Zgjedhjet ne Kosove: Pjesmarrje e ulet, rezultat i ngushte. PDK kryeson por pa mandat

[Llapi]

[Llapi]

Bardhyl Meta i LDK-së, uron Thaçin për fitoren

10:43 / E hënë, 09 Qershor 2014


Përderisa lideri i Lidhjes Demokratike të Kosovës, Isa Mustafa nuk ka dalë ende me një deklaratë zyrtare sa i përket rezultatit preliminar të zgjedhjeve, kandidati për deputet i kësaj partie, Bardhyl Meta e ka uruar liderin e Partisë Demokratikë të Kosovës, Hashim Thaçi për fitoren në zgjedhjet parlamentare.

“Dëshiroj që të uroj kryetarin e Partisë Demokratike të Kosovës, Hashim Thaçi, si dhe partneret e tjerë të koalicionit rreth PDK-së për fitoren e tyre të pastër dhe të pa kontestueshme në zgjedhjet që ishin të organizuara shumë mirë, të cilat ishin demokratike dhe rregullta”, ka shkruar Meta në rrjetin social Facebook.

Ai po ashtu ka uruar edhe qytetarët e Kosovës për kulturën demokratike dhe qytetëruese gjatë fushatës si dhe gjatë procesit të votimit.

[Antiproanti]

Me kend doni me bo qeveri...
Me Ramushin apo me Mustafen Kryeminister?

Ose edhe ma mire, me Jakup Krasniqin Kryeminister...?!

[Llapi]

GIli- Edhe pa ty po bojka

[Llapi]

Jacobson: Zgjedhjet ishin në përputhje me standardet ndërkombëtare

Ambasada amerikane në Prishtinë përshëndet të gjithë votuesit të cilët shkuan dje në vendvotime për tu siguruar që zëri i tyre është dëgjuar në procesin demokratik të Kosovës. Ambasada është e inkurajuar nga raportet e para të cilat tregojnë që zgjedhjet e së dieles ishin në masë të madhë të besueshme dhe në përputhshmëri me standardet ndërkombëtare. "Presim bashkëpunim me qeverinë e re në çështjet kyqe të cilat do të ndihmojnë në avancimin e aspiratave Euro-Atlantike të Kosovës". "Raportet e mediave dhe shoqërisë civile Kosovare, së bashku me raportet e ekipeve tona vëzhguese të ambasadës tregojnë që autoritetet Kosovare iu përgjigjën me përpikëri raporteve të kohëpaskohshme lidhur me parregullsi dhe manipulime të supozuar zgjedhore. Jemi duke i vëzhguar këto raporte nga afër dhe vazhdojmë të jemi të sigurt që KQZ, Policia e Kosovës dhe zyra e Prokurorit të Shtetit do të vazhdojnë partneritetin e tyre pozitiv për të siguruar që të gjitha incidentet janë hetuar rrënjësisht dhe janë zgjedhur sipas ligjeve Kosovare". Ambasada vlerëson punën e zellshme të OSCE, EULEX dhe KFOR të cilët siguruan që secili qytetarë të mund të votojë në zgjedhjet e sigurta. Gjithashtu, presim të shqyrtojmë raportin fillestar vlerësues të Misionit Vëzhgues Zgjedhorë të Bashkimit Europian. "Duke ndërtuar mbi suksesin e votimit të vitit të kaluar, zgjedhjet e djeshme edhe më tej vërtetuan se Kosova është plotësisht e aftë që të mbajë zgjedhje korrekte dhe transparente të cilat përmbushin standardet ndërkombëtare. "Mbesim të inkurajuar nga përpjekjet individuale për ti shprehur të drejtat e tyre demokratike qoftë duke votuar për herë të parë apo duke e siguruar besueshmërinë e procesit. Fuqia e Kosovës qëndron në pjesëmarrjen dhe integrimin e plotë të të gjithë qytetarëve të Kosovës për të arritur një të ardhme më të begatë", thuhet në deklaratën e Ambasadës së SHBA-ve në Prishtinë.

[Llapi]

Interesante: Ngjashmëri e madhe mes zgjedhjeve të vitit 2010 dhe 2014

Grafika: Yll Rugova


GazetaExpress E hënë, 09 Qershor 2014 14:44
Tash kur numërimi i votave po shkon drejt fundit, rezultati i djeshëm duket tepër interesant nëse krahasohet me atë të vitit 2010.

Rezultatet janë pothuajse të ngjashme, megjithëse gjatë këtyre viteve trupit elektoral iu kanë bashkuar rreth 100 mijë votues të rinj.

PDK në vitin 2010 kishte 224,339 vota, kurse tash 220,516 pra rreth 4,000 më pak;

LDK i kishte 172,552, kurse tash 184,474 pra rreth 12,000 më shumë;

VV i kishte 88,652, kurse tash 96,991 pra rreth 8,300 më shumë;

AAK i kishte 77,130, kurse tash 68,133 pra rreth 9,000 më pak;

AKR i kishte 50,951, kurse tash 33,347, pra rreth 17,400 më pak.

[Llapi]

Ashton: Zgjedhjet ishin të rregullta

09.06.2014 | 19:50
Përfaqësuesja e lartë e Bashkimit Evropian për politikë të jashtme dh siguri, baronesha Catherine Ashton, ka thënë se zgjedhjet e 8 qershorit janë një hap përpara në konsolidimin e demokracisë së Kosovës.
Ashton përmes një deklarate dërguar medieve në lidhje me procesin e djeshëm zgjedhor, ka falënderuar shefin e Misionit të BE-së për Vëzhgimin e Zgjedhjeve, (MVE) Roberto Gualtieri, për punën e tyre në vëzhgimin e këtyre zgjedhjeve.
“Vlerësimi i MVE-së konfirmon që zgjedhjet janë mbajtur në mënyrë të rregullt”, ka thënë Ashton, ndërsa ka falënderuar edhe OSBE-në për përkrahjen e tyre. “Tani presim me padurim krijimin sa më të shpejtë të qeverisë, e cila do të vazhdojë punën në të gjitha sfidat kryesore, përfshirë reformat ekonomike, përpjekjet për të përmirësuar sundimin e ligjit si dhe vazhdimin e zbatimit të Marrëveshjes së prillit 2013, e cila rrjedh nga dialogu për normalizimin e raporteve me Serbinë”, ka thënë Ashton, duke shtuar se BE-ja mbetet plotësisht e angazhuar në perspektivën evropiane të Kosovës dhe do të vazhdojë të mbështesë përpjekjet e Kosovës në këtë drejtim.

[Llapi]

PDK nuk e negocion pozitën e kryeministrit
10:17 / E martë, 10 Qershor 2014


Posti i kryeministrit nuk do të përbëjë temë në bisedimet për koalicionin e ardhshëm qeveritar që Partia Demokratike do të zhvillojë me subjektet politike që kanë fituar mjaftueshëm vota për t’u përfaqësuar në Kuvend. Kjo pozitë i është rezervuar Hashim Thaçit.

Enver Hoxhaj, nënkryetar i PDK-së, tha se subjekti politik që ka për lider Thaçin do të presë certifikimin e rezultatit zgjedhor dhe do të nisë negociatat për koalicion, shkruan Koha Ditore.Ai ka bërë të ditur se nuk ka ndonjë vijë të kuqe për subjektet me të cilat mund të lidhet partneriteti qeverisës. Megjithëkëtë, ka theksuar se vija e kuqe do të mbetet në fuqi për postin e të parit të Ekzekutivit

[Xinxerfilli]

Ja anaulluan rezervimin Thacit

[Llapi]

Thaçi: PDK-ja mandatare e qeverisë së re
11.06.2014 | 10:42
Një ditë pas arritjes së marrëveshjes në mes LDK-së, AAK-së dhe NISMËS për Kosovën për të formuar një qeveri nga opozita, ka reaguar lideri i PDK-së, Hashim Thaçi.
Thaçi në profilin e tij në “Facebook” ka shkruar se mandatar i Qeverisë së ardhshme është partia fituese e zgjedhjeve të 8 qershorit. Ai i ka siguruar qytetarët e vendit se do të fillojë me “Misionin e Ri”. “Zgjedhjet e 8 qershorit kaluan si më të mirat e pasluftës dhe tek sa po numërohen edhe votat e fundit, është e qartë sot siç ishte e qartë edhe dje se mandatar i Qeverisë së ardhshme është partia fituese e zgjedhjeve dhe koalicioni parazgjedhor prej Partisë Demokratike të Kosovës dhe koalicionit për ‘Mision të Ri’. Siguroj qytetarët dhe votuesit se ne do të fillojmë me ‘Misionin e Ri’ të zhvillimit ekonomik të vendit tone, sipas afateve ligjore dhe kushtetuese”, ka shkruar Thaçi.