Cilat jane meritat e dijetarit Muhamed Al Gazali?

[Gostivari_usa]

Ne nje fjalim te mbajtur para nje auditori ne New York me duket, dijetari me fame boterore Neil DeGrass Tyson akuzon Al Gazalin si person kryesor per degradimin e shkences islamike.
Sa jane te verteta keto akuza?

[Mexhid Yvejsi]

Meritat e dijetarit Imam Gazaliut


Imam Gazaliu (1058-1111) një dijetar i madh, ka shkruar shumë vepra. Këtu mjafton të përmendim se vetëm Enciklopedia Britanike ia shënon rreth shtatëdhjetë vepra. Kryevepra e tij është libri monumental: «Ihja ul-ulumuddin» (Përtëritja e shkencave fetare). Një botim në gjuhën arabe, i vitit 1939, përmban 3095 faqe. Për këtë libër madhështor disa dijetarë kanë thënë: «Po të zhduken të gjitha librat e shkruar mbi Fenë Islame, do t’ishte një humbje e vogël, me kusht që libri i Gazaliut «Përtëritja e shkencave fetare» të ruhej».
Si një personalitet i madh dhe me autoritet të pacenueshëm, Imam Gazaliu nderohet në përmasa botërore. Sa për informim, këtu po i japim vetëm dy mendime:
Prof. Mustafa Maragiu, ish-rektor i Universitetit të famshëm «Al-Az’har» të Kajros, Egjypt, për Imam Gazaliun ka thënë: «Po të përmenden Ibni Sina’i dhe Farabiu, menjëherë na shkon mendja te dy dijetarë të mëdhenj në filozofi; po të kujtohet emri i Ibni Arabiut, do të mendojmë për burrin e madh sufi, mendimet e të cilit kanë rëndësi e peshë të madhe në tesavvuf (mistika islame); po të përmendën emrat e Buhariut dhe Muslimit, menjëherë do të mendojmë për dy tradicionalistët më të mëdhenj islamë, që shënuan me sinqeritet të madh fjalët dhe veprat e Pejgamberit (a.s.), duke ruajtur një thesar të vlefshëm. Por po të përmendet emri i Gazaliut, këtu kemi shumë aspekte; nuk na shkon mendja te një burrë, por te shumë burra dhe secili prej tyre me vlerë e rëndësi të veçantë në fushën e vet. Na kujtohet Gazaliu teolog, jurist, gjykatës, prijës i Ehli Synnetit, mbrojtësi i ideve të tyre; Gazaliu sociolog i specializuar për gjendjen e shoqërisë njerëzore, Gazaliu filozof që e luftoi filozofinë, Gazaliu edukator, sufi. Ose, po të duash thuaj: «Kur të kujtohet Gazaliu, të shkon mendja tek burri që ishte enciklopedia e diturive të shekullit të tij.»
Kurse në perëndim. prof. Mc Donald-i, në librin e tij «Development of the Muslim Theology» (Zhvillimi i teologjisë myslimane), e quan Gazaliun “më i madhi dhe sigurisht figura më simpatike në historinë islame; i vetmi mësues i kohërave të vona që vihet nga myslimanët në një radhë me katër imamët e mëdhenj.» Në fenë islame nuk ka njeri pas tij, që të zë vendin e tij dhe as që është kuptuar plotësisht prej myslimanëve. Në ringjalljen e islamit që po ngjet tani, do të vijë koha e tij dhe një jetë e re do të vijë për Gazaliun, nga ristudimet e veprave të tij.»
Imam Gazaliu jetoi pak në këtë botë të përkohëshme, vetëm 54 vite, të cilat i kaloi në mësime, predikime, shkrime, lutje të vazhdueshme, pastrim shpirtëror, deri në ditën e fundit të jetës, që ishte e hënë me 19 dhjetor 1111.
Ahmedi, vëllai i Gazaliut, për vdekjen e tij, thotë:
«Të hënën në mbrëmje, vëllau im mori abdes dhe u fal. Mbasi u fal më tha: «Më sillni qefinin!» Pasi e mori, e puthi, ngriti sytë lart e tha:
«Unë dëgjoj dhe i bindem urdhërit, të shkoj te Zoti.» U shtri në shtrat dhe ia dorëzoi shpirtin Krijuesit...» Mexhid Yvejsi, Gjakovë

[Gostivari_usa]

Mexhit Yvejsi,
A eshte e vertete se Gazali ka thene se Matematika eshte krijim I djallit?

[Gostivari_usa]

Pse askush nga ju te ashtuquajtur musliman te forumit nuk I pergjigjeni pyetjes sime? Cfar eshte problemi me juve, nuk keni deshire te tregoni ketu se dijetari me I madh I botes islame ka thene dicka te tille?

[ocean]

Ne nje fjalim te mbajtur para nje auditori ne New York me duket, dijetari me fame boterore Neil DeGrass Tyson akuzon Al Gazalin si person kryesor per degradimin e shkences islamike.
Sa jane te verteta keto akuza?....

A eshte e vertete se Gazali ka thene se Matematika eshte krijim I djallit?

Përshëndetje Gostivari usa,


Cka Gazali thotë në lidhje me shkencat e matematikës bie në kundërshtim të plotë me atë që ka thënë profesori amerikan i fizikës.

Unë mendoj se Neil DeGrass Tyson thjesht është informuar gabimisht, prandaj këto akuza nuk janë të vërteta. Nuk tregoi burimin e informacionit.

Kam shkëputur një pjesë nga libri i autobiografisë së Gazalit ra. (i shkruajtur nga fundi i jetës së tij) të quajtur Al-Munqib min al-Dalal . Ja fjalët e vet Gazalit:


"....Shkencat matematikore merren me aritmetikë, gjeometri, dhe astronomi. Por asgjë në to nuk e detyron njërin që ti refuzoj apo ti pranojë ato si cështje fetare. Përkundrazi, kjo shkencë ka të bëjë me fakte të rrepta demonstrimi që asesi nuk mund të refuzohet kur njëri i njeh dhe I kupton ato…. Në të vërtetë I madh është krimi kundër fesë I bërë nga kushdo që pretendon se Islami duhet të mbrohet duke I refuzuar këto shkenca matematikore.....Gazali ra. "Al-Munqib min al-Dalal" "