Mareveshja politike: LDK + AAK + Nisma ne pushtet, PDK ne opozite

[Antiproanti]

Ja rezultati zyrtar i votave me kusht (Foto-tabela)

Komisioni Qendror i Zgjedhjeve (KQZ), sot gjatë mbledhjes së rregullt ka publikuar rezultatet e votave me kusht dhe votave me postë.
PDK-ja ka marrë më së shumti vota, përkatësisht 6 mijë e 611 vota, LDK-ja, 3 mijë e 751 vota, Vetëvendosje! 3 mijë e 94 vota, AAK-ja 1 mijë e 869 vota, Lista Srpska 1 mijë e 293 vota, AKR-ja 1 mijë e 117 vota, NISMA për Kosovën 998 vota.




Ndërsa nga votat me postë Lista Srpska ka marr më së shumti vota, konkretisht 7 mijë e 766 vota, Lëvizja Vetëvendosje 884 vota, PDK-ja 372 vota, LDK-ja 272 vota, AAK-ja 107 vota, AKR-ja 59 vota, dhe NISMA për Kosovën 17 vota.



http://gazetablic.com/ja-rezultati-z...t-foto-tabela/

[beni33]

o hashim merri dostat e flladitu ner pisha se ju dul boja

[zANë]

Nga te gjitha temat qe pash ketu ne forum sa i perket politikes shqiptare ne pergjithesi.....konkluzioni.....shyqyr qe skam kohe ti ndjek ne asnje vend!!!

[beni33]

Po subozojm se hashimi e foromon qeverin por shtrohet pytja me cilat parti a din kuhs me tregu

[beni33]

Fest e madhe esht gjvilluar ne selin e pdk=s ne mitrovic me inagurimin e parkut te paqes tash edhe me bedonim disa simpatizant te pdk-s nga gezimi nuk kan kursyer as lot gezimi se pse thonin se tash sepaku kemi ku te flladitemi

[Antiproanti]

Bashkatdhetarët s’deshën të votojnë?

Zgjedhjet Nacionale e 8 qeshorit nuk kanë treguar ndonjë interesim për shqiptarët që jetojnë jashtë Kosovës.

Ata kanë pasur mundësi të votojnë me postë, megjithatë këtë mundësi e kanë shfrytëzuar vetëm 1711 votues.

Prej tyre më së shumti vota ka marr Lëvizja Vetëvendosje, me gjithsej 884 vota, pastaj PDK-ja 372 vota, LDK-ja 272 vota, AAK-ja 107 vota, AKR-ja 59 vota, dhe NISMA për Kosovën 17 vota.

Një interesim i madh për të votuar me post ka qenë te serbët që jetojnë në Serbi. Nga votat me postë Lista Srpska ka marr 7 mijë e 766 vota.
- See more at: http://www.kosovapress.com/sq/nacion....Z7ukuTB8.dpuf

[Antiproanti]

'Thaçi gaboi me 'liderin absolut', humbi bashkëpunimin me Limaj dhe Haradinaj'



Tiranë E martë, 17 Qershor 2014 15:08
KosovaPress

Debati për zgjedhjet dhe formimin e qeverisë e re të Kosovës vazhdon edhe në Tiranë. Vazhdojnë po ashtu edhe komentet dhe analizat për t’i dhënë zgjidhje situatës. Në ciklin e intervistave që Kosovapress ka realizuar këto ditë në Tiranë, vjen edhe biseda me avokatin dhe kreun e partisë 'Ligj dhe Drejtësi", Spartak Ngjela, i cili iu jep përgjigj disa pyetjeve që i kanë lindur çdokujt që i ka ndjekur zhvillimet e fundit në Kosovë:Pse Limaj dhe Haradinaj nuk bashkëpunuan me Thaçin: a e ka humbur Thaçi përfundimisht mandatin e tretë apo ka ende shanse ti grumbullojë 61 deputetë. Roli i Presidentes Jahjaga në këtë situatë post zgjedhore, dhe vlerësimi për të. Të gjitha këto dhe të tjera çështje mund ti lexoni në intervistën e mëposhtme të avokat Ngjelës dhënë për Kosovapress.

KosovaPress: Z.Ngjela si do ta vlerësonit procesin zgjedhor të zhvilluar në Kosovë, krahasuaredhe me procese të ngjashme të mbajtura në Shqipëri?

Ngjela: Është më shumë serioz se sa ky yni. Ne ende nuk kemi arritur të bëjmë një proces zgjedhor serioz. Siç duket është diferenca midis Shqipërisë së Enver Hoxhës dhe Jugosllavisë kjo që po shohim. E them këtë sepse kam përshtypjen se Kosova po ecën më shpejt drejt demokracisë se ne, pavarësisht se këtu ka më shumë traditë nacionale, më shumë kulturë kombëtare, më shumë histori. Por fakti është fakt, këtë e konstatova edhe nga procesi zgjedhor por edhe nga postprocesi zgjedhor. Në të dyja rastet shoh se ka kulturë demokratike më shumë se sa në Shqipëri.

KosovaPress: Koalicioni Haradinaj-Limaj-Mustafa po thuhet nga PDK dhe ekspertë se është i paligjshëm duke qenë se u formua pas zgjedhjeve, cili është komenti juaj lidhur me këtë marrëveshje?

Ngjela:Asnjë koalicion dhe asnjë konsensus nuk mund të jetë i paligjshëm në demokraci. Demokracia është konsensus dhe jo forcë. Unë e pashë me vëmendje Kushtetutën e Kosovës, është normale si të gjithë Kushtetutat demokratike të botës, që partia e parë thirret e para dhe nëse ajo nuk i bën dot 61 deputetë, atëherë thirret partia e dytë, ose koalicioni i dytë. Por ajo që më bëri përshtypje dhe që tregon se ende kemi influenca të pasionit totalitarë, është se nuk duhet të flisnim përpara se të fliste Presidentja, sepse kjo është kompetencë ekskluzive e Presidentes.Ajo është garantja e Kushtetutës, por edhe zbatuesja e saj. Atëherë çfarë kanë këta, pse flasin, kërkojnë ti bëjnë presion Presidentes. Naivitet. Ajo ka fluksin konstitucionalist brenda vetes, precedentin botëror, ka konsultimet me ndërkombëtarët (në kuptimin profesional dhe jo politik), dhe e zgjidh ajo këtë çështje. Por unë mendoj se i ka ardhur në dorë një çështje, një fakt, i cili do ta fus shumë shpejt në histori. Unë kam pasur respekt për qëndrimin e saj, madje më ka habitur në shumë raste. Por fati i plasoi këtë rast i cili duhet të zgjidhet drejt.

KosovaPress: Në këtë situatë ku ndodhemi, Hashim Thaçi e ka humbur mandatin e tretë sipas jush?

Ngjela: Ai që nuk i ka 61 deputetë është i humbur, kështu është demokracia. Të tjerët u treguan më të mençur dhe vepruan më përpara. Fakti që e bën përpara se sa të hapej Parlamenti donin të tregonin që si thotë ajo shprehja e vjetër e Ciceronit: "E vetmja shpresë e të humburit, është të mos ketë asnjë shpresë." Pra çështja është që nuk i lanë mundësi që ai të krijonte konsensusin e tij ose kompromisin e tij me parti të tjera, me të cilat mund të bënte 61 deputetë, të paktën sipas lajmeve që kanë ardhur nga Kosova. Sepse konsensusi për të cilin po flasim pretendon se i ka 61 deputetë, dhe unë mendoj se i ka. Çështja është pse Limaj dhe Haradinaj nuk u bashkuan me të (Thaçin). Atëherë diçka lëviz të absolutizmi. Ne duhet të kalojmë nga psikologjia e liderit absolut te psikologjia e politikanit.

KosovaPress: Pra ju mendoni se z.Thaçi kërkon të jetë një lider absolut, dhe kjo e bëri të humbiste?

Ngjela: Nuk ka më nevojë politika shqiptare, elita shqiptare, për lider që dalin mbi konsensusin, mbi Kushtetutën, dhe krijojnë sundim. Unë nuk di se çfarë ka bërë Thaçi realisht në Kosovë, por di që dy parti që dalin nga partia e tij, nuk pranojnë bashkëpunim politik me të. Pra Thaçi ka gabuar politikisht përderisa nuk i mori këta të dy.

KosovaPress: Nëse do bashkëpunonte me ta duhet të hiqte dorë nga posti i kryeministrit... mund të kishte biseduar për tu bërë President pas mbarimit të mandatit të Presidentes aktuale?

Ngjela: Tjetër gjë, ata nuk i dhanë asnjë mundësi. Ai mendoi se do hynte në bisedime, do bënte lëshime, do të pranonte gjithçka, mund ta linte dhe postin e Kryeministrit, pavarësisht se ata shprehen që posti i Kryeministrit nuk negociohet, sepse siç duket mendimi politik i z.Thaçi dhe ekipit të tij nuk e mendonte se mund të bashkoheshin ata të dy me LDK-në. Ishte pak surprizë por çështja është që në çdo proces zgjedhor, ku partitë janë krejtësisht të pavarura, dhe nuk kanë marrë asnjë angazhim në funksion të ndonjë koalicioni, ai që ka fituar zgjedhjet dhe s'ka marrë numrin absolut për të krijuar qeverinë duhet ti mendojë mirë gjërat, nuk duhet të jetë kaq i sigurt. Është eksperiencë politike e pamundur dhe fakti që ka tentuar ndaj liderit absolut, ka humbur ndjesitë politike. Kosova ka nevojë për politikan jo për lider, e kishte një lider i cili vdiq.

KosovaPress: Si e shikoni qeverisjen që kërkon të ofrojë koalicioni LDK-AAK-Nisma, krahasuar me 'qeverisjen Thaçi'?

Ngjela: Po ta shikosh në funksion të historisë perëndimore, natyrisht që liqeni është më i mirë se këneta, domethënë që ujërat e ndenjura nuk kanë ndonjë vlerë të madhe. Por kjo nuk do të thotë që edhe këta që mund të vijnë pas një stanjacioni politik, të jenë më të mirë, dhe do ta shikojmë që në muajt e parë të qeverisjes./Intervistoi: Entela Duraj/
http://www.kosovapress.com/sq/interv...inaj-35-19800/

[Llapi]

Gjermania shuan shpresat e opozitës

Njëri prej njerëzve kryesor të kancelares gjermane, Angela Merkelit, Andreas Schockenhoff, është takuar sot me liderët e partive politike, ku ka biseduar për zhvillimet aktuale në vend. Ai i ka kërkuar prerazi Isa Mustafës dhe Ramush Haradinaj se dialogu me Serbinë duhet të vazhdoi dhe po ashtu duhet të implementohen dhe të zbatohen marrëveshjet e arritura deri më tani me Serbinë.

“Ne kërkojmëqë të vazhdojë dialogu, implementimi dhe zbatimi i marrëveshjeve me Serbinë”, ka thënë i dërguari i Merkelit, Schockenhoff.

Me këtë deklarim të gjermanit, bie poshtë ambicia e Lëvizjet Vetëvendosje që t’i bashkohet qeverisë, nëse liderët e partive tjera heqin dorë nga dialogu me Serbinë.

LDK-AAK-NISMA kanë shpresuar se prapa do të kenë Lëvizjen Vetëvendosje, por si duket gjerat nuk do të shkojnë sipas parashikimeve të tyre.

Po jo vetëm kaq, opozita tani bëri të ditur se prapa saj nuk qëndrojnë as partitë minoritare, pasi që liderët në takim kërkuan nga Gjermania ndihmë për t’i bindur pakicat për t’u bërë pjesë e koalicionit për formimin e Qeverisë.

Me këtë konstatohet se blloku opozitar nuk e ka prapa as Lëvizjen Vetëvendosje e as minoritetet, pa të cilat nuk mund të formohet as qeveria e re.

I deleguari i Merkelit sot ka pasur takim edhe me kryeministrin e vendit Hashim Thaçi me të cilin ka biseduar për të ardhmen e Kosovës.

Burimet e publiku.net brenda takimit kanë thënë se gjermanët kanë kërkuar nga kryeministri një Qeveri me stabilitet të lartë e cila do të ishte përgjegjëse në vendimmarrje dhe ku pakicat do të ndiheshin rehat.

Me vizitën e Andreas Schockenhoff në Kosovë është fuqizuar raporti ndërmjet Kosovës dhe Gjermanisë. Kjo e fundit para pak ditë i ka dërguar ftesë kryeministrit Hashim Thaçi që ta vizitojë Berlinin për një takim të nivelit të lartë që do të mbahet në muajin gusht.

Duket hapur që gjermanët e duan qeverinë e ardhshme me mbështeteje të gjerë të vendimarrjes kur kihet parasush se viti që po vjen është viti që nuk mund t’I përmbush detyrimet dhe përgjegjësit institucionale kushtutuese pa një konsensues të gjerë. Ndonëse nuk u tha hapur, Lidhja Demokratike e Kosovës tashmë e ka marrë ‘këshillën’ për të mos hyrë në avantura të njerëzve që ende jetojnë dhe veprojnë me standarde të rrethanave të njerëzve ‘të mbyllur’ dhe pa mbështetje demokratike për të dejtuar procese me peshë shtetërore të vendit.

[Llapi]

Doris Pack: LDK-ja dhe partitë tjera opozitare po e kthejnë Kosovën prapa

Eurodeputetja gjermane, njëherësh mikja e dëshmuar e Kosovës, Doris Pack, është deklaruar lidhur me zhvillimet politike paszgjedhore në Kosovë.

Ajo ka shkruar në llogarinë e saj në rrjetin social “Twitter”, se Lidhja Demokratike e Kosovës dhe partitë tjera opozitare të koalicionit paszgjedhor nuk janë të vetëdijshme se me veprimet e tyre po e kthejnë Kosovën prapa.

Pack njihet për qëndrimin e saj afirmativ për Kosovën para luftës dhe për aspiratat e saj euroatlantike pas shpalljes së pavarësisë.

Si mbështetëse e fuqishme e integrimit të Kosovës në Bashkimin Evropian, Pack i është bashkuar krerëve të shteteve lidere të BE-së dhe Shteteve të Bashkuara të Amerikës të cilët i kanë bërë ftesë spektrik të gjerë politik të Kosovës që, pas marrjes së dritës jeshile për procesin e Stabilizim-Asociimit, të avancojnë dialogun në Bruksel për të rrugëtuar sigurt drejt integrimit në BE.

[Llapi]

A po prishet loja?

Vendimi i presidentes për të kërkuar sqarim nga Gjykata Kushtetuese lidhur me përputhshmërinë e nenit 84 pika 14 dhe nenit 95 të Kushtetutës së vendit do të qartësojë saktë interpretimin që u është bërë këto ditë këtyre dy neneve të Kushtetutës. Nëse Gjykata Kushtetuese sqaron se përputhshmëria e këtyre dy neneve të Kushtetutës do të thotë sa mandatari për formimin e qeverisë së re në të dy rastet i takon partisë që i ka fituar zgjedhjet, atëherë prishet e tërë loja e partive politike që po pretendojnë që të jenë ato që duhet ta formojnë qeverinë e re, edhe pse tash po vërehet se nuk i kanë as numrat e nevojshëm për ta formuar qeverinë