Mareveshja politike: LDK + AAK + Nisma ne pushtet, PDK ne opozite

[Pirate of Love]

he t`....lejlekun e nenes, ku po me leshon te kriminellat e hajnat ?!

Hohohohooo Lej-lekja me e trente prej kreeeeeejtveeeeeeeeeeee

[Antiproanti]

200 mijë euro të pasaportave në llogarinë e vëllait të shoferit të Kadri Veselit



200 mijë euro të pasaportave biometrike kanë shkuar në llogarinë bankare të vëllait të shoferit të Kadri Veselit.

Hashim Shala nga Broliqi i Pejës akuzohet se në grup kriminal kanë përvetësuar në mënyrë të paligjshme 1.4 milionë euro të pasaportave biometrike.

Ai është vëllai i Bashkim Shalës, përcjellës dhe rojë i zëvendëskryetarit të Partisë Demokratike të Kosovës, Kadri Veseli...

http://koha.net/?id=27&l=14123

Kjo sigurisht se eshte vetem rastesi dhe nuk ka asnje lidhje me Veselin dhe poziten e tij...!
Ato te holla kane mundur te shkonin edhe ne xhirollogarine e vellait te shokut, mikut, dajes...se secilit prej nesh.

[Antiproanti]

Thaçi e ka edhe Planin "B"

Pavarësisht pse partitë opozitare kanë arritur një marrëveshje për ta formuar qeverinë e ardhshme, duke ia pamundësuar partisë së Hashim Thaçit që të mund të arrijë numrat për ta bërë qeverinë e ardhshme, PDK nuk e ka ndërmend që të ndalet.

Përmes Planit B kryeministri në largim, Hashim Thaçi do të tentoj që t’ia marrë disa deputetë Lidhjes Demokratike të Kosovës, të cilët konsiderohen si të afërt me PDK-në dhe disa të tjerë, që nuk janë edhe aq të kënaqur me koalicionin me AAK-në dhe Nismën.

Kështu ka bërë të ditur për Gazetën Blic një burim brenda PDK-së. Sipas këtij burimi, PDK është duke u munduar që t’i bëjë disi numrat, dhe ta bëjë qeverinë, në mënyrë që të mos e lejoj fare të shkoj te presidentja për nominim kandidati i koalicionit LDK-AAK-Nisma, Ramush Haradinaj.

“Ne i kemi të paktën tre ose katër deputetë të LDK-së të cilët do të na mbështesin. Emrat nuk mund t’ua them”, ka thënë ky zyrtar i lartë i PDK-së.

Armend Zemaj, është njëri nga kandidatët për deputet nga radhët e LDK-së, i cili nuk është ndarë i kënaqur me koalicionin e partisë së tij me AAK-në e Ramush Haradinajt dhe me Nismën e Fatmir Limajt.

Megjithatë, ai nuk ka deklaruar publikisht nëse do ta mbështes apo jo Ramush Haradinajn për kryeministër të Kosovës.

Pakënaqësi me këtë koalicion ka shprehur edhe Arsim Rexhepi, anëtar i LDK-së. Madje, ai ka paralajmëruar se ai dhe një pjesë e intelektualëve të LDK-së do të iniciojnë një Këshill Iniciues për themelimin e një Lidhje të Re Demokratike të Kosovës. Këtë gjë ish- deputeti i AKR-së, e ka bërë të ditur në një postim në Facebook gjatë ditës së djeshme.


Analisti politik, Shpend Kursani ka thënë se gjithcka mund të ndodh në skenën politike në Kosovë

“Natyrisht që gjithçka është e mundshme në skenën e çuditshme politike në Kosovë. Në një skenar të tillë PDK-ja duhet t’ia marr LDK-së së paku 5 deputetë në mënyrë që së bashku me 20 vendet e minoriteteve t’ia arrijë ta formoje qeverinë”, ka thënë Kursani. Megjithatë, ai thotë se vështirë të gjendet 5 deputetë të LDK-së që janë të gatshëm të bëhen pjesë e këtij transferi. “Nuk është se kjo është e pamundur, por më duket veshtirë e realizueshme pasi që LDK së bashku me këta deputetë që i ka veçse është në përparësi politike sa i përket pozicionit momental me koalicionin “anti-Thaçi”. Si rrjedhojë edhe LDK ka çka t’ju ofroj deputetëve të saj. Dhe fjala nuk është për një apo dy deputet por së paku 5. Por nëse ndodhë, kjo mbase do të ishte transferi më i madh i pazareve politike në Kosove për të mirën e sunduesit. Nuk e di kush në LDK është i gatshëm të jetë pjesë e këtij skenari jo të mirë”, ka thënë ky Kursani.

Ndërkohë, burimi i Gazetës Blic brenda PDK-së ka theksuar se në rast se do të dështoj ky plan i PDK-së që t’i marrë disa deputetë të LDK-së, atëherë PDK beson shumë se Gjykata Kushtetuese, do ta interpretoj asisoj Kushtetutën, në mënyrë që vetëm partisë, e cila ka dalë e para në zgjedhje, që në këtë rast është PDK, t’i takoj mandatari për formimin e qeverisë.

“PDK në rastin më të keq është përgatitur edhe për krijimin e një qeverie teknike, vetëm e vetëm që të mos lejoj që partitë tjera ta marrin pushtetin”, ka thënë ky burim i Gazetës Blic.

Në një intervistë që e ka dhënë për Gazetën Blic, Hajredin Kuçi ka thënë se partia e tij në çfarëdo situate do ta respektoj vendimin e Gjykatës Kushtetuese. Ai ka thënë se sido që të jetë puna, edhe në rast se partitë opozitare do ta bënin qeverinë, ata nuk do ta bojkotojnë punën e Kuvendit të Kosovës.

Kryetari i Gjykatës Kushtetuese të Kosovës, Enver Hasani në një intervistë që e ka dhënë për mediet vendore, ia ka mbajtur anën PDK-së, duke thënë se Komentari është shumë i qartë për çështjen se kujt i takon mandatari për formimin e qeverisë. Sipas këtij komentuari, partive opozitare nuk u takon e drejta që ta formojnë qeverinë.

Mirëpo, me një konstatim të tillë nuk është pajtuar Gjyljeta Mushkolaj, ish- anëtare e Gjykatës Kushtetuese të Kosovës. Ajo ka thënë se, kush i ka numrat e nevojshëm në Kuvend e formon Qeverinë. /Gazeta Blic/

http://www.telegrafi.com/lajme/thaci...b-2-46405.html

http://www.telegrafi.com/lajme/thaci...b-2-46405.html

[Antiproanti]

Jakup Krasniqi i rrezikuar me jetë, kërcënohet edhe nga Azem Syla



Krasniqi - Thaçit: Lidhi zagaret e paguar nga ti

Ish kryetari i Kuvendit ndihet i kërcënuar, dhe ka kërkuar ndihmën e policisë që të hetojë kërcënimet dhe presionet ndaj tij, të cilat vijnë nga ish komandantë. Ai thotë se po kërcënojnë e po fyejnë ish rektori Gashi, Ferat Shala e Azem Syla.

“Ti i ke lëshuar vartësit e tu për të sharë e kërcënuar çdo kundërshtar tuaj, madje në këtë fushatë të mjerë i ke lëshuar: ish rektorin Ibrahim Gashin, zv. ministrin Ferat Shalën të cilët e kanë kërcënuar Ahmet Bytyqin nga Arllati që mos të punonte për Nismën, (e ke lëshuar) edhe ish “komandantin e UÇK-së Azem Sylen për të kërkuar nga ushtarët e UÇK-së që ta kundërshtojnë koalicionin. Pse ky i fundit nuk e kundërshtoj koalicionin e kaluar? Pse disa herë votoj kundër interesit kombëtar? Pse për katër vjet nuk i është dëgjuar fjala as edhe një herë, në mbrojtje të atyre vlerave? Unë në fund po kërkoj nga institucionet e shtetit që ti përcjellin komentet në fb tim, që ta përcjellin mobilin tim dhe mesazhet që më vijnë nga banditët tuaj. Unë nuk e kam ndërmend ta ndali asnjë aktivitet timin politik, intelektual e kombëtar, përkundrazi, do ta shumëfishoj çdo aktivitet timin”, ka shkruar pak më parë ish kryetari i Kuvendit, tani i Këshillit Kombëtar të partisë NISMA.

http://botasot.info/kosova/306524/ja...nga-azem-syla/

[Antiproanti]

Nisma në shumë pika pajtohet me “Vetëvendosjen”



Jakup Krasniqi, kryetar i Këshillit Kombëtar të partisë Nisma për Kosovë, në një intervistë për “Zërin” ka theksuar se ndonëse Lëvizja “Vetëvendosje” nuk është nënshkruese e këtij koalicioni do të bisedohet me të.

“Në fund të fundit, “Vetëvendosja” duhet t’i parashtrojë kushtet me koalicionin dhe unë nuk shoh ndonjë pengesë, që të mos merren parasysh kërkesat e saj dhe të mos bisedohet për ndonjë pikë të asaj.

Ta zëmë për privatizimin e “Trepçës”, Postës, Energjetikës, nuk kemi probleme, jemi në një vijë, kurse kur flitet për bisedimet me Serbinë nuk jemi në një vijë dhe këtu mendoj që ka mundësi të bisedohet. Ne nuk jemi kundër bisedimeve, por jemi për dialog përmbajtjesorë në interes të qytetarit të Kosovës”, ka thënë Krasniqi.

Edhe lideri i AAK-së, Ramush Haradinaj po ashtu për “Zërin” ka theksuar se sa i përket numrave, tri partitë politike që janë nënshkrues të koalicionit, tashmë përbëjnë koalicionin më të madh shqiptarë, duke pasur parasysh edhe që LVV-ja nuk i jep përkrahje PDK-së.

“Kushtetuta parasheh edhe pjesëmarrjen e pakicave, dhe ne mirëpresim pakicat në Qeverinë e Kosovës. Pra, kjo është një situatë në vazhdim e sipër dhe është bukur e qëndrueshme”, ka thënë Haradinaj, duke pranuar se është i përcaktuar për një Kosovë evropiane që komunikon me fqinjët dhe që është në parimet e marrëdhënieve të mira me secilin, përfshirë edhe normalizimin e marrëdhënieve me Serbinë.

Por, në të njëjtën ditë me deklaratën e Haradinajt gjatë takimit me deputeten e Bundestagut, Marieluise Beck, lideri i VV-së Albin Kurti ka bërë të qartë se qëndron në kërkesat e tij.

Ai i ka shpjeguar këtij delegacioni kriteret themelore që Lëvizja i ka si përcaktuese për përkrahjen e Qeverisë së re, e që janë pezullimi i dialogut me Serbinë dhe zbatimit të marrëveshjeve të deritashme, dhe pezullimi i privatizimit të ndërmarrjeve publike të Kosovës.

http://botasot.info/zgjedhjet-2014/3...vetevendosjen/

[Antiproanti]

Shtohen vizitat e gjermanëve tek Lëvizja Vetëvendosje



Sot, në selinë e Lëvizjes Vetëvendosje! ishte për vizitë Gjenerali Klaus Reinhardt i cili në vitin 2000 ishte komandant i KFOR-it në Kosovë.

Ai po qëndron në Prishtinë me rastin e konferencës "15 vjet të ndërtimit të paqes në Kosovë - Mësimet e mësuara për rajonin" dhe erdhi i shoqëruar nga Koordinatorja për Programe e zyrës së Fondacionit socialdemokrat gjerman “Friedrich Ebert Stiftung”, znj.Besa Luzha.
Gjeneralin Reinhardt nga Lëvizja VETËVENDOSJE! e pritën Kryetari Albin Kurti dhe Rexhep Selimi.

Ata e falenderuan Gjeneralin Reinhardt për rolin dhe kontributin e tij në Kosovën e pasluftës. Në këtë takim u diskutua për sfidat e shtetndërtimit, zhvillimit dhe demokratizimit në Kosovë me theks të posaçëm në çështjen e qytetit të ndarë të Mitrovicës. Dr.Reinhardt dhe Selimi po ashtu evokuan kujtimet nga koha kur bashkëpunuan për ndërtimin e Shërbimit Policor të Kosovës dhe ofrimin e sigurisë për qytetarët në përgjithësi.

Gjenerali Reinhardt dhe z.Kurti e z.Selimi shprehën interesimin për vazhdimin e kontakteve dhe takimeve edhe në të ardhmen.

http://www.zeri.info/artikulli/37929...a-vetevendosje

[Antiproanti]

Krasniqi: PDK në këto zgjedhje i bleu votat



Kryetari i Këshillit Kombëtar të Nismës për Kosovën, Jakup Krasniqi akuzon PDK-në dhe zyrtarët e saj për blerje industriale të votave.

Ish kreu i Kuvendit Jakup Krasniq, akuzon PDK-në dhe zyrtarët e saj për blerje industriale të votave. Krasniqi thotë se nuk është i gatshëm të jetë zëvendëskryeministër,ndërsa nominimin e Haradinajt për kryeministër e sheh zgjidhjen më të mirë për Kosovën.

“E them me bindje dhe mbi bazën e shumë fakteve se në këto zgjedhje nuk ka pasë ndoshta vjedhje industriale të votave por ka pasur blerje industriale të votave natyrisht nga subjekti që është më i fuqishëm që e ka pushtetin dhe që ka përdorë gjithë makinerënë e institucioneve të shtetit në shërbim të manipulimit të votës. Partia politike domethanë që e ka pushtetin ka përdorur frigën, ka përdorur kërcënimet, ka përdorur shantazhet mandej ka përdorur edhe mjetet financiare për të blerë votat për të blerë komisionerët, për të blerë vëzhguesit do të thotë të gjitha këto janë defekte që i kanë përcjellur këto zgjedhje ”, tha Krasniqi në emisionin “Argument Plus” në RTV21.

http://www.zeri.info/artikulli/37930...e-i-bleu-votat

[Antiproanti]

Ish-ambasadori Peci thotë se koalicioni opozitar ka të drejtë

Ish-ambasadori i Kosovës në Suedi, Lulzim Peci, ka komentuar formimin e koalicionit të partive opozitare për të formuar Qeverinë e ardhshme të Kosovës.

Ai ka thënë se deri më tash, të gjitha qeveritë, përfshirë edhe të fundit, janë formuar me koalicione paszgjedhore.

“Të gjitha koalicionet e partive politike, të cilat kanë siguruar shumicën parlamentare dhe kanë krijuar qeveritë e Kosovës, kanë qenë paszgjedhore e jo parazgjedhore”, ka shkruar Peci profilin e tij në Facebook.

Ndryshe, vetëm 2 ditë pas përfundimit të zgjedhjeve, tri partitë opozitare, LDK, AAK dhe Nisma për Kosovën kanë formuar koalicionin paszgjedhor dhe po kërkojnë të formojnë qeverinë.

Por, në anën tjetër, po hasin në kundërshtimin e PDK-së, e cila po insiston se mandatin për të themeluar Qeverinë e ka Hashim Thaçi pasi i ka fituar zgjedhjet e fundit nacionale.
http://koha.net/?id=27&l=14185

[Llapi]

Hasani:S`kam cfarë të interpretojë, e kam thënë në Komentar
Kryetari i Gjykatës Kushtetuese, Enver Hasani, përmes një interviste, ka dhënë një mesazh të qartë se si do pozicionohej, në rast se do t`i kërkohej një interpretim zyrtarë i Kushtetutës së Kosovës. Sipas tij, ai para një viti ka botuar një Komentar të Kushtetutës dhe aty janë të thëna të gjitha.
POSTUAR 09:10 / 14.06.2014
Kryetari i Gjykatës Kushtetuese, Enver Hasani, në një intervistë për gazetën Kosova sot, u ka dhënë një apel ekspertëve dhe partive opozitare.

“Le të dalin ata (ekspertët kushtetues), le të thonë të veten, por, lexoni ‘Komentari’-in e botuar para një viti dhe në tekst përcaktohet qartë. Është e thënë qartë në ‘Komentar’.. S’kam çfarë të interpretoj më. Fjala ime është kjo.Kur botohen librat nuk botohen për raste konkrete”, ka thënë kryegjyqtari i Kushtetueses, Enver Hasani, duke rikonfirmaur kështu se koalicioni LDK-NISMA-AAK nuk mund të mandatohet për të krijuar qeverinë . /Kosova sot/

[ganimet]

Ky e ka mujt Daqiqin me Mollen e kuqe te sjellur ne ure te Ibrit hahahahahah