Skandali: Kapet 1 kv eksplosiv C4, tregtohej nga njerëzit e Forcave të Armatosura

[Albo]

Çipa: Sekuestruam 96 kg C4, sasia më e madhe e kapur ndonjëherë, në pranga 4 veta

Policia e Tiranës bën me dije se ka bërë të mundur kapjen e sasisë më të madhe të eksplozivit C4 që është arritur ndonjëherë në vendin tonë.

Në një deklaratë për media ditën e sotme drejtori i policisë së Tiranës, Ardian Çipa theksoi se në kuadër të një operacioni me emrin e koduar “Porosia” u arrit sekuestrimi i një sasie të konsiderueshme lënde eksplozive si dhe arrestimi në flagrancë i 4 shtetasve, pjesë e një grupi të strukturuar kriminal.
“Operacioni është finalizuar në rrugën “Sadik Petrela”, në Tiranë në momentin e shit-blerjes së lëndës eksplozive nga ana e pjesëtarëve të dyshuar të grupit kriminal. Të arrestuarit janë: Ilir Perikli Dhimo, 36 vjeç, banues në Krujë,Pëllumb Xhemal Daci, 46 vjeç, banues në Krujë,Emild Kasëm Taku, 27 vjeç, banues në Tiranë, Artur Adem Çelo, 40 vjeç, banues në Tiranë.
Këta shtetas janë kapur në kushtet e flagrancës gjatë momentit të shitjes së sasisë eksplozive C4 dhe gjatë ndërhyrjes policore kanë tentuar të largohen për t`ju shmangur arrestimit.
Më pas është proceduar me kontrollin e banesave të tyre, ku janë gjetur dhe sekuestruan në cilësinë e provës materiale:
Eksploziv plastik C4 96 kg
Fitil detonator 37 kg
Ndezësa të minave 3744 copë
Kapsolla detonatore 2927 copë
Kapsolla detonatore elektronike 387 copë
Kapsolla elektronike detonatore me trup bakri 101 copë
Kuti plastike 521 copë
Një sasi e konsiderueshme kapsolla detonatore të ndryshme
200 metër linear fitil zjarr përcjellës
2 Tamburo
2 tufa përcjellësi elektrik
Si dhe një sasi e konsiderueshme fishekësh për armë si mitraloz, automatik model 56 si dhe pistoleta model TT.
Grupi hetimor vazhdon punën për hetimin e personave të tjerë të implikuar në këtë aktivitet kriminal si dhe dokumentimin e veprimtarisë së paligjshme të kryer më parë nga këta shtetas. Materiali procedural do ti referohet Prokurorisë së Rrethit Gjyqësor Tiranë”, thuhet në deklaratën e drejtorit të policisë se Tiranës, Ardian Çipa.

Shqip

[Albo]

Arrestohen “kokat” e tregtisë së vrasjeve, zbulohet baza e C4 në Tiranë, kapet eksploziv sa për 50 atentate

Operacioni tek Oxhaku

Policia e Tiranës bllokon 10 kilogramë eksploziv C4 në Tiranë dhe arreston 5 persona të implikuar në shitjen e tij. Hetimet për këtë rrjet kanë filluar muaj më parë, kur atentatet me eksploziv u kthyen në makth për qytetarët
Policia ka shkatërruar dje një rrjet të trafikut të eksplozivit C4 në Tiranë, duke çuar në pranga 5 persona. Operacioni ka nisur në rrugën vlcsnap-2014-03-04-17h26m57s42-640x340“Sadik Petrela” në kryeqytet, ndërsa baza e eksplozivit ndodhej në një shtëpi pranë zonës së njohur si “Oxhaku”. Burime të policisë i thanë “MAPO”-s se fillimisht janë sekuestruar 10 kilogramë eksploziv C4, i pajisur me detonatorë. Por operacioni nuk ka përfunduar me kaq. Policia ka zbarkuar më pas në bazën e tritolit, ndërsa kontrolle janë ushtruar në shtëpitë e pesë të arrestuarve. Hetimet për këtë rrjet kanë filluar muaj më parë, kur policia e Tiranës ishte njoftuar për sasi eksplozivi, të gatshme për t’iu shitur kriminelëve. Për javë të tëra, të implikuarit janë mbajtur nën vëzhgimin e policisë, ndërsa mësohet se dorëzimi i eksplozivit është bërë në mënyrë të kontrolluar. Lajmi u bë i ditur nga burime zyrtare të Policisë së Shtetit, që thanë se pas një hetimi disamujor u shkatërrua baza e eksplozivit në Tiranë. Burimet thanë se nga hetimi janë identifikuar disa persona të përfshirë në shitblerjen e mundshme të lëndës plasëse, e cila pritej të shitej në afërsi të rrugës “Sadik Petrela” nga një grup personash. Policia mësohet se ka ndërhyrë në momentin kur personat po kryenin shkëmbimin, duke kryer dorëzimin e mallit dhe marrjen e parave. Policia tha se kishte arrestuar në kushtet e flagrancës 5 persona, emrat e të cilëve nuk jepen deri në përfundim të hetimit. Në polici janë shoqëruar edhe 12 persona të tjerë, të njohur apo të afërm të personave të implikuar. Menjëherë pas kapjes së eksplozivit, rreth 10 kg e ndarë në kallëpe 200-gramëshe, efektivët blu vijuan operacionin me kontrollet e së paku katër banesave. Në momentin e ndërhyrjes policia tha se kishte bllokuar një pjesë të lëndës shpërthyese, që dy persona po bëheshin gati ta shkëmbenin me dy të tjerë kundrejt një vlere të konsiderueshme parash, që bashkë me eksplozivin u administruan në cilësinë e provës materiale. Pikërisht për këtë fakt burimet e policisë thanë se kishin bllokuar edhe një sasi parash që dyshohet se ishin paratë që do përdoreshin për blerjen e mallit. Pas bllokimit të lëndës plasëse, në vendin e takimit të shitësve dhe blerësve kanë nisur kontrollet e banesave të të dyshuarve. Në dy nga banesat e bllokuara, policia tha se kishte gjetur po ashtu lëndë eksplozive, por gjithashtu edhe sende e objekte të tjera të ndaluara që besohet se janë nën posedimin e të ndaluarve. Policia tha se ka identifikuar rrugën dhe linjën e ndjekur nga lënda eksplozive deri në mbërritjen e saj në Tiranë, përpara se ajo të mbërrinte në vendin e shkëmbimit. Hetuesit mbrëmë kanë marrë në pyetje personat e arrestuar mbi rrethanat e përfshirjes së tyre në këtë linjë të trafikimit dhe tranzitimit të lëndëve plasëse, ndërsa policia tha po ashtu se ishte duke pyetur edhe persona të tjerë që besohet se kanë dijeni mbi rrethanat e këtij rasti. Eksplozivi C4 është ndër më të rrezikshmit, i përdorur gjerësisht në disa atentate të muajve të fundit në vend. Sasia e bllokuar nga policia konsiderohet tejet e madhe, por të kihet parasysh se për një atentat vrastar nevojiten 200 gramë eksploziv C4.

MAPO

[Albo]

Shkatërrimi i grupit të tritolit, burime nga policia: Të arrestuarit pjesë e FA

Policia në kryeqytet ka dhënë detaje të reja të reja në lidhje me sasinë më të madhe të eksplozivit C4 që është arritur të kapet në vendin tonë. Si rezultat i këtij operacioni u arrit sekuestrimi i një sasie të konsiderueshme prej 98 kg eksploziv c4, si dhe arrestimi në flagrancë i 4 shtetasve të cilët sipas burimeve nga policia janë ushtarakë, pjesë e Forcave të Armatosura.

Sipas burimeve nga policia të arrestuarit janë: Ilir Perikli Dhimo, 36 vjeç, banues në Krujë, kapiten tek asgjësimin i municioneve, Pëllumb Xhemal Daci, 46 vjeç, banues në Krujë, major në rezervë ish zv. komandant, Emild Kasëm Taku, 27 vjeç, banues në Tiranë, ushtarak tek batalioni i transportit, Artur Adem Çelo, 40 vjeç, banues në Tiranë, pjesë e ushtrisë. Operacioni i një dite më parë, është finalizuar në rrugën “Sadik Petrela”, në Tiranë dhe janë sekuestruar:

• Eksploziv plastik C4 98 kg
• Fitil detonator 37 kg
• Ndezësa të minave 3744 copë
• Kapsolla detonatore 2927 copë
• Kapsolla detonatore elektronike 387 copë
• Kapsolla elektronike detonatore me trup bakri 101 copë
• Kuti plastike 521 copë
• Një sasi e konsiderueshme kapsolla detonatore të ndryshme
• 200 metër linear fitil zjarr përcjellës
• 2 Tamburo
• 2 tufa përcjellësi elektrik
• Si dhe një sasi e konsiderueshme fishekësh për armë si mitraloz, automatik model 56 si dhe pistoleta model TT.

Këta shtetas janë kapur në kushtet e flagrancës gjatë momentit të shitjes së sasisë eksplozive C4 dhe gjatë ndërhyrjes policore kanë tentuar të largohen për t`ju shmangur arrestimit.

(d.d/BalkanWeb)

[IllyrianPatriot]

o albo ky nuk eshte skandal por eshte sukses ... o i verberuar nga ndjenjat politike ! Dita dites po bindem se politika kaptivon te njeten pjese te trurit me ate te fese ... !!!

[Albo]

o albo ky nuk eshte skandal por eshte sukses ... o i verberuar nga ndjenjat politike ! Dita dites po bindem se politika kaptivon te njeten pjese te trurit me ate te fese ... !!!

Ju votuesit e Rilindjes Socialiste jeni shume te zgjuar. Ne qe nuk votuam Rilindjen Socialiste nuk jemi aq te zgjuar sa ju. Per ne, kur C4 qe u shitej vrasesve me pagese shitej nga njerezit e Ushtrise, ky perben skandal. Makinat, pronat e jetet e qytetareve po hidhen ne ere me C4 e Ushtrise Shqiptare.

Kjo per ne shqiptaret e rrenuar eshte skandal. Por ju rilindasit eshte sukses.

Albo

[Albo]

Ish-oficerët e kapur me 96 kilogramë eksploziv: E morëm nga depot e Ushtrisë


ISH-MAJORI PELLUMB DACI I ARRESTUAR NGA POLICIA (MAJTAS) TRITOLI I SEKUESTRUAR

Aksioni “Porosia”, banda merrte një mijë euro një kilogram eksploziv.

Policia: Grupi dyshohet se shiti 100 kg C4 nga viti 2011

Katër personat e arrestuar mbrëmjen e së hënës në Tiranë janë ish-ushtarakë. Ata janë kapur me 96 kilogramë eksploziv C4 dhe mijëra kapsolla detonatore e fitila përcjellës.
Të arrestuarit, sipas burimeve zyrtare të Policisë, dyshohet se e kryejnë këtë aktivitet nga viti 2011 e në vazhdim. Të arrestuarit janë: Ilir Dhimo, ish-kapiten në sektorin e asgjësimit të municioneve në Ushtrinë shqiptare; Artur Çelo, ish-ushtar profesionist; Pëllumb Daci, major në rezervë, ish-zv.komandant në ushtri; Emild Taku, ish-ushtar në Batalionin e Transportit pranë Forcave të Armatosura. Gjatë marrjes në pyetje pas arrestimit nga policia, mësohet se katër ish-ushtarakët kanë pretenduar se një pjesë të mirë të eksplozivit që u është gjetur e kanë siguruar nga depot e ushtrisë në kohën kur kanë qenë pjesë e Forcave të Armatosura. Ky pretendim është duke u verifikuar nga ana e Prokurorisë së Tiranës, e cila ka autorizuar kryerjen e veprimeve hetimore që sollën zbulimin e grupit, pas referimit të çështjes nga ana e Policisë së kryeqytetit.


AKSIONI
Drejtori i Policisë së Tiranës, Ardian Çipa, konfirmoi dje në një konferencë për shtyp se personat e arrestuar, brenda 3 viteve të fundit kanë shitur më shumë se 100 kilogramë C4. “Nga hetimet e deritanishme ka dyshime se ky grup kriminal ka shitur nga viti 2011 e deri tani një sasi mbi 100 kilogramë lëndë eksplozive të llojit C4. Kjo lëndë eksplozive mund të jetë përdorur në ngjarje të ndryshme kriminale në qytetin e Krujës, në Tiranë apo edhe në qytete të tjera”, u shpreh Çipa. Aksioni i koduar “Porosia”, që u krye nga forcat e Komisariatit Nr. 2 dhe të Antiterrorit, nisi me vënien në përdorim të metodave speciale, duke përdorur blerje të stimuluar, në rrugën “Sadik Petrela” në Tiranë. Forcat e Policisë u afruan në momentin kur 3 prej të arrestuarve ishin bashkë para një lokali duke pritur personin që kishte porositur lëndën eksplozive. Ilir Dhimo, që ishte me një motor “Papaq”, Pëllumb Daci me automjetin tip “Audi” dhe Artur Çelo me biçikletë, u zbuluan kur po prisnin blerësin e 11 kilogramëve C4. Pas arrestimit të tyre në flagrancë u zbulua baza ku u gjet edhe sasia tjetër, prej 85 kilogramësh eksploziv.

OPERACIONI
Oficerët e Komisariatit Nr .2, më 18 maj kanë nisur procedim penal për veprën penale “prodhim dhe mbajtje pa leje e armëve luftarake dhe municionit në sasi të mëdha”, në bashkëpunim. Nga informacionet operative, Policia e Tiranës kishte dyshime se dy persona, Emild Taku dhe Artur Çelo, mbanin dhe shisnin sasi të mëdha lëndësh plasëse të llojit C4. Pas këtij referimi, është vendosur vënia në përdorim e metodave speciale të hetimit, vendim që është vlerësuar edhe nga Gjykata e Tiranës, që ka autorizuar veprimet hetimore për 15 ditë. Duke përdorur metodën e blerjes së stimuluar, forcat e Policisë ndërhyrë mbrëmjen e së martës, kur 3 prej të dyshuarve, mes tyre edhe organizatori kryesor i këtij grupi, Pëllumb Daci, do shisnin një sasi prej 11 kg C4. Ata sapo kanë parë policinë që u ka bërë thirrje të ndalojnë, kanë tentuar të largohen nëpër rrugicat e zonës. Grupi operacional është vënë në ndjekje të tyre duke arritur t’i arrestojë në flagrancë dhe ka kapur edhe sasinë e eksplozivit. Ndërsa gjatë kontrolleve në terren, në një banesë dykatëshe në krah të shkollës “Hasan Prishtina” në zonën e Porcelanit, policia ka zbuluar 2 baza ku mbahej lënda plasëse bashkë me pajisjet e nevojshme për montimin e minave me telekomandë. Të dyshuarit kishin marrë me qira dy ambiente në katin e parë të kësaj banese dhe e përdornin për të shpërndarë porositë që u vinin nga grupet kriminale.

TE ARRESTUAR
1. Ilir Perikli Dhimo, 36 vjeç, banues në Krujë
2. Pëllumb Xhemal Daci, 46 vjeç, banues në Krujë
3. Emild Kasëm Taku, 27 vjeç, banues në Tiranë
4. Artur Adem Çelo, 40 vjeç, banues në Tiranë

SEKUESTRUAR
96 kg eksploziv plastik C4
37 kg fitil detonator
3744 copë ndezës minash
2927 copë kapsolla detonatore
387 copë kapsolla detonatore elektronike
101 copë kapsolla elektronike detonatore me trup bakri
521 kuti plastike
Një sasi e konsiderueshme kapsolla detonatore të ndryshme
200 metra linear fitil zjarr përcjellës
2 tamburo
2 tufa përcjellësi elektrik
Automatik model 56, si dhe pistoleta “TT”
Një automjet “Audi
Një motor “Papaq”
Një biçikletë

ETLEVA DELIA

Panorama

[Albo]

Prokuroria: Ja si u zbulua grupi i tritolit

Prokuroria e Tiranës tha se hetimet për grupin e tritolit nisën mbi bazën e referimit të Policisë Gjyqësore të Komisariatit Nr. 2 më datë 18 maj 2014. Sipas informacionit të policisë, dy persona ishin evidentuar se kryenin veprimtari kriminale në drejtim të mbajtjes dhe shitjes në sasi të mëdha të lëndës plasëse të dyshuar e llojit C4 (tritol). Prokuroria e Rrethit Gjyqësor Tiranë, më datë 18 maj 2014 ka marrë vendim për vënien në përdorim të metodave speciale të hetimit. Ky vendim është vleftësuar në Gjykatën e Rrethit Gjyqësor Tiranë ku janë autorizuar veprimet edhe për 15 ditë në vazhdim. Më 19 maj 2014, ditën e hënë, shtetasit e dyshuar kanë mundësuar shitjen në qytetin e Tiranës të një sasie prej 11 kg lënde plasëse C4, të cilët e dispononin por për momentin e parë nuk dihej vendi ku e mbanin të magazinuar. Ata ndërmjet tyre bashkëpunonin për gjetjen e klientëve për shitblerjen e lëndës plasëse me qëllim përfitimi material. Gjatë bisedave të zhvilluara ndërmjet tyre si dhe personave të tretë, është mundësuar gjetja e vendit dhe kapja në flagrancë gjatë shitjes së një sasie të konsiderueshme prej rreth 11 kg lëndë plasëse të dyshuar C4. Në vijim, gjatë kontrolleve të ushtruara në banesat e të dyshuarve, u bë kapja e një sasie tjetër e kësaj lënde prej rreth 150kg”, tha Prokuroria.

Panorama

[Albo]

Arrestohet bërthama mafioze në ushtri, grabiten për terrorizëm 200 kg tritol

Pas bandës së 99 kilogramëve eksploziv C4 fshihen oficerë të Ushtrisë. Policia dyshon se grupet kriminale furnizoheshin nga depoja e Ndroqit, ndërsa eksplozivi deklarohej si i asgjësuar nga majori Ilir Dhima. Si u zbulua banda e tritolit në radhët e Forcave të Armatosura

Oficerë të Ushtrisë fshihen pas bandës së eksplozivit C4, që u godit nga Policia e Tiranës dy ditët e fundit. I arrestuari Ilir Dhimo mban gradën “Major” dhe punonte si komandant i njësisë së asgjësimit të lëndëve plasëse në repartin e Ndroqit. Dy të arrestuarit e tjerë, Pëllumb Daci dhe Emild Tabaku janë gjithashtu ushtarakë të të njëjtit repart. I katërti i arrestuar për sasinë e madhe të eksplozivit të bllokuar në Tiranë, Artur Çelo, është i vetmi civil i grupit që po hetohet edhe për lidhje me elementët kriminalë në zonën e Tiranës dhe Fushë-Krujës. Burime të policisë së Tiranës i thanë MAPO-s se grupi i ushtarakëve mbahej nën vëzhgim vetëm prej pak ditësh nga agjentët e antikrimit dhe prokurorët. Ata u arrestuan në rrugën “Sadik Petrela” mbrëmjen e së hënës, ndërsa po tentonin të shisnin 10 kilogramë eksploziv C4. Më pas, policia ndërmori një sërë kontrollesh në banesat e tyre, ku u sekuestruan edhe 88 kilogramë eksploziv C4, si dhe një sasi e madhe municionesh e të gjitha llojeve. Nga hetimet e para rezulton se eksplozivi që përfundonte në duart e kriminelëve merrej nga depot e Ushtrisë. Majori Ilir Dhimo ishte personi përgjegjës për asgjësimin e eksplozivit në repartin e tij, prej nga dyshohet se sigurohej lënda plasëse.

Dëshmia e Majorit

“Po, unë kam shitur eksploziv C4. Nga viti 2010 e deri më sot, mund të kem shitur rreth 100 kilogramë tritol”, – ka pohuar për hetuesit e çështjes majori i repartit të Ndroqit. Në dëshminë përballë hetuesve, Ilir Dhimo ka pranuar akuzën, e madje ka rrëfyer se përgjatë 4 viteve të fundit ka shitur eksploziv nga depot e Ushtrisë. Kreu i Policisë së Tiranës, Ardian Çipa tha dje në një konferencë për mediat se ky grup dyshohet të ketë çuar në duart e krimit rreth 100 kilogramë eksploziv të fuqishëm. Megjithatë, Çipa e cilësoi çështje të hetimit të kaluarën e 4 të arrestuarve, duke mos dhënë detaje për punën që ata kryenin. Burimet e policisë së Tiranës thanë se dyshohet që lënda plasëse rridhte nga repartet ushtarake. Bëhet fjalë për lëndën plasëse që duhej asgjësuar, por që në fakt vetëm shënohej si e tillë dhe më pas hidhej në treg. Gjatë marrjes në pyetje të katër të arrestuarve, pas bllokimit të lëndës plasëse, ata kanë pranuar mbajtjen dhe shitjen e tyre. Vetë Ilir Dhimo ka pranuar më tej për policinë se eksplozivi C4 shënohej si i asgjësuar, por në të vërtetë shitej tek personat e interesuar.

Hetimi i policisë

Një plagosje në Tiranë i ka çuar hetuesit e policisë tek banda e Ushtrisë që shiste C4. Hetuesit kanë ndjekur gjurmët e eksplozivit, duke identifikuar më pas edhe ushtarakët që dyshohej se ishin implikuar në këtë aferë. Javën e kaluar policia priste që personat e mësipërm të bënin një shitje të një sasie eksplozivi, me qëllim për t’i kapur, por një gjë e tillë nuk u realizua. Më pas, çështja u regjistrua në Prokurorinë e Tiranës, ku u kërkua edhe përgjimi i të dyshuarve në gjykatë. Në vëzhgimet e saj, policia kishte arritur të identifikonte së paku 4 persona të përfshirë në këtë aktivitet kriminal, si dhe disa të tjerë që dyshohen si bashkëpunëtorë. Ndërhyrja u vendos në momentin kur agjentët e policisë mund të mbanin nën kontroll të gjitha lëvizjet e të dyshuarve, për t’i çuar më pas në pranga. Mësohet se të implikuarit janë ndaluar në një veturë “Audi” 80, në ngjyrë të zezë, në të cilën supozohej se ishte lënda plasëse. Menjëherë pas ndërhyrjes, në makinë janë bllokuar 11 kg eksploziv C4. Më pas, gjatë kontrollit të një banese dykatëshe ngjitur me shkollën “Hasan Prishtina”, policia gjeti edhe 88 kilogramë të tjerë C4, si dhe një arsenal të tërë municionesh, të gatshme për t’u hedhur në tregun e zi të kryeqytetit.



Shitja e eksplozivit plastik, 20 mijë euro për 10 kg

20 mijë euro për 10 kilogramë eksploziv C4. Ky ishte çmimi i vendosur nga majori xhenier, Ilir Dhima për personat që kërkonin të blinin eksploziv. Burime të policisë së Tiranës thanë se kjo ishte sasia e parave të kërkuara për lëndën plasëse që u bllokua në makinë, ndërkohë që e gjitha sasia vlente shumë më tepër. “Të implikuarit kishin rënë dakord me blerësit për një çmim të tillë, pasi eksplozivi plastik është edhe më i shtrenjti”, -i tha MAPO-s një burim policor. Megjithatë, çmimi i shitjes varionte në varësi të klientit që do ta blinte. Përgjithësisht sipas burimeve, çmimi shkonte nga 500- 800 euro për kilogram. Por në raste të ndryshme ajo mund të shkonte edhe në 1 mijë euro. Grupi i mësipërm, sipas burimeve të policisë kishte një funksionim të përafërt me atë të një grupi të strukturuar kriminal, megjithëse hetimet për të ndarë rolet e tyre vazhdojnë. Sipas burimeve të policisë, dy të arrestuarit kryesorë dyshohet se janë Ilir Dhima dhe Pëllumb Daci, të cilët gjenin lëndën e parë dhe më pas siguronin klientët e mundshëm për t’ua shitur. Dy personat e tjerë, sipas burimeve të policisë dyshohet se ishin përfshirë po ashtu në gjetjen e klientëve dhe ruajtjen e eksplozivëve. Ndërmjetësi në këtë hetim u identifikua Pëllumb Daci nga Kruja, ndërsa Dhima si furnizues.

Të arrestuarit

Ilir Dhima, 36 vjeç, me gradë Major, komandant i njësisë xheniere në repartin e Ndroqit

Pëllumb Daci, 46 vjeç, ish-zv.komandant, tanimë në reformë

• Emild Taku, 27 vjeç, nënoficer në repartin xhenier të Ndroqit në Tiranë

• Artur Çelo, 40 vjeç, civil dhe ndërmjetës për gjetjen e klientëve

Sekuestrime:

• Eksploziv plastik C4 99 kg

• Fitil detonator 37 kg

• Ndezës të minave 3744 copë

• Kapsolla detonatore 2927 copë

• Kapsolla detonatore elektronike 387 copë

• Kapsolla elektronike detonatore me trup bakri 101 copë

• Kuti plastike 521 copë

• Një sasi e konsiderueshme kapsolla detonatore të ndryshme

• 200 metër linear fitil zjarr përcjellës

• 2 Tamburo

• 2 tufa përcjellësi elektrik

• Si dhe një sasi e konsiderueshme fishekësh për armë si mitraloz, automatik model 56 si dhe pistoleta model TT.

MAPO