Zgjedhjet parlamentare 2014 ne Kosove

[Llapi]

[Antiproanti]

Kuvendi i agjendave radikale Islamike



Një pjesë e konsiderueshme e subjekteve kryesore politike kosovare po tregojnë qartë afërsi me agjendën e Islamit politik e cila po keqpërdorët për mbledhje të votave. PDK ka bërë koalicion me Partinë e Drejtësisë së Ferid Aganit, deputetët e së cilës në mandatin e fundit kanë përdorur gjuhë denigruese dhe kërcënuese ndaj atyre që mbrojnë rendin laik dhe sekular të shtetit.

Lëvizja Vetëvendosje e cila hapur ka mbështetur kërkesat e grupeve me agjendë islamike, gjatë kësaj fushate po marrin pjesë në darka me hoxhallarë që hetohen nga Prokuroria e shtetit. Mirëpo, rasti më i rëndë është ai i partisë së zëvendëskryeministrit në largim, Behgjet Pacolli.


AKR dëshiron të “kontrabandoj” radikalët në Kuvend

AKR është arsyeja pse deputetë me agjendë islamike u futën në Parlamentin e Kosovës, mandatin e fundit përmes koalicionit me Partinë e Drejtësisë.

Tash, partia e zëvendëskryeministrit në largim, Behgjet Pacolli, Aleanca Kosova e Re, pasi u nda nga Ferid Agani, dëshiron të “kontrabandojë” në heshtje persona me agjendë radikale islamike, të afërt me Lëvizjen “Bashkohu” të Fuad Ramiqit.

“Lista Uniteti” përbëhet nga katër deputetë, tre prej të cilëve sipas informacioneve të “Zërit”, janë pjesë e rregullt e aktiviteteve të LISBA-s e cila shpesh kërcënon publikisht të gjithë ata që nuk pajtohen me agjendën e tyre.





Agron Rexhepi me numër 97, Agron Terziqi me numër 72, Driton Morina me numër 71 dhe Amir Ahmeti, ish pjesëtar i Partisë së Drejtësisë përbëjnë “Listën Uniteti” dhe kandidojnë me logon e AKR-së.

Lëvizja “Bashkohu” publikisht kërkon ndryshimin e rendit kushtetues të Republikës së Kosovës, duke kërkuar që feja Islame të bëhet pjesë e vendimarrjes së shtetit.

Ata, deri më tash kanë kërcënuar publikisht ministra, deputet dhe gazetarë kosovarë, ndërsa cak kryesor i kërcënimeve dhe ofendimeve publike të tyre janë kryesisht femrat.

Katër kandidatët për deputet, siç shihet edhe në fotografitë e publikuara, tashmë kanë marrë bekimin e disa prej hoxhallarëve të njohur për qëndrime radikale.


Lëvizje Vetëvendosje, darkë me hoxhën e hetuar nga Prokuroria

Glauk Konjufca dhe Florin Krasniqi, të lëvizjes Vetëvendosje, mbrëmë kanë darkuar me një nga imamët me bindje më radikale në qytetin e Pejës, Enes Goga.

Hoxha i afërt me Kelmendët që rregullisht janë personazhe të Kronikës së Zezë, kryesisht ne raste hakmarrjeje me familjen Elshani, hetohet nga Prokuroria e shtetit per dy vepra penale, të cilat dënohen rëndë me ligjin e Kosovës. Bëhet fjalë për kanosje dhe prishje të varrezave.

Së bashku me Gogën duke u hetuar është edhe Bekim Kelmendi i cili thuhet të ketë qenë me të në rastin e kanosjes.

Një nga hoxhallarët e tjerë të Pejës, në profilin e tij në Facebook, mbrëmë ka publikuar se si Konjufca, kandidati me numër 7 në listën e Vetëvendosjes për deputet dhe Krasniqi, me numër 41 kanë darkuar me Enes Gogën dhe imamë të tjerë të Pejës.



Goga ka qenë i ulur në mes të Glauk Konjufcës dhe Florin Krasniqit.

PDK herë kundër herë pro agjendave islamike

Partia Demokratike e Kosovës është rasti më i çuditshëm në raport me grupet që promovojnë Islamin politik. Kjo është partia, qeveria e së cilës ka marrë vendim për mos lejimin e vajzave të mitura me shamia që të shkojnë në shkollë.

Pak ditë më parë, është zyrtarizuar koalicioni me partinë e Drejtësisë e cila një nga pikat kryesore të saj e ka heqjen e këtij udhëzimi. Derisa të dy subjektet shtyhen publikisht nëse ky udhëzim është hequr apo jo, lista e koalicionit që e udhëheqë PDK-ja ka laramani absurde. Aty ka kandiatë që përkrahin publikisht të drejtat e komunitetit LGBT dhe prakitikisht luftojnë për ruajtjen e rendit sekular dhe laik kushtetues të Kosovës, ndërsa pak numra më poshtë ka edhe kandidate të mbuluar me shami.

Dikush këtë e quan mashtrim optik, të zakonshëm për mënyrën e të bërit politikë nga Hashim Thaçi e dikush thotë se në fakt rreziku nga agjendat radikale dhe politike islamike në Kosovë kanë nisur e janë bitisur nga Partia Demokratike e Kosovës.

http://www.zeri.info/artikulli/36044...ikale-islamike

[Antiproanti]

Limaj: Drenica e Skënderaj nuk janë pronë private e askujt



Kreu i NISMA’s Fatmir Limaj në fjalimin e tij në Skënderaj i ka ftuar qytetarët që ti bashkohen NISMA’s. Ai ka thënë se Drenica dhe Kosova nuk i kanë borxh asnjë të gjalli.

Në fjalimin e tij në qytetin ku shumicën e votave pasluftës i merr PDK, Limaj ka thënë se Drenica nuk është pronë private e askujt.

“Frymën e Nismës do ta vendosim edhe në komunën e Skënderajt, si në çdo vend të Kosovës. Drenica e Skenderaj nuk është pronë private e askujt. Ne i ftojmë qytetarët e Skenderajt që t’i bashkohen Nismës për Kosovën , pasi që deri tash nuk u është dhënë kjo mundësi. Drencia do të ndihet si bastion i atdheut por kurrë si bastion i një partie. Drenica e Kosova nuk i kanë borxh asnjë të gjalli. U kemi borxh atyre që kanë rënë për lirinë dhe gjeneratave të reja- për tua ndërtuar një të ardhme . Kandidatët e Nismës nga Skenderaj ju përfaqësojnë më së miri” ka thënë Limaj.


Krasniqi: Perspektiva e drenicakëve është me Nismën

Jakup Krasniqi ka thënë se politika e deritashme e ka harruar Skenderajn.

“Kjo politikë e deritanishme e ka harruar Skenderajn. Njerëzit po i bashkëngjiten Nismës sepse nuk do të zhgënjejnë vendin e tyre, familjet e tyre, veten e as kombin e tyre. Kosova do të ndryshoj- Nisma do të jete forcë e rëndësishme në skenën politike të Kosovës Ju, thuaj-uni drenicasve se perspektiva e tyre do të jetë me Nismën për Kosovën" ka theksuar Krasniqi.

Nisma mbushë sallën në Skënderaj

Krerët e NISMA’s Fatmir Limaj e Jakup Krasniqi këto momente kanë filluar një tubim me qytetarë në Skënderaj. Gazetari i Express bën të ditur se në komunën që deri më tash ka qenë bastion i PDK’së, salla është mbushur me përkrahës të NISMA’s.

Liderët e NISMA’s po qëndrojnë në zemër të Drenicës,ku tradicioninalisht me shumicë votohet krahu i luftës.

"Vetëm duke e vlerësuar të kaluarën, ne nderojmë vetën dhe të ardhmen. Nisma ka nisur në krejt Kosovën, dhe ka ardhur edhe në Skenderaj për tu thënë të gjithëve që të angazhohen për të pasur mendim të lirë për të djeshme, të sotmen dhe për të ardhmen.Ne po punojmë për të mbrojtur mendimin e lirë, për të menduar lirshëm dhe shkruar lirëshmë për ta ngritur kualitetin e jetës" ka thënë Jakup Krasniqi.

http://botasot.info/zgjedhjet-2014/3...vate-e-askujt/

[bili99]

Per Kosoven u be nje lufte qe u quajt Lufte Per Clirim Kombetar...Lavdi Deshmoreve te Kombit qe rane nen Flamurin tone Kombetar.Ata qe morren vetem pushtetin duke qene shoke te atyre deshmoreve,bashkeveprimtare,bashkeluftetare te tyre , per fat te keq nuk diten te jetesojne Pavarsine,te zhvillojne Kosoven dhe as te kryejn obligimin e tyre ndaj vellezrive te nje ideali qe me s'jetojne fizikisht.Por,edhe me keq,e katandisen me zi Kosoven,i shperfytyruan fizionomine shqiptare qe e ka pasur edhe si e pushtuar,skajshmerisht me keq i nderruan Flamurin Kombetar,atyre qe rane nen kete Flamur ,atyre qe duan te cohen nga varret kur shohin kete katandi.C'kuptim pati lufta per clirim kombetar nese i nderron idenditetin kombetar Kosoves???..Kosove e dashur jepi voten tende ndryshimit dhe ky ndryshim nenkupton ti te mbesish shqiptare por e zhvilluar,moderne dhe e gatshme per bashkim ne nje shtet shqiptar modern ne Ballkan dhe jo e nencmuar,e perdhunuar dhe me fizionomi kasabaje mesjete...Koha eshte tash per Levizjen Vetvendosje dhe udheheqsin z.Albin Kurti ,idealistin e ceshtjes kombetare,te didurin ,guximtarin,dhe besnikun e kombit ..Me djemt tu te rinje ,me kete fryme plot vullnet,dinjitet dhe integritet ,jo vetem Kosova por te gjithe shqiptaret e globit do te jemi krenare dhe do te mobilizohemi per nje te ardhme me te mire dhe me te sigurt per kombin tone ne Ballkan...Lufta mbaroi per ne shqiptaret,jetesimet e projekteve tona madhore kombetare mund ti bejme me vullnet dije dhe guxim dhe kete mund ta beje vetem Levizja Vetvendosje qe do ti ruaj idenditetin shqiptar Kosoves,qe do ti ketheje dinjitetin popullit shume te pervuejtur shqiptar te Kosoves dhe do ti ketheje qetesine dhe prehjen e amshuar Deshmoreve te Kombit...KOSOVE KOHA ESHTE TASH,KOHA ESHTE TASH PER LEVIZJE PERPARA NGA VETQENDRIMI ....KOHA ESHTE TASH PER DINJITET,PER ZHVILLIM,PER LUMTURI DHE BASHKIM... KOHA ESHTE TASH TE BUZEQESHISH EDHE TI KOSOVE,TI ME E PERVUEJTURA E EUROPES,KOHA ESHTE TASH EDHE TI TE JESHE E LUMTUR,SEPSE TI DHE POPULLI YT I SHKELUR PER 100 VJET MERITON ME SHUME ...MERITON TE JETE I LUMTUR DHE TE VENDOSI PER VETVETEN....TASH ME LEVIZJEN VETVENDOSJE,JEPI VOTEN PER VETVETEN,PER TRASHIGIMTARET TUAJ,PER ARDHMERINE TENDE!
NE JEMI ME ATA QE JANE PER NJE KOSOVE TJETER,PER NJE KOSOVE TE ZHVILLUAR DHE PER NJE KOSOVE SHQIPTARE ME VIZION TE QARTE KOMBETAR PER ZHVILLIM,PERPARIM DHE BASHKIM.....NE JEMI KETE RRADHE PER NDRYSHIM,JEMI ME LEVIZJEN VETVENDOSJE! POPULLI DUHET TE PERKRAHI LEVIZJET QE I COJNE PERPARA PROCESET E ZHVILLIMIT DHE PERPARIMIT KOMBETAR....GJATE LUFTES NE ISHIM ME CLIRIMTARET ,KOHA ESHTE TASH TE JEMI ME SHPETIMTARET !NEPER RRUGETIMIN E KOMBIT DUHET TE JEMI NEPER PERIUDHA TE NDRYSHME ME RRYMAT QE JANE ME TE DOBISHME NE ATE KOHE DHE ATE STAD ZHVILLIMI DHE PERPARIMI KOMBETAR,NDERSA GJITHMONE DUHET TE JEMI ME KOMBIN DHE ATDHEUN....DHE NE TE ARDHMEN DO TE PERKRAHIM ATE QE DO TE PUNOJE PER KOSOVEN DHE PER POPULLIN E SAJ !!!

[Llapi]

Bekim Haxhiu: PDK me “Misionin e Ri” duhet të fitojë 51 për qind të votave

GazetaExpress E premte, 30 Maj 2014 17:21
Kandidati i PDK’së për deputet, Bekim Haxhiu thotë se gjatë mandatit të kaluar në Parlamentin e Kosovës e ka mbrojtur interesin e qytetarëve dhe të Shtetit. Haxhiu thotë se ka punuar edhe për demaskimin e politikës false të Vetëvendosjes. Ai e sheh si veprim të mirë hapjen e PDK’së dhe inkuadrimin e figurave të reja. Haxhiu parashikon se PDK përmes “Misionit të Ri” duhet t’i fitojë 51 për qind të votave

Express: Pse duhet t’ju votojnë qytetarët e Kosovës?

B. Haxhiu: Unë si deputet i PDK-se për mandatin e kaluar në Kuvendin e Kosovës, jam munduar me gjithë kapacitetin tim profesional që të jap kontributin që i takon një deputeti, e para duke dhënë kontributin në hartimin e ligjeve, ngritjen e çështjet që janë në interes të qytetarëve, e posaçërisht duke mbrojtur interesin publik, duke kontribuar në komisione , kam propozuar amendamente konkrete si ai në Kodin Penal të Republikës se Kosovës ku i falënderoi edhe deputetët që kanë aprovuar amendamentin për sanksionimin e huliganizmit si vepër penale, që do të ndikojë në sigurinë e në fushat sportive të Kosovës.

Po ashtu kam mbrojtur me konsistencë politikat e qeverisë në të mirë të qytetarëve që kanë qenë edhe program i PDK-së në mandatin e kaluar, e ku dihet se ka pasur suksese të mëdha si ngritja pagave, infrastruktura, njohjet ndërkombëtare, ndërkombëtarizimi sportit.

Gjithashtu mendoj se edhe pse deputet i pozitës , kam ngritur çështjet me interes për qytetaret, si problemin në lidhje me falsifikimin e barnave, problemet në shëndetësi , çështjet tejet me interes për shëndetin e fëmijëve si eliminimi i peshës së rëndë të çantave te fëmijët në shkollat e ciklit të ultë.

Posaçërisht mendoj dhe ndihem tepër i plotësuar që për mandatin e kaluar si deputet kam dhëne pa u ndalur kontribut të përditshëm në kuadër të kuvendit dhe ndikimit tim në përmasimin e jetës së qytetarëve në nivelin politik duke mbrojtur interesin shtetëror dhe të politikave të qeverisë së Kosovës, kam ngritur çështjet me interes qytetar, kam mbështetur iniciativat dhe kërkesat e qytetarëve që janë adresuar direkt apo inderekt tek unë si deputet i PDK-se, për të gjitha këto janë në dijeni publiku dhe elektorati.

Express: Çka keni bërë si deputet në Parlamentin e Kosovës?

B. Haxhiu: Më duket se përgjigjen në këtë pyetje vetëm sa e dhashë më lart në pyetjen e parë, por për të mos mbetur borxh, po e ritheksoj se për gati 4 vjet ëmandat, kam kontribuar për sa i takon një deputeti të Kuvendit të Kosovës, të mbroj interesin e shtetëror, programin e PDK-së, politikat e qeverisë, kërkesat dhe ligjet për veteranët e luftës së UÇK-së, ballafaqimin me opozitën dhe demaskimin e politikes false dhe destruktive të Vetëvendosjes në parlamentin e Kosovës.

Express: Nëse i merrni votat për deputet do të rrini në Parlament apo do të merrni ndonjë pozitë në Qeveri?

B. Haxhiu: Me rëndësi në këto zgjedhje është të fitojë PDK me platformën e saj me Misioni e Ri dhe Kryeministri Thaçi si lider i PDK-së, unë jam nr 109 në listën e PDK-së, me ketë numër kam fituar edhe zgjedhjet e kaluara, renditja nuk është me rëndësi para qytetarëve, por vlerat, përkushtimi, profesionalizmi dhe energjia që t’ju përgjigjemi dhe të ofrojmë zgjidhje për qytetarët tonë. As që mendoj për këtë çështjet a do të jem në ekzekutiv apo jo, pas fitores së sigurt të PDK-së do të mund te hapen mundësi te reja, por edh si deputet mendoi qe kam shume për te dhënë në mbrojtje të interesit të qytetarëve dhe programit të PDK-së që prezantohet përmes Misionit të Ri.

Express: Si i keni parë aderimet e reja në PDK të cilët kanë marrë edhe pozita udhëheqëse në momentin e aderimit?

B. Haxhiu: Siç e dini PDK-ja ka qenë dhe është parti e hapur për kuadro të reja, gjithëpërfshirëse për të gjitha shtresat e qytetarëve të Kosovës me orientim dhe ideologji të qendrës së djathte, çdo aderim dhe ardhje se do të kisha thënë prurje se është bërë si klishe, sepse më e sakte edhe në kuptimin logjik është të themi ardhje, pasi që në PDK anëtaret e saj janë anëtarësuar me vullnet, sepse besojnë në konceptin e saj, këto ardhje pra të vullnetshme janë pozitive dhe i shikojmë vetëm si përforcim të PDK-së.

Express: Shumë anëtarë të PDK’së kanë mbetur të habitur se si Kryetari i PDK’së s’po e merr askënd pas vetës në fushatë. E përkrahni këtë mënyrë të të bërit fushatë?

B. Haxhiu: PDK-ja siç edhe keni parë nga analistët e mediave, më duket së fundit një media e kanë vlerësuar si me pozitiven, përmbajtjesore dhe model për fushata duke krahasuar me ato të Bill Klintonit në SHBA, andaj fushata e PDK-së është model, unë jam pjesëmarrës në shumë aktivitete të PDK-së, por meqë kryeministri Thaçi dhe Lideri i PDK-së është bartës i programit që do të sigurojë mirëqenien e qytetareve të Kosovës si ngritja pagave dhe punësimi i 200,000 mijë qytetarëve për 4 vjet, atëherë ai me ekipin e tij dhe me listën e PDK-së bënë fushatë siç e thashë të modelit më modern.

Express: Si vlerësoni fushatën e deritashme të partive politike ku po dominon prezantimi i programeve elektorale?

B. Haxhiu: Mendoj se është një fushatë civilizuese, këto zgjedhje janë më interesante pasi që fokusi është zhvillimi ekonomik, edhe pse të tjerët po garojnë me disa faqe program, PDK-ja siç e ka zhvilluar infrastrukturën dhe arsimin e integrimin dhe shtetndërtimin është e vetmja që ka vizonin dhe programin që 100% do të përmbushet përmes Misionit të Ri, bile ketë program mund të krahasoj me planin Marshall kur u rindërtua Evropa pas Luftës së Dytë Botërore.

Express: Sa janë reale premtimet e partive përfshirë edhe PDK’së për miliarda investime më qindra mijëra punësime?

B. Haxhiu: Për të tjerat nuk kam koment ato janë dëshira Misioni i Ri i PDK-së është program konkret, ekzistojnë mjetet financiare, procedura kuadrot e qeverisë së PDK-së, të cilat do të realizohen 100 % këtë qytetarët e kanë provuar me ngritjen e pagave që nuk ka qenë premtim por vendim i ekzekutuar ku tashmë janë duke marrë dhe jeta e të punësuarve është përmirësuar. PDK përmes Misionit të Ri ka menduar edhe për të papunët që në mandatin e ardhshëm do të shohin prekin dhe ndjejnë rezultatet e Misionit të Ri të PDK-së për çka edhe i ftoj të gjithë qytetarët që të votojnë PDK-në.

Express: Sipas jush, më ke duhet të bëjë koalicion PDK’ja pas 8 qershorit?

B. Haxhiu: Ndoshta ju duket iluzore, por PDK përmes Misionit të Ri do të duhej të votohej mbi 51 %, që me koalicionin parazgjedhor me PD, LB dhe PSHDK të bëjë vetë qeverinë pa pasur nevojë për koalicione të reja.

[bili99]

[Llapi]

[Antiproanti]

Instituti slloven: Bashkësia ndërkombëtare kërkon largimin e Thaçit dhe krahut të luftës



Instituti slloven IFIMES në një analizë ku ka vlerësuar situatën në Kosovë ka ardhur në përfundim se interesi i bashkësisë ndërkombëtare është në Kosovë të mënjanohen udhëheqësit e luftës.

"Në këtë kontekst vërehet një presion i fuqishëm i Gjermanisë, e cila dëshiron që pas nënshkrimit të Marrëveshjes së Brukselit dhe pas mbajtjes së zgjedhjeve parlamentare nga skena të largohet shumica e liderëve aktualë, ndër të cilët edhe Hashim Thaçi",

Aty ndër të tjera thuhet se për këtë arsyeje po themelohet edhe Gjykata Speciale.

Shkuarja e udhëheqësve të luftës, thekson analiza, është i nevojshëm për t’u përforcuar demokracia në Kosovë.

IFIMES e përshkruan Kosovën si ”parajsë për krimin e organizuar e korrupsionin”.

http://www.zeri.info/artikulli/36085...ahut-te-luftes



http://www.ifimes.org/en
IFIMES – International Institute for Middle-East and Balkan studies, based in Ljubljana - Slovenia, gathers and selects various information and sources on key conflict areas in the world. The Institute analyses mutual relations among parties with an aim to promote the importance of reconciliation, early prevention/preventive diplomacy and disarmament/ confidence building measures in the regional or global conflict resolution of the existing conflicts and the role of preventive actions against new global disputes. ...

[Llapi]

Zëvendëskryetari i PDK-së, z. Kadri Veseli shpërndan mbi 100 libreza për anëtarët e rinj


Prishtinë, 30 maj - Zëvendëskryetari i PDK-së, z. Kadri Veseli ka marrë pjesë në solemnitetin e shpërndarjes së mbi 100 librezave të anëtarësimit të të rinjve në PDK.

Lirak Çelaj, kryetar i Degës së PDK-së në Prishtinë, falënderoi të rinjtë për përqafimin e “Misionit të Ri” dhe bashkëngjitjes në rrugën e fitores së PDK-së.

Në fjalën e tij të rastit, z. Veseli theksoi rëndësinë e zgjedhjeve të 8 qershorit që do të jetë etapë e re e zhvillimit të vendit, veçanërisht të avancimit të çështjes së të rinjve, duke qenë pjesë aktive e zhvillimit të vendit, punësimit të të rinjve dhe kyçjen e tyre në studim duke u përgatitur për tregun e punës dhe sfidat e eurointegrimeve.

“Ju jeni e tashmja e vendit, e zhvillimit të sotëm të vendit, e përkushtimit të ngritjes së cilësisë së studimit që do të përballet me sfidat e Bashkimit Evropian. Ju jeni begatia e sotme e këtij vendi, andaj ju përgëzoj për aktivizimin e juaj duke marrë përgjegjësi për zhvillimin e vendit dhe përparimit tuaj”, theksoi z. Kadri Veseli.

[Antiproanti]

Misioni i ri i mashtrimit

Enver Robelli

Qëllimi i mandatit të tretë qeverisës, të cilin po e synon Hashim Thaçi, nuk është në të mirën e Kosovës. Qëllimi i vërtetë i “Misionit të ri” të PDK-së është rrumbullakimi i projektit më të madh plaçkitës në historinë e Kosovës së lirë. I frikësuar nga humbja e pritshme Thaçi po bën premtime si “pula pa krye” – zaten ç’mund të presësh nga një politikan që fatin e kësaj shoqërie e të Republikës e konsideron lojë bixhozi. Kundër kësaj mënyre të qeverisjes si asnjëherë më parë po shprehet Republika Federale e Gjermanisë, shteti më i fuqishëm i BE-së.

Kur Hashim Thaçi në vërtitjet e tij anekënd Kosovës flet për zhvillim industrial, atëherë qytetarët e Kosovës duhet të jenë të sigurt se kryeministri në largim po përgatit vjedhjen industriale të votave. Në këtë veprimtari të paligjshme ai me shokët e tij ka përvojë të hatashme, siç patën treguar zgjedhjet parlamentare të vitit 2010. Kur Hashim Thaçi flet tani për privatizim transparent, qytetarëve të Kosovës do t’u kujtohet (vetë)vrasja e shefit të Agjencisë së Privatizimeve, që ishte njëri prej atyre kuadrove që i prodhoi anarkia e luftës dhe e pasluftës.

Kur Hashim Thaçi flet për “lulëzim ekonomik” në Kosovë në të ardhmen, njerëzit e kanë shumë të qartë se kjo është edhe një përpjekje e pasinqertë për t’i mashtruar, sepse “lulëzimi ekonomik” deri më tani shihet vetëm në xhepat e fryrë të rrethit të Thaçit; shihet në shtëpinë prej gati 1000 metrash katrorë që Thaçi po e ndërton në periferi të Prishtinës, kuptohet me rrogën e tij; shihet “lulëzimi ekonomik” në plaçkitjen e diasporës përmes të ashtuquajturit “sigurim kufitar”, pasi qëllimisht është penguar anëtarësimi i Kosovës në rrjetin e sigurimeve evropiane, që do të mundësonte qarkullimin me karton të gjelbër.

Së paku 200 milionë euro janë arkëtuar në pikat kufitare nga Byroja Kosovare e Sigurimit – dhe prej vitesh shef mbi shefa në këtë byro për shantazh e plaçkitje ka qenë Gani Thaçi, vëllai i kryeministrit. Opinionit kosovar Gani Thaçi i kujtohet shumë mirë: është ai personi që menjëherë pas luftës u arrestua në Prishtinë me një milion marka gjermane. Gazeta e përjavshme gjermane “Die Zeit” atëbotë shkruante: “Prejardhja e parave (të zbuluara te Gani Thaçi, vj.) është e paqartë. Në rastin më të mirë ato burojnë nga pompat e benzinës, të cilat luftëtarët e demobilizuar të UÇK-së i përvetësuan menjëherë pas stacionimit të NATO-s në rajon. Por, Kosova është vend transitor dhe nyje për kontrabandë me armë dhe cigare, tregti me femra dhe para të falsifikuara”.

Ekziston një vazhdimësi e aktiviteteve të paligjshme të Thaçit me familjen e tij, saqë duket cinike dhe fyerje ndaj qytetarëve kur kryeministri në largim e (keq)përdor edhe babanë e tij, i cili si me axhamillëk e lavdëron të birin “që po punon për Kosovën”. Po të ishte prind i sinqertë babai i Thaçit do t’i kërkonte falje popullit të Kosovës që i dolën dore djemtë dhe përmes klaneve të ndryshme (para)politike arritën të grabisin pushtetin. Për fat të mirë gjithnjë e më shumë banorë të Drenicës, këtij rajoni me aq shumë histori të përgjakshme, po e mposhtin frikën dhe po turpërohen për bëmat e klanit të Thaçit.

Kur kryeministri Thaçi flet për hapjen e 200 mijë vendeve të punës kjo tingëllon po aq besueshëm sa premtimi i dikurshëm se vizat për vendet e Schengenit do të hiqen “brenda 15 muajve”. Sa 15 muajt kanë kaluar që nga atëherë dhe opinioni ka qenë vetëm dëshmitar se si në tenderin për shtypjen e pasaportave biometrike janë shpërndarë 1,4 milionë euro ryshfet nëpër çanta dhe xhirollogari zyrtarësh dhe mafiozësh të llojllojshëm. Premtimet e Thaçit janë po aq të besueshme sa përbetimet e vrasësit të SHIK-ut Fahredin Gashi se është i sëmurë psikik. Në fund Gashit s’i besoi askush dhe ai u dënua me gati 20 vjet burg për vrasje. Në kujtesën e qytetarëve dhe qytetarëve të Kosovës ka mbetur ajo fotografia e famshme e Fahredin Gashit, kur para gjykatës ua qiste gjuhën gazetarëve dhe mbarë opinionit kosovar. Sot Thaçi me çdo premtim të tij po ua qet gjuhën qytetarëve të Kosovës dhe po tallet me ta.

Vërtitjet nëpër Kosovë të Thaçit me sektin e tij, me ç’rast premtimet shpërndahen si bonbonet për fëmijë, janë një karnaval i gërditshëm politik. Përpjekja e Thaçit për t’u dukur urban e i afërt me qytetarë është pafundësisht artificiale edhe për shkak se në thelb ky si kryeministër dhe si person urrejtjen më të madhe e ka shprehur kundër Prishtinës, qendrës më të madhe urbane të Kosovës. Një ndër veprimet e para që ka bërë Thaçi pasi është ulur në kolltukun e kryeministrit në fillim të vitit 2008 ka qenë bllokimi i ligjit për kryeqytetin dhe rrjedhimisht edhe i shumave të konsiderueshme të parave, që u takonin qytetarëve të Prishtinës. Në të njëjtën kohë Thaçi me sejmenët e tij ka refuzuar që Pallati i Rinisë t’i kthehet Komunës së Prishtinës. Njëri prej dallaveraxhinjve më të mëdhenj të Thaçit, me-nder-me-thënë ambasadori i Kosovës në Japoni, Ahmet Shala, kishte bërë plane që Pallati i Rinisë të rrëzohet dhe aty të ndërtohet një godinë e madhe.

Pas protestave të Komunës së Prishtinës një gjë e tillë kishte dështuar. Sidoqoftë, komuna e Prishtinës vazhdon të plaçkitet, sepse të gjitha ato dyqane në Pallatin e Rinisë i paguajnë qira Agjencisë së Privatizimeve, e cila është kryesisht nën kontrollin e Qeverisë dhe strukturave të SHIK-ut.
Qëllimi i mandatit të tretë qeverisës, të cilin po e synon Hashim Thaçi, nuk është në të mirën e Kosovës. Qëllimi i vërtetë i “misionit të ri” të PDK-së është rrumbullakimi i projektit më të madh plaçkitës në historinë e Kosovës së lirë. I frikësuar nga humbja e pritshme Thaçi po bën premtime si “pula pa krye” – zaten ç’mund të presësh nga një politikan që fatin e kësaj shoqërie e të Republikës e konsideron lojë bixhozi.


Kritikat nga Berlini

Kundër kësaj mënyre të qeverisjes siç e praktikon Hashim Thaçi si asnjëherë më parë po shprehet Republika Federale e Gjermanisë, vendi më me ndikim në Bashkimin Evropian dhe ekonomia më e fuqishme e kontinentit. Dhe kjo nuk është rastësi. Gjermania ka investuar pothuaj gjithçka që Kosova të marrë rrugën e mbarë: është futur në luftë kundër agresionit serb ndaj popullit të Kosovës, prej vitit 1999 i ka dërguar në Kosovë 120 mijë ushtarë për të siguruar një ambient paqësor (prej tyre 26 kanë humbur jetën në Kosovë), ka ndihmuar gjithanshëm në ndërtimin e institucioneve, ka mbështetur shumë degë vitale të ekonomisë së Kosovës dhe ka dhënë eksperiencën e madhe në fushën e sundimit të ligjit. Ky angazhim ka kushtuar disa miliarda euro: para të taksapaguesve gjermanë.

Për fat të keq sidomos pas ardhjes në pushtet të Partisë Demokratike të Kosovës dhe partnerëve të saj në fokus të pushtetarëve nuk ka qenë ndërtimi i shtetit dhe përfitimi nga përvoja gjermane e evropiane, por futja nën kontroll e çdo institucioni për të lehtësuar sa më shumë zhvatjen e milionave nga arka e shtetit. Një shembull fatal është tenderi për autostradën, që do të hyjë në histori si keqpërdorimi mbase më i madh i parasë publike. Vetëm një prokuror i guximshëm mund ta gjejë përgjigjen se si bëri vaki që kostoja e ndërtimit të autostradës të rritet prej 400 në gati 900 milionë euro! Rezultati i çdo hetimi do të çonte në vendosjen e prangave në duart e Hashim Thaçit dhe shokëve të tij, të cilët, siç shkruan historiani gjerman Holm Sundhaussen, “artin e qeverisjes e kuptojnë si vazhdim të ‘ilegalitetit’ me mjete të tjera”. Rrjedhimisht, vazhdon Sundhaussen, Kosova po mbahet peng nga “korrupsioni, krimi i organizuar, nepotizmi, menaxhimi i keq dhe pabarazia sociale”, andaj nëse vazhdon kjo situatë dhe nëse Kosova nuk arrin të çlirohet nga prangat e krimit, atëherë rrezikon të shndërrohet apo mbes në shtet të dështuar.

Këtë rrezik e kanë vërejtur jo pak politikanë gjermanë. Ministrja e Mbrojtjes, Ursula von der Leyen, gjatë vizitës së fundit në Kosovë anuloi takimin me Thaçin, sepse kishte frikë se ky i fundit do ta keqpërdorte për fushatën e tij të mërzitshme elektorale. Njëri prej deputetëve më me ndikim në Bundestag sa i përket Ballkanit, Michael Brand, e akuzoi qeverinë e Thaçit se po refuzon të veprojë kundër kriminalitetit dhe korrupsionit. Për një qeveri të tillë rruga drejt Evropës do të jetë e mbyllur, ka thënë Brand. Në thelb me ton të njëjtë është shprehur edhe
Michael Roth, ministër Shteti në Ministrinë e Jashtme të Gjermanisë, gjatë debatit në Bundestag mbi vazhdimin e mandatit të trupave gjermane në Kosovë. Ai deklaroi: “...Qeveria e Kosovës duhet të punojë me ngulm për një qeverisje të mirë në vend. Këtu duhet të kalohet ende një rrugë e gjatë. Korrupsioni, krimi i organizuar, sundimi i pamjaftueshëm i ligjit duhet të luftohen më vendosmërisht se deri më tani. Po ashtu demokracia duhet të forcohet në mënyrë thelbësore”.

Pa dyshim këto janë goditje të rënda kundër një qeverie që mbi gjashtë vjet ka qeverisur keq dhe tani, në prag të zgjedhjeve, përpiqet të afrohet me popullin, të cilin e ka pështyrë dhe plaçkitur. Në tentimin e tyre të pashpresë për të mashtruar sërish elektoratin Thaçi dhe shokët e tij i kanë hequr krejt siguresat e mendjes së shëndoshë. Bëjnë premtime që s’do të mund t’i financonte as Norvegjia apo Zvicra e lëre më një shtet si Kosova që nuk prodhon pothuaj asgjë dhe që në arkën e shtetit nuk ka më shumë para se një firmë mesatare ndërtimore në botën perëndimore. Aq i madh është paniku nga humbja e merituar në zgjedhje, saqë për të goditur mediet dhe gazetarët e pavarur PDK-ja ka filluar të aplikojë sërish modelin e shkollës sovjetike për fabrikim rrenash. Për përhapjen e këtyre rrenave lëshohen yrysh zagarë të zgjebosur, relativizues krimesh, avokatë kokërruar të SHIK-ut dhe lloj-lloj përbindëshi tjetër që ndot hapësirën publike. Por ky grup nuk ka më as plumba dhe as baltë për të vrarë apo diskredituar të tjerët.

Pse? Sepse askush nuk i beson më për asgjë! Dhe sepse e vërteta është aq e madhe, saqë do ta varrosë çdo rrenë e mashtrim të këtij pushteti të papërgjegjshëm.

http://koha.net/?id=31&o=153