Shkëlqimi dhe rënia e shokut Nano

[ALBA]

PS digjet, Nano krihet

Nga Mero Baze

Kryetari i Partisë Socialiste Fatos Nano ka festuar
dje në mbrëmje fitoren e tij zonën elektorale në
Sarandë, ndërsa mijëra socialistë në gjithë vendin
janë zhytur në dëshpërim nga humbja e qartë në
zgjedhjet e 3 Korrikut. Ajo që bie në sy në gjithë
sjelljen paselektorale të zotit Nano, është mënyra me
të cilën ai përpiqet të menaxhojë këtë humbje dhe
përpjekjet për ta përdorur rezultatin kundër tij, për
të marrë rolin e një viktime. Në gjithë gjestet e tij
pas 3 Korrikut, ai nuk ka bërë as përpjekjen më të
vogël të ndajë humbjen me socialistët dhe të përpiqet
të gjejë ndonjë zgjidhje me ta. Përkundrazi ai po
sillet me socialistët sikur ata të mos jenë qytetarë
të këtij vendi dhe anëtarë të asaj partie. Ai u flet
atyre gjepura që s’i beson vetë dhe ngre legjenda për
skenare konspirative për mënyrën se si ai mund të mos
e lërë ish opozitën të marrë në dorëzim çelësat e
shtetit. Shpik legjenda me KQZ dhe Kolegjin Zgjedhor,
që i paska urdhëruar të kthejnë 6 zona, përhap fjalë
se biznesmenët e tij në PS po blejnë disa deputetë nga
ata që kanë fituar nga opozita, e kështu me radhë. Pra
në gjithë skenaret që ai parashikon dhe që gënjen
socialistët nëpër tavolina, nuk parashihet asnjë
shpjegim politik për rezultatin e zgjedhjeve, por
vetëm skenare konspirative me UFO që do të shpëtojnë
atë dhe PS-në prej ikjes nga pushteti. Por këto
shpjegime nuk funksionojnë tek masa e gjerë e
socialistëve. Ata e dinë që kanë humbur dhe duan një
shpjegim, mes të tjerash, edhe për festën simbolike të
Fatos Nanos në Sarandë. Ata nuk e kuptojnë se pse
duhet të festojë një kryetar që ka humbur pushtetin e
partisë së tij, por ka fituar një zonë elektorale për
vete. Ajo fitore, e cila ka plot pikëpyetje, nuk ngroh
dot as kryetarin e PS-së në Sarandë dhe jo më
socialistët e traumatizuar në gjithë Shqipërinë.
Fatos Nano deri tani jo vetëm që nuk ka dhënë asnjë
shpjegim politik për humbjen, por po përpiqet të
inkurajojë gjithë nëntokën e pushtetit të PS-së, të
bëjnë gjeste që të fusin vendin në krizë. Ai do t’i
qëndrojë deri në fund idesë se shpëtimi i Partisë
Socialiste ishte struktura jopolitike dhe aspak
përfaqësuese që ai i imponoi PS-së. Tashmë në ditët më
të vështira për PS-në, ai vazhdon të tregojë legjenda
se si kjo strukturë e përbërë nga biznesmenë, shikas,
policë, kryekomisionerë dhe gjyqtarë, nuk do ta lënë
atë të ikë nga zyra. Dhe për ta besuar edhe vetë këtë
përrallë, bën sikur feston në një javë zie për
socialistët, të cilët e kanë pranuar para tij humbjen.



Gazeta Tema

[Era1]

Shumë prej anëtarëve të kryesisë së PS-së janë
mbledhur dje në seli dhe kanë diskutuar për rreth 2
orë pa prezencën e kreut të socialistëve

Blushi mbledh kryesinë pa Nanon

Disa zyrtarë të lartë të Partisë Socialiste janë
mbledhur ditën e djeshme në selinë rozë pa praninë e
kreut socialist, Fatos Nano. Anëtarët e Kryesisë së
PS-së e mohuan faktin se ky takim ishte mbledhje e
kryesisë së partisë. Ata thanë se ky ka qenë një takim
i zakonshëm. Burime nga brenda kësaj mbledhjeje thanë
se është diskutuar për thirrjen e mbledhjes së
kryesisë në ditët në vazhdim, ku duhet të jetë edhe
kryetari Nano, mbi të cilin duket se do të bjerë
përgjegjësia e humbjes së zgjedhjeve. Ky takim ishte
paralajmëruar nga Sekretari Organizativ i kësaj
partie, Petro Koçi, i cili vetëm dy ditë më parë
paralajmëroi mbledhjen e firmave për të thirrur
kryesinë, nëse Nano nuk e thërret. “Nëse Nano nuk do
të mbledhë kryesinë, atëhere do mbledhim firmat e
1/3-ës së anëtarëve, dhe do të bëjmë vetë mbledhjen e
kryesisë,” u shpreh Koçi. Në takimin e sotëm në selinë
e Partisë Socialiste ishin të pranishëm Gramoz Ruçi,
Ben Blushi, Kastriot Islami, Namik Dokle, Valentina
Leskaj, Petro Koçi, dhe Agron Dibra. Mendohet se në
këtë mbledhje, është diskutuar për situatën
paszgjedhore, duke bërë një analizë të cekët të
situatës pas tre korrikut, si dhe çfarë vendimesh
duhen marrë në ditët në vazhdim.Blushi i cili kërkon
të marr rol drejtues në PS, eshte perpjekur te marr
rolin e liderit te katij takimi pas perfundimit te
tij. Pas rreth dy orësh takim, pak prej krerëve të
PS-së, kanë komentuar se çfarë është diskutuar në këtë
mbledhje. I pari nga takimi ka dalë Namik Dokle që ka
mohuar të ishte takim kryesie mbledhja e tyre, gjë që
u mbështët edhe nga anëtarët e tjerë. Ben Blushi
deklaroi pas përfundimit të takimit se “ka qenë një
takim si çdo ditë i Partisë Socialiste, dhe s’besoj se
na kritikoni për këtë.” Blushi tha se “është koha të
merreni me Partinë Demokratike, sepse gjithë
shqiptarët e kuptojnë se sa qesharake është qeverisja
që kërkon të bëjë e djathta.” “Kam informacione reale
tha ai, se kanë filluar negociata krejtësisht të
pamoralshme, madje aleatët e PD-së, po zihen për poste
doganash. Është shumë e qartë se s’ka asnjë premtim
real që mund të mbahet nga Partia Demokratike, gjë që
po e tregojnë dhe negociatat me aleatët e tyre,”-tha
Blushi. Prej kohësh anëtarët e Kryesisë së Partisë
Socialiste kanë deklaruar se do bëhet një mbledhje, ku
do analizohet gjendja pas zgjedhore brenda PS-së. Ben
Blushi deklaroi dje se “të djathtët po zihen për
poste, ndërsa socialistët po presin negociatat
definitive, mbi të cilat do të ndërtohen aleancat e
mundshme opozitë apo pozitë.” Të njëjtin qëndrim ka
mbajtur Valentina Leskaj në deklaratën e djeshme pas
mbledhjes, e cila u shpreh se “mbledhja e sotme nuk
ishte mbledhje e kryesisë. Ishte një kafe e mëngjesit.
Nuk u analizua asgjë konkrete, sepse analiza e partisë
do të bëhet vetem pas mbarimit të çertifikimit të
zgjedhjeve”.
Në ambjentet e selisë rrozë vihet re mungesa e
kryetarit të Partisë, Fatos Nano, destinacioni i të
cilit kohët e fundit është i dyshimtë. Nuk flitet për
një adresë të saktë të tij, por ashtu si kanë
deklaruar anëtarë të kryesisë “Nano gjendet gju më gju
me popullin nëpër rrethe”, por prej ditësh edhe
takimet e tij me krerët socialistë nëpër rrethe duket
se kanë mbaruar. Flitet se ai tashmë është duke bërë
pushime në ishujt e Spanjës.


Gazeta Tema

[Albo]

MILO DHE CEKA, DIVORC ME NANON

Aleatet e Koalicionit per Integrim braktisin Partine Socialiste.

Keshtu kreret e PDS-se dhe te PAD-se deklaruan dje se nuk tashme keto parti nuk i lidh asgje me me partine, e cila kryesoi deri me sot qeverisjen e majte. Madje, jane po keto aleate, te cilat ja faturojne tashme humbjen e te majtes kesaj PS-se si dhe kreut te saj Nano. Sipas tyre, kryeministri aktual Nano, nuk ka me asnje mundesi per te qene lideri i se majtes. Per kete arsye, ato kane kerkuar dhe ndarjen perfundimtare nga kjo parti. Kreu i Aleances Demokratike, Neritan Ceka, lidhur me kete ceshtje u shpreh se (ne jemi liberal demokrate dhe si te tille kemi fushen tone te veprimit(. Po keshtu, dhe kryetari i PDS-se, Paskal Milo, duke u ndalur pikerisht ne bashkepunimin e metejshem apo jo midis ketyre frorcave te majta, vuri ne dukje se (percarja e se majtes tashme eshte e dukshme dhe se perpara krijimit te nje shtepie te perbashket e se majtes europiane, secili duhet te vazhdoje ne shtepine e tij(. Ne kete menyre shuhet perfundimisht endrra e socialisteve per te arritur ne balancim 70 me 70 midis te majtes dhe te djathtes ne parlamentin e ri. Kjo per vete faktin se ashtu sikurse dihet nje nga aleatet tradicionale te PS-se, sic eshte Partia e Bashkimit per te Drejtat e Njeriut, tashme eshte pjese e kabinetit te ri, i cili pritet te kryesohet nga lideri demokrat Berisha. Po keshtu dhe Partia Agrare Ambjentaliste eshte e pozicionuar ne mbeshtetje dhe per me teper pjese e kabinetit Betisha. Nderkaq, edhe pse Aleanca Demokratike nuk do te jape vota pro kabinetit te ri te kryesuar nga PD-ja, kjo parti nuk pranon qe mund te kete ceshtje te erbashketa me Partine Socialiste. (Natyrisht vota pro nuk do te kete, por nuk do te kete nje (kauza komune( me Partine Socialiste(, nenvizoi Ceka duke i dhene ne kete menyre nje pergjigje perfundimtare bashkepunimit me Partine Socialiste. Nga ana e tij, kreu i PDS-se, Milo tashme ka bere publike mbeshtetjen e partise se tij ndaj qeverisjes se ardhshme. (Ne momentin qe ajo do te krijohet dhe do te vije para parlamentit ne do t'i japin nje mbeshtetje formale te fillimit(, u shpreh Milo gjate fjales se tij. Pare ne kete kendveshtrim, tani prane Partise Socialiste mbeten vetem socialdemokratet, te cilet kane bere thirrje here pas here per bashkim te se majtes. Kreu socilademokrat, Gjinushi, nepermjet ketij bashkimi, besonte se ekzistonte mundesia per nje rezultat te balancuar te zgjedhjeve parlamentare te 3 korrikut. Kjo duke iu referuar pikerisht perseritjes se zgjedhjeve ne zonat elektorale nr. 2 dhe nr. 64. Ne kete menyre, kryetari i PSD-se, i eshte bashkangjitur pretendimit te Partise Socialiste, perfaqesuesit e se ciles jo vetem qe i kane meshuar egzistences se ketij balancimi, por pse jo dhe ne nje fitore te mundshme te se majtes. Socialistet, jane te bindur se ne ato zona ku do te rivotohet per zgjedhjet parlamentare, bashkepunimi i mire llogaritur me aleatet do te jape rezultatin pozitiv, qe do te duhej te ishte marre ne shumicen e zonave elektorale. Madje, ky rivotim sipas tyre, do te favorizoje numrat e PS-se, te cilat bashke me ato te aleateve te jene me shume ne parlamentin e ri, qe do te thote se mund te shkohet me drejt nje balancimi realist e majte e djathte. Gjithashtu dhe vete Gjinushi, shprehu besimin se rezultati final i zgjedhjeve parlamentare do te jete ne favor te se majtes. Gjithashtu, idene e bashkepunimit, Gjinushi e drejtoi ne formen e nje thirrje per krijimin e nje aleance te madhe brenda gjirit te se majtes, te cilesuar ndryshe prej tij si (konfederata e majte(.

Oli Xhilaga

[Brari]

gjinush xinxinufi Milua dhe neritani... kurre nuk do ndahen nga Nanua.. dhe... Zan caushi.. e Luiz kanibal-ha-leja..

97-ta do i mbaj grusht celiku rreth Komitetit qenror te partise keta zhapike bodrumesh lubjanke.

.........



shekulli

Turpi kryeministror dhe fondamentalizmi partiak


Bardhyl Londo

Përfundimi i zgjedhjeve të vitit 2005, përveç rezultatit metematikor dhe statistikor, paraqesin interes edhe për një dukuri tjetër: për mënyrën si po e përjeton dhe si po e përcjell postin e lartë shtetëror kryeministri Nano. Pikërisht ky veprim i Nanos përbën një nga rekordet e turpshme në librin e kryeministrave botërorë, natyrisht në rast se do të kishte një libër të tillë. Dhe ky rekord i denjë për librin Gines, për fat të keq është i turpshëm, dhe i bën të skuqen jo vetëm anëtarët e Partisë Socialiste dhe ata që votuan apo kanë votuar direkt për Fatos Nanon por ndoshta të gjithë shqiptarët.
Nano ka rreth dhjetë ditë që nuk është dukur as në publik, as në zyrën e tij për të drejtuar qeverinë. Nuk është puna se shqiptarët, qoftë dhe ata socialistë, i ka marrë malli për Nanon. Gjithashtu nuk është fjala se Nano kushedi çfarë do të bëjë po të jetë në zyrën e tij në kolltukun kryeministror. Shqiptarët e kanë të qartë këtë sepse e kanë provuar kryeministrin e tyre për rreth tetë vjet, prandaj dhe vendosën ta largojnë më votën e tyre më 23 qershor.
Çështja është më e thellë. Asnjë kryeministër nuk mund ta braktiste detyrën e tij pikërisht në momentin kur ndërrohen qeveritë dhe kur më tepër se kurrë, duhet kujdesi për të mbajtur gjithë shtetin në këmbë sepse përvoja historike ka treguar që në këto ditë egziston mundësia për të ndodhur akte të cilat askush nuk i uron dhe nuk i dëshiron. E parë më këtë sy, zhdukja e Nanos nuk është thesht një shfaqje e pargjegjshmërisë së njohur tashmë për të, por është një dezertim. Moralisht akti i fundit i tij është dhe më i turpshëm se dëfrimi i tij në buzuqet greke pikërisht kur gjithë Shqipëria ishte në zi për të vajtuar viktimat e nëntë janarit të zi, kur deti përpiu një numër jo të vogël të rinjsh shqiptarë.
Nano kishte rastin që të dilte i fituar edhe pse i humbi zgjedhjet. Dhe kjo fitore do të realizohej duke ndejtur në krye të qeverisë, duke mbajtur në angazhim dhe tension të plotë pune gjithë administratën shtetërore. Nano kishte shansin e madh të hynte në historinë postpluraliste si kryeministri i parë që do të realizonte ikjen e butë nga karrigia e lartë shtetërore, duke uruar fituesit që në momentin kur u bë e qartë mazhoranca e re, pavarësisht nga përmasat e kësaj mazhorance, të cilat edhe sot e kësaj dite nuk njihen plotësisht. Nano, gjithashtu, duhej të kishte pritur publikisht kryeministrin e ardhshëm pikërisht në zyrën e tij (këtë akt ka mundësinë ta realizojë edhe më vonë, natyrisht në rast se do të jetë kthyer nga buzuqet apo nga kazinotë). Por kryetari socialist i shtoi backgroundit të tij të rënduar më bëma të cilat kanë lënë pa mend opinionin shqiptar edhe një akt tjetër të turpshëm: dezertimin. Kështu ai humbi shumëfish: edhe zgjedhjet por edhe figurën e tij morale si politikan. Sikur asnjë nga ato bëmat e tij famëkeqe të mos kishte bërë gjatë vjetëve që ka qeverisur, mjafton kjo e fundit që të vërtetohen të gjitha akuzat e ngritura nga opozita dhe media e pavarur shqiptare. Nano, përfundimisht, është i humbur shumëfish.
Pavarësisht se përgjegjësia dhe turpi i dezertimit bie mbi vetë Nanon, ajo që të habit është pyetja: si ka mundësi që shqiptarët të kenë votuar dy herë rresht për një kryeministër të tillë? Madje si ka mundësi që një politikan i tillë fitoi, madje dhe më rezultat të konsiderueshëm, edhe në zgjedhjet e këtij viti në zonën ku u paraqit? Natyrisht që një pjesë e kësaj pyetjeje e ka përgjigjen e njohur tek manipulimi i zgjedhjeve, tek vjedhja e tyre siç është vërtetuar tashmë qoftë nga opinioni i vendit, qoftë nga i ndërkombëtar. Por gjithsesi, kjo nuk ka si të shkarkojë nga përgjegjësia edhe ata shqiptarë që kanë votuar dhe votojnë realisht për politikanë të këtij kallëpi. Koha ka treguar se jo rrallë shqiptarët e kanë shpërdoruar votën e tyre, ose ka prej tyre të cilët ende nuk e dinë realisht peshën historike të votës. Gjithashtu, tek një kategori jo e vogël shqiptarësh, është mbizotërues fenomeni i fondamentalizmit partiak. Sipas këtij fondamentalizmi, një kategori jo e vogël votuesish, gjithmonë mbyllin sytë dhe votojnë vetëm për një parti, pavarësisht se qeverisja e kësaj partie nuk ka realizuar asgjë nga ato që kishte premtuar në fushatën elektorale dhe nuk kishte realizuar asgjë nga dëshirat e atyre që kishin votuar për të. Shprehje të këtij fondamentalizmi të dëmshëm dhe qorr partiak, janë fjalët e asaj gruas nga Berati në një takim të socialistëve të këtij qyteti se “ne nuk duam as ujë, as drita, por vetëm ju të mos grindeni më njëri-tjetrin. Reflektimi i po këtij fondamentalizmi partiak është dhe shprehja e njërit prej politikanëve të njohur, se “për të fituar, unë nuk kam pse shkoj në zonë fare, mjafton të var atje xhaketën”.
Për fat të keq, ky cinizëm kaq i pashpirt është në disa raste i vërtetë. Madje, shumë bëma famëkeqe të kryeministrit aktual apo edhe të ndonjë politikani tjetër të papërgjegjshëm e kanë burimin tek fondamentalizmi partiak. Ky fondamentalizëm, i përzier më kulturën e ulët demokratike dhe më përgjegjësinë e pazhvilluar për rolin dhe peshën e votës, do të pjellë gjithmonë kryeministra që dezertojnë dhe qeveri e qeverisje që nuk qeverisin, por përhapin si metastaza kanceroze korrupsionin dhe cinizmin e zi shtetëror.
Por a është Nano një fenomen i shkëputur dhe bëmat e tij janë thjesht personale? Në rast se më sipër nënvizuam rolin që luan fondamentalizmi partiak për të rritur e brumosur politikanë të tillë, duhet të pranojmë se ky fondamentalizëm e, për rrjedhojë, edhe rrezatimi i demshëm i tij, i ka rrënjët brenda vetë Partisë Socialiste. Është pikërisht vota e kësaj partie që ka ngritur në podiumin e kryetarit, jo njëherë, por disa herë Fatos Nanon. Është vota e anëtarëve më të kualifikuar dhe më me përvojë të saj, siç janë Kryesia dhe KPD-ja që e kanë zgjedhur Nanon kryetar dhe e kanë quajtur atë “progresist”, edhe kur ky i fundit i quante ata publikisht në KPD (për të mos përmendur pastaj ambientet e tjera ku përmasat e fyerjeve arrijnë kufijtë groteske) më epitete nga më të ndyra të zhargonit të rrugës. Ky zhargon, nganjëherë nuk ka kursyer as nënat apo gratë e këpëdarëve.
Çuditërisht, këtë qendrim po mban edhe sot e kësaj dite si stafi kryeministror, ashtu edhe kryesia e Partisë Socialiste. Asnjë lajm serioz për bëmat e reja (ndoshta dhe të fundit) të kryeministrit dhe kryetarit Nano. Asnjë reflektim për papërgjegjshmërinë gargantuajane dhe dezertimin e turpshëm të kryeministrit kur më tepër se kurrë, pikërisht në këto ditë ai duhej të qendronte në krye të administratës shtetërore. Fondamentalizmi partiak, papërgjegjshmëria dhe kultura e ulët demokratike, nuk i paska rrënjët vetëm tek një pjesë e elektoratit anonim, por edhe tek stafet kryeministrore apo tek kryesitë e partive.




31/07/2005

[dardajan]

Sepse nuk i bejne kembet te vije me ketej ndjehet i dhjere me te gjithe sidomos me veten, grushti i popullit kete radhe jo ne temtha por ne lule te ballit e ka cuar nokaut dhe nuk po kupton mo ca raundi eshte edhe pse neshja ka mbaruar dhe ai eshte i shtrire ne tapet.

I duket e pabesueshme dhe po mundohet te kerkoj nje raund shtese por gjyqtari ka numeruar deri ne 10 dhe ai nuk u cua nga tapeti prandaj duhet te nderhyj dok Berisha ta shpetoj se perndryshe do ngelet edhe pa opozitar.

[Brari]

Nano eshte kthyer.. mbasi i vulosi e i plumbezoi Miljardat ne Baulet sekrete neper Bote..

Ja dje ai ka qene ne Dasmen e pjestarit te Bandes HAKMARRJA, Igell Toskes, qe u martuati..kur thon myzeqaret me me te bijen e nje kelyshi te nomenklatures enveroiste.. .. kanibalen Zeneli..



--

Shekulli..



Përveç Arben Malajt, asnjë ministër i pranishëm. Nano, lule dhe kërcim në hotel “Adriatik” në Durrës

Nano, nga pushimet në dasmën e Toskës

Kryeministri, pas dy javësh mbërrin në atdhe dhe shfaqet në ceremoninë e martesës së ministrit të Rendit

Darina Tanushi

TIRANË – Vazhdojnë argëtimet për kryeministrin në ikje, Fatos Nano. Pas pushimeve dyjavore të kaluara në disa nga vendet dhe ishujt më të bukur që nga Amerika, Spanja e Greqia, ai së bashku me Xhoanën kanë marrë pjesë dje në ceremoninë martesore të ministrit të Rendit, Igli Toska dhe ish-shefes së tij të protokollit, Valbona Zeneli. Nano ka mbërritur në mjediset e hotel “Adriatik” në Durrës rreth orës 22.00, pak pasi kishte mbërritur edhe çifti Toska-Zeneli. Burimet nga dasma, krejt e mbyllur për mediat, thanë për “Shekullin” se Nano është shfaqur me një fytyrë të qeshur dhe madje të relaksuar nga pushimet e stërzgjatura, pa u shqetësuar për situatën paszgjedhore, ku PS-ja rezultoi humbëse. Edhe pse është kthyer në atdhe, kryetari socialist është shqetësuar më shumë për lukun e tij në dasmën e Toskës sesa për atë se çfarë ndodh në selinë e PS-së, ku për çdo ditë mblidhen sekretarët e PS-së, në krye të të cilëve është sekretari i përgjithshëm, Gramoz Ruçi, por edhe për situatën në qeveri, e cila mbahet nën kontroll nga zv/kryeministri Dokle. Kryeministri është shfaqur në hyrje të hotelit me një tufë të madhe me lule, të cilën ia dhuroi nuses. Ai është pritur me duartrokitje të zjarrta nga të pranishmit në mjediset e dasmës. Nano ishte i shoqëruar edhe nga bashkëshortja, Xhoana, e cila kishte veshur një fustan tepër të kushtueshëm ngjyrë blu. Çifti kryeministror ka kërcyer nën ritmet e muzikës. Kjo është dalja e parë e Nanos, edhe pse jo plotësisht në publik, (për faktin se dasma nuk u lejua të filmohej nga kamerat apo të fotografohej), pas kthimit në Tiranë.
Detajet e ceremonisë
Hoteli ishte rrethuar që prej disa orësh përpara nga ushtarë të Gardës dhe forca të rendit, për të siguruar mbarëvajtjen e ceremonisë, ku në fakt nuk ka marrë pjesë ndonjë drejtues i lartë i shtetit, përveç Nanos. Ndërsa nga deputetët socialistë kanë qenë Arben Malaj, Petro Koçi e Shpëtim Idrizi. Siguria e madhe përreth hotelit ka sjellë edhe çrregullime në trafik. Rruga nga Durrësi në Tiranë ka patur në disa segmente të saj një trafik të paparë. Megjithëse ishte parashikuar që ceremonia të niste rreth orës 21.00, ajo ka filluar një orë me vonesë, pasi në mjediset e “Adriatikut” është parë të hyjë Toska me bashkëshorten e tij, me një Benz të zi, mbi të cilin qëndronte një kurorë lulesh. Kjo në fakt duket se ka qenë dita më e gëzuar e Toskës, që prej zgjedhjeve të 3 korrikut, kur ai nuk arriti të fitonte mandatin e deputetit. Gjithçka ka qenë e organizuar në një mënyrë shumë luksoze, po aq sa edhe veshjet e dy protagonistëve. Ndryshe nga ceremonia e organizuar në “Akuadromin” e Tiranës, në hotel “Adriatik” ka patur të ftuar më shumë ish-kolegë dhe ish-shokë shkolle të Toskës dhe Valbona Zenelit. Kjo ka qenë një ceremoni mjaft intime për çiftin, por e çuditshme ka qenë prania e Nanos pikërisht në mes të familjarëve dhe miqve të Toskës, kur një ditë më parë është organizuar një ceremoni e veçantë për figura të njohura të politikës, ku nuk kanë munguar edhe përfaqësues të opozitës, si plaku republikan Sabri Godo, reformatori Tritan Shehu. Igli Toska dhe Valbona Zeneli janë kurorëzuar në martesë të shtunën në Kishën Ortodokse në Tiranë, nën bekimin e kryepeshkopit Janullatos. Gjatë pasdites së të shtunës çifti ka pritur urimet e të ftuarve VIP, ku ka qenë i pranishëm edhe zv/kryeministri Namik Dokle. Pas kësaj ceremonie, çifti pritet të niset për një “muaj mjalti”, por që në fakt nuk do të jetë muaj i plotë. E më pas nusja e re, Valbona, pritet të niset në Uashington për të vijuar një master, ndërsa Toska fillimisht do të presë në detyrë deri në emërimin e pasardhësit të tij.




Moisiu, dhuratë simbolike çiftit
TIRANË – Presidenti Alfred Moisiu ka dërguar të shtunën në mbrëmje, nëpërmjet dy këshilltarëve të tij, një dhuratë simbolike për çiftin Toska-Zeneli. Megjithëse i ftuar në dasmën e ministrit të Rendit, Igli Toska dhe Valbona Zenelit, vajzës së ambasadorit tonë në Greqi, Bashkim Zeneli, presidenti ka preferuar që t’i respektojë ata në mbrëmjen e ditës së shtunë që u zhvillua në mjediset e “Akuadromit” në Tiranë. Ai ka munguar në ceremoninë e zhvilluar të dielën, në hotel “Adriatik”, ku kanë qenë të ftuar shumë figura të njohura të shtetit. Ndërsa sot presidenti Moisiu do të nisë pushimet e tij, të cilat në fakt nuk do të jenë larg veprimtarive. Pushimet aktive të presidentit Moisiu do të nisin me një 3-ditësh në Vlorë. Aty Moisiu pritet të takohet edhe me pushtetarët lokalë dhe të diskutojë me ta për shqetësimet që kanë edhe në këtë situatë, kur ende nuk është përcaktuar drejtimi i qeverisjes së ardhshme. Përsa i përket axhendës së mëpasshme, asgjë nuk mund të thuhet nga burimet pranë presidentit, sepse ato do të jenë në varësi të programit që ai vetë mund të hartojë, por edhe të ngjarjeve që do të pasojnë në ditët në vijim. Presidenti Moisiu sapo u kthye nga Mali i Zi, ku zhvilloi një sërë takimesh, një ndër të cilët ishte me presidentin e Malit të Zi, Filip Vujanoviç, para fillimit të ceremonisë së hapjes së panairit të 5-të të librit në Ulqin. Ndryshe nga kryeministri Fatos Nano, presidenti Moisiu i ka shfrytëzuar ditët e paszgjedhjeve duke zhvilluar takime me drejtues të lartë të vendit, siç ishin edhe takimet me zv/kryeministrin Namik Dokle, me ministrin e Financave, Arben Malaj, e drejtues të tjerë të doganave e tatimeve.





01/08/2005

[MICHI]

Zdi cte them por i gje di qe kane qen nje fatkeqesi qe populli shqiptar te drejtohet nga njerez si nano me shoke, dhe sic thote fiori eshte, ai nuk drejton dot familjen e vet edhe i ra per hise popullit shqiptar i cili eshte skllav i rrealitet ne shqiperi sic tha dhe Albo.

[Brari]

Ka te reja ka..

psh Tutorja juaj ..PS-ja megjithse hodhi miljarda para nga pasuria e popullit per te mashtruar popullin e megjithse perdori mijra e mijra flet votimi e certifikata per te shtuar votat e saje e megjith 999 makinacione e megjith nje rrebesh shpifjesh e demagogjije te sofistikuar e megjith plumbat qe derdhi ne qendrat e votimit e megjith terrorin qe beri nuk mundi te fitoje..

Pra o marinar..ndodhi si ne Kosove.. ku PDK-ja megjith 999+1 (999 te mesuara nga PS dhe 1 te shpikur vete) metoda djallezore shpifarake e terroriste nuk fitoi ne zgedhjet e Kosoves..

Pra kemi ne Kosov dhe ne Shqiperi nje Taban te shendosh..pra nje shumice njerzish qe nuk duan tja dine as per Para e as nuk i tremben Terrorit tuaj..

Kjo eshte arritja me e madhe dhe Baza e sigurte se nje dite do i kemi si Shqiperine e begate e demokratike por dhe Kosoven e Pamvarur..

E kto vijne kur juve nuk keni sukses ne taktiken tuaj..

Pra kur ju mbaheni larg nga pushteti..

Megjithate Populli..pjesa e mire .. humbi disa njerez te mrekullueshem kte Radhe..
Kriminelet tuaj na e vrane nje atdhetar ne Tirane.. mu ne qender te Votimit dhe na e kan zhdukur nje atdhetar tjeter ne Has..

Sigurisht ti di dicka..

[Brari]

cfar don don me dit ti Marinar qe mendon se un e di e ti nuk e din?

Une te vetmin burim informimi kam shtypin shqip ne internet te cilin edhe ju mund ta lexoni.


-----------

RD

Humbësat po kërkojnë të pjellë përsëri mushka!

Nga Luan MYFTIU


Socialistët e inkriminuar janë pinjollë të atyre tiranëve të vegjël, nga të cilët shpesh trembej edhe vetë diktatura. Edhe sistemi që prodhonte përbindësha, detyrohej t'i dënonte disa prej tyre kur i duhej të mbulonte me gjethe fiku krimet e veta të turpshme. Edhe në diktaturë, sa herë të bëhej një padrejtësi flagrante të thoshin me ironi cinike: "Hidhe në gjyq!". Të gjithë atëherë ulnin kokat duke kuptuar se drejtësia nuk ekzistonte. E drejta ishte gjithmonë me ata që mbronin padrejtësinë. Të gjithë duhej të mendonin siç mendonte diktatura. Të gjithë lypsej të kuptonin ç'i nevojitej vetë diktaturës. Dhe diktatura donte të pillte për të edhe mushka. Ajo donte që njerëzit të hynin në kooperativë vullnetarisht (me kopaçe) dhe ata ashtu hynin. Të gjithë duhej të kërkonin ngritjen e normave (që të merrnin sa më pak lek)!. Të propozonin t'ia falnin shtetit kursimet e tyre, të qarkullonin me dëshirë në fshatra të largët, të pranonin pafajësi të paqëna, etj. Të gjithë shkonin me seriozitet në votime, ku nuk e dinin se për kë po votonin, madje as pse po votonin. Socialistët erdhën në pushtet me dhunë dhe mbretëruan dy mandate duke vjedhur votat. Trashëgimia e tyre ishte barbare. Shumë xhahilë të diktaturës kapërcyen "ylberin", duke kaluar nga kompleksi i inferioritetit në atributet e Perëndimit. Ata patën në dorë edhe jetën e njerëzve të pafajshëm. Arbitrariteti i tyre nuk i njohu kufi vetes. Ata bënin shiun dhe diellin, pa e kuptuar se edhe vetë ishin të paimunizuar për të mos rënë viktima. Të gjitha pushtetet absolute realizohen vetëm nga njerëz delirantë. Janë këta që nuk pranojmë të sundojnë me kundërshtarë, që e quajnë veten si përjashtim dhe u duket si një krim barazia me të tjerët. Drejtësia për ta është vetëm avokate e dhunës, gënjeshtrës dhe grabitjes së popullit, gjoja në emër të popullit. Socialistët krijuan tiraninë e klanit, të bandave të inkriminuara, të sekserëve të parasë së pistë, të manipulatorëve të opinionit (mediave), të hajdutëve profesionistë të votave. Për zeusin e krimit asgjë nuk është e pamundur. Akuzat që ngriheshin ndaj tyre i trajtonin zbavitje, demokracinë një farsë, detyrimet ndaj popullit një demagogji. sovranitetin e elektoratit, një shaka filozofësh të rrjedhur. Dështimi dhe humbja e tyre i ka rrënjët që nga dita që gëzuan privilegjin e parë të pamerituar, nga dita që detyruan popullin të marrë edhe bukën me listë, të mbytet në dete, të shitet si skllav. Mirëpo ata që monopolizuan ekonominë, institucionet, mediat, nuk arritën të monopolizonin dot dinjitetin e një populli, që përballoi diktaturën më të rëndë të historisë. Ata harruan se populli e zë lepurin me qerre. Harruan që zullumi merr (dëmton) të zotin, harruan që dëshpërimi i popullit është zemërim i perëndisë. Harruan që edhe në shpirtrat e tyre që ke blerë a kompromentuar, ekziston dëshira për ringjallje. Që e drejta, sado ta fshehësh, del një ditë mbi ujë. Harruan që nuk mund të ishin pushtetarë të përjetshëm në kushtet e demokracisë. Megjithatë, një gjë nuk e harruan kurrë: Manipulimin e votimeve. Ata nuk harruan të ngatërronin përsëri listat e zgjedhësve, të përjashtonin nga votimi kundërshtarët, të hidhnin para të mëdha për të blerë gjithçka, madje edhe shpirtin e njerëzve fukarenj. Ata nuk haruan t'i trembnin njerëzit, duke zbrazur armë e duke vrarë kundërshtarë në ambiente votimi. Ata nuk harruan të ulërijnë sa të tundeshin nga vendi edhe malet, se gjoja vetëm me ata mund të përparojë Shqipëria. Por, për çudi, ndoshta pikërisht pse vepruan kështu, dolën edhe më të turpëruar. Pikërisht pse nuk lanë gurë pa lëvizur, mbetën të izoluar edhe nga elektorati i tyre. Tani që humbën zgjedhjet, iu zgjua instikti delirant i diktaturës. Tani nuk e pranojnë dot humbjen, aq sa me këtë sjellje po bëhen çdo ditë e më qesharakë. Tani po u sulen me tërbim institucioneve që menaxhojnë zgjedhjet, duke u kërkuar të gjejnë ata arsye për t'i nxjerrë fitimtarë. T'i nxjerrin fitimtarë edhe kur diferenca e votave me kundërshtarin është më e thellë se ndryshimi midis të vërtetës dhe gënjeshtrës. Edhe kur kundërshtari ka marrë dyfishin e votave të tyre, këta kërkojnë fitore. Ata nuk duan t'ia dinë se ku shkon dinjiteti i një anëtari komisioni apo gjyqtari, kur t'i thotë të bardhës e zezë. Nuk duan t'ia dinë për logjikën juridike, për ndërgjegje profesionale, për përgjegjësi shtetërore. Ata duan të dalin me çdo kusht fitues. Kllounada e tyre e fundit ka lënë me gojë hapur edhe më naivët. Edhe vetë socialistët po çuditen me makutërinë e këtyre kandidatëve delirantë, të cilët kanë harruar se ç'të këqija bënë gjatë dy mandateve të tyre qeverisëse. Harruan se sa poshtërsisht i kanë rrëmbyer të gjitha votimet. Harruan paralajmërimet e ndërkombëtarëve. Harruan që edhe elektorati i tyre socialist u doli kundër. Harruan që e drejta vonon, por nuk harron. Harruan se ka perënduar koha kur për ta pillte edhe mushka.






----

[drenicaku]

Nanon duhet burgosur dhe me procedur te shkurter te denohet me burg te perjetshem per te gjitha te ligat qe ja ka ber shqiptarve.Ai ishte tradhetari me i madh i shqiptarve ne kohen moderrne