Zgjedhjet parlamentare 2014 ne Kosove

[Antiproanti]

E thotë Haki Abazi: PDK humb. VV e LDK rriten. AKR te shpija, Nisma befasi. AAK, super fushatë!



Drejtori i Fondacionit “Rockfeller Brothers” për Ballkanin Perëndimor, Haki Abazi në një bisedë për Gazetën Blic ka thënë se PDK-ja do t’i humbë këto zgjedhje. Sipas tij, Qeveria e ardhshme e Kosovës do të jetë pa PDK-në, e cila sipas tij do të shkoj në opozitë.
Sipas Abazit, rritje në këto zgjedhje do të kenë LDK-ja dhe Vetëvendosje, derisa thotë se befasia e zgjedhjeve do të jetë Nisma për Kosovën. Ai thotë Aleanca Kosova e Re nuk do ta kaloj pragun.
Sipas tij, partia e Pacolli më tepër është parti private dhe e interesave. Ai thotë se deri më tani AAK-ja është ajo që e ka fushatën më të mirë dhe më konkrete nga të gjitha partitë tjera.


Zgjedhjet referendum për Kosovën

“Zgjedhjet në Kosovë janë referendum për drejtësi apo thellim i imazhit të keq, ky është një udhëkryq i madh”, ka thënë Abazi.
Ai ka thënë se janë disa faktorë të patejkalueshëm në paraanalizën e fushatës.
Abazi i ka quajtur këto zgjedhje si të zorit dhe jo të radhës. “Është hera e dytë që PDK nuk po arrin të përfundojë mandatin”, tha ai.
“Zgjedhjet po mbahen pas kalimit të Ligjit për amnisti, pa ligjin për FSK, pas vendimit për Gjykatë Speciale, vetëm për Kosovën, pa liberalizim të vizave, me një draft MSA gjysmake të pa ratifikuar nga anëtarët e BE-së, pa njohje të reja, dhe pas marrëveshjeve të pazbatuara të arritur ndërmjet Thaçit dhe Beogradit, duke degraduar nga një shtet që ka shpallur pavarësinë në nivelin e negociatave që dikur kishte tentuar që t’i zhvillonte organizata Shen Egidio”, ka theksuar ndër të tjera Abazi.


Negociatat me Serbinë me atë Kushtetutë, na kthyen prapa

Drejtori i Fondacionit “Rockfeller Brothers” thotë se formulimi Beograd- Prishtinë dhe fillimi i negociatave të Serbisë me EU me Kushtetutë ku përfshihet Kosova si pjesë integrale është dështim dhe kthim mbrapa në histori, sidomos pas opinionit të Gjykatës Ndërkombëtare të Drejtësisë.
Ai shton se nga ky proces krejtësisht jokushtetues dhe joshtetformues, Kosova përballet jo vetëm me institucione të kapura dhe jofunksionale por edhe me një ekonomi të degraduar dhe me më pak kontroll ndaj resurseve të veta.
Në anën tjetër, sipas tij, zgjedhjet e javës së kaluar për Parlamentin Evropian dhe fitorja e euroskeptikëve ka rritur edhe më shumë pengesat për integrim dhe po vështirëson edhe më shumë arritjen e konsensusit evropian për integrime dhe angazhim të përbashkët.
“Dmth degradimi i shtetit ka bërë që të humbet shansi dhe koha e volitshme për progres të agjendës zhvillimore evropiane. Në këto zgjedhje po hyjmë me humbësin e qartë për gabimet dhe dështimet e bëra edhe ne planin e brendshëm dhe atë të jashtëm”, tha Abazi.


PDK po bënë fushatë të gërditshme

PDK siç thotë ai është bartëse e përgjegjësisë, sepse ka qeverisur bashkë me AKR-në dhe kanë shkatërruar premisat e konsensusit nacional për interesa strategjike.
“Kjo së bashku me dështimet e të dy mandateve të papërfunduara, premtimet e pambajtura e bëjnë planin e PDK-së zhurmë neveritëse dhe luksin e propaganda në televizione dhe kamioneta me ekrane digjitale, një fushatë që të bënë të gërditësh kur ke valë të varfërisë ekstreme, ikje dhe tentim për të migruar në Evropë dhe një sistem destimulues për investime. Natyrisht që sa më shumë që PDK bënë propagandë nga niveli i luksit, popullata e varfër do i mbyll sytë dhe veshët për të mos parë dhe dëgjuar refrenet e shtatë viteve të fundit”, ka thënë Abazi.


Nisma do të jetë sensacioni i zgjedhjeve

Ai ka vlerësuar që sensacion do të jetë NISMA. “NISMA do të jetë sensacion. Jo për përqindjen e lartë, por për mobilizimin e madh që kryesisht janë votues të PDK-së”, ka thënë ai.
Abazi ka paralajmëruar se Lista Serbe e dirigjuar nga Beogradi do të jetë sfidë e madhe edhe pse e heshtur tani, ajo prezanton një trup elektoral të radhitur dhe që përfundimisht shfrytëzon rastin për krijimin e një Republika Srpska të decentralizuar.


LDK VV në garë të ngushtë si në Prishtinë!

Haki Abazi ka thënë se LDK dhe VV janë në rritje të baraspeshuar dhe në anën tjetër në disproporcion sa i përket formës. Sipas tij, votuesit e LDK-së po zgjohen duke i dalë në përkrahje organizimit të LDK, por jo edhe si lidership. Ndërsa votuesit e VV-së, siç thotë ai kryesisht janë të përqendruar te lidershipi i Albin Kurtit, për shkak të besimit të madh dhe konsistencës në qëndrime dhe parime. Mendoj që do të jete një gare e ngushtë ndërmjet LDK-së dhe VV-së, njëjte sikur në rastin e Prishtinës.


AAK po e bënë fushatë konkrete

Drejtori i Fondacionit “Rockfeller Brothers”, Haki Abazi thotë se AAK edhe pse e hendikepuar nga pozicionimi i liderit për t’u angazhuar si kryeministër pas kthimit nga Haga, si duket ka marrë mësimin nga zgjedhjet lokale dhe po bënë fushatë të fokusuar me qëndrime të qarta dhe premtime konkrete. “Sigurisht që në një moment do të kërkohet e gjithë formula e rritjeve dhe burimi i fondeve për rritjet e premtuara. Por AAK mund të jetë befasi si në kohen kur ka qenë element i domosdoshëm për krijimin e qeverisë”, tha ai. /Gazeta Blic

http://botasot.info/zgjedhjet-2014/3...super-fushate/

[Llapi]

Misioni i Ri, Mision i Fitores!
Misioni i Ri është Mision për zhvillimin ekonomik, Mision për hapjen e vendeve të reja të punës, Mision për të ardhme të sigurtë dhe me prespektivë. Misioni i Ri është programi politik i cili më së miri i adreson nevojat dhe aspiratat e popullit të Kosovës.

[ARIANI_TB]

[Llapi]

ARIANI_TB
qna e ke lodh by,then me keto spote te RTS

[Llapi]

Sot Kryeministri Hashim Thaçi fton të gjithë veteranët e UÇK-së të Zonës Operative të Llapit (Podujevës, Prishtinës, Obiliqit dhe Fushë Kosovës) pra më 01.06.2014- ORA 17h- në Orllan (Te Plepat) të marrin pjesë në tubimin e shpalosjes së programit të ‪#‎MisionittëRi‬

[Antiproanti]

Thaçi shumë aktiv në Gjakovë (Foto)



Kryeministri në largim ka shpeshtuar vizitat e tij në Gjakovë, ai si duket synon të pa pakënaqurit në pushtete e deritanishme në këtë komunë. Një natë më parë ai ka postuar edhe fotot nga takimi më të rinjtë në kafiteritë e çarshisë së vjetër.

“Pasi bëmë edhe një tubim të suksesshëm në Deçan vendosa që ta mbyllja ditën në çarshinë e famshme të Gjakovës. U ndalëm në një nga lokalet tradicionale ku u dhashë nga një pije stafit dhe takova mjaft të rinj që kishin dalë për të kaluar mbrëmjen me shoqërinë. Me trashëgiminë e madhe historike e kulturore që ka, Gjakova meriton me të vërtetë të bëhet një destinacion turistik për mbarë rajonin”, shkruan në faqen e tij në Facebook, Hashim Thaçi
http://www.zeri.info/artikulli/36256...e-gjakove-foto

[Antiproanti]

Ramushi mbush sallën në Drenicë (Foto)



Në Drenas të Drenicës, ishte kryetari i Aleancës për Ardhmërinë e Kosovës, Ramush Haradinajt i cili shpalosi programin "Drejtim i Ri" dhe kandidatëve për deputet nga kjo komunë.

“Unë kam rrugëtu me djem të Drenasit, me djem të Drenicës, para lufte, gjatë luftës dhe pas saj. Të keqen e këtuhit nuk e dua, si të këtuhit si të Gllogjanit apo pjesës tjetër të vendit. Ajo që po me dhemb më së shumti është mashtrimi që dikush po e bënë. Dikur ju kam thënë njerëzve, se ata që po thirren shumë në Adem Jasharin, po e bijnë punën që me fillu njerëzit me ja marr inati Ademit, por jo Ademit që ka luftu për liri, por Ademit për shkak të atyre që po keqpërdorin në emër të tij, në emër të Drenicës, në emër të asaj që t'i zënë sytë e nuk i lënë të folin të tjerët në emër të atyre vlerave. Unë po ju them edhe këtyre të LDK-së, që ka me ardhë koha me ja marr inati Ibrahim Rugovës njerëzit, jo për shkak të tij se ai është munduar dhe ka punuar, por për shkak të atyre që thirren sot në emër të atyre vlerave e nuk janë kërkah”, ka thënë Haradinaj përpara të pranishmëve në Drenicë.

“Nuk e kemi ndërmend me ba hile, me ba mashtrim, nuk e kemi ndërmend me hy me e vjedh shtetin tonë, por me e rrit këtë shtet. Nuk e kemi ndërmend me e ulë kryet para askujt, para fqinjëve të shtetit tonë, por me u ba të zotë, sepse jëmi në tokën tonë. Nuk e kemi ndërmend me e ul kokën as para miqëve tanë, por duam të bëhemi partner për të mirën e këtij vendi. Ne duhet me punu për këtë vend, se është vendi ynë. Kam ardhë te ju sot të ju them se me 8 qershor, me emër të Zotit, një gjeneratë e njerëzve që po e marrin vesh se çka është në pyetje kanë me mujtë me u bashku me drejtimin e ri, me numrin 44, me u bashku në zhvillimin e vendit”, ka shtuar ai.
http://www.zeri.info/artikulli/36274...e-drenice-foto

[Llapi]

Gëzuar të gjithëve Ditën Ndërkombëtare të Fëmijëve! Premtimi i Misionit të Ri është që të vazhdojmë me ndërtim çerdhesh, pas 140 shkollave të ndërtuara gjatë qeverisjes sime. Nuk do të lejojë të ketë familje ku nënat duhet të zgjedhin midis fëmijës dhe punës. Kemi krijuar edhe Fondin për fëmijët me sëmundje të rënda por qëllimi im është që cdo fëmijë të ketë rastin të jeton i mbrojtur nga të këqijat e tranzicionit. HTH

[bili99]

KOHA ESHTE TASH TE VENDOSISH PER VETVETEN

( jo per nje klan,jo per nje grup,jo per nje individ,jo per nje individ qe thote :"keshtu kerkojne nderkombtaret" por per nje idivid qe u qarteson nderkombtareve ceshtjet tua jetike)

Si nje individ qe niset te marri nje rruge te gjate jetesore : niset ne kembe,ne biciklete,makine,aeroplan etj...Por edhe per nje pune qe duhet kryer ,ta zeme per ndertimin e nje kalaje : perdoren arkitekte ,murator,baldaxhi etj...
Ashtu edhe ceshtja dhe rruga e nje kombi: disa qendrojne ne themel,disa i ngriten disa mure,disa disa kate dhe tash eshte koha per nje finalizim qe kjo kala te konkuroje me kalate e botes.
Sot rruges popullit Kosoves i duhet aeroplani per mos te thene anija kozmike qe te dali nga kjo prapambeturi ,ndersa per kalane duhet zbukurimi,begatimi ,mobilizimi . Keto kerkesa per rrugen e popullit te Kosoves dhe per Kalane e Kosoves sot per sot ka mundesi ti plotesoje Levizja Vetvendosje dhe udheheqsi atdhetar ,i ditur dhe karizmatik z.Albin Kurti.

Mendoj se zgjedhjet ne Kosove jane ceshtja me e rendesishme qe nga shapallja e Pavarsise.

Cilen rruge do marri Kosova pra vetnumrimin do rri ne udhe pa udhe apo do te marri rrugen e ndryshimit? Pse Vetvendosje? per shume ceshtje thelbesore qe nga programi kombetar,kuptimi i shoqerise moderne,kycja e nje klase te re dhe me pergatitje profesionale neper qendrat me te njohura te botes,qasja idealiste per ceshtjen kombetare( te gjithe nga ata qe e mbajne mbi supe kete Levizje mund te sigurojne nje jete neper bote,sikur ne dhe me mire! ata kane zgjedhur ti japin kontributin direkt ceshtjes)...Por edhe per nje arsye shume te tejdukshme: ndryshimi ne vetvete eshte progresiv pasi nxit poziten te ndryshoje mendesine,nxit opoziten te marri udheheqjen dhe te punoje me mire dhe kjo detyrimisht con perpara proceset shoqerore...Ndryshimi ne shoqeri eshte i mire edhe athere kur nuk ka dallimi te medha ne programe, eshte nje hapje syshe ,eshte nje qartesim per horizontin,eshte nje mesim per jeten politike,eshte nje hap kah shumemendesia substanciale....Per te gjitha keto arsye dhe plot te tjera ,personalisht mendoj se Albin Kurti dhe Vetvendosja e meritojne kete mandat. Nje mandat besimi per nje Levizje qe lulezoi,u rrit dhe u poq neper etapa kalitje, qe nisi nga bankat e shkolles,nga amfiteatrot studentore,nga sheshet e Prishtines, qe tash me e fituan dhe vazhdon rrugetimin pasi ka nje ideal,ka nje qendrim,ka nje kulture politike te qendrueshme,ka nje shpirt kombetar fisnik,ka nje etje per ta pare vendin e vet te bashkuar dhe te perparuar si e gjithe bota e zhvilluar..Per Ideologun e Levizjes Albin Kurtin ,qe eshte nje pasues besnik i Ukshin Hotit cte them eshte puntor i madh ai eshte rrit ne dekaden e fundit edhe me shume,ka ndryshuar gjithmone per te mire dhe nuk ka ndryshuar themeloren qe nuk duhet ta ndryshoje qe eshte synimi i bashkimit me Shqiperine qe eshte ceshtja me e rendesishme per te gjithe shqiptaret e globit...Pse Vetvendosje ? Per hire te synimit per bashkim,bashkim i cili do te ndaloje shume ceshtje te ndjeshme mbrenda vetvetes si komb por edhe do te largoje friken qe ne e jetojme perjetesisht ne Ballkan, do te siguroje paqjen dhe vetbesimin shqiptar per pune dhe sukses.Pse Vetvendosje?qe mos thirren popat serb ne Tirane. Pse Vetvendosje? qe mos kurorzohen popat grek ne krye te Kishes Ortodokse Autoqefale Shqiptare.Pse Vetvendosje ? qe mos te shendrrohet Kosova ne nje teren taliban por te kete nje synim qe e sheh kerrblen kah Tirana dhe bashkimi..Pse Vetvendosje ? per liri per te gjithe komunitetet por jo shtete enklava mbrenda nji shteti te vogel...dhe plot pseja dhe sepseja...pa fund! Personalisht nuk jam kategori tifozi por mendoj se cfaqja e opinionit personal publikisht eshte minimumi qe nje njeri mund ti kontriboje mendimit publik shqiptar..Ne rrafshin personal tek shpija ime Hashimi,Ramushi,Isa dhe Albini ,jane te mirseardhur njesoj por,dua te fitoje ai qe ne rrethanat vendimtare kombetare eshte me i pergatitur dhe pajisur per te shtyer proceset kombetare nje hap me perpara.Ne rrethanat sot mendoj se ky njeri eshte Albini( perpara 10 vitesh as une kam menduar ,por as Albini nuk ka qene gati ,sot eshte i gatshem plotesisht)

Une jam me ata qe i ofrojne nje shprese Kosoves dhe popullit te saj.
Koha eshte tash per Levizjen Vetvendosje , koha eshte tash per shpetimin e Kosoves dhe drejtimin e saj kah rruga drejt zhvillimit dhe bashkimit.
Like ·

[Antiproanti]

Kurti: Krerët e PDK-së në burg, të LDK-së në pension

Kreu i Lëvizjes Vetëvendosje, Albin Kurti ka thënë në shtime se me qeverisja e partisë së tij do ta kthejë prodhimin në ekonomi, që t'ia kthejë mirëqenien ekonomisë.

“Nuk do të ketë sistem që privatizon e degradon, por po prodhon e zhvillon”, ka thënë Kurti.

Ai tha se kandidatët e LVV-së janë prej të gjitha profileve dhe meqë, sipas tij, fitorja është afër, edhe qeverisja e re e Vetëvendosjes është gati.

“Punësimi në bazë të mbiemrit, me kartelë partie, e në formë klientelizmi me VETËVENDOSJE!-n merr fund, por qeverisja jonë ia kthen popullit punën, e shtetit vlerën”.

Për subjektet e tjera, ai është shprehur se krerët e PDK-së e kanë vendin në burg, kurse ata të LDK-së në pension.

Kurti ka folur edhe për të drejtat e punëtorëve, mbrojtjen e të cilave e parasheh Alternativa Qeverisëse, por edhe hapjen e një banke publike që do të ndikonte në uljen e kamatave të kredive.

Deputeti i legjislaturës së kaluar, Glauk Konjufca, tha se “ne kemi vetëm një borxh dhe obligim: borxhin ndaj qytetarëve e obligimin ndaj atdheut”.

“Të gjithë ata që po shtiren, të ndershmit e sotëm, janë të korruptuarit e djeshëm, e matrapazët e nesërm. LVV angazhohet për shtet të së drejtës i cili ka munguar shumë deri tash. Do të kemi një gjyqësor të fortë. Çdo shkelësi ligjit do t'i frikësohet drejtësisë”, ka thënë ai duke përmendur edhe zhvillimin ekonomik.

http://koha.net/?id=32&l=12346