ISIS : Shteti i djallit dhe i krimineleve.

[INDRITI]

Ne Gaza, jane vrare te pakten 600 persona, shumica prej tyre gra e femije, njerez qe nuk kane asnje lidhje me luften. Nese ky lesh ISIS na qenka Khalifat i te gjithe musmimaneve ne bote e i perfaqeson ata, atehere le te denjoje te beje dicka. Une nuk po shoh se khalifi ka vene ujin ne zjarr per kete pune. Atehere i bie qe khalifi te jete pjese e agjenturave te Mosadit dhe nje njeri psikopat qe nuk ka asnje lidhje me ne, e as me myslimanet anekend botes. Ju lutem, Shqiptare, vellezer , mos bini pre e ketyre felliqesirave qe dita dites po ju cirren maskat ku fshehin fytyrat e tyre te neveritsme.

[angmokio]

Ne Gaza, jane vrare te pakten 600 persona, shumica prej tyre gra e femije, njerez qe nuk kane asnje lidhje me luften. Nese ky lesh ISIS na qenka Khalifat i te gjithe musmimaneve ne bote e i perfaqeson ata, atehere le te denjoje te beje dicka. Une nuk po shoh se khalifi ka vene ujin ne zjarr per kete pune. Atehere i bie qe khalifi te jete pjese e agjenturave te Mosadit dhe nje njeri psikopat qe nuk ka asnje lidhje me ne, e as me myslimanet anekend botes. Ju lutem, Shqiptare, vellezer , mos bini pre e ketyre felliqesirave qe dita dites po ju cirren maskat ku fshehin fytyrat e tyre te neveritsme.

Khalifati ka plane te tjera njeher per njehere. Jane duke u marre me disa projekte per pushtimin e Romes.

http://www.forumishqiptar.com/thread...pushtoje-Romen

[INDRITI]

Ashtu po, po trajnohen edhe per gaztore.

[angmokio]

Dikush mund te thote ore po ISIS c'fare eshte duke bere nderkohe qe cifutet po vrasin femije e gra te pafajshme ne palestine.

Shikoni videon me poshte. ISIS po ashtu eshte shume i zene me shkaterrimin e xhamive.

2:114 '' E kush mund të jetë më mizor se ai që në xhamitë e All-llahut pengon të përmendet emri i Tij (të bëhet ibadet) dhe përpiqet për shkatërrimin e tyre. Atyre ndryshe nuk u takoi të hyjnë vetë në to, vetëm duke qenë respektues (të tyre e jo rrënues). Ata në këtë jetë kanë nënçmim e në botën tjetër dënim të madh.''

[Lexuesi_]

Snowden: Lideri i ISIS Al Baghdadi është trajnuar nga Izraeli

Ishh agjenti i NSA-s dhe CIA-s, Edward Snowden ka zbuluar se udhëheqësi i Shtetit Islam të Irakut dhe Sirisë, Abu Bakr Al Baghdadi u trajnua në Izrael.

Snowden shtoi se CIA amerikane dhe Inteligjenca britanike kanë bashkëpunuar me Mosadin e Izraelit për të krijuar një organizatë terroriste që do të ishte në gjendje për të tërhequr të gjithë ekstremistët e botës në një vend, duke përdorur një strategji të quajtur "Fojeja e grerëz-së".

''Strategjia "Foleja e grerëz-së”, ka për qëllim të sjellë të gjitha kërcënimet kryesore në një vend, që të bëjë më të lehtë përcjelljen e tyre, dhe kryesisht për të destabilizuar vendet arabe. Agjenti CIA-s ka zbuluar se Ebu Bekr Al Bagdadi ka marrë trajnime ushtarak intensive në inteligjencën izraelite "Mossad".

Përveç trajnimit ushtarak, Al Bagdadi ka studiuar edhe aftësitë e komunikimit dhe të të folurit në publik në mënyrë që të tërheqë "terroristët" nga të gjitha qoshet e botës.

Qendra për Kërkime mbi Globalizimin (CRG), një organizatë e pavarur jo-fitimprurëse në provincën e Quebec-ut, Kanada, e cila fokusohet në kërkime dhe media, ka bërë një storie për këtë, duke shtuar se "tre vendet që krijuan këtë organizatë terroriste do të jenë në gjendje të tërheqin të gjithë ekstremistët e botës një vend, "duke e përdorur strategjinë e lartpërmendur e e njohur si “Foleja e grerëz-ës”.

"Zgjidhja e vetme për mbrojtjen e shtetit hebre është duke krijuar një armik pranë kufijve të saj”, ka thënë Snowden. (reporteri.net)



kjo ka qen e dijshme qysh ne daljen ne skene te ISIS Po me ne fund foli edhe ky qe ua di te fshetat ketyre.

[Ceni-1]

Fetvaja e Jusuf Thaçit për ISIS’in dhe El Bagdadin


Ish-drejtori i Arsimit në Komunën e Prishtinës, Jusuf Thaçi e ka dhënë një gjykim për organizatën ISIS duke thënë se ajo do të duhej të shpallej si anti-islame.
Thaçi, i cili tash udhëheq me një organizatë që merret me fëmijët me inelegjencë të lartë, ka dhënë fetva edhe për El Bagdanin, i cili po thirret si Kalif i ISIS’it.

“Një këshillë për naivët që besojnë në Kalifatin e ISIS! Ky Kalifati i ISIS-it (i vetëshpallur) mund të jetë Kalifat i Injorancës, i Terrorit, i Dhunës, i Degjenerimit, i Faqezezësisë, por assesi Kalifat Islam, sepse nuk ka ndjekur as procedurë e nuk ka as formë e as përmbajtje Islame”, ka shkruar ai.

Lexojeni të plotë reagimin e Jusuf Thaçit:

Meqë në ditët e sotme gjithkush po jep fetva (gjykim fetar islam), edhe unë po e jap një fetva!
.
Sikur bota islame të kishte dijetarë të vërtetë (gjë që nuk i ka tash e disa shekuj), ata do duhej ta shpallnin këtë organizatën ISIS si organizatë anti-islame, sepse duke bërë gjithçka joislame në emër të Islamit, këta vërtet po e turpërojnë Islamin.
.
Ndërsa, ata "dijetarë" të ISIS-it që nxjerrin "fetva" për ISIS-in, do duhej që fillimisht ta informonin "kalifin" e tyre injorant se Kalifati Islam është ngritur e e ka dominuar botën për shkekuj atëherë kur e ka pasur supermacinë në dije, në filozofi, në shkencë, në art e në kulturë.
.
Për më tepër, këta "dijetarë" do duhej ta dinin hadithin e Muhammedit a.s., i cili i përshkruan shumë mirë pikërisht këta, e i cili thotë: "All-llahu nuk do ta zhdukë dijen me heqjen e saj nga përdorimi, por dijen sigurisht to ta heqë me zhdukjen e dijetarëve. Dhe kur nuk do të ketë dijetarë, njerëzit do t'i zgjedhin për udhëheqës të paditurit. Populli do t'i pyes e ata do t'i japin shpjegime (fetva) pa ndonjë dijeni. Ashtu, ata edhe vet do të bien në katastrofë, e edhe të tjerët do t'i largojnë nga udha e drejtë.".
.
Një këshillë për naivët që besojnë në Kalifatin e ISIS! Ky Kalifati i ISIS-it (i vetëshpallur) mund të jetë Kalifat i Injorancës, i Terrorit, i Dhunës, i Degjenerimit, i Faqezezësisë, por assesi Kalifat Islam, sepse nuk ka ndjekur as procedurë e nuk ka as formë e as përmbajtje Islame.
.
Si duket, Muhammedi a.s. i ka përshkruar shumë mirë edhe këta të ISIS-it. Në një hadith të Muhammedit a.s. thuhet: "... do të paraqiten njerëz, do të jenë të rinj e të pakuptueshëm, të cilët do të lexojnë Fjalën më të Mirë (Kur'anin), por do të kalojnë nëpër Islam sikur shigjeta kur kalon në gjahun e zënë, kurse Imani (besimi) nuk do ta kalojë as laringun e tyre".
.
Ata myslimanë që i besojnë Xhihadit dhe Kalifatit të ISIS-it duhet të mbajnë parasysh dy hadithe të tjera të Muhammedit a.s.:
.
1. "Vetëm All-llahu e di se kush lufton në rrugën e Tij".
.
2. "Me të vërtetë, njeriu para masës nganjëherë punon punë që i punojnë banorët e Parajsës, kurse në realitet ai është nga radhët e banorëve të Ferrit".
.
Për ta përmbyllur! Që këta të ISIS-it nuk kanë të bëjnë asgjë me Islamin, këtë e dëshmon fakti që ata po vrasin njerëz të pafajshëm, myslimanë e jomyslimanë. Islami e ndalon një gjë të tillë në mënyrë eksplicite, madje jo vetëm vrasjen e myslimanëve (që vetëkuptohet), por e ndalon edhe vrasjen e jomyslimanëve në shtetin Islam. Muhammedi a.s. në një hadith thotë: "Ai që e mbytë pjesëtarin e fesë tjetër, i cili jeton në shtetin Islam, ai nuk do ta shijojë as erën e Parajsës".
.
.
P.S.: Për hir të korrektësisë dhe origjinalitetit të haditheve, të gjitha hadithet e cituara janë të marra nga Sahihul Buhari.

[Kachurreli]

Imami i xhamisë “Isa Begu” në Mitrovicë, Enis Rama, thotë se ata që shkojnë në Siri, apo Irak, nuk kanë “dalë” nga xhamitë e Kosovës.
“Unë, si imam, kam shumë ligjërata që të mos shkohet në Siri”, ka thënë ai në emisionin “Interaktiv” të KTV-së.
Sipas tij, këta djem duhet të kthehen dhe Kosova ka hoxhallarë që mund t’i orientojnë, sepse ata kanë një version ndryshe të interpretimit të fesë, “meqë u është bërë një bllokim”.
“Pse nuk ka 40 vjeçar që kanë shkuar në Siri? Ata janë të rinj, në moshë të pjekurisë, të kuptimit ndryshe të gjërave. Dikush na i ka marrë ata djem të rinj”, thotë ai. “Duhet të bashkohemi, të kontribuojmë e të bashkëpunojmë, t'ua sqarojmë se dëshira për të kontribuar nuk mungon as këtu. Ai që don xhenet, mund ta fitojë në Kosovë. Xhihadi nuk kupton vetëm pushkë kundër armikut, po shumë fusha për të bërë të mira. E, a ka vend më të përshtatshëm se Kosova për të bërë të mira”.
Kur është fjala te grupacioni Shteti Islami i Irakut dhe Shamit (ISIS), të cilit këta të rinj i janë bashkuar, ai thotë se nuk ka në botë grupim dijetarësh që ka përkrah veprimtarët e ISIS-it.

[angmokio]

SHEFQET KRASNIQI: RUANA ZOT PREJ NJERËZVE SI LAVDRIMI

Shefqet Krasniqi komenton në Politiko aktin e tmerrshëm të Lavdrim Muhaxherit. Thotë se është tronditur me atë pamje. Konstaton se ashtu mund të veprojë vetëm një i çmendur dhe lutet që të tillët të mos kthehen kurrë në Kosovë.
Imami i Xhamisë së Madhe në Prishtinë, Shefqet Krasniqi, është tmerruar kur ka parë fotografitë në mediat kosovare, në të cilat shihet Lavdrim Muhaxheri, pjesëtar i organizatës ISIS, duke ia prerë kokën një të riu që besohet se i takon sektit Shiit.

Thotë se nuk mund ta besojë atë që ka parë, ndërsa konstaton se një akt të tillë çnjerëzor mund ta bëjë vetëm një njeri i çmendur.
Duke folur për Politiko.net, Imami Shefqet Krasniqi pohon se e keqja bëhet më e madhe kur këto veprime kryhen në emër të fesë, e aq më tepër kur ata janë pjesëtarë të kombit shqiptar.
“Unë dje e kam parë në gjysmë të natës. Vetëm e lexova për çfarë bëhet fjalë, por nuk munda të bej ballë ta shikoj videon. U tmerrova. Ruana Zot prej njerëzve të tillë”.
“Nuk mund të besoj dhe ende nuk dua të besoj që një gjë e tillë është e vërtetë. Njeriu ta marrë thikën dhe ta presë njeriun, e ta postojë në rrjete sociale, La Ilaha IllAllah, kjo është tmerr. Kjo, nëse ka ndodhur, nëse nuk është ndonjë montim, është pa koment, çmenduri, çmenduri”.
“Nuk di njeriu çka thotë. Njeriu kur luan në kokë, çka nuk bën. Përndryshe, pa luajtur njeriu në kokë,një gjë të tillë nuk e bën, Eudhubillah”.
“Zoti na ruajt. Të bëhet një gjë e tillë edhe në emër të fesë, aq më keq që janë fëmijë të kombit tonë, në emër të fesë sonë, La Ilaha IllAllah”.
Krasniqi thotë se krimi është krim. Ai nuk njeh as ngjyrë, as racë, as fe.

“E keqja tek çdo njeri në botë që e bën atë, është e keqe, është mëkat. Krimi është krim, nga kushdoqoftë që veprohet. Krimi nuk njeh racë, gjini, ose fe, ai është krim, ta bëjë atë evropiani, aziatiku, afrikani, ai është krim,por, në këtë rast, neve që na dhemb edhe më shumë kur është i bijve tanë, kur është i kombit tonë, kur është i fesë sonë.”.
“Kjo është qysh ka thënë populli ynë: “Një budalla e gjuan gurin një vend dhe 99 tjerë nuk mund ta nxjerrin”.

“Shyqyr që secili e ka për vete. Fundi i fundit, secili e ka për veten e vet, e ka përgjegjësinë për vete në Dynja dhe në Ahiret”.
Në media gjatë ditës së djeshme janë botuar fotografi me pamje të tmerrshme, në të cilat Lavdrim Muhaxhiri, pjesë e organizatës ISIS, i cili për një kohë të gjatë po merr pjesë në luftërat në Siri, shihet duke e prerë në fyt një të ri i cili besohet se i takon sektit Shiit.

Shefqet Krasniqi mendon se pamje të tilla nuk është mirë të publikohen. Ndërsa, është lutur që personat e tillë si Lavdrim Muhaxheri të mos kthehen kurrë në Kosovë.
“Mesazhi im pikë së pari është që ato sende mos t’i publikojnë mediat hiç. Sepse, nuk ka nevojë që të përhapet gjuhë e urrejtjes, gjuhë e cila mund t’i trishtojë njerëzit dhe mos të flenë tërë natën”.
“Nën dy, nëse është e vërtetë, nuk është realiteti që përfaqëson një shoqëri kosovare, por as 1% e as 0.01% të shoqërisë kosovare. Por, janë njerëz të shpërlarë në tru totalisht. Shyqyr që nuk janë këtu e inshallah kurrë në Kosovë nuk kthehen”, ka deklaruar Shefqet Krasniqi.

[Forza_Juve]

Mallkuar qofshin qe te gjithe ata kriminele qe perpiqen te shkaterrojne imazhin e fese Islame

[angmokio]

ISIS-i do të ndryshoj Kur'anin!



Një rrjet televiziv irakian thotë se i ashtuquajturi “Shteti Islamik i Irakut dhe Sirisë (ISIL apo ISIS), grupi terrorist, kërkon të rishkruajë Librin e Shenjtë të Islamit!
Rrjeti televiziv Afaq al-Irak njoftoi se ISIS-i ka vendosur të largoj disa ajete të Kur’anit të cilat i konsideron të jenë të shtrembëruara.

Grupi ekstremist thuhet se ka thënë se këto ajete janë shtrembëruar nga disa klerikë në mënyrë që t’u shërbejë agjendës së tyre politike apo interesave të feve të tjera, si krishterimit.

El-Kafira (Mosbesimtarët) dhe ajeti i Tat'hir (pastrimit) në suren El-Ahzab janë ndër pjesët e Kur'anit të cilat ISIL-i dëshiron t’i heq.

Grupi Tekfiristë pretendon se kërkon të pastrojë Islamin dhe me këtë ta bëjë të pastër përsëri.

ISIS erdhi në qendër të vëmendjes kur militantë që i përkasin grupit terrorist mori kontrollin e qytetit irakian të Mosulit më 10 qershor 2014, i cili u pasua nga rënia e Tikritit, që ndodhet 140 kilometra (87 mila) në veriperëndim të Bagdadit.

Më shumë se një milion njerëz janë zhvendosur në Irak deri më tani këtë vit, sipas Kombeve të Bashkuara.

ISIS-i ka premtuar të vazhdojë sulmin e tij ndaj Bagdadit. Kryeministri i Irakut, Nuri al-Maliki ka thënë se forcat e sigurimit të vendit do të përballen me terroristët, duke e quajtur konfiskimin e Mosulit një konspiracion.

Ushtarët e ushtrisë së Irakut kanë qenë të angazhuar në luftimeve të ashpra me militantët në fronte të ndryshme dhe deri më tani kanë qenë në gjendje të largojnë militantët nga disa vende.

Nuri al-Maliki ka thënë se Arabia Saudite dhe Katari janë përgjegjës për krizën e sigurisë dhe terrorizmit në rritje në vendin e tij, duke denoncuar regjimin Al Saud, si një mbështetës i madh.

http://www.telegrafi.com/lajme/isil-...n-4-20237.html