Qeveria e Rilindjes e arreston, Gjykata e liron Gjeneral Syrja Gjoka

[Albo]

Arrestohet një gjeneral, zbardhet një nga aferat e Forcave të Armatosura


Sipas prokurorisë, gjenerali Syrja Gjoka dyshohet se në kundërshtim me ligjin ka urdhëruar shkatërrimin e 7 objekteve në pronësi të ushtrisë dhe se ka falsifikuar nënshkrimet e disa prej anëtarëve të Komisionit.

Një nga pesë njerëzit më të rëndësishëm të ushtrisë shqiptare ka përfunduar në pranga si i dyshuar për shpërdorim detyre me pronat e bazës ushtarake të Kuçovës. Gjeneral Brigade, Syrja Gjoka u arrestua me urdhër të Gjykatës së Beratit, pas hetimit të nisur nga prokuroria e këtij qyteti në nëntor të vitit të shkuar. Një grup oficerësh të Policisë Ushtarake trokitën mëngjesin e djeshëm në banesën e gjeneralit dhe me vendimin e gjykatës në dorë morën ish-eprorin e tyre për ta dërguar në paraburgim. Sipas prokurorisë, gjenerali Syrja Gjoka dyshohet se gjatë kohës që ka ushtruar funksionin e Komandantit të Repartit Ushtarak 3200 në Kuçovë, në kundërshtim me ligjin dhe pa miratimin e strukturave eprore, ka nxjerrë urdhrin për shkatërrimin e të paktën 7 objekteve në pronësi të Forcave të Armatosura. Prokuroria thotë se gjatë hetimit janë krijuar dyshime të arsyeshme se Gjenerali ka falsifikuar nënshkrimet e disa prej anëtarëve të Komisionit, të cilët ishin ngarkuar për përcaktimin e objekteve që do të nxirreshin jashtë fondit të pronave të ushtrisë me qëllim shembjen e tyre. Dëmi i shkaktuar nga veprimet e dyshuara si të paligjshme, sipas një auditi të bërë nga Ministria e Mbrojtjes, kapin shifrën e rreth 6 milionë lekëve të reja. Hetimet ndaj ish-kolonelit Gjoka nisën në nëntor të vitit të shkuar, kur Policia Ushtarake referoi në prokurori të dhëna që komprometonin ushtarakun e lartë gjatë kohës që kishte drejtuar Repartin Ushtarak të Kuçovës në vitet 2011-2012. Sipas prokurorisë, dëshmitë e punonjësve të bazës, mungesa e një pjese të procesverbaleve për shembjen e objekteve dhe dëshmitë për marrjen e skrapit nga kompania që ka shembur këto objekte, tregojnë se i gjithë procesi ka qenë i paligjshëm. Rreshter K.M ka dëshmuar se Komanda e Bazës Ajrore i kishte ngarkuar atij një detyrim në shumën e 3.5 milionë lekëve në formën e dëmit të ardhur nga prishja e objekteve të kësaj baze. Por ai thotë se këto objekte janë prishur pas urdhrit verbal të ish-komandantit të repartit, kolonel Syrja Gjoka. “Rreshter K.M citon se të gjitha këto objekte janë prishur pa miratimin e organit epror, Komandës së Forcës Ajrore Tiranë dhe në kundërshtim me ligjin”, – thotë prokuroria. Ky fakt përforcohet sipas prokurorisë edhe nga anëtarët e komisionit, një pjesë e të cilëve kanë deklaruar se megjithëse ishin prezentë në shembjen e objekteve, askush prej tyre nuk e njihte procedurën ligjore që ndiqej në këto raste. “Disa prej anëtarëve të komisionit kishin edhe pretendime lidhur me firmat që ishin në procesverbale, duke pretenduar që nuk ishin nënshkrimet e tyre. Nga deklarimet e personave që kanë dijeni për veprën penale rezulton se procesverbalet e prishjes së objekteve janë nënshkruar kohë më pas prishjes reale të objekteve”, – thotë prokuroria. Sipas praktikës shkresore të sekuestruar rezulton se Komandanti i Bazës Ajrore të Kuçovës ka nxjerrë një urdhër për inventarizimin e ndërtesave dhe objekteve të këtij reparti. Një muaj më pas janë prishur 209 objekte e qendra zjarri në territorin e Bazës Ajrore, por sipas prokurorisë, ky veprim nuk është miratuar me procesverbal të llojit “SU-3”. “Me shkresën datë 05.10.2011 Komandanti Repartit Ushtarak 3200 Kuçovë i kërkon Komandantit të Forcës Ajrore prishjen e 7 objekteve të këtij Reparti. Me shkresën datë 21.10.2011, Komandanti i Forcës Ajrore nuk miraton procesverbalet SU-3 të dërguara nga Reparti Ushtarak Kuçovë, për arsye se materialet ishin dërguar jashtë afatit kohor të përcaktuar në Urdhrin e Shefit të Shtabit të Përgjithshëm”, thotë prokuroria. Rreth një muaj më vonë, komandanti i repartit të Kuçovës, Syrja Gjoka ka ridërguar procesverbalin për miratimin e prishjes së shtatë objekteve, por sërish merr si përgjigje se ky dokumentacion nuk mund të shqyrtohej pasi ishte jashtë afateve kohore, por megjithatë, këto objekte janë prishur. Nga inventari i bërë në janar të vitit 2013 rezulton se mungonin 12 objekte, 9 prej të cilave ishin prishur me procesverbal gjatë kohës që ky repart drejtohej nga kolonel Syrja Gjoka, ndërsa për tre prej tyre nuk figuron dokumentacion i prishjes.



Objektet e prishura:

Objektit kuzhinë fjetinë, prishur më 15.07.2011

Ish-parku i shkollës, prishur më 15.07.2011

Ish-truproja nr.1, shembur më 5.11.2011

Objektit strehim agregati shembur më 2.03.2012

Qendra zjarri mitralozi, shembur më 8.03.2012

Parku i automjeteve metalike, shembur më 8.03.2012

Laboratori i teknikës ajrore, shembur më 2.06.2012

Ish-parku radio-drita, shembur më 2.06.2012

Dëshmia, kompania që kreu punimet, mori skrapin e objekteve

Prokuroria thotë se punimet për shembjen e objekteve në repartin ushtarak të Kuçovës janë kryer nga një kompani private, punonjësit e së cilës rezultojnë të kenë disa hyrje-dalje në territorin e këtij reparti. Sipas fletë-hyrjeve në postbllokun e repartit rezulton se gjatë periudhës që është kryer procesi i shembjeve, në këtë territor kanë hyrë disa mjete dhe shtetasi A. R, i cili pranon kryerjen e punimeve pas kontakteve që kishte patur me ish-komandantin e repartit Syrja Gjoka. “Shtetasi A.R, i pyetur për këtë fakt ka pranuar që ka hyrë në repart dhe kishte kontaktuar me komandantin Syrja Gjoka dhe se për disa ditë kishte kryer punime në këtë repart me skrepin e tij”, thotë prokuroria. Duke iu referuar dëshmisë së shtetasit A. R, ai pranon se punëtorët e tij kishin kryer disa lloj punimesh, midis të tjerave edhe prishje pengesash betoni. “Për të mbuluar shpenzimet kishte marrë hekurin e objekteve që kishte prishur. Sipas tij, kryerjen e punimeve e drejtonte një person civil, i identifikuar si shtetasi T.P., i cili ka qenë edhe anëtar komisioni për prishjen e objekteve”, thotë prokuroria. Më tej akuza i ka kërkuar Ministrisë së Mbrojtjes informacion për dëmin e shkaktuar nga prishja e objekteve, ku sipas auditit rezulton se dëmi është 5 milionë 695 mijë e 752 lekë.

MAPO

[Al..]

Modeli i reformave te ushtrise shqiptare ne keto 24 vite

[peshkatari2011]

Kjo s,eshte gje fare,,,,te shohesh shefin e shtabit,,,duke mbledhur letra ne rruget e shqiperise.

[DEA27]

Me ndriconi ju qe mund te keni me shume informacion! Meqe me demek kjo qeveri po e kryen punen shume mire kunder korrupsionit a nuk duhet te ishin vene para drejtesise ata qe kane vrare, prere shfarrosur pasurite kombetare, duke nisur tek SALA EDI META E shoket e tjere!
Me cudit fakti qe kapin ndonje te pafajshem apo tek e keqja me e madhe ndonje qe u ka prish qefin dhe e bejne arritjen me te madhe te tyre!
A eshte kjo qeveri nje hipokrizi apo cfare????

[vagabondo_nyc]

Eshte e ulet per ushtrine shqiptare te arrestosh gjeneralin. Mund ta kishin kshilluar se fundja ska bere pale ca krimi.

[Xhuxhumaku]

Eshte e ulet per ushtrine shqiptare te arrestosh gjeneralin. Mund ta kishin kshilluar se fundja ska bere pale ca krimi.

Kot me tpyt?

e ke parasysh ca jane oficeret shqiptare, dhe xheneralet e tyre?

[vagabondo_nyc]

xhu i used to be beks

[Xhuxhumaku]

xhu i used to be beks

athere, ki parasysh qe kto tipa e kane mendjen gjithe diten dhe naten si me vjedhur, dhe ndoshta nji pjese e madhe e tyre, edhe qitje sdine me te bejne.

ushtria shqiptare tani eshte katandisur ne 5000 a me pak trupa.

i ke pare ca trupi barkalec kane 80% e oficereve shqiptare? gjtihe diten duke pire i gjen.

ka qene kohe tjeter, ajo e begsave,

tani cdo gje eshte bisnes, edhe dergimi ne bosnje, irak dhe afganistan.

jep perqindje, te shkosh se do marresh dollare...

[Albo]

Vlorë, akuzohej për shpërdorim detyre, Apeli liron nga burgu gjeneralin Syrja Gjoka

VLORË-Gjykata e Apelit Vlorë ka liruar sot nga burgu gjeneralin Syrja Gjoka. Sipas gjykatës arrestimi i tij është i paligjshëm. Gjenerali Gjoka ndodhet prej 4 ditësh në spitalin e Beratit për shkak të problemeve kardiake.

Rreth 10 ditë më parë Gjykata e Beratit la në burg zyrtarin e lartë të Forcave të Armatosura të Republikës së Shqipërisë, pasi akuzohej se ka shpërdoruar detyrën në kohën kur ai ka qenë Komandant i Bazës Ushtarake të Aviacionit në Kuçovë.

Arrestimi i Syrja Gjokës, me gradë ushtarake "Gjeneral Brigade", i cili ushtronte aktualisht detyrën e komandantit të logjistikës në FA, ka ardhur pas kërkesës së Prokurorisë së Rrethit Gjyqësor Berat, e cila prej disa muajsh e kishte vënë nën hetim. Sipas prokurorisë, Gjoka akuzohet se në periudhën kohore 2011-2012, kohë kur ka qenë me detyrë Komandant i Bazës Ushtarake të Aviacionit në Kuçovë, i ka shkaktuar shtetit një dëm prej 6 mln lekësh të reja, nga prishja e disa objekteve, pronë e Ushtrisë.

Sipas burimeve nga Prokuroria e Beratit, gjenerali Syrja Gjoka dyshohet se është përgjegjës për shkatërrimin e 7 objekteve të Forcave të Armatosura në Kuçovë, pa marrë leje nga strukturat eprore, Komandës së Forcës Ajrore Tiranë. Gjithashtu, në të gjitha rastet, komisioni i prishjes së objekteve të pamiratuara nuk ka konstatuar materiale me vlera magazinimi.

(a.n/BalkanWeb)

[Xhuxhumaku]

Ambasada SHBA: Të skandalizuar me pretendimin e Berishës ndaj punonjësit tonë



TIRANE- Ambasada e Shteteve të Bashkuara në Tiranë ka reaguar pas deklaratave të ish-kryeministrit Berisha, në lidhje me një punonjës të kësaj ambasade.

Në reagimin e tyre për mediat thuhet se, “Ambasada e Shteteve të Bashkuara në Tiranë është e skandalizuar me pretendimin e pabazë ngritur ndaj një punonjësi të ambasadës më herët sot nga Z. Sali Berisha, anëtar i parlamentit, gjatë një seance të parlamentit. Z. Berisha pretendoi se një punonjës shqiptar i ambasadës ishte përpjekur të ndërhynte në një çështje hetimi penal në proces, thjesht mbi bazën e marrëdhënies së punonjësit të ambasadës me një anëtar të Këshillit të Ministrave. Pretendimi është tërësisht i pavërtetë dhe i pabazë”.

Më tej në deklaratë thuhet se, “Ambasada e SHBA këmbëngul për nivelin më të lartë të integritetit dhe llogaridhënies të secilit anëtar të misionit tonë. Ambasada e SHBA i bën thirrje Z. Berisha të reflektojë për sjelljen e tij”.

Përmendja e punonjëses së ambasadës, u bë sot në Kuvend, kur Berisha akuzoi ministren e Mbrojtjes Mimi Kodheli se qendron pas arrestimit të gjeneralit Syrja Gjoka. Berisha përfshiu edhe motrën e ministres, punonjëse e OPDAT.

Sipas tij, Kodheli ka përdorur edhe motrën e saj, e cila ka folur në emër të misionin OPDAT, misioni amerikan i ndihmës në fushën e zbatimit të ligjit.

“Ka nisur motrën e saj në emër të OPDAT, duke folur në emër të misionit edhe pse aty është thjesht punonjëse. Ministrja Kodheli i ka bërë presion dy prokurorëve, ose Syrja Gjoka në litar, ose ju do humbisni, se kështu është vendosur. A merret kështu një baba, një ushtarak, një ish-gjeneral në detyrë, kafshërisht”, është shprehur Berisha.
(m.a/BalkanWeb)