1.7 milione dollare per shkarkim te 7 punjosve te administrates ne vitin 2012: Sot???

[Al..]

Partia socialiste duket maxhorance teper e mjaftueshme jo vetem per te qeverisur e lire dhe ka vota te mjaftueshme per cdo vendim por babezia e 8 viteve ne opozite, nuk duket se po e ndal te majten te pastroje edhe zyrat rreth e rrotull atyre te ministrive, nga individe qe quhen demokrate.

Cila eshte motoja e qeverisje se majte???

Te paguaje miliona dollare ashtu sic qeveria paraardhese per shkarkimet pa argumenta apo popullit ti faturohet kostoja e shkarkimeve te pathena troc atyre qe shkarkohen dhe demshperblehen pa te drejte ose me te drejte. A ka ardhur koha qe i duhet thene STOP kesaj marrezie?

[Al..]

.....Vetëm në vitin 2012 dëmi që largimet e padrejta i kanë shkaktuar arkës së buxhetit llogaritej në rreth 1.7 milion dollarë dhe vetëm për 7 punonjës të lartë të administratës (Ministrisë së Financave), shteti duhej të paguante 200 mijë dollarë si dëmshpërblim për largimin nga puna, nga ana tjetër 200 mijë dollarë paguheshin edhe për 7 zëvendësuesit e tyre. Përtej kësaj, largimet e një morie personash mund të prekin ndërkohë njerëz të trajnuar madje edhe në trajnime dhe arsimim të paguar nga Bashkimi Europian. Largimet e këtij grupi janë prekur herë pas here në raportet që bëhen për Shqipërinë. Nga ana tjetër, qeveria e re ka premtuar një ndryshim të mënyrës së punësimit në administratë duke premtuar konkurse transparente. Deri tani nuk ka asnjë shenjë të kësaj procedure......
Burimi i lajmit gazeta "mapo" http://mapo.al/2013/09/qeveria-e-re-...pastrim-masiv/

Qeveria e re s’bën konkurse për emërimet, por pritet “pastrim masiv”

Nga Vladimir Karaj

Lajmi i plote

Të gjithë e dinë që kjo do të jetë një periudhë shkarkimesh dhe emërimesh. Të gjithë po ashtu e dinin që emërimet e para do të vinin po prej radhëve të para të protagonizmit politik, edhe pse kryeministri i ri pati premtuar më shumë se një herë vende pune me konkurs dhe një administratë të depolitizuar, ku vendi për të aftët do të ruhet, pavarësisht se nga cili krah vijnë.

Ndërkohë, në 4 emërimet e para në drejtori të rëndësishme, të përmendura në shtyp, asnjë nuk është bërë me konkurs dhe tre prej tyre janë ish-drejtorë të Bashkisë së Tiranës. Një linjë në vijim kjo për të cilën opozita ka akuzuar edhe më herët kreun e socialistëve, madje edhe gjatë formimit të qeverisë, që sipas saj, përbëhet prej njerëzve me të cilët Rama ka punuar gjatë kohës që ishte kryetar bashkie. Opozita e sheh këtë si klienteliste. Deputeti Gerti Bogdani akuzonte qeverinë e re se po shkelte njëkohësisht edhe ligjin e miratuar me konsensus mes palëve, si një prej atyre që konsiderohen të domosdoshëm për integrimin europian dhe ka të bëjë me statusin e nëpunësit civil. Akuzat u bënë pas shkarkimit të Sekretares së Përgjithshme të Ministrisë së Integrimit, Elda Kalaja. “Ky lirim nga detyra, është në shkelje flagrante të ligjit të miratuar së fundmi me konsensus, për Statusin e nëpunësit civil. Ju rikujtoj se është një nga 3 ligjet e BE-së, që u mbajtën peng nga Rama, ‘neni 21’, i cili parashikon qartë rastet e lirimit nga puna të nëpunësve civilë dhe asnjë nga ato raste nuk është përmbushur”, – thotë Bogdani.

Përtej kësaj, një sjellje e tillë ishte e pritshme edhe pse jo e dëshirueshme. Demokratët kur erdhën në pushtet më 2005 përndoqën dhe larguan nga puna vetëm se ishin punësuar prej socialistëve deri edhe punonjës të thjeshtë mirëmbajtjeje. Shkarkime të ngjashme janë bërë nga institucione si Presidenca e kanë prekur punonjës të thjeshtë. Socialistët të vënë para nevojës për t’u dhënë punë një pjese të administratës së lartë të larguar prej pune në 2005 apo menjëherë pas humbjes së zgjedhjeve për bashkinë e Tiranës më 2011, po mbrohen pikërisht duke sulmuar. Deputetë të PS argumentojnë se ka qenë opozita ajo që ka zbatuar më herët shkarkime në masë dhe emërime militantësh politikë në vende dhe poste kyçe. Por ndërkohë kryeministri i ri pati premtuar ndryshe.

Madje deri më 7 shtator, në mbledhjen e grupit të PS ai këmbënguli në standarde deri më tani të pazbatuara në Shqipëri. “Çdo ministër duhet të jetë shembullor në procesin e vlerësimit sa më objektiv të kapitalit njerëzor ekzistues në administratën e shtetit, si edhe në garantimin e transparencës e të meritës për çdo konkurs dhe emërim të ri”, citohet të ketë thënë ai gjatë takimit me deputetët. “Asnjë lidhje e shkurtër, miqësore apo klienteliste, s’duhet t’i mbivendoset lidhjes organike institucionale të qeverisë me grupin parlamentar dhe të çdo ministri me deputetët”, thoshte më tej Rama. Ai madje hapi edhe një faqe pranimi të CV online pranë PS, që do të shërbente si grumbullues i të dhënave për njerëz që ishin të gatshëm t’i shërbenin vendit e që do të ftoheshin të garonin për vendet e punës. Deri më tani asnjë konkurs i tillë nuk është njoftuar, edhe pse kjo, me gjasa, është vetëm fillimi i “reformës” së largimeve dhe shkurtimeve në administratë.

Në një shkrim të “Foreign Policy”, ministri i Mirëqenies Sociale dhe Rinisë, Erjon Veliaj, citohet të ketë thënë: “Në disa shërbime, ne do të bëjmë një pastrim masiv”. Sipas gazetarit James Traub, që e quan Ramën si lajmin e mirë që i ndodh Shqipërisë, një vend sipas tij shumë afër Botës së Tretë, kjo do të jetë edhe prova kritike e qeverisë ‘Rama’. Por nëse kjo ka të bëjë me pastrimin e administratës nga një palë të emëruarish dhe emërime pa konkurs të një pale tjetër, gjasat janë që pak gjëra do të ndryshojnë në vend. Në emërimet e para, në Drejtorinë e QSUT (Qendrën Spitalore Universitare), Qytetin Studenti, dhe ANTA-s (Agjencia Nacionale e Trafikut Ajror) që janë edhe tri me të rëndësishmet për t’u përmendur, nuk pati asnjë shpallje publike vakante, ndërsa ende është i pasqaruar largimi i personave që i mbanin këto pozicione.

Nëse shkarkimet e tyre dhe personave të tjerë të larguar deri tani do të jenë pa motivacione bindëse, gjasat janë që vendi të vazhdojë të paguajë dy deri tre persona për një vend pune, pasi pjesa më e madhe e të shkarkuarve do të fitonin gjyqe në gjykatë. Vetëm në vitin 2012 dëmi që largimet e padrejta i kanë shkaktuar arkës së buxhetit llogaritej në rreth 1.7 milion dollarë dhe vetëm për 7 punonjës të lartë të administratës (Ministrisë së Financave), shteti duhej të paguante 200 mijë dollarë si dëmshpërblim për largimin nga puna, nga ana tjetër 200 mijë dollarë paguheshin edhe për 7 zëvendësuesit e tyre. Përtej kësaj, largimet e një morie personash mund të prekin ndërkohë njerëz të trajnuar madje edhe në trajnime dhe arsimim të paguar nga Bashkimi Europian. Largimet e këtij grupi janë prekur herë pas here në raportet që bëhen për Shqipërinë. Nga ana tjetër, qeveria e re ka premtuar një ndryshim të mënyrës së punësimit në administratë duke premtuar konkurse transparente. Deri tani nuk ka asnjë shenjë të kësaj procedure.

[Al..]

Sa do paguhet si demshperbim per shkarkimin nga detyra te Frrok Cupit, te zotit Arjan Jovani dhe zevendesimit te tyre??
Ajo qe nuk publikohet me tej dmth shpenzimet per demshperblim, ne median e shkruar, a duhet te krijoje reflektim se si po rrjepet populli i thjeshte dhe po krijohet nje shtrese mikrobesh qe padrejtesisht u faturohen miliona dollare demshperblim??

Qeveria shkarkon Frrok Çupin nga Qendra e Artit, ja vendimet e tjera



Qeveria miraton pr/ligji për sigurinë e qytetarëve në fushën e mjedisit
TIRANË –Qeveria shqiptare e drejtuar nga Kryeministri Rama ka marrë sot disa vendime në mbledhjen e saj të radhës, vendime kryesisht të natyrës administrative.

Dy vendime ishin për largimin nga detyra të dy funksionarëve, Frrok Çupit si kryetar i Qëndër Kombëtare të Artit dhe Kulturës si dhe të një anëtari të Komisionit të Furnizimit me ujë, z.Arjan Jovani. Jovani dha dorëheqjen dhe në vend të tij u emërua znj. Eralda Methasani Çani.

Një vendim tjetër ishte për ndryshimet në pagat e punonjësve të hetimit, inspektimit dhe të shërbimeve mbështetëse në Ministrinë e Brendshme”.

Qeveria vendosi gjithashtu të sanksionojë titullin e Ministrisë së Brendshme e cila kudo në dokumentat zyrtare tani e tutje do të quhet Ministria e Punëve të Brendshme”.

Vendim tjetër ishte përcaktimi i kushteve dhe procedurave për përmirësimin dhe përditësimin e të dhënave të regjistrit të pasurive të paluajtshme në formate dixhitale dhe manuale.

Po ashtu, u miratua vendimi për përcaktimin e normave të cilësisë së mjedisit për ujërat sipërfaqësore; programi i nxitjes së punësimit të personave me aftësi të kufizuara dhe
miratimi i kufijve dhe rregullores së administrimit të parqeve arkeologjike të Shkodrës, Lezhës, Apolonisë, Bylisit, Amantias, Orikumit, Antigonesë, Finiqit dhe Butrintit.

Vendimi i fundit kishte të bënte me funksionimin të drejtat dhe detyrat e komisionit të vlerësimit të titujve akademikë si organ kolegjial vendimmarrës pranë Ministrisë së Arsimit dhe sportit. - See more at: http://www.shqiptarja.com/Politike/2....UMqhT4rD.dpuf

[Al..]

Administrata, paguhesh më shumë kur pushohesh nga puna (Burimi: Gazeta Shqip, gazeta-shqip.com)

Ministria e Financave pagoi 200 mijë USD rroga për 7 të larguar padrejtësisht

paguhesh me shume kur pushohesh nga puna lajm-shqipShkarkimet në administratën publike vijojnë të mbeten gangrena e arkës së shtetit. Punonjësit me status nëpunësi civil, të larguar nga eprori e çojnë çështjen në gjykatë dhe e fitojnë, duke i vjelë shtetit jo pak, kur nga ana tjetër, zgjidhja duhet të ishte më e lehtë: rikthimi në punë.

Rastet janë të shumta, por nuk ka një faturë të plotë për shumën totale që paguhet. Të paktën në Ministrinë e Financave ekziston një auditim i kryer nga KLSH-ja për vitin 2011, nga ku zbulohen fatura me shuma të majme për të shlyer gabimet e eprorit për largimet e padrejta nga puna. Edhe ministri i Financave ka rolin të ruajë financat e shtetit, firma e tij për emërime dhe shkarkime po vijon të shkaktojë humbje të padrejta për taksapaguesit shqiptarë.

Fenomeni dhe faturat

Vetëm për vitin 2011, ministria pagoi për 7 zyrtarë dhe punonjës të larguar një faturë me vlerë prej rreth 200 mijë dollarë. Kjo është vetëm për një vit, pasi duke nisur nga 2006, kur nisi reforma e largimeve masive në administratë pas ardhjes në pushtet të të djathtëve, faturat janë disa herë më të larta. P.sh, vetëm nga tatimet, për shkak të largimeve masive dhe emërimeve me militantë, buxheti i shtetit ka paguar rreth 1.7 milionë dollarë.

Por çfarë ndodh me të larguarit dhe si paguhet dëmi? I larguari nga puna, me status nëpunësi civil, ankohet te Komisioni i Shërbimit Civil me pretendimin se i është kryer padrejtësi. KSHC, e cila ka funksionet e një gjykate, trajton çështjen dhe i jep të drejtë ankuesit, pasi faktet janë të qarta për largim pa motivacion dhe të padrejtë, duke njoftuar institucionin për rikthimin e punonjësit në punë. Titullari e çon çështjen në gjykatën e shkallës së parë, pasi nuk e pranon vendimin e KSHC-së, por edhe këtu humbet, ndërsa gjyqtari kërkon rikthimin në punë, ose në listëpritje. E thënë ndryshe, derisa të kthehet në punë apo t’i gjendet vendi që i takon, i larguari me status nëpunësi duhet të marrë pagën e pozicionit të punës. Ministri nuk e merr në punë, pasi vendin e ka të zënë dhe pranon të paguajë dëmin, që zakonisht shkon me 12 paga, dy vjet paga etj.

Duke monitoruar shpenzimet e buxhetit 2011, KLSH konstaton fatura me efekte financiare nga viti 2006 dhe që sërish vijohet të paguhet. Vendimet e gjykatave për të rikthyer në punë të larguarin nuk respektohen dhe kështu dëmet bëhen akoma e më të mëdha. Çështja në fjalë (reforma në administratë) është dhe një nga kushtet për anëtarësimin në BE, e cila nuk po zbatohet si duhet.

Rasti i sekretarit

Gazeta “Shqip” disponon dosjet e 7 ish-punonjësve të Ministrisë së Financave, dhe për të kuptuar qartë fenomenin, publikon rastin e sekretarit të përgjithshëm, si më i veçanti, pasi çështja arriti deri në nivelet e larta të gjyqësorit, ku natyrisht edhe fatura financiare ishte e konsiderueshme.

Më 24 shkurt të vitit 2006, KSHC merr vendimin për të rikthyer në punë sekretarin e përgjithshëm të Ministrisë së Financave, shkarkuar (sipas vendimit) pa motivacion nga ministri Bode. Vendimi thoshte se sekretari jo vetëm që duhet të rikthej në punë, por edhe t’i jepej paga e munguar për shkak të shkarkimit. Largimi kishte ardhur në janar të 2006-s, me motivacionin, sipas Bodes, “moskryerje si duhet i detyrave funksionale si sekretar i përgjithshëm”. Çështja shkon në Gjykatën e Apelit dhe në maj të 2006-s rrëzohet vendimi i KSHC-së për rikthimin e sekretarit në punë, duke pranuar si të drejtë urdhrin e Bodes për shkarkim. Por në prill të vitit 2007, Kolegji Civil i Gjykatës së Lartë rrëzoi vendimin e apelit, duke shfuqizuar kështu edhe urdhrin e ministrit, duke i dhënë të drejtë KSHC-së, ose më saktë ankimuesit, sekretarit të përgjithshëm. Në vendim, Gjykata e Lartë thoshte se, “ankuesi duhet të kthehet në detyrën e sekretarit të përgjithshëm në Ministrinë e Financave, pra në pozicionin që kishte, si detyrim ligjor. Çdo emërim tjetër i përkohshëm dhe pa miratimin e DAP-it është i paligjshëm”. Pas këtij vendimi, ministri Bode sërish nuk pranon ta rikthejë në punë ish-sekretarin e tij, por nga ana tjetër preferon t’i paguajë për ditët e që i takonin të ishte në punë.

Fatura? Deri në prill 2009, ish-sekretari kishte marrë nga shteti 50 mijë dollarë, ndërsa ende vazhdon të paguhet (fatura e fundit, maj 2012, por s’dihet shuma) edhe pse nuk punon në këtë institucion. Ai do të vazhdojë të paguhet derisa Bode ta kthejë në punë

http://www.lajm-shqip.com/2012/11/ad...eta-shqip-com/

[Al..]

Rasti

Gjykata, i shkarkuari përfiton 28 paga

Vendi i punës në BSH “kushton” mijëra dollarë

Rasti kur paguhesh me shume kur pushohesh nga puna. Vetëm për një shkarkim të padrejtë dhe të pamotivuar të kryer nga guvernatori detyron institucionin e Bankës së Shqipërisë të paguajë dëmin me vlerë mijëra dollarë dollarë. Çështja e trajtuar nga Gjykata e Apelit i dha në fund të drejtë ankimuesit, i cili pretendonte se ishte larguar nga puna jo në mënyrë të drejtë. Si dëmshpërblim, ish-punonjësi do të përfitojë 28 paga! BSH e kishte humbur çështjen në shkallën e parë dhe kërkoi ta fitonte të drejtën në shkallën e dytë, atë të apelit, por edhe këtu dështoi. Paditësi kishte punuar te BSH për rreth 20 vjet dhe nisur nga paga që merrte, ushtronte detyrë të funksionit të lartë. Në qershor 2011, guvernatori vendosi ta largonte nga puna me motivacionin “se në mënyrë të përsëritur nuk kishte respektuar orarin e punës”. Për ta provuar motivacionin, BSH i kishte paraqitur gjykatës ekstrakte të regjistrit elektronik ku shënohen hyrjet dhe daljet nga ambientet e ndryshme të institucionit, ku rezultonte se në disa raste kishte cenim të orareve. Paditësi thotë se shkarkimi erdhi në mënyrë të menjëhershme, pa paralajmërim, kur nuk kishte marrë asnjëherë vërejtje në 20 vjet punë. Po si e fitoi gjyqin i shkarkuari nga guvernatori?

“BSH nuk ishte në gjendje të provojë para gjykatës se në ato raste kur paditësi ka cenuar orarin, a e ka bërë këtë për të shkuar në një zyrë tjetër të Bankës së Shqipërisë, apo për t’u larguar për motive personale. Kjo për faktin se Banka e Shqipërisë i ka zyrat në disa vende dhe paditësit i është dashur të spostohet nga një vend në tjetrin, brenda ditës së punës”, thotë gjykatësi i çështjes. BSH ka disa ambiente zyrash në Tiranë, por mesa duket vetëm te njëra është instaluar regjistri elektronik, për pasojë nuk ishte në gjendje të provonte se ku ishte në të vërtetë punonjësi i saj. Për këtë motiv, gjykata e ka cilësuar të padrejtë shkarkimin dhe nisur nga faktorë të ndryshëm (mosha dhe gjendja emocionale) i ka dhënë të larguarit të drejtën për të marrë dëmshpërblim 28 paga.

13.11.2012

Burimi: Gazeta Shqip

http://www.lajm-shqip.com/2012/11/ad...eta-shqip-com/

[Al..]

Pas punonjësve të administratës i vjen radha edhe shërbimeve për të gjitha punësimet mbi strukturë

Facebook - Punonjësit e larguar kanë publikuar shkresën e shkarkimit në Facebook
Shpërblimi - Në rast se shkarkimi nga titullari bëhet i gabuar, edhe në rastet e punësimeve me kontratë, punonjësi përfiton shpërblim

Lorina Mixha

Shkresa e shkarkimit nga spitali te punonjesveFundi i javës së kaluar ka shënuar rreth 80 shkresa për largimin e punonjësve të administratës në spitalin “Nënë Tereza”. Një pjesë e tyre janë mbi strukturë, me kontrata të përkohshme, ndërsa në këtë kategori ka edhe nga ata punonjës që nuk kanë qenë me kontratë të përkohshme, si dhe jo në listën e të punësuarve mbi strukturë. Shkresa ka njoftuar punonjësit se do t’u duhet të ndërpresin marrëdhëniet kontraktuale me institucionin dhe nga 24 deri në 72 orë, shefi apo përgjegjësi i shërbimit duhet të bëjë edhe njoftimin apo sqarimin përkatës për arsyet e largimit nga detyra dhe ndërprerjen e kontratës. Largimet nga puna u njoftuan dy javë më parë për qendrën spitalore universitare “Nënë Tereza”, ndërmarrjen më të madhe në të gjithë sistemin shëndetësor, në takimin e kryeministrit Edi Rama me shefat e shërbimeve.

Të gjithë ata punonjës që janë mbi strukturë në administratë do të largohen dhe fill pas kësaj u vjen radha edhe mjekëve, infermierëve, laborantëve apo edhe sanitarëve që janë marrë në punë për fushatë, për shkaqe politike dhe joprofesionale. Por përveç kësaj priten edhe ndryshime në strukturën e kësaj qendre spitalore dhe largime deri në masën 30 për qind edhe për personelin që aktualisht është në strukturë, brenda ogranigramës.

Sipas punonjësve të larguar me firmën e drejtoreshës së qendrës spitalore universitare “Nënë Tereza”, të cilët kanë publikuar edhe në Facebook shkresën e lirimit nga detyra, ky shkarkim është bërë në bazë të nenit 143 dhe 144 të Kodit të Punës, ku flitet për ndërprerje të marrëdhënieve institucionale kur punonjësi merret në punë me kontratë.

Kodi i Punës

Neni 143

Pas kohës së marrjes në provë për të zgjidhur kontratën me periudhë të pacaktuar, palët duhet të respektojnë një afat njoftimi prej një muaji gjatë vitit të parë të punës; prej dy muajsh për dy deri në pesë vjet pune; prej tre muajsh për më shumë se pesë vjet pune.

Këto afate mund të ndryshohen me marrëveshje me shkrim ose në kontratën kolektive të punës. Kur punëmarrësi ka kryer deri në gjashtë muaj pune, afati i njoftimit është jo më pak se një muaj.

Afati i njoftimit për zgjidhjen e kontratës zgjatet sipas rastit deri në fund të javës ose deri në fund të muajit. Zbatohet i njëjti rregull kur afati i njoftimit pezullohet gjatë periudhës së paaftësisë për punë, shtatzënisë ose pushimeve të dhëna nga punëdhënësi.

Kur njëra nga palët e zgjidh kontratën pa respektuar afatin e njoftimit, zgjidhja trajtohet zi zgjidhje e kontratës me efekt të menjëhershëm.

Neni 144

Pas kohës së marrjes në provë, kur punëdhënësi mendon të zgjidhë kontratën e punës, ai duhet të njoftojë me shkrim punëmarrësin të paktën 72 orë para takimit dhe të bisedojë me të.

Punëdhënësi gjatë kësaj bisede i parashtron punëmarrësit arsyet e vendimit të parashikuar për t’u marrë dhe i jep atij mundësi për t’u shprehur.

Zgjidhja njoftohet me shkrim brena një afati nga 48 orë deri në një javë pas takimit.

Kjo procedurë zbatohet edhe në rastet e zgjidhjes së menjëhershme të kontratës.

Punëdhënësi që nuk respekton procedurën e përcaktuar në këtë nen detyrohet t’i japë punëmarrësit një dëmshpërblim prej dy muajsh pagë që i shtohet dëmshpërblimeve të tjera të mundshme.

Zgjidhja e kontratës në kundërshtim me këtë dispozitë mbetet e pavlefshme.

I takon punëdhënësit të vërtetojë që procedura e përcaktuar nga ky nen është respektuar. Kjo dispozitë nuk zbatohet në rastet e pushimeve kolektive nga puna.

http://gazeta-shqip.com/lajme/2013/1...er-80-persona/

[Al..]

Shkarkim drejtorëve që s’paguajnë energjinë

Kukes

Të gjithë ata drejtues institucionesh apo ndërmarrjesh që nuk paguajnë detyrimet që kanë ndaj kompanisë CEZ, apo nuk ushtrojnë presion tek punonjësit e tyre për të shlyer faturat e energjisë elektrike, do të shkarkohen nga detyra. Ky është vendimi më i fundit që ka marrë prefekti i Qarkut të Kukësit, Ram Hoxha, i cili ua ka komunikuar atë të gjithë drejtuesve të institucioneve, si e vetmja mënyrë e cila mund të rrisë nivelin e arkëtimit të faturave të energjisë, si dhe vënien në zbatim të vendimeve që qeveria ka marrë në këtë drejtim. Sipas prefektit Ram Hoxha, në institucionet qendrore kanë shkuar kërkesat e para për shkarkimin e disa drejtuesve, kërkesa që pritet të pasohen nga shumë të tjera në ditët në vijim. “Asnjë nga drejtuesit e institucioneve, të cilëve ne i’u kemi dërguar kërkesën për sjelljen e listës së emrave të punonjësve buxhetor, dhe ata nuk e kanë bërë një gjë të tillë, nuk do të qëndrojë në krye të detyrës. Unë kam nisur kërkesat në institucionet përkatëse për largimin nga detyra të disa drejtorëve, ndërkohë që do çoj edhe disa të tjerë, pasi këtu duhet të zbatohen vendimet e qeverisë. Kush e do me forcë, me forcë do e ketë, kush e merr me hajnia, ashtu do e ketë”,- u shpreh kështu prefekti i Qarkut të Kukësit, Ram Hoxha. Arkëtimi i faturave të energjisë elektrike tashmë është kthyer një çështje shumë e diskutuar në Kukës, duke qenë se niveli i arritur deri tani ka qenë shumë i ulët. Por, në krahasim me periudhat e tjera, ka pësuar një rritje të konsiderueshme, ku për dy muajt e fundit janë mbledhur rreth 15 milionë lekë të reja. Drejtuesit e grupit të punës, të ngritur për këtë qëllim, thonë se institucionet nuk janë treguar të gjitha të gatshme për të sjellë të dhënat e kërkuara, me qëllim arkëtimin e faturave të energjisë tek buxhetorët. “Kërkesat ua kemi bëre e ribërë, por deri tani shumë pak prej drejtuesve të institucioneve kanë sjellë listat e kërkuara nga ana jonë dhe CEZ. Për këtë, mendoj se duhet të bëhet një punë më e mirë, me qëllim rritjen e nivelit të arkëtimit të faturave të energjisë së konsumuar”,- tha Abdulla Domi, përfaqësues i tryezës së ngritur për këtë qëllim në Institucionin e prefektit. Qarku i Kukësit renditet i fundit, në vend, sa i takon arkëtimit të faturave të energjisë, sidomos tek konsumatorët familjar. Shkak për mospagesën e energjisë së konsumuar është niveli mjaft i ulët ekonomik i banorëve si dhe mos zgjidhja e problemit të dëmshpërblimit të tokave të përmbytura nga liqeni i Fierzës.

Koha Jonë, 07.03.2014

[Al..]

Dorëheqje e shkarkime nga LSI


Vale dorëheqjesh ne radhët e punonjësve qe përfaqësojnë LSI-ne ne postet drejtuese te tre ministrive shëndetësisë, ekonomisë dhe punëve te jashtme. Burime zyrtare nga LSI bëjnë me dije, se është marre një vendim, qe te gjithë zv/ministrat te japin dorëheqjen. Por burime te sigurta nga këto institucione pohojnë se përveç këtij akti te vullnetshëm, janë bere gati tashme listat e shkarkimeve për atë pjese te administratës, qe ka ardhur ne 2009-ën, ne kohen e aleancës PD-LSI. Duket se me te mbrojtur janë punonjësit qe gëzojnë statusin e nëpunësit civil, pasi ata mund te shfrytëzojnë rrugën ligjore, duke hapur procese për heqje pa motivacion nga puna, e përfitojnë disa rroga dëmshpërblim nga buxheti i shtetit. Përveç kësaj kategorie, edhe një pjese e drejtoreve ne institucione, si ministria e ekonomisë dhe ajo e financave, te kontaktuar nga Vizion Plus shprehen, se nuk do te japin dorëheqjen, pasi nuk i cilësojnë politike, postet e tyre.

Ndërkohë Pellumb Pipero, qe ka mbajtur postin e drejtorit te politikave ne ministrinë e shëndetësisë, ka preferuar ta beje dorëheqjen përmes një letre te hapur. Për Vizion Plus, ai pohon se largohet pas zhvillimeve te fundit politike dhe daljes se LSI-se nga koalicioni qeverisës. Janë te paktën 10 zyrtare te tjerë nga ministria e shëndetësisë qe po largohen, duke nisur nga stafi i ngushte politik e deri te drejtoret e disa drejtorive. Ndërkohë largimet pritet te jene me te mëdha ne QSUT dhe spitalet e tjera te vendit. por ndërsa ne rrethe lëvizjet janë ne dore te ministrit te ri, shkarkimi dhe emërimi i drejtorit te QSUT-se është kompetence e kryeministrit Berisha. Ne valën e lëvizjeve nga puna është përfshire edhe Ministria e Arsimit dhe jo vetëm ne postin e zv/ministres apo drejtoreve, por edhe ne rrethe. Dhjetëra drejtore shkollash dhe drejtorish arsimore vijnë nga radhët e LSI-se dhe pritet te largohen. Por transferimet mund te zbresin deri ne rang mësuesish, sidomos për ata qe janë emëruar ne këto vitet e fundit, si mbështetës te LSI. Ndërkohë ne pikëpyetje është edhe drejtimi i kesh, ku përveç ndryshimeve ne politike, largimi i drejtorit te përgjithshëm, mund te vije edhe si pasoje e problematikes qe është krijuar nga reshjet e ditëve te fundit dhe demet nga hapja e portave te hidrocentraleve. Mësohet se 45 punonjës te KESH-it kane ardhur nga radhët e LSI-se dhe vendi i tyre i punës mbetet i rrezikuar.

[Qyfyre]

Ashtu ka qene gjithmone dhe do vazhdoje. Me mik ne kohe te Enverit, e pastaj me mik sa here ndrrohej PS e PD. Ata qe jane aq te zjarrte per partite e tyre, te ato vende pune e kan hallin. Derisa te shtohen kompanite private e mos jet trecereku i njerezve te punesuar ne shtet, kshu do shkoj puna.

[Al..]

Kryeministri e meriton te qendroje ne Hage e ta marre vesh seriozisht se cfare eshte Haga dhe kujt i sherben

Rama në Hagë: Europa ka nevojë për Ballkanin Perëndimor

Bota Sot | 27.05.2014 20:35



Kryeministri shqiptar, Edi Rama gjatë vizitës së tij nëHolandë, ka mbajtur një fjalim në Institutin e Hagës, me temë: “Për Drejtësinë Globale dhe mbi Europën, Shqipërinë dhe Ballkanin Perëndimor”.
Shefi i qeverisë tha gjatë këtij takimi se rruga e Shqipërisë drejt Europës është si destinacioni brenda nesh. Duke folur për Bashkimin Europian si destinacioni i Ballkanit Perëndimor, Kryeministri Rama theksoi se Shqipëria është aktivisht e angazhuar në promovimin e projekteve dhe nismave konkrete të bashkëpunimit mes vendeve të tij, si element kyç për suksesin e integrimit europian.

“Të vetëdijshëm që bashkëpunimi rajonal është një faktor kyç në suksesin e integrimit qeveria shqiptare mbetet shumë e angazhuar në projekte rajonale në fushat e infrastrukturës, energjisë, shëndetësisë, turizmit, kulturës dhe tregut të punës, për të cilin ne jemi duke ndërmarrë hapa të shpejtë liberalizimi. Shumë premtues është gjithashtu gazsjellësi TAP. Projekt për të cilin Holanda ka treguar interes, e bazuar në eksper iencën që ky vend ka me gazin natyror. Qeveria jonë është entuziaste për këtë interes dhe gjithë mundësitë që do t’i sjellë ky projekt vendit dhe rajonit,” tha kryeministri Rama.

Kryeministri vlerësoi se ky është një projekt që do të hapë rrugën bashkëpunimeve të reja dhe inovative, ndërmjet Shqipërisë dhe vendeve të rajonit; Bosnje-Hercegovinës, Malit të Zi dhe Kroacisë.

Për shefin e qeverisë shqiptare, bashkëpunimi ndërmjet vendeve të Benelux-it ofron për Ballkanin, modelin e suksesit në ndërtimin e bashkëveprimit e të integrimit. Kryeministri Rama theksoi se qeveria shqiptare po punon për ndryshim e imazhit të vendit, një proces i përditshëm dhe afatgjatë.

“Mendoj se marka e vendit tonë, por gjithashtu e të gjithë rajonit është thelbësore për aftësinë e tij në tërheqjen e turizmit dhe investitorëve, por para së g jithash dhe veçanërisht, është e rëndësishme të ndryshojmë qëndrimin e të tjerëve ndaj nesh. Kjo nuk ka të bëjë me një zgjidhje afatshkurtër, por me përpjekjen për të ndryshuar të ardhmen e Shqipërisë dhe të rajonit. Ne shpresojmë të marrim statusin e vendit kandidat në qershor dhe ne shpresojmë të shkurtojmë periudhën drejt anëtarësimit. Por unë besoj shumë se Shqipëria ka nevojë për Evropën, aq sa Evropa ka nevojë për Shqipërinë. Dhe Ballkani ka nevojë për Evropën, aq sa Evropa ka nevojë për Ballkanin,” tha më tej Rama.

Në Hagë, Kryeministri Rama zhvilloi gjithashtu takime me kryetaren e Parlamentit dhe Presidenten e Senatit holandez,AnouchkavanMiltenburg dheAnkieBroekers-Knol, me të cilat pati një bashkëbisedim shumë frytdhënës për Shqipërinë.

Bota sot