Shkëlqimi dhe rënia e shokut Nano

[Brari]

mire e ke ti Albo.. ke pasur nje konseguencë te admirueshme.. por.. por ja cthot nje i mencur andej na amerika..


Koha Jone

--


E Shtune, 03 Shtator 2005


KUJDES! LITARIN E LA JASHTE

Nga Kadri Brogi

Kryetari i opozite dha doreheqjen ashtu sic edhe kishte premtuar. Deri ketu gjithcka normale. Humbet largohesh. Se si largohesh eshte ajo cka ben ndryshimin. Duke gjykuar nga ato cfare Fatos Nano tha ne fjalimin e tij te doreheqjes nuk do te ishte surprize qe brenda dy vjetesh te behej perseri kryetar partie. Edhe kjo eshte e njohur te pakten nga eksperienca e tij e meparshme. Tendenca e tij per te justifikuar humbjen eshte ajo cfare e ben ate manover te pamoralshme. Ne perpjekjet e tij per te justifikuar humbjen, kryetari i PS-se perdor argumente qe me shume se te justifikojne humbjen na rikujtojne ato cfare ai e partia e tij kane gatuar per rreth tete vjetet e fundit. Citoj "Per here te pare ne historine post-komuniste shqiptare, shteti dhe strukturat e tij nuk u perfshine ne zgjedhje dhe nuk u perdoren ne asnje rast per te manipuluar rezultatin e tyre".

Atehere i bie qe fitorja e zgjedhjeve ne 2001 qenka rezultat i nderhyrjes se shtetit. Kjo nuk perben ndonje lajm tashme, por interesant eshte qe tashti e pranon zyrtari me i larte i PS-se.

Kryetari socialist fajeson sistemin zgjedhor per humbjen. Ne kete pike ai eshte korrekt. Sistemi zgjedhor eshte i deshtuar. Eshte nje sistem i ideuar e votuar nga mazhoranca e shtate viteve te

fundit. Por nje sistem i tille i ka dhene atij dy legjislatura me radhe. Megadushku eshte pjelle e strategjise se tij. Nese ti e bere dushk, nuk ke pse ankohesh kur te tjeret e bejne megadushk. Opozita e kundershtoi ate lloj skeme si te pandershme kater vjet te shkuara. Pozita tha eshte ne rregull. Pra, standardet jane ne rregull kur fitojme ne. Sa here qe dicka shkon keq me zgjedhjet menjehere fajesojme ligjin dhe natyrisht tentojme ta ndryshojme. Ligji pa infrastrukture nuk ka asnje efekt. Nuk ka jurist ne bote qe te mund te hartoje nje ligj, te parandaloje manipulimet me certifikatat pa nje infrastrukture qe ben te mundur kontrollin e leshimit te tyre. Nje sistem informacioni, databaze ku bashkia, prokuroria e gjykata te kene akses do te ishte zgjidhja. Dikush mund te argumentoje se nuk ka para. Nje sistem i tille kushton me pak se sa shpenzimet qe duhen per te suportuar kontestimet, e vonesat. "Unifikimi i Ministrise se pushtetit lokal me te rendit eshte nje hap shume i mire ne drejtim te administrimit efektiv e krijimit te sistemit te databases). Ne perbejme shembull unik ne bote per numrin e popullsise qe te shpenzojme 60 dite per te perfunduar zgjedhjet. Ne skenarin me te mire, pra legjislature katervjecare eshte 4% e kohes. Nje infrastrukture e besueshme edhe me legjislacionin ekzistues do te ishte zgjidhja. Kryetari socialist ka mohuar vazhdimisht qenien e njerezve te pamoralshem e te korruptuar ne partine e tij. Cuditerisht e pranon haptaz kete fakt sot. Fakt? Mllef? Hakmarrje? Ndjesi tradhtie? Cilado

qofte arsyeja pergjegjesia e kryetarit nuk reduktohet. Ai ka te drejte kur thote se njerez te paafte humben ne zona te caktuara. Ka tre gjera ketu.

1. Nese ky eshte shkaku i humbjes se ketyre individeve atehere alibia e manipulimeve bie.

2. Sistemi brenda partise qe perzgjedh kandidatet eshte i komprometuar.

3. Nese eshte e vertete se pati manipulime me certifikata, ato u bene nga punonjes te shtetit e qeverise. Pra, ata e kane te pakten nje arsye per te te "tradhtuar".

* * *

Me dhenien e doreheqjes Kryetarile "amanet" mosnjohjen e legjimitetit te fituesit. Analiza dhe argumenti qe sjell Kryetari socialist eshte aq e paqendrueshme saqe une po te isha votues i partise se tij nuk ma do mendja se do te votoja perseri per te. U bene zgjedhjet raundin e pare. U paraqiten kontestimet. U perseriten zgjedhjet ne tre zona. Ne te tria zonat fitoi opozita me

dhjete here me shume vota se raundi i pare. Nje fakt interesant ishte ne nje komune ne Pogradec ku PS a LSI bashkepunuan e perseri humben. Ky eshte nje fakt qe verteton se LSI nuk ishte arsyeja per

humbjen e PS-se. Eshte nje minipjesez e mozaikut por domethenia eshte ne te. Nje zyrtar i qeverise socialiste "Artan Lame) thote dicka qe eshte shume kuptimplote nese lexohet drejt. "Humbja ishte fitorja me e madhe per PS-ne". Nese nuk do humbiste PS-ja natyrisht qe Fatos Nano nuk do pranonte qe ne Partine e tij ka njerez te paafte e te korruptuar. Nese nuk do humbiste PS-ja, natyrisht qe nuk do kishte kritika te dushkskemave nga autoret e tyre.

Megjithate nese kjo humbje nuk lexohet drejt, pra si nje humbje qe erdhi si rezultat i nje qeverisjeje ekstremisht te korruptuar ne te gjitha nivelet e pa alternativa atehere gjasat jane qe

elektorati te tkurret ne menyre konstante. Fatos Nano nuk eshte i paafte. Ai e njeh skenen politike shqiptare mjaft mire. Dy muaj heshtje i kane sherbyer atij me se miri per te ndertuar strategjine e se ardhmes se tij politike. Bashkepunetoret e tij qe versulen ndaj tij tashti ka te ngjare qe ne vend te demit t"i bejne nder.

Ne Texas te SHBA tregojne nje histor te vjeter. Nje fermer kishte nje gomar. Nje dite gomari i bie ne nje pus te madh qe ishte ne oborr. I zoti mendohet e mendohet dhe arrin ne konkluzionin qe

kushton me shume per ta nxjerre gomarin qe andej sesa per ta mbuluar me dhe aty ku eshte. Ai megjithe disa miqte e tij fillojne te hedhin dhe me lopata per ta mbuluar. Por sa here qe ata

hidhnin dhe gomari shkundej e niveli i dheut rritej derisa pusi u mbush e gomari doli ne siperfaqe. Fatmiresisht apo fatkeqesisht, PS-ja ka plot njerez qe po hedhin dhe mbi kryetarin cka mund te

beje qe ai te dale nga pusi ne me pak se mendojme ne. Gjithsesi keto zgjedhje e kane marre noten kaluese tashme. Jetegjatesia e parlamentit te ri nuk varet aspak nga fakti se PS i pranon apo jo ato zgjedhje. Ajo cfare do te determinoje jetegjatesine e ketij parlamenti eshte qeverisja ndryshe nga sa ka qene keto vitet e fundit. Reduktimi i korrupsionit, ulja e taksave sic eshte premtuar, vendet e punes, eksplorimi i opurtuniteteve ekonomike, futja e investimeve te huaja, politika e jashtme efektive, bashkepunimi serioz me kompanite dinjitoze, rendi e drejtesia jane ato per te cilat populli eshte sensitiv.

*Autori eshte drejtor i "Nee York Institute of English and Business"

New York

---------------------

[Albo]

Brari, nese Fatos Nano do te qendronte ne krye te PS, Dr. Berisha dhe opozita shqiptare do te ishte e lumtur, pasi per aq kohe sa ai do te ishte ne krye te PS, e majta do te vazhdonte renien e saj te lire, poshte e me poshte, pasi elektorati tradicional i majte ne Shqiperi eshte duke perjetuar vdekje natyrale. Brezit te shokut Ramiz e shoqes Nexhmie po u troket vdekja ne dere.

Kadri Borgu me lart eshte i shqetesuar dhe thote shume gjera te verteta qe vertiten rreth nje te vertete qe ai une e kam thene vite me pare. Nano eshte kryetar i PS jo se ai eshte "politikan i zoti", perkundrazi, Nano nuk ka qene ndonjehere politikan, as se "e njeh mire politiken shqiptare", pasi po ta njihte, do ta kish shmangur humbjen ne zgjedhje duke dhene doreheqjen kohe me pare. Arsyeja perse Nano qendroi ne krye te PS per nje kohe kaq te gjate eshte per dy arsye te thjeshta:

a) Ramiz Alia e emeroi ate ne kete post, duke qene se ishte dhendri i keshilltarit te tij.
b) Servilizmi i trasheguar komunist ne PS eshte me i forte se sa kultura e re politike ne nje sistem pluralist.

Tani shokut Ramiz qe po i afron vdekja, i dhimbset partia e tij dhe ka disa vjet qe po perpiqet qe te beje nje "rrokade dhenduresh" ne PS, por pa sukses. Ashtu sic katapultoi Nanon ne krye te ish-PPSH, ashtu katapultoi edhe dhendrin tjeter si president te vendit ne 1997. Ky dhendri i dyte eshte pak me i urte, me i matur, e me i fjetur se i pari.

Shoku Nano do te perpiqet ne muajt ne vazhdim qe te thelloje krizen ne PS duke polorizuar gjithe kreret e te majtes. Si do ta beje kete? Sic e beri 3 vjet me pare. E mban mend kur i akuzonte shoket e Partise, Bacin, Kacin, Nacin e me rradhe per trafiqet dhe pislleqet e tyre? Sa te kemi bashkefshatarin tek Gazeta Shqiptare dhe televizionet qe kontrollon, do ti bejme denoncimet publike jo brenda strukturave te partise, nga ekranete televizioneve dhe faqet e gazetave. Do tia nxjerrim te palarat edhe shokut Gjinushi, edhe shokut Ceka, edhe kokepalarit Rama qe Nano e mori nga stallat e derrave te Parisit, dhe e beri kryetar bashkie ne Tirane. Nese Nano do te mbytet, ai do te terheqi shume veta poshte ne fund te detit me te.

Dallimi i vetem i akuzave te Nano nga 3 vjetet me pare do te jete se kesaj here, cdo fjale qe do te dali nga goja e tij do te rregjistrohet nga prokuroria shqiptare, dhe te gjithe kundershtaret e Nanos do te dalin me rradhe para gjykatave shqiptare. Berisha thosh per nje gazete gjermane se ai nuk do te beje gabimin e dikurshem e nuk do ta burgosi Nanon. Por e verteta eshte qe Nano nuk i shpeton dot burgut, dhe Berisha eshte aq i zgjuar sa te kuptoje se Nano i duhet ne liri dhe pa pushtet ne PS, derisa ky ti ke nxjerre te gjitha pislleqet qe di per ata qe ngelen ende ne politiken e PS. Nderi qe do ti beje Berisha Nanos eshte qe Nanos do ti hidhen hekurat te fundit.

Sa per "Nano Ik", me vjen tani per te qeshur, pasi shoku Nano do te iki, por nuk ka se ku te iki. As Greqia, as Italia nuk i ofrojne atij "imunitet politik", keshtu qe dy destinacionet e vetme ku mund te fluturonte ngelen dy miqte e tij te mire, kryeministrin turk Erdogan dhe gjeneral Gadafin e Libise.

Ajo qe une nuk di akoma eshte nese nusja e re dhe e bukur e shokut Nano, do tia mbaje nderin sic ia mbajti edhe nusja e pare e tij, tani qe ky i fundit nuk eshte me kryeminister e kryetar i partise dhe te ardhmen e ka te pasigurt? Ti brari si thua, ti qendroje ne krah burrit te dashur, apo ka per tia thyer zemren edhe Xhoana sic ia thyen ata minjte e PS?

Thone qe Xhoana i jep kurajo qe te vazhdoje te merret me politike, ashtu sic duhet te beje cdo grua e mire. Jo per gje, por po nuk qendroi Nano ne politike, atehere Xhoanes i duhet te mbledhi plackat, te marri edhe djalin e saj e te shkoje prape ne Greqi, se i mbaron misioni i saj ne Shqiperi.

Deri dje shqiptaret i uronin pasurim te shpjete njeri-tjetrit duke thene "Pac fatin e Fatos Nanos." Per ndonje vit, i njejti urim do te kthehet ne mallkim pasi Fatos Nano i ka hapur nje varr te madh vetes me duart e tij.

Albo

[Iliriani]

Nano deklaroi para zgjedhjeve se 'jam akoma i ri 52 per te ikur"

Levizja e tij eshte vetem---per te shmangur dhenien e llogarise per zgjedhjet qe gjithe e majta fajeson ate--edhe populli votoi kunder korupsjonit e fodullekut te tij.
E me teper se te shikonim nje njeri qe jipte llogari--e kuptonte e respektonte VOTEN E POPULLIT ---PAME NJE NJERI qe akuzonte te tjeret--e NUK PRANOI QOFTE DHE NJE GABIM PER HUMBJEN gje normale qe e bejne udheheqesit e emancipuar e qe respektojne popullin e voten e tij.

E kunderta pas 'doreheqjes' PS foli fjale te mira me permallim se do na iki nje udheheqes i madh kinez.

E pasi te bien gjakrat e shqiptaret te harojne keto zgjedhje e te kete debate te tjera do nxjerr koken prape Nano.

Hisotria e Nanos me qeverite qe nga ajo e para qe U REZUA NGA GREVA E SINDIKATAVE TE PAVARURA---e cdo gje qe ka bere me pas e cdo qeveri ka qene e deshtuar.

Problem eshte per shqiperine se PPSH ce do sec flitet pak ka ndryshur ne PSSH.

[Newhost]

Per mendimin tim Nano e beri detyren e tij per 8 vjet dhe e realizoi shume mire. Mjafton te hedhesh syte ne Shqiperi dhe do te veresh se shumica e bizneseve jane greke. Populli jone votoi per Berishen sepse nuk mund te duronte dot me Nanon. A mendoni me te vertete se Fatos Nano do te ikte nga pushteti pa i arritur qellimit te tij ?

Stafeten tani e morri Sali Berisha qe pertypi turpin kur takoi Nikolas Gage ne Shqiperi. E ardhmja e Shqiperise ...... ???

[Brari]

shekulli

.......

Pas daljes së rezultatit të zgjedhjeve, qeveritarët ende në detyra kanë ndërruar pronësinë e dhjetë fuoristradave

Ish-ministrat marrin me vete makinat

Nëntë ish-ministra të qeverisë “Nano” i kanë kaluar makinat e tyre të dyta në pronësi të Kuvendit

Ened Janina

TIRANË - Nëntë ish-ministra të qeverisë “Nano” do të lëvizin ende me makinat që kanë pasur në përdorim gjatë kohës që kanë qenë në pushtet. Ata kanë bërë dorëzimin e makinave të para por kanë preferuar që të mbajnë për vete dhjetë “fuoristradat” e tipeve të fundit. Makinat “Volkswagen Tuareg”, “Kia Sorento”, “Mitsubishi Pajero” dhe “Range Rover” që më parë kanë qenë pronë e ministrive tashmë kanë kaluar në pronësi të Kuvendit. Me anë të kësaj hileje, ish- ministrat mund të mbajnë sërish makinat e tyre luksoze. Kalimi i makinave në pronësi të Kuvendit të Republikës së Shqipërisë është bërë disa ditë pas marrjes vesh të rezultatit përfundimtar të zgjedhjeve. I vetmi ndër ish- ministrat e qeverisë “Nano” që e ka kaluar makinën e tij në varësi të Kuvendit përpara zgjedhjeve është Arben Malaj. Ministri i Financave ka kaluar makinën e tij tip “Land Rover” e vitit 2001 në favor të Kuvendit që më datë nëntë qershor të këtij viti. Ndërkohë ish- ministri Toska nuk ka pasur mundësinë që ta mbajë sërish makinën pasi ai nuk është zgjedhur deputet por ia ka kaluar atë zëvendësit të tij, Arben Isaraj.
Makinat
Fundi i muajit korrik dhe i gjithë gushti ka qenë shumë i zënë për ministrat e qeverisë “Nano”. Të bindur për humbjen e zgjedhjeve ata kanë filluar që të mendojnë për mënyrën e sistemimit të tyre të ri. Duke qenë se deputetët mund të mbajnë makina që janë në pronësi të Kuvendit atëherë ata kanë gjetur një mënyrë që të marrin me vete makinat e dyta që kanë pasur në përdorim. Kështu nëntë ministra, duke u bazuar në Vendimin e Këshillit të Ministrave të datës tre prill 1993 “Për kalimin kapital të objekteve e mjeteve kryesore të ndërmarrjeve dhe institucioneve shtetërore”, kanë bërë transferimin e makinave të tyre. Në shumicën e rasteve, me firmë të sekretarëve të përgjithshëm, por edhe me firmën e tyre, ish- ministrat kanë bërë kalimin e makinave në varësi të Kuvendit të Republikës. Të nënta makinat e kaluara në varësi të kuvendit janë fuoristrada, të cilat më parë shërbenin si makinat e dyta të ministrave të qeverisë “Nano”. Ato janë marrë në dorëzim nga Sekretari i Përgjithshëm i Kuvendit dhe kanë kaluar në pronësi të këtij institucioni për të vazhduar përdorimin nga ish- ministrat. Një veprim tillë nuk është bërë vetëm nga ish- kryeministri Fatos Nano. Ndërkohë ish- prefekti, Besnik Dervishi, ka preferuar që të marrë me vete makinën e tij tip “Kia Sorento” me targa “TR 2421 F” kudo që ka shkuar. Kjo makinë tip “fuoristradë” ka qenë në përdorim të tij gjatë kohës që ishte prefekti i Tiranës. Me sa duket, ai është afeksionuar aq shumë pas saj sa ka preferuar që ta marrë edhe gjatë kohës që ka qenë këshilltar në kryeministri.
Ministrat
Në zgjedhjet e tre korrikut, Dervishi u bë deputet dhe për të mos humbur makinën e tij të shtrenjtë e transferoi në pronësi të Kuvendit. Firma për të bërë këtë kalim është hedhur nga Sekretari i Përgjithshëm i Këshillit të Ministrave, Ksenofon Krisafi, në datë 27 korrik. Si Dervishi ka preferuar të veprojë edhe ish- ministri Fatmir Xhafaj, Ermelinda Meksi, Kastriot Islami, Bashkim Fino, Namik Dokle dhe Igli Toska. Ky i fundit ka qenë i pafat pasi nuk ka arritur që të bëhet deputet dhe makinën e tij do ta mbajë ish- zëvendësi Arben Isaraj. Ndërkohë, ish- Ministri i Shëndetësisë, Leonard Solis, ka bërë transferimin e dy makinave tip “Volkswagen Tuareg” në pronësi të Kuvendit duke vënë si afat përfundimtar për kalimin e tyre datën 15 shtator. Tashmë ministrat e rinj të qeverisë “Berisha” janë të detyruar që për të blerë makina të dyta të kryejnë tendera dhe procedura të tjera të këtij lloji. Ndërkohë ish- ministrat e qeverisë “Nano” do të mbajnë makinat që kanë pasur për disa vite me radhë. Të vetmit ministra të rinj që kanë pasur fat janë ata që kanë zëvendësuar ish- ministrat që nuk janë bërë deputetë.



Ministri i Shëndetësisë, Leonard Solis, më një shtator ka urdhëruar kalimin në pronësi të Kuvendit të dy makinave tip “Volkswagen Tuareg” me targa “TR 7865 K” dhe “TR 7863 K”

Ministri i Rendit Publik, Igli Toska, më 15 gusht ka urdhëruar kalimin në pronësi të Kuvendit të makinës “Mitsubishi Pajero” me targa “TR 5100 K”

Këshilli i Ministrave, më datë 18 korrik ka urdhëruar kalimin në pronësi të Kuvendit të makinës tip “Kia Sorento” me targa TR 2421 F” që përdorej nga Besnik Dervishi

Këshilli i Ministrave më datë pesë gusht ka urdhëruar kalimin në pronësi të Kuvendit të makinës tip “Range Rover” që përdorej nga zv/kryeministri Namik Dokle

Ministri i Rregullimit të Territorit dhe Turizmit, Bashkim Fino, më datë 22 gusht ka urdhëruar kalimin në pronësi të Kuvendit të makinës tip “Mitsubishi KN 420 SPORT” me targa “TR 0108 Z”

Ministri i Punëve të Jashtme, Kastriot Islami, më datë 25 gusht ka urdhëruar kalimin në pronësi të kuvendit të makinës tip “Volkswagen Tuareg” me targa “TR 7219 K”

Ministrja e Integrimit Europian, Ermelinda Meksi, më datë 16 gusht ka urdhëruar kalimin në pronësi të kuvendit të makinës tip “Land Rover” me targa “TR 8700 I”

Ministri i Drejtësisë, Fatmir Xhafaj, më datë 26 gusht ka urdhëruar kalimin në pronësi të Kuvendit të makinës tip “Volkswagen Tuareg” me targa “TR 5980 K”

Ministri i Financave, Arben Malaj, më datë 9 qershor ka urdhëruar kalimin në pronësi të Kuvendit të makinës tip “Land Rover” me targa TR 0706 H”




14-09-2005

[Albi]

Per mendimin tim Nano e beri detyren e tij per 8 vjet dhe e realizoi shume mire. Mjafton te hedhesh syte ne Shqiperi dhe do te veresh se shumica e bizneseve jane greke. Populli jone votoi per Berishen sepse nuk mund te duronte dot me Nanon. A mendoni me te vertete se Fatos Nano do te ikte nga pushteti pa i arritur qellimit te tij ?

Stafeten tani e morri Sali Berisha qe pertypi turpin kur takoi Nikolas Gage ne Shqiperi. E ardhmja e Shqiperise ...... ???

Per mendimin time zoti NANO shume e mbajti ate karrige duhej ta kishte leshuar me kohe sepse ishte i ndergjegjsem qe populli spo e duronte dot me NANO e beri ciklin e tij tani le rrije e te shijoj parat e vjedhura

[CEZARND]

E cdo ti duhet me politika Nanos,
Ne 97 pasi doli nga burgu ankohej se jetonte me te ardhurat e pensionit te te jatit ,se nuk kishte shtepi ishte i pastreh,e shume e shume te tjera
Po tani pas 8 vjetesh ka gjithecka , nuk behet fjale me per nje cope shtepi,zogu i ps per 8 vjete ariti ate qe edhe rokfeleri do te ishte xheloze.
Dhe ne populli i thjeshte kenaqemi se ai u largua nga politika ne menyreaqesore" dhe tani shijon parat e vjedhura nuk eshte me Nono ujku por tani ka nje lekure tjeter jo ate te deles por ka veshur lekuren e dhelperes,ai heshte,,,,,,,,,,,a mos valle ate qe vodhi per 8 vjete do ta gezoje ne paqe dhe ne si popull do tja bejem hallall

[Davius]

Plaku i urtë Fatos Nano

Prapaskenat e dorëheqjes së kryetarit të PS-së. Si e përjetuan miqtë dhe armiqtë e tij vendimin radikal. Pyetja pa përgjigje: Po sikur të dojë të rikthehet, kush mund ta ndalojë?!

Nga Arbi Haliti

Celulari në tavolinë u drodh dhe lëshoi një zile të shurdhët. Edi Rama e mori aparatin elektronik në dorë dhe diç vështroi në ekranin e tij. "Ai do të ikë", shqiptoi me zë, i lehtësuar. Dy dorë më vonë, kryeministri në detyrë dhe kryetari i PS-së Fatos Nano lajmëroi largimin nga drejtimi i partisë, pas shpalljes së rezultatit përfundimtar të zgjedhjeve, që e nxorri partinë e tij, forcë humbëse. Ai u largua, bëri atë që ia kishin sugjeruar një pjesë e kryesisë së partisë, megjithatë, në arsyet që shoqëruan tekstin e dorëheqjes, nuk u shfaq asnjë shenjë përgjegjësie apo vetëfajësie. Përkundrazi, ai u shfaq i inatosur. Ndoshta duke paralajmëruar rikthimin e tij.

24 orët e dorëheqjes

Në orët e para të mëngjesit të 1 shtatorit, në kafenetë përreth kryeministrisë, figura të njohura të politikës e të medias pëshpërisin rreth lajmit që kanë dëgjuar nga njerëzit e afërt të Nanos. Rreth orës 11, në zyrën e kreut të qeverisë mbërrijnë zv/kryeministri Namik Dokle dhe numri Dy I PS-së, Gramoz Ruçi. Në një kohë rekord arrihet të formulohet teksti i dorëheqjes. Paralel me këtë, në hotel "Rogner" ministri i Mbrojtjes, Pandeli Majko ulet në një tavolinë me ish-presidentin Meidani dhe kryetarin e LSI-së, Meta. "Të të urojmë tani", bëjnë shaka ata me të sapoardhurin. Por, Pandi buzëqesh dhe nuk e fsheh dëshirën dhe ambicjen e tij. Pas disa sekondash, në barin e hotelit mbërrin edhe kryetari I bashkisë së Tiranës. Rama përshëndet Metën, Meidanin dhe ulet në një tavolinë jo fort larg tyre. Ai rrufit i qetë kafenë dhe njëlloj si miqtë e tij të relax-it, mendjen e ka vetëm disa dhjetëra metra më tutje, në selinë e kryeministrisë.

Në orën 13.05 minuta, me një hap të ngadaltë, I veshur shik e me një kollaro bojë rozë, Fatos Nano I drejtohet sallës së mbipopulluar të konferencave, vetëm një kat poshtë zyrës së tij të punës. Flet 15 minuta nën vështrimin e disa përfaqësuesve të medias, një pjesë e të cilëve e kanë shtyrë drejt atij podiumi. Ruçi dhe Dokle janë ulur në rreshtin e parë dhe dëgjojnë me qetësi të shtirur tekstin mbi të cilin vetë kanë punuar deri pak momente më parë. Kur Nano pushon së foluri, të gjithë sikur zgjohen: ndihmësit e kryeministrit ulin kokën, reporterët nxitojnë të bëjnë ndonjë pyetje, ndërsa VIP-ët e medias i japin dorën njëri-tjetrin duke buzëqeshur triumfalisht. Ata e gjejnë veten mes atyre rreshtave që lexoi Nano dhe kjo nuk është pak apo jo?!

"Kam ndjekur me vëmendjen e duhur çdo vlerësim kritik të kolegëve apo kundërshtarëve të mi politikë dhe të analistëve gjithfarësh. Ajo që me rezulton nga bashkimi i shumë zërave në një front alibik të papërgjegjshmërisë dhe amoralitetit politik është mungesa e analizave realiste dhe objektive për deformimin dhe manipulimet e zgjedhjeve parlamentare 2005, dhe sidomos mungesa e përsëritur e mirënjohjes për sherbimin e ndershëm dhe përkushtimin e sakrificat e mia në jetën politike dhe shoqërore shqiptare gjatë 15 viteve të fundit", pohon kryetari i PS-së në fjalimin e tij. Ai thotë se numri i akuzuesve brenda dhe jashtë PS-së rezulton në përpjestim të drejtë me numrin e kandidatëve dhe titullarëve të tjerë që kanë humbur zonat elektorale për paaftësi e mungese kredibiliteti politik, moral e personal, si edhe me numrin e drejtuesve dhe mbrojtësve fanatikë të PD-së.

Por ndërkaq, Nano duke iu drejtuar në mënyrë të drejtpërdrejtë kundërshtarëve të tij brenda PS-së shpreh keqardhjen dhe ndërgjegjësimin "se ka ende një numër përfaqësuesish të korruptuar në PS dhe në politikën shqiptare që abuzojnë me besimin dhe imunitetin politik". Në fakt, Nano flet për korrupsion brenda socialistëve, por nuk e rendit këtë fenomen si një nga shkaqet kryesore të humbjes elektorale. Ai pohon jo pa mburrje, se ka respektuar standardet ndërkombëtare për zgjedhjet e 3 korrikut, por paralel me këtë, akuzon opozitën për manipulim zgjedhjesh. Realisht, ai i dha përgjigje një pyetjeje të madhe, por ngriti pikëpyetje të tjera mbi arsyet e vërteta të largimit nga drejtimi i PS-së.

Kryesia pa kryetar

Në mesditën e 1 shtatorit, Gramoz Ruçi i dërgon një mesazh sms të gjithë anëtarëve të kryesisë së PS-së me tekst: Në orën 6, mbledhje në seli. Pak momente pasi akrepat e orës formojnë një drejtëz perfekte vertikale, drejtuesit kryesorë të socialistëve ngjisin shkallët e selisë së partisë, për në katin e dytë. Aty është Pandeli Majko, ministri i Mbrojtjes, kontaktet e të cilit me Nanon, janë intensifikuar kohët e fundit. Aty është edhe Arben Malaj, ministri i Financave, deri në fund i pabindur për vendimin radikal të kryetarit të PS-së. Janë dhe të tjerët, Arta Dade, Luan Rama e Et'hem Ruka, të cilët mezi e kanë pritur këtë moment.

Sipas sugjerimit të Kastriot Islamit, drejtuesi i mbledhjes artikulon propozimin: Nano të jetë kryetar nderi. Kjo të sanksionohet me statut. Shumica miraton me kokë, ndërsa Makbule Çeço heziton. Ajo pyet veten: A e ka dhënë lejen kryetari për këtë? Apo po i bëjnë puçin këta, që të mos rikandidojë? Njeriu që ka afër, Petro Koçi përkulet pak drejt saj, dhe i thotë në vesh: Eshtë në rregull. Atëherë kryesia e PS-së vendos në unanimitet t'i propozojë Kongresit të Jashtëzakonshëm zgjedhor, vendimin që Fatos Thanas Nano të jetë de jure patriarku i PS-së, kryetari i nderit, apo më thjesht plaku i urtë, Fatos Nano.

DUKE LEXUAR TEKSTIN E DORËHEQJES

Aty ku nënkuptohet rikandidimi...

"Edhe në të ardhmen do të jem në krah të të gjithë militantëve të progresit, të kolegëve e simpatizantëve të mi të shumtë, si dhe të të gjithë faktorëve të tjerë që do vazhdojnë betejat për shfaktorizimin e dhunës si faktor pushteti dhe të korrupsionit si element pasurimi e karriere të paligjshme. Themelore tani është organizimi i veprimit politik të opozitës për të mbrojtur dhe garantuar të ardhmen e të gjithë shqiptarëve në Europë. Ky do të jetë dhe angazhimi im jetik në të ardhmen"

...dhe aty ku duket dorëzimi

"Si themelues, drejtues dhe përfaqësues i PSSH-së dhe i kontributeve të pashlyeshme të saj në jetën e vendit gjatë 15 viteve të fundit, mbetem i përkushtuar dhe i gatshëm për të këshilluar, asistuar dhe mbështetur alternativën dhe njerëzit që do të sigurojnë vazhdimin e reformave europianizuese në PSSH dhe në Shqipëri, si dhe pastrimin e politikës nga të gjithë ata që abuzojnë me besimin e zgjedhësve"

[Brari]

shekulli

--

PASOJAT E TEORISË SË TOKËS SË DJEGUR


Gjergj Buxhuku

Sigurisht, që gjykuar nga mënyra e jashtme zyrtare e dorëzimit të pushtetit pas zgjedhjeve të 3 korrikut 2005, duhet të ndjehemi të kënaqur. Të kënaqur sepse, jo vetëm tejkaluam frikën e përhershme të lënies së pushtetit vetëm pas përplasjeve të mëdha politike dhe sociale deri në përdorimin e forcës së armëve, por edhe se u tregua qytetari, të paktën formale nga ana e humbësve. Kjo është për t’u përgëzuar duke parë ngjarjet e vitit ‘97, që ende sot vazhdojnë të tmerrojnë shqiptarët. Me këtë mënyrë si të thuash jo vetëm u hodh një hap i rëndësishëm dhe i domosdoshëm për të rrënjosur më në fund konceptin bazë demokratik të kalimit paqësor të pushtetit, duke iu nënshtruar gjykimit të zgjedhësve. Pavarësisht se në brendësinë e tyre zgjedhjet ishin tepër larg standardeve ndërkombëtare. Për më shumë akti formal i kalimit paqësor dhe qytetar të pushtetit kishte një vlerë të rëndësishme edhe në bashkësinë ndërkombëtare, parë zhvillimin e ngjarjeve për përcaktimin e statusit përfundimtar të Kosovës. Deri në këtë pikë mund të thuhet se çdo gjë ka qenë në rregull. Por gjendja dhe vlerësimi për sa më sipër ndryshon kur gjykon, shikon dhe ndjen se çfarë ka ndodhur në praktikë në veprimtarinë dhe në vendimet ekonomike të marra në periudhën para dhe paszgjedhore nga institucionet më të rëndësishme të vendit.
Çështja e parë që është e prekshme për të gjithë, është problemi i energjisë elektrike. Ashtu si pa u ndjerë, në prag të formimit të qeverisë së re, si një rrufe në qiell të pastër, drejtuesit e KESH-it deklaruan se vendi është në një nga gjendjet më kritike të situatës elektroenergjetike të kohëve të fundit. Të mendosh se njerëzit nuk i kanë harruar pasojat e pallogaritshme të krizës energjetike të vetëm disa viteve më parë, kjo është një goditje e rëndë jo vetëm për efektivitetin e punës së qeverisë, por mbi të gjitha për zhvillimin ekonomik dhe mirëqenien e qyetarëve shqiptarë. Të mos harrojmë se gjithçka ndodh pikërisht në periudhën e para dimrit, kur nevoja për energji elektrike është në kulmin e saj. Sesi është e mundur, që pa thënë asnjë fjalë me muaj të tërë të gjitha rezervat energjetike të hidrocentraleve të vendit u harxhuan, pa u marrë asnjë masë për ruajtjen e tyre, këtë vetëm institucionet shqiptare mund ta gjejnë. Fakt është se rezervat ujore, falë viteve shumë të favorshëm në reshje të viteve të fundit, kanë qenë jashtëzakonisht të mira. Nuk mund të mos të shkojë mendja se edhe institucione të tilla, si kompanitë e furnizimit me energji elektrike, që teorikisht nuk duhet të lidhen aspak me proceset politike në vend, në fakt në Shqipëri rezultojnë ndryshe. Fakti që mungesa e energjisë elektrike është shumë e lidhur dhe ndjehet nga çdo qytetar, fare mirë mund të shërbente si një shkak për akuzimin e qeverisë së re për paaftësi në drejtimin e vendit. Kuptohet, që sa më sipër është vetëm një mundësi, që nuk mund të lihet pa u cekur kur shikon se mediatikisht rezultojnë të zbarsur si me sustë brenda natës liqene të tërë. Më e pakta është një papërgjegjshmëri e plotë në detyrë e drejtuesve politikë dhe ekzekutivë të kompanisë, që i kishin mundësitë të vlerësonin çdo ditë se çfarë po ndodhte me rezervat energjetike në vend. Ka edhe një variant tjetër. Të mësuar me lënien e vendit në pikën e fundit alarmante të energjisë, krijohen të gjitha kushtet për të mënjanuar garat tenderuese dhe t’u shtrihet dora me kushte të rënda furnitorëve të zakonshëm të vendit me energji. Furnitorë, që kuptohet, mezi presin ta shikojnë blerësin e tyre në pikën e fundit të hallit për ta rrjepur deri në fund. Aq më shumë kur merret vesh se në këtë periudhë janë bllokuar edhe rrugët e interkoneksionit ndërkombëtar të furnizimit të vendit me energji importi. Skemë e përsosur korrupsioniste, nëse do të pranojmë hipotezën e sipërme, për të ngritur deri në qiell koston e energjisë së blerë me pasoja të rënda miliona dollarëshe për buxhetin e shtetit dhe ekonominë e vendit. Qeveria e re tashmë është e mbërthyer me shpatulla pas murit përballë një skeme të tillë, duke u detyruar të kryejë prokurime të drejtëpërdrejta dhe lutje për energji dhe rrugë importi të saj në prag të dimrit dhe krizës botërore të naftës.
Përveç problemit të energjisë elektrike periudha para dhe paszgjedhore 2005 do të mbahet mend në kujtesën e shqiptarëve edhe për një sërë vendimesh të tjera, që të lënë shijen e hidhur të ndjenjës së përdorimit të strategjisë së tokës së djegur nga qeverisja në ikje e sipër. Kujtojmë shpejt vendimet me pasoja të rënda të privatizimit të kompanisë publike të telefonave, që do të shënonte edhe fundin e shpresës për rigjallërim ekonomik të vendit. Shënojmë valën e pambarimtë të koncesionve me propozime të pakërkuara në sektorë strategjikë të ekonomisë së vendit, që në thelb janë vetëm barrë pa asnjë përfitim për qytetarët shqiptarë. Të gjithë mbajnë mend koncesionet e paarsyetuara ekonomikisht të aeroportit të Rinasit, të trenit elektrik, të TEC të Vlorës.
Për të mos harruar rëndimin deri në kufijtë e të pamundurës të zgjidhjes së çështjes së pronave në Shqipëri me dhënien me qira simbolike të dhjetëra- mijëra sipërfaqe toke nga më të çmuarat në plazhe. Vazhdojmë më tej me rëndimin e buxhetit të shteti nga operacionet e pambështetura të bonove të thesarit, që kanë rritur detyrimet e buxhetit të shtetit në shërbimin e borxhit të brendshëm me disa dhjetëra milionë dollarë. Sa më sipër mund të vazhdojmë gjatë me emërime të pakuptimta dhe të nxituara në administratën publike në muajt e fundit qeverisës nën koracën e ligjit të shërbimit publik.
Kështu mund të themi se kemi dy pamje në ndërrimin e pushteti pas zgjedhjeve të 3 korrikut. Nga njëra anë kemi anën formale, ku çdo gjë u la në rregull dhe me procedurë për t’u përshëndetur dhe nga ana tjetër ishte përmbajtja, që të lë shijen e zbatimit të teorisë së tokës së djegur për pasardhësit në qeverisje.




21/09/2005

[Brari]

g55

--

Fatos Nano, i përfshirë edhe në shitblerjen e ndeshjeve të FSHF-së
Rudi Vata, në një intervistë të dhënë për faqen e internetit www.tifozat.com ka akuzuar ish-kryeministrin dhe stafin e tij të ngushtë, përfshirë Aldrin Dalipin, ish-zëdhënësin e kryeministrisë, si të përfshirë në afera korruptive


Rudi Vata ka lëshuar dje një deklaratë tjetër mjaft serioze në lidhje me mafien e shitblerjeve të ndeshjeve, që ka tronditur opinionin e vendit. Ai ka akuzuar ish-kryeministrin Nano dhe ish-zëdhënësin e tij Dalipi, për lidhje të drejtpërdrejta me Strakoshën, në kontekstin e mbrojtjes të aferave korruptive, për të cilat ky i fundit është përmendur publikisht. Disa herë, gazeta "55" kishte denoncuar shitjet e ndeshjeve të kombëtares, madje edhe në rastet kur në shkallët e stadiumit ka qenë Nano, por një deklaratë nga brenda federatës e bën pothuajse të pakundërshtueshëm faktin e implikimit të kryeministrit të shkuar, edhe në aferat me mafien e shitblerjes së ndeshjeve. Akuzat kanë qenë të rënda për Nanon, për FSHF-në dhe lidhjet e organizmit me ish-kryeministrin dhe stafin e ngushtë të tij, që kanë qenë dhe janë në mbrojtje të një të akuzuari për shitblerje ndeshjesh. "Juve, Strakosha ju komandon, por jo vetem juve, sepse po te kishte Nanon ne pushtet akoma, deklarata do te lexohej nga zedhenesi per shtyp i tij", ka qenë deklarata e guximshme e Vatës që, pas kësaj, ka lëshuar akuza të tjera për FSHF-në. Duke iu drejtuar kreut të FSHF-së, Rudi Vata sqaron se dikujt, deklarata e tij i djeg kaq shume sa e ben te humbin kontrollin dhe nuk dine më se çfare thone neper media. "Ne intervisten e pare qe dhashe per "Gazeten Shqiptare", gazetari ka perdorur fraza dhe shprehje qe une kurre nuk i perdor. Nuk eshte ne karakterin tim te flas per te tjeret me gjuhe vulgare, por gazetari i ka interpretuar theniet e mia, gabim. Pra, jo te gjitha ne intervisten e pare jane thenie dhe fraza te mia. Intervista e plote dhe e pacunguar eshte botuar vetem ajo tek www.tifozat.com", është shprehur Vata. "Dua t´i them FSHF‑it, se si ju dilni ne komunikate per shtyp per nje person qe nuk eshte më në kombetare dhe nuk eshte punonjes i institucionit tuaj. Perse, ju e merrni ne mbrojtje Foto Strakoshen? Çfare fshihet pas kesaj, edhe si nje institucion behet vegel e nje individi qe prej kohesh nuk debuton më per kombëtaren?", janë pyetjet e ngritura nga Rudi Vata. Sipas tij, kjo gjë bën FSHF-në dhe drejtuesit e saj të tregojnë amatorizem dhe komunizem.

Re. Po.