Muslimani nuk është dinak, e as që dinaku e mashtron atë. Kthehuni dijetarëve edukatorë, pyesni ata për këto çështje. Hapi sytë o ti vëlla i ri që mos të mashtrohesh!

Pasha Allahun o vëllezër! Sa për këshillë, gjithashtu po ju përmend diçka që më ka rastisur mua. Njëri që u kthye nga vendet e fitneve (Siri dhe Irak), një nga ata që Allahu e begatoi me largpamësi, të cilët u zgjuan dhe erdhën në vete, na ka treguar neve një gjë të çuditshme, tha: “ekziston një bandë që ka tre shefa. Një shef këtu te ne që i rekruton ata, një shef në Sham dhe një shef në Turqi. Kjo është bandë.” Ai tregon dhe thotë: “Më thanë: sa të holla ke me vete?”– pasi që u dha besën atyre dhe shkoi me ta? Ai tha: e shita makinën për 20.000 rijal (afër 4000 euro). Më thanë: “në rregull! Këto 5.000 rijal të ngelën ty që t’i shpenzosh për rrugë, kurse 15.000 ia paguan këtu klientit që është këtu brenda, që t’u dërgohen klientëve të tjerë në mënyrë që të të blejmë me këto armatim e të luftosh me to.”

Ai tregon: “kur mbërrita atje, nuk pashë Xhihad. Pashë njerëz (Muslimanë) që luftojnë njëri-tjetrin. Më thanë mua: shko tek ky vend dhe hidhe veten në erë me eksploziv. Në rregull! Madje edhe në një vend të Sunnetit!” Pra në një vend ku ka njerëz prej Ehli Sunnetit.

Ai tregon: Kur unë polemizoja me ta, më pëshpëriti njëri prej atyre që ishte i paaftë dhe donte të kthehej – që kishte shkuar prej këtu dhe ishte mashtruar nga ata – më tha: “mos i kundërshto ata se do të vrasin e do të likuidojnë. Nëse ke mundësi të arratisesh dhe të kthehesh në vendin tënd, atëherë bëje. Unë po pres dhe përpiqem.” Më thotë mua: “kam dy muaj (që përpiqem të arratisem, sh.p.) porse nuk kam mundur ngase jam kërcënuar që nëse lëviz prej këtu, atëherë fundi im është vrasja.”

O vëllezër! Këto gjëra po përsëriten, andaj kini kujdes dhe hapni sytë. Paralajmëroni bijtë tuaj nga këto fetva të devijuara të cilat i japin ata të devijuar. Urdhëroni ata që t’u kthehen dijetarëve edukatorë të cilët i largojnë nga Libri i Allahut shtrembërimet e ekstremistëve, pretendimet e gënjeshtarëve dhe interpretimet e injorantëve.



Pjesë e një ligjërate të Shejkh Suhejmit e mbajtur në Xhamin e Medines Profetike, më datë 12 Sheual 1435, që përkon me datë 8 gusht 2014.



Video në AudioSelefi.org

[angmokio]

ISIS ekzekuton ushtarin kurd

Pas videos së tmerrshme të ekzekutimit të gazetarit amerikan James Foley, mbërrin një tjetër video nga ISIS, grupi i militantëve të Shtetit Islamik.
Këtë herë i drejtohet forcave kurde të angazhuara në luftën kundër ISIS në veri të Irakut. Në video duken tre xhihadistë të veshur me të zeza, teksa i presin kokën një ushtari kurd.

Në videon e titulluar: “Mesazh i shkruar me gjak”, militantët thonë se kanë zënë disa luftëtarë kurdë, dhe i bëjnë thirrje të tjerëve të tërhiqen nëse nuk duan të kenë të njëjtin fund me të riun e ekzekutuar përpara një xhamie.

Si për ta bërë akoma më të besueshëm e më tmerrues filmimin, ekzekutimi është xhiruar në dy kënde të ndryshme. Ajo bëhet paralel me disa pamje të Presidentit të SHBA-ve, Barack Obama, i cili njoftoi se shumë shpejt do të nisë drejt Lindjes së Mesme Sekretarin e Shtetit John Kerry, për të diskutuar krizën e Sirisë me partnerët rajonalë.

Jo pa qëllim, vrasja është zgjedhur të kryhet përpara xhamisë qendrore të Mosulit, një provokim i hapur ky që kërkon të tregojë se qyteti tashmë është krejtësisht në duart e tyre.

G Express.

[semiku]

Horror nga ISIS, gratë jazide dhe kristiane shiten si skllave !




Kjo është fotoja shokuese e aktivistes arabo - libaneze, Brigitte Gabriel e hedhur në Twitter, që po bën xhiron e botës.
Poshtërimi i grave jazide dhe kristiane, të cilat janë kapur peng disa ditë më parë në zonën e Mosulit nga militanët e ISIS.
Në këtë foto ato shihen në një kafaz teksa shëtiten në tregje për t’u shitur si skllave.
Siç ka deklaruar ministri irakian për të drejtat e njeriut, të gjitha këto femra nuk janë më shumë se 35 vjeçe dhe janë rrëmbyer në qytetin Sinjar, nga burrat e ISIS.
Luftëtarët i ndajnë vajzat në kampin e burgut dhe atëherë ato janë të detyruara të veshin vello të plotë.
Herë pas here ato vendoson në një kafaz dhe militanët i shëtisin nëpër qytet për t’i shitur.
Cmimi fillestar ku fillon tregtia eshte 25 $ per nje femer (!!!)

[palushi]

Një nga udhëheqësit më të lartë të ISIS-t, ka shpërnda një foto të tij me të martuarën për Xhihad.

Një nga Udhëheqësit e ISIS i cili është me prejardhje nga Maroku i cili quhet Ebu Enes Magribi ka shpërnda foton e tij me te martuarën për Xhihad ( femrat qe shkojnë ne Siri për Xhiahd SEX) .

Mësohet se vajza është marokene e cila quhet Vefa Ajet Ferxhi ( te cilës iu ka vra burri i parë në luftimet ne Siri).
Ajo ka arritur në Siri kohen e fundit me qellim Sex Xhihadin .

Sipas lajmit thuhet se Ebu Enes është njeri nga udhëheqësit me te lartë te ISIS me nënshtetësi nga Maroku dhe i cili vepron ne provincën IRIKA.




.....................



Nji gja se marr vesh, ky qi qon gishtin nelt me falenderu allahun (mendoj une) e ban ket gja para apo mbasi e ka kry xhihadin ???

Shume prej fakiro muslimaneve shqiptar kur doli lajmi i xhihadit seksual shane mediat e pista, (http://www.botaislame.com/analiza/2263-kush-qendron-prapa-propagandes-brutale-dhe-te-piste-rreth-xhihadit-seksual-ne-siri.html) apo te gjithe ata pergjegjes per lajmin duke e quajt "propogande brutale dhe te piste", po tash si ja vene emrin ???

[palushi]

Edhe kjo "propogande brutale dhe e piste" me ul figuren e shehideve (inshalla) e luftetare te allahut (inshalla te tane shehid)


Rrëfimi tronditës i 17-vjeçares që mbahet skllave nga ISIS

Çfarë më bënë? Kam shumë turp ta tregoj por nuk di as fjalët si ta përshkruaj martirizimin tim. Por, lutem që vuajtjet e mia dhe të mikeve të mia të largohen”.

“Mayat”, do ta quajmë kështu, është 17 vjeçe por ka zërin e një fëmije. 3 gushtin që kaloi, gjatë një ofensive të xhihadistëve kundër Sinjarit u rrëmbye nga ushtarët e ISIS. Nga atëherë, bashkë me shoqe të tjera që ashtu si ajo i përkasin sektit yazidi u mbajt e burgosur në një fshat në fushat e Ninives në jug të Mosulit. Arritëm të kontaktojmë me të nëpërmjet celularit të prindërve të saj që ndodhen në një nga kampet e refugjatëve në jug të Kurdistanit iraken. “Mayat” flet pak anglisht që kishte filluar ta mësonte sepse dëshironte që të shkonte të punonte në Gjermani. Në intervistën në vijim ajo tregon vuajtjet në robëri ndërsa shpesh herë zëri i hollohet dhe fillon të qajë me ngashërim.

“Ju lutem, mos e shkruani emrin tim sepse jam shumë e turpëruar për atë që më ndodhi. Është një pjesë e imja që kërkon të vdes që në këtë moment, të shtrihem në tokë dhe të qëndroj aty përjetë. Por, është dhe një tjetër pjesë e imja që kërkon që të luftoj dhe për të shpëtuar dhe për të patur mundësi të përqafoj sërish prindërit e mi. Është kjo pjesa që më jep forcë dhe që po flas me ju.

Ku ndodheni tani?

Nuk e di quhet qyteza ku na kanë dërguar sepse mbërritëm natën dhe sepse akoma jemi të mbyllur në një shtëpi të madhe me dritare gjithmonë të mbyllura nga nuk mund të dalim sepse janë të ruajtura nga njerëz të armatosur.

Ju lënë të përdorni celularin?

Në ditët e para kur të shohin me celular në dorë ta rrëmbejnë dhe sekuestrojnë menjëherë. Ndërsa më vonë rojet tanë ndërruan strategji dhe na thanë që mund t’ua tregojmë prindërve tanë çfarë po na ndodh dhe çfarë po na bëjnë. Qeshin me ne sepse e kujtojnë veten të pamposhtur dhe ndihen mbinjerinj. Por, janë vetëm njerëz pa zemër.

Mund të të pyes çfarë ju bëjnë?

Abuzojnë me ne.

Sa jeni?

Në shtëpinë e madhe jemi nja 40. Dhe jemi të gjitha viktima. Rrëmbyesit tanë nuk kursejnë as edhe ato që kanë ndonjë fëmijë të vogël me vete. Nuk shpëtojnë as fëmijët. Disa nga ne nuk i kanë mbushur akoma 13 vjeç. Janë ato që reagojnë më keq nga kjo shpifësirë. Janë disa që kanë pushuar së foluri. Njëra që i shkuli flokët e morrin me vete.

Ku ju dhunojnë?

Në katin e fundit të shtëpisë. Janë 3 dhoma për torturat. Janë dhomat e tmerreve.

Ju dhunojnë shpesh?

Ndodh edhe tre herë në ditë. Na trajtojnë sikur jemi skllave. Na dërgojnë tek burra gjithmonë të ndryshëm. Disa vijnë direkt nga Siria. Na kërcënojnë dhe na rrahin kur kërkojmë të rezistojmë. Shpesh dua që të më rrahin aq fort sa të vdes. Por janë frikacakë edhe në këtë pikë. Askush nuk ka guxim t’i japë fund dhimbjes sonë.

Cilët janë përdhunuesit tuaj?

Nuk e di. Disa janë të moshuar, të tjerë janë të rinj. Disa kanë rroba ushtarake, të tjerë veshin rroba arabe ndërsa disa kanë rroba normale. Gjatë natës edhe rojet na hidhen sipër.

Ku e gjen forcën për të shpresuar?

Ma japin kujtimet e asaj që ishte jeta ime përpara se të fillonte ky makth. Është edhe dashuria e prindërve të mi me të cilët flas shpesh. Por, ndonjëherë kam idenë se nuk mundem më. E ndiej që edhe nëse një ditë kjo torturë do të përfundojë, jeta ime do të jetë e shënuar nga kjo që po vuaj këto javë. Edhe nëse duhet të mbijetoj, nuk e di si t’i fshij nga mendja ime këto skena tmerri. Kjo është arsyeja përse dua të vdes në moment. Në fillim u kërkojmë gardianëve tanë të na vrasin menjëherë. Por, ne jemi shumë të shtrenjta për ta. Disa nga ne kanë provuar të varin veten por asnjëra nuk ia ka dalë.

E di që gratë yazidi të rrëmbyera nga Shteti Islamik janë rreth një mijë. Dhe që shumë nga këto janë konvertuar në islame, që të tjera janë shitur për 1 mijë dollarë si skllave në tregjet e seksit ne Mosul dhe që të tjera janë bërë gratë e ndonjë xhihadisti në Siri?

Nuk e dija që jemi kaq shumë që e vuajmë këtë kalvar. Siria është një nga kërcënimet e gardianëve tanë. Na thonë që nëse nuk bashkëpunojmë do na dërgojnë në Raqqa. Por pas asaj që përballojmë këtu na tremb ideja që të përfundojmë në Siri. Një javë pasi erdhëm këtu, mbërritën 3 burra shumë të këqij që na ekzaminuat një nga një, duke na prekur kudo në trup përpara të gjithëve duke na tmerruar me një thikë. Pas një ore morën me vetë rreth 15 prej nesh. Nuk e di ku përfunduan.

Sipas autoriteteve irakene janë dhe disa gra kristiane të rrëmbyera. Ju rezulton kështu?

Mund të ketë por, këtu tek ne janë të gjitha yazidi dhe vijmë të gjitha nga Sinjar. Të gjithë këta përsërisin vazhdimisht se jemi gra “të pandershme” sepse nuk jemi myslimane ndaj na mbajë si plaçkë lufte. Na krahasojnë shpesh me dhitë që blihen në tregun e gjësë së gjallë.

Nëpërmjet ndërmjetësve sunitë, punonjësit e Kombeve të Bashkuara po përpiqen që tu blejnë disa nga ju në tregjet e Mosulit.

Lum ato që do tu bjerë ky shans. Për mua, e vetmja shpresë është që luftëtarët peshmerga të vijnë dhe të na çlirojnë. Gardianët tanë na thonë se xhihadistët po fitojnë kudo por për fat babai im më mban në korrent me atë që ndodh. E di për shembull për bombardimet amerikanë kundër tyre. Do të desha që amerikanët të nxitojnë dhe t’i heqin qafe të gjithë ose të më hedhin edhe mua një bombë sepse nuk e di dhe sa do të rezistoj. E kanë tashmë trupin tim. Po më vrasin ndërkohë edhe shpirtin.

[Mexhid Yvejsi]

Pentagoni: Dhjetëra amerikanë luftojnë për “Shtetin Islamik”

Washington:

Shtetet e Bashkuara besojnë se "një duzinë" amerikanë janë duke luftuar për Shtetin Islamik me ekstremistë në Irak dhe Siri, tha një zëdhënës i Pentagonit të enjten.
Ka rreth 100 shtetas amerikanë "që veprojnë brenda Sirisë", por ishte e paqartë se me cilin grup rebel ata janë bashkuar, tha zëdhënësi Kolonel Steven Warren.
"Ne besojmë se ka ndoshta një duzinë që janë me militantët e ISIL-it (IS)," tha ai.
Zyrtarë të lartë amerikanë kanë shprehur shqetësim për praninë e luftëtarëve të huaj në mesin e ekstremistëve sunni që mbajnë pasaporta perëndimore, potencialisht kthimi i tyre nga fushëbeteja është i mundshëm për të kryer sulme terroriste në Europë apo Shtetet e Bashkuara të Amerikës.
Zyrtarët e Inteligjencës Amerikane kanë vlerësuar se ka rreth 1.000 vullnetarë europianë midis forcave rebele në Siri, por mbetet e paqartë se sa prej tyre janë bashkuar me xhihadistët e ISIL-it.
Të paktën një luftëtar amerikan i Shtetit Islamik është vrarë në luftime në Siri, thonë zyrtarët, ndërsa autoritetet janë duke hetuar një amerikan tjetër, i dyti që vdiq nëse ishte i rekrutuar.
Byroja Federale e Hetimeve ka arrestuar disa njerëz duke u përpjekur për të udhëtuar nga Shtetet e Bashkuara në Siri për të mbështetur militantët, tha të mërkurën, Mateu Olsen, drejtor i Qendrës Kombëtare Kundër Terrorizmit në SHBA.
Ndërsa nuk ka asnjë shenjë që ekstremistët po përgatisin ndonjë sulm të mundshëm në Shtetet e Bashkuara, ekziston rreziku se një simpatizant i grupit mund të kryen një sulm "të kufizuar" në tokën amerikane, sipas Mateu Olsen.
Luftëtarët e Shtetit Islamik kanë pushtuar sipërfaqe të mëdha në Irak në muajt e fundit, duke shfaqur veprime brutale dhe duke lëshuar në qarkullim videot e ekzekutimeve të frikshme të dy gazetarëve amerikanë.
Kombet e Bashkuara dhe grupet e të drejtave të njeriut kanë dëshmi për krimet në rritje dhe mizori të kryera nga luftëtarët të ISIL-it në veri të Irakut dhe në Sirinë lindore kundër pakicave etnike dhe fetare.

Burimi: Arab News
================================================== =

[angmokio]

BIK reagon ndaj aktit qyqar të djegjës së flamurit me mbishkrimin e Shahadetit.



Akti i djeshëm i djegies së "flamurit" nga një grup i të rinjve në të cilin është edhe dëshmia islame - shehadeti, është veprim i papranuar dhe në kundërshtim me traditën tonë të tolerancës e mirëkuptimit.

E marte 9 Shtator 2014 5:44
Është e vërtetë që ky flamur padrejtësisht po keqpërdorët nga ISIS, organizatë terroriste e cila vepron gjoja në emër të myslimanëve. Mirëpo kjo assesi askujt nuk i jep të drejtë që të përdhosë simbolet islame apo të çfarëdo feje tjetër.
Me kohë e kemi thënë dhe e kemi sqaruar se ISIS, nuk vepron sipas mësimeve islame dhe as që është zgjedhur e mandatuar nga myslimanët për përfaqësim. Jemi të bindur që veprimet e tyre shpejt do të marrin përgjigjen adekuate nga populli i Irakut dhe i Sirisë në bashkëpunim me botën demokratike.
Ftojmë të rinjtë tanë që të jenë të kujdesshëm e të matur në veprimet e tyre dhe mos të bien pre e fushatave që më shumë mund të sjellin debate, konfuzion e paqartësi sase qëllimi i tyre për distancim nga veprimet e ISIS. Rikujtojmë se në emër të distanicimit nga ISIS, është e papranueshme nëpërkëmbja dhe përdhosja e simboleve islame.
Po ashtu ftojmë edhe besimtarët tanë që të mos bien pre e veprimeve të pamatura të disa të rinjve tanë, ku kemi bindjen se këta të rinj nuk kanë dashur që të djegin dëshminë "Nuk ka Zot tjetër përveç Allahut dhe se Muhamedi a.s. është i dërguar i
tij", por kanë dashur të djegin fotografinë e kriminelit Bagadatit dhe krimet e tij mbi popullatën e pafajshme. Ne si popull solidarizohemi me vuajtjet e popullatës civile në Irak e Siri, dhe në të njëjtën kohë dënojmë veprimet kriminale të asaj që quhet ISIS.

mesazhi.com

[angmokio]

Hoxhe Bilal Shkrepi

Djegia e deshmise se "Nuk ka te adhuruar tjeter me merite pervec Allahut dhe Muhamedi eshte rob dhe i derguari i Allahut" nga nje grup te rinjsh, pjese e forumit rinor te PDK'se, tregon per papjekurine politike te drejtuesve te kesaj partie, si dhe mendjelehtesine qe karakterizon rinine drejtuese te kesaj partie.
Keta njerez, ose nuk dine ckane djegur, gje qe tregon sesa siperfaqesor jane. E nese e kane ditur se cpo djegin, atehere kjo tregon se keta politikan nuk i lidh besimi me shumicen e popullit te Kosoves, e pertje mungeses se kesaj lidhje, tregon se keta njerez per hir te manovrave politike dhe servilizmit me te huajt, jane te gateshem te shkelin edhe gjene me te shtrenjte qe ka nje popull.
Kushdo ka bere cka mundur a cka dashur per te perdhosur besimin dhe emrin e Zotit, perfundimisht ka perfunduar nen toke, nderkohe qe besimi mbetet gjeja me e forte mbi faqen e dheut.
Myslimaneve u bej thirrje mos behen pjese e provokimeve politike, te cilet me keto levizje meskine kerkojne te rrisin aksionet e tyre perpara padroneve, ne mos, thjesht tregojne sesa te gateshem jane te shesin per hir te pushtetit dhe karrieres se tyre.
Qendroni fort te lidhur me hoxhallaret e besueseshem dhe te qendrueshem.

[Sayan2003]

Para se t'dilte ISIS ne skene muslimonet nga gjith venet e botes nuk te falshin per gjeste te tilla. Per nji kuran qe u dogj u ngrit gjith bota islame. Shif sa shum ka ndryshu bota islame qe pas ardhjes se ISIS ne sken. Muslimont jon bo konfuz dhe nuk din cila osht e drejt dhe jo e drejt. Xhematet jon nda ne t'gjith boten. Te vjen keq per gjendjen e muslimonve ne ditet e sotme dhe osht pikrisht kjo ajo qe perendimi kish planifiku me koh. Nje pakice muslimonesh ekstremiste dhe shumica muslimone konfuz.

[Vinjol]

Une e kuptoj qe ne kete bote Ka dy Besime
Myslimanet po jane e jane
po kjo tjetra
Krishtre-katolike-ortodokse ??
si i bien te jene


<< ju kerkoj ndjese per injorancen time >>

cfare do lloj drejtimi qofshin keto ortodokse krishtere e katolike nga une jane te respektuara

Por vete Jam Mysliman

por se kuptoj pse e quajne me 3 emra ??? ose ka 3 drejtime ??

ose me sakte perse si bejne pashekt ne 1 jave te 3 ???