Dëmtim masiv në pyjet e Pukës, apel Kryeministrit

[Wordless]

PUKE - Shoqata e Specialistëve të Pyjeve në këtë rreth ka reaguar duke i bërë thirrje kryeministrit të marrë masa për ndalimin e shkatërrimit masiv të pyjeve, sidomos pas reformës në Shërbimit Pyjor.

Pikërisht nga një zonë e dëmtuar vetëm gjatë 2-3 ditëve të fundit, pikërisht në Mriaj të fshatit Kryezi, kreu i Shoqatës së specialistëve të pyjeve në rrethin e Pukës prezantoi me dhimbje batërdinë që është rikthyer në pyjet e Pukës.

“I kërkoj kryeministrit të verë dorë për të ndalur shkatërrimin e pyjeve që nisi pas reformës në Shërbimin Pyjor. Kjo është reforma e miratuar nga ministria e Mjedisit e cila është as më pak as më shumë se ai plumbi që prokurorët u jepnin të dënuarve politikë. Tani ka nisur prerja, në verë zjarret, dhe kështu marrin fund pyjet e Pukës”.

Janë me qindra drurë pishe, shumica fidanë që sapo kanë marrë veten që janë prerë vetëm në zonën e Mriaj. Ndërsa vetëm pak ditë më parë, dëmtime masive të pyjeve u publikuan dhe në zonën e Rroshi Bicaj ku kontrabanda e pyjeve u rikthye fuqishëm.

(d.b

[Meriamun]

Është për të vënë duart në kokë dhe për të ja dhënë kujës kur mendon se gjeja e vetme që na kishte mbetur, një dhuratë e mrekullueshme e natyres e Zotit dmth pyjet dhe gjelbërimi, është shkatërruar në mënyrën më mizore. Eh se mos është vetëm Puka, ky problem është në të gjitha zonat e Shqipërisë. Pyjet janë prerë dhe po priten pa kriter.
Ne nuk kemi respekt aspak për pronën kolektive. Këtë e kupton lehtë në shumë gjëra por sidomos tek ndërtimet. Tek këto të fundit shikohet qartë se si shtëpia që është në cepin e rrugës i hyn në pjesë trotuarit duke e ngushtuar aq sa edhe nje dhi kalon me vështirësi.