Mareveshja politike: LDK + AAK + Nisma ne pushtet, PDK ne opozite

[prishtina75]

.....Rambo gjithsesi do te jete kryeminister, vetem per inat te grekve se nuk po e donin, ka vra shume shkie kishin thane, haha... Normal qe shqiptaret e vertete dhe heronjet e gjalle nuk i duan greket ata duan antishqiptar si puna e hashimit,

[Llapi]

'Rebelohet' kryetari i FR të LDK-së – kundërshton nominimin e Haradinajt

14:53 / E shtunë, 28 Qershor 2014


Pakënaqësitë brenda listës së LDK’së për deputetë nuk kanë të ndalur. Akuzat për manipulime dhe vjedhje të votave, për kundërfushatë e bllokime dhe thirrjet për përgjegjësi, duke shprehur shqetësime të ndryshme për proceset brenda LDK’së janë preokupim edhe i kryetarit të FR së LDK’së, Armend Ibrahimaj.

Ai në një adresim publik nga rrjeti i tij social thotë se shpeshherë strukturat e partisë ia kanë anuluar aktivitetet, sepse janë ndjerë të rrezikuar prej mbështetjes për të, duke harruar kështu se mbështetja ndaj tij, ishte mbështetje për të rinjtë në përgjithësi dhe për LDK-në veçanti, përderisa, sipas Ibrahimajt, ai dhe ekipi i tij kanë kërkuar përkrahje për LDK-në dhe për kryetarin e LDK’së, Isa Mustafa, i cili ishte i nominuar për kryeministër.

“Nuk jam i shqetësuar vetëm për faktin se votat janë manipuluar, por jam thellësisht i zhgënjyer se janë manipuluar brenda LDK-së nga struktura të caktuara, të cilat po e mbajnë peng LDK-në, rritjen dhe fitoren e LDK-së, për interesa të tyre personale dhe klanore. E kam potencuar dhe po e ripotencoj, se gjatë gjithë angazhimit tim politik jam prirë nga ideja, që përmes partisë të punojmë për Kosovën, kam sakrifikuar dhe nuk kam kursyer asgjë nga vetja ime, familja dhe nga shoqëria për të mirën e LDK-së, rrjedhimisht Kosovës, përderisa, fatkeqësisht, shumë të tjerë sot, po e sakrifikojnë LDK-në, duke e rrezikuar kështu edhe të ardhmen e Kosovës”, thotë Ibrahimaj. (ORAinfo)

[Llapi]

Koalicioni prej letre
Liderët politikë të bllokut LDK, AAK dhe Nisma kanë zhvilluar të premten një takim në përpjekje të koordinimit të hapave për krijimin e qeverisë së përbashkët. Por tash po shihet se nënshkrimi i marrëveshjes për të formuar këtë bllok kundër Qeverisë “Thaçi 3”, përpos që ka mungesë numrash, ka edhe mospajtime parimore brenda vetë subjektit më të madh, në këtë rast LDK-së, dhe ka shumë gjasa që të mbahet mend vetëm si një koalicion prej letrës. Madje këta zëra po flitet se do të jenë edhe më të zëshëm pas interpretimit të Gjykatës Kushtetuese nëse Gjykata vendos që mandatar të caktohet fillimisht lideri i partisë fituese Hashim Thaçi
Lajm

Liderët politikë të bllokut LDK, AAK dhe Nisma kanë zhvilluar të premten një takim në përpjekje të koordinimit të hapave për krijimin e qeverisë së përbashkët. Ndonëse ende nuk e kanë marrë interpretimin e Gjykatës Kushtetuese për këtë hap, ky bllok ka shqyrtuar edhe listën prej 9 kërkesave të Lëvizjes Vetëvendosje, të cilat kjo parti politike i ka vënë si parakushte për mbështetjen e këtij blloku për themelimin e qeverisë. Mes tjerash, Vetëvendosje u ka kërkuar këtyre partive që të ndërtojnë një pozicion tjetër karshi dialogut me Beogradin dhe marrëveshjeve të arritura. Lideri i LDK-së, Isa Mustafa, ai i AAK-së Ramush Haradinaj dhe ai i partisë Nisma, Fatmir Limaj pas takimit të përbashkët që kanë pasur dje kanë deklaruar se do t'i vazhdojnë konsultimet edhe ditëve në vijim. Lideri i Nismës, Fatmir Limaj dhe i nominuari për formimin e Qeverisë së re, Ramush Haradinaj, kanë thënë se takimi i djeshëm ka pasur për qëllim përcaktimin e prioriteteve të qeverisë së re. Me këtë rast, Limaj ka thënë se kanë folur se çka duhet të bëjë Qeveria LDK-AAK-Nisma. “Do të vazhdojmë listimin e prioriteteve të Qeverisë së ardhshme”, ka thënë Limaj pas takimit. Edhe Haradinaj ka thënë se po presin etapat ligjore deri te konstituimi i parlamentit. Haradinaj nuk ka treguar nëse është folur se cila është përgjigja e tyre për Lëvizjen Vetëvendosje, e cila ka kërkuar plotësimin e disa kushteve për të përkrahur Qeverinë e opozitës. Haradinaj ka thënë se shpejt do të ketë një takim edhe me liderin e VV-së, Albin Kurti. “Do ta kemi edhe një takim të ardhshëm mes nesh dhe Kuritit, së shpejti”, ka thënë ai. Por Haradinaj është i bindur se nuk do të ketë Qeveri Thaçi 3. “Ne kemi një pozicion që s’ka Qeveri “Thaçi 3”, kurse të gjitha opsionet tjera janë të hapura”, ka thënë Haradinaj. Kësaj radhe në emër të LDK-së, ka folur Lutfi Haziri. Ai ka thënë se Kosova nuk duron asnjë Qeveri teknike dhe se do të vazhdohet me krijimin e Qeverisë së opozitës. “Kryetari Mustafa dhe unë dje jemi kthyer nga Brukseli dhe kemi marrë mbështetje nga partitë popullore evropiane dhe ato janë jashtëzakonisht të mira dhe pozitive”, ka deklaruar Haziri. Por ky koalicion i shumëpërfolur ndërmjet tri partive që dolën humbëse në zgjedhjet e 8 qershorit LDK-AAK-Nisma ka filluar të çahet ende pa u funksionalizuar si i tillë. E çarja ka filluar pikërisht në partinë më të madhe – LDK-në. Zërat brenda kësaj partie po bëhen gjithnjë e më të fuqishëm sa i përket kundërshtimit të këtij koalicioni që synon ta bëjë kryeministër kreun e AAK-së, Ramush Haradinaj. Deputeti i LDK-së që konsiderohet edhe personi më i afërt i Isa Mustafës, Arben Gashi, publikisht e kundërshtoi marrëveshjen e bllokut opozitar. Ai tha se LDK-ja nuk është dashur të pranojë që Haradinaj të nominohet për kryeministër. Ai madje deklaroi se humbësit duhet të marrin përgjegjësi, duke iu referuar në mënyrë indirekte edhe vetë Isa Mustafës. Ndërsa dje, Eqrem Kryeziu dha dorëheqje nga LDK-ja me arsyetimin e tij përmes një metafore dykuptimëshe ku tha se "Kush e ndihmon dhunuesin, dhunuesi do ta sundojë"). E kjo metaforë e Kryeziut godet Haradinajn, por edhe Agim Veliun, i cili po flitet se po sillet me arrogancë karshi kryesisë së LDK-së. E burime të gazetës thonë se pas certifikimit të rezultateve zgjedhore, pakënaqësitë kanë filluar edhe në Grupin e ri Parlamentar të kësaj partie. Këto burime thonë se një numër deputetësh e ka kundërshtuar koalicionin me AAK-në dhe Nismën, duke kërkuar koalicion të gjerë. Ata këtë kërkesë po e arsyetojnë me faktin se vendi gjendet në situatë që mund të prodhojë edhe krizë institucionale dhe janë absolutisht kundër kushtëzimeve që po bën Lëvizja Vetëvendosje, por edhe kanë shfaqur skepticizëm sa i takon funksionalitetit të Qeverisë me AAK-në dhe Nismën. Gazeta po ashtu mëson se zërat më aktivë që të formohet koalicioni me Nismën dhe AAK-në janë dy kryetarë komunash dhe njëherit edhe anëtarë të Kryesisë së LDK-së, Agim Veliu dhe Lutfi Haziri. Agim Veliu njihet si kundërshtar fanatik i PDK-së, por nga ana tjetër njoftohet edhe si një nga politikanët më injorantë në radhët e LDK-së. Kurse Lutfi Haziri që konsiderohet një ndër politikanët që ka raporte shumë të mira me një pjesë të madhe të strukturave të PDK-së, po merr pjesë në çdo takim që Isa Mustafa po mban me Haradinajn dhe Limajn. Por Haziri po në këtë rast po luan lojë të dyfishtë, thonë burimet e gazetës. Ai po e përkrah Mustafën drejt këtij koalicioni në mënyrë që të rrisë pakënaqësinë në LDK, në mënyrë që të shtohen zërat që do të kërkojnë largimin e Isa Mustafës. Haziri po kalkulon politikisht për interesa të tij personale dhe po e sfidon Mustafën gjoja se po e përkrah në formimin e këtij koalicioni, por në fakt Haziri, po luan lojën e tij politike përmes së cilës po synon që ta marrë timonin e LDK-së. Kohë më parë Lutfi Haziri në Klan Kosova tek “Zona B” kishte konstruktuar me Baton Haxhiun një intervistë në të cilën gjatë gjithë kohës foli për LDK-në paszgjedhore, madje me mjeshtri deklaroi se struktura e tanishme e LDK-së ka humbur tri palë zgjedhje me radhë që ishte aludim i drejtpërdrejtë për liderin e kësaj partie Isa Mustafën. Gjithashtu brenda LDK-së ka shpërthyer për herë të parë edhe një pakënaqësi e brendshme, ku po shpeshtohen akuzat për manipulim të votave. Dje kryetari i Forumit Rinor të Lidhjes Demokratike të Kosovës, Armend Ibrahimi, i cili njëherësh ishte edhe kandidat për deputet në zgjedhjet e 8 qershorit, është shprehur i zhgënjyer me rezultatin e këtyre zgjedhjeve. Ai nëpërmjet një postimi në facebook ka shkruar se, disa grupe të caktuara të LDK-së janë duke u munduar ta dëmtojnë partinë e Isa Mustafës. “Nuk jam i shqetësuar vetëm për faktin se votat janë manipuluar, por jam thellësish i zhgënjyer se janë manipuluar brenda LDK-së nga struktura të caktuara, të cilat po e mbajnë peng LDK-në, rritjen dhe fitoren e LDK-së, për interesa të tyre personale dhe klanore”, ka shkruar ai ndër të tjera në rrjetin social facebook. Kështu po del se edhe brenda LDK-së siç ishte shprehur ditë më parë deputeti i kësaj partie, Arben Gashi se rinumërimi i disa kutive në QNR, nxori në fushë goxha do hajna të votave.

[Antiproanti]

Haki Abazi godet sërish: Thirrjet e Hashim Thaçit për maturi, janë një mesazh kërcënimi




Drejtori i “Rockfeller Brothers” për Ballkanin Perëndimor, Haki Abazinë një bisedë për Gazetën Blic e ka komentuar deklaratën e fundit të kryeministrit në largim, Hashim Thaçi, i cili sot kërkoi maturi nga të gjithë, duke thënë se kjo deklaratë e tij është një mesazh kërcënimi.

Sipas Haki Abazit, thirrjet për maturi e qetësi nga ana e kryeministrit në largim, Hashim Thaçi, janë vetëm edhe një formë e dërgimit të kërcënimit që ka dy anë të medaljes.

“Njëra anë e medaljes iu tregon ndërkombëtareve duke thënë se atje diku ka potencial për jostabilitet dhe për zhvillime dramtike dhe unë jam i vetmi që mund të mbaj situatën nën kontroll. Ky përveç që është reflektim polarizues dhe përjashtues ashtu siç PDK –ja e udhëhequr nga Hashim Thaçi në vazhdimësi ka përdorur si taktikë për të qëndruar dhe ardhur në pushtet”, ka thënë Abazi.

Roli i Thaçit në politikën kosovare, sipas Abazit ka qenë dhe vazhdon të jetë fragmentues, kërcënues dhe përjashtues.

“Qysh nga koha e konfliktit me LDK dhe “kryeneçësia” dhe insistimi i tij për tu bërë Kryeministër me çdo kusht në kohën kur është bërë Bajram Rexhepi Kryeministër, lufta e pamëshirshme ndaj kundërshtarëve politikë dhe përjashtimi ë njerëzve eminent të partisë siç ka qenë rasti i fundit i Fatmir Limajt dhe Jakup Krasniqit”, ka thënë Abazi.

Sipas drejtorit të “Rockfeller Brothers”, ana tjetër e medaljes “është për të futur frikë dhe panik duke portretizuar një “eksplodim gjigant” nëse ai nuk do të jetë kryeministër më”. Kjo është forma tjetër e dëmtimit të imazhit të Kosovës dhe frikësimit të investitorëve, dëmtimit të klimës ekonomike, vlerëson Abazi.

Sipas tij, kosovarët e mbajnë mend shumë mirë se kur paraqiteshin njerëzit me maska pas luftës edhe kur ato maska u larguan dhe u bënë pjesë e institucioneve.

“ Pyetja tani është nëse këto maska përsëri do të dalin në rrugë ashtu siç u panë në Mitrovicë për të konfirmuar blofin e kërcënimeve si real dhe te mundur. Çfarë kanë të përbashkët këto dy kërcënime është lidhja me Gjykatën Kushtetuese që në fakt paralajmëron se ka mundësi si në rastet tjera që Kushtetuesja të marrë vendime të ndikuara politike dhe qartazi në favor të interesave të Kryeministrit që në fakt do ta bënte të pamundur që partitë parlamentare që kanë krijuar koalicion dhe e kanë shumicën në Kuvend të qëndrojnë vetëm si spektator të një procesi që edhe më tutje mund ta degradojë demokracinë dhe funksionimin e shtetit te brishtë të Kosovës”, thotë Haki Abazi.

Nyja e problemit sipas tij, qëndron në faktin se nuk po flitet për rrënjen e problemit që është respektimi i procesit e që në fakt as nuk duhet të ketë involvim të Gjykatës Kushtetuese, por duhet të procedohet me konstituimin e parlamentit dhe zgjedhjen e kryeparlamentarit.

“ Nëse paraqitet ndonjë problem në proces atëherë bazuar në gjendjen faktike kërkohet interpretim i kushtetueses dhe jo nga situatat hipotetike”, thotë në fund Abazi.

Kryeministri në largim, Hashim Thaçi ka thënë se PDK është në pritje të verdiktit të Gjykatës Kushtetuese. Ai ka thënë se partia e tij, do ta respektoj çfarëdo vendimi që merr kjo gjykatë, ndërkohë që ka thënë se të gjithë duhet të tregojnë maturi. Gazeta Blic

http://gazetablic.com/haki-abazi-god...azh-kercenimi/

[Llapi]

PARTIA DEMOKRATIKE E KOSOVES DOLI FITUESJA E ZGJEDHJEVE TE 8 QERSHORIT,
DUKE U RENDITUR SI PARTIA ME E MADHE NE REPUBLIKEN E KOSOVES E PASUR NGA LDK-JA E ME PAS NGA VV-JA.

01.PDK - 30.38% - 222.181 VOTA - 37 DEPUTET

PDK - FITOI NE KETO KOMUNA

01.SHTIME - 48.22% - 4.934 VOTA

02.DARDAN - 27.36% - 3.973 VOTA

03.KAQANIK - 41.28% - 4.842 VOTA

04.HANI ELEZIT - 29.80% - 1.100 VOTA

05.DRAGASH - 32.36% - 3.938 VOTA

06.PRIZREN - 31.14% - 17.211 VOTA

07.THERANDE - 32.10% - 8.697 VOTA

08.RAHOVEC - 40.45% - 8.126 VOTA

09.DRENAS - 78.56% - 18.570 VOTA

10.SKENDERAJ - 90.90% - 22.826 VOTA

11.KLINE - 39.44% - 6.100 VOTA

12.MITROVICE - 48.77% - 13.635 VOTA

13.VUSHTRRI - 39.83% - 10.215 VOTA

14.KASTRIOT - 31.09% - 3.000 VOTA

15.LIPJAN - 34.22% - 8.483 VOTA
--------------------------------------------------------

NE KOMUNAT TJERA PDK MORI KETE REZULTAT:

01.GJILAN - 26.38% - 9.603 VOTA

02.VITI - 25.55% - 4.357 VOTA

03.FERIZAJ - 32.79% - 12.632 VOTA

04.ARTAN - 6.91% - 370 VOTA

05.KLLOKOT - 5.13% - 177 VOTA

06.PRISHTINE - 19.88% - 15.410 VOTA

07.FUSH KOSOVE - 22.21% - 2822 VOTA

08.BESJAN - 32.24% - 10.513 VOTA

09.MALISHEVE - 27.98% - 5.790 VOTA

10.GJAKOVE - 16.97% - 6.245 VOTA

11.JUNIK - 16.60% - 400 VOTA

12.DEQAN - 13.80% - 2.000 VOTA

13.PEJE - 21.78% - 8.368 VOTA

14.BURIM - 22.19% - 3.854 VOTA

15. SHTERPCE - 10.89% - 681 VOTA

16.ZUBIN POTOK - 8.11% - 226 VOTA

----------------------------------------------------

10 Komunat me shum vota per PDK-ne


1) SKENDERAJ - 90.90% - 22.826 VOTA

2) DRENAS - 78.56% - 18.570 VOTA

3) PRIZREN - 31.14% - 17.211 VOTA

4) PRISHTINE - 19.88% - 15.410 VOTA

5) MITROVICE - 48.77% - 13.635 VOTA

6) FERIZAJ - 32.79% - 12.632 VOTA

7) BESJAN - 32.24% - 10.513 VOTA

8) VUSHTRRI - 39.83% - 10.215 VOTA

9) GJILAN - 26.38% - 9.603 VOTA

10)THERANDE - 32.10% - 8.697 VOTA

[Llapi]

A do të votojë elektorati i LDK-së, Ramush Haradinajn?

Profesori i Shkencave Politike në Universitetin e Prishtinës “Hasan Prishtina”, Adem Beha i ka katër dilema nëse do të kishte zgjedhje të sërishme në Kosovë dhe nëse do të ndërtohej një koalicion parazgjedhor LDK/AAK/NISMA.

Lexojeni dilemat e Adem Behës:

Katër dilema nëse do të kishte zgjedhje të serishme në Kosovë dhe nëse do të ndërtohej një koalicion parazgjedhor LDK/AAK/NISMA.

Elektorati i LDK-së mund të mos ta votoj Haradinaj si njeri i parë i listës zgjedhore, respektivisht kandidat për kryeministër.

Një listë e përbashkët zgjedhore, le jashtë 200 kandidatë tjerë të tri partive politike, të cilët mund të obstruktojnë mobilitetin politik në terren dhe mund t’i shantazhojnë subjektet e tyre politike me kundërfushatë.

Adem Beha

LDK-ja si parti më e madhe opozitare mund të ketë problem qe t'i adresohet elektoratit të saj me formulën: votona ne, që të qeveris dikush tjetër. Elektorati i NISMËS, mund të NDALET dhe të votoj PDK-në.

Nuk jam i sigurt se ndonjëra prej këtyre dilemave/hipotezave qëndron. Sidoqoftë. Nëse ndonjëra prej këtyre hipotezave vërtetohen, atëherë i bie se formula dhe formati i një koalicioni parazgjedhore mes këtyre partive duhet te ndryshohet. Dhe rezultati përsëri nuk është i parashikueshëm. /Indeksonline/

[Llapi]

Demaçi: Hashim Thaçit i takon ta bëjë Qeverinë

Veprimtari i njohur, Adem Demaçi thotë se me luftën për pushtet është harruar interesi i përgjithshëm.

Në një prononcim për Indeksonline, Demaçi ka thënë se pas zgjedhjeve është harruar Kosova dhe lufta po bëhet për karrige dhe poste të pushtetit.

“Me një fjalë, nuk po mendohet për shtet hiq”.

“Kështu që këta që po bëjnë turr me i nda resorët, po e shkelin rendin botërorë. Dihet në krejt botën se si shkon kjo punë”, ka thënë Demaçi duke komentuar ngërçin politik në vend pas krijimit të bllokut opozitar.

Ai thotë se partia që i fiton zgjedhjet duhet ta formojë qeverinë. “Nëse nuk mundet, atëherë provon forca e dytë, e tretë, e nëse asnjëra nuk arrin, atëherë shkohet në zgjedhje. Unë mendoj se i takon Hashim Thaçit ta bëjë Qeverinë”, ka shtuar ai.

Sa i përket dërgimit në Gjykatën Kushtetuese të çështjes së mandatarit për formimin e Qeverisë, Demaçi vlerëson se Kushtetuesja duhet të jap përgjigje se si veprohet në botë.

Demaçi thotë se nuk është mirë të mbahen edhe një palë zgjedhje, por vendi duhet të dalë nga ky ngërç dhe të formohen institucionet e reja. “Edhe miqtë ndërkombëtarë nuk duan që të mbahen zgjedhje të tjera”, ka përfunduar ai. /Indeksonline/

[Antiproanti]

.
Demaçi: Hashim Thaçit i takon ta bëjë Qeverinë

...

Ky s'ka lidhje cfare eshte demokracia dhe parlamenti...
Pavaresisht kesaj, ketu nuk flet Demci, figura e rezistences, por Demaci, i paguar nga Thaqi dhe armik tradicional i LDK-se.

[Llapi]

Koalicion pa ekuacion

Adil Behramaj

Është interesant se sa i madh është përkushtimi dhe angazhimi i orkestrave partiake në komunikimin politik për të formësuar një opinion. Të gjithë shpurdhin: politikanët, opinionbërësit, cubat e mediave, analistët nëpër televizione dhe mbrojnë gjithçka për interesat e tyre meskine. Shpeshherë iu bishtnojnë edhe rregulloreve e argumenteve më kokëforta dhe nuk merren aspak me to, por flasin në ajër dhe bëjnë blofe politike. E ngjashme situata është edhe tash, në këtë ngërç politik të krijuar nga disa politikanë të cilët janë shembulli më i mirë i shpërfaqjes së mjerimin opozitarë që kemi. Sjellja e tyre politike dhe jo vetëm, nëse je ndonjë naiv që nuk i kupton shumë proceset politike, mund të të bëjë lehtësisht të harrosh procesin zgjedhor që sapo kemi kaluar. A kishte zgjedhje?! Sipas versionit opozitar: “Po, ka kishte, por nuk kanë shumë rëndësi rezultatet, sepse ne dimë të kalkulojmë edhe si koalicion pa ekuacion”.

Zgjedhjet në fakt janë strumbullari edhe për nominimin e mandatarit, por edhe për konstituimin e Kuvendit. E, meqë më të paren është duke u marrë Gjykata Kushtetuese, po ndalemi vetëm tek e dyta, porqë do të jetë përplasja e parë ndërmjet dy blloqeve politike. Blloqe?! – mbase nuk është termi i duhur, që të quhet kështu koalicioni paszgjedhor opozitarë, sepse duke pasur parasysh procedurat në fuqi, që e rregullojnë mbarëvajtjen e seancës konstituive të Kuvendit të Republikës së Kosovës, nuk përbëjnë kurrfarë blloku. Por, edhepse po e ndjej për obligim që fillimisht t’i kërkoj falje bacit Jakup, po i hymë këtë herë në mexhë, meqë ai nuk po prononcohet rreth kësaj çështje dhe nuk po ka as interesim prej gazetarëve për margaritarin e Kuvendit, që i dinë të gjitha rregulloret përmendsh, e di që nuk është në rregull, por besoj na lejohet edhe ne laikëve që sapo i kemi lexuar dhe analizuar rregulloret, të marrim guximin dhe t’i interpretojmë...

Rregullorja e Punës e Kuvendit, e cila është në harmoni të plotë me Kushtetutën përcakton shumë qartë rregullat dhe procedurat që duhet të ndiqen gjatë seancës konstituive, e cila nuk është një seancë plenare dhe duke përfshirë këtu edhe rendin e ditës, të gjitha janë fikse dhe të pandryshueshme. Kjo përjashton të gjithë skenarët që mund të përgatiten nga subjektet politike për këtë ditë. E përplasja e parë ndërmjet forcave politike gjatë konstituimit, nëse nuk respektohen procedurat, lehtësisht mund të bëhet edhe objekt i gjykimit të kushtetutshmërisë së saj. Viktima e parë e këtij “komploti” opozitar, nëse i referohemi komunikatës së nënshkruar ndërmjet tyre, e cila me sa dimë nuk ka avancuar në ndonjë marrëveshje tjetër përpos frazës “S’ka qeveri Thaçi III” është i nominuari i tyre për kryekuvendar, Isa Mustafa. Realisht, logjika e tyre është shumë e përçudshme, sepse, hajde qe po e përjashtojmë Ramushin, që e dimë se ai nuk lexon, ose-ose po e justifikojmë këtu edhe Fatmirin, sepse nuk ka qenë pjesë e rregullt e seancave në Kuvend, por baci Jakup bre, ai i dinë senet dhe e dinë shumë mirë që nuk mund të jetësohet ky skenar. E këtu ne mund të ndajmë vetëm shqetësimin për fatin e Isës, kur ai së shpejti nuk do të shoh as edhe një dritë të vetme në fund të tunelit për t’u bërë kryekuvendar. Çfarë do të bëjë ai? Një ide fillestare që po më sillet nëpër kokë është se do të tërhiqet dhe do të zgjedh të bëhet vetëm gjysh i mirë dhe t’iu tregoj përralla nipërve dhe mbesave...

Sidoqoftë, po i lëmë anash emocionet dhe po i përvishemi interpretimeve. Faktikisht, qëllimi i seancës konstituive është vetëm përmbyllja e tranzicionit nga legjislatura paraprake në legjislaturën aktuale, e cila arrihet me verifikimin dhe konfirmimin e mandatit të deputetit, betimin solemn të deputetit dhe konstituimin e organeve të Kuvendit, përkatësisht zgjedhjes së kryetarit dhe kryesisë së Kuvendit. Dhe kryetari i legjislaturës paraprake në këtë fazë e ka të humbur “shkopin magjik” e nuk mund të bëjë kurrfarë mrekullie, sepse kompetencat e tij janë të kufizuara vetëm në përgatitjen e rendit të ditës për seancën konstituive dhe përcaktimin e rendit të ulëseve në Kuvend, sepse as ai, as kryesia e legjislaturës paraprake nuk ka asnjë autorizim tjetër gjatë seancës konstituive. Ndërkaq, verifikimi dhe konfirmimi i mandatit të deputetit është i rregulluar me nenin 9, përkatësisht pikat 9.3 dhe 9.4. Kryesuesi në këtë rast kërkon nga partitë politike të përfaqësuara në Kuvend që të delegojnë përfaqësuesit e tyre në komisionin e përkohshëm, sepse partitë politike konsiderohen pikë referimi, kurse mandati i deputetit kërkohet nga dokumentacioni përkatës i zgjedhjeve, që ndryshe njihet edhe si mandat burimor. E kjo nënkupton se gjatë verifikimit të mandatit, secili deputet identifikohet sipas mandatit të fituar në zgjedhjet e konfirmuara nga Komisioni Qendror i Zgjedhjeve. Nëse e thjeshtësojmë edhe më shumë, secili deputet duhet ta bëjë edhe betimin në përputhje të plotë me mandatin e fituar në zgjedhje, që nënkupton se formularët administrativë, që plotësohen nga deputetët para seancës konstituive, duhet të reflektojnë në tërësi me dokumentacionin përkatës të zgjedhjeve, ashtu siç edhe precizohet te pika 4 e nenit 9. Ndërsa, rendi i ditës i mbledhjes konstituive të legjislaturës duhet ta përfshijë formimin e komisionit të përkohshëm për verifikimin e kuorumit, mandateve, zgjedhjen e kryetarit dhe pesë nënkryetarëve të Kuvendit.

Për më tepër, me vetë faktin se kryetari i legjislaturës paraprake i fton kryetarët e partive, që kanë fituar vende në Kuvend, nënkupton se gjatë seancës konstituive, partitë politike konsiderohen bartëse të grupeve parlamentare, sepse nocioni “grup parlamentar” gjatë konstituimit reflekton vetëm vullnetin e shprehur në zgjedhje dhe të gjitha partitë apo koalicionet e çertifikuara, duhet të ulen sipas forcës politike, ashtu siç e kanë rezultatin e fituar në zgjedhje. Ndërsa, zgjedhja e kryetarit dhe kryesisë së Kuvendit është e rregulluar me nenin 12, ku kryesuesi i mbledhjes konstituive kërkon nga grupi më i madh parlamentar të propozojë kandidatin për kryetar të Kuvendit dhe gjithashtu nga tri grupet më të mëdha parlamentare kërkon ta propozojnë edhe nga një kandidat për nënkryetarë të Kuvendit.

Pra, e dimë që baci Jakup e dinë, por rrjedha e ngjarjeve nga neni 7 deri në nenin 12 është e pandalshme e nuk mund të interferohet mbi të dhe seanca konstituive nuk mund të konsiderohet e mbyllur deri në zgjedhjen e kryetarit dhe kryesisë së Kuvendit. Kurse, nocioni "grupi më i madh parlamentar" i përmendur te pika 2 e nenit 12 është vazhdimësi e logjikës së njëjtë, që nënkupton se nocioni "grupi më i madh parlamentar", gjatë seancës konstituive nënkupton vetëm grupin më të madh parlamentar sipas rezultatit të zgjedhjeve. Përndryshe, deputeti ka të drejtë të marrë pjesë në mënyrë të barabartë në një grup parlamentar, të tërhiqet nga grupi, ta formojë një grup të ri parlamentar, t’i bashkëngjitet një grupi tjetër ose të veprojë si deputet i pavarur. Por, në secilin prej këtyre rasteve, deputeti është i obliguar që për vendimin e tij ta njoftojë me shkrim kryetarin e Kuvendit. Në rastin tonë, p.sh. cilin kryetar duhet ta njoftojnë këta deputetet e opozitës? Kryetarin e legjislaturës aktuale ende të pazgjedhur apo kryetarin e legjislaturës paraprake? Pyetje që gjithsesi duan përgjigje. Si mund ta njoftojnë p.sh. kryetarin e legjislaturës paraprake, kur ai ka kompetenca shumë të kufizuara në seancën konstituive. Si mund ta njoftojnë atë, kur ai nuk ka as kompetencë, as autorizim që të konstatojë lëvizjet e deputetëve nga një grup në një grup tjetër. E kjo nënkupton se deputetët e legjislaturës aktuale mund të bëjnë lëvizje prej një grupi në një grup tjetër, përfshirë edhe shuarjen apo bashkimin e grupeve ekzistuese, vetëm pasi ta informojnë me shkrim kryetarin e Kuvendit nga legjislatura e tyre. Ndërkaq, duke marrë parasysh se në seancën konstituive nuk ka kryetar të zgjedhur, kjo do të thotë se lëvizjet e deputetëve mund të bëhen vetëm pas seancës konstituive dhe pas zgjedhjes së kryesisë së re.

Pra, nuk qëndron pretendimi i opozitës, se para seancës konstituive deputetët mund të deklarohen para sekretarisë së Kuvendit, se cilit grup parlamentar duan t'i takojnë. Përpos që teknikisht është e pamundur të regjistrohen në fletëdeklaracion si LDK-AAK-Nisma, siç edhe po pretendojnë, sekretaria e Kuvendit nuk ka kompetencë për të regjistruar kurrfarë të dhëne ndryshe nga ato që iu vinë nga Komisioni Qendror i Zgjedhjeve dhe këtë kompetencë nuk e ka as kryesia e legjislaturës paraprake. Deputeti duhet vetëm ta verifikojë mandatin në përputhje me dokumentacionin përkatës të zgjedhjeve (neni 9), në seancën konstituive, në mënyrë që ta bëjë betimin solemn (neni 10). Dhe vetëm pasi që deputeti ta bëjë betimin dhe të përmbushen procedurat e parapara për zgjedhjen e kryetarit dhe kryesisë së re të Kuvendit (neni 12, me referencë në nenin 8), deputetët janë të lirë të lëvizin dhe për këto lëvizje duhet të informojnë me shkrim kryetarin dhe kryesinë e re të Kuvendit.
Kjo logjikë reflekton edhe në një numër të madh aktesh të tjera juridike dhe ndër më të rëndësishmet për t'u theksuar është edhe Ligji për financimin e partive politike, që në pikën 2 të nenit 9 thotë: "Nëse një deputet vendos të largohet nga subjekti politik, ku ka fituar mandatin, nuk do të bartë mjetet financiare të ndara nga Fondi për atë mandat në subjektin e ri politik". Kjo logjikë konfirmohet edhe në shumë shembuj të praktikës parlamentare të Kosovës. Shembulli më konkret gjatë legjislaturës së kaluar është edhe zvogëlimi i numrit të deputetëve të lëvizjes Vetëvendosje në raport me ata të AAK’së dhe pavarësisht lëvizjeve të deputetëve, kjo nuk ka ndikuar në ndryshimin e përbërjes së kryesisë së Kuvendit. Tjetër shembull mund të jetë edhe procedura e mocionit të votëbesimit të Qeverisë së Kosovës. Nëse votohet mocioni, Presidenti i Republikës nuk ka mundësi që të kërkojë nga dikush tjetër të formojë qeverinë, por Kuvendi shpërndahet me automatizëm. Kjo ndodhë me supozimin se në Kuvend tash ekziston një raport i ri forcash politike, që nuk përputhet me vullnetin e shprehur në zgjedhje dhe rrjedhimisht duhet të konsultohet vullneti i ri i votuesve.

E për fund, për ta kapur edhe njëherë fillin, Kushtetuta dhe rregullorja e punës së Kuvendit nuk parashohin ndonjë procedurë, e cila lejon që nominimi i kryetarit të Kuvendit të bartet nga një grup parlamentar në një grup tjetër parlamentar (neni 14, pikat 3, 4 dhe 5). Nëse Kuvendi dështon në zgjedhjen e kryetarit, në mungesë të 61 votave të nevojshme, atëherë konstatohet se është bllokuar puna në Kuvend dhe as në Kushtetutë, as në rregullore nuk ka ndonjë procedurë si të veprohet në një situatë të tillë. Supozimi logjik në këtë rast është vetëm shpërndarja e Kuvendit, sepse pa u konstituuar Kuvendi i Republikës, Presidenti i Kosovës nuk ka kurrfarë mundësie juridike për të kërkuar dhe për t’ia dhënë të drejtën mandatarin për kryeministër për të krijuar qeverinë.

Baci Jakup i dinë këto të gjitha dhe ai mund ta këndell edhe opozitën. Nëse nuk e këndell, zgjedhjet e reja do të vinë shumë shpejt!

[Antiproanti]

Demaçi: Hashim Thaçit i takon ta bëjë Qeverinë

...

Ja pergjigja tjeter...

Albin Kurti: Thaçi s’mund ta bëjë qeverinë, nuk i ka numrat



Lideri i Lëvizjes Vetëvendosje, Albin Kurti në një intervistë në emisionin Argument Plus në RTV 21 ka thënë se Hashim Thaçi s’mund ta bëjë qeverinë, sepse nuk i ka numrat. Sipas tij, edhe ndërkombëtarët por edhe njerëzit në Kosovë kanë filluar të mësohen me idenë se PDK nuk do të jetë më në pushtet.

I pari i VV-së ka thënë se nuk do të ishte në të mirë të Kosovës që të shkohet në zgjedhje të reja. Kurti ka ripërsëritur se nuk do ta mbështes koalicionin LDK- AAK- Nisma, në rast se nuk plotësohen kushtet e partisë së tij.

Ai pret që në javët e ardhshme të arrihet marrëveshje dhe të përmbyllen të gjitha fazat e bisedimeve.
http://gazetablic.com/albin-kurti-th...k-i-ka-numrat/

Numrat aktual te Thaqit jane keto:
37 PDK + 20 Minoritetet= 57.

Minimum 61 jane te nevojshem qe te formohet qeveria.
Per nje qeveri sa me stabile dhe te qendrueshme per se paku 3-4 vitet e ardhshme nevojten 63, 67 apo edhe me teper.
Nje qeveri qe do te fomohej me vota te huazuara ne cfaredo forme, vetem per te arritur 61-shin e kerkuar do te deshtonten brenda pak ditesh apo javesh. Sepse qeveria e tille do te mund te rrezohej ne cdo moment.
Qeveria me stabile mundet dhe duhet te formohet nga nje shumice me stabile, me lojale dhe me te qndrueshme, e cila krijon vullnetarisht koalicion, jo nga nje shumice e rastit, vetem sa per te arritur 61-shin.
Paavaresisht kesaj, cdo qeveri duhet ta kete parasyesh se votat e perfaqesuesve te minoriteteve nuk jane mjaft te sigurta. Keshtu qe nje qeveri e cila do te mbeshtetej ne sa me teper deputete shqiptar do te ishte shume me stabile dhe funksionale. Ky kusht do te plotesohej p.sh. permes nje marreveshje me LVV per mbeshtetjen e qeverise se ardhshme, edhe pa hyre ne qeveri.
Faji eshte i Thaqit qe ka krijuar armiqesi te tille me te gjithe udheheqesit a partive tjera, te cilet refuzojne te bejne cfaredo koalicioni me te dhe me partine e tij, por ne vecanti me Thacin si kryeminister. Kjo nuk do te ndryshoje pavaresisht vendimit te GJKK-se. Me Thaqin si kryeminister nuk do te gjendet asnje partner per koalicion, pervec minoriteteve. Prandaj, PDK patjeter ne fund do te mundohet te futet ne qeveri edhe permes nje kandidati alternativ, p.sh. H Kuqi. Por edhe kjo sipas shume gjasave nuk do te funksiononte. Pervec nese behet ndonje pazar i tille nga ambasadoret e SHBA-se dhe BE-se.