Shkëlqimi dhe rënia e shokut Nano

[Brari]

korrieri

--

Perleshje mekataresh

E Merkure, 10 Gusht 2005

Nga Andi Bushati

PS do te filloje te kete shprese, jo kur te behen shume ata qe kerkojne largimin e Nanos, por kur te behen shume ata qe do te largohen se mekatuan se bashku me Nanon

Me nje periodicitet thuajse perfekt mediat po percjellin, peticionin e 120 freshisteve shkodrane, nje te singjashem te socialisteve elbasanas apo vlonjate, me nje fjale te gjitha zerat qe kerkojne, qe prej mbajtjes se pergjegjesise te kryesise se PS per humbjen e 3 korrikut dhe deri tek ata qe shkojne tek doreheqja e Nanos. Ketyre zerave qe vijne nga vegjelia, u jane shtuar edhe reagimet e herepasereshme ose te Servet Pellumbit, ose te Petro Kocit, ose te Elmaz Sherifit apo te Sherif Bundos. Nderkohe nen rrogoz flitet se Edi Rama po pret momentin e pershtatshem per te sulmuar fort dhe drejteperdrejte liderin historik te socialisteve, duke e etiketuar ashtu sic eshte: strategun e vetem dhe shkaktarin e vertete te humbjes.

Deri ketu nuk ka asgje te jashtezakonshme. Pas cdo disfate etiketohet fajtori (ne politike ai largohet, aq me teper kur e ka premtuar nje gje te tille), analizohen shkaqet dhe vendoset strategjia per te ardhmen. Por kjo qe po ndodh ne PS, nuk vjen aspak era normalitet. As moralitet. Ajo ngjan pak me shume me ate termin e shpikur dikur nga Dritero Agolli, qe me sa duket eshte shperndare ne trupin e PS si metastazat, nga organi kanceroz ne te gjithe trupin.

Edhe rebelet e rinj socialiste po ngjajne perdite e me shume si shk.erdhatokrate te vegjel. Ata kane filluar te kritikojne tani Nanon dhe oborrin e tij, si te vetmin shkak per humbjen.

Ne radhe te pare nje reflektim i tille nuk eshte i sinqerte. Jo per faktin se po p.ermjerrin liderin ne momentin e tij me te keq, atehere kur i ka rreshkitur kemba, po per shkakun se as vete nuk e besojne ate qe po bejne. Keta kundershtare te shpikur te Nanos, me teper sesa nga ideali per te shpetuar partine, per te pare nga e ardhmja, apo per te rikthyer virtytet e solidaritetin e se majtes, duket se jane te prekur nga semundja shqiptare per te goditur ne menyre te pameshirshme viktimen. Per cilindo prej tyre qe do ta kundershtonte nje pohim te tille do te ishin gati shume pyetje:

Pse nuk foli ai kur PS-ja po percahej dhe per here te pare ne historine e saj, kjo parti po organizonte ne dhjetorin e 2003, nje kongres te manipuluar?

Pse nuk foli ai kur ne ditet e zise kombetare, kryeministri pushonte ne Sharm el-Sheik, apo kendonte ne buzuk?

Pse nuk foli ai kur Fatos Nano i shperndante pushtet te pamerituar politik, klaneve mafioze?

Pse nuk foli ai, kur gruaja e etiketuar si Mira Markovic, ishte shnderruar ne gjobevenesen me te madhe te biznesit shqiptar?

Pse nuk foli ai kur e gjithe mazhoranca u be bllok per te fshehur nje aksident me veture?

Pse nuk foli ai kur ata se bashku me te cilet mund te arrihej fitorja, etiketoheshin si gjarperinj dhe kur rendej vetem pas krijimit te pushtetit personal?

Ka pasur nje pjese te shoqerise civile, te opinionisteve, te te larguarve nga partia, madje dhe te njerezve te thjeshte te sonduar ne rruge, qe i kane bere te ditura keto. Por pothuajse askush ne PS-ne e mbetur nuk i degjoi.

Ata mbyllen veshet duke e lidhur shurdherisht fatin e tyre me ate te Nanos e duke preferuar te shkojne sebashku me te ne humnere. Kur nga Kongresi Elektoral, ai i ftoi te ndanin sebashku, guret dhe dafinat, ata e pranuan kete me duartrokitje. Qene pak a shume te njejtet njerez,qe ne te njejten salle kishin hedhur gure (natyrisht pas kurorave me dafina) 14 vite me pare, mbi Enver Hoxhen. Ndaj kete pendese te dyte, madje edhe te pasinqerte, nuk u a beson njeri.

Por kjo eshte ceshtje e moralit te tyre. Gjithashtu, e menyres sesi perceptohet ky moral i dyfishte brenda te njejtes force politike. Problemi qe i intereson nje publiku me te gjere eshte tjeter. Eshte fakti se a ka me forca modernizurese brenda opozites se re shqiptare? A ka mundesi qe brenda ketij qerthulli mekataresh, te friksuarish, te korruptuarish, vegjetuesish e te tredhurish, te ngrihet nje opozicion i dobishem dhe i besueshem, per te cilin me sa duket tani do te kemi me shume nevoje se kurre. Eshte e veshtire te japesh nje pergjigje pozitive.

Pas tete vitesh pushtet, pak kush mund te mburret se ka mbetur i paster ne PS. Edhe rrebelet e tanishem nuk jane aspak me te besueshem. Ata jane me te rrezikshem. Sepse para se gjithash jane edhe hipokrite. Ne betejen qe po pervijohet ne PS, ata nuk kane hyre per te mire te komunitetit, por vetem per te pastruar duart e tyre. Ndaj edhe kjo beteje, ajo mes nanoisteve dhe atyre qe u kujtuan ta kundershtojne tani, nuk pritet te jape asgje frytdhenese.

Ajo do te jete nje perballje mekataresh. Ku me shume do te kete dosje e akuza, sesa projekte dhe shprese. Ajo do te jete nje beteje shterpe. Nje forme komike e perplasjeve te meparshme tragjike, qe perfunduan te gjitha ne lufte per karrige. Pasi edhe nese kundershtaret e Nanos (gje qe ka pak mundesi) ngadhenjejne, ne PS do te kemi vetem nderrim emrash dhe jo filozofie. Sepse ne te gjitha rastet kjo parti do te drejtohet nga njerez qe ne mos kane ushtruar, kane pranuar nje pushtet abuziv. Ndaj fati i socialisteve nuk mund te zgjidhet me me beteja mekataresh. PS do te filloje te kete shprese, jo kur te behen shume ata qe kerkojne largimin e Nanos, por kur te behen shume ata qe do te largohen, se mekatuan se bashku me Nanon.


--


mir thot Andi... por do te mjaftonte vetem nje rrethane.. per te etiketuar se cfar jane socialistet e PS-se..

PS-istet jane kanibale perderisa kan 9 vjet qe e pranojne nje kanibale ne forumet drejtuese te Partise e te shtetit.. sikurse kanibalen e njohur luiz hoxhen..
jemi ne vitet 2000 pas krishtit e e jo ne 2000 para krishtit..

qashtu..

[Albo]

As dje, kreu në ikje i ekzekutivit, nuk ka dalë në punë. Prej një muaji nuk shkel në PS

Nano, bojkot qeverisë dhe PS-së

Kryeministri nuk merr pjesë në mbledhjen e qeverisë. Nuk do të dalë as në fushatën e 21 gushtit

A.Rama

TIRANË- Kryeministri Fatos Nano ka bojkotuar dje mbledhjen e qeverisë, që mund të jetë një ndër të fundit e këtij kabineti qeveritar. Mbledhja e radhës e Këshillit të Ministrave, ku janë miratuar vendime të rëndësishme që lidhen me kuotat e pranimit të studentëve në shkollat e larta, ashtu si edhe në raste të tjera, është drejtuar nga zv.kryeministri Namik Dokle. Nano edhe pse gjatë kësaj jave ka qenë në Tiranë, shumë pak ka shkuar në zyrën e tij në Kryeministri, ndërsa në selinë e PS-së mungesa e tij është regjistruar prej më tepër se një muaj. Askush nuk të jep më sqarime për mungesën e Nanos si në mbledhjet e qeverisë, ashtu edhe në PS, pasi kjo tashmë është kthyer në një gjë të zakonshme që nuk bën më përshtypje si në qeveri, ashtu edhe në PS. Ndoshta zhdukja nga jeta publike dhe aktivitetet partiake mund të jetë një reflektim i Nanos para faktit të kryer që PS-ja kaloi në opozitë për 4 vitet e ardhshme. Bashkëpunëtorët e ngushtë të Nanos, me të cilët ai mban vetëm kontakte telefonike gjatë këtyre ditëve, shprehen se nuk dinë asgjë se ku po i kalon kryeministri këto ditë. Dalja e fundit e Nanos në publik ishte gjatë fundjavës që shkoi në Korçë dhe Pogradec, ku ai zhvilloi takime me liderët e partive shqiptare në Maqedoni, Arbër Xhaferri dhe Ali Ahmeti. Braktisja e detyrës së kryeministrit nga Nano, është në kundërshtim me Kushtetutën, pasi, sipas ligjit themeltar të shtetit, ai duhet të qëndrojë në detyrë derisa nga presidenti të dekretohet kreu i ri i ekzekutivit, që më pas miratohet në Kuvend. Ndërkohë burimet pranë sfafit të kreut të qeverisë, pohuan se Nano nuk do të marrë pjesë as në fushatën elektorale të këtyre ditëve në 3 zonat zgjedhore, 2, 64 dhe 90, ku do të ripërsëriten zgjedhjet. Sipas këtyre burimeve, Nano, ndryshe nga sa pritej, nuk do të zhvillojë takime me elektoratin socialist në këto zona, nisur edhe nga fakti se humbja tashmë është e qartë dhe kreu i PS-së nuk ka argument që t’i ftojë ata për të votuar. Për të drejtuar dhe ndjekur fushatën, Nano ka ngarkuar disa nga figurat kryesore të PS-së, të cilët janë organizuar në grupe pune, duke zhvilluar takime në 3 zonat e sipërpërmendura. Edhe në PS, ndonëse janë në dijeni të këtij fakti, pra, mungesës së Nanos në ditët e fushatës, pohojnë vetëm se kryetari socialist është duke ndjekur ecurinë e procesit në këto 3 zona. Sekretari i përgjithshëm i PS-së, Gramoz Ruçi, është shprehur dje se kreu socialist, Fatos Nano, vazhdon të jetë në krye të detyrave si kryeministër dhe si kryetar partie. I pyetur nga gazetarët për arsyet e mosardhjes së Nanos në selinë e PS-së për një kohë të gjatë, Ruçi tha se Nano vazhdon të jetë në krye të detyrave që ka dhe është duke ndjekur me vëmendje fushatën elektorale në 3 zonat ku do të votohet më 21 gusht. “Edhe kjo konferencë është me dijeninë e z. Nano, ku ai është në detyrën e kryeministrit dhe të kryetarit të partisë, në detyrën e ndjekjes së fushatës së zgjedhjeve në 3 zonat elektorale”, - tha Ruçi. Ruçi gjatë kësaj kohe ka qenë gjatë gjithë kohës në drejtimin e punëve në selinë e PS-së, përfshirë këtu edhe mbledhjen e fundit të një pjese të anëtarëve të kryesisë, të thirrur për organizimin e detyrave për fushatën e zgjedhjeve të përsëritura.

[Qerim]

Mosprezenca e Nanos ne keto kohera te nxehta per PS dhe mosshfaja e tij publike, me beri te kuptoj dicka.

Nano kurre nuk ka udhehequr ne PS dhe ne qeveri ,por ka qene thjesht nje kukull.

Vendimet dhe drejtimi i PS dhe qeverise eshte bere nga figurat e tjera te PS-se dhe jashte saj si Ruci, Gjinushi etj .

[Davius]

E Shtune, 20 Gusht 2005

Kryeministri firmos urdhrin per ngritjen e grupeve te punes te tranzicionit qeveritar. Per here te pare, dosje dhe informacione te detajuara per ministrat e rinj te koalicionit te djathte

Elton METAJ

Fatos Nano do te kete ne tryezen e tij te punes diten e sotme 7 dosje, qe do t'i dorezohen Kryeministrit te ri. Do te jete kundershtari me i madh politik i Nanos, qe me mberritjen ne zyren e katit te dyte te selise se qeverise, nuk do ta gjeje gjithcka te zbrazur. Per kete eshte kujdesur vete lideri socialist, i cili ka urdheruar me 15 gusht ngritjen e grupeve te punes te tranzicionit qeveritar. Nje veprim i rralle per Shqiperine, teksa pritet qe pushteti te kaloje nga duart e se majtes, ne koalicionin e djathte te ndertuar nga Berisha.

Shefi i qeverise u ka kerkuar vartesve te tij, te udhehequr nga sekretari i Pergjithshem i Kryeministrise, Ksenofon Krisafi, qe te pergatisin dosje te nevojshme per "dorezimin e detyres tek Keshilli i Ministrave, qe do te miratohet nga Kuvendi i dale nga zgjedhjet e 3 korrikut te vitit 2005". Ne duart e Kryeministrit te ri do te dorezohet baza ligjore e organizimit dhe funksionimit te Keshillit te Ministrave, te administrates publike dhe te institucioneve ne varesi te Keshillit te Ministrave apo te Kryeministrit. Gjithashtu, Berisha do te vihet ne dijeni me detaje per strukturen dhe organika e Keshillit te Ministrave dhe te institucioneve te varesise, statusin ligjor te punonjesve, si dhe vendet e lira. Vete lideri demokrat ka premtuar ta reduktoje aparatin qeveritar, per te ulur ne nje kohe edhe shpenzimet.

Sipas urdhrit te Nanos, qeveria e re do te marre ne dorezim edhe statistiken e akteve te miratuara nga Keshilli i Ministrave ne periudhen 2001-2005, te ndara ne vendime dhe projektligje. Krahas kesaj, do te kete nje pasqyre te detajuar te buxhetit, menyren e perdorimit te tij, si dhe prokurimet publike qe ka kryer Keshilli i Ministrave. Krahas tyre, Nano do te lere per pasardhesin edhe nje permbledhje te projekteve te filluara nga donatoret, afatet dhe rezultatet e deritanishme.

Ministrat, ceremoni me pasardhesit

Urdhri i Kryeministrit Nano detyron ministrat te organizojne ne menyre ceremoniale dorezimin e detyres. Se bashku me 5 dosje, qe jane te detyruar te pergatisin, anetaret e qeverise aktuale, do te kene edhe nje detyre te vecante publike. "Dosjet e pergatitura i dorezohen ne menyre ceremoniale ministrit te ri nga ministri ne detyre", thuhet ne urdhrin e 15 gushtit. Per ministrite qe ndryshojne formen dhe permbajtjen per shkak te programit politik dhe te perberjes se Keshillit te Ministrave te ri, dosjet, ka percaktuar Nano, do te depozitohen ne Kryeministri dhe i dorezohen Kryeministrit te ri.

Kryetaret e grupeve te punes ne cdo ministri, te udhehequr nga sekretaret e Pergjithshem, jane urdheruar qe te bashkepunojne, sa here t'u kerkohet, nga te mandatuarit e Kryeministrit te emeruar nga Presidenti i Republikes. Nje mase per te mbushur vakuumin institucional gjate kryerjes se procedurave ne Presidence dhe Parlament.

Megjithate, vete urdhri i Kryeministrit socialist nuk parashikon nese edhe ne seline e qeverise do te zhvillohet ose jo nje ceremoni. Sidoqofte, mundesia qe Nano dhe Berisha te shtrengojne duart ne zyren e Kryeministrit te Shqiperise mbetet, ndersa deri me tani eshte e sigurt se kete do ta bejne ministrat.


Dosjet qe Nano pergatit per Berishen:

1 - Baza ligjore e organizimit, te funksionimit te Keshillit te Ministrave, te administrates publike dhe te institucioneve ne varesi te Keshillit te Ministrave apo te Kryeministrit.

2 - Struktura dhe organika e Keshillit te Ministrave dhe te institucioneve te varesise, statusin ligjor te punonjesve, si dhe vendet e lira.

3 - Statistika e akteve te miratuara nga Keshilli i Ministrave ne periudhen 2001-2005, te ndara ne vendime dhe projektligje. Numrin e projektligjeve, te ndara ne te miratuara nga Kuvendi dhe ende te pamiratuara.

4 - Matrica e projekt-akteve, me sqarimin se cilat kane mbetur pa u permbushur.

5 - Buxheti i detajuar per institucionin, menyren e perdorimit, si dhe prokurimet publike qe jane kryer apo nuk jane kryer ende per kete vit buxhetor. Te njejtat dhe per institucionet e varesise.

6 - Projektet e filluara nga donatoret, afatet dhe rezultatet e deritanishme. Te njejtat dhe per institucionet e varesise.

7 - Projekti "e-qeveria" dhe gjendja e financimeve per te.

CEREMONIA

Meidani-Moisiu, precedenti i pare

Kalimi i stafetes se drejtimit te shtetit nga Rexhep Meidani te Alfred Moisiu, ishte veprimi i pare ceremonial ne Shqiperi, per sa i perket nderrimit te drejtuesve me te larte te shtetit. Ne Pallatin e Brigadave, me 24 korrik 2002, u zhvillua nje ceremoni, gjate se ciles Meidani la ne duart e Moisiu tekstin e Kushtetutes se Shqiperise.

[Davius]

E Marte, 23 Gusht 2005

FITUAN XHOANISTET, HUMBEN NANOISTET

Njerezit besnike dhe servile te kryeministrit pesuan disfate te madhe. Te perzgjedhurit e Xhoana Nanos fituan bindshem me 3 korrik, madje dhe ne zonat demokrate, duke sfiduar kandidatet e kreut te PS-se

Ngjan e cuditshme, por te gjithe kandidatet e PS-se qe kane humbur ne zgjedhjet e 3 korrikut, njihen si miq personale apo servile te kryetarit te partise, Fatos Nano. Ndersa, ata qe siguruan mandatin e deputetit jane kandidate te cilet u perzgjodhen me delikatese, personalisht nga Xhoana Nano. Dihet tashme lufta qe u be ne seline roze per te perzgjedhur emrat per kandidate per deputete. Nano vuri te vetet, Xhoana emrat qe donte, Gramoz Ruci disa te tijet, kurse ndonje tjeter u fut dhe perfitoi ne saj te forces se tij personale.

Por tani qe cdo gje ka mbaruar, duke ditur 140 emrat per deputete qe moren vulen dje, del me ne pah se kush ka fituar nga nanoistet dhe kush nga xhoanistet, ndonese ne thelb te dyja palet jane pjese e klanit te Nano-Xhoit. Por emrat e Andis Harasanit, Shpetim Idrizit e disa te tjere fituan ne zona demokrate fale shijes ne perzgjedhje te Xhoana Nanos, por jo te Fatos Nanos. Ndersa te perkedhelurit e kryeministrit, Agim Isaku, dhe isakeria pas tij humben, pasi nuk ishin ne shijen femerore te gruas se kryeministrit. Nano, duke qene ne gjendje apatie fizike dhe me shikim te turbulluar nga operacionet, kandidoi pikerisht ata njerez qe nuk gezonin mbeshtetje as nga strukturat e PS-se.

Nese brenda PS-se ka sot te fituar dhe humbes, humbesit jane Fatos Nano e Gramoz Ruci, kurse mund te kete te drejten per te qene e lumtur vetem gruaja e Pare e Shqiperise, e cila fitoi ne te gjitha zonat ku vuri kandidatet e saj, pervec atyre emrave qe permendem. Nje nga analistet politike dje u shpreh se PS-ja tashme i takon me shume Xhoanes qe ta drejtoje sesa Fatosit. Ne biznes Xhoana e tregoi veten se di te vere pasuri brenda pak muajve, ndersa Berisha ka deklaruar se akuzat per familjen Nano nuk do t"i hetoje se gjoja i quhet "hakmarrje politike", ndaj nisur nga keto fakte nje pjese e PS-se i takon Xhoit.

Futja e saj ne politike do t"i hiqte jo vetem rrudhat Nanos, por edhe vete PS-se se mplakur nga plaku Nano. Besoj se xhelozia ne familjen e kryeministrit ne detyre nuk do te kete vend, pasi njeri terhiqet dhe tjetra futet furishem, fale edhe energjise se moshes qe manifeston. Dikush e quan fantazi dhe lajthitje por nisur nga faktet e mesiperme, ku PS-ja humbi atje ku Nano vuri njerez pa integritet dhe fitoi atje ku dihet publikisht qe emrat u vendosen vetem nga Xhoi, nuk ka asgje per t"u habitur.

Mjafton qe Nano t"i lere hov fantazise se Gruas se Pare te Shqiperise dhe PS-ja ka shans te riperterije veten. Me Nanon jo kater vite, por 40 vite do te mbetet ne opozite. Nje variant qe qarkullon, ndonese mund te jete provokim, mbetet edhe nderthurja e emrit te Edi Rames me shijet e Xhoanes ne perzgjedhjen e emrave te tjere per ne kryesine e PS-se. N- kryesine e re te PS, pervec ikjes se kryetarit si shpetim per vete PS-ne, po perfliten ikja e Spartak Pocit, Makbule Cecos, Et"hem Rukes, Luan Rames, Gramoz Rucit, Agron Dibres, Namik Dokles, Elmaz Sherifit, Ermelinda Meksit. Ne vend te tyre ngjiten Ben Blushi, Andis Harasani, Edi Rama, etj.

Tashme problemi eshte shtruar nese PS-ja do te jete e Edi Rames apo e Xhoana Nanos, pasi Fatosi po iken pa kthim ose ne qendrofte ne krye ne PS, aq vite do te qendroje ne pushtet Berisha.

A. Mati

[Davius]

E Merkure, 24 Gusht 2005

LESI: T'í HIQET IMUNITETI NANOS PER SHKALLNUERIN

Prokurori i Pergjithshem i Republikes Sollaku t'í drejtohet parlamentit me shkrese zyrtare

Dosja hetimore ka plot fakte dhe kaseta per ta hetuar kryetarin e Partise Socialiste ne lidhje me aksidentin e Shkallnuerit. Ka vend per arrestime.

Tashme kryeprokurori i Pergjithshem, zoti Sollaku, ka dore te lire per te zbatuar ligjin, ligj i cili ishte shkelur dhe dhunuar nga kryeministri Nano tash tre vite e kusur. Me flagrante mbetet, pervec prokurimeve te drejtperdrejta me fondet publike te dhjetra milione dollareve, fakti i njohur tashme nga media dhe publiku si "aksidenti i Shkallnuerit"', ku ne shkurt te vitit 2001 vdiq shtetasi Petrit Islami.

Autor i ketij aksidenti u fol nga media dhe deputeti Lesi edhe ne parlamentin e dates 8 nentor 2004 gjate seances parlamentare per heqjen e imunitetit te kryedemokristianit, se ishte pikerisht kryesocialisti dhe kryeministri ne detyre, zoti Nano. Asokohe u be zhurme e madhe nga opozita e Berishes dhe vete Lesi per te hetuar Fatos Nanon edhe per kete aksident, ku krimi qendron ne braktisjen e viktimes se aksidentuar dhe hedhjen e tij ne kanal anash asfaltit per te humbur gjurmet e krimit. Faktet e asaj kohe te paraqitura nga Nikolle Lesi dhe opozita e djeshme e Berishes sollen reagimin e eger te Nanos kundrejt Lesit. Edhe kryeprokurori i Pergjithshem Sollaku mbeti ne rrethin vicioz te Nanos dhe ishte ne dileme te madhe ne duhej te kerkonte edhe heqjen e imunitetit te Fatos Nanos.

Faktikisht kerkesa per heqjen e imunitetit te Lesit shkoi dy here ne Kuvend, ku nje here rezultoi rrezim me vota nga shumica e deputeteve si nje hakmarrje primitive e kryeministrit dhe heren e dyte nuk u fut fare ne agjenden e votimit ne Kuvend nga frika e humbjes se dyte me vota te fshehta. Berisha asokohe ka deklaruar dhe duhet t'í mbahet perseri atij hetimi se "me ardhjen ne pushtet te opozites do ta hetojme edhe kete ceshtje te madhe". Pra, Berisha ka ardhur ne pushtet, Lesi ndodhet ne Kuvend, shumica e detyron Prokurorin e Pergjithshem te Republikes qe te ndermarre hapin e rendesishem per te zbatuar ligjin kundrejt cdo politikani.

I pyetur mbreme nga "'KJ" kryetari i PDK dhe deputet ne Kuvend Nikolle Lesi tha se "'Zoti Sollaku duhet te kerkoje tashme heqjen e imunitetit parlamentar per deputetin Fatos Nano ne menyre qe ti hape udhen hetimeve dhe zbardhjen e se vertetes se Shkallnuerit e shume "shkallnuereve"' te tjere te bere nga Nano e klika e tij"'. Nje veprim i tille nuk eshte aspak hakmarrje politike e Berishes dhe Lesit, por vetem zbatim i drejtesise nga secili e per secilin. Kryeministri i ri qe do te marre drejtimin e qeverise, zoti Berisha nuk ka perse te kete hijen e frikes se mos e akuzojne per hakmarrje apo shfrytezim pushteti.

Perkundrazi me forcen e tij te ndershmerise ka mundesi t'í jape driten jeshile politikes dhe shoqerise se cilido politikan qe shkel ligjin duhet te perballet me drejtesine. Kjo eshte garancia qe Berisha duhet t'i jape elektoratit qe e votoi, por ehe atyre qe nuk e votuan. Edhe ndaj ministrave te tij apo zyrtareve qe do te emeroje, nese shkelin ligjin, ai duhet t'i dergoje per hetime ne organet e drejtesise. Por pikesepari ceshtja e hetimit te Nanos nuk vjen si nevoje per te goditur te madhin qe te marrin sinjal te vegjlit per zbatimin e ligjit nga te gjithe, por pasi ka te beje me seriozitetin e zbatimit te premtimeve elektorale qe gjithsesi sjellin vendosjen e ligjit te mohuar nga klika e Nanos.

Berisha erdhi ne pushtet nga nje vote mbarepopullore, porse eshte vote me kusht qe do te thote se perballe uzurpimit dhe arrogances se pushtetit te Fatos Nanos ata zgjodhen rikthimin e Berishes qe te shkule nga rrenjet kliken kriminale te Fatos Nanos, e cila gllaberoi gjithcka. Vota me kusht nuk eshte vote per Berishen, por vote kunder Nanos qe shkon per Berishen. Kjo vote popullore tregon se votuesit duan drejtesi pikesepari, por antyrisht edhe investime. Nuk eshte se nuk jane bere rruge gjate mandatit socialist apo investime te medha, por ne raport me mundesite e ofruara nga Europa ritmi ka qene i ngadalshem. Mbi te gjitha votuesit nuk mund te pranojne ofezat e Nanos me pushtetin arrogant te tij e te gruas se tij Xhoana Nano. Votuesit votuan per Berishen si kunderpergjigje e tangerllekut ne ekstrem te Nanos.

Ata donin rruge, por donin me teper se rrugen dinjitetin e neperkembur nga familja Nano, e cila e veshtroi Shqiperine si nje kopesht ku mund te vidhnin e te drejtonin si ne vendet afrikane. Ai dinjitet i neperkembur nga Nano e klika e tij sollen Berishen ne pushtet. Ndaj duan venien ne vend te dinjitetit te votuesit shqiptar. Nano te jete qytetar i lire, por edhe i barabarte para ligjit. Barazia e shkaterron Fatos Nanon. Nuk mund ta shikoje veten ai dhe Gruaja e Pare e Shqiperise si te barabarte edhe me "Noken e Zejmenit"' sic thone socialistet e Lezhes. Tek arroganca qendron mbijetesa e Nanos ne politike. Pikerisht kete arrogance ndaj ligjit e qytetareve duhet zoti Berisha t'ía heqe kryesocialistit. Jo ne sensin e kundershtarit politik, por te vendosjes se ligjit edhe mbi Nanon. Kur te arrije kete gje, zoti Berisha mund te synoje edhe vitin 2009 per 2014!

[Brari]

xhuxhum...

si te brëndshëm qe te kemi.. na sqaro kush eshte ki emini dhe ki Illi mAnjani..

coc ka shkruar Ylli por i mungon pjesa e pare e sdi ku gjendet..

une po postoj kte qe gjeta ne GSH te Veliut me shok..
Ndoshta nandihmon Shijaku per ta kompletuar kete dialog ..

po qenka shum interesante..




GSH
---



Dy fjalë socialistit Emin!


--------------------------------------

Nga Ylli Manjani


(vijon nga faqja 1)...Shqiptare, shpreson ti rifitosh zemrën për të shtatën herë ish-kryeministrit dhe kryetarit tënd socialist pasi i humbe Maminasin. Ishe dobët mik i dashur, shumë dobët. Tmerrësisht konfuz! Mbase nuk po arrin të orientohesh drejt në këto rrethana të reja paszgjedhore. Por më shumë kam frikë se largqoftë kujton që deti i Jalës u bë kos dhe që në gomonen e Fatosit ka ndonjë plan për fitorje të reja. Privatisht të kam thënë disa herë se kohët kanë ndryshuar, nuk janë më si mëparë! Po ta them edhe publikisht lëre atë gomone në fatin e vet se as fitorje ka aty dhe as kos s'bëhet më deti i shefit tënd. Tashmë nuk jeni në pushtet, madje as në opozitë! Bile askush nuk e di se ku dreqin jeni! Në plazh, me pushime sabatike, në parti, te vila 30 ku më shumë hyjnë shishe me xhin tonik sesa anëtarë partie, jashtë shtetit apo ku?!
Ti e di Emin, nuk e kam domosdoshmerisht me ty. Ty vazhdoj të të kem mik, po nuk e duroj dot më gjellën e neveritshme që edhe ti kontribon me kuzhinjerë të tjerë në rrashtën e nxehtë të shokut Fatos. As më plas fare që ti shpreson ende te Kryetari yt (që për ca kohë qëlloi të ishte për fat të keq edhe shefi im gjithashtu). Po duke e parë këtë shpresë të dalë edhe në gazetë them t'i them nja dy fjalë që të sqarohen hapur ca gjera që unë besoj ende që ti i ke të qarta (të paktën i ke pasë të qarta). Ti Emin thua të mos ikë Nano, por përkundrazi "të vijë Mejdani". Më çudite vëlla më çudite! Kur filloi të të duket i nevojshëm Mejdani? Të kuptohemi, nuk do isha kundër asaj që thua ti, por do ishte më mirë që kjo të kishte ndodhur më parë. Të paktën pasi Mejdani nuk u ripropozua për president. Ashtu do ishte më mirë për unitetin e partisë apo jo? Kurse me sa mbaj mend ti gjithnjë e ke dashur sinqerisht çlodhjen e Mejdanit në pension sa herë ai përpiqej "të vinte". Po tani na del që je edhe kundër pensionit të Servetit! Pse do tani që të lodhësh jo vetëm Mejdanin po edhe Servetin xhanëm? Ç'ke me Profesorin që qe i vetmi që në këtë kohë tregtarësh politikë, që dha një shembull për t'u vlerësuar në radhë të parë nga kryetari yt në detyrë, ish-kryeministër që vazhdon shfrytëzon vilat qeveritare dy muaj pas humbjes,kur u tërhoq nga kandidimi dhe pas humbjes i kërkoi edhe Fatosit të tërhiqej. Pastaj ti, siç edhe prezantohesh, je anëtar i KPD-së së një partie të majtë, e per pasoje duhet të jesh më konseguent në çështjen e pensioneve dhe nuk duhet të mbash qëndrime kontradiktore me pensionistët! Pa shaka tani, pse t'ú kujtua edhe Serveti pasi ke votuar për syrgjynin e tij në pension sa herë i ka dalë emri me shpoti nga goja e kryetarit! Për Edi Ramën s'po të them asnjë fjalë se ai në fakt të është kujtuar gjithmonë falë shefit tënd që e ka në majë të gjuhës, ngaqë i do të mirën kuptohet. Megjithatë, që ti je rëndë kuptohet tamam kur del se ke rënë në kurthin e nevojës për analizë në parti. Unë nuk e kam besuar asnjëherë shefin tënd kur të quante "naiv" pavarësisht se shpeshherë qëndrimet e tua këpëdare i vinte në lëvizje në mesnatë me një celular. Bile as tani nuk e besoj që ti je naiv, sepse ti e di shumë mirë që ato që shkruan për nevojën e analizës në parti i ke për të shpëtuar shefin jo partinë. Por ajo që s'kapërdij dot unë është qoftë edhe përpjekja false për ta shitur me seriozitet analizën si mjet politik që shëron partinë. Sepse miku im "naiv" sipas të gjithë fjalorëve gjithgjuhësh e gjithfarësh, analiza është një mjet diagnostifikimi e jo kurimi. Domethënë analiza Emin të tregon se ku e ke sëmundjen. Ajo nuk e lufton atë. Prandaj PS-ja, si çdo parti tjetër nuk mund të trajtohet si urina e kryetarit që sa herë është politikisht në krizë, e çojmë për analiza rrugëve dhe KPD-ve të shpifura. Edhe ti që besnikërinë ndaj Fatosit e ke bërë zakon të keq pavarësisht se je i qartë për ezaurimin e tij të plotë, e di atë dreq sëmundje tashmë. Eshtë e njëjta që ka dalë në të gjithë analizat e mëparshme, rezultatet e të cilave ti vetë i ke pranuar sa herë je pushuar nga puna. Eshtë Tosi o Emin, Tosi! Të gjitha të tjerat, përfshirë edhe shqetësimet e tua për korrupsionin fillojnë e zgjidhen. Pra pasi të ikë Fatosi! Sepse jo për gjë po pa ikur Fatosi kjo thirrja jote groteske kundër korrupsionit duke marrë parasysh edhe akuzat e Berishës rrezikon të hedhë një sasi të atillë pështyme mbi fytyrat socialiste saqë s'do ketë Fatos të realizojë lëpirjen e rradhës kur të mbarojnë analizat. Sepse të jesh i bindur o vëlla se analizat që ti rikërkon me zellin e kohës së katarsisit apo të çdo kohe kur Fatosi ka dashur të mbulojë dështimin personal do të të nxjerrin ty fajtor e jo atë! Ti e di motivacionin: Fajtor se je HUMBËS në një nga zonat më ultra rozë të Ballkanit. Mirëpo unë që s'e besoj këtë dhe që s'të kam shok partie po miqësie po të paralajmëroj të mos i mëshosh kësaj "teze" politike që s'është e jotja. Sepse boll e ke provuar rolin e limonit të shtrydhur për xhinin e Fatosit. Lëre të shtrydhë ndonjë tjetër tani se e ka edhe dollinë e fundit. Qesha shumë, kur lexova sentencën tënde se "ardhja në pushtet është e afërt dhe e sigurtë". A e di pse? Se mu kujtua dikush, që s'po e përmend tani, kur të pat thënë njëherë që "ti Emin je një optimist i frikshëm". Kjo sentence nuk është në fakt rastësi. Ajo vjen nga një mjedis gomone me diare propozimesh për qeveri hije e turlilloj gjërash të kësaj natyre, ndërkohë që Berisha ka bërë aq vota sa jo që s'bie më nga pushteti por ka shans të zgjidhet për herë të tretë president, sigurisht po i desh qejfi. Bile meqënëse siç të dëgjova sapo në TV se "teza" jote paska avancuar një shkallë më lart derisa ti mendon se "të akuzuarit e Berishës për korrupsion nuk mund të drejtojnë PS-në" kam një pyetje: Pse nuk e thua açik t'ia lemë Berishës t'i bëjë analizat dhe të zgjedhë kryetarin e ri?! Eshtë e vetmja mënyrë për të rizgjedhur Fatosin, Emin!
Nejse, hajde neser nga Bar West të pijmë kafen e mëngjesit ta vazhdojmë bisedën…

Tung!

[Albo]

“Do punoj për të pastruar partinë nga të korruptuarit dhe karrieristët”


Fatos Nano jep dorëheqjen

“PD manipuloi, zgjedhjet të papranueshme politikisht”


Tirane
Ashtu siç kishte premtuar, Fatos Nano ka dhënë dje dorëheqjen nga kryetar i PS-së, tri orë pasi kreu i KQZ-së kishte zyrtarizuar humbjen e tij në zgjedhjet e 3 korrikut.

Duke dhënë vlerësimin e tij për zgjedhjet, kreu socialist ka akuzuar opozitën si manipulues të procesit zgjedhor, edhe pse dy muaj më parë në mbrëmjen e 3 korrikut, kur përfundoi procesi zgjedhor, ai tha se Shqipëria fitoi standardet në këto zgjedhje. Ai u shpreh më tej se zgjedhjet e 3 korrikut janë politikisht të papranueshme për PS-në. Duke deklaruar se distancohet nga dhuna dhe abuzimi me zgjedhjet, Nano e ka vlerësuar këtë si një ndër arsyet e vendimit të tij për dorëheqje nga kreu i PS-së. Megjithëse në deklaratën e djeshme të Nanos duket një ikje përfundimtare e tij nga kreu i PS-së, në këtë deklaratë lihet i hapur edhe shtegu i rikthimit. Nano tha dje se në të ardhmen do të vazhdojë të asistojë dhe të mbështesë alternativën dhe njerëzit që do të sigurojnë vazhdimin e reformave evropianizuese në PS, si dhe do të shërbejë edhe për pastrimin e kësaj partie nga radhët e të korruptuarve dhe atyre që kanë abuzuar, sipas tij, me votën e zgjedhësve. Pak ditë më parë, kryebashkiaku Edi Rama ka kërkuar dorëheqjen e Nanos, duke e akuzuar si përgjegjës kryesor për humbjen në zgjedhjet e 3 korrikut. Përgjatë këtyre ditëve, në mbështetje të Ramës janë pozicionuar pak prej figurave të PS-së. Pa përmendur emra, ai ka sulmuar dje kundërshtarët e tij në PS, të vjetër e të rinj, edhe ata të shfaqur së fundmi, të cilët rezultuan humbës në zgjedhjet e 3 korrikut. Nano ka akuzuar dje për korrupsion kundërshtarët e tij brenda PS-së dhe ka deklaruar se është i angazhuar të punojë me asistencë dhe mbështetje për të pastruar partinë nga këta elementë, që sipas tij, vazhdojnë të jenë të pranishëm në parti. Pak ditë më parë, anëtari i KPD-së, njëri prej këshilltarëve të tij të afërt në PS, Emin Barçi, deklaroi se PS-ja ka nevojë të pastrohet nga njerëzit e korruptuar që ndodhen brenda saj, dhe se partia ka nevojë të hapet për t’u riangazhuar figurat e vjetra me kontribute në parti. Pasi ka dhënë dorëheqjen, Nano i ka kaluar të gjitha kompetencat e drejtimit të partisë, sekretarit të përgjithshëm të PS-së, Gramoz Ruçi, i cili do të qëndrojë në këtë pozicion deri në kongresin e jashtëzakonshëm zgjedhor të kësaj partie, që pritet të zhvillohet në janar. Gazeta boton të plotë fjalën e djeshme të kryetarit të PS-së, Fatos Nano, në të cilën ai deklaron dorëheqjen e tij nga ky post.

Deklarata
Në përfundim të këtij procesi të gjatë zgjedhor dhe në përmbushje të detyrimeve të mia kushtetuese, politike dhe publike, po bëj të ditur pozicionin tim sovran nëpërmjet kësaj konference për shtyp.
Zgjedhjet parlamentare 2005 përbënin një test të rëndësishëm për procesin e integrimit euroatlantik të Shqipërisë. Në këtë funksion, unë dhe forca politike që drejtoj u angazhuam seriozisht për ringritjen e institucionit të zgjedhjeve të lira në Shqipëri, sipas standardeve të botës së sotme. Duke e konsideruar arritjen e standardeve në zgjedhje si elementin më të rëndësishëm të kontratës sonë me shqiptarët dhe partnerët ndërkombëtarë, qeveria që unë drejtoj dhe maxhoranca e kryesuar nga PSSH përmbushi të gjitha detyrimet politike dhe ligjore për zgjedhjet. Më lejoni të rikujtoj se shpirti i fushatës që drejtova dhe i qëndrimit tim si kryeministër për këto zgjedhje ishte dhe mbetet kredoja “Standardet më të rëndësishme se rezultati”. Për këtë arsye, në kundërshtim me gjithë precedentët e abuzimit me pushtetin në zgjedhje, unë i qëndrova konsekuent ndarjes së pushtetit ekzekutiv prej tyre. Për herë të parë në historinë postkomuniste shqiptare, shteti dhe strukturat e tij nuk u përfshinë në zgjedhje dhe nuk u përdorën në asnjë rast për të manipuluar rezultatin e tyre. Unë dhe përfaqësuesit e mi i qëndruam besnik Kodit të Etikës dhe marrëveshjes politike të nënshkruar nga të gjitha partitë me kryetarin e shtetit.
Për fat të keq, ky pakt politik dhe moral për të ardhmen e Shqipërisë u shkel rëndë përsëri nga Partia Demokratike. Karakteri i lirë dhe i ndershëm i zgjedhjeve u dhunua si pasojë e konfliktit që karakterizoi të gjithë procesin zgjedhor midis vullnetit politik të qeverisë për të arritur standardet e vullnetit politik të opozitës, për të fituar me çdo kusht zgjedhjet, në bazë të një skeme manipulimi të përgatitur qysh një vit më parë dhe të zbatuar me konsekuencë nga komisionerët dhe përfaqësuesit e saj partiakë.
Skema profesioniste e manipulimit të zgjedhjeve nga Partia Demokratike është përqendruar në përdorimin masiv të certifikatave false në qytetet e mëdha, duke abuzuar me emrat e votuesve emigrantë e të atyre jorezidentë, si dhe në përdorimin e grupeve të armatosura për të kërcënuar votuesit dhe komisionerët e PS në të gjithë vendin. Parregullsitë e kryera mbi bazën e skemës së manipulimit kanë pasur ndikim të ndjeshëm në rezultatin përfundimtar, duke ndryshuar rezultatin në 10-15 zona zgjedhore në maxhoritar, në favor të PD. Si pasojë, dhuna dhe manipulimi janë faktori kryesor që ka bërë diferencën midis PS dhe PD në këto zgjedhje, duke nxjerrë këtë të fundit maxhorancë relative. Çarja e votave të së majtës për shkak të LSI-së dhe sjelljes kaotike të disa aleatëve, ka ndikuar në humbjen e maxhorancës absolute dhe jo asaj relative nga Partia Socialiste.
Deformimi antikushtetues i rezultatit zgjedhor bëhet akoma më i theksuar nga mega-Dushku i adoptuar nga PD në maxhoritar nga njëra anë, dhe thyerja e marrëveshjeve e mungesa e luajalitetit nga disa prej aleatëve tanë nga ana tjetër. Respektimi i standardeve dhe kodeve anti-Dushk nga PSSH ka sjellë për ne një ndikim të dukshëm negativ në rezultatin në maxhoritar (11 mandate ka humbur PS për këtë shkak) e proporcional, si dhe deformimin antikushtetues të përbërjes politike të Kuvendit të ri.
Parregullsitë e rënda në këto zgjedhje dhanë një rezultat të deformuar e butaforik. Partia Socialiste dhe e majta në tërësi, sipas statistikave tashmë të certifikuara, ka fituar në maxhoritar rreth 130 mijë vota më tepër nga e djathta, ndërsa kjo e fundit vjen në Parlament me të paktën 14 mandate më shumë, duke bërë që vullneti i popullit në tempullin e demokracisë të shfaqet tërësisht i deformuar, përderisa do të qeverisë minoranca elektorale.
Bazuar në faktet e mësipërme, detyrohem të deklaroj në mënyrë sovrane, si kryeministër dhe kryetar i maxhorancës në zgjedhjet parlamentare 2005 se ato janë të papranueshme politikisht dhe se autoritetet fituese të tyre kanë legjitimitet të cunguar.
Në përputhje me këtë analizë, më lejoni t’ju bëj të ditur veprimet që kam vendosur të ndërmarr:
Së pari, në zbatim të detyrës sime politike, u kërkoj forumeve të PS dhe aleatëve të saj në zgjedhje të përcaktojnë në mënyrë sovrane qëndrimin e tyre politik për zgjedhjet parlamentare 2005 dhe veprimet politike adekuate për shpalosjen e qëndrimit të opozitës në Parlamentin me legjitimitet të cunguar. Unë vlerësoj se pa një reformë të thellë zgjedhore në përputhje me Kushtetutën dhe pa rivendosur sovranitetin e plotë të Kuvendit të Shqipërisë, nuk mund të zhvillohen zgjedhje të drejta dhe legjitime për pushtetin vendor në vitin 2006 dhe për Presidentin e Republikës në vitin 2007.
Së dyti, në koherencë me filozofinë politike që kam zbatuar në 15 vjet pluralizëm, mbështetur te respekti ndaj Kushtetutës e ligjit, rregullat e shoqërisë së hapur demokratike dhe krijimi i hapësirave për bashkëjetesë e dialog me opozitën, kam marrë të gjitha masat për një rotacion normal dhe paqësor të pushtetit nga qeveria që drejtoj te qeveria që do mandatojë Kuvendi i ri i Republikës së Shqipërisë. Me urdhrin tim ekzekutiv si kryeministër, nr. 73, dt. 15 gusht 2005, të gjithë titullarët politikë dhe ekzekutivë të qeverisë kanë përgatitur dokumentacionin e gjendjes ekzekutive të shtetit për të gjithë sektorët, i cili do të dorëzohet me protokoll dhe do të bëhet publik. Ky standard krijohet për herë të parë në të mirë të stabilitetit të vendit dhe në respekt të institucioneve të qeverisjes publike.
Dokumentacioni bazë i transferimit të pushteteve përmban inventarin dhe performancën e qeverisë që unë kam drejtuar për 36 muajt e fundit, përfshirë edhe gjendjen e buxhetit korrent, situacionin e prokurimeve publike dhe raportin ekzekutiv të situatës makroekonomike dhe financiare të shtetit. Dokumentacioni risjell në vëmendjen e të gjithëve se performanca politike dhe ekzekutive e maxhorancës që qeverisi vendin gjatë 8 vjetëve të fundit është absolutisht më e mira e gjithë periudhës postkomuniste. Në të do të gjeni të pasqyruar saktësisht rritjen dhe ndryshimet e mëdha të Shqipërisë, siç i ndiejnë të gjithë, si edhe ngritjen e emrit dhe të dinjitetit të saj në marrëdhëniet ndërkombëtare. Kam krenarinë të deklaroj, përkundër thashethemnajës boshe për korrupsionin e qeverisë Nano se, ne e dorëzojmë pushtetin me llogari të shëndosha, të pastra dhe të certifikuara nga institucionet partnere ndërkombëtare. Për këto arritje kombëtare, shfrytëzoj rastin të falënderoj sërish për kontributin e tyre të paçmuar administratën publike të vendit, profesionale, të pavarur dhe të mbrojtur me ligj, sipërmarrjen e lirë dhe gjithë aktorët e tjerë të progresit të realizuar, sidomos në 3 vitet e fundit. Së treti, në respekt të institucioneve kushtetuese që administrojnë procesin zgjedhor dhe të integritetit politik të forumeve përfaqësuese të PS, të anëtarëve, simpatizantëve dhe votuesve të saj, pas zgjedhjeve kam vazhduar me durim të kryej detyrat e mia si kryeministër dhe kryetar i PSSH, duke mos u përfshirë në debatin dhe emocionet publike, në pritje të shpalljes së rezultatit zyrtar nga KQZ. Kam ndjekur me vëmendjen e duhur çdo vlerësim kritik të kolegëve apo kundërshtarëve të mi politikë dhe të analistëve gjithfarësh. Ajo që më rezulton nga bashkimi i shumë zërave në një front alibik të papërgjegjshmërisë dhe amoralitetit politik është mungesa e analizave realiste dhe objektive për deformimin dhe manipulimet e zgjedhjeve parlamentare 2005, dhe sidomos mungesa e përsëritur e mirënjohjes për shërbimin e ndershëm dhe përkushtimin e sakrificat e mia në jetën politike dhe shoqërore shqiptare gjatë 15 viteve të fundit. Numri i akuzuesve të mi brenda dhe jashtë PS më rezulton në përpjesëtim të drejtë me numrin e kandidatëve dhe titullarëve të tjerë që kanë humbur zonat elektorale për paaftësi e mungesë kredibiliteti politik e moral personal, si edhe me numrin e drejtuesve dhe mbrojtësve fanatikë të manipulimit e dhunës në zgjedhje nga Partia Demokratike. I kundërt me këtë është sigurisht vlerësimi dhe qëndrimi i anëtarëve, militantëve të PS dhe votuesve të mi në gjithë Shqipërinë, të cilët shfrytëzoj rastin t’i falënderoj sërish për mbështetjen e vazhdueshme dhe të pakushtëzuar që vazhdojnë të më japin në gjithë karrierën time politike. Në përputhje me analizën e mësipërme, kam vendosur që t’i qëndroj besnik moralit dhe filozofisë sime politike, të marr përgjegjësitë që më takojnë për situatën e krijuar dhe të largohem nga drejtimi i Partisë Socialiste. E marr këtë vendim, jo vetëm për të respektuar standardin fundor të sjelljes së autoriteteve politike në demokracitë e përparuara në lidhje me zgjedhjet, por sidomos për t’u distancuar në mënyrë të qartë dhe përfundimtare nga dhuna, dhe abuzimi me zgjedhjet apo me pushtetin e delegjitimuar nga manipulimet elektorale, si edhe nga të gjithë përfaqësuesit pa moral dhe principe të përfshirë në këtë korrupsion ekstrem politik. Në vazhdim të procesit politik, të analizës dhe ristrukturimit të PSSH dhe opozitës së majtë, dorëheqja ime nga drejtimi i PS vihet edhe në funksion të një analize dhe reformimi të shëndetshëm dhe të patuteluar nga askush. Meqenëse ky proces nuk do drejtohet nga unë, i kam kërkuar sekretarit të përgjithshëm të PS, si autoriteti i dytë i zgjedhur nga Kongresi dhe drejtues i KPD, të udhëheqë e administrojë veprimtarinë e forumeve dhe strukturave të partisë deri në Kongresin e jashtëzakonshëm zgjedhor.
Kam nderin të ritheksoj se gjatë gjithë veprimtarisë sime politike dhe përfaqësuese, në të gjitha regjimet, nuk i jam dorëzuar kurrë pushtetit të dhunës dhe korrupsionit. Këtë u kam kërkuar dhe do të vazhdoj t’u kërkoj edhe në të ardhmen gjithë përfaqësuesve, kolegëve e kundërshtarëve të mi. Në këtë luftë që e kam zhvilluar me të gjitha fuqitë e mia si në maxhorancë dhe në minorancë, më vjen keq dhe jam i ndërgjegjshëm se ka ende një numër përfaqësuesish në PSSH dhe në politikën shqiptare që abuzojnë me besimin dhe imunitetin politik, të karakterizuar nga mungesa e skrupujve, e principeve dhe e moralit të shërbimit ndaj qytetarëve. Nga këto pozita, edhe në të ardhmen do të jem në krah të të gjithë militantëve të progresit, të kolegëve e simpatizantëve të mi të shumtë si dhe të gjithë faktorëve të tjerë që do vazhdojnë betejat për shfaktorizimin e dhunës si faktor pushteti dhe të korrupsionit si element pasurimi e karriere të paligjshme. Si themelues, drejtues dhe përfaqësues i PSSH dhe i kontributeve të pashlyeshme të saj në jetën e vendit gjatë 15 viteve të fundit, mbetem i përkushtuar dhe i gatshëm për të këshilluar, asistuar dhe mbështetur alternativën dhe njerëzit që do të sigurojnë vazhdimin e reformave evropianizuese në PSSH dhe në Shqipëri, si dhe pastrimin e politikës nga të gjithë ata që abuzojnë me besimin e zgjedhësve. Themelore tani është organizimi i veprimit politik të opozitës për të mbrojtur dhe garantuar të ardhmen e të gjithë shqiptarëve në Evropë. Ky do të jetë dhe angazhimi im jetik në të ardhmen.



Dokle e Dade në garë për nënkryetarin e Parlamentit
Kryesia socialiste: Nano, “Kryetar Nderi” i partisë

Kryesia e PS-së propozon Fatos Nanon për titullin “Kryetar Nderi” i partisë. Pak orë pas dorëheqjes së tij nga posti i kryetarit të PS-së, Nano është propozuar “Kryetar Nderi”, nga sekretari i përgjithshëm socialist, Ruçi, dhe anëtari i kryesisë, Namik Dokle. Disa anëtarë të kryesisë kanë kërkuar që të shtyhet dhënia e titullit për një moment të mëvonshëm, ndërsa shumica ka vendosur që propozimi të miratohet në forumet e tjera si KPD. Dhënia e titullit kryetar nderi i PS-së, duket se i pakëson shanset e Nanos për t’u rikthyer në garën për kryetarin e PS-së. Sekretari i përgjithshëm socialist, Gramoz Ruçi, ka mbledhur kryesinë e partisë ku ka munguar kreu i dorëhequr i saj, Fatos Nano. Për më shumë se katër orë, forumi më i lartë socialist ka diskutuar për kapërcimin e krizës brenda partisë pas dorëheqjes së kryetarit të saj. Debati për dorëheqjen e Nanos ka qenë thelbi i kësaj mbledhjeje, ndërsa pas diskutimit kryesia ka miratuar një deklaratë në të cilën shprehet mirënjohja për kontributin e Nanos në krye të partisë. Kryesia vendosi që sot të mblidhet grupi parlamentar për të vendosur qëndrimin në Parlament dhe për të zgjedhur nënkryetarin e Parlamentit.

Vendimi
Në mbledhjen e djeshme është vendosur që të mblidhet sot grupi i ri parlamentar, ku do të jetë edhe kryesia. Në mbledhjen e sotme të grupit parlamentar do të zgjidhet edhe nënkryetari i parlamentit përfaqësues i PS-së. Grupi parlamentar do të zgjedhë sot midis Namik Dokles dhe Arta Dades për t’i dhënë postin e nënkryetarit të Parlamentit. Ndërkohë që në mbledhjen e djeshme, sekretari i përgjithshëm, Ruçi, i cili ka tashmë atributet e drejtimit të partisë, ka kërkuar nga forumi më i lartë përgjegjësitë maksimale në qëndrimet e tyre që do të vijnë pas dorëheqjes së kryetarit, në mënyrë që të kapërcehet kriza. Pas mbledhjes, në një komunikim me mediat, Ruçi ka përsëritur të njëjtin qëndrim me atë të Nanos, për zgjedhjet e 3 korrikut, duke theksuar se zgjedhjet u manipuluan nga opozita. Në mbledhjen e sotme të grupit parlamentar, socialistët do të vendosin konkretisht për qëndrimin që do të mbajnë në Parlamentin e ri. Për sa i përket zgjedhjes së kryetarit të ri të PS-së, Ruçi ka deklaruar se do të vendosin strukturat e partisë nëse ai do të zgjidhet me parimin “një anëtar, një votë”. “Do të jetë objekt diskutimi dhe vendimmarrje i strukturave të partisë socialiste, të KPD-së dhe të kongresit në periudhën në vazhdim”, tha dje Ruçi.

[Albo]

Reagojnë krerët e partive, Berisha, Gjinushi, Milo, Ceka, Ruçi, Brokaj dhe Balla. “Tani bashkim i së majtës”

Politika, dakord me tërheqjen e Nanos

“Një veprim i pritshëm pas deklaratave që bëri për dorëheqjen”


Blerina Sinani
Të majtët e vlerësojnë si akt pozitiv dorëheqjen e Nanos nga posti i kryetarit të PS-së, pas humbjes në zgjedhje.

Krerët e partive aleate të PS-së thanë dje se, dorëheqja e Nanos ishte e pritshme, pasi ai kishte deklaruar se do të ndërmerrte një vendim të tillë në rast të humbjes së PS-së. Kryesia e PS-së, nëpërmjet sekretarit të përgjithshëm ka vlerësuar mjaft pozitive aktin e dorëheqjes së Nanos, duke deklaruar mirënjohje për kontributin e tij në krye të PS-së. Ndërsa njerëzit brenda PS-së janë ndarë në dy kampe, duke u deklaruar pro dhe kundër Nanos edhe në rastin e dorëheqjes së tij nga posti i kryetarit të partisë. Anëtari i KPD-së, Taulant Balla, shpreh mirënjohjen për kontributin e Nanos në PS, ndërsa Lekë Çukaj e shikon thjesht tërheqje dhe jo dorëheqje nga kreu i partisë deklaratën e djeshme të Nanos për dorëheqje. Nga ana tjetër, nënkryetari i LSI-së, Brokaj, thekson se dorëheqja e Nanos është një kusht i plotësuar në mënyrë që të rritet bashkëpunimi mes PS-së dhe LSI-së, përveç shumë aspekteve të tjera që duhen reformuar në PS. Ndërsa kreu i PD-së ka deklaruar se Nano tashmë është jashtë axhendës së tij.

Sali Berisha
Nuk është në axhendën time qytetari dhe deputeti Fatos Nano, ndonëse e mori me tapi. Nuk kam synuar dhe nuk do të synoj kurrë të bëj kundërshtarin. Eshtë në të drejtën legjitime të anëtarëve të Partisë Socialiste të zgjedhin personin që duan. Në detyrimin tim parimor të respektoj opozitën, t’i krijoj asaj të gjithë hapësirën të ushtrojë autoritetin e saj dhe në mënyrë kategorike, Sali Berisha, nuk përfshihet, nuk është përfshirë dhe nuk do të përfshihet në problemet e brendshme të forcave të tjera politike.

Gramoz Ruçi
“Kryesia e PSSH-së vlerëson dorëheqjen e kryetarit të saj, Fatos Nano, si themelues, drejtues dhe përfaqësues i saj që nga krijimi e deri më sot, si një akt politik sa kurajoz dhe qytetar, po aq edhe të përgjegjshëm dhe largpamës për të ardhmen e forcës sonë politike, si dhe për emancipimin e të gjithë politikës shqiptare. Ky qëndrim i kryetarit të PSSH-së është në përputhje të plotë me moralin dhe filozofinë tonë politike, shprehje e qartë e marrjes së përgjegjësive që na takojnë për situatën e krijuar, pas ardhjes në pushtet të minorancës elektorale, si pasojë e dhunës dhe manipulimit të grupeve agresive të opozitës, që çuan në një rezultat të deformuar dhe në institucione me legjitimitet të cunguar. Dorëheqja nga drejtimi i PS-së të Fatos Nanos, nuk e largon aspak atë nga kontributi i mëtejshëm dhe angazhimi permanent për të nxitur dhe mbështetur proceset që sigurojnë vazhdimin e reformave evropianizuese të vendit, si dhe për të vazhduar filozofinë tonë të ndryshimit dhe pastrimin e politikës shqiptare nga të gjithë ata që abuzojnë me besimin e zgjedhësve. Duke vlerësuar kontributin e madh të Fatos Nanos, PS do të vazhdojë pandërprerë zhvillimin e proceseve demokratizuese në PS, si dhe në të gjithë jetën politike shqiptare, do të sjellë impulse të reja, për të gjithë anëtarët dhe simpatizantët e PS-së, për të gjithë aktorët e progresit. PS do të vazhdojë luftën për çfaktorizimin e dhunës dhe revanshit, si element korrupsioni, karriere dhe pasurimi të paligjshëm.

Skënder Gjinushi
E vlerësoj qëndrimin e tij, pasi tregoi dhe njëherë se e majta është një forcë më e emancipuar. Fatos Nano ka bërë gabime dhe di t’i korrigjojë. Me këtë hap krijohet mundësia që e majta të ndryshojë, të korrigjojë gabimet që çuan në humbjen rastësore, të krijojë marrëdhënie të qëndrueshme, mbi vlera dhe jo mbi klane, të ribashkohet. Tërheqja e tij bën të qartë se ai nuk duhet të rikandidojë sërish për të marrë drejtimin e PS-së kur të zhvillohet Kongresi. Por, politika nuk duhet të shihet vetëm majtas se jemi në prag të ngritjes së një maxhorance të djathtë në minorancë. Kanë bërë faje, por nuk kanë ndryshuar dhe Berisha me deklaratën e sotme tregon që nuk ka një reflektim vitin 1997.

Neritan Ceka
Unë mendoj se dorëheqja e Fatos Nanos nga drejtimi i Partisë Socialiste është një veprim civil. Sigurisht që ia vlen të kujtojmë se s’është i pari. Ajo mbyll një kapitull kur ai drejtoi Partinë Socialiste nga një parti konservatore drejt një partie evropiane. Ky kapitull mbyllet me një humbje, për të cilën përgjegjësia kryesore është e Fatos Nanos. Mendoj se ai nuk duhet të kandidojë sërish për kreun e partisë kur të zhvillohet Kongresi, pasi gjykoj se nëse do ta bënte një veprim të tillë, do të konsiderohet si një aventurier politik.

Paskal Milo
Ishte një veprim i pritshëm pas deklaratave që Nano bëri për dorëheqjen e tij në rast se PS-ja do të humbiste zgjedhjet. Ka bërë përsëri një akt qytetar dhe emancipues, gjë që pak ose aspak e kanë bërë në politikën shqiptare deri tani, sepse është e dyta herë që jep dorëheqjen. Besoj që PS-ja po futet në një periudhë të re të ekzistencës së saj. Nano u përpoq të justifikonte humbjen e PS-së. Përgjegjësia kryesore për humbjen është e tij e shkaqet duhen kërkuar brenda PS-së. Nano duke u larguar duhet të kishte vënë pikat mbi “i”, të dëshmonte me fakte konkrete se cilët nga të ashtuquajturit aleatë i shkaktoi humbjen PS-së, sepse PDS-ja nuk u trajtua si e tillë nga PS-ja gjatë fushatës.

Sabit Brokaj
Fatos Nano bëri atë që duhet të bënte, një veprim i domosdoshëm por edhe i imponuar. Dorëheqja e tij përbën një premisë për ndryshime rrënjësore në PS, pasi aty duhen bërë shumë ndryshime në drejtim dhe struktura, në mendime politike. Në fakt krijohet hapi i parë që PS-ja të bëhet socialiste, pasi Nano me grupin e vet të drejtuesve qeverisës dhe politikë është shmangur nga e majta saqë e bëri të pashmangshme humbjen, se dihet që në cilindo rast që një parti e majtë që përpiqet të zhvendoset djathtas humbet. Nga ana tjetër, mendoj se Nano nuk duhet të kandidojë sërish për kreun e PS-së, pasi do të ishte shkatërrim, humbje e perspektivës së kësaj partie.

Taulant Balla
Fatos Nano meriton mirënjohjen më të sinqertë të shqiptarëve për standardet që ka sjellë në politikën shqiptare dhe në forcimin e demokracisë. Në zgjedhjet e fundit Fatos Nano ka meritën e vendosjes së tre standardeve themeltare: standardin e përkushtimit të pushtetit për të garantuar zgjedhje të lira, standardin e rotacionit të paqshëm dhe normal të pushtetit dhe sigurisht standardin e moralit politik përmes ushtrimit të dorëheqjes. Nga ana tjetër, PS-ja ka si përkushtim ta sajin tashmë ushtrimin institucional të opozitës konstruktive dhe garantimin e ecurisë së ruajtjes dhe konsolidimit të indikatorëve të zhvillimit që u arritën në tetë vjet qeverisje, si dhe të garantojmë integrimin euroatlantik të Shqipërisë. PS-ja ka një kredo të re politike: pastrimin e politikës nga të gjithë ata që abuzojnë me besimin e zgjedhësve. Ne jemi shumë në PS që besojmë në këtë kredo dhe nuk do të lejojmë që në PS apo në politikën shqiptare të sponsorizohen politikisht individë vulnerabil ndaj papastërtisë së figurës.




Fatet e qeverive që kryesoi lideri socialist

Nano, 5 dorëheqje për të mbetur në politikë
Nga 1991 deri dje, të gjitha lëvizjet e liderit të socialistëve

Lideri i së majtës, Fatos Nano, është ndoshta një nga udhëheqësit më të spikatur në Ballkan, i cili në biografinë e tij politike ruan më shumë dorëheqje se askush tjetër që nga viti 1990. Nano, me dorëheqjen e dyfishtë të ditës së djeshme shënon plot pesë të tilla; tre si kryeministër dhe dy si kryetar partie. Kabinetin e parë qeveritar Nano e drejtoi në shkurt 1991, derisa dha dorëheqjen në prill të po atij viti si rezultat i protestave të sindikatave. Gjatë kësaj qeverisjeje, detyrë parësore kabineti i Nanos kishte përgatitjen e zgjedhjeve të para pluraliste, të cilat u fituan nga ish-Partia e Punës. Mandatin e dytë si kryeministër Nano e mori në korrik të vitit 1997, fill pas rikthimit të socialistëve në pushtet pas trazirave në vend. Që nga Sheshi i Flamurit në Vlorë, Nano u pati premtuar shqiptarëve kthimin 100% të parave të humbura në skemat piramidale. Njëkohësisht ai premtoi forcim të institucioneve, luftë kundër krimit e korrupsionit dhe integrim të vendit. Mirëpo, premtimet e tij shteruan rrugës, derisa dy ditë pas vrasjes së liderit të dhjetorit ’90, Azem Hajdari, Nano braktisi qeverinë në drejtim të Maqedonisë. Streha e tij fillimisht ishte e panjohur, derisa Nano u rikthye në detyrë pas disa ditësh kur u rikthye qetësia. Mirëpo si pasojë e presionit publik dhe të opozitës ai dha dorëheqjen. Në krye të qeverisë u vu Pandeli Majko. Mandatin e tretë si kryeministër, Fatos Nano e mori në gusht 2002. Ai e udhëhoqi qeverinë e tij përmes krizash të brendshme dhe dëmtim të imazhit ndërkombëtar për shkak të korrupsionit deri dje, kur ai dha dorëheqjen si kryeministër. Fatos Nano, për herë të dytë ka pranuar rezultatin e zgjedhjeve dhe fitoren e opozitës. Për herë të parë këtë e ka bërë në zgjedhjet e 22 marsit 1992 dhe dje. Lideri socialist, njëkohësisht shumë probleme ka pasur edhe me partinë që ka drejtuar. Dy herë ka dhënë dorëheqjen kryetari i parë i PS-së. Problemet e brendshme të Nanos me partinë filluan në korrik 1996, kur ai, që nga burgu inicioi një lëvizje politike që u quajt “Mocioni për ndryshim”. Kjo lëvizje solli ndryshime në drejtimin e niveleve të dyta të PS-së si dhe krijoi kushtet që në këtë parti të afrohen dhe integrohen njerëz të spikatur nga shoqëria civile. Në shkurt të vitit 1999, Nano dha dorëheqjen nga drejtimi i partisë, pak muaj pasi kishte dhënë dorëheqjen si kryeministër. Në kongresin e zhvilluar në tetor 1999 rizgjidhet kryetar i PS përballë konkurrentit tjetër, kryeministrit të asaj kohe, Pandeli Majko. Në tetor 2001, si kryetar i PS inicion lëvizjen politike “Për Mirëqeverisje” me fokus luftën kundër korrupsionit, abuzimit, trafiqeve dhe krimit të organizuar. Kjo është periudha kur të gjitha debatet e brendshme kulmuan me të famshmen mbledhje të KPD-së. Mirëpo më vonë, në gusht 2002, kur Nano mori një mandat si kryeministër nga presidenti i zgjedhur konsensualisht, Moisiu, ai riktheu në kabinet shumë nga figurat e përfolura për korrupsion. “Katarsisin” e nisur nga Nano e vijoi zbehtë bashkëluftëtari i tij politik, Petro Koçi.

[Albo]

Shkrimi i pare ne kete teme eshte shkruajtur ne 7 Prill, 2003. Fatos Nano dha doreheqjen ne 1 shtator 2005. Ne kohen e shkrimit te artikullit, shume veta e quajten te ekzagjeruar, jashte realitetit, fantazi, etj si keto.

Koha provoi si te vertete cdo presje te atij shkrimi dhe pavaresisht se Fatos Nano dha doreheqjen, renia e tij nuk perfundon ketu.

Albo