Në Shqipëri prej disa muajsh ka një debat publik lidhur me trafikun e drogës drejt vendeve të Bashkimit Europian. Në shumicën e rasteve flitet për prodhimin hashashit dhe më pas “importin” e kësaj lënde narkotike drejt vendeve të BE-së. Por një raport i Bashkimit Europian për drogën, nxjerr një fakt edhe më të rëndë lidhur me trafikun e drogave të rënda.
Në raportin e publikuar sot, “European Drug Report: Trends and developments 2014”, Shqipëria cilësohet, bashkë me Turqinë, Rumaninë dhe Bullgarinë, si një nga vendet prej nga vjen opiumi dhe heroina afgane në Bashkimin Europian.
“Afganistani mbetet prodhuesi më i madh i opiumit në Botë. Mendohet se pjesa më e madhe e heroinës që gjendet në Europë fabrikohet në këtë vend, dhe një pjesë e vogël në Iran ose Pakistan. Ekzistojnë rrugë të ndryshme trafiku për transportin e drogës në Europë. Një nga këto kalon në Turqi dhe në vendet e Ballkanike (Bullgari, Rumani ose Shqipëri), për të mbërritur më pas në Europën Qendrore dhe Perëndimore. Një rrugë tjetër kalon nga Rusia dhe Azia Qendrore. Dërgesat e Heroinës nga Irani ose Pakistani, mund të arrijnë në Europë dhe në rrugë detare, ose rrugë ajrore në mënyrë direkte, ose transit nga vendet e Afrikës Perëndimore”,
Koha Jone
Përgjigju Duke Cituar
Krijoni Kontakt