Mareveshja politike: LDK + AAK + Nisma ne pushtet, PDK ne opozite

[Antiproanti]

Isa Mustafa i njofton zyrtarët britanik me vizionin për qeverisje



Kryetari i Lidhjes Demokratike të Kosovës, Isa Mustafa, ka takuar sot shefin e Seksionit Kosovar në Zyrën e Jashtme dhe të Komonvelthit të Britanisë së Madhe, Dashiell Caldwell, dhe ambasadorin Britanik në Kosovë, Ian Cliff.

Kryetari Mustafa falënderoi bashkëbiseduesit për mbështetjen e vazhdueshme të Britanisë së Madhe ndaj vendit tonë si dhe paraqiti vizionin e LDK-së dhe të partnerëve të koalicionit për qeverisjen e ardhshme të vendit.

Në takim u fol për aspektet rreth formimit të qeverisë së re, zhvillimeve aktuale politike, si dhe për bashkëpunimin e mëtutjeshëm me Qeverinë Britanike.
http://gazetablic.com/isa-mustafa-nj...per-qeverisje/

[Antiproanti]

Cliff e Borchard takojnë Thaçin



Shefi i Eulex-it, Bernd Borchardt dhe Ambasadori i Britanisë së Madhe në Kosovë, Ian Cliff kanë qëndruar sot në mëngjes për rreth një orë në Qeverinë e Kosovës.

Nga kabineti i kreut të qeverisë kanë konfirmuar takimin e tyre me kryeministrin në detyrë Hashim Thaci, duke mos dhënë më shumë detaje.

Derisa për temat e këtij takimi kanë thënë se do të deklarohen, më vonë gjatë ditës. Vizitat e Cliffit dhe Borchardit në Qeverinë kosovare vijnë një ditë pas trazirave në Mitrovicë. /Klan Kosova/
http://gazetablic.com/cliff-e-borchard-takojne-thacin/

[Llapi]

Albin, a është AAK-ja parti e haraçit?! (Video)

Rreth 6 muaj më parë, AAK-së i thanë parti e haraçit. Lideri i Vetëvendosjes, Albin Kurti e quajti sekret publik mbledhjen e haraçit në Dukagjin, të cilin ia adresoj njerëzve të AAK-së.

Më 26 dhjetor 2013, ai në televizionin publik të Kosovës, tha se shumë militantë të AAK-së kanë qenë të inkuadruar në marrjen e haraçit në Dukagjin dhe është quajtur edhe parti e haraçit.

“Ne i kemi thënë nja 2-3 herë, ata vet e përsëriten 20-30 herë mandej. Por, le të mos viktimizohen ata. Nuk është problemi që tash AAK-ja e paska humbur qeverisjen në disa komuna në Dukagjin. Problemi është që biznese të shumta janë detyruar të paguajnë haraç. Ky është problemi. Viktima e vërtetë nuk është AAK-ja. Viktima janë ato biznese dhe Lëvizja Vetëvendosje e ka shumë të qartë, se është njëlloj sekreti publik në Dukagjin, se është mbledhur haraçi atje. Dhe, në fund të fundit, të gjitha të pavërtetat nuk duhet të brengosin shumë kur janë të pavërteta, ato të brengosin kur ka diçka të vërtetë aty dhe mendoj që ka shumëçka të vërtetë”, ka thënë Kurti.







Albin Kurti per Ramush Haradinaj

[Antiproanti]

Edhe Krasniqi takohet me Cliff-in



Kryetari i Këshillit Kombëtar të NISMA për Kosovën Jakup Krasniqi priti në takim Drejtorin për Kosovën, Shqipërinë e Maqedoninë, të Departamentit për Evropën në Ministrinë e Jashtme të Britanisë së madhe, Dashiell Caldëell, i shoqëruar nga Ambasadori i Britanisë së madhe, Ian Cliff.

Në këtë takim u diskutua për situatën politikë në vend, posaçërisht për zhvillimet pas zgjedhjeve të 8 qershorit 2014.

Krasniqi e ka njoftuar Caldëell dhe Ambasadorin Cliff për ecurinë e procesit pas zgjedhjeve si dhe për rolin e NISMA për Kosovën në zhvillimet politike aktuale, si dhe kanë diskutuar për vazhdimin e dialogut me Serbinë.

“NISMA për Kosovën do të ketë rol kyç në politiken aktuale të vendit. Kontributi dhe puna e saj do të jetë për zhvillimin e gjithëmbarshëm të vendit si dhe për ndërtimin e institucioneve dhe të qeverisjes së qëndrueshme në Kosovë”, ka thënë Krasniqi.

Gjithashtu në takim u diskutuan edhe tema të tjera në lidhje me zhvillimin dhe të ardhmen e Kosovës.
http://www.zeri.info/artikulli/39032...et-me-cliff-in

[Antiproanti]

Jahjaga shkeli standardet e Gjykatës Evropiane të Drejtësisë [video]


Presidentja e vendit, Atifete Jahjaga, me kërkesën drejtuar kushtetueses që të sjellë një interpretim se kujt i takon mandatari për të krijuar Qeverinë, ka shkelur standardet e Gjykatës së Drejtësisë së BE-së.


Kështu vlerëson Fisnik Korenica, nga Grupi për Studime Juridike dhe Politike, i cili thotë se pyetjet e presidentes nuk i japin zgjidhje situatës, raporton KTV.

Ai tha se është një standard i Gjykatës së Drejtësisë së BE-së që nuk guxojnë të ngritën pyetje nëse janë sugjestive dhe ky standard do të duhej të ndiqej edhe nga presidentja.

Korenica tha se pyetjet e presidentes më shumë ngjajnë në një test të shkollës së mesme sesa pyetje që zgjidhin një krizë politike, që në fakt nuk është krizë kushtetuese.

Korenica, siç raporton KTV-ja, tha se presidentja ka rënë në grackën e një presioni politik, duke hequr dorë nga roli i saj si shefe e shtetit.
Ai thotë se kushtetuesja mund edhe të mos i kthejë përgjigje presidentes, duke e refuzuar kështu kërkesën e saj, por nëse do të jepte një vendim, atëherë do të duhej t’i jepte të drejtë një koalicioni që siguron 61 vota në Kuvend.

Fakti se presidentja nuk e priti certifikimin e rezultateve, mund ta lërë atë pa një vendim nga kushtetuesja, e thotë edhe profesori i së drejtës Kushtetuese, Riza Smaka.

Ai pret që Gjykata të mos i kthejë përgjigjën sepse nuk ka fakte e as objekt trajtimi.

Smaka thotë se ka frikë nga politika ditore, por nga ato nuk do të duhej të ndikohej as presidentja dhe asnjë institucion tjetër.

KTV-ja ka kërkuar përgjigje nga Gjykata Kushtetuese, nëse kërkesa e presidentes po trajtohet në këtë institucion.

Zyrtarë për informim të gjykatës, përmes postës elektronike, kanë bërë të ditur se kërkesa e parashtruar nga Presidentja Jahjaga tashmë është duke u proceduar dhe vendimi do të merret në përputhje me Ligjin për Gjykatën Kushtetuese si dhe Rregulloren e punës së Gjykatës Kushtetuese, por pa përmendur ndonjë afat për këtë, transmeton Koha.net.

Gjykata kushtetuese ka siguruar se e kanë panelin e mjaftueshëm për të marrë vendime, derisa kanë bërë të ditur se rasti i gjyqtarit Kadri Kryeziu, i cili është në procedura te komisioni disiplinor, për shkak të përfshirjes në politikë, është ende në fazën e hetimit dhe të shqyrtimit të fakteve.

http://koha.net/?id=27&l=15297

[Llapi]

Opozita rifuqizoi Thaçin


08:04 / E martë, 24 Qershor 2014


Nga: Arben Ahmeti

Edhe një mandat i tretë me Hashim Thaçin si kryeministër nuk i është dashur Kosovës, por partitë që garuan kundër tij, gabuan para dhe pas zgjedhjeve. Publicisti Baton Haxhiu, në një bisedë për gazetën Tribuna ka analizuar veprimet e partive që humbën zgjedhjet, sidomos të LDK-së, veprime të gabuara, sipas Haxhiut, që quan në fitoren e PDK-së, veprime që sipas tij nuk po ndalen dhe vazhduan edhe pas zgjedhjeve me marrëveshjen e liderëve të partive që humbën zgjedhjet.

Sipas Haxhiut, PDK dhe Hashim Thaçi kanë qenë në disavantazh pas zgjedhjeve të 3 nëntorit, dhe lideri i PDK-së ishte lider në ikje, por lufta që VV i bëri LDK-së duke e synuar elektoratin e saj, gjahu i AAK-së kryesisht për elektorat gjithashtu të LDK-së, dhe arroganca që LDK tregoi pas zgjedhjeve lokale duke mos bërë kurrfarë koalicioni e as duke mos bërë fushatë dinjitoze mundësuan fitoren e PDK-së.

“I jemi drejtuar zgjedhjeve nacionale me dy taborë. Në njërën anë Hashim Thaçi i butë që premton rritje rrogash dhe në anën tjetër tri parti që përplaseshin mes vete. Kjo situatë e derivoi rezultatin e zgjedhjeve”...(më gjerësisht në gazetën Tribuna).

[Llapi]

Veseli: Po presim rezultatet për ta formuar Qeverinë ‘Thaçi 3’

24.06.2014 14:23


Zëvendëskryetari i Partisë Demokratike të Kosovës, Kadri Veseli ka thënë se janë duke i pritur rezultatet përfundimtare të zgjedhjeve parlamentare të 8 qershorit, për ta formuar Qeverinë Thaçi 3.

Ai këto komente i bëri pas një takimi me ambasadoren e Belgjikës në Bullgari, jo-rezidente për Kosovën, Anick Van Calster.
Zëvendëskryetari i PDK-së, Kadri Veseli tha se me ambasadoren Anick Van Calster kanë biseduar për situatën e krijuar pas zgjedhjeve të 8 qershorit, ku janë duke i pritur rezultatet për ta formuar Qeverinë e re.

“Folëm për situatën pas zgjedhore, natyrisht një procesi që kemi kaluar jashtëzakonisht demokratik dhe jashtëzakonisht pozitiv. Po i presim rezultatet dhe në bazë të këtyre rezultateve dhe vullnetit të popullit do të kemi shumë shpejt edhe Qeverinë e ardhshme të Kosovës, Qeverinë Thaçi 3”, tha Veseli.

Ndërsa, ambasadorja e Belgjikës në Bullgari, jo-rezidente për Kosovën Anick Van Calster tha se me zëvendëskryetarin e PDK-së, Kadri Veselin ka biseduar rreth politikave që kanë Kosova dhe Belgjika, si dhe të ardhmen politike të Kosovës.

“Sapo patën një diskutim interesant rreth politikave që kemi në mes të Kosovës dhe Belgjikës dhe po ashtu kemi diskutuar për të ardhmen politike të këtij vendi. Kemi shkëmbyer vendime në këtë drejtim dhe diçka shume te rëndësishme që kemi biseduar mjaftë shumë është për përfshirjen e të rinjve. Kosova ka shume të rinj, shumë prej tyre po marrin role të rëndësishme në shoqëri dhe ne mendojmë që ky është një zhvillim shume pozitiv”, tha Calster pas takimit.

Po ashtu, në këtë takim mes Veselit dhe Calster, është biseduar edhe çështja e veriut të Kosovës, për të cilën, Veseli tha se ka nevojë që në atë pjesë të ketë liri të lëvizjes së qytetarëve të Kosovës.

Veseli tha se besojnë që shumë shpejt me proceset e integrimeve të cilat do t’i kenë Kosova dhe Serbia për në BE, do të ketë një lëvizje e lirë të njerëzve dhe do të jetë një siguri më e madhe për gjithë qytetarët e Kosovës në atë pjesë.

[Antiproanti]

Nese i manipulojne rezultatet keshtu, ndoshta...

Edhe një shans për “Thaçi 3”. KQZ me rivotim potencial në 4 qendra- Skenderaj dhe Lipjan. A do të ndërroj vota nga PDK te AKR?!




Katër vendvotime- dy në Lipjan dhe dy të tjera në Skenderaj- mund të shkojnë në rivotim për shkak të parregullsive të ndodhura atje, dhe kështu ti hapet mundësia edhe njëherë AKR-së që të provoj të kalojë pragun zgjedhor, mëson Gazeta Blic nga burime të saj në KQZ.

Përderisa burimet nuk kanë saktësuar vendvotimet dhe as pa rregullsitë që janë gjetur atje dhe që mund të shtyjnë PZAP për të shkuar në rivotim, Gazeta Blic ka mësuar se të katër qendrat janë “bastione” ose vende ku e më së shumti vota ka marrë Partia Demokratike e Kosovës (PDK).

Procesi i numërimit të votave ka lënë jashtë pragut zgjedhor për më pak se 1 mijë vota Aleancën Kosova e Re (AKR)- partnerin aktual qeveritar të PDK-së.

PDK me partitë në koalicion parazgjedhorë, ndonëse ka dal bindshëm e para në zgjedhje, sot e ka të pamundur të gjej një partner qeveritarë nga partitë politike shqiptare. Tri partitë tjera LDK, AAK dhe Nisma tashmë kanë nënshkruar një marrëveshje politike për të bërë qeverinë e re. Vetëvendosje si partia e tretë e dalë nga zgjedhjet, tashmë e ka konfirmuar se do ti jap votat në parlament për këtë koalicion, por ajo ka filluar negociatat me koalicionin edhe për përfshirjen e saj në qeverisjen e re.

Në këtë situatë PDK ka mbetur e vetme, duke i përjashtuar pakicat, prandaj kalimi i pragut zgjedhorë nga AKR-ja për të mund të jetë shpëtimi i vetëm për të ndërtuar një koalicion qeverisës. Që AKR të përfitoj nga rasti përmes rivotimit të mundshëm, atëherë i bie që për atë të votojnë në mënyrë masive votuesit e deritashëm të PDK.

Kjo gjë është shumë e vështirë të ndodhë. Megjithatë së pari duhet të presim nëse PZAP/KQZ-ja do të bëhet së pari, përmes rivotimit, pjesë e programit për ndërtimin e Thaçi 3.
http://gazetablic.com/edhe-nje-shans...ga-pdk-te-akr/


Edhe ne nje skenar te tille te manipulimit Thaci nuk do mund te qeveriste nese partite opozitare e bojkotojne Parlamentin gjate votimeve. Gje qe do ta benin, per shkak te manipulimit...
Ky skenar do te qonte ne zgjedhje te jashtezakonshme me se largu brenda nje viti.

Askush ne Perendim nuk mund te jete i interesuar as ne zgjedhje te reja dhe as ne nje qeveri te paafet dhe te papranueshme per shumicen me 1 deputet me shume se opozita qe e bojkoton Kuvendin.
Nuk ka as mundesi teorike qe Thaci te behet Kryeminister per 3 apo 4 vitet e ardhshme. Pervec nese AAK ose LDK do te pajtoheshin.
Pjesemarrja e PDK-se ne qeveri do te ishte shume me e mundshme se Thaci Kryeminister.

[Antiproanti]

Serbët e Kosovës tek Vuçiqi: me Haradinajn apo Thaçin- do hyjmë në Qeveri!



Kryeministri i Serbisë Aleksandar Vuçiq sot i ka pritur në Beograd përfaqësuesit kryesorë të Serbëve të Kosovës- nga Lista Srpska por edhe të partive tjera të tyre në Kosovë që janë në pushtete lokale por edhe përfaqësuesit që kanë fituar në zgjedhjet e fundit parlamentare dhe do të jenë pjesë e Kuvendit të ardhshëm të Kosovës. Siç njoftojnë mediat serbe shefi i qeverisë serbe Vuçiq është pajtuar me serbët që ata të hyjnë në Institucionet e ardhshme të Kosovës- përfshirë këtu edhe Qeverinë e ardhshme të Kosovës.

Këtë e ka bërë të ditur për mediat serbe pas takimit përfaqësuesi i Serbisë në Kosovë, Marku Gjuriq i cili ka thënë që sot “ishte ditë e rëndësishme pasi që përfaqësuesit e serbëve të Kosovës janë pajtuar për “paraqitje unike” në Kuvendin e ardhshëm të Kosovës”.

I pyetur nga gazetarët serbë se a don të thotë kjo që në Qeverinë e ardhshme të udhëhequr nga Hashim Thaçi apo Ramush Haradinaj do të ketë përfaqësim të serbëve, Gjuriq ka deklaruar që “është mëse e rëndësishme që serbët e Kosovës të marrin përgjegjësinë e tyre për drejtimin e institucioneve në pushtetin e ardhshëm të Kosovës”.

“Ne nuk mund të prejudikojmë se si do të duket struktura e ardhshme e pushtetit por e dijmë që për bashkësinë tonë serbe në Kosovë është mëse e rëndësishme të kemi ndikim direkt në ngjarjet përmes pranisë në pushtet”, ka thënë Gjuriq. Sipas përfaqësuesit të Beogradit në Kosovë, sot ishte ditë e rëndësishme për serbët sepse prej tash e tutje ata do të veprojnë si unik në Kuvend dhe qeverinë e ardhshme të Kosovës.

http://gazetablic.com/serbet-e-kosov...jme-ne-qeveri/

[Llapi]

Me Limajn e Krasniqin kemi kontakte
25.06.2014 | 10:27
Ministri në detyrë i Punëve të Jashtme, Enver Hoxhaj është shprehur i lumtur me daljen e PDK-së si subjekti i parë politik në vend pas zgjedhjeve të ‰8 qershorit. Ai ka thënë ‰se PDK-ja po pret vendimin e Gjykatës Kushtetuese dhe për ta formuar qeverinë re.
“Duhet ta presim vendimin e Gjykatës Kushtetuese. Ajo duhet ta jep interpretimin e saj. Ne jemi shumicë dhe shumicës i takon ta formojë qeverinë. Aktualisht në këtë mëngjes presim të ndodhë certifikimi i rezultateve zgjedhore pastaj të presim t’i formojmë institucionet shtetërore të Kosovës”, ka thënë‰ Hoxhaj në emisionin e mëngjesit në “RTK”.
Ai ka thënë se fitorja e PDK-së në këto zgjedhje është fituese politike dhe morale. “PDK është partia më reformuese, e kemi ndryshuar partinë, vetët tona. Kjo filozofi dhe vendosmëri e ndryshimit do të vazhdojë edhe vitet e ardhshme. Ne si subjekt politik, e keni parë gjatë javëve të fundit, jemi shumë të relaksuar, vetëpërmbajtur dhe evropian në sjelljen tonë”, ka thënë ‰Hoxhaj.
Ai ka pranuar se PDK-ja mbanë kontakte me të gjitha partitë politike, e një kontakt të veçantë kanë me NISMËN për Kosovën, për shkak të miqësisë që kanë me dy anëtarët kryesorë të kësaj partie Fatmir Limajn e Jakup Krasniqin, si ish-anëtarë të PDK-së dikur. “Natyrisht që ka kontakte. Ka kanale të ndryshme të komunikimit. Ne si parti politike në situata të tilla, mandatarit tonë, kryeministrit, dhe kryetarit të partisë, ia përcjellim tërë përgjegjësinë për të komunikuar me subjektet tjera politike. Ka kontakte me të gjitha subjektet politike, jo vetëm me NISMËN. Me NISMËN, zotin Limaj dhe Krasniqi, kemi qenë dhe jemi shokë dhe natyrisht që kemi kontakte më të shpeshta”, ka thënë‰ Hoxhaj.
(lajmi.net)