Mareveshja politike: LDK + AAK + Nisma ne pushtet, PDK ne opozite

[Llapi]

Hashim Thaçi ia ofron postin e Kryeministrit Fatmir Sejdiut



Hashim Thaçi ka bërë një plan dinak për të mbetur edhe më tutje në pushtet. Dhe, në këto synime atij i ka ardhur në ndihmë Fatmir Sejdiu, ish-Kryetari i LDK’së që kishte qenë shërbëtor i tij besnik gjatë qeverisjes PDK-LDK.
Burime të Gazetës Express thonë se Thaçi ia ka ofruar Sejdiut postin e Kryeministrit.

“Hashim Thaçi dhe Fatmir Sejdiu janë takuar këto ditë dhe Thaçi ia ka ofruar atij postin e Kryeministrit. Plani është që Sejdiu të marrë me vete edhe 7-8 deputetë të LDK’së, menjëherë pas certifikimit të rezultateve nga ana e KQZ’së”, ka thënë një burim i Gazetës Express.

Express ka kontaktuar zyrtarë të LDK’së dhe ata shfaqen të bindur se e kanë në kontroll plotësisht grupin parlamentar, derisa lojërat e Fatmir Sejdiut me Hashim Thaçin i konsiderojnë tradhtitë e radhës së Kryetarit të Nderit.

http://botasot.info/zgjedhjet-2014/3...atmir-sejdiut/

Sejdiu ishte për pushime në Turqi, nuk u takua me Thaçin
Publikuar: 17.06.2014 - 17:47


Ish-presidenti Fatmir Sejdiu ka qenë javën e kaluar me familje për pushime në Turqi, derisa emri i tij lakohej në media si kandidat i mundshëm për kryeministër të Kosovës.

Sipas burimeve të gazetës “Zëri”, Sejdiu të martën e kaluar ka shkuar në Antalya të Turqisë me bashkëshorten, ndërsa sot në mëngjes është kthyer nga pushimet.

Mediet kosovare këto ditë kanë raportuar se lideri i PDK-së, Hashim Thaçi, ia ka ofruar postin e kryeministrit.

“Hashim Thaçi dhe Fatmir Sejdiu janë takuar këto ditë dhe Thaçi ia ka ofruar atij postin e Kryeministrit. Plani është që Sejdiu të marrë me vete edhe 7-8 deputetë të LDK’së, menjëherë pas certifikimit të rezultateve nga ana e KQZ’së”, kanë raportuar mediet.

Edhe Sejdiu ka mohuar çdo përfshirje në kalkulimet politike për krijimin e qeverisë së re kosovare. /Zëri/

[Antiproanti]

Numërohen edhe votat e dyshimta nga Serbia, PDK e AKR kthehen në QNR



Pavarësisht pse vëzhguesit e Lidhjes Demokratike të Kosovës, ata të Aleancës për Ardhmërinë e Kosovës, të Vetëvendosjes dhe ata të Nismës për Kosovën e kanë braktisur Qendrën e Numërimit dhe të Rezultateve, janë duke u proceduar mbi 10 mijë vota që kanë ardhur nga Serbia përmes postës e që dyshohet se janë të falsifikuara.

Burime të Gazetës Blic brenda QNR-së kanë thënë se, është duke vazhduar edhe numërimi i këtyre votave që kanë ardhur nga Serbia e që janë të pavlefshme për faktin se 90 për qind e këtyre fletëvotimeve janë të shkruara nga i njëjti laps, nga e njëjta dorë. “Nëse i shikoni këto fletëvotime, do të shihni se shumica janë të njëjta, sikurse të jetë plotësuar një fletëvotim dhe të tjerat të jenë të skanuara. Thjeshtë janë vota të dyshuara”, ka thënë ky burim.

Sipas këtij burimi, vetëm vëzhguesit e PDK-së dhe ata të AKR-së janë duke qëndruar në QNR, dhe janë duke lejuar që të procedohet tutje me numërimin e këtyre votave.

Gazeta Blic gjatë ditës ka raportuar se si po tentohet që përmes rrëzimit të Nismës për Kosovën ta prishë koalicionin LDK- AAK- Nisma. Këtë është duke u munduar që të realizoj përmes Listës Srpska. Lajmin e ka bërë të ditur një burim, i Gazetës Blic brenda QNR-së. “Thuajse të gjitha votat e Listës Srpska janë të pavlefshme. Të gjitha janë të shkruara me një laps dhe me të njëjtën dorë”, ka thënë ky burim.

Në QNR janë duke u munduar që këto vota të pavlefshme që kanë ardhur nga Serbia, t’i fusin në numërim, duke u rritur kështu pragu, dhe kësisoj të bie Nisma.

http://gazetablic.com/numerohen-edhe...thehen-ne-qnr/

[Antiproanti]

Enver Hasani qartëson: Qeveria formohet me 50 plus 1 për qind të deputetëve




Kryetari i Gjykatës Kushtetuese , pa folur për nenin (95) që përcakton formimin e Qeverisë, ka thënë se kudo në botë Qeveria formohet me 50 plus 1 për qind të deputetëve.

Kjo praktikë është kudo në botë, ka thënë Hasani .


Zmbrapset Hasani: Kushtetuesja nuk kontrollon marrëveshjet politike

Kryetari i Gjykatës Kushtetuese, Enver Hasani, thotë se institucioni që ai drejton është “viktimë” në gjithë situatën e krijuar politike në vend. Në emisionin “Rubikon” të KTV-së, Hasani tha se Gjykata Kushtetuese nuk ka mandat për të bërë kontrollin e marrëveshjeve politike.

“Është një proces që zhvillohet në të gjitha vendet demokratike. Sa i përket pozicionit të Gjykatës Kushtetuese, është folur aq shpesh për të, thuajse kemi qenë palë në këtë situatë”, ka thënë Hasani.

“Gjykata Kushtetuese e Kosovës nuk ka mandat për të bërë kontrollin e marrëveshjeve politike. Këtë situatë e shoh si çdo qytetar i Kosovës”, tha ai, citon express.

E quajti absurd involvimin e Gjykatës Kushtetuese në këtë situatë.

“Ka qenë absurd i llojit të vet involvimi i Gjykatës në këtë situatë”, ka thënë ai. /Telegrafi/

http://gazetablic.com/enver-hasani-q...te-deputeteve/

[Llapi]

Enver Hasani ja humb shpresën Haradinajt për t’u bërë kryeministër

17.06.2014 20:55

Kryetari i Gjykatës Kushtetuese të Kosovës, Enver Hasani indirekt ua ka bërë të qartë Isa Mustafës, Ramush Haradinajt dhe Fatmir Limajt, se e kanë të pamundur ta qojnë përpara koalicionin e tyre paszgjedhor, për ta lënë në opozitë PDK-në si fituese të zgjedhjeve.

Ai i ftuar në emisionin Rubikon në KTV nuk ka pranuar në asnjë moment të komentojë situatën aktuale kontestuese rreth asaj se kush ka të drejtë ta bëjë qeverinë e pas zgjedhjeve të 8 qershorit.

Këtë e ka arsyetuar sipas tij me mundësinë potenciale që kjo situatë do të kërkohet të sqarohet nga Gjykata Kushtetuese, dhe ai nuk ka dashur të jap mendim para se atë ta bëjë institucioni i cili mbron normën më të lartë juridike më të lartë në vend, kushtetutën.

Por në një situatë gjatë intervistës, kur moderatori ka marrë shembull vendet të cilat kanë krijuar qeveri duke lënë partinë fituese në opozitë, sikurse janë Luksenburgu, Sllovenia, Serbia dhe të tjera, kryetari Hasani, indirekt ka lënë të kuptohet, se Kushtetuta aktuale e Kosovës nuk hynë në grupin e sistemit kushtetues të këtyre vendeve.

Ai ka thënë Korniza Kushtetuese, që ka qenë dokumenti juridik më i lartë i vendit, para se të krijohej Kushtetuta e Republikës së Kosovës, ka qenë shumë e ngjashme me grupin e kushtetutave që sot e ka psh Serbia.

Por kushtetuta aktuale e vendit, sipas Hasanit, hyn në grup krejt tjetër, i kundërt me ato të cilat u përmendën.

Pavarësisht se ai nuk ka dashur të komentojë situatën aktuale kontestuese rreth të drejtës se kush ka të drejtë ta bëjë qeverinë në vend, ai indirekt ka lënë të kuptohet se kjo kushtetutë që ka aktualisht Kosova, ua bënë të pamundur grupimit opozitar që ta jetësojnë koalicionin e tyre paszgjedhor. (Reporteri.net)

[Llapi]

Papërgjegjësia e opozitës
Lidhja Demokratike e Kosovës, Aleanca për Ardhmërinë e Kosovës dhe NISMA po bëjnë luftë të pasinqertë, vetëm për të mbijetuar edhe pak në skenën politike. Si pasojë e humbjes përballë Hashim Thaçit, të tre opozitarët, Isa Mustafa, Ramush Haradinaj dhe Fatmir Limaj, filluan të mos ndihen rehat brenda lëvozhgës së tyre. Dorëheqja ose pranimi si burrat i rezultatit zgjedhor do të ishte akt moral, njëherit edhe përgjegjësi ndaj elektoratit që i votoi. Më 8 qershor, u tmerruan, sepse humbën shpresat se do të fitojnë ndonjëherë përballë Hashim Thaçit

Më 8 qershor, përfundoi ëndrra e Isa Mustafës dhe e Ramush Haradinajt për kryeministër dhe në dëshpërim e sipër dhe nën arrogancën e një lloji të pashembullt, zgjodhën që më parë ta fusin vendin në krizë politike, sesa t’i lënë në dorë Hashim Thaçit edhe një mandat që i besuan qytetarët. U ngutën që ta bëjnë të madhe këtë punën e koalicionit, ende pa pasur rezultatet preliminare, çka u duk se shpëtuan nga përgjegjësia morale, u duk se shpëtuan nga kritikat që mund t’i vinin gjithandej elektoratit. Në natën e 10 qershorit elektorati u ndez, fishkëlloi, doli të festojë një fitore të paqenë. Këta liderë opozitarë humbës, nëpër skuta të kafeneve të Prishtinës u shprehën që të paktën i bëmë elektoratin të ndihen fitues!! Në këto çaste lavdie të rreme, të tre liderët e opozitës ishin më të verbër se kurrë, ngase këtu nisi fundosja e tyre politike. Isa Mustafa, në mëngjesin e 9 qershorit, duhet ta ketë parë të zbehtë imazhin e vetes, një imazh që do t’i vërtitej kudo që ai të shkonte, një imazh i thyer, një imazh që nuk mundi ta pranonte. Duket së në ato çaste u vu para dy dilemave, ose të tërhiqet nga skena politike ose të bëhet pjesë e një loje të ndyrë, aspak burrërore. Ai zgjodhi të dytën për të shpëtuar veten e tij, por jo edhe partinë të cilën e përfaqëson. LDK-ja do të shpëtonte nëse Isa Mustafa do të jepte dorëheqje nga pozita e të parit të LDK-së. Por, asgjë në botë nuk mund ta shpëtojë Isa Mustafën. Kjo me gjasë do të vërtetohet në zgjedhjet e brendshme të Lidhjes Demokratike të Kosovës në shtator të këtij viti. Isa Mustafa, në cilësinë e kryetarit të Prishtinës nuk e bëri Prishtinën metropol ashtu siç i kishte premtuar elektoratit, në cilësinë e kryetarit të Lidhjes Demokratike të Kosovës nuk e nxori LDK-në partinë e parë. Fjalëve të Isa Mustafës në fushatën zgjedhore të këtij viti zor t’i kanë besuar edhe vetë zyrtarët e LDK-së. Askujt nuk i mbushet mendja se i ka bindur ata kur thoshte se LDK-ja do t’i fitojë zgjedhjet! Kjo u pa sidomos pas mbylljes së votimeve, kur në mes të kandidatëve për deputetë, filloi gjahu i vjedhjes së votave. Dukej se ishte një “gjah” i ashpër për një vend deputeti, përzier me frikë, ishte një mosbesim, një tundim, një reflektim shumë real për humbjen e zgjedhjeve. Ndërkaq, disa nga ta priten përfundimin e rezultatit zgjedhor, për të shprehur krejt atë që kishin ndërmend t’i thoshin një garniture të vjetër të kryesisë së LDK-së, me në krye Isa Mustafën. T’i pështynin në surrat një elite politike të plakur e të dështuar. I pari që foli ishte Bajrush Morina, kandidati për deputet i LDK-së. Ai tha se atij po i vidhen votat nga bashkëpartiakët. Një lajm të ngjashëm për vjedhje votash e dhanë edhe mediat disa ditë më vonë, të cilat raportuan se në “qytykun e votytave” të Teuta Rugovës, të bijës së presidentit Ibrahim Rugova, i kanë futur duart hajnat e LDK-së, të cilët kanë paka gjasa të futen në Kuvend. As njëri-tjetrit nuk i besojnë më. Janë bërë si ujqit! Janë të dëshpëruar, të zhgënjyer. Janë një kastë e pashpresë që po kërkojnë, ose do të kërkojnë kokën e Isa Mustafës! Dikush dëshiron ta reformojë LDK-në e jo ta lerë në duart e një njeriu që ka dështuar në menaxhimin e situatave, që në vend të veprave ka dhënë premtime boshe dhe larg realitetit që ndryshe shihej e prekej. Kjo nuk është më e keqja, pasi lajme të këqija kanë filluar të vijnë në adresë të Isa Mustafës: pakënaqësi brenda subjektit politik të Lidhjes Demokratike të Kosovës. Por pakënaqësitë kanë nisur më herët, duke e ndjerë nevojën për reformim të LDK-së. I pari që foli për ristrukturim të kësaj partie ishte Naser Rugova. “Sot është një ditë për të shikuar drejt të ardhmes dhe për të filluar punën për një të nesërme më të mirë. Sot është një ditë për të reflektuar, sepse elektorati asnjëherë nuk ka faj: Kemi faj ne që nuk kemi ditur ta fitojmë besimin e tyre. Sot nuk është as edhe ditë për të uruar “fitore të pastër”. Është e vërtetë se rezultati është ky që është (padyshim është fitore e PDK-së), Sot, po ashtu nuk është një ditë për të kërkuar fajtor dhe për të filluar valë akuzash ndaj njëri – tjetrit. Gjëja më e lehtë është që ta kërkojmë “kokën e turkut” dhe që dështimin ta lidhim me një emër të caktuar. Përgjegjësia qëndron në një garniturë të tërë, që në këtë fushatë e përçoi mesazhin e pagjakësisë, arrogancës dhe mendjemadhësisë, logjikës së përjashtimit, vetëkënaqjes, ngufatjes së gjakut të ri dhe bllokimit të brezit të ri dhe të mesëm të partisë. Këto zgjedhje tregojnë se nuk është dënuar LDK-ja, por është dënuar kjo garniturë, sepse elektorati thjesht më nuk beson se këta individë kanë më diçka për të ofruar”, kishte shkruar Naser Rugova në profilin e tij në facebook. Situata e krijuar kësisoj si duket i ka futur lepurin në bark Isa Mustafës, duke e ngutur që të pranojë koalicionin me AAK-në dhe NISMËN. Kjo, ngutje jo që i ndihmoi, por veç sa i ka rritur pakënaqësitë brenda LDK-së, anëtarët e të cilit subjekt politik në ditët në vijim, do të nxjerrin kokën një nga një. Donika Gërvalla, nga Lidhja Demokratike e Kosovës, është ajo që ka kritikuar më së shumti partinë e saj me në krye ish-ministrin e Rrahman Morinës, Isa Mustafës. “Pyes veten dhe kryesinë e LDK-së, se si po e përjetojnë "zgjidhjen" e djeshme rreth qeverisjes së ardhshme familjarët e udhëheqësve dhe veprimtarëve të LDK, të vrarë pas lufte nga bandat kriminale, vetëm për shkak të veprimtarisë dhe bindjeve të tyre politike. A thua vërtet pushteti të jetë gjithçka”, ka shkruar Gërvalla në facebook. Gërvalla, po ashtu një ditë më herët ka thënë se Isa Mustafa nuk mund të mbetet kryetar i LDK-së. “Isa Mustafa e ka shitur shpirtin e LDK-së dhe parimet e saj. Në këtë mënyrë ai ka shitur edhe një pjesë të shpirtit të Kosovës. Ai është përgjegjës për humbjen e zgjedhjeve, për një strategji të gabuar dhe për gabime fatale në analizimin e shkaqeve dhe pasojave të humbjes. Isa Mustafa para zgjedhjeve pati premtuar që në rast humbjeje do të japë dorëheqje. Edhe këtë premtim e ka shkelur. Isa Mustafa ka mbaruar. Autoriteti i tij edhe ashtu i vogël brenda LDK-së është thyer. Anëtarët e LDK-së dhe votuesit e saj nuk do ta ndjekin në këtë rrugë. Isa Mustafa ka dështuar si kryetar i Lidhjes Demokratike të Kosovës dhe duhet të shkojë urgjentisht, së bashku me ekipin e tij të ngushtë, i cili është bashkëpërgjegjës për strategjinë para dhe pas zgjedhjeve”, ka shkruar Donika Gërvalla. Kjo tregon se në ç’tmerr ka qenë Isa Mustafa kur ka kuptuar edhe një dështim tjetër, edhe humbjen e Kosovës pas Prishtinës. Kjo tregon më së miri luftën prej arroganti të Isa Mustafës. Isa Mustafa u tregua tepër frikacak. Frikacak, sepse nuk qe në gjendje të ballafaqohet me partiakët e tij. Frikacak, sepse nuk mundi dot të përballet me votuesit e tij. Frikacak për veten e tij dhe fytyrën e tij. Atij aq i bën nëse vendi futet në krizë politike ose jo. Lëkura e tij ka shumë gjasa të bjerë në zgjedhjet e brendshme të LDK-së në vjeshtë dhe krejt karriera e tij politike do të mbahet mend si një kujtim i keq, i një njeriu që nuk arriti të menaxhojë si duhet kryeqytetin, por as partinë e tij politike. Një kujtim që do ta ndjekë pas ish-zyrtarin e sistemit jugosllav, ngase pati shansin që në momentet e duhura të tregojë burrërinë dhe seriozitetin e tij. Së fundi të tre liderët i dhanë një mundësi të artë Vetëvendosjes për të dominuar opozitën e vendit. Ata u futën grushtin e Albinit duke menduar se shpëtuan nga hija e tyre prej frikacakësh. Pra të tretë, do të ishin treguar më burra po të kishin pranuar humbjen, sesa të manovrojnë për të shpëtuar “lëkurën” e tyre duke u shitur si triumfues ndaj Hashim Thaçit.

[Antiproanti]

Gazeta Blic sjell rezultatet e kutive të para: S’ka shpresa për AKR-në!

Takimi “bombastik” ndërmjet kryetarit të AKR-së, Behgjet Pacolli dhe atij të PDK-së, Hashim Thaçi, që u zhvillua sot, mund të shkoj “huq”. Madje, edhe koalicioni i paralajmëruar ndërmjet dy liderëve mund të “digjet”, për faktin, se në 20 kutitë e para të numëruara, votat me kusht, nuk po shkojnë vetëm për AKR-në e Behgjet Pacollit, por po shpërndahen në mënyrë proporcionale, dhe kësisoj ia zbeh shpresat e kësaj partie që ta kaloj pragun dhe të hyjë në koalicion me PDK-në e Hashim Thaçit.

Siç ka mësuar Gazeta Blic nga burime të saja brenda QNR-së, nga 20 kutitë e para të numëruara të votave me kusht, prinë Partia Demokratike e Kosovës me 900 vota. Si partia e dytë që ka marrë më së shumti vota është AAK-ja me 400 vota, LDK-ja me 350 vota, VV-ja me 300 vota, AKR-ja me 200 vota dhe Nisma për Kosovën mbi 120 vota.

Ndërkohë, një burim tjetër i Gazetës Blic, brenda KQZ-së ka bërë të ditur se këto rezultate nuk mund të ndikojnë në futjen e AKR-së në Kuvend, për faktin se votat po shpërndahen në mënyrë proporcionale. “AKR-së për të hyrë në Kuvend i duhen rreth 3 mijë vota, me kusht që partitë tjera, të mos e marrë as edhe një votë, apo shumë pak vota. Prandaj, duke e pas parasysh se edhe votat me kusht janë pothuajse proporcionalisht të ndara ndërmjet partive, s’ka shpresa për AKR-në”, ka thënë burimi i gazetës.

Ndryshe, gjatë ditës së djeshme janë numëruar edhe votat me postë. Shumica e këtyre votave, kanë qenë nga Serbia, dhe kanë shkuar për Listën Srpska. Gazeta Blic ka raportuar se si po mundohen që përmes manipulimit të këtyre votave të rrëzohet Nisma për Kosovën dhe kësisoj të prishet koalicioni i arritur ndërmjet LDK-së, AAK-së e Nismës dhe PDK ta bëjë pastaj qeverinë.

Për shkak të këtyre votave me postë që konsiderohen se janë të dyshimta, vëzhguesit e LDK-së, AAK-së, Vetëvendosjes dhe të Nismës për Kosovën e kanë braktisur QNR-në dhe kanë bërë ankesë në PZAP, për shkak se dyshojnë se këto vota janë të manipuluara, janë të shkruara nga e njëjta dorë, nga i njëjti laps, dhe shumë prej këtyre votave dyshohet se janë skanuar.

http://gazetablic.com/gazeta-blic-sj...sa-per-akr-ne/

[Antiproanti]

Ekskluzive: Ja çka u bisedua ndërmjet Ramush Haradinajt e ambasadorit gjerman, Blomeyer!



Kryetari i Aleancës për Ardhmërinë e Kosovës, Ramush Haradinaj, njëherësh edhe i nominuari për kryeministër i koalicionit LDK- AAK- Nisma, ka marrë mbështetjen e ambasadorit gjerman, Peter Blomeyer për të qenë kryeministër i ardhshëm i Kosovës. Kushti i vetëm i diplomatit gjerman, është vazhdimi i dialogut me Serbinë.

Kështu ka bërë të ditur për Gazetën Blic një burim i afërt me takimin e zhvilluar sot ndërmjet kreut të AAK-së, Ramush Haradinajt e ambasadorit gjerman Peter Blomeyer.

Sipas këtij burimi, ambasadori gjerman e ka parë si pjekuri politik marrëveshjen e arritur ndërmjet LDK-së, AAK-së e Nismës për Kosovën.

“Ambasadori ka thënë se pret nga Ramush Haradinaj bashkëpunim në agjendat e përbashkëta”, ka thënë burimi i Gazetës Blic.

Ndërkohë, në një njoftim të lëshuar për medie nga AAK thuhet se kryetari i Aleancës për Ardhmërinë e Kosovës (AAK), Ramush Haradinaj, ka pritur sot në takim ambasadorin gjerman në Kosovë, Peter Blomeyer.

Gjatë këtij takimi është biseduar rreth zgjedhjeve të mbajtura më 8 qershor në Kosovë, të cilat u cilësuan si të rregullta dhe demokratike.

Haradinaj dhe Blomeyer diskutuan edhe rreth marrëveshjes së koalicionit qeverisës si për dhe planin qeverisës, thuhet në njoftim.

http://gazetablic.com/ekskluzive-ja-...rman-blomeyer/

[Llapi]

NISMA mund t’i bashkohet PDK-së në qeverisje
21:31 / E mërkurë, 18 Qershor 2014


Partia Demokratike e Kosovës, e cila qeverisë që nga 2007-ta, përkundër ndarjes së dy prej themeluesve të saj dhe krijimit të një subjekti të ri politik, doli shumë mirë edhe në këto zgjedhje. Teoria, se partitë që qeverisin prodhojnë më shumë pakënaqësi, si duket nuk vlen edhe për këtë subjekt politik. Në vitin 2010’të, së bashku me themeluesit e tashëm të Nismës, kjo parti kishte vetëm 32.11 për qind.

Ndërsa, tash nëse mblidhen votat e këtyre dy subjekteve, sepse dihet që NISMA ka marrë vota nga elektorati i rritur i PDK-së, del se vetëm çfarë është shtuar besimi tek krahu i luftës dhe së bashku mund të kishin 35,94 për qind ose 43 deputetë.

Një bashkëpunim ndërmjet ish-themeluesve të PDK-së dhe “shokëve” të hershëm, shihet i natyrshëm edhe nga zyrtarët e dyja partive. Madje, këtë nuk kanë hezituar ta pranojnë hapur edhe vet themeluesit e tyre.

“Ne, edhe pse kohë pas kohe është dashur ta ashpërsojmë gjuhën ndaj PDK-së për t’i dërguar mesazhe politike elektoratit, nuk jemi kundër një koalicioni për krijimin e qeverisë me PDK-në. As vet Fatmiri dhe Jakupi nuk janë kundër, por tash janë pjesë e një marrëveshje politike dhe duhet t’i qëndrojnë pas derisa të zhvlerësohet, sepse edhe vetëm me PDK-në dhe minoritetet mund të krijohet Qeveria”, thotë një anëtar i kryesisë së NISMA-s, në kushte anonimiteti, transmeton ORAinfo.

Sipas tij, ekziston edhe një presion i brendshëm nga kryesia dhe anëtarësia e dy subjekteve politike, që të krijohet së bashku Qeveria, por një gjë e tillë, për momentin është duke u kundërshtuar nga Limaj dhe Krasniqi. /ORAinfo/

[Antiproanti]

Olivie: Ai që ka 61 vota, ai formon qeverinë!



I sh-Shefi i Shtyllës së Parë të UNMIK-ut, Alexander Borg Olivie, tani avokat ndërkombëtar, thotë se Kushtetuta e Kosovës është e qartë: ai që ka 61 vota, duhet të formojë qeverinë e ardhshme.

Olivie, në një intervistë për RTV21, ka bërë thirrje që presidentja të mos humbet kohë për të mandatuar dikë tjetër!

“Në kushtetutë qartësohet se pas zgjedhjeve, fillimisht rezultatet duhet të certifikohen nga Komisioni Qendror i Zgjedhjeve. Pse është kjo e rëndësishme? Për shkak se në Kosovës sistemi juaj i qeverisjes bazohet në demokracinë parlamentare dhe sovraniteti për qeverisje bazohet në Kuvendin e Kosovës, nëpërmjet përfaqësuesve të zgjedhur. Vetëm pasi të keni rezultatet zyrtare, të certifikuara nga KQZ-ja mund të dihet përbërja e Kuvendit të Kosovës dhe ku shtrihet fuqia dhe përkrahja e domosdoshme për formimin e Qeverisë dhe emërimin dhe zgjedhjen e Institucioneve”, ka thënë ajo.

Sipas tij, presidentja me gjasë është nën trysni, meqë ka para vetës pretendime konkurruese për atë se kush duhet të emërohet kandidat për kryeministër.

“Në Kushtetutë thuhet se presidenti duhet të zhvillojë konsultime me partitë politike apo koalicionet. Në Kushtetutë nuk thuhet se a duhet të formohen këto koalicione, para apo paszgjedhore. Kushtetuta është mjaft e heshtur në lidhje me këtë çështje në nenin 95. Në të vetëm thuhet se presidenti duhet të zhvillojë konsultime dhe pas këtyre konsultimeve, presidenti propozon kandidatin për kryeministër. Dhe, ekzistojnë disa dallime në togfjalëshin në nenin 84, pasi që në këtë nën, në paragrafin 14, thuhet se presidenti, pas propozimeve që merr nga partitë politike apo koalicionet, duhet të propozojë kandidatin për kryeministër dhe më pas ju e dini se çfarë duhet të bëjë ai kandidat”, thotë ai.

“Kandidati për kryeministër duhet të propozojë formimin e qeverisë, e më pas ky propozim i paraqitet Parlamentit dhe ai voton për të. Dhe, nëse propozimi ka shumicën e domosdoshme, pra kjo nënkupton 61 vota, atëherë ai miratohet dhe e keni Qeverinë. Nëse nuk ka 61 vota, atëherë ekziston procedura tjetër e cila duhet të ndiqet. Presidenti duhet të ftojë një kandidat tjetër për kryeministër, që të bëjë përpjekje të propozojë një përbërje tjetër të qeverisë. Atëherë do të shkohet herën e dytë para Parlamentit dhe nëse as këtë radhë nuk miratohet propozimi, atëherë Kushtetuta është tejet e qartë, pasi që i ofron presidentit mundësinë që të shpall zgjedhjet e reja të cilat duhet të mbahen brenda 40 ditësh që nga momenti i shpalljes së tyre”.

Sipas tij, në një demokraci parlamentare ai që ka fuqinë në Parlament për të formuar qeverinë, ai ka edhe autoritetin për ta bërë këtë. /RTV21/

http://www.telegrafi.com/lajme/olivi...e-2-46760.html

[Antiproanti]

Qe, në dorë të kujt ka ra Ramush Haradinaj...

Kimete Berisha



Presidentja Jahjaga e autorizoi Gjykatën Kushtetuese të Enver Hasanit që ta 'mandatojë' qeverinë e re, meqenëse Presidentja ende nuk i ka të qarta kompetencat e saj, të shkruara shqip në Kushtetutë.

Fatlume siç është, Presidenten me automatizëm e përkrahu Ambasadorja Amerikane që ta largojë nga vetja përgjegjësinë, e t'ia lë fajin mëkatarit Enver Hasani.

Po Enver Hasani nuk është në gjendje ta gjykojë objektivisht këtë situatë, meqenëse është në pyetje 'armiku' i tij Ramush Haradinaj, normal që aty vijnë në shprehje emocionet, e s'mund të ketë vendim të drejtë.

Pra, Enver Hasani ka konflikt interesi kur bëhet fjalë për Ramush Haradinajn, të cilin e ka apostrofuar gjatë përpilimit të disa mesazheve përdhunuese, sadiste dhe perverse, dedikuar profesor Shemsi Reçicës, i cili më 25.12.2008 këtë ditë të kobshme për të guxoi dhe e botoi një shkrim kundër Enver Hasanit me titull “Rraskapitja e Universitetit Publik’.

Enveri, i nervozuar që Reçica e përdori cilësorin “ i rraskapitur” për UP-në që e sundonte vet, ndërmori një ofenzivë të fuqishme telefonike dhe e sulmoi Shemsiun me dhjetëra sms, duke ia lejuar vetes që të përdor e keqpërdor edhe emrin e Ramush Haradinajt, tash i nominuar për Kryeministër nga blloku opozitar.

'Shemsi lopa, si je me disponim…Kallxoj babës si *** i madh që je kur don me doktorrue. Nashta po ma kupton GUHEN shqipe se nuk po muj me fol gjith si intelektualët e qiftit tan (gati kesh kah tham me të q…ty, po nuk jam si ti peder se ma kishe dasht me te q…Qi nuk merr vesh, thuej Ramush Haradinit e na pushit at senin dyve përnjëherë që mos me u lodh ti. Qi nuk don Ramushi, i thojna Blerim Shals me na nimue”.

Me t’i marrë këto sms, profesori Shemsi Reçica i lemeritur e lajmëron rastin në polici, ngre padi private ndaj Enverit, po Enveri ishte mësuar me padi. Gjykata komunale e Prishtinës kish vendosur kundër tij në rastin “Paca”, ndërsa Gjykata e Qarkut kish vendosur kundër tij në “rastin Aliu”. Enver Hasani ishte akuzuar për keqpërdorim të detyrës zyrtare dhe për falsifikim të dokumenteve zyrtare.

Pasi që e kupton se Reçica ka ngre padi private kundër tij (5.Mars 2009), Enveri tërbohet në ekstrem, dhe ndërmerr sms-ofensivën përfundimtare kundër tij.

Edhe në ofensivën e dytë Enver Hasani asnjëherë nuk e heq jashtëqitjen nga goja!
I shkruan:
“Lopë, a paske ba padi a? Qyqan i ***** je. I tille kije me qene tan jeten. Ama kije me hup gjyqin e masandej kije me vazhdu me pushit k… tem, te Ramushit dhe te Blerim Shales. Kije me marr vesh sa i fort asht Baba ne kete shoqni. Kam me ti pi dhambet.
Ti nuk ke pas kundershtar ma te fort. Je mesue me pishpirika more ***, kam me ta q* nanen more ***. I vogel je ti per Baben. Ne anderr ke me me pa po ta jap besen more injorant muti” .

P.S. Enver Hasani e ka Gjykatën Kushtetuese si OJQ të veten, dhe Ramushit do t'i tregojë edhe njëherë se kush është 'baba' në këtë vend!

Marrë nga blogu i saj facebook
http://botasot.info/opinione/308077/...ush-haradinaj/