Zgjedhjet ne Kosove: Pjesmarrje e ulet, rezultat i ngushte. PDK kryeson por pa mandat

[Llapi]

O Llap

Thaci perfitoi nga percarja e opozites dhe tani na kerkon nje mandat te trete. THaci nuk e formon dot qeverine pa koalicionin me opoziten . Edhe nese Thaci nuk formon qeverine dhe planifikon te shkoje perseri ne zgjedhje nuk do kishte shanse ta fitoje pasi shumica e popullit te Kosoves jane me opoziten. Opozita e Kosoves po te jete e bashkuar , Thaci nuk e fiton zgjedhjet edhe po te dale si force e pare. E meta me e madhe e opozites eshte percarja , nese ata bashkohen fitojne zgjedhjet bindshem .

Edhe keshtu kane fituar shumicen e votave dhe llogjikisht mund te krijojne qeverine sipas marreveshjeve te partive opozitare ne rast se kushtetuta ua lejon atyre te bejne sipas numrave parlamentare . Vetem se kushtetuta nuk e specifikon qarte per cilet koalicion behet fjale, para apo pas zgjedhjeve.

Llap su ngope me 7 vjet ne qeveri me Thacin, tani na kerkon edhe 4 vjet . Thaci duhet te qendroje njehere ne opozite pasi ka qeverisur 2 mandate.
Une jam pro rotacionit pro ndryshimit pasi kjo i sherben demokracise dhe klimes politike ne pergjithsi. Edhe per zgjedhjet ne Shqiperi isha pro rotacionit por kunder Edi skizofrenit si kryeminister .

Thaqi do ta formoi qeverin gjithsesi Zoti e Populli deshi keshtu
po qa je kah flet bre po partia fituese do ta formoi dhe pik
se kend do ta ket ne koalicion eshte pun e ti kryesorja ai do ti ket numrat dhe do ta qeveris vendin edhe per shum vite
edhe nese shkohet ne zgjedhje te jashtzakonshme prap Thaqi i fiton kjo veq u pa tash
po edhe nese shkoin te bashkuara opozita me nji koalicion parazgjedhor prap do ti mund Thaqi
sepse opozita do te jen te perqar e si mendon ti 4 parti si do ta formoin listen e perbashket nga 30 kandidat per deputet
nga 110 kandidat i kan pas secila parti e nuk kan qen te knaqur e po jan te knaqur me nga 30 kandidat per deputet
jo bre sesht kerkund kjo pun
dhe mendon ti se votuesit e LDK-se kan votue qe Ramushi te jet kryeminister me 9% te votave
dhe mendon ti se votuesit e NISMES e votuan Fatmirin me e ba Isa mustafen Kryeparlamantar
edhe keta te vetfundosjes nuk jan kerkah sot kendej neser andej pasneser ne rrug etj.
sillne kah te doni Thaqi doli fitues do te dal prap dhe do ta formoi qeverin

[Llapi]

​Thaçi garanton implementimin e Misionit të Ri


​Thaçi garanton implementimin e Misionit të Ri
​Kryeministri i Republikës së Kosovës Hashim Thaçi ka uruar qytetarët e Kosovës me rastin Ditës së Paqes, 12 qershorit. Në urimin e kryeministrit Thaçi thuhet se pesëmbëdhjetë vjet nga Dita e Lirisë, Dita e Paqes, janë të vendosur të vazhdojnë me implementimin e reformave të gjithëmbarshme në ekonomi, duke garantuar implementimin e Misionit të Ri - zhvillimit të qëndrueshëm ekonomik të shtetit të Kosovës.
POSTUAR 10:08 / 12.06.2014
Në urimin e tij e Thaçit thuhet se Dita e Paqes, 12 Qershori, është datë historike për vendin tonë dhe shënonpërfundimin e luftës për çlirimin e Kosovës dhe hapjen e kapitullit të paqes.

“Në këtë përvjetor të rëndësishëm, me pietet dhe krenari të veçantë kujtojmë sakrificën e të gjithë dëshmorëve të lirisë, luftëtarëve të Ushtrisë Çlirimtare të Kosovës, rezistencën e të gjithë brezave të qytetarëve tanë, që kontribuan për lirinë dhe pavarësinë e Kosovës. Me rastin e Ditës së Paqes, në emër të institucioneve të Kosovës dhe qytetarëve të Republikës shpreh falënderimin e thellë për fushatën e bombardimeve të NATO-s, si intervenimin më të suksesshëm ushtarak dhe humanitar në fund të shekullit njëzet. Republika e Kosovës ka hyrë në vitin e shtatë të Pavarësisë, duke konsoliduar institucionet e veta demokratike, e vendosur dhe e përkushtuar për të përmbushur të gjitha kriteret dhe standardet për integrim në Bashkimin Evropian dhe në NATO. Pesëmbëdhjetë vjet nga Dita e Lirisë, Dita e Paqes, jemi të vendosur që pas përmbushjes me sukses të misionit të çlirimit dhe të pavarësisë, tani të vazhdojmë me implementimin e reformave të gjithëmbarshme në ekonomi, duke garantuar implementimin e Misionit të Ri - zhvillimit të qëndrueshëm ekonomik të shtetit të Kosovës”, thuhet në urimin e kryeministrit Thaçi.

[Llapi]

Isa nuk mundet


GazetaExpress E enjte, 12 Qershor 2014 12:01
Kush mund t’i besojë më Isa Mustafës, i cili mori votat me premtimin se do të bëhet kryeministër, por përgjegjësinë ia dha tjetërkujt? Të duash pushtetin e të mos marrësh përgjegjësinë - ky nuk është guxim, por qyqarllëk. Isa, thjesht, nuk mundet

Isa Mustafa nuk mundi ta mposhtë PDK’në e Hashim Thaçin, ndonëse elektoratin e LDK’së e kishte bindur se mund ta bëjë një gjë të tillë. Ai ua kërkonte votën në emër të postit të kryeministrit, duke provuar t’ua mbushë mendjen se më në fund LDK do ta merrte përgjegjësinë në qeverisje. Por, gjithçka ndryshoi kur partia nuk mundi të dalë e para. Premtimet u harruan, e fjalët i mori era.

Dy ditë pas zgjedhjeve, kur të gjithë pritnin që ai ta marrë përgjegjësinë për dështimin, Mustafa jo që nuk e bëri një gjë të tillë, por nuk e mori përgjegjësinë as të mandatarit të propozuar nga opozita për krijimin e qeverisë. Ai ia la këtë Ramush Haradinajt dhe AAK’së me gati 10 për qind të votave, ndonëse partia e tij mblodhi rreth tri herë më shumë se kaq. Në këtë mënyrë, Mustafa u mjaftua që të jetë “diku” në qeverisje, por pa e marrë përgjegjësinë që i takonte si lideri i partisë së dytë më të madhe. Ose, siç e tha një bashkëqeverisës i tij i sistemit të kaluar, ai e do pushtetin, por nuk do që të marrë përgjegjësi.

Para jo më shumë se tre muajve, Mustafa kishte thënë se për postin e kryeministrit LDK nuk do të bënte pazar me askënd dhe se ai do t’i takonte LDK’së. Por, tash gjithçka ka ndryshuar dhe partia më e madhe opozitare është mjaftuar me postin e kryeparlamentarit (që është e paqartë nëse do t’i takojë) ashtu siç është e paqartë edhe nëse posti i presidentit do të mund ta marrë LDK’ja. Kështu, Mustafa me vetëdije të plotë ka pranuar të tërhiqet nga përgjegjësia që i takonte, duke u përpjekur që në këtë mënyrë t’i ikë edhe përgjegjësisë për dështimin, pasi kishte deklaruar se do të jepte dorëheqje nëse LDK humb zgjedhjet.

* * *

Në qoftë se gjithçka shkon sipas planifikimit të partive opozitare që u bënë bashkë për ta çuar Hashim Thaçin në opozitë, atëherë LDK do të kënaqet me një copë pushteti të ofruar nga Ramush Haradinaj, ashtu siç është kënaqur edhe herë të tjera, edhe pse ka qenë partia më e madhe. Ashtu ndodhi më 2002, ashtu ndodhi edhe më 2004. Atëbotë Ibrahim Rugova ishte i fiksuar pas postit të presidentit. Po tash, pas çkafit është e fiksuar LDK’ja? Duket se qëllimi që ia ka vënë vetes kjo parti është që gjithsesi të jetë në pushtet, por të mos marrë përgjegjësi. Që zyrtarë të partisë të struket aty diku nëpër ministri e të mos bëzajnë. Kaq.

Kjo përgjegjësi bëhet edhe më e madhe tash, kur procese të rëndësishme e presin qeverinë e re. Do të gënjeja po të thosha se besoj që Isa Mustafa do të guxonte të jetë në ballë të këtyre proceseve, si kryeministër. Thjesht nuk mundet, nuk ka guxim.

Qeverisja e Kosovës është krejt diçka tjetër krahasuar me Prishtinën, të cilën Mustafa e shijoi për shtatë vjet, duke mos ia dalë që ta bëjë model se si qeveriset. Dhe, kur u mposht nga Shpend Ahmeti, ai asnjëherë nuk e mori qartazi përgjegjësinë për kryeqytetin nën qeverisjen e tij, edhe pse e deshi dhe e shijoi pushtetin.

Do të ndihesha keq po të isha në vend të Mustafës përpara votuesve të LDK’së, të cilët tek ai panë shpresën për ndryshim dhe shpresën për reformim të partisë. Do të ndihesha keq, vërtet, sepse ata e votuan atë për t’u bërë kryeministër, e jo për t’ia dhënë këtë post dikujt me trefish vota më pak. Ata votuan njeriun që nuk ka guxim.

* * *

Gjatë gjithë kohës, në cilësinë e një vëzhguesi politik, ndryshe nga Isa Mustafa, kam qenë tepër i qartë në qëndrimet e mia për nevojën e ndryshimit të qeverisjes. E kam thënë dhe vazhdoj ta them se Hashim Thaçi na ka dhënë argumente e argumente pse nuk duhet më të vazhdojë të keqqeverisë në Kosovë por, po ashtu, Isa Mustafa nuk na ka bindur me argumentet e tij se është i gatshëm dhe i duhuri që ta marrë përgjegjësinë e të parit të qeverisë. Veprimi i tij i fundit besoj se e ilustron këtë më së miri.

Po ashtu, nëse gazetarë e opinionistë kanë qenë haptazi kundër edhe një mandati për Thaçin, kjo kurrsesi nuk do të thotë se ata po i duartrokasin e do t’i duartrokasin një qeverie të mundshme me Haradinajn kryeministër. Ndaç quajini idealistë e ndaç të krisur, por ata do të vazhdojnë të jenë kritikë edhe ndaj punës së qeverisë së ardhshme, me qëllimin që ajo të bëhet sa më e përgjegjshme dhe sa më e dobishme për qytetarin.

Tash për tash askush nuk mund të paragjykojë se çfarë do të jetë qeveria e ardhshme, edhe pse eksponentë të partive politike në koalicion, të cilët kanë qenë më herët në pushtet, na kanë dhënë argumente jo të pakta se dinë ta keqpërdorin pushtetin e ta dëmtojnë shtetin. E për të mos u keqpërdorë pushteti e dëmtuar shteti, duhen njerëz të përgjegjshëm e të guximshëm. Jo si Isa Mustafa.

[Xinxerfilli]

Mediat ne Kosove qenkan te gjitha si Gazeta 55

[Llapi]

Emrat e deputetëve të PDK-së

Partia Demokratike e Kosovës në legjislaturën e ardhshme do të përfaqësohet nga këta deputet.
Burime të kodi.info brenda PDK-së bëjnë të ditur emrat e deputetëve
që janë zgjedhur nga qytetaret në zgjedhjet e mbajtura me 8 qershor.

1. HASHIM THAQI 166,458

2. KADRI VESELI 54,883

3. ENVER HOXHAJ 22,179

4. ELMI REÇICA 18,015

5. HAJREDIN KUÇI 17,987

6. MEMLI KRASNIQI 16,094

7. RAFET RAMA 15,426

8. ARSIM BAJRAMI 15,191

9. RAIF QELA 15,035

10.AGIM ALIU 14,877

11.FADIL BEKA 14,392

12.LABINOTË DEMI-MURTEZI 14,232

13.SALA BERISHA-SHALA 14,180

14.BEKIM HAXHIU 13,699

15.XHAVIT HALITI 13,339

16.RAMIZ KELMENDI 13,310

17.LATIF GASHI 12,527

18.ADEM GRABOVCI 11,964

19.AZEM SYLA 11,146

20.ZENUN PAJAZITI 10,884

21.AGIM ÇEKU 10,802

22.NAIM FETAHU 10,750

23.NUREDIN LUSHTAKU 10,745

24.BESIM BEQAJ 10,524

25.NEZIR ÇOÇAJ 10,478

26.GËZIM KELMENDI 10,041

27.RRUSTEM MUSTAFA 9,484

28.MEXHIDE MJAKU-TOPALLI 7,607

29.FLORA BROVINA 7,557

30.BLERTA DELIU-KODRA 7,477

31.EDITA TAHIRI 7,442

32.MARGARITA KADRIU-UKELLI 7,100

33.SELVIJE HALIMI 6,438

34.VLORA ÇITAKU 6,177

35.XHEVAHIRE IZMAKU 5,792

36.LULJETA VESELAJ GUTAJ 5,761

37.SAFETE HADERGJONAJ 5,182

[Llapi]

[Llapi]

Thaçi merr 6 mijë vota më shumë se në vitin 2010, Haradinaj 4 mijë më pak

Hashim Thaçi, kryetar i Partisë Demokratike të Kosovës ka shënuar rritje të votave për dallim nga zgjedhjet e vitit 2010. Në këto zgjedhje ai ka marrë rreth 6 mijë vota më shumë.

Thaçi ka marrë 166 mijë e 458 vota e në vitin 2010 kishte 160 mijë e 850 vota.

Për dallim nga ai, Ramush Haradinaj ka shënuar rënie. Ai në vitin 2010 morri 54 mijë e 713 vota ndërkaq tash ka 50 mijë e 391 vota.

Albin Kurti po ashtu është rritur për 6 mijë vota. Lideri i VV-së kishte në vitin 2010, 58 mijë e 467 vota e tash ka 63 mijë e 598. Fatmir Limaj e Jakup Krasniqi ka shënuar rënie të madhe të votave.

Limaj kishte në PDK në vitin 2010 një numër prej 75 mijë e 689 vota e tash ka marrë vetëm 26 mijë e 770 vota. Jakup Krasniqi në vitin 2010 kishte 35 mijë e 379 vota e tash ka 18 mijë e 600 vota.

Lideri i LDK-së në vitin 2010 nuk ishte në listë, e tash ka marrë 121 mijë e 52 vota. Me këto vota lideri më i votuar mbetet Hashim Thaçi, me një diferencë prej mbi 40 mijë vota para të dytit, Isa Mustafës.

[Llapi]

Arsim Bajrami: Kështu përcaktohet grupi më i madh parlamentar në seancën konstituive

GazetaExpress E martë, 08 Korrik 2014 13:38
Konstitucionalisti, profesori universitar, Arsim Bajrami, përmes rrjetit social facebooke prezanton rregullt dhe procedurat, sipas Rregullores së Punës të Kuvendit për përcaktimin e grupit më të madh grupit parlamentar, rreth të cilit tani po thyejnë shpatat partia e tij, PDK, deri tash në pushtet, me ato që tash konsiderohet bllok opozitar – LDK, AAK, Nisma dhe Vetëvendosje.

Rregullorja e Punës së Kuvendit përcakton rregullat dhe procedurat për mbarëvajtjen e seancës konstituive të Kuvendit të Republikës së Kosovës.

1. Seanca konstituive e Kuvendit të Kosovës
Seanca konstituive e Kuvendit nuk është seancë pune (plenare), sepse rregullat dhe procedurat e mbarëvajtjes së punës gjatë seancës konstituive, përfshirë edhe rendin e ditës, janë fikse dhe të pandryshueshme. Qëllimi i seancës konstituive është që ta përmbyllë tranzicionin nga legjislatura paraprake në legjislaturën aktuale, që arrihet me verifikimin dhe konfirmimin e mandatit të deputetit, betimin solemn të deputetit dhe konstituimit të organeve të Kuvendit, gjegjësisht zgjedhjes së Kryetarit dhe Kryesisë së Kuvendit.

2. Verifikimi dhe konfirmimi i mandatit të deputetit

Verifikimi dhe konfirmimi i mandatit të deputetit është i rregulluar me nenin 9, gjegjësisht pikat 9.3 dhe 9.4 të Rregullores së Punës së Kuvendit:

- Neni 9.3. Kryesuesi i mbledhjes konstituive të legjislaturës së Kuvendit, pas hapjes së mbledhjes dhe paraqitjes së rendit të ditës, kërkon nga partitë politike të përfaqësuara në Kuvend ta caktojnë nga një përfaqësues në Komisionin e përkohshëm për verifikimin e kuorumit dhe të mandateve.

- Neni 9.4. Komisioni i përkohshëm e shqyrton dokumentacionin përkatës të zgjedhjeve, ia paraqet Kuvendit raportin për vlefshmërinë e mandateve të deputetëve të Kuvendit dhe e verifikon kuorumin në mbledhjen konstituive të legjislaturës së Kuvendit.

Pra, kryesuesi kërkon nga partitë politike të përfaqësuara në Kuvend që të delegojnë përfaqësues në komisionin e përkohshëm (d.m.th në ditën e konstituimit, partitë politike konsiderohen pikë referimi), ndërkaq mandati i deputetit kërkohet nga dokumentacioni përkatës i zgjedhjeve, që do të thotë kërkohet mandati burimor. Kjo nënkupton se gjatë verifikimit të mandatit secili deputet identifikohet sipas mandatit të fituar në zgjedhje dhe të konfirmuar nga KQZ. Kjo do të thotë se deputeti duhet ta bëjë betimin në përputhje të plotë me mandatin e fituar në zgjedhje.

3. Kompetencat e Kryetarit dhe Kryesisë nga legjislatura e mëparshme e Kuvendit të Kosovës

Kompetencat e Kryetarit nga legjislatura mëparshme janë të kufizuara në përgatitjen e rendit të ditës për seancën konstituive dhe përcaktimin e rendit të ulëseve në Kuvend (shih neni 8.1 dhe 8.2 të Rregullores). Kryetari dhe Kryesia e legjislaturës paraprake nuk ka asnjë autorizim gjatë seancës konstituive.

- Neni 8.2. Kryetari dhe Kryesia, jo më pak se pesë ditë para mbajtjes së mbledhjes konstituive të legjislaturës së Kuvendit thërrasin mbledhje të përbashkët me kryetarët e partive, që kanë fituar vende në Kuvend, për ta përgatitur propozimin e rendit të ditës për mbledhjen konstituive të legjislaturës së Kuvendit, për t’i caktuar vendet e deputetëve, përkatësisht të forcave politike në sallë, sipas fuqisë politike që kanë, sipas numrit të deputetëve të secilës forcë politike.

Me faktin se Kryetari i legjislaturës paraprake i fton kryetarët e partive, që kanë fituar vende në Kuvend, nënkupton se, gjatë seancës konstituive, partitë politike apo koalicionet parazgjedhore të regjistruara në KQZ, konsiderohen bartëse të grupeve parlamentare. Kjo do të thotë, se në ditën e konstituimit, nocioni “grup parlamentar” reflekton vetëm vullnetin e shprehur në zgjedhje dhe të gjitha partitë apo koalicionet e certifikuara, duhet të ulen sipas forcës politike, ashtu siç e kanë rezultatin nga zgjedhjet.

4. Zgjedhja e Kryetarit dhe e Kryesisë së Kuvendit

Zgjedhja e Kryetarit dhe e Kryesisë së Kuvendit është e rregulluar me nenin 12 të Rregullores së Punës së Kuvendit.

- 12.2. Kryesuesi i mbledhjes konstituive kërkon nga grupi më i madh parlamentar ta propozojë kandidatin për Kryetar të Kuvendit. Kryetari i Kuvendit zgjidhet me shumicën e votave të deputetëve të Kuvendit.

Grupi më i madh parlamentar në këtë rast përcaktohet si grupi që ka numrin më të madh të mandateve në Kuvend, sipas dokumentacionit përkatës të zgjedhjeve të lëshuar nga KQZ. Këtë e konstaton në seancen konstituieve edhe Komisioni i përkohshëm për verifikimin e mandateve i cili duhet të punojë duke shqyrtuar dokumentacionin përkatës të zgjedhjeve, pra vendimit të KQZ-së për certifikimin e rezultateve përfundimtare të zgjedhjeve të parakohshme për Kuvendin e Republikës së Kosovës.

Sekuenca e ngjarjeve nga neni 7 deri në nenin 12 është e pandalshme (zgjedhja e Kryetarit dhe e Kryesisë është e paracaktuar në rend të ditës, pika 4 e nenit 8) dhe seanca nuk mund të konsiderohet e mbyllur deri në zgjedhjen e Kryetarit dhe të Kryesisë së Kuvendit. Nocioni "grupi më i madh parlamentar" i përmendur te pika 2 e nenit 12 është vazhdimësi e logjikës së njëjtë të përdorur te pikat 2 dhe 3 të nenit 8. Kjo do të thotë se nocioni "grupi më i madh parlamentar", gjatë seancës konstituive, nënkupton grupin më të madh parlamentar sipas rezultatit të zgjedhjeve.

5. Organizimi i grupeve parlamentare

Formimi dhe organizimi i grupeve parlamentare, përfshirë edhe lëvizjet e mundshme të deputetëve është i rregulluar me nenin 20 të Rregullores së Punës së Kuvendit.

- 20.2. Deputeti ka të drejtë të marrë pjesë në mënyrë të barabartë në një grup parlamentar, të tërhiqet nga grupi, ta formojë një grup të ri parlamentar, t’i bashkëngjitet një grupi tjetër ose të veprojë si deputet i pavarur. Për secilin rast deputeti është i obliguar që, për vendimin e tij, ta njoftojë me shkrim Kryetarin e Kuvendit.

Duke iu referuar nenit 8, u tregua se Kryetari i legjislaturës paraprake ka kompetenca të kufizuara. Kryetari i legjislaturës paraprake nuk ka autorizim që të konstatojë lëvizjet e deputetëve nga një grup në një grup tjetër. Kjo nënkupton se deputetët e legjislaturës aktuale mund të bëjnë lëvizje prej një grupi në një grup tjetër, përfshirë edhe shuarjen apo bashkimin e grupeve ekzistuese, vetëm pasi ta informojnë me shkrim Kryetarin e Kuvendit nga legjislatura e tyre. Duke marrë parasysh se në seancën konstituive nuk ka Kryetar të zgjedhur, kjo do të thotë se lëvizjet e deputetëve mund të bëhen vetëm pas seancës konstituive, gjegjësisht pas zgjedhjes së Kryesisë së re. Në këtë kuptim, nuk qëndron pretendimi se, para seancës konstituive, deputetët mund të deklarohen para Kryesisë nga legjislatura e mëparshme apo Sekretarisë së Kuvendit se cili grup parlamentar duan t'i takojnë. Sekretaria e Kuvendit nuk ka kompetencë për të regjistruar ndonjë të dhënë ndryshe nga ato që vinë nga KQZ, ndërkaq këtë kompetencë nuk e ka as Kryesia e legjislaturës paraprake. Kjo përgjegjësi bie mbi një komision të përkohshëm të ngritur nga vetë deputetët (pika 3 dhe 4 e nenit 9) dhe duhet të jetë në përputhje me dokumentacionin përkatës të zgjedhjeve.

Formularët e regjistrimit në Kuvendin e Kosovës janë vetëm një proces teknik, pra regjistrim teknik i secilit deputet, që shërben për çështje teknike të administratës së Kuvendit, pra profil të deputetëve në webfaqen e Kuvendit të Kosovës, etj. Rregullorja e Kuvendit të Kosovës në asnjë rast nuk përmend një procedure të tillë të regjistrimit të deputetëve.

Si përfundim, në seancën konstituive, deputeti duhet ta verifikojë mandatin në përputhje me dokumentacionin përkatës të zgjedhjeve (neni 9, pika 4), në mënyrë që ta bëjë betimin solemn (neni 10). Vetëm pasi që deputeti ta bëjë betimin dhe të përmbushen procedurat e parapara për zgjedhjen e Kryetarit dhe të Kryesisë së re të Kuvendit (neni 12 me referencë në nenin 8), deputetët janë të lirë të lëvizin dhe për këto lëvizje obligohen të njoftojnë me shkrim Kryetarin e Kuvendit të legjislaturës së pestë.

6. Ushtrimi i funksionit të deputetit

Ushtrimi i funksionit të deputetit është i rregulluar në Kapitullin IV, nenin 74 të Kushtetutës së Republikës së Kosovës.

Edhe pse mandati i deputetit fillon me ditën e certifikimit të rezultatit të zgjedhjeve (neni 70.2), deputeti i zgjedhur nuk mund ta ushtrojë detyrën e deputetit para konstituimit të Kuvendit, gjegjësisht dhënies së betimit. Kjo është arsyeja pse ne rregulloren e punës, sekuenca e ngjarjeve në séance konstituive fillon me përgatitjet për seancë (neni 8), verifikimi i mandatit (neni 9), dhënia e betimit (neni 10) dhe zgjedhja e organeve të Kuvendit (neni 12). Po ashtu, kjo është arsyeja pse neni 70.3 e saktëson se mandati i deputetit shpallet i pavlefshëm nëse deputeti nuk e bën betimin.

Sikur deputeti të ishte në gjendje ta ushtronte mandatin para seancës konstituive, gjegjësisht dhënies së betimit, nuk do të kishte arsye që Kryesia paraprake të angazhohej që, në një takim me Kryetarët e partive që kanë fituar vende, të përgatisë rendin e ditës dhe rendin e ulëseve në Kuvend (neni 8). Sikur deputetët e zgjedhur të kishin mundësi të ushtronin mandatin e tyre para betimit, atëherë deputetët do të mund që paraprakisht të organizohen në grupe parlamentare dhe që në një mbledhje të përbashkët të shefave apo përfaqësuesve të këtyre grupeve do ta caktonin rendin e ditës dhe rendin e ulëseve.

Shënime plotësuese

Logjika që mandati i deputetit të konfirmohet në përputhje me dokumentacionin përkatës të zgjedhjeve, gjegjësisht në përputhje me vullnetin e shprehur në zgjedhje, reflekton në një numër të madh aktesh të tjera juridike. Më i rëndësishmi për t'u cekur është Ligji për financimin e partive politike, që në pikën 2 të nenit 9 thotë: "Nëse një deputet vendos të largohet nga subjekti politik, ku ka fituar mandatin, nuk do të bartë mjetet financiare të ndara nga Fondi për atë mandat në subjektin e ri politik." Kjo logjikë konfirmohet edhe në shumë shembuj të praktikës parlamentare të Kosovës. Shembulli më konkret është barazimi i numrit të deputetëve në mes të PDK dhe LDK, gjatë legjislaturës së katërt apo zvogëlimi i numrit të deputetëve të Lëvizjes VV në raport me atë të AAK. Pavarësisht lëvizjeve të deputetëve, kjo nuk ka ndikuar në ndryshimin e përbërjes së Kryesisë së Kuvendit.(shihtranskripitin nga mbledhja plenare e Kuvendit të Republikës së Kosovës, të datës 22 korrik 2013, ku ishte refuzuar kërkesa e Grupit Parlamentar të AAK).
Tjetër shembull është procedura e mocionit të votëbesimit të Qeverisë së Kosovës. Nëse votohet mocioni, Presidenti i Republikës nuk ka mundësi që të kërkojë nga dikush tjetër të formojë qeverinë, por Kuvendi shpërndahet me automatizëm. Kjo ndodhë me supozimin se në Kuvend tani ekziston një raport i ri forcash, që nuk përputhet me vullnetin e shprehur në zgjedhje, dhe rrjedhimisht duhet të konsultohet vullneti i ri i votuesve.

[Llapi]

Shtypi Ditorë, me 9 Qershorë 2014, informon për fitoren e shekullit te Partisë Demokratike të Kosovës.