Serbia dhe MZ ne KE, tok me KOSOVEN

[Llapi]

Shtajner mbështet Thaçin për moratoriumin

PRISHTINE, 11 prill - Kryeadministratori Mihael Shtajner mbështeti idenë e kryetarit të Partisë Demokratike, Hashim Thaçi për moratorium të statusit përfundimtar të Kosovës. Këtë e konfirmoi Shtajner pas takimit të sotëm me liderin e Partisë Demokratike të Kosovës.
Para disa ditësh moratoriumi doli si propozim i kryetarit të Partisë Demokratike të Kosovës, Hashim Thaçit, i cili sot u prit nga shefi i UNMIK-ut. Shtajner tha se moratoriumi do të zbusë deklaratat, si të zyrtarëve serbë, ashtu edhe të atyre shqiptarë, për statusin përfundimtar të Kosovës.
“Mendoj se moratoriumi është ide e mirë e zotit Thaçi. Kjo do të mundësojë që më shumë të përqëndrohemi në çështje të tjera, si zhvillimi i brendshëm ekonomik dhe çështje të tjera, të cilat më shumë janë praktike. Pastaj moratoriumi do të ndalë për një kohë liderët nga Prishtina dhe Beogradi që të japin ide për statusin final, të cilat shumë shpesh janë shumë larg realitetit”, tha kryeadministratori Shtajner.
Kryetari i Partisë Demokratike të Kosovës, Hashim Thaçi propozimin e tij moratorium e arsyeton me status-quon në Kosovë. Në takimin Shtajner-Thaçi është biseduar edhe për procesin e bartjes së kompetencave tek institucionet e Kosovës. Që të dy u shprehën se ky proces është në rrugë të drejtë të zbatimit të plotë.
Shtajner edhe një herë përsëriti se disa nga kompetencat do t'i mbajë për vete, pasi që kjo është e përcaktuar në bazë të rezolutës 1244 dhe Kornizës Kushtetuese. “Eshtë e qartë se nëse më duhet të ndërhyjë në ndonjë vendim të institucioneve të Kosovës, do ta bëjë këtë”, tha Shtajner. Ai komentoi edhe deklaratat e disa zyrtarëve serbë për kthimin e forcave serbe në Kosovë, duke i quajtur ato jo fort serioze dhe duke përsëritur se përgjegjës për sigurinë në Kosovë është vetëm KFOR-i dhe policia ndërkombëtare.

[Orku]

O dodon.....mos fol roma per toma

Se pari qeveria shqiptare duke futur hundet aty ku nuk i takon po minimizon rendesine e faktorit dhe vullnetit kosovar. Qe ta dish ti nese ka gje qe e demton procesin e pamvaresise se Kosoves kjo eshte pikerisht nje perzierje e Shqiperise ne ate proces dhe paraqitja e idese se Shqiperia dhe Kosva jane nje...te pelqen apo jo ty dhe mua sot askush nuk pranon nje Kosove te bashkuar me Shqiperine..... se pari qe ta kuptosh Iliri eshte nje <> qe nuk garanton dot asgje ne pozitat e nje interlokutori nese palet levizin nga qendrimet e tyre...... pra sic eshte e qarte interlokutor nese do te kete nje dialog duhet dhe do te jete nje pale qe eshte ne gjendje te shtrengoje respektimin apo angazhimet e paleve.

Se dyti une nuk jam aspak i idese se duhet te kete nje dialog mes Kosoves dhe Beogradit per statusin e kesaj te fundit pasi Beogradi nuk ka se cfare humb ne kete dialog ndersa Kosova mund te humbase shume.... une mendoj se rruga me e mire eshte mbajtja e nje referendumi ne momentin e duhur dhe shpallja e pamvaresise me shpresen se SHBA do ta njohe si shtet sovran dhe te pamvarur. Por nje nga kushtet per ta arritur kete eshte qe Shqiperia te mos perzihet ne menyre qe te davaritet ideja e Shqiperise se madhe. Ceshtjen e Kosoves nuk e zgjidh dot as Meta as Nano e as Berisha..... te gjithe kemi nje jete qe enderrojme ta shohim Kosoven se bashku me Shqiperine por sot per hir te kesaj endrre duhet te kuptojme se eshte momenti ta leme Kosoven te krijoje identitetin e saj sepse vetem keshtu do te kete shanse qe ajo te shkeputet perfundimisht nga armiku yne shekullor.

[Orku]

...

[Llapi]

LDK: Çfarëdo idesh për pezullim të punës për njohjen formale të pavarësisë së Kosovës janë të papranueshme

Prishtinë, 12 prill - LDK-ja qëndron fuqishëm në përcaktimin e saj për jetësimin e plotë të pavarësisë së Kosovës në bazë të vullnetit të popullit të shprehur në referendum më 1991.
LDK-ja insiston dhe punon në njohjen formale të pavarësisë së Kosovës nga bashkësia ndërkombëtare.
Kosova tashmë po e kalon fazën e protektoratit ndërkombëtar dhe pas gjithë këtij procesi të zhvillimit të gjithanshëm gjatë katër vjetëve në liri, çfarëdo përpjekjesh apo idesh joserioze dhe të tejkaluara për pezullim të punës për njohjen formale të pavarësisë së Kosovës janë të papranueshme për LDK-në.
Prandaj, LDK-ja i kundërshton fuqishëm, pa marrë parasysh nga kush vijnë.
*************************************************

Hajde ta shofim se sa koh do duhet prit per ate njohjen formale qe thirret ldk-ja e rugova qe 14 vite?!

[Shën Albani]

Llap,

Rugova nukj ka thene kurre se kur behet pavaresia, ai thot se LDK lufton per pavaresi dhe kjo mund te jete pas 50 vietve 1000 viteve, natyrisht me kusht qe te ekzisotje dhe votohet LDK.
Ata nuk ekane thene kohen, pro deshiren dhe nese nuk pajtohen serbet, atehere ata nuk kane cka bejne, pro thojne se e dojne pavaresine....

[Dita]

Postuar me pare nga Orku

O dodon.....mos fol roma per toma

Orku,

me duket se shprehja eshte keshtu:

"Mos fol rromlla per tomlla".



Pertej kesaj, dodoni nuk lejon t'ia marresh neper goje Nanon dhe qeverine e sotshme shqiptare.





Dodon,

lexoje se c'ka thene Orku e lexo dhe nje here c'te kam shkruar une ne faqen e pare. Dhe mbaji mire ne mend ato fjale.

Me menyren se si ti diskuton ligjeron ate qe serbet thone, se shqiptaret ne Kosove nuk kane aftesi per vetvendosje.
Qe Shqiperia te beje rolin e ndermjeteses do te thote qe ta heqe nga diskutimi pavaresine, sepse per serbet kjo do te perbente nje zgjidhje maksimaliste.

Cila eshte me e mira per Kosoven sipas teje Dodon, t'i nenshtrohet vullnetit ndermjetesues te qeverise se Tiranes e te shkelmoje pavaresine?

[Orku]

O Alban

Fjalen e fundit per pamvaresine e Kosoves nuk e ka ne dore Rugova dhe as populli i Kosoves por komuniteti nderkombetar... prandaj Rugova nuk ka si te deklaroje se kur do ta sjelli pamvaresine sepse nuk eshte profet.

[Llapi]

çfare thone perfaqesuesit e minoritetit serb per moratoriumin?:

R. TRAJKOVIQ: MORATORIUMI ËSHTË NISMË E RREZIKSHME PËR SERBINË DHE BOTËN | 17:15 | B92

Prishtinë -- "Nisma e Hashim Thaçit që të shpallet moratoriumi për vendosjen e statusit përfundimtar të Kosovës, është mjaft e rrezikshme dhe ndaj saj duhet të reagojmë shpejt dhe me vendosmëri", deklaroi për "Glas javnosti" Rada Trajkoviq, deputete e Koalicionit "Kthimi" në kuvendin krahinor. Sipas fjalëve të saj, Shtajner jetën e vet private ia ka nënshtruar realitetit politik në Kosovë dhe në vend të Kofi Ananit, si epror të vetin ka filluar ta përjetojë Thaçin, kryetarin e Partisë Demokratike të Kosovës. "Pasojat e kalimit të autorizimeve nga UNMIK-u në institucionet e përkohshme në Kosovë do të ishin humbëse për interesin e shtetit të Serbisë në atë hapësirë. Po e përkujtoj se edhe i ndjeri kryeministri i Serbisë, Zoran Gjingjiqi ka thënë, nëse vjen deri te kalimi i kompetencave, do të gjendemi para aktit të kryer. Atëherë para tryezës për biseda do mbetet vetëm kërkesa për pavarësinë formale të Kosovës", përfundoi Rada Trajkoviq.