Gjermania jep fonde per Liqenin e Shkodres

[Qyfyre]

Ministri i Transportit dhe Infrastrukturës, Edmond Haxhinasto dhe ambasadori gjerman në Tiranë, Hellmut Hoffman, firmosën të martën marrëveshjen për të shtuar financimin për projektin “Mbrojtja Mjedisore e Liqenit të Shkodrës”.

Projekti kap vlerën e 20 milion eurove dhe synon përmirësimin e rrjetit të furnizimit me ujë dhe sistemit të kanalizimeve në gjithë zonën e Shkodrës.

“Ky është një projekt shumë i rëndësishëm që përmirëson shërbimin në këtë qytet të rëndësishëm të veriut, si dhe ka një impakt të jashtëzakonshëm për sa i takon përmirësimit të furnizimit me ujë për banorët, si dhe për mbrojtjen e mjedisit dhe mbrojtjen e Liqenit të Shkodrës nga ndotja”, tha Ministri Haxhinasto.
Qeveria gjermane nëpërmjet bankës gjermane KfË është një nga financuesit kryesorë të të gjithë projekteve që zhvillohen në Shqipëri në sektorin e Ujësjellës – Kanalizimeve.

“Ky sektor ndonëse ka marrë investime të mëdha deri më sot ka akoma sfida serioze për sa i takon rritjes së efikasitetit të tij dhe mundësive për investime nga vetë kompanitë që ofrojnë shërbimet e ujësjellës-kanalizimeve, ku qëllim final është përmirësimi i shërbimit të furnizimit me ujë dhe të shërbimit të kanalizimeve për qytetarët e vendit,” tha ministri Haxhinasto.