Rama e pranon: Ka patur trafik droge me avion, strukturat e shtetit te implikuara

[Albo]

Rama për trafikun e drogës nga ajri: Ka ndodhur gjatë qeverisjes së PD, kemi prova

Trafiku i drogës nga ajri që prej muajsh po mban mbërthyer debatin publik dhe politik në vend është pranuar edhe nga kryeministri Edi Rama. Referuar gjetjeve të komisionit hetimor për trafikun e drogës nga Forcat e Armatosura nën kryesimin e depuetetes Ermonela Felaj, Rama tha se ky trafik është zhvilluar gjatë qeverisjes së PD.
Duke deklaruar se ai dhe Ministrja e Mbrojtjes janë në dijeni të informacioneve të klasifikuara, Rama tha se ky trafik ka ndodhur para shtatorit 2013.
Nëse ka struktura policore dhe ushtarake të përfshira në këtë trafik, Rama nuk ka dhënë shumë detaje, por thekson se është tronditur nga informacioni që ka marrë nga Komisioni hetimor.
“Nuk dua të jap detaje, por informacioni që unë kam marrë nga komisioni hetimor më ka tronditur për faktin se provat, të cilat unë nuk kam dashur t’i besoj se në Shqipëri mund të kishte trafiqe të tilla, tregonin se kishte një veprimtari të tillë më parë. Kjo ka ndodhur në periudhën kur qeverisnin këta zotërinj që sot me zell të madh bëjnë denoncimet”.
Deklaratat kryeministri Rama i bëri gjatë një interviste në emisionin “Top Story” të gazetarit Sokol Balla në Top Channel.

Intervista e plotë:

Sokol Balla: Një koment të shkurtër, a do e mbani këtë premtim? Aq më tepër kur bëhet fjalë për të shkuarën siç është zoti Berisha? Të replikosh me Bashën është normale…

Edi Rama: Një njeri për fat të keq mban peng Kuvendin dhe PD-në. Pavarësisht se ka shumë gjëra të rëndësishme për të diskutuar, është vërtetë për t’u ndjerë jo mirë kur përfshihesh në atë vorbull. Për sa më takon, unë e konsideroj të mbyllur replikën me liderin e opozitës. Është për fat të keq një personazh i degraduar që udhëheq procesin e degradimit të Parlamentit. Parlamenti duhet të jetë pasqyra e zgjedhjes së bërë nga populli. Unë jam i bindur se shqiptarët dinë ta bëjnë dallimin dhe që PD në Parlament nuk përfaqëson asgjë nga interesat e atyre që e kanë votuar, por vetëm ato të një grushti njerëzish që nuk u ka dalë ende pija nga vdekja e një pushteti.

Sokol Balla: Edhe ju i përgjigjeni me të njëjtat tone…

Edi Rama: Këtë e refuzoj kategorikisht. Pavarësisht se mund të ketë pasur marrëdhënie të vështira mes nesh në opozitë dhe Parlamentit, nuk ka asnjë gjë që mund të na bëjë të ngjashëm si dy pika uji me ata që janë sot në opozitë, apo që të më bëjë mua dhe qeverinë e sotme me parardhësin dhe qeverinë e djeshme.

Sokol Balla: Kjo reflektohet tek deputetët tuaj, njëri prej tyre rrahu një deputetë të opozitës…

Edi Rama: Është një proces degradimi i debateve të Parlamentit që udhëhiqet nga lideri i PD, për të dëmtuar marrëdhënien që duhet të ketë mes palëve në një demokraci normale, por që është edhe gjëja e vetme që ai di të bëjë. Gjithësesi, unë besoj në rilindjen e brendshme të një grupi që ka humbur gjithçka dhe që sot jeton me të shkuarën, me një frikë dhe rezistencë ndaj shumë lidhjeve që po këputen dita ditës me botën e aktivitetit të paligjshëm. Është humbja e një grushti njerëzish që fituan shumë, por që për fat të keq prej tyre shqiptarët humbën shumë.

Sokol Balla: Ka që mendojnë se ju po paguani koston e sjelljeve tuaja…

Edi Rama: Unë në Parlament nuk jam për të bërë batuta për të humbur kohë, por për të respektuar atë pjesë që populli ka zgjedhur për ta përfaqësuar në Parlament. Puna ime vazhdon pa të shtunë e pa të dielë, pa orar, për t’u marrë me çështjet jetike. Por debati i sotëm na devijoi nga ajo që duhet të bëjmë në këtë periudhë kaq të vështirë që na i ka lënë pushteti i kaluar. Ne po avancojmë dita ditës dhe po shohim rezultatet në luftën kundër krimit, trafiqeve, drogës, në arsim e shëndetësi, pavarësisht se është qesharake të thuhet pas 8 muajsh që duhet shëndetësia falas. Shëndetësia falas është një projekt që kërkon kohën e vetë dhe që do realizohet brenda një mandati. Gjithashtu, ne kemi bërë legalizimet falas dhe po u japim njerëzve titujt e pronësisë.

Sokol Balla: Akuzat e opozitës i krahasuat me mushkonjat…

Edi Rama: Unë kam reaguar ndaj një idiotësie se, në Divjakë çdo natë në ora 8 ngriheshin avionët. Dhe unë thash se, mbase janë mushkonjat që duken si avionët. Kjo ka qenë ajo që unë kam thënë dhe i qëndroj akoma.

Sokol Balla: Po pas ngjarjes që ka ndodhur në Divjakë, mendoni se është mushkonjë apo avion?

Edi Rama: Ne i kemi qëndruar besnik zotimit që është ende në lojë. Ne nuk kemi ardhur në qeveri për të përsëritur gabimet e parardhësve tanë. Kur ne kemi thënë se nuk zotërojmë asnjë provë e fakt të pohuar për këtë formë të trafikut të drogës, kemi qenë tërësisht korrekt dhe besnik ndaj zotimit tonë. Të njëjtën gjë ka konfirmuar edhe SHISH me një deklaratë publike.

Sokol Balla: Por pas kësaj deklarate ndodhi ngjarja…

Edi Rama: Po, por ky është një problem nga i cili ne nuk duhet të habitemi dhe të themi se ky është fundi i botës, pasi kjo formë e trafikut, për të cilin nuk kemi pasur asnjë provë, ndodh në mënyrë të vazhdueshme edhe në vendet e BE-së. Mesa duket e kanë bërë vetë ata kur ishin në pushtet, sepse kjo është zbuluar nga komisioni hetimor që drejtohet nga një deputete me eksperiencë në drejtësi.

Sokol Balla: Ka struktura shtetërore të përfshirë në të?

Edi Rama: Jam njohur me raportin e komisionit, që është i pari komision serioz që ka funksionuar dhe që do të japë prova konkrete se si kjo ka ndodhur më parë.

Sokol Balla: Që ka ndodhur para se të vinit ju në pushtet?
Edi Rama: Po, ka ndodhur para shtatorit. Unë dhe ministrja e Mbrojtjes jemi në dijeni të informacioneve të klasifikuara.

Sokol Balla: Ka struktura policore dhe ushtarake në këtë trafik?

Edi Rama: Nuk dua të jap detaje, por informacioni që unë kam marrë nga komisioni hetimor më ka tronditur për faktin se provat, të cilat unë nuk kam dashur t’i besoj se në Shqipëri mund të kishte trafiqe të tilla, tregonin se kishte një veprimtari të tillë më parë. Kjo ka ndodhur në periudhën kur qeverisnin këta zotërinj që sot me zell të madh bëjnë denoncimet.

Sokol Balla: Është arrestuar një person i tretë lidhur me ngjarjen e Divjakës, duke e bërë ngjarjen më interesante. Ç’mund të na thoni?

Edi Rama: U qëndroj atyre që kam thënë dhe e përsëris se ka qenë një periudhë e vështirë pasi jemi ndodhur në një valë sulmesh nga opozita, bazuar në një përbaltje sa më shpejt e sa më shumë ndaj qeverisë, në një moment kur po i afrohemi datës së statusit kandidat. Në këtë situatë, nga njëra anë dëgjojmë vlerësime dhe inkurajime, sepse më në fund po luftohet droga në Shqipëri, se kjo hordhi që ka qenë nuk është më dhe sepse diçka që ndodhte dje s’merrej vesh, por sot merret vesh, ndodh sepse gjithçka po goditet shumë fort. Po goditen rrjete të ngritura nga ata që kishin pushtetin. Dhe nga
ana tjetër dëgjojmë këtë lukuni akuzash.

Sokol Balla: Po akuzoni ata që kanë qenë më parë në pushtet…

Edi Rama: Disponojmë prova të pakontestueshme se kjo ka ndodhur më parë. Mbledhja e forcave të policisë rreth plazhit të Divjakës ishte para se të rrëzohej avioni dhe planifikohej të kapej pjesa në tokë, jo avioni.

Sokol Balla: Sot gazetari i RD-së ka shkruar sërish për trafikun e drogës dhe vazhdon të pretendojë se është kërcënuar me jetë…

Edi Rama: Strukturat përkatëse janë interesuar të gjitha për të verifikuar deklaratat e gazetarit dhe është zbuluar se nuk është e vërtetë. Gazetari nuk jep asnjë provë dhe madje edhe numrat nga të cilët ai thotë se ka marrë mesazhe kërcënuese nuk rezultojnë të jenë numra realë.

Sokol Balla: Dje Partia Demokratike ka kërkuar hetimin e shkarkimeve në administratë. Përse e refuzoni komisionin hetimor për këtë çështje?

Edi Rama: PD ishte në komision, por deputetët e saj u ngritën nga tavolina dhe thanë se duhet një komision tjetër. Ne mund të jemi tolerantë, sa t’i lejojmë në seanca ku shpërfytyrohet Parlamenti dhe ku shkelet me të katër këmbët e opozitës etika, por nuk mund të pranojmë çdo absurditet që kërkohet. Është e rëndësishme të kujtohet se ndaj meje Saliu dhe opozita e sotme kanë ngritur tre komisione. Duan komision hetimor në mënyrë që çdo të enjte ta kthejnë Parlamentin në sallë debatesh të shterpta.

ORA NEWS

[Albo]

Ore shoku Rama!

Na e nxive faqen fare ne socialistave! Si ore zbythesh keshtu? Dje na thoshe Berisha genjen e eshte i shkalluar. Sot na del e na thua qe akuzat e Saliut jane te verteta. Strukturat e shtetit e ushtrise jane perfshire ne trafikun e droges.

Dhe ne socialistet ngelem duke te mbrojtur ty nderin ne forum, e ti na nxjerr genjeshtar ne kete menyre!

Nga nje socialist i indinjuar ne kulm.

Albo

P.S Po ky Sokol Balla, ne e kishim tonin kete, edhe ky na e ka kthyer shpinen tani? C'jane keto pyetje te veshtira qe na ben!

[Albo]

Rama: Ballë përballë me ekstremistët idiotë të Europës

Kryeministri Rama tha se ekstremistëve europianë, që i cilësoi “idiotë”, forcat e moderuara duhet t’u qëndrojnë ballë përballë. I ftuar në emisionin “Top Story” me gazetarin Sokol Balla, kreu i qeverisë tha se sukses raporti i KE-së është baza për statusin e vendit kandidat. Rama akuzoi qeverinë e kaluar se ka prova për trafik droge nga ajri, të dhëna që janë nxjerrë nga komisioni hetimor që drejton deputetja Ermonela Felaj…

Akuzat e opozitës i krahasuat me mushkonjat…

Unë kam reaguar ndaj një idiotësie se, në Divjakë çdo natë në orën 8 ngriheshin avionët. Dhe unë thashë se, mbase janë mushkonjat që duken si avionët. Kjo ka qenë ajo që unë kam thënë dhe i qëndroj akoma.

Po pas ngjarjes që ka ndodhur në Divjakë, mendoni se është mushkonjë apo avion?

Ne i kemi qëndruar besnik zotimit që është ende në lojë. Ne nuk kemi ardhur në qeveri për të përsëritur gabimet e paraardhësve tanë. Kur ne kemi thënë se nuk zotërojmë asnjë provë e fakt të pohuar për këtë formë të trafikut të drogës, kemi qenë tërësisht korrektë dhe besnikë ndaj zotimit tonë. Të njëjtën gjë ka konfirmuar edhe SHISH me një deklaratë publike.

Por pas kësaj deklarate ndodhi ngjarja…

Po, por ky është një problem nga i cili ne nuk duhet të habitemi dhe të themi se ky është fundi i botës, pasi kjo formë e trafikut, për të cilin nuk kemi pasur asnjë provë, ndodh në mënyrë të vazhdueshme edhe në vendet e BE-së. Mesa duket e kanë bërë vetë ata kur ishin në pushtet, ditët në vijim do ta bëjmë publike këtë gjë, sepse kjo është zbuluar nga komisioni hetimor që drejtohet nga një deputete me eksperiencë si prokurore në drejtësi, zonja Felaj. Bëhet fjalë për një formë trafikimi me të cilën vendet e tjera të BE-së janë familjare dhe e dinë që ndodh dhe ku ndodh. Kjo është një luftë që nuk mbyllet, por që luftohet vazhdimisht. Janë struktura globale kriminale që bashkëpunojnë mes tyre.

Ka struktura shtetërore të përfshira në të?

Jam njohur me raportin e komisionit, që është i pari komision hetimor serioz që ka funksionuar dhe që do të japë prova konkrete se si kjo ka ndodhur më parë.

Që ka ndodhur para se të vinit ju në pushtet?

Po, ka ndodhur para shtatorit. Dua të sqaroj dhe diçka lidhur me një spekulim që është bërë lidhur me ministren e Mbrojtjes për një informacion të klasifikuar. Është një informacion që kudo në botë që nuk mund të ndahet dot me publikun dhe ka të bëjë me sigurinë e që nuk mund të përdoret nga media. Ky informacion i klasifikuar u përdor kundër ministres së Mbrojtjes. Unë kam qenë në dijeni të informacionit të klasifikuar kur kam folur për mushkonjat. Ky informacion flet për dyshime të paprovuara dhe këto dyshime nuk janë prova. Edhe ministri i Brendshëm ka qenë në dijeni të këtij informacioni dhe bashkë me strukturat përkatëse ka qenë në trajtim të këtij informacioni dhe gjithë struktura e shtetit ka qenë në alarm ndaj këtyre dyshimeve. Nuk kemi konstatuar në asnjë rast se këto dyshime shoqëroheshin me prova. Pavarësisht se si ndodhi me avionin, strukturat përkatëse kanë qenë në alarm, të vendosura në atë zonë në pritje për të vërtetuar dyshimet e këtij informacioni.

Në hetimin e zonjës Felaj, rezulton se kanë qenë të përfshira dhe struktura policore dhe ushtarake në këtë trafik, sepse s’ka si shpjegohet reagimi i FA që betonuan pistat e avionëve në Gjadër dhe zona të tjera?

Nuk dua të jap detaje, por informacioni që unë kam marrë nga komisioni hetimor personalisht më ka tronditur për faktin se provat, të cilat unë nuk kam dashur t’i besoj se në Shqipëri mund të kishte trafiqe të tilla, tregonin se kishte një veprimtari të tillë më parë. Kjo ka ndodhur në periudhën kur qeverisnin këta zotërinj, që sot me zell të madh bëjnë denoncimet.

Po akuzoni ata që kanë qenë më parë në pushtet?

Disponojmë prova të pakontestueshme se kjo ka ndodhur më parë. Mbledhja e forcave të policisë rreth plazhit të Divjakës ishte para se të rrëzohej avioni dhe planifikohej të kapej pjesa në tokë, jo avioni.

Nuk mund t’i takonit dhe t’i dëgjonit grevistët?

Do të isha i pari njeri që do kisha shkuar dhe do kisha takuar grevistët e urisë që paraqesin një platformë, një numër kërkesash apo mbështesin një kauzë. Por, si mund ta ndërtojmë dialogun me njerëz që janë aty për faktin se janë hequr nga puna dhe duan të kthehen në punë. Një pjesë kanë humbur në gjykatë, një pjesë janë ende në gjykatë, ndërkohë që në Shqipëri ka me mijëra që nga 2005 janë hequr nga puna dhe janë me vendime gjykate në dorë. Ku është parë që të kthehesh në punë me grevë urie?! I bie që të gjithë të papunët të hyjnë në grevë urie.

Po me të përndjekurit politikë?

Më vjen keq, por kur drejtuesi i grevës si i përndjekur pa bërë asnjë ditë burg ka marrë gjatë kësaj periudhe që është përfshirë në këtë punë treçerekun e asaj godinës ku janë të përndjekurit dhe e ka kthyer në pronë të veten… Me këtë të dialogojmë ne? Ai drejtues duhet të largohet nga greva, të hapë rrugën dhe të flasim me ata që janë realisht të përndjekur. Kjo qeveri ka nëntë muaj dhe ka arritur të japë për 1 mijë të përndjekur këstin e parë që u takon.

Ministri Bushati ka çuar në prokurori negociatorët e marrëveshjes së detit me Greqinë, me gjasë edhe Lulzim Bashën. Pse pikërisht tani, sepse duket si kundërsulm?

Çfarë kundërsulmi?! Unë e di shumë mirë çfarë shqiptarët sot po jetojnë negativisht në raport me ne, sepse ende nuk ka para drejtësisë përgjegjës të peshës së rëndë.

Jo vetëm kaq, por në 2008 akuzonit Fazlliçin dhe në dhjetor i dhatë interkonjeksionin…

Kjo është gënjeshtër dhe unë e refuzoj gënjeshtrën. Sa i përket ndëshkimit, vazhdoj të shpresoj që prokuroria do vihet në lëvizje, shpresoj se do të çojë përpara një sërë çështjesh shumë të rënda që i ka në tavolinë dhe që janë bërë publike dhe që nuk janë bërë publike. Bëhet fjalë për çështje të rënda implikimesh që kanë shkuar deri në kërcënim të stabilitetit të vendit dhe sigurisë kombëtare. Prokuroria ka në tryezë jo një, por shumë çështje të rënda që implikojnë drejtpërdrejt ish-ministra dhe zyrtarë të lartë. Ne mund të bëjmë çdo gjë, por s’mund të marrim përsipër të bëjmë edhe prokurorin, edhe gjyqtarin. Por një gjë: ne nuk do të bëjmë sehir përballë kësaj farse dhe korrupsionit në gjyqësor. Ne do të bëjmë një reformë të drejtësisë pa marrë përsipër të bëjmë gjykatësin dhe prokurorin, por nuk mund të mbyllim sytë përballë gjykatësit dhe prokurorit të korruptuar që në gjithë këto vite ia morën frymën këtij populli.

Zoti Kryeministër, do ta marrë Shqipëria statusin e vendit kandidat në qershor?

Kur unë thosha në dhjetor që Shqipëria u penalizua nga ekstremistë në disa vendet anëtare, shumëkush nga opozita dhe të tjerë me gjithfarë mënyrash e përqeshën këtë që thashë unë, ndërsa sot jemi përpara provës, jo vetëm Shqipëria u penalizua, por që nga ana tjetër, vetë BE po penalizohet për shkak të rritjes së këtyre forcave ekstremiste dhe unë kam qenë shumë i hapur me të gjithë ata që kam takuar, partnerët tanë në këtë aspekt. Ua kam thënë në sy që rruga e zgjedhur nga disa prej forcave të moderuara për të luftuar me këta idiotë, se të tillë janë në këndvështrimin tim, që duan të shkatërrojnë BE, që janë shprehje e tendencave raciste, anti-myslimane, që janë në thelb të prirur që ta refuzojnë dhe përbuzin Shqipërinë dhe gjithë rajonin. Nuk fitohet lufta me argumentet e tyre, por duhet bërë ballë përballë, si Renzi në Itali.

Sapo quajtët një të tretën e Parlamentit Europian idiotë. Në një intervistë keni quajtur injorantë 90% të eurodeputetëve, duke u thënë që nuk njohin mekanizmin e dhënies së statusit. Mendoni që këto deklarata nga Kryeministri i Shqipërisë ndihmojnë kur kanë mbetur pak ditë nga statusi?

S’kam asnjë kompleks përballë këtyre ekstremistëve dhe nuk kam fjalë të tjera për tipa si Umberto Bossi apo ai i Anglisë që thotë “futëm dhelprën në kotecin e pulave të Europës”. Unë kam pikëpamjen time dhe i qëndroj asaj. Është pikëpamja e të gjithë atyre që janë europianë dhe që duan BE-në jo vetëm në Shqipëri, por në të gjithë Europën. Dhe kam quajtur të paditur 99 për qind të deputetëve të vendeve anëtare që nuk e dinë ndryshimin mes statusit, negociatave dhe anëtarësimit dhe kjo është e vërtetë.

Edhe një herë: do ta marrim apo jo statusin?

E rëndësishme është që Komisioni Europian thotë po dhe ky është matësi ynë. Ne na duhet një raport pozitiv nga Komisioni dhe këtu e kemi kryer detyrën dhe në momentin që vendet anëtare ulen për ta diskutuar… një pjesë e vendeve kanë probleme të mëdha me veten.

Panorama

[Albo]

Bir Selman i Nenes, kryeminister qe kemi...

Mire bere qe i shave europianet duket i quajtur idiote dhe ekstremiste. Diten qe nuk na japin statusin, une them qe te mbledhimi te gjithe para Kryeministrise, e ti shajme nga nena.

Se vetem ajo ka mbetur tani pa bere.

Albo

[Sorkadhe_Kelcyre]

Bir Selman i Nenes, kryeminister qe kemi...

Mire bere qe i shave europianet duket i quajtur idiote dhe ekstremiste. Diten qe nuk na japin statusin, une them qe te mbledhimi te gjithe para Kryeministrise, e ti shajme nga nena.

Se vetem ajo ka mbetur tani pa bere.

Albo

Ai rrezik po pret t'i ngrihet kenge sic bene per xhaxhi Enverin " Ligjero Bilbili Yne..."

[Antiproanti]

Rama e pranon: Ka patur trafik droge me avion, strukturat e shtetit te implikuara

Berisha kete e ka deklaruar para 10 vitesh...
Dhe 8 vjet pas qeverisjes se tij asgje s'ka ndryshuar.
Publiku shqiptar perseri lexon deklarata te njejta per trafikimin e droges permes avioneve.

[Xinxerfilli]

Albo vete shkruan vete pergjigjet. Per te lexuar se ca poston zbehet fjale.

Eshte budallallepsur keq fare

[Ingenuous]

Ma i "budallepsur" se ty qe i shkon mbrapa nje budallai, kisha kohe pa lexuar! Gjithsesi, mendimi ndryshe eshte per tu vleresuar!

[Xinxerfilli]

Ma i "budallepsur" se ty qe i shkon mbrapa nje budallai, kisha kohe pa lexuar! Gjithsesi, mendimi ndryshe eshte per tu vleresuar!

Une per kete pune paguhem sipa Albos

Une i shkoj nga mbrapa for the "shits and giggles" qe me ofron

[freeopen]

Prisni ore te uruar se dardha e ka bishtin mbrapa,nuk i pranon kot keto fakte i gjati jooooooooo

Prononcimi i kietares se komisionit hetimo
Kryetarja e komisionit hetimor, Ermonela Felaj tha sot se është arritur të sigurohet një dëshmi e plotë, në formën e kërkuar nga ligji, dokument, dhe që nëpërmjet tij pohohet që të jetë kryer transport ajror i lëndëve narkotike nga aerodromi i Gjadrit, nga viti 2012- dhe fillimi i vitit 2013-të.Felaj tha se dëshmia është dokument i klasifikuar sekret, dhe është dëshmia e një personi që ka parë me sytë e tij se çfarë ka ndodhur. Dëshmitari është identifikuar nga strukturat shtetërore me inicialet S.GJ, punonjës në aerodromin e Gjadrit.Sipas dëshmisë së tij është kryer aktivitet kriminal nëpërmjet avionëve të vegjël të cilët uleshin herë pas herë në Gjadër. Dëshmitari ka punuar si ushtarak nga viti 2011-2013, dhe për periudhën për të cilën ka dëshmuar ka qenë me detyrë në Gjadër.“Kam qenë me shërbim në aerodromin e Gjadrit, gjatë kohës që kam qenë me shërbim në tetor 2012, kam patur informim se këtu ulet një avion charter, që ngarkonte arka të dyshimta. Në një prej ditëve që isha në shërbim, rreth orës 7:30, kam komunikuar në telefon me komandën e truprojes, me shetasin me inicialet E.M, Pasi njoftimit kanë shkuar në aerodrom me motoçikletë dhe është konstatuar një avion i cili po merrte karburant dhe pako të mbështjella me letër natriban. Janë pyetur personat në fjalësse çfarë po bënin në një bazë ushtarake. Është thënë se po bënin stërvitje për luftën kundër lëndëve narkotike, dhe se ishin të SHIK-ut. Ne jemi të SHIK-ut kanë thënë dhe kanë ikur.”- theksoi Felaj. Sipas dëshmitarit në fjalë, ka patur edhe disa raste të tjera kur janë ulur avionë përgjatë disa javëve. Sipas kryetares se komisionit, dëshmitari S.Gj, pas gjithë këtyre zhvillimeve është lëvizur nga Gjadri, për në një vend tjetër pune.Felaj, theksoi se në përfundim të hetimeve, gjetjet e këtij komisioni hedhin poshtë akuzat për përfshirjen e FA-ve dhe infrastrukturës ushtarake në trafik droge pas 15 shtatorit 2013-të. Gjetjet vënë në pah se ky trafik ka filluar të lulëzojë në bashkëpunim aktiv apo pasiv, që nga niveli bazë i Forcave të Armatosura, gjatë viteve 2010-2012, ku avionë të vegjël flutorinin pa leje përkatëse, apo pa bërë me dije lejen. Trafiku i lëndëve narkotike është organizuar dhe fshehur nga strukturat e FA, Ministrisë së Mbrojtjes dhe Avioacionin Civil, theksoi ajoNë fund të konkluzioneve, Komisioni me propozim te kryetares Ermonela Felaj votoi unanimisht raportin si dhe mbylljen e veprimtarisë së këtij komisioni. Komisioni vendosi po ashtu edhe dërgimin në Prokurorinë e Përgjithshme , për të vënë para përgjegjësisë të gjithë përgjegjësit për lulëzimin e trafikut të drogës nga ajri, në peridhuhën e ish qeverisjes së mëparshme. Mbledhja nisi me dyer të mbyllura, pasi sipas Felajt, jo gjithkush mund të njihet me përmbajtjen e dokumenteve të klasifikuar sekret.

Metodat e sigurimit te xhaxhit i rruajn b... ketyre.
Hipokrizi eshte pak ta quash.