PD publikon videon e vrasjes së pasagjerit dhe Pislit në ’99, Noka: Didi pas ngjarjes

[Albo]

bravo pd qe hap telashe njerezve
popull shkerdhat

Ashtu eshte. Fajin e ka PD qe nxjerr nje te vertete ne drite ne lidhje me te shkuaren e njeriut qe drejton sot Policine e Shtetit. Qeveria e Rilindjes nuk ka asnje faj qe nuk krye te Policise se Shtetit ka emeruar nje person te implikuar ne nje krim te tille.

Dhe sic vrane kete djalin ne 99, vrane edhe ate djalin nga mirdita ne Durres para pak muajsh. Dhe Kryezagari i Rames ne Facebook tha: "Bravo cuna qe e vrate me 9 plumba ne trup e nje fishek snajperi ne koke!" Vrini ca me shume neser se Policia e Shtetit ate detyre ka, qe te vrasi sa me shume shqiptare.

Perse ti arrestojme, nxjerrim ne gjyq, denojme e fusim ne burg, kur mund ti vrasim si qener rrugace, apo jo?

Albo

[Albo]

Gazetari grek rrëfen videon: E vërteta e vrasjes së Pislit dhe pengut

Panos Haritos, gazetari që ka ndjekur pengmarrjen e autobusit në Elbasan, pohon se nuk ka pasur asnjë dyshim që ata u qëlluan nga policia që prej ’99. “Videoja është realizuar nga një kameraman i Reuters nga Afrika e Jugut. Autoritetet shqiptare nuk treguan respekt as për shqiptarin dhe as për grekun”

Gazetari grek që ka ndjekur nga afër pengmarrjen e autobusit nga Flamur Pisli më 1999, thotë se nuk ka pasur Panos haritos ne lufte 2asnjëherë dyshime që i riu grek që humbi jetën bashkë me pengmarrësin u qëllua nga policia dhe se kjo duket qartë në videon e Reuters dhe madje edhe në kameran e tij të vogël. “Nuk e di pse ju po e përmendni fjalën dyshime, por nuk ka pasur asgjë të kësaj natyre dhe asnjë mendim të dytë”, – thotë Panos Haritos për “Mapo”, që atëherë ndiqte luftën e Kosovës për Televizionin Publik grek. Ai shton se në atë vend nuk ka pasur asnjë njeri tjetër përveç autobusit dhe policisë. Haritos tregon se ai në atë kohë është telefonuar për të ndjekur pengmarrjen dhe ka qenë pas autobusit në kohën që ai u bllokua nga policia me një pengesë natyrore. “Nga këndvështrimi im, e gjithë prita e policisë ishte joprofesionale dhe këtë e kam raportuar si dëshmitar okular”, thotë gazetari i luftës. Sipas tij, snajperat e policisë nuk kishin pasur pamje të qartë në momentin e ndërhyrjes dhe as kohë të mjaftueshme për ta përgatitur atë dhe kjo sipas tij shpjegon edhe pse pati viktima gjatë ngjarjes. Ai tregon ndërkohë se pamjet e servirura nga opozita shqiptare ditën e djeshme janë bërë prej një kameramani të Reuters, që po ashtu si ai ndodhej në vendin tonë për të ndjekur luftën e Kosovës. “Unë telefonova Reuters në Tiranë se më duhej një kamera dhe ata sollën kameran”, thotë Panos. Kameramani në këtë rast ka qenë nga Afrika e Jugut dhe Panos thotë se ai quhej Lior. Pamjet më pas janë bërë publike nga Reuters dhe kanë qenë të aksesueshme nga televizionet në Greqi apo Tiranë. Ai shpjegon po ashtu se autoritetet shqiptare i kanë pasur në zotërim pamjet që prej asaj kohe dhe nuk ka asnjë dyshim që ngjarja ka qenë e qartë. Por ai shpjegon se në Greqi nuk ka pasur në atë kohë ndonjë reagim të ashpër kundër policisë shqiptare, kjo edhe sepse një pjesë e fajit i mbeti Ministrisë së Brendshme Greke që nuk diti të administronte situatën. “Nga ana tjetër autoritetet greke (Ministria e Rendit për shembull) ishin të sigurt që rasti nuk do të kishte një fund të mirë, kështu që ata ia hodhën pataten e nxehtë palës shqiptare kur e lejuan autobusin të kalonte kufirin dhe hynte në Shqipëri”, thotë Panos. Sipas gazetarit të luftës, në çdo rast pengmarrjeje standardi bazë i policisë është që ajo nuk duhej të plotësonte kërkesat e pengmarrësit. Gazetari kujton se policia shqiptare kishte vetëm elementë bazikë për këtë operacion. Sa i përket vrasjes së një civili dhe plagosjes së një gruaje, Panos thotë se gjithçka është mjaft e qartë në pamjet e Reuters dhe madje edhe në kameran e vogël që ai ka përdorur gjatë ngjarjes. Panos kujton po ashtu se veç filmimit ishin edhe pengjet që konfirmuan se nuk pati asnjë të shtënë nga brenda autobusit. “Vetëm nga jashtë”, – thotë ai. Ai gjithashtu thotë se pengjet kanë treguar se shqiptari ishte një djalë i sjellshëm dhe se nuk i kishte lënduar dhe se ata kishin pasur biseda mjaft interesante gjatë kohës që ishin në autobus. Ai gjithashtu konfirmon se edhe si dëshmitarë okularë i ka parë personat që kanë qëlluar. Është e trishtë. Nuk ka rëndësi se çfarë njerëzit bëjnë gabim në jetë. Pasi një jetë humbet, duhet të kesh respekt për të. Dhe në këtë rast ata nuk e kanë trajtuar si duhet incidentin dhe nuk kanë respektuar kështu as kujtimin e djalit grek dhe as të shqiptarit”, – thotë ai duke komentuar faktin se qeveria shqiptare e kohës kishte pretenduar se pengu ishte vrarë nga të shtënat brenda autobusit.

MAPO

[Albo]

Historia e Pislit, revolta dhe ekzekutimi i një emigranti të ‘99

Pengmarrja 20-orëshe e autobusit në Greqi përfundoi me vrasjen e Flamur Pislit nga Burreli dhe pengut Jorgos Kulluri në afërsi të Elbasanit. Mediat e huaja publikuan videon e operacionit policor

Më 28 prill 1999, Flamur Pisli, një emigrant shqiptar rrëmbeu një autobus grek në sheshin qendror të një qyteti të pilsivogël, ku jetonte dhe punonte prej vitesh. Pas një arratie prej 20 orësh në veri të Greqisë dhe në jug të Shqipërisë, Pisli dhe një nga pengjet greke, Jorgos Kulluris, u qëlluan për vdekje nga snajperët shqiptarë jashtë qytetit të Elbasanit. Si një parashikim që bëhet realitet i një gjëje që mund të ndodhë, pengmarrja shkaktoi shumë zemërim dhe armiqësi që ishte mbledhur në shoqërinë greke gjatë viteve ’90 lidhur me figurën e emigrantit shqiptar, por edhe atë të punëdhënësit grek. Gazetarja greke, Penelope Papailias ka përmbledhur në një libër historinë e pengmarrjes dhe të gjitha të pathënat e saj, të zbuluara gjatë vizitës në Shqipëri dhe takimeve me bashkatdhetarët e Pislit.

Revolta e një emigrant të dhunuar

Në orën 10:30 të paradites së 28 prillit 1999, një autobus ndaloi në qendrën e Kate Scholarit, një fshat që ndodhet në periferinë e Selanikut. Pasagjerët, si zakonisht hipën në autobus, dhe mes tyre edhe Flamur Pisli, një fytyrë e njohur për disa prej atyre që ndodheshin aty. Pak minuta më pas, Pisli nxori një kallashnikov dhe dy granata, njërën me siguresë të hequr dhe urdhëroi shoferin ta çonte autobusin në rajonin e policisë në Selanik, ku ai akuzonte tre persona, një polic, një roje sigurie dhe pronarin e një fabrike këpucësh, se kishin sajuar akuzat kundër tij për armëmbajtje pa leje dhe e kishin çuar në burg, ku ai ishte torturuar dhe abuzuar seksualisht. Autobusi nisi të bënte një udhëtim të gjatë në veri të Greqisë, i shoqëruar nga makinat e policisë, ambulancat dhe gazetarët si dhe makina private. Pisli kërkoi kthimin e tri armëve kallashnikov që i ishin “dhënë” nga tre të akuzuarit, 50 milionë dhrahmive dhe kalim të sigurt në Shqipëri, ku ai kishte premtuar se do të lironte pengjet pasi të pinte një kafe matanë, në sheshin qendror të Tiranës. Kur paratë dhe armët iu siguruan, ai nuk pranoi t’i merrte, sepse tha se ato nuk ishin të njëjtat armë për të cilat ai ishte dënuar. Duke përdorur celularin e një pasagjeri, ai tha për publikun grek se ishte i pafajshëm, se e kishin dënuar në mënyrë të padrejtë dhe se ai do të rivendoste në vend nderin e tij e se nuk do t’u bënte asgjë pasagjerëve. Afër mesnatës, autobusi mbërriti dhe kaloi kufirin mes Shqipërisë dhe Greqisë me Pislin dhe nëntë pasagjerë të marrë peng.

Operacioni në Elbasan

Media greke e pasqyroi pengmarrjen si një histori të jashtëzakonshme, duke vënë në dukje pamundësinë e shtetit grek për të marrë nën kontroll situatën dhe nxjerrjen në pah të një shqiptari, në një kohë kur kufijtë mes dy vendeve kanë qenë përherë problem për shkak të historive të emigrantëve që donin të hynin në Greqi. Mendimet për pengmarrjen kanë qenë të shumëllojshme. Shumë grekë e konsideruan atë si një fiasko të medias, duke kritikuar përzierjen e pakujdesshme të gazetarëve në negociata. Disa të tjerë ishin në anën e Pislit, që e konsideronin si një njeri të dëshpëruar dhe të persekutuar. Ndërsa ngjarja sqarohej, gazeta ‘Elefterotipia’ shkruante: “Në zërin e tij ka pak ton histerie, por gjithçka që ai thotë ka logjikë dhe në fund ishte një njeri që luftoi për të drejtat e tij”. Ndërsa në Shqipëri, pengmarrja e tij konsiderohej si hakmarrja e Pislit ndaj brutalitetit grek. “Atë e torturuan duke i futur kaçavidat nën lëkurë. Nuk jemi në Vietnam këtu. Është vitit 2000 dhe jemi në Ballkan, e kjo ndodhi në një vend fqinj me ne”, – thonë shqiptarët. Pavarësisht të gjithave, historia e Pislit i ngjan pak të gjitha historive të jetesës së emigrantëve shqiptarë në Greqi. Trazirat politike dhe kriza ekonomike e kapi atë në një moshë të re, ishte vetëm 16 vjeç kur regjimi komunist u rrëzua. Rruga e vetme ishte emigracioni. Në Greqi ai nisi të punonte e të ndihmonte familjen, por aty ra pre edhe e shumë padrejtësive që ndodhnin në vend ndaj emigrantëve shqiptarë, tradhtia e punëdhënësit, vjedhja e fitimeve të tij, shkatërrimi i dokumenteve të tij, rrahja e torturat nga policët. Kur ishte kthyer një herë në Shqipëri, Pisli i kishte thënë të atit se preferonte të vdiste më mirë si burrë. Incidenti nuk u transmetua nga televizioni shqiptar dhe asnjë prej gazetave nuk e pasqyruan çështjen të nesërmen. Kryeministri shqiptar i asaj kohe, Fatos Nano ishte nën kritikë në atë periudhë për shkak të marrëdhënieve të tij të ngushta me grekët dhe mbylljen e syve ndaj problemeve të shqiptarëve emigrantë në Greqi. Duke e vajtuar publikisht djalin e tij, i ati i Pislit e ngriti zërin ndaj heshtjes zyrtare dhe kritikoi më shumë përgjegjësinë e shtetit sesa të djalit të tij për këtë tragjedi. Kur kishte kërkuar pagën e tij, bosët i kishin grisur dokumentet dhe e kishin akuzuar për armëmbajtje pa leje. Ata e degdisën në burg, ku Pisli ishte keqtrajtuar dhe abuzuar seksualisht. “Ai thjesht s’donte t’i bënte keq askujt, donte t’i përdorte pengjet për t’ia bërë të ditur çështjen e tij publikut”. Bashkëbiseduesit e mi më thanë se çështja më shumë se me grekët kishte lidhje me shtetin shqiptar. Fakti se polici shqiptar e vrau Pislin, e ktheu atë në një simbol të fuqishëm të lidhjes së shtetit me shtetasit e tij të brishtë.


MAPO

[Meriamun]

Pasi i vrau të birin, Didi i arreston edhe të atin!

Pasi i vrau të birin, drejtori i Përgjithshëm i Policisë së Shtetit i arrestoi edhe të atin dje Flamur Pislit. Policia e Burrelit ka vënë në pranga dje pasdite, babain e të riut që mbeti i vrarë para 15 vitesh nga Didi, gjatë operacionit për ndalimin e një autobusi grek të marrë peng prej tij. Burimet nga Policia e Burrelit bënë të ditur se, Nuredin Pisli, babai i Flamur Pislit, është arrestuar dhe ndodhet në Komisariat për deklaratën e bërë në media kundër drejtorit të Policisë së Shtetit, Artan Didi se, "është në gjak me të". Nuredin Pisli, deklaroi të mërkurën se do t'i çonte fjalë Didit se është në gjak për vrasjen e djalit të tij dhe të pasagjerit grek.
Reagimi i Nuredin Pislit erdhi pikërisht ditën, kur në Komisionin Hetimor për lëvizjet në polici, u publikua një video ku tregonte që, Artan Didi udhëhiqte këtë operacion. "Unë sipas Kanunit, tani detyrohem që t'i çoj fjalë Artan Didit, që më ka gjakun e djalit borxh. Më ka jetën e djalit tim, por më ka dhe të grekut borxh. Se më janë vrarë dy djem atje, edhe ai greku që u vra është djali im. Greku s'i vrau, ky i vrau dy djemtë aty. Tani do t'i çoj fjalë Artan Didit ta bëjmë ballë për ballë, që më ke dy gjaqe borxh, edhe të grekut, edhe të djalit tim", ka deklaruar të mërkurën për News 24 Nuredin Pisli.
"Kam 15 vjet që merrem me drejtësinë, deri tani më ka mashtruar. Kanuni është që burri që është burrë del përballë, të vrava se më pate borxh. Tani Tan Didi, meqë paska vrarë djalin tim dhe grekun, mikun në shtëpi, kërkoj gjak. Grekët paskan pas karamele s'paskan pas armë. Kanuni ka mbyllur brenda, në mos hajde në shtëpi të merremi vesh", deklaroi Nuredin Pisli.
Nuredin Pisli është babai i Flamur Pislit, i riu shqiptar që mori peng autobusin grek 15 vite më parë dhe u vra me snajper nga policia shqiptare. Ngjarja ka ndodhur në Qafë Krrabë në 28 prill të vitit 1999, ku bashkë me pengmarrësin Flamur Pisli, u vra edhe një pasagjer grek i autobusit.
Komisioni Hetimor parlamentar për emërimet dhe shkarkimet në polici, publikoi të mërkurën videon me pamjet e vrasjes të Flamur Pislit dhe të një qytetari grek të pafajshëm nga kreu aktual i Policisë së Shtetit, Artan Didi, në vitin 1999. Ngjarja ka të bëjë me pengmarrjen e autobusit me pasagjerë, nga Flamur Pisli në Greqi më 28 prill të vitit 1999 dhe me mbërritjen në Qafë-Krrabë, i riu shqiptar vritet nga snajperistë, ndërsa drejtori aktual Didi, vret një prej pengjeve sapo ai del nga autobusi. Artan Didi në atë kohë drejtonte grupin operacional kundër pengmarrjes së autobusit grek nga ana e shqiptarit Flamur Pisli. Video u publikua nga anëtarët e Partisë Demokratike në Komisionin Hetimor, e cila u përcoll më pas në të gjitha mediat vizive.
Sipas anëtarëve të opozitës në Komisionin Hetimor, personi që udhëhoqi këtë operacion ku mbeti i vrarë nga plumbat e policisë një pasagjer, ishte Artan Didi, sot kreu i Policisë së Shtetit. Videoja u komentua nga deputetet e Partisë Demokratike, Flamur Noka e Arben Ristani, të cilët theksuan se Artan Didi fshihet pas këtij krimi të rëndë. Sipas Nokës, Didi ka qenë pjesë e një operacioni ku u vra një peng, i pafajshëm. Në video shfaqeshin forcat e policisë shqiptare, të cilat vranë, shtetasin Flamur Pisli, pengmarrësi. Por, pas pengmarrësit ka mbetur i vrarë dhe një pasagjer grek.
Ngjarja e pengmarrjes së një autobusi me pasagjerë, nga një shqiptar ndodhi më 28 prill të vitit 1999. "Autobusi i marrë peng, ndalon. Është dukshëm e kuptueshme që kemi të bëjmë me ekzekutimin e një qytetari të pafajshëm që ndodh, do e shihni se personi i dyshuar për pengmarrës është vrarë në mes të autobusit me snajper, ndërkohë që kryhej veprimi tjetër që juve e patë", tha Ristani. Deputetët Flamur Noka dhe Arben Ristani kërkuan që kreu i Policisë së Shtetit, Artan Didi, të hetohet nga Prokuroria e Përgjithshme.

Historia e Flamur Pislit

Në vitin 1996 Flamur Pisli emigroi në Greqi, ku u punësua nga familja e një polici. Pas dy vjet e gjysmë punë, i riu shqiptar nuk merr frytin e punës dhe djersës së tij. Pisli kishte punuar për shumë kohë në supermarketin e policit grek nga Katoskolari, një fshat në periferi të Selanikut. Por, pavarësisht punës së tij të ndershme dhe korrekte, Flamuri kishte hasur në një përbuzje dhe trajtim racist nga pronari i tij grek, i cili nuk i kishte paguar 1.7 milionë dhrami.
I futur në kurth nga punëdhënësi grek, Pisli përfundon në burg ku rrihet barbarisht. Del nga burgu dhe kthehet tek polici grek për të marrë paratë që i takonin. Pisli e qëllon në këmbë, duke e plagosur ish-pronarin e tij polic. Qëllimi i tij nuk ishte ta vriste, por ta bënte të vuante në të njëjtën mënyrë siç kishte vuajtur dhe ai. Ndërsa, ka plagosur policin grek, emigranti shqiptar mori peng një autobus me 8 pasagjerë. Për orë të tëra, Pisli u ndoq nga policia greke deri në kufi dhe më pas nga policia shqiptare në brendësi të territorit tonë. Policia greke dha si garanci pas kërkesës së Pislit shumën prej 50 milionë dhrahmish, por ai i refuzoi.
Mesnatën e 28 prillit, ai kalon doganën shqiptare të Kapshticës. Tashmë, ndjekja e tij bëhet nga policia dhe forcat speciale shqiptare. Pasagjerët, pengje të autobusit pas ngjarjes dëshmuan për mediat, se Pisli u ndje më i qetë sapo kaloi kufirin grek. Ai u premtoi pengjeve greke se nuk do t'u bënte asgjë të keqe, por do ta çonte autobusin e tij në fshatin e lindjes, në Patin, ku do t'u shtronte dhe një drekë mikpritjeje sipas traditës shqiptare. Jeta e Pislit u ndërpre në fshatin Fikas, kur autobusi me pengjet sapo kishte lënë pas qytetin e Elbasanit dhe i ishte drejtuar Tiranës, nëpërmjet rrugës së Qafë-Krrabës.
Forcat speciale kishin marrë urdhër që të mos lejonin futjen e autobusit në kryeqytet. Në këto kushte u pa si rrugëzgjidhje e vetme ekzekutimi me snajper i Flamur Pislit, ndërkohë që u vra me kallashnikov pengu grek, Jorgos Kurluris. Mëngjesin e 29 prillit 1999, forcat speciale shqiptare që drejtoheshin nga Artan Didi e zgjidhën në mënyrë të përgjakshme historinë e nisur nga emigranti 24-vjeçar Flamur Pisli në rrethinat e Selanikut. Fillimisht, ai u cilësua si kriminel. Por më pas, kur u zbardhën të gjitha rrethanat në të cilat Pisli ishte detyruar të kryente këtë akt kriminal, u pa qartë se ai kishte qenë një viktimë e racizmit, ksenofobisë dhe poshtërimit që u bëhej emigrantëve shqiptarë në Greqi.

Rexhep POLISI

[Xinxerfilli]

Po pse ku ka te dalesh te kercenosh tjetrin dhe te te lene te livadhisesh.

Sa i indinjuar eshte Albo dhe PeDe-ja per "mosndeshkimin" e drejtuesit te operacionit per lirimin e pengjeve ku ngeli i vrare nje pengmarres dhe nje i pafajshem.

Nuk na thane c'mendim kane per 21 Janarin ku u vrane mizorisht 4 te pafajshem?

[goldian]

Ashtu eshte. Fajin e ka PD qe nxjerr nje te vertete ne drite ne lidhje me te shkuaren e njeriut qe drejton sot Policine e Shtetit. Qeveria e Rilindjes nuk ka asnje faj qe nuk krye te Policise se Shtetit ka emeruar nje person te implikuar ne nje krim te tille.

Dhe sic vrane kete djalin ne 99, vrane edhe ate djalin nga mirdita ne Durres para pak muajsh. Dhe Kryezagari i Rames ne Facebook tha: "Bravo cuna qe e vrate me 9 plumba ne trup e nje fishek snajperi ne koke!" Vrini ca me shume neser se Policia e Shtetit ate detyre ka, qe te vrasi sa me shume shqiptare.

Perse ti arrestojme, nxjerrim ne gjyq, denojme e fusim ne burg, kur mund ti vrasim si qener rrugace, apo jo?

Albo

kur ka ndodh ngjarja zoteri albo?
dhe ca pozicioni kishte PD deri ne 2013???
pse se zbardhi ngjarjen atehere e ta arrestonin didin .
ti une e gjith qe jemi jashte e kemi lehte te flasim po ai popull e di cvuan e ca heq dita dites .
kurre sdo bejm hajr jo kurre

[Wordless]

Pra ky malesori po e kerrcenon Didin live ne tv? Lejohet kjo gje? Nuk ka problem?
Flamuri eshte viktime si shume nga viktimat e tranzicionit por me duket absurde te dale i ati ne tv e te thote me ka 2 jete borxh..
Absurde edhe fakti qe u zgjua tani PD per te kerkuar drejtese..po ik ere pirdhu!

Si nuk lejohet ?!! Po kur kërcënojnë parlamentarët live, pse mos të kërcënojë ky i varfëri ?!!

[peshkatari2011]

Njerezit u ngriten ne proteste per KUDRET KUMEN dhe me te drejte,,,,kur te vret i huaji,,,,,,,,,,,po kur te vret i joti,,,,,,,,, si eshte pergjigja.

[Albo]

Vrasja e pasagjerit grek në pengmarrjen e vitit 1999, babai: Njeriu që vrau djalin tim, u bë udhëheqës i policisë shqiptare

UPDATE- Pas rihapjes së çështjes së vrasjes së një pasagjeri grek, Jorgo Kuluri, dhe shqiptarit që kishte marrë autobusin peng në vitin 1999, Flamur Pisli dhe përfshirjes së emrit të kreut të Policisë së Shtetit, Artan Didi në këtë ngjarje, kanë reaguar familjarët e shtetasit grek.

Duke folur për televizionin Star në Greqi, prindërit dhe motra e Jorgo Kulurit janë shprehur se do të bëjnë të pamundurën, dhe gjithçka çfarë është e nevojshme për të bërë drejtësi për humbjen e padrejtë të njeriut të tyre të dashur.

Në të vërtetë, babai i 28-vjeçarit, ka bërë thirrje që autori i vrasjes së djalit të tij, të gjykohet në Greqi. Ai është shprehur se njeriu që ka vrarë djalin e tij është bërë udhëheqës i policisë shqiptare.

Pak kohë më parë Partia Demokratike publikoi një video, nëpërmjet të cilës akuzoi kreun e Policisë së Shtetit, Artan Didi se qëndron pas kësaj ngjarje të rëndë.

Ngjarja e pengmarrjes së një autobusi nga shqiptari, Flamur Pisli, me pasagjer brenda ka ndodhur më 28 prill të vitit 1999.

Panorama

[IllyrianPatriot]

Po e polarizojne shume situaten vemjet mortore te pd es ..... opozitarizem shpellar , kalbje totale , peshtiresi absolute ....

Keshtu eshte kurre shpellaret berishjane bashke me veglat (gjenitale ) te tyre tentojne te gjeine arsye per polarizim ekstrem , kete lloj politike dine , e pame kurre ishin ne pozite me vota te vjedhura ( dhenje e 200 km2 te greku -prandaj e ka aq qejf edhe xhan berishen ky albo - , gerdeci , vrasja e 4 protestuesve si miza , shitja e naftes te serbi , pervetesimi i fondeve te rruges se kombit , dhenja e pasurise te shqiptareve te pinjollet e tyre , fundosja e procecit te legalizimit , deshperimi te perndjekurit politik deri sa i vune flaken vetes etc.etc.etc.)

keta jeni o vemje edhe nuk ka se si tjeter produkti i opozitarizmit tuaj te mos jete nje peshtiresi absolute . Jeni mallkimi i cdo shqiptari ( pamvaresisht a e kupton apo jo )