Fier: Ekzekutohet me 17 plumba biznesmeni Agron Ymeraj

[Albo]

Ekzekutohet për hakmarrje biznesmeni


Viktima Agron Ymeraj

Agron Ymeraj qëllohet me 17 plumba kur po hynte në makinën e tij.

Ekzekutohet për hakmarrje biznesmeni fierak. Agron Ymeraj, 55 vjeç, pronar i një rrjeti dyqanesh hidrosanitaresh, u qëllua për vdekje me 12 plumba, pak metra pasi kishte dalë nga shtëpia, në vendin e njohur si ish-MAPO në Fier.
Viktima, sipas Policisë, dyshohet se është vrarë për të marrë hak për Kolin Veshin, inxhinierin e vrarë 3 vjet më parë. Djali i tij, Eni Veshi, është autori i dyshuar i krimit, i shpallur në kërkim nga Policia e Fierit. Ngjarja ndodhi vetëm 8 muaj nga vendimi i gjykatës që nxori pa faj djemtë e viktimës Ymeraj për krimin ndaj inxhinierit Veshi. Konflikti nisi në vitin 2010 mes djemve të të dy palëve, por që përfundoi me marrjen e hakut te baballarët.
Ymeraj u gjet i vrarë brenda në makinën e tij në qendër të qytetit të Fierit, rreth orës 08:30 të mëngjesit, 50 metra larg banesës. Ndaj tij autori kishte qëlluar 17 herë (10 gëzhoja nga jashtë dhe 7 të tjera nga jashtë makinës). Në trupin e viktimës kishin mbetur 12 plumba, që i shkaktuan vdekjen në vend babait të dy djemve. Pas vrasjes policia u njoftua nga qytetarë që u ndodhën në vendin e ngjarjes. Burimet tregojnë se shiu i rrëmbyeshëm në orët e para të mëngjesit ka bërë që askush të mos e identifikojë autorin, ndërkohë që vëmendjen e kanë tërhequr zhurmat e të shtënave.
“Dëgjuam krisma me breshëri dhe menjëherë dyshuam që kishte ndodhur ndonjë gjë e keqe, por nuk e pamë direkt se çfarë kishte ngjarë. Ka shumë mundësi që ai ose ata të na kenë kaluar aty pranë. Nuk pamë gjë. Ne ishim tre veta aty, rreth 70 metra larg nga vendi i ngjarjes dhe pasi dëgjuam të shtënat, shkuam të shohim nga erdhën se edhe zhurma e shiut s’na linin të kuptonim burimin e të shtënave”, tha dje pas ngjarjes Ilo L., një prej dëshmitarëve të parë të skenës së krimit. “Aty nuk kishte të tjerë persona në atë kohë. Pak më larg se ne, ishin edhe të tjerë të cilët u grumbulluan aty dhe lajmëruam policinë e rojën e parkingut, i cili ishte po ashtu në anën tjetër të parkimit. Policia nuk na la që të shkonim deri afër makinës, por nga larg dukej që vrasja ishte bërë kur ai kishte hyrë brenda dhe kishte mbyllur derën e ‘Audit’ me targë AA 758 BF, se ishte thyer xhami”, ka vazhduar dëshmitari. Pas njoftimit dhe marrjes së dëshmive të para nga dëshmitarët okularë, policia ka bërë ekspertizën e vendit të ngjarjes. Trupi ka qenë i ulur në makinë, ndërsa dyshohet se sapo ai ka hyrë në automjetin e tij autori i dyshuar, i ka shkuar pranë duke e qëlluar me armë zjarri. Dyshohet se autori i ka zënë pritë Ymerajt, pasi ka studiuar lëvizjet e tij, duke e ditur edhe orarin e daljes nga shtëpia për në punë. Në parking ishin shumë automjete dhe mendohet që autori të jetë fshehur pas tyre ose godinave përreth. Kur ka hyrë në makinën e tij Ymeraj, ai e ka qëlluar me breshëri nga ana e shoferit. Policia dyshon, nga të dhënat e mbledhura, se autori është 24-vjeçari Eni Veshi, djali i viktimës Koli Veshi. Me dokumente ai rezulton sikur është jashtë shtetit, por për policinë ka dyshime të forta se ai ka hyrë pa u regjistruar në Shqipëri, për të kryer krimin për hakmarrje.

Policia: Krimi për hakmarrje, pas lirimit nga Gjykata e Fierit

Vetë Policia e ka lidhur këtë ngjarje me një zinxhir konfliktesh të mëparshme mes familjes Ymeraj dhe familjes Veshi që përfundoi me dy viktima. Burimet zyrtare të Policisë së Fierit shprehen se konfliktet mes tyre kanë nisur që në gusht të vitit 2010, me një përplasje mes Eni Veshit dhe Lorenc Buzit, të cilët tentuan të vrasin shtetasin Juljan Ymeraj (djali i viktimës Agron Ymeraj). Për këtë tentativë vrasjeje, ata janë dënuar me kusht. Një vit më vonë, Juljan Ymeraj dhe vëllai i tij Eljo Ymeraj dyshohen se kanë vrarë inxhinierin Koli Veshi dhe kanë tentuar të vrasin djalin e tij, Eni Veshin, për të marrë hak për ngjarjen e mëparshme. Ata u arrestuan pas vrasjes së inxhinierit të njohur të Fierit, Koli Veshi, si dhe plagosjen e djalit të tij, Enit. Për këtë ngjarje janë arrestuar si autorë të dyshuar, Juliani dhe Eljo, por me vendim nr. 304, datë 30.09.2013, të Gjykatës së Shkallës së Parë Fier, janë deklaruar të pafajshëm dhe janë liruar. Trupi gjykues, në këtë datë pohoi se, provat e paraqitura ishin të pamjaftueshme dhe jo bindëse nga ana e Prokurorisë. Kjo e fundit kishte kërkuar në një seancë të mëparshme shpalljen fajtorë të dy të pandehurve Julian dhe Eljo Ymeraj dhe dënimin e tyre me nga 25 dhe 23 vjet burg. Avokati mbrojtës i dy vëllezërve deklaroi se natën që u vra Koli Veshi, ata ishin në një lokal dhe nuk dinin asgjë për ngjarjen. Ndërsa Prokuroria pohoi se Koli Veshi u vra për të mbrojtur nga plumbat të birin.


FIER/ MAJLINDA RAMA

Panorama

[Albo]

Vrasës me pagesë në ekzekutimin e biznesmenit. Kamerat tregojnë krimin: Autori pa kapuç

“Panorama” shkruan se ekzekutimi mafioz i biznesmenit Agron Ymeraj në Fier dyshohet të jetë bërë nga një vrasës me pagesë. Kamerat e sigurisë të një lokali aty pranë kanë fiksuar një djalë të ri, të gjatë, me një xhup me kapuç. Burimet policore tregojnë se megjithëse autori ka pasur kapuç, nuk e ka mbuluar kokën me të, duket se nuk e ka pasur qëllim fshehjen e fytyrës.

Nga ekspertiza ka rezultuar se arma kallashnikov mund të ketë qenë “Scorpions”, pasi në vetëm dy sekonda është arritur të shkrehen të gjithë plumbat. Më pas autori tepër gjakftohtë është larguar duke përfituar nga moti i keq. Burimet e grupit hetimor tregojnë se shiu i rrëmbyeshëm ka qenë një ndihmë për autorin, pasi ai nuk duket qartë në video. Ndërkohë nuk dihet ende se me çfarë mjeti ka arritur të largohet aq qetësisht autori i vrasjes. Një ditë më parë, Policia e Fierit bëri të ditur zyrtarisht se personi i dyshuar për vrasjen e Ymerajt është shtetasi Eni Veshi, i cili për hakun e të atit të vrarë në vitin 2011 qëlloi për vdekje 55-vjeçarin.

Por, një tjetër fakt që zbulohet nga burime të brendshme policore është se Eni Veshi, i dyshuari kryesor i vrasjes ka lënë Shqipërinë në datën 12 maj dhe ka kaluar nëpër Kosovë për në Gjermani, ku jeton prej rreth dy vitesh. Ajo që mësohet po ashtu është se familja Veshi është larguar nga qyteti i Fierit për t’u vendosur jashtë territorit shqiptar. Madje, burimet citojnë se pas vrasjes së inxhinierit Koli Veshi, gjithçka që kanë pasur në Fier, familja Veshi e ka nxjerrë në shitje. Këto të dhëna kanë dalë në dritë pasi të afërm të familjes Veshi janë marrë në pyetje nga hetuesit.

Blutë sqarojnë se po vijojnë kërkimet, duke bashkëpunuar edhe me policitë e vendeve fqinje, Kosovë dhe Gjermani. Sigurimi i gjetjes së vendndodhjes së Eni Veshit do ta çonte policinë drejt një piste të qartë, ndërsa do të mund të zbuloheshin detaje për vrasësin. Policia ka arritur të marrë në pyetje 17 persona të ndryshëm që mund të kenë dijeni mbi ngjarjen, por askush nuk ka dhënë informacione të vlefshme për hetuesit. Nga këto rrethana dyshohet se krimi të jetë kryer nga një person i paguar, i cili ka vëzhguar për ditë të tëra biznesmenin Ymeraj, deri në momentin e përshtatshëm për ta ekzekutuar pa lënë gjurmë.

Policia ka ngritur dy pista: atë të krimit të porositur prej djalit të inxhinierit të vrarë, 4 ditë pas largimit për në Gjermani, ose ky fakt është shfrytëzuar nga persona të përfshirë në ndonjë konflikt tjetër për të ngatërruar hetuesit në pistën tjetër. Biznesmeni i pllakave u vra dy ditë më parë pranë shtëpisë së tij në parkingun e automjeteve. Autori priti sa ai hyri në automjet dhe i shkoi pranë dritares e shkrehu armën me breshëri. Fillimisht u dyshua se ishin dy autorë, por kamerat e sigurisë qartësuan hetuesit, ndërsa ende nuk ka një identikit për autorin e vrasjes. Dje viktima është përcjellë për në banesën e fundit, ndërsa askush nga të afërmit nuk ka pranuar të flasë mbi vrasjen.

PANORAMA

[ATMAN]

killer-at nuk tremben nga kamerat dhe jane pa maska

made in kolombia

te na rroje ed psikopat rama

[goldian]

po lere edin e salen
ajo qe ju thash pas zgjedhjeve ajo po ndodh
bobat e saliut vritnin aso kohe e sju ndodhte gje
tani me nderrimin e qeverise do vrasin bobat e edit
keshtu po ndodh ska pse te behemi merak aspak
aq " BIZNESMEN " sa ka shqiperia si ka Austria qe demek mbahet si me e forte ekonomikisht se ne

[Albo]

Arrestohet në Rinas 21-vjeçari, i dyshuari kryesor për vrasjen e biznesmenit fierak, Agron Ymeraj

TIRANE- Është arrestuar në Rinas një nga të dyshuarit kryesorë për vrasjen e biznesmenit fierak, Agron Ymeraj.

Sipas burimeve të policisë në pranga ka rënë shtetasi, Ildi Hoxha, 21 vjeç, i cili po tentonte të udhëtonte drejt Italisë.

21-vjeçari është shoku i ngushtë i shtetasit, Eni Veshi, 24 vjeç, i cili është djali i Koli Veshit, që është vrarë në vitin 2011 nga djemte e biznesmenit Ymeraj. Policia dyshon se Ildi Hoxha dhe Eni Veshi mund ta kenë kryer bashkë vrasjen.

Panorama