ILDKP: Gjyqtari Gjin Gjoni nuk deklaroi pasurine. Gjoni: Sulm politik ndaj meje

[Albo]

KLD nuk shkarkon gjyqtarin, Gjin Gjoni: Po sulmohem, presion për gjyqet që kam ndaj ministrave

Tiranë - Këshilli i Lartë i Drejtësisë ka hedhur poshtë kërkesën e Ministrisë së Drejtësisë për shkarkimin e gjyqtarit të Gjykatës së Apelit, Gjin Gjoni, të argumentuar me fshehjen e pasurisë prej tij dhe padeklaruar në ILDKP.
Mësohet se vetë Gjoni ka deklaruar sot gjatë mbledhjes së KLD-së se “Po sulmohem politikisht në mënyrë të koordinuar për shkak të gjykimeve të mia ndaj ministrave aktuale.”
Ministria e Drejtësisë ka kërkuar marrjen e masave ndëshkimore ndaj tij, pezullim nga detyra, për fshehje të pasurisë, por Gjoni i ka konsideruar akuzat si “presion për proceset gjyqësore që kam ndaj eksponentëve të lartë politikë. Asnjë procedurë nuk është zhvilluar, as nga ILDKP dhe as nga Ministria e Drejtësisë, asnjë akuzë nuk qëndron,”- ka thënë ai.
Sipas Gjonit, “të ardhurat e gruas sime janë të deklaruara sipas ligjit, por ILDKP-ja nuk pranoi të bashkëpunonte me Inspektoriatin e KLD-së dhe Prokurorinë, ç’ka vërteton se gjithçka është një farsë.”

ar.sh/Oranews.tv

[Albo]

Pas ILDKP, edhe Policia kallëzon gjyqtarin për pasurinë. Gjin Gjoni: Rama më ka shpallur “armik klase”

Gjyqtari Gjin Gjoni, i vënë në qendër të luftës mes mazhorancës dhe KLD-së akuzoi dje kryeministrin Rama se e ka shpallur “armikun e klasës”. Në një deklaratë për mediat, gjyqtari dhe anëtari i KLD-së hodhi poshtë akuzat e ngritura kundër tij dhe la të kuptohej se Rama i ka vënë pas gjithë strukturat e shtetit, në mënyrë antiligjore. Gjoni zbardhi edhe një bisedë me ministrin e Drejtësisë, Nasip Naço por edhe denoncimin që i ka bërë shefit të ekzekutivit në kancelaritë perëndimore. “Meqë zoti Rama deklaron se nuk kam asgjë personale, si shpjegohet që ministri i Drejtësisë më deklaron që ti e di se kjo punë nuk vjen nga unë, por nga lart”,-tha gjyqtari, duke pohuar më pas se edhe në Inspektoriatin e Pasurive i kanë thënë se kjo goditje është me urdhër të Kryeministrit. Duke e cilësuar të drejtë vendimin e dhënë nga KLD-ja për të, Gjoni u shpreh se po intimidohet dhe shantazhohet nga kryeministri. Deklaratës së kryeministrit se si ka mundësi që edhe ndërkombëtarët e njohin emrin e tij, Gjoni iu përgjigj: “Më njohin nga Europa në NATO zyrtarët, s’më njohin si person, por si anëtar i KLD që po cenohet, shantazhohet dhe që do të uzurpohet nga kryeministrit. Ndërkombëtarët janë të shqetësuar se i kanë vënë në dijeni për këtë sulm të paprecedentë ndaj meje dhe institucioneve të drejtësisë. Shqetësohen se si një kryeministër i një vendi që ka marrë statusin e kandidatit merr dhe shantazhon në telefon gjyqtarët për çështje konkrete. Përmendin emrin tim se kam ardhur në këtë pozicion jo prej suportit politik, por sepse kam qenë më i votuari që nga krijimi i KLD-së. Ndërkombëtarët janë të shqetësuar se reforma në drejtësi po bëhet pa konsultë me Komisionin e Venecias, Këshillin e Europës e institucione të tjera ndërkombëtare”, -tha më tej ai. Sikurse edhe më parë, Gjoni e ka cilësuar këtë të kryeministrit, një sulm politik, tendencioz e selektiv. “Çështja e shumë diskutueshme e pasurisë është një çështje e fabrikuar për të ngritur një orientim politik në luftën selektive ndaj meje në veçanti dhe institucioneve kushtetuese në përgjithësi dhe kryesisht ndaj KLD”,-tha më tej Gjoni. Në deklaratën e tij, gjyqtari më i diskutuar i momentit ka komentuar edhe vendimin e KLD-së, që refuzoi shkarkimin e tij, duke e cilësuar të paaftë ministrin e Drejtësisë për të paraqitur prova për procedimin disiplinor. “Në mënyrë që të mos intervenoj me hetimin që po vazhdon, në një kohë të dytë do të paraqes gjithë dokumentacionin provues për të vërtetuar se pjesa më e madhe e atyre që deklarohen, nuk janë të vërteta”,-tha më tej Gjoni. Ai shtoi më tej se për shkak të kësaj situate të krijuar, bizneset e familjes së tij kontrollohen çdo dy muaj nga autoritetet, e për veprimet e tyre që Gjoni i quajti të dhunshme, pohon se ka prova të padiskutueshme filmike. “Meqë zoti Kryeministër pretendon se nuk ka gjë personale me mua, si shpjegohet që pa asnjë vendim gjyqësor me vë nga mbrapa një duzinë njerëzish te njësisë operacionale të Drejtorisë së Përgjithshme të Policisë për të më mbajtur në vëzhgim duke me vënë sinjalizues apo mjete te tjera në makinën time dhe ambiente të tjera , si të isha një kriminel”-tha ai. Gjin Gjoni është kallëzuar nga ILDKP në Prokurori për fshehje pasurie, hetim i cili është ende në proces. Organi i akuzës kërkoi në gjykatë pezullimin e Gjonit si gjyqtar, por kjo kërkesë u rrëzua. Njësoj si gjykata, edhe Këshilli i Lartë i Drejtësisë refuzoi të pezullonte anëtarin e saj, me pretendimin se ministri i Drejtësisë nuk paraqiti prova.



Pas ILDKP, edhe Policia kallëzon gjyqtarin për pasurinë

Policia e Shtetit dorëzon një tjetër kallëzim në Prokurori për gjyqtarin Gjin Gjoni. Pas ILDKP-së, edhe Policia e akuzon gjyqtarin e Apelit dhe anëtarin e KLD-së për pastrim parash. Përmes një njoftimi për mediat, policia bëri me dije se ka dorëzuar dje në Prokurori kallëzimin për Gjin Gjonin, i dyshuar për “pastrim të produkteve të veprës penale ose veprimtarisë kriminale”. Si indicie për këtë referim ka shërbyer kallëzimi penal i ILDKP-së ndaj këtij shtetasi, për veprat penale të deklarimit të rremë të pasurisë dhe falsifikimit të dokumenteve. Nga Drejtoria për Krimin Ekonomik e Financiar në Policinë e Shtetit, referuar shumave relativisht të larta të investuara në pasuri të luajtshme dhe të paluajtshme që disponon ky shtetas, ku të krahasuara me të ardhurat nga paga apo bizneset e tij dhe të bashkëshortes së tij, dyshohet se ka një pasuri të pajustifikuar, të dyshimtë e cila ka burimin financiar nga aktivitete të paligjshme. Për të bërë këtë referim, policia ka pasur parasysh pasurinë që disponon Gjin Gjoni dhe bashkëshortja e tij, të ardhurat që vijnë nga paga e tij, të ardhurat e bashkëshortes, shoqëritë që dy bashkëshortët kanë si dhe informacioni i marrë nga strukturat tatimore. Materialet proceduriale ndaj këtij shtetasi i janë referuar Prokurorisë së Përgjithshme për veprën penale parashikuar nga neni 287 i Kodit Penal.



Rama: Është fenomenale që Gjin Gjoni bën martirin

Në analizën e 300 ditëve të qeverisë, kryeministri Rama përmendi edhe gjyqtarin Gjin Gjoni, teksa foli për reformën në drejtësi. “Po e them copë, sepse jam ndjerë dhe ndihem i tmerruar kur kam përballë zyrtarët më të lartë të vendeve të tjera që e përmendin si emër. Ç’arsye ka një zyrtar i lartë, të dijë emrin Gjin Gjoni, në anglisht?! E, ç’arsye ka një aleancë e tërë, që shtrihet nga Europa në NATO dhe nga NATO në Europë, që të dijë që është një Gjin Gjoni dhe që ta shtrojë këtë problem me të gjithë autoritetet që takon. Unë nuk kam asnjë gjë me këtë person dhe nuk është personale, është fenomenale. Se të ishte personale, do të ishte 1/100 e së keqes. Është fenomenale. E, pastaj, në këtë vend ku ka shumë martirë që ende nuk janë vënë në vendin e tyre, Gjin Gjoni bën martirin, që po e luftojnë për arsye politike. Është fenomenale.”- theksoi Rama.

MAPO

[Albo]

Naço- Gjonit: S’kam gjë personale, ti e ke me pasurinë tënde

Ministri i Drejtësisë Nasip Naço i ka kthyer pergjgije gjyqtarit Gjin Gjoni . Naço theksoi se nuk ka asnjë gjë personale me gjyqtarin Gjoni por u shpreh se ky i fundit nuk mund të mbulojë dot diellin me shoshë.

“Nuk kam gjë personale me Gjonin, ai e ka me veten e vet dhe pasurinë e vet. Pyetja i bëhet për pasurinë dhe ai përgjigjet për politikën. Fliste për presione të hapura ndaj bizneseve e tij. Nga njëra anë thotë ministri ishte i paaftë nga ana tjetër thotë që kryeministri po i vë gjoba bizneseve të tij”- u shpreh Naço.

Më tej ai theksoi se verifikimi i pasurisë së gjyqtarit Gjoni ka nisur muaj më parë. “Në pyetjet e mia brenda KLD-së, një nga pyetjet ka qenë si kishte mundësi që bashkëshortja prej vitit 2009-2010 nga tatimet rezulton me humbje 500 mln lekë dhe pas martesës me Gjonin del me fitim 300 mln lekë. Kaq mjafton që të dalë të flasë si e ka fituar pasurinë. Unë mendoj se muaj më parë ILDKP ka filluar të verifikojë pasurinë ndaj Gjonit. Kjo do të thotë që nuk e ke nga mua. Nuk mund të mbrohet dot një gjyqtar kur e pyet për pasurinë dhe përgjigjet për politikë”- u shpreh ministri Naço.

Nga ana tjeter Naço i pergjigj dhe letres se KLD-se kunder ligjit te ri per KLD-ne. “Ju e merrni seriozisht atë letër të KLD-së? Aty nuk ka seriozitet, ka politikë brenda’- u shpreh Naço. Ai theksoi se sistemi i drejtësisë ka nevojë për reformim.“Për ne ka qenë më i rëndësishëm procesi se sa të merremi me emrat. Ne nuk kemi thënë që ai draft që ne propozuam do kalonte ditën tjetër në Parlament. KLD nuk reagonte ndaj këtij vendimi. Ky Këshill të iki në shinat ligjore. Ka prej 3- 4- 5 vjetësh që nuk emërohen kryetarët e gjykatave.
Kemi kërkuar që procedimet disiplinore të propozuara nga ministri të futen në rend dite brenda një muaji. Janë gjëra që s’kanë të bëjnë me Kushtetutën por me mbarëvajtjen e punës së KLD. Ata janë tejet të kënaqur me punën e tyre. Janë në ishullin e tyre. Sistemi i drejtësisë ka nevojë për reformim me pjesëmarrjen e të gjithëve edhe të opozitës. Nëse nuk duan ne jemi të vendosur që të miratojmë të gjitha reformat e domosdoshme”- theksoi Naço.

MAPO

[par]

e kuptoj shume mire qe duhet patur transparence per pasurine e vene nga gjygjtaret dhe te gjithe ata qe kane poste publike, duhej bere me kohe

POR DO KISHA NJE PYETJE PER KETA TE APASIONUARIT E PUSHTETIT TE TASHEM SI DHE TE DJESHMIT

NGA E A KA VENE PASURINE FILIP CAKULI QE ESHTE I AFTE TE HARGJOJ JA PAK POR 50000000 LEKE PER DASME E FEMIJES SE TIJ, SA PAGUHEN KETA PSEUDO GAZETAR? SA KURSEJNE? CTAKSA PAGUAJNE?
KUJT I SHERBEJNE?

NESE DREJTESIA KORRUPTOHET NGA POPULLI, PO GAZETARIA MESE KORRUPTOHET?

[Albo]

Gjoni: Edi Rama, përçmim ndaj veriorëve

Anëtari i Këshillit të Lartë të Drejtësisë, Gjin Gjoni, ka reaguar ndaj akuzave të Kryeministrit ndaj tij duke i konsideruar personale dhe se për këtë fakt ka vënë në dijeni institucionet ndërkombëtare, si KiE, DASH dhe BE. Gjoni theksoi se ndaj institucionit të KLD-së po ushtrohet presion dhe shantazh për ta uzurpuar nga Kryeministri për qëllime klienteliste. “Dua të theksoj se Kryeministri ka humbur sensin e realitetit ose është keqinformuar me dashje se Kryeministri ishte në analizën e qeverisë jo të shtetit, këtë besoj e kupton çdo njeri. Nuk e kuptoj pse Kryeministri ndjehet i terrorizuar nga emri Gjin Gjoni që ia ngrenë si shqetësim nga Europa në NATO dhe nga NATO në Europë. Ngritja apo përmendja e emrit nga ndërkombëtarët nuk ka të bëjë me emrin Gjin Gjoni si person, por me Gjin Gjonin si anëtar i KLD-së, si anëtari i një institucioni kushtetues që po cenohet, intimidohet, që shantazhohet dhe që kërkohet të uzurpohet nga Kryeministri për interesa klienteliste”, theksoi ai. Gjyqtari më tej ngriti si shqetësim deklaratën e shefit të qeverisë, duke thënë se përdorimi i emrit të tij krijon edhe idenë e përçarjes krahinore. “Shpresoj të jetë një lapsus i rastit i zotit Kryeministër shprehja ‘Gji-nët apo Gjonët’ pasi do të zbulonte një aspekt përç-mues për këta emra që mund të zëvendësohen rëndomtë me veriorët, malësorët apo më keq, ‘malokët’, gjë që na çon në një element të ndasive krahinore. Ndërkombëtarët janë të shqetësuar për shkak të vënies në dijeni nga ana ime të Departamentit të Shtetit, Këshillit të Europës, Bashkimit Europian, OSBE-së, dhe për këtë sulm personal dhe të paprecedentë ndaj meje, por edhe me rreziqet që i kanosen Drejtësisë dhe institucioneve kushtetuese nga ky presion i pashoq në qendër të të cilit jo pa qëllim është vendosur emri im”, tha ai. Duke folur për kërkesën e ministrit për të shkarkuar disa gjyqtarë, Gjin Gjoni theksoi: “Ministri i Drejtësisë nuk solli asnjë provë për të vërtetuar pretendimet e tij, pasi nuk kishte realizuar asnjë hetim administrativ, por thjesht ka paraqitur në KLD një copy-paste të asaj që ka kërkuar ILDKPK duke mos vërtetuar asnjë prej akuzave që pretendonte. Së treti: Paaftësia e ministrit në këtë procedim disiplinor qëndron edhe në faktin se pa respektuar nenin 34/2 të ligjit “Për organizimin dhe funksionimin e Pushtetit Gjyqësor?” ka futur për procedim të gjitha çështjet që janë jashtë afatit 5-vjeçar që nuk i lejon ligji dhe çështje që nuk kanë të bëjnë me personin tim, thjesht dhe vetëm për të dhënë ngarkesa politike, intimiduar dhe para-gjykuar çdo vendimmarrje të KLD-së”.

Panorama

[Xinxerfilli]

e kuptoj shume mire qe duhet patur transparence per pasurine e vene nga gjygjtaret dhe te gjithe ata qe kane poste publike, duhej bere me kohe

POR DO KISHA NJE PYETJE PER KETA TE APASIONUARIT E PUSHTETIT TE TASHEM SI DHE TE DJESHMIT

NGA E A KA VENE PASURINE FILIP CAKULI QE ESHTE I AFTE TE HARGJOJ JA PAK POR 50000000 LEKE PER DASME E FEMIJES SE TIJ, SA PAGUHEN KETA PSEUDO GAZETAR? SA KURSEJNE? CTAKSA PAGUAJNE?
KUJT I SHERBEJNE?

NESE DREJTESIA KORRUPTOHET NGA POPULLI, PO GAZETARIA MESE KORRUPTOHET?

Disa njerez te njohur te mijte punojne ke Top Channel.

Cdo qindarke e pageses kalon ne banke dhe taksat mbahen nga rroga.

Leket e Cakullit une nuk e di sa merr dhe ku i con, por disa gazetare dhe spikera marrin nga 2-5 mije euro ne muaj dhe duke konsideruar rrogat qe ju ofruan Krastes dhe Saimirit ke Agoni, merre me mend sa mund te marri Cakulli...

[par]

Disa njerez te njohur te mijte punojne ke Top Channel.

Cdo qindarke e pageses kalon ne banke dhe taksat mbahen nga rroga.

Leket e Cakullit une nuk e di sa merr dhe ku i con, por disa gazetare dhe spikera marrin nga 2-5 mije euro ne muaj dhe duke konsideruar rrogat qe ju ofruan Krastes dhe Saimirit ke Agoni, merre me mend sa mund te marri Cakulli...

a ka transparence sa paguhen dhe si, dhe mos me trego mua si se paguhen tek top media qe deri para votimeve punonin me 2 bilance, do te thote qe nje rroge merrnin ne dore dhe tjetren me banke, me nenpunes te top medias rri per dite, po ti hysh thelle investigimit i nxjerr top medias te palarat, por kur nuk I hyri qeveria e djathte per te bere kontroll financiar kjo e sotmja as nuk ben vaki, prandaj justifikimet se te fitosh aq shume me gazetarine sa te besh dasem milardieresh do te thote qe I vjen era.
tek agon ch nuk eshte se I ka te pastra, por I ka me pastrimin e parave te mbetjeve urbane, sa per klanin nuk po flas sepse e dime te gjithe, dhe sikur 2000 euro te marresh duhet te kursesh 3 vjet per nje dasem te tille, por cudia me e madhe zgjat 3 dite ne vendin e cudirave

[Xinxerfilli]

a ka transparence sa paguhen dhe si, dhe mos me trego mua si se paguhen tek top media qe deri para votimeve punonin me 2 bilance, do te thote qe nje rroge merrnin ne dore dhe tjetren me banke, me nenpunes te top medias rri per dite, po ti hysh thelle investigimit i nxjerr top medias te palarat, por kur nuk I hyri qeveria e djathte per te bere kontroll financiar kjo e sotmja as nuk ben vaki, prandaj justifikimet se te fitosh aq shume me gazetarine sa te besh dasem milardieresh do te thote qe I vjen era.
tek agon ch nuk eshte se I ka te pastra, por I ka me pastrimin e parave te mbetjeve urbane, sa per klanin nuk po flas sepse e dime te gjithe, dhe sikur 2000 euro te marresh duhet te kursesh 3 vjet per nje dasem te tille, por cudia me e madhe zgjat 3 dite ne vendin e cudirave

Cdo biznes ne Shqiperi punon me dy bilance. Une flas per gazetaret qe njoh une me bindje te plote se cdo qindarke, duke perfshire dhe dietat e bonuset kalon ne banke.

[par]

jo cdo biznes punon me 2 bilance, ka nga ata qe punojne conform rregullave dhe ligjeve shqiptare, nese te kujtohet para disa viteve, pse nuk u la kontrolli finaciar tek top media group, ishte majko se bashku me shume deputet te opozites qe hyne Brenda per te mos lejuar kontrollin financiar, sepse dilnin te palarat e blerje-shitje, prandaj te rrime shtrember e te flasim drejte, nuk ka kurresesi qe nje gazetar ne shqiperi te vej aq para me reklamat e lori kafes

nese tani punojne me 1 apo 2 bilance nuk e di , por perpara 23 qershorit jam shume I sigurte, nje komshi I imi ka punuar 2 muaj te digjitalb, dhe nuk e paguan, u desh te plas sherri per te marr rrogen e tij dhe ishte vetem 17 vjecar.

[Xinxerfilli]

jo cdo biznes punon me 2 bilance, ka nga ata qe punojne conform rregullave dhe ligjeve shqiptare, nese te kujtohet para disa viteve, pse nuk u la kontrolli finaciar tek top media group, ishte majko se nashku me shume deputet te opozites qe hyne Brenda per te mos lejuar kontrollin financiar, sepse dilnin te palarat e blerje-shitje, prandaj te rrime shtrember e te flasim drejte, nuk ka kurresesi qe nje gazetar ne shqiperi te vej aq para me reklamat e lori kafes

nese tani punojne me 1 apo 2 bilance nuk e di , por perpara 23 qershorit jam shume I sigurte, nje komshi I imi ka punuar 2 muaj te digjitalb, dhe nuk e paguan, u desh te plas sherri per te marr rrogen e tij dhe ishte vetem 17 vjecar.

Nuk e di une per raste te vecanta qe flet ti po per Digitalb di te them qe nje teknik i njohuri im u rrezua gjate kohes qe kryente pune private dhe theu te dyja kembet dhe nejti 14 muaj me raport dhe e merrte rrogen e plote.

Te dyja tezet i kam ekonomiste dhe ne cdo biznes qe kane punuar prej 20 vitesh , me dy bilance kane punuar dhe punojne akoma. Per reklamat tek Fiks Fare, $100 sekondi kerkonte Top Channel qe ne 2004. Tani nuk e di sa kane shkuar ndaj dhe mos te duket cudi nese bejne leke te papare! Normalisht kane pastruar dhe leke ne fillim me shumice, por tani jane rritur aq shume sa nuk eshte i nevojshem financimi i jashtem.

Si per ironi edhe shteti me dy bilance ka punuar. Pjesen e bilancit publik dhe pjesen tjeter qe fusinin neper xhepa