Zgjedhjet parlamentare 2014 ne Kosove

[Antiproanti]

Udhëzimi i ri, ndalohet uniforma fetare në shkollë



Ministri Ramë Buja e ka `mashtruar` lehtësisht Kryetarin e Partisë së Drejtësisë, Ferid Again sa i përket ndërrimit të udhëzimit administrativ që ndalon bartjen e uniformës fetare nëpër shkollat e Kosovës.
Ministri Buja ka nënshkruar një udhëzim administrativ të ri, por aty s'ka ndryshuar asgjë sa i përket uniformës fetare.

Në nenin katër të Udhëzimit Administrativ të vjetër 6/2010 thuhet se ndalohet bartja e uniformës fetare. Kjo ishte precizuar në nenin 4 1.13

Ndërsa në Udhëzimin Administrativ të ri 6/2014 ka mbetur e njëjta ndalesë, në të cilën thuhet se ndalohet bartja e uniformës fetare.

Në këtë Udhëzim të ri është shtuar vetëm edhe një ndalesë sa i përket grimit dhe veshjeve ekstravagante.
http://botasot.info/kosova/300717/ud...re-ne-shkolle/

[Llapi]

Thaçi: Ne dimë të bëjmë autostrada, të tjerët s’dinë as rreth-rrotullim
Publikuar: 20:50 / 23.05.2014

Lideri i PDK-së, Hashim Thaçi, ka shpalosur në Gjilan programin e tij “Misioni i Ri”, të cilin e ka cilësuar projekt të zhvillimit ekonomik që synon krijimin e më se 200 mijë vende të reja të punës. Ai ka premtuar autostradën Prishtinë-Gjilan-Bresalc-Konçul, me një gjatësi 51 kilometra.

“Ne kemi dëshmuar se dimë dhe mund të bëjmë autostrada, për dallim prej të tjerëve të cilët nuk kanë qenë në gjendje ta bëjnë as një rreth-rrotullim në Prishtinë”, ka thënë Thaçi, raporton rajonipress.

Thaçi i është përgjigjur pozitivisht kërkesës së drejtorit të Spitalit Regjional në Gjilan për financimin e një qendre emergjente në këtë qytet, duke thënë se kjo është e realizueshme qysh në shtator të këtij viti me rishikim të buxhetit. /Telegrafi/

[Llapi]

[prishtina75]

...thaqi per karrige edhe shamin e ven,

[Llapi]

Kijeva feston me daulle për lajmin se do të bëhet komunë (Video)

GazetaExpress E premte, 23 Maj 2014 21:36
Hashim Thaçi propozoi që të përgatitet Komisioni për formimin e katër komunave, mes tyre edhe Komoranin dhe Kijevën.

Klan Kosova ka qenë në Kijevë, për ta parë gëzimin për këtë vendim.

Qytetarë nga Kijeva thanë se janë gëzuar shumë sepse kanë vite që e kanë pritur këtë vendim.

Në festën për lajmin që Kijeva do të bëhet komunë, nuk kanë munguar as daullet.

[Llapi]

Thaçi premton autostradën Prishtinë-Gjilan-Konçul

GazetaExpress E premte, 23 Maj 2014 18:35
Kryeministri në largim Hashim Thaçi ka premtuar ndërtimin e autostradës Prishtinë – Gjilan-Konçul e cila sipas tij do të kushtojë 500 milionë euro.

Thaçi në një tubim me gjilanasit ka premtuar vende pune dhe ndërtimin e një autostrade Prishtinë –Gjilan –Bresalc –Konçul e cila sipas tij do të kushtojë 500 milionë euro.

Derisa ka bërë këtë premtim ai ka goditur Isa Mustafën duke ia kujtuar fjalët duar në xhepa.

“Autostradat nuk mund ti ndërtojnë ata që rrinë me duar në xhepa...unë do ti siguroj këto para” ka thënë Thaçi.

[prishtina75]

......gjitha keto premtime te thaqit edhe bugjeti i amerikes nuk do te mund ti perballonte e lere me kosova,

[prishtina75]

Bardhyl Meta: 800 milionë euro nga paraja publike janë në xhepat e “kotillës” së Thaçit
Bota Sot | 23.05.2014 21:43


Bardhyl Meta thotë se LDK do ta pensionojë Thaçin. Tha se përkundër që ka marrë biznesmenë si editorja e “Kosovës Sot” ose edhe Ramiz Kelmendin, ata bashkë me Thaçin do të shkojnë në shtëpi.

Meta tha në emisionin "Antipod" në “1st Channel” se 800 milionë euro janë në xhepat e Thaçit dhe “kotillës” së tij nga paraja publike.

“Do ta pensionojmë Thaçin. Vetëm në 7 vitë e fundit, 800 milionë janë në xhepat e kotillës së Hashim Thaçit nga tenderët. Janë prej klaneve të dyta, klaneve të treta që i ka kriju.

Tash iu kanë ofru edhe do biznesmenë të ri që i ka futë në lista, duke filluar me editorin e “Kosovës Sot” e me Ramiz Kelmendin por me siguri nuk do të kenë shansin sepse ne do ti dërgojmë në shtëpi atë dhe gjithë atë kamarrillë që i shkon prapa”, ka thënë veç tjerash Meta.

https://m.facebook.com/story.php?sto...40995115949979

[Llapi]

Thaçi: Fondi i punësimit, transparent dhe jo si tre përqindëshi
Publikuar: E premte 23 Maj 2014, 16:10
Intervistë me kryeministrin në detyrë Hashim Thaçi

Ekonomia një ndër sektorët prioritarë të Misionit të Ri të lancuar nga Partia Demokratike e Kosovës

“Fondi është në ndërtim e sipër, dhe procesi i krijimit do të jetë transparent dhe gjithëpërfshirës sepse në krijimin e tij do të konsultohen të gjitha palët e interesuara. Gjithçka do të jetë transparente dhe do të marrin pjesë grupet e interesit, biznesit, partnerët tanë ndërkombëtar, por edhe nga shoqëria civile dhe akademia. Do të aplikohen praktikat më të suksesshme ndërkombëtare të cilat kanë pasur fonde të ngjashme investimi. Themelimi i fondeve investive publike është praktikë e suksesshme dhe e përhapur gjithandej botës. Po ashtu në vitet e fundit, nëpërmjet përpjekjeve të qeverisë, ne ia kemi dalë ta anëtarësojmë Kosovën në institucione të rëndësishme ndërkombëtare financiare si Banka Botërore, Fondi Monetar Ndërkombëtar, Banka Evropiane për Rindërtim e Zhvillim si dhe Banka Evropiane për Investime”, ka thë kryeministri në detyrë Hashim Thaçi

Kosova Sot: Çfarë do të thotë sllogani i fushatës suaj? Çfarë keni menduar kur e keni quajtur Misioni i Ri?

Hashim Thaçi: Unë e konsideroj luftën kundër varfërisë dhe papunësisë, përpjekjet për të zhvilluar Kosovën dhe mundësuar integrimin Euro-Atlantik si Misionin tim të Ri. Pasi kemi përmbushur misionin për të siguruar lirinë, pavarësinë dhe së fundi përfundimin e shtet-ndërtimit. Sfida jonë kryesore me të cilën po përballemi sot është ajo e zhvillimit ekonomik dhe krijimit të vendeve të punës. Në këtë mision të ri që kemi përpara, roli i sipërmarrësve të Kosovës është rol thelbësor. Biznesi privat do të jetë motori i zhvillimit dhe rritjes ekonomike. Për këtë qëllim, unë si kryeministër bashkë me anëtarët e kabinetit qeveritar gjatë gjithë këtyre viteve kemi bërë maksimumin për të siguruar një klimë sa më të përshtatshme për biznesin. Prandaj edhe kemi vendosur krijimin e Fondit të Punësimit për të siguruar sa më shumë fonde për bizneset private të cilat pastaj përvec që do ta rrisin biznesin e tyre dhe fitimin e tyre, natyrshëm do të krijojnë edhe vende të reja pune. Krejt kjo, rezulton në rritje ekonomike dhe rritje të mirëqenies për qytetarët e Kosovës. Ky është qëllimi im, ky është qëllimi i Misionit të Ri. Dua të theksoj faktin që programi ynë ekonomik i Misionit të Ri është i orientuar drejt zbatimit të parimeve themelore të ekonomisë së tregut, sepse tregu është kura më e mire ndaj varfërisë dhe papunësisë e prandaj edhe Fondi i Punësimit do të jetë instrument në ndihmë të sektorit privat. Vetëm me një ekonomi të tregut të mbështetur tek sipërmarrja private, konkurrenca e lirë, qeverisja e vogël dhe zbatimi i ligjit ne do të sigurojmë një zhvillim të qëndrueshëm, rritje ekonomike të lartë në krahasim me vendet e rajonit, krijim të vendeve të reja të punës si dhe stabilitet financiar dhe makrofiskal.

Kosova Sot: Përse e keni vendosur Fondin e Punësimit si shtyllën tuaj kryesore të Misionit të Ri?

Hashim Thaçi: Gjatë muajve të fundit unë kam udhëtuar anembanë Kosovës për të vizituar biznese kosovare, të vogla, të mesme dhe të mëdha, dhe ju garantoj, se në popullin tonë vlon një shpirt i fortë sipërmarrës dhe një zell i madh për punë. Mirëpo një ndër shqetësimet kryesore që ata më kanë shprehur, ka qenë mundësia e marrjes së kredive me interes të ulët për zhvillimin e biznesit të tyre. Duhet të theksoj se falë punës së sipërmarrësve kosovarë dhe të gjithë kosovarëve punëtorë, ne kemi bërë që ekonomia jonë të eci përpara me rritje domethënëse dhe konstante vjetore prej 4-5 % , edhe në mesin e krizës më të rëndë botërore financiare prej asaj të fillim shekullit të kaluar. Pra e ritheksoj, Kosova ia ka dalë që njëherazi me krizën botërore ekonomike, paralel me proceset e vështira të shtet-ndërtimit, njohjes ndërkombëtare, dialogut dhe konsolidimit të sovranitetit, të mbajë një trend të rritjes ekonomike. Ky fakt nuk na bën vetëm krenar, por edhe entuziastë, sepse tanimë që bota po del nga kriza botërore dhe Kosova ka përmirësuar ndjeshëm pozicionin ndërkombëtar dhe e ka përmbushur procesin e shtet-ndërtimit dhe konsolidimit të integritetit territorial, kushtet do të jenë shumë herë më të përshtatshme për të ecur me hapa gjigand përpara. Por, kjo nuk është hera e parë që populli ynë dëshmon këtë vitalitet, këtë energji, këtë potencial ekonomik dhe këtë shpirt të spikatur sipërmarrës. Mbase shumë të rinj këtu nuk e kujtojnë, por populli ynë, edhe pse i diskriminuar ekonomikisht dhe i persekutuar politikisht është i njohur anembanë për shpirtin e fortë sipërmarrës. Dyqanet, ëmbëltoret, bukëpjekësit, argjendarët e të tjera bizneset të vogla dhe të mesme të shqiptarëve kudo, kanë pas lulëzuar shumë vite më parë dhe kanë gëzuar emër të mirë si dhe kanë dominuar tregun e atëhershëm privat edhe pse sipërmarrësit tanë operonin në një terren të vështirë. Mjafton të udhëtosh sot në diasporë për të parë se si bashkombasit tanë bien në sy edhe në tregjet më konkurrente të botës për aftësitë e tyre sipërmarrëse. Padyshim, që do të vazhdoj të bëj çmos që të kemi një klimë biznesi edhe më të përshtatshme që do i lejojë sipërmarrësit e talentuar, punëtorët ndershëm, këmbëngulës, inovatorë që të zgjerojnë bizneset e tyre dhe hapin vende të reja të punës. Bashkë me këtë mbështetje që kemi dhënë në të kaluarën do të sigurojmë edhe mundësitë e financimit të Fondit të Punësimit në mënyrë që biznesmenët të kenë të gjitha mundësitë për të performuar në mënyrë maksimale në ekonomi.

Kosova Sot: Cila do të jetë fusha e veprimtarisë së Fondit?

Hashim Thaçi: Fondi i punësimit do të ketë një sërë prioritetesh. Së pari, një e treta e fondeve do të shfrytëzohen për të zhvilluar bujqësinë. Mandej do të përdoren për të përkrahur ndërmarrësit e rinj dhe ndërmarrjet e vogla në mënyrë që ato të zgjerohen e të hapin vende të reja të punës. Do të shërbejë për të përkrahur ndërmarrjet e mesme që synojnë investime në rritjen e kapacitetit prodhues, blerjen e teknologjive të reja, përmirësimin e standardeve të prodhimit dhe shtimin e të punësuarve. Do të përkrahen gjithashtu edhe korporatat e mëdha që synojnë të investojnë në fusha deficitare apo inovative, si energjia e ripërtërishme, teknologjia informative, veprimtaritë eksportuese, etj. Me anë të fondit, përkrahje e veçantë do të jepet edhe për projektet e partneritetit publiko-privat, si dhe atyre projekteve që mundësojnë një tërheqje të investitorëve seriozë nga jashtë. Një tjetër aspekt i rëndësihëm i Fondit të Punësimit është se ai do të shërbejë si shtysë për bizneset që të formalizohen në mënyrë që të sigurojnë huamarrjen. Për të siguruar financime nga ky fond, do të duhet që bizneset e interesuara të heqin dorë nga informaliteti e të deklarojnë të gjitha asetet e tyre dhe të ardhurat. Fondi i Punësimit do të jetë një ndër motorat e formalizimit edhe të tregut të punës së Kosovës sepse do ta favorizojë pikërisht ato kompani që kanë ose shtojnë vendet e punës, e për rrjedhojë do të kenë motiv që t’ideklarojnë.

Kosova Sot: Përse keni zgjedhur që të jepni kaq shumë fonde në bujqësi?

Hashim Thaçi: Qeveria që kam udhëhequr unë, është e para qeveri që ka dhënë mbështetje domethënëse për sektorin e bujqësisë, sektor ky që për një kohë të gjatë ka qenë nënvlerësuar nga qeveritë e mëparshme. Gjatë mandatit tonë ne kemi mbështetur me grante e subvencione rreth 80 000 bujq dhe kemi pasur rezultate shumë pozitive qoftë në rritjen e prodhimit, eksportit dhe punësimit. Prandaj një e treta e këtij fondi, pra 500 milionë euro investime do të kanalizohen drejt bujqësisë duke hapur së paku 50 mijë vende të reja të punës në këtë sektor. Zhvillimi i bujqësisë do të ketë një ndikim të jashtëzakonshëm do të zvogëloj papunësinë dhe ul varfërinë në zonën rurale si dhe do të mundësojë përmirësimin e cilësisë së jetës të një pjesë të mirë të shoqërsië sonë. Nëpërmjet zhvillimit të bujqësisë do të shtohet vëllimi i eksporteve, zvogëlohet defiçiti tregtar dhe sigurohet lëndë e parë e bollshme për zhvillimin e një industrie ushqimore konkurruese për të plotësuar nevojat e vendit por edhe për eksport. Përpos kësaj, rritja e bujqësisë dhe industrisë ushqimore do të rrisë buxhetin e shtetit dhe ajo që është akoma më e rëndësishme do të ulë koston e jetës sepse do t’u sigurojmë qytetarëve të Kosovës ushqime më të mira, më të freskëta, më të shëndetshme e më të lira.

Kosova Sot: Të kthehemi prapë tek Fondi i Punësimit, ju keni folur për 1.5 miliardë euro, ku do t’i gjeni?

Hashim Thaçi: Ky fond do të kanalizojë paratë tona që gjenden nëpër bankat ndërkombëtare, në misionin tonë për ta bërë Kosovën një vend të zhvilluar dhe për ta shndërruar potencialin e madh të sipërmarrësve tanë, të tokës sonë, të rinisë sonë, në energji që do e shtyjë ekonominë kosovare përpara. Burimet e Fondit do të jenë paratë e privatizimit, një pjesë e fondeve të Trustit të Kursimeve Pensionale të Kosovës, fonde nga donatorë apo fonde të tjera ndërkombëtare, fonde të siguruara nga privatizimet që do të ndërmerren në vitet që vijnë si dhe fonde nga buxheti i shtetit sipas nevojës.

Kosova Sot: Si do të administrohet konkretisht ky fond kaq i rëndësishëm?

Hashim Thaçi: Fondi është në ndërtim e sipër, dhe procesi i krijimit do të jetë transparent dhe gjithëpërfshirës sepse në krijimin e tij do të konsultohen të gjitha palët e interesuara. Gjithçka do të jetë transparente dhe do të marrin pjesë grupet e interesit, biznesit, partnerët tanë ndërkombëtar, por edhe nga shoqëria civile dhe akademia. Do të aplikohen praktikat më të suksesshme ndërkombëtare të cilat kanë pasur fonde të ngjashme investimi. Themelimi i fondeve investive publike është praktikë e suksesshme dhe e përhapur gjithandej botës. Po ashtu në vitet e fundit, nëpërmjet përpjekjeve të qeverisë, ne ia kemi dalë ta anëtarësojmë Kosovën në institucione të rëndësishme ndërkombëtare financiare si Banka Botërore, Fondi Monetar Ndërkombëtar, Banka Evropiane për Rindërtim e Zhvillim si dhe Banka Evropiane për Investime. Ne do të konsultohemi me këto institucione prestigjoze ndërkombëtare për të na ndihmuar në zbatimin e praktikave më të mira. Fondi do të administrohet nga një bord i gjërë i mbushur me përfaqësues të qeverisë, ekspertë të mirënjohur, profesionistë me përvojë të gjatë, dhe përfaqësues të institucioneve më prestigjoze ndërkombëtare. Të mos harrojmë që gjatë qeverisjes sime kemi bërë pothuaj 2.9 miliardë euro investime kapitale të suksesshme duke u konsultuar me institucione prestigjoze dhe ekspertë të njohur dhe jam i sidurtë që me sukses do ia dalim që të administrojmë këtë Fond për të rritur masën e kreditimit për sipërmarrësit kosovarë. Mbi të gjitha, dua t’iu rikonfirmoj qytetarëve se menaxhimi i Fondit do të realizohet në mënyrë profesionale, të pavarur nga çdo presion apo ndërhyrje politike, konform bazës ligjore që do ta rregullojë këtë mekanizëm duke patur parasysh vetëm më më të mirën për ekonominë e Kosovës.

Kosova Sot: Po këtu bëhet fjalë për një fond shumë të madh parash. A ka aftësi absorbuese në Kosovë për këto fonde?

Hashim Thaçi: Në aspektin e bujqësisë ju garantoj se nuk do të ketë kurrfarë problemi për absorbimin dhe kjo është dëshmuar nga ndikimi shumë pozitiv që kanë dhënë në bujqësi grantet dhe subvencionet që kemi dhënë gjatë mandatit të kaluar. Përpos kësaj, potenciali për ta zhvilluar akoma më tej bujqësinë është shumë i madh pasi na mbetet ende 1/3 e tokave të punueshme djerrë. Unë besoj, se me përmirësimin e mëtutjeshëm të klimës së biznesit në Kosovë si dhe me përmirësimin e pozicionit ndërkombëtar, aftësia absorbuese për këto fonde do të rritet ndjeshëm brenda Kosovës. Por, dua të vë në dukje se ky fond do të ketë për qëllim edhe kthimin e trurit, tërheqjen e investimeve dhe iniciativës sipërmarrëse të diasporës. Bashkatdhetarët tanë kanë përvojë shumë të pasur në botën e zhvilluar perëndimore për sa i përket kredi-marrjes dhe ky Fond do t’i nxisë të kthehen në atdhe për të investuar. Përpos kësaj, sikurse theksova më herët, Fondi ka për prioritet të financojë projekte që nxisin sjelljen në Kosovë të investitorëve të huaj, pra shumë investitorë kosovarë mund të kërkojnë e gjejnë partnerë ndërkombëtarë që kanë kapacitete absorbuese dhe mund të aplikojnë në Fond për të hapur kompani joint-venture me pronësi të përbashkët me sipërmarrës të huaj. Prandaj kam udhëtuar e vizituar kompani, shkolla, organizata joqeveritare, punëtorë, bujq e të tjera shtresa të shoqërisë gjatë muajve të fundit për t’u shpjeguar Misionin tim të Ri. Prandaj, edhe kam përdorur fuqimisht mediat sociale të cilën më kanë dhënë mundësi të qëndroj në komunikim të drejtpërdrejtë me qytetarët sepse para tyre jam përgjegjës e atyre u jap llogari. Unë me qytetarët kam biseduar personalisht duke u treguar vizionin tim të Misionit të Ri dhe kam mësuar nga përvoja e tyre, kam përfituar sugjerimet e rekomandimet e tyre. Unë jam i bindur që Misioni i Ri i përgjigjet më së miri nevojave, interesave dhe aspiratave të popullit të Kosovës për zhvillim ekonomik dhe vende të reja të punës. /Intervistoi: Etleva Skonja

[Antiproanti]

Kijeva feston me daulle për lajmin se do të bëhet komunë (Video)

GazetaExpress E premte, 23 Maj 2014 21:36
Hashim Thaçi propozoi që të përgatitet Komisioni për formimin e katër komunave, mes tyre edhe Komoranin dhe Kijevën.

Klan Kosova ka qenë në Kijevë, për ta parë gëzimin për këtë vendim.

Qytetarë nga Kijeva thanë se janë gëzuar shumë sepse kanë vite që e kanë pritur këtë vendim.

Në festën për lajmin që Kijeva do të bëhet komunë, nuk kanë munguar as daullet.

....

Thaçi: Fondi i punësimit, transparent dhe jo si tre përqindëshi

Festojne kot...
Ashtu sic festuan komunat, te cilave Thaci u premtonte qindra milione para zgjedhjeve lokale 2013!


Qeveria në largim po mashtron për Fondin dhe komunat e reja



Lidhja Demokratike e Kosovës (LDK) dëshiron të sqarojë opinionin publik se të ashtuquajturat “Vendime” të qeverisë në largim për themelimin e një komisioni për kryerjen e analizave për themelimin e Fondit për punësim dhe zhvillim si dhe për krijimin e komunave të reja, janë thjeshtë dhe vetëm përpjekje për mashtrimin e qytetarëve.

Lidhja Demokratike e Kosovës (LDK) thekson se partia e cila udhëheqë qeverinë e pakicës në largim, nuk ka asnjë bazë ligjore për të marrë vendime të tilla.

Këto vendime mund të procedohen vetëm nga një qeveri legjitime, me mandat kushtetues dhe përfaqësuese e vullnetit të qytetarëve. Ndërsa, vendimet e tilla mund ta marrin formën e prerë pas votimit nga Kuvendi i Republikës së Kosovës.

Të gjitha vendimet do të shqyrtohen dhe procedohen, konform interesit më të mirë të Kosovës dhe qytetarëve të saj, pas zgjedhjeve të 8 qershorit, kur qytetarët e Kosovës të kenë vendosur përfaqësuesit e tyre në instuitucionet legjitime të Kosovës.

Vendimet e sotme si dhe mënyra se si qeveritarët në largim po keqpërdorin institucionet e Kosovës për nevoja të fushatës së tyre zgjedhore janë të kundërligjshme dhe tregojnë panikun e tyre nga humbja e thellë që do të pësojnë nga Lidhja Demokratike e Kosovës më 8 qershor.

Lidhja Demokratike e Kosovës garanton të gjithë qytetarët dhe në mënyrë të veçantë banorët e lokaliteteve të apostrofuara për t’u shndërruar në komuna, se qeverisja e LDK-së do të shqyrtojë me kujdes kërkesat e tyre dhe do të marrë vendimet në përputhje mundësitë reale dhe me interesin më të mirë të qytetarëve.
http://www.zeri.info/artikulli/35303...komunat-e-reja