Shqiperi: Bie termet 5.2 balle, deme materiale, epiqendra Belshi

[Xinxerfilli]

Tërmeti shkakton dëme

Në orën 2 e 59 minuta të mëngjesit të së hënës, një tërmet me fuqi 5.2 të shkallës Rihter, me epiqendër 3 kilometra në jug të Belshit dhe 13 kilometra në veri të Kuçovës goditi vendin.

Më pas vijuan edhe 6 goditje të tjera me intensitet më të ulët, e dyta në orën 3 e 6 minuta në fshatin Mollas, në orën 3 e 16 minuta 6 kilometra në jug-perëndim të Gostimës një tjetër lëkundje 4.1 e shkallës Rihter, e kështu me radhë lëkundje të tjera me intensitet më të ulët, deri në lëkundjen e fundit prej 3 të ballë që goditi në orën 5 e 39 minuta sërish pranë Belshit.

Thellësia e tërmetit ka qenë e vogël nga 2 deri në 14 kilometra. Lëkundjet e forta e forta në shumë qytete shkaktuan panik, aq sa në zonat afër epiqendrës shumë persona e kaluan natën jashtë. Në Belsh disa banesa janë bërë të rrezikshme për shkak të dëmtimeve të mëdha që kanë pësuar.

“Ka dëmë në dy ambiente publike, sic janë shkolla 9-vjeçare Qendër Belsh, gjithashtu dhe shkolla 9-vjeçare e fshatit Qafë-Shkallë të Bashkisë Belsh. Por jo vetëm këto objekte, kemi edhe dëmtime të banesave të qytetarëve”, deklaroi Blerim Tafani, nga Emergjencat Civile në Belsh.

Dëmtime të rënda ka pësuar edhe Shkolla e Mesme në Bashkinë e Belshit, një kat i së cilës është bërë e rrezikshme. Por situata është më e rëndë në Bashkinë e Cërrikut, ku disa pallate janë dëmtuar shumë rëndë duke i bërë të pabanueshme.

Ekspertët e Emergjencave Civile i kanë kërkuar me urgjencë bashkisë nxjerrjen e të gjithë banorëve jashtë banesave të tyre për shkak se pallatet janë të rrezikshme dhe mund të shemben në çdo moment. Bëhet fjalë për dhjetëra familje tashmë të pastreha. Banorët treguan tmerrin e sekondave kur muret e shtëpive po çaheshin.

"Mora fëmijët dhe burrin të iknim, por nuk na hapej dera. Kërkuam ndihmë. Komshiu mezi hapi derën duke e shqyer. Ka shumë dëme dhe kemi frikë të rrijmë brenda", tha një banore. "Jashtë po rrijmë të gjithë, gra e burra. Kishim frikë se mos binte prapë, se këto mure lëvizin", u shpreh një tjetër.

"Janë 50 familje të prekura nga tërmeti. Kryesisht janë dëmtuar pallati 13, 16 dhe 86, që kanë rreth 34 familje të identifikuara. Janë dëmtuar muret mbajtëse e ndarëse. Kemi këshilluar banorët të lënë banesat dhe kemi hartuar një plan masash për t'i vendosur diku", deklaroi Fatmir Uruçi, drejtor i Urbanistikës në bashkinë e Cërrikut.

Emergjencat civile po japin ndihmën ndërsa i është kërkuar Bashkisë së Cërrikut gjetja e një strehimi alternativ, ndërkohë që dy pallatet e dëmtuara do bllokohen.

Dëme raportohen edhe në rrethin e Lushnjes, në fshatrat Hysgjokaj dhe Algjinaj janë të paktën 20 banesa të dëmtuara dhe një e rrafshuar plotësisht.

Një banesë në Hysgjokaj u dëmtua aq shumë sa për pak zuri brenda familjen me 9 anëtarë. Emergjencat Civile po punojnë për evidentimin e të gjitha dëmeve të shkaktuara në dy prefekturat, të Elbasanit dhe Fierit.

/Top Channel

[DEA27]

A ka ndonje pus nafte diku aty afer, se me duket se keto nuk jane kusure nga perendia por nga njerzia jone anadollake qe ne rastin me te keq jane bere te pangopur dhe ne rastin me te mire jane bere aq apatik sa tjeteri I ka hyre ne shtepi dhe po I ve zjarrin dhe ata i mbajne syte nga lindja e djellit!