Shkëlqimi dhe rënia e shokut Nano

[lis]

Meta: Do të luftojmë botën e krimit

“Ne deklarojmë se do të vazhdojmë të luftojmë pa asnjë kompromis për të gjitha këto fenomene të qeverisjes apo të PS-së, pavarësisht nga kërcënimet e vazhdueshme që kemi nga bota e ndyrë e krimit, të bindur se në këtë betejë kemi me vete opinionin publik dhe gjithë ata që duan një Shqipëri më të mirë dhe demokratike. Dua të siguroj të gjithë shqiptarët, të gjithë socialistët dhe partnerët ndërkombëtarë, se ne të gjithë së bashku do t’i japim fund uzurpimit të PS-së dhe të institucioneve shtetërore”. Ndërkaq Meta ka deklaruar se jeta politike dhe institucionale në vend tashmë është në krizë, ku parlamenti është veçse një pjesë e saj. “Unë ju siguroj se nuk kam ndërmend të largohem nga PS-ja, pavarësisht nga përpjekjet që po bën Nano, pavarësisht edhe nga agresioni i fundit i krimit të organizuar, përkundrazi jam i sigurt se PS-ja do t’i rikthehet vlerave të saja më të mira politike dhe morale, duke u divorcuar përfundimisht me të gjithë përfaqësuesit e botës së krimit, të cilët para dy-tre vitesh, sikurse e thashë, nuk kishin asnjë lidhje me PS-në, por pas diktimit të saj të dytë politik janë hedhur në një agresion të hapur për të pushtuar dhe për të blerë të gjithë strukturat dhe forumet e PS-së”, theksoi ish-kryeministri Meta.



Burimi: "Panorama"

[lis]

Edhe peqinasit na qenkan skrapariote. :d

Akuza e Nanos

Prokurori i Durrësit: Nuk jam nga Skrapari

Prokurori i Rrethit të Durrësit, Ferdinant Elezi, është shtangur kur ka dëgjuar deklaratën e kryeministrit Fatos Nano, i cili e përfshinte si pjesmarrës të një feste të zhvilluar pas vendimit të kolegjit për përsëritjen e zgjedhjeve në Tiranë. I kontaktuar në telefon nga gazeta “Panorama”, ai është shprehur se “deklarata e kryeministrit ka “lajthitje” në objektin që trajton”. Ai e ka hedhur poshtë akuzën duke e argumentuar. “Në radhë të parë unë nuk jam nga Skrapari, por nga qyteti i Peqinit. Në radhë të dytë nuk kam asnjë lidhje, apo njohjen më të vogël shoqërore me personat që kryeministri përmendi në deklaratë, si deputetin Spartak Braho, ashtu dhe Mustafa Muçin. Në radhë të tretë, nuk kam qënë në këtë takim, apo festë siç është quajtur dhe kjo mund të vërtetohet”. Duket se Nano ka ngatërruar personin në këtë rast, pasi nuk përjashtohet mundësia që në festë të ketë marrë pjesë një prokuror i thjeshtë i prokurorisë së Durrësit, por jo Elezi.

[lis]

Kongresi i PS

”Meta nuk do që të kalojë PS-ja në opozitë, sepse do me u ba vet kryeministër”. Duke i konsideruar jo njësoj të gjitha kongreset, ai ka veçuar kongresin e ardhshëm të PS-së si një hap drejt kapërcimit të paradokseve të padurimit

Kryeministri sulmon sërish ish-kryeministrin në konferencën e Korçës. Debate edhe me Ramën

Nano: Meta do të bëhet vetë kryeministër
“Nuk është përgjegjësi e Qeverisë humbja e PS në Korçë”



Korçë

Janë ulur tonet në konferencën e djeshme të PS-së në Korçë, ku kanë qenë përballë tyre rivalët për kryetar të PS-së, Fatos Nano dhe Edi Rama. Kryetari socialist, Nano, ka ulur ndjeshëm tonet me rivalin e tij, Rama, por ka qenë në të njëjtën linjë në akuzat e ashpra ndaj ish-kryeministrit Meta.

Ai është kundërpërgjigjur menjëherë deklaratës së djeshme të Metës, ku ka denoncuar shkarkimin e kreut të Doganave, Kongoli, dhe zgjedhjen e një tjetri. Nano tha se: ”Ilir Meta, pasi ka qarkulluar, pasi këtë di ta bëj mirë, një disinformacion të qëllimshëm në nivele të dyta dhe të treta ambasadash apo zyrash diplomatike të vendeve anëtare të BE-së apo të organizatave që na monitorojnë, del i pari me fraza që ai do të “vrasë” Nanon dhe nuk ka asgjë me PS”, tha Nano. Ndërsa për ato që Meta dhe mbështetësit e tij kanë deklaruar se bëjnë për të mos kaluar PS-ja në opozitë, Nano tha se ai e thotë dhe e dëshiron këtë vetëm për faktin se do të bëhet vet kryeministër: ”Meta nuk do që të kalojë PS-ja në opozitë, sepse do me u ba vet kryeministër”. Duke i konsideruar jo njësoj të gjitha kongreset, ai ka veçuar kongresin e ardhshëm të PS-së si një hap drejt kapërcimit të paradokseve të padurimit. Në përgjigje të kërkesës së Ramës për të legalizuar fraksionet në parti, Nano tha: ”Ne duhet të arsyetojmë dhe të mirëkuptojmë së bashku, që mënyra më e mirë për të filtruar ide, modele dhe eksperienca për të hedhur hapat më të ndjeshëm në reformim, është lubrifikimi dhe riparimi i komunikimit dhe i enëve të komunikimit tonë brenda nesh”.

Nano: Nuk është përgjegjësi e qeverisë humbja e PS
Korça është një ndër bashkitë kryesore ku ka humbur PS-ja në zgjedhjet e 12 tetorit dhe, kjo është prekur në analizën e zgjedhjeve në këtë konferencë. Pasi i është përgjigjur një shprehje të Edi Ramës me nota krahasuese, Nano ka deklaruar se është përpjekur të shkarkojë para socialistëve të Korçës përgjegjësitë e qeverisë për humbjen: ”Pra, nuk duhet tani se për të gjitha humbjet në komuna dhe bashki të PS-së të ketë përgjegjësi vetëm qeverisja dhe për këtë ka hyrë qeveria në krizë, dhe më duket se nuk është kjo analiza e duhur, sipas pohimit të Gim Fagut”, tha Nano. Edhe pse herë pas here i është referuar Ramës, Nano ka synuar të kundërpërgjiget Metës thuajse në çdo frazë: “Unë nuk kam patur dhe nuk mbroj mendimin se bota nis në kufijtë e Korçës, e di se shkoni mirë me skraparlinjtë dhe unë i respketoj ata, por siç thonë, nuk ka shtëpi pa djem planprishës apo, pyll pa... keqbërës”, tha Kryeministri. Akuzave të tij nuk i ka shpëtuar edhe gazetari Blendi Fevziu, të cilin e ka akuzar për bashkëpunim me Metën si mik të këtij të fundit, për të sulmuar Nanon kur ky i fundit është në postin e Kryeministrit: Një ndër kundërpërgjigjet ironike të Nanos ka qenë edhe edhe ajo drejtuar Edi Ramës, kur ky i fundit krahasoi analziat për humbjet e PS-së me kohën kur vetë Rama ishte në ekipin e Partizanit dhe se atje bëheshin analiza vetëm për humbje edhe pse ishte skuadër kampion: ”Ti Edi më përmende Gim Fagun si basketbollist, të cilin unë e kam patur idhull dhe shpresoj të mos e kem humbur si mik. Edhe unë kam pasë lujt basketboll te oborri i gjimnazit dhe kosha bëhen në lartësi të ndryshme. Mund të kesh dorë ose mos kesh, në të gjitha lartësitë. Unë kam qenë i shquar në betejat basketbollistike midis gjimnazeve para 25 vitesh, ku bëja kosha lart dhe mbrapsht. Gim Fagu njihet me kyçin, në këtë pozicion”.



Deklaratat e Nanos

Meta nuk do që të kalojë PS-ja në opozitë, sepse do me u bë vetë kryeministër

Konferenca e sotme e tij për shtyp ka dhënë që ne hoqëm drejtoreshën e Përgjithshme të Doganave për të vërtetuar ato 200 milionë dollarët që i mungojnë Ilirit, ndërkohë që janë më shumë të arkëtuara

Konfidenca e zyrës së Kryeministrit është pjesë e llogarisë së kryeministrit për anëtarësinë dhe ata që përfaqësojnë atë në konferenca dhe kongrese

Biseda ime me Blushin kishte të bënte me diskutimin që po bëjmë sot për reformimin e PS-së



Rama: kryetari te mos nxjerre biseda konfidenciale

Rama : “Teoria e përdorimit të skraparlinjve apo e tropojanëve mua nuk më ka pëlqyer asnjë herë . Do t’i lutesha kryetarit të partisë që të mbyll kapitullin e komunikimit me publikun, nëpërmjet bisedash konfidenciale dhe biseda pune, që zhvillohen në zyrën e tij dhe në zyrat tona, sepse kjo nuk i duhet as shqiptarëve dhe as vlonjatëve “



Kritika Nanos për akuzat ndaj Metës
Rama: Të mos bëjmë asgjësime politike

Edi Rama ka përsëritur dje në konferencën e PS-së së Korçës platformën e tij për bashkimin e PS-së dhe shmangien e luftës mes grupeve dhe individëve brenda kësaj partie: ”Është momenti që këtë situatë aspak të këndshme për partinë ta shfrytëzojmë si një shans dhe të hedhim një hap më tutje në reformimin e partisë, duke institucionalizuar mendimin ndryshe, legalizimin e mendimit ndryshe”, tha dje Rama. Ai ka ritheksuar sërish legalizimin e fraksioneve në PS, si një garanci për reformimin e partisë: ”Njohja e faktit që një parti e madhe ku ka rryma të ndryshme është një parti që garanton më shumë bazë popullore dhe është një parti ku çdo përpjekje për të dalë nga rryma e përgjithshme, duket si një shtrembërim i vijës së partisë. Cilido që mendon ndryshe duhet t’i shpjegojë anëtarësisë çfarë ai mendon ndryshe dhe si e mendon ai. Duhet të jetë anëtarësia e partisë, e cila duhet t’i japë atij mendim, vendin e duhur në konfiguracionin e tyre”, tha Rama dje për debatin e hapur në PS për legalizimin e fraksioneve. Rama është përqendruar gjatë gjithë fjalës së tij në kërkesën e përsëritur për ulje të tensioneve dhe shmangie të akuzave mes Nanos dhe Metës, ku ka përdorur njërën prej akuzave të ditëve të fundit të Nanos për Metën dhe mbështetës të tij në parti: ”Me këto shkëmbime zjarri mes njëri-tjetrit, ne krijojmë idenë se e vetmja gjë që na intereson është asgjësimi politik i njëri-tjetrit dhe harrojmë se popullit shqiptar nuk i intereson fare se cilët janë miqtë e kryetarit të partisë apo cilët janë skraparlinjtë që janë futur në një hotel”. Rama ka prekur gjithashtu edhe një moment të fjalës së Nanos një ditë më parë në Vlorë, ku i ka bërë thirrje Nanso të mbyllë kapitullin e komunikimit në publik, duke përdorur biseda konfidenciale në zyrën e Kryeministrit: ”Do t’i lutesha kryetarit të partisë që të mbyllë kapitullin e komunikimit me publikun nëpërmjet bisedash konfidenciale dhe biseda pune që zhvillohen në zyrën e tij dhe në zyrat tona, sepse kjo nuk i duhet as shqiptarëve dhe as vlonjatëve”. Në këtë rast ai i është drejtuar socialistëve korçarë duke thënë se, “nuk dua ta besoj se kryetari i partisë me këtë përgatiti mosvotimin e Ben Blushit këtu si delegat”, duke lënë kështu të nënkuptuar se një fenomen i tillë me manipulimin e zgjedhjes së delegatëve ka ndodhur edhe në konferenca të tjera të PS-së në rrethe.



Sot Nano, Meta, Meidani e Rama bashkë në konferencën e Tiranës

Konferenca e PS-së Tiranë, që do të zhvillohet sot, mbyll fazën e zhvillimit të konferencave të PS-së për Kongresin e 12 dhjetorit. Sot do të përballen në këtë konferencë tre kandidatët e shpallur për kryetar të PS-së, Fatos Nano, Rexhep Meidani dhe Edi Rama. Ndërkohë pjesëmarrja e ish-kryeministri Meta pritet të ndezë më tepër debatin në sallë. Këto debate të ashpra që priten në këtë konferencë, janë pasojë e faktit që përballë njëri-tjetrit do të jenë Kryeministri dhe kryetari i PS-së, Fatos Nano me kundërshtarin e tij më të fortë në PS, ish-kryeministrin Ilir Meta. Veçanërisht javën e fundit, gjatë pjesëmarrjes në konferenca në rrethe, Nano ka akuzuar mjaft ashpër Metën, ndërsa ky i fundit ka reaguar vazhdimisht me fakte që implikojnë procesin parakongresual. Në konferencën e sotme të Tiranës do të votojnë edhe delegatët për në Kongres, proces të cilit do t’i nënshtrohet ish-kryeministri Meta, deputetja Monika Kryemadhi etj., që bëjnë pjesë në grupin anti-Nano, ku nuk mund të përjashtohet edhe ndonjë surprizë.

Burimi: Gazeta Panorama

[Brari]

KOHA JONE

----------
E Diele, 07 Dhjetor 2003


VETEM FJALET, TE PAMJAFTUESHME

Nga Gavrosh Levonja

Tani kur duhet me pak se nje jave per te mberritur tek kongresi i shumepritur i PS-se, kreu aktual i saj, njekohesisht dhe kryeminister i vendit, Fatos Nano, duket se e ka te siguruar perseritjen edhe te nje mandati tjeter ne krye te forces politike qe drejton prej mese trembedhjete vjetesh. Per te arritur ne kete perfundim mjafton t'u hedhesh nje sy konferencave lokale te PS-se dhe delegateve te dale prej tyre, te cilet pothuajse kudo jane (nanoiste(. Keshtu, perballe tyre jane rrezuar emra te tille si Legisi, Dizdari, Muci, e te ashtuquajtur (metiste( te tjere, anetare dhe te forumeve drejtuese te PS-se te cilet do te jene te detyruar ta ndjekin evenimentin me te rendesishem te partise se tyre, e shumta prane ndonje aparati televiziv. Si pasoje, deshira e nje pjese te PS-se per te pare ne karriken e kryetarit nje figure tjeter duket se do te mbetet per t'u bere realitet ndoshta vetem pas kater vjetesh. Duke lene menjane realitetin ne PS apo aftesite e Nanos, shkak per triumfin e vazhdimesise ne PS jane dhe llogarite e pasakta te sfiduesve te zotit Nano te cilet duket se u mbeshteten vetem tek faktori pakenaqesi qe ka shkaktuar ne masen e socialisteve te thjeshte, paaftesia qeverisese dhe bizantinizmat qe karakterizojne levizjet politike te tij, mpleksur keto dhe me verejtjet e kritikat e vazhdueshme te ardhura nga faktori i jashtem ne adrese te tij. Duke e mbivleresuar nje faktor te tille, Meidani, Rama e te tjere, menduan se (u be deti kos( dhe tani mjafton vetem nje shqelm bytheve per ta fluturuar nga karrigia kryetarin kryeminister. Fakt eshte se ndersa kundershtaret e hershem te Nanos filluan te levizin vetem pas doreheqjes se Ilir Metes nga postet e rendesishme qe kishte ne kabinetin Nano, Meidani apo Rama do te dilnin me platformat e tyre vetem pas perfundimit te zgjedhjeve te 12 tetorit. Sigurisht, nje periudhe e tille kohe, prej me pak se dy muajsh eshte shume pak perballe nje investimi trembedhjetevjecar te Nanos ne PS. Dhe, ndryshe nga Berisha, i cili ne PD ka investuar si te thuash aksionet e veta, per Nanon kane investuar te tjeret, madje dhe ata qe njihen si kundershtare te tij e qe sot po mundohen ta spsotojne nga timoni i PS-se. Lidhur me kete, edhe ajo qe thote Meidani, se (PS e beri Nanon te burgosur politik( nuk eshte larg te vertetes. Detyrimisht pergatitjet per te sfiduar Nanon duhej te kishin filluar shume kohe me pare, kryesisht per te ndryshuar disa raporte ne forumet qendrore e sidomos ne strukturat lokale. Vec kesaj, sfidantet nuk kane pasur parasysh dhe nje faktor tjeter, aftesite e Nanos si politikan duke harruar se ai arriti te mbante partine edhe kur ishte ne burg, se e rimori kater vjet me pare duke filluar nga pika zero dhe se vetem dy vjet me pare arriti te rrezonte Meten, kryeministrin me te suksesshem te periudhes se qeverisjes socialiste. Konkretisht, edhe tani,ne vend qe te leviznin kundershtaret e Nanos, ishte ky ai qe nepermjet levizjeve te tij imponoi rrethana te cilat do ta favorizonin dukshem ne kongresin qe pritej te ishte nje pike kthese. Kjo filloi qe me caktimin e dates se kongresit, e cila u imponua nga Nano ne varesi te interesave te tij. Duke e lene kongresin pas zgjedhjeve lokale, Nano arriti qe kritikat kunder tij te fashiteshin per hir te fushates elektorale duke bere qe jo vetem zemerimi i masave socialiste te orientohej ne adrese te Berishes, por edhe ata qe do te leshonin ndonje fjale kunder kryetarit, te etiketoheshin pa shume kortezi si (vegla te doktorit(. Duke mos u mjaftuar me kete, Nano, do te sajonte dhe lojen me firmat e KPD-se qe do t'u kerkoheshin sfidanteve per te marre pjese ne konferencat lokale te partise, gje qe favorizonte dukshem Nanon. Jo vetem qe ky si kryetar nuk i kishte te nevojshme firmat ne fjale per te marre pjese ne konferenca, por kepedeistet te trembur se mos e shihnin veten jashte ketij forumi pas kongresit, do te nguronin te firmosnin per sfidantet, Meidani apo Rama. Perballe gjithe ketyre levizjeve, predikimet moralizuese te Meidanit e Rames apo sulmet e Metes do te rezultonin te pamjaftueshme. Ne kete aspekt duhet pasur parasysh dhe te qenet e Nanos kryeminister i vendit. Le te kujtojme se shume nga drejtuesit servile te PS qe tani mbeshtesin Nanon, deri dy vjet me pare kishin bere kauze te perbashket me Meten per ta hequr qafe kryetarin, Nano, te cilin kandidati kryebashkiak, Rama e cilesonte si (Robert Camcakizi( gje te cilen, ai i a mban vath ne vesh pa pertuar t'ia ktheje reston pak dite me pare duke aluduar me terma te tilla si (anarkiste(, (epileptike(. Se fundi, duke shpresuar ne impaktin qe (bemat( e Nanos kishin mbi ate qe quhet baze e partise, sfidantet harruan se kjo eshte teresisht jashte loje. Sa per strukturat lokale te PS, keto jane vetem disa minikupola, ku veprojne te njejtat ligje e lufte klanesh si ne KPD apo kryesine e PS-se. Ato qe ndodhen ne konferencat lokale te PS-se te cilat kulmuan me caktimin e delegateve treguan se ato qe thuhen lidhur me te ashtuquajturin reformim apo demokratizim te PS-se jane lojera fjalesh e formula bajate qe mund te krijojne iluzione vetem tek ndonje naiv i cili nenvlefteson trashegimine enveriste te PS-se.

E Diele, 07 Dhjetor 2003


VETEM FJALET, TE PAMJAFTUESHME

Nga Gavrosh Levonja

Tani kur duhet me pak se nje jave per te mberritur tek kongresi i shumepritur i PS-se, kreu aktual i saj, njekohesisht dhe kryeminister i vendit, Fatos Nano, duket se e ka te siguruar perseritjen edhe te nje mandati tjeter ne krye te forces politike qe drejton prej mese trembedhjete vjetesh. Per te arritur ne kete perfundim mjafton t'u hedhesh nje sy konferencave lokale te PS-se dhe delegateve te dale prej tyre, te cilet pothuajse kudo jane (nanoiste(. Keshtu, perballe tyre jane rrezuar emra te tille si Legisi, Dizdari, Muci, e te ashtuquajtur (metiste( te tjere, anetare dhe te forumeve drejtuese te PS-se te cilet do te jene te detyruar ta ndjekin evenimentin me te rendesishem te partise se tyre, e shumta prane ndonje aparati televiziv. Si pasoje, deshira e nje pjese te PS-se per te pare ne karriken e kryetarit nje figure tjeter duket se do te mbetet per t'u bere realitet ndoshta vetem pas kater vjetesh. Duke lene menjane realitetin ne PS apo aftesite e Nanos, shkak per triumfin e vazhdimesise ne PS jane dhe llogarite e pasakta te sfiduesve te zotit Nano te cilet duket se u mbeshteten vetem tek faktori pakenaqesi qe ka shkaktuar ne masen e socialisteve te thjeshte, paaftesia qeverisese dhe bizantinizmat qe karakterizojne levizjet politike te tij, mpleksur keto dhe me verejtjet e kritikat e vazhdueshme te ardhura nga faktori i jashtem ne adrese te tij. Duke e mbivleresuar nje faktor te tille, Meidani, Rama e te tjere, menduan se (u be deti kos( dhe tani mjafton vetem nje shqelm bytheve per ta fluturuar nga karrigia kryetarin kryeminister. Fakt eshte se ndersa kundershtaret e hershem te Nanos filluan te levizin vetem pas doreheqjes se Ilir Metes nga postet e rendesishme qe kishte ne kabinetin Nano, Meidani apo Rama do te dilnin me platformat e tyre vetem pas perfundimit te zgjedhjeve te 12 tetorit. Sigurisht, nje periudhe e tille kohe, prej me pak se dy muajsh eshte shume pak perballe nje investimi trembedhjetevjecar te Nanos ne PS. Dhe, ndryshe nga Berisha, i cili ne PD ka investuar si te thuash aksionet e veta, per Nanon kane investuar te tjeret, madje dhe ata qe njihen si kundershtare te tij e qe sot po mundohen ta spsotojne nga timoni i PS-se. Lidhur me kete, edhe ajo qe thote Meidani, se (PS e beri Nanon te burgosur politik( nuk eshte larg te vertetes. Detyrimisht pergatitjet per te sfiduar Nanon duhej te kishin filluar shume kohe me pare, kryesisht per te ndryshuar disa raporte ne forumet qendrore e sidomos ne strukturat lokale. Vec kesaj, sfidantet nuk kane pasur parasysh dhe nje faktor tjeter, aftesite e Nanos si politikan duke harruar se ai arriti te mbante partine edhe kur ishte ne burg, se e rimori kater vjet me pare duke filluar nga pika zero dhe se vetem dy vjet me pare arriti te rrezonte Meten, kryeministrin me te suksesshem te periudhes se qeverisjes socialiste. Konkretisht, edhe tani,ne vend qe te leviznin kundershtaret e Nanos, ishte ky ai qe nepermjet levizjeve te tij imponoi rrethana te cilat do ta favorizonin dukshem ne kongresin qe pritej te ishte nje pike kthese. Kjo filloi qe me caktimin e dates se kongresit, e cila u imponua nga Nano ne varesi te interesave te tij. Duke e lene kongresin pas zgjedhjeve lokale, Nano arriti qe kritikat kunder tij te fashiteshin per hir te fushates elektorale duke bere qe jo vetem zemerimi i masave socialiste te orientohej ne adrese te Berishes, por edhe ata qe do te leshonin ndonje fjale kunder kryetarit, te etiketoheshin pa shume kortezi si (vegla te doktorit(. Duke mos u mjaftuar me kete, Nano, do te sajonte dhe lojen me firmat e KPD-se qe do t'u kerkoheshin sfidanteve per te marre pjese ne konferencat lokale te partise, gje qe favorizonte dukshem Nanon. Jo vetem qe ky si kryetar nuk i kishte te nevojshme firmat ne fjale per te marre pjese ne konferenca, por kepedeistet te trembur se mos e shihnin veten jashte ketij forumi pas kongresit, do te nguronin te firmosnin per sfidantet, Meidani apo Rama. Perballe gjithe ketyre levizjeve, predikimet moralizuese te Meidanit e Rames apo sulmet e Metes do te rezultonin te pamjaftueshme. Ne kete aspekt duhet pasur parasysh dhe te qenet e Nanos kryeminister i vendit. Le te kujtojme se shume nga drejtuesit servile te PS qe tani mbeshtesin Nanon, deri dy vjet me pare kishin bere kauze te perbashket me Meten per ta hequr qafe kryetarin, Nano, te cilin kandidati kryebashkiak, Rama e cilesonte si (Robert Camcakizi( gje te cilen, ai i a mban vath ne vesh pa pertuar t'ia ktheje reston pak dite me pare duke aluduar me terma te tilla si (anarkiste(, (epileptike(. Se fundi, duke shpresuar ne impaktin qe (bemat( e Nanos kishin mbi ate qe quhet baze e partise, sfidantet harruan se kjo eshte teresisht jashte loje. Sa per strukturat lokale te PS, keto jane vetem disa minikupola, ku veprojne te njejtat ligje e lufte klanesh si ne KPD apo kryesine e PS-se. Ato qe ndodhen ne konferencat lokale te PS-se te cilat kulmuan me caktimin e delegateve treguan se ato qe thuhen lidhur me te ashtuquajturin reformim apo demokratizim te PS-se jane lojera fjalesh e formula bajate qe mund te krijojne iluzione vetem tek ndonje naiv i cili nenvlefteson trashegimine enveriste te PS-se.

--------------------

[raku]

Shekulli

Kongresi, Nano humb Tiranën

Dritëro Agolli dhe Edi Rama, më të votuarit. Nuk fitojnë Barçi dhe Harasani

Darina Tanushi

TIRANË – Konferenca e socialistëve të Tiranës ka votuar më shumë kundërshtarë të Kryeministrit Nano për delegatë në kongresin e 12 dhjetorit. Pas rezultateve të shpallura dje pasdite, nga komisioni i votimit të kësaj konference dhe nga burime të PS-së së Tiranës mësohet se shumica e të votuarve për delegatë janë kundërshtarë të Kryeministrit dhe kryetarit socialist Fatos Nano, ndryshe nga ç’është vënë re në konferencat lokale të PS-së. Dritëro Agolli ka qenë më i votuari i listës së gjatë të 54 delegatëve, i ndjekur menjëherë nga kryetari i Bashkisë së Tiranës dhe njëri prej kandidatëve për postin e kreut të PS-së Edi Rama. Pas tij vijnë me radhë kreu i PS-së së Tiranës Musa Ulqini dhe drejtues të tjerë të kësaj dege. Në listën e delegatëve është votuar edhe kandidati tjetër, ish-presidenti Rexhep Meidani, si dhe deputetët e Tiranës Anastas Angjeli, Monika Kryemadhi dhe më pas vijnë edhe shumë nga përfaqësuesit e FRESSH-it. Nga ana tjetër, në një listë të veçantë, pjesëmarrësit në konferencë kanë votuar veçmas edhe tre anëtarët e kryesisë së PS-së së Tiranës, Ermelinda Meksi, Spartak Poçi, Ethem Ruka, ku më e votuara ka qenë zv/kryeministrja Meksi, e cila nga të gjithë të pranishmit ka marrë vetëm 18 vota kundër. Burimet nga konferenca e Tiranës thanë për “Shekullin” se Edi Rama ka pasur mbështetje nga të dy krahët në sallë, duke qenë i përcaktuar për t’u votuar edhe në listën e përkrahësve të kryetarit Nano. Kjo gjë me sa duket nuk ka ndodhur me Meidanin, i cili është votuar më së shumti nga kundërshtarë të kryetarit, por kjo nuk e ka dëmtuar aspak atë. Procesi i votimit ka zgjatur për rreth 12 orë pa pushim. Po sipas burimeve nga brenda konferencës bie në sy humbja në votim e njerëzve më të afërt të Kryeminsitrit Nano, siç është shefi aktual i kabinetit të tij në Partinë Socialiste Emin Barçi, apo edhe drejtori i KESH-it Andis Harasani, i cili u pranua pak kohë më parë si anëtar i PS-së në Tiranë. Ndërkohë që është zgjedhur delegat edhe ish-shefi i SHISH-it Fatos Klosi, edhe ai i anëtarësuar së fundi në PS, menjëherë pas lënies së detyrës. Vetë kryetari Fatos Nano dhe ish-kryeministri Ilir Meta nuk do të jenë delegatë të Tiranës, pasi ata janë votuar në zonat e tyre elektorale, përkatësisht në Tepelenë dhe në Skrapar. Në listën e delegatëve vihet re gjithashtu se të gjithë kryetarët e minibashkive janë votuar për delegatë në kongresin që do të mbahet ditën e premte. Një nga kriteret e përzgjedhjes së delegatëve ka qenë pikërisht fakti që ata të jenë të votuar nga strukturat socialiste. Ajo që ka rënë në sy gjatë procesit të numërimit të votave ka qenë numri i madh i fletëve të votimit të pavlefshme. Kjo shifër, sipas burimeve, arrinte në rreth 140 të tilla. Sipas drejtuesve socialistë të qytetit të Tiranës 390 delegatë kanë votuar për 54 delegatë që do të shkojnë në kongresin e 12 dhjetorit, ndërkohë që fleta e votimit ka pasur 108 emra delegatësh, pra dyfishin e atyre që duhej të votoheshin. Kjo, sipas anëtarëve të komisionit të votimit, ka sjellë edhe shkakun që shumë prej fletëve të votimit kanë dalë të pavlefshme, pasi fleta quhej e vlefshme kur është votuar për 54 emra dhe jo për më pak apo më shumë se kaq.

[Albo]

Edhe plaku qe ne 1991 dezertoi vijen e Partise Meme ne kongresin e fundit te PPSH dhe ne te njejten kohe, kongresin e pare te PS, del kunder kryetarit Nano.


Shkrimtari i njohur h shpreh dje se Kongresi do të sjellë ndryshime në KPD dhe Kryesi

Agolli: “Nano- frikë nga konkurimi”

“Po të isha unë kryetar, do t’i merrja rivalët në presidium, nuk do t’i shaja”

Darina Tanushi

TIRANË – Dritëro Agolli, shkrimatri i njohur dhe një nga socialistët më të vjetër, ka qenë dje më i votuari në listën e delegatëve të konferencës së PS-së së Tiranës. Ai është shprehur se këtë e ndien si detyrim ndaj të rinjve dhe drejtuesve të PS-së. Ndërkaq ai është shprehur se nuk është pjesë e asnjë krahu në PS dhe se i vlerëson të tre kandidatët për postin e kryetarit të PS-së.
Zoti Agolli, si e vlerësoni faktin që ju jeni më i votuari në listën e delegatëve në konferencën e PS-së së Tiranës?
Ç’është e vërteta, unë këtë votim e ndiej më shumë si një detyrim, jo vetëm ndaj Partisë Socialiste, por në përgjithësi edhe ndaj njerëzve me karrierë, veteranëve, dhe unë jam në një moshë të vjetër. Pra, e ndiej një detyrim ndaj të rinjve dhe ndaj të gjithë drejtuesve. Unë gëzohem që njerëzit më respektojmë dhe më nderojnë. Unë nuk jam ndonjë apasionant i madh ndaj këtyre rivalëve, ndaj kandidatëve. Unë çmoj vetëm një gjë: që në konferenca të jenë të barabartë dhe të respektojnë njëri-tjetrin, prandaj dhe nuk kam marrë shumë pjesë në diskutime dhe në dhënien e mendimeve se ndaj cilit anoj. Unë respektoj vetëm diskutimin dhe në diskutim, meqë pranohen si kandidatë për të bërë garë elektorale, duhet të respektohen. Po të isha unë kryetar partie, në të gjitha konferencat këta rivalë do t’i merrja në presidium, sepse nuk do të kisha frikë nga konkurrimi dhe nuk do të thosha asnjë fjalë të keqe. Nuk do t’i thosha atij që ti ke qenë kështu apo ashtu, por do të thosha vetëm se unë kam këtë mendim se si mund të ecë përpara Shqipëria. Nga kjo anë, unë nuk jam një njeri që të fluturoj në erë, sepse jam shkrimtar dhe puna ime më e mirë, më e nderuar është të shkruarit. Unë nuk jam një politikan specialist, pra specialist i politikës, dhe më shumë kam pasionin e letërsisë, por më bëhet qejfi që njerëzit më vlerësojnë. Kushdo që të jetë, i bëhet qejfi për këtë. Partia Socialiste është një parti përparimtare, një parti që di t’i vlerësojë njerëzit, pavarësisht nga lufta e brendshme, nga konfliktet, nga të gjitha këto.

Zëra brenda konferencës së Tiranës thanë dje se në listën e kandidatëve ka më shumë kundërshtarë të kryetarit Nano. Si e shpejgoni këtë fakt?

Unë nuk e di këtë, sepse nuk i di opinionet e tyre. Unë shoh vetëm që janë emra të dëgjuar këta që janë të votuar, nuk janë anonimë. Pak ka njerëz që nuk njihen, por në përgjithësi janë njerëz të njohur dhe nuk ka rëndësi ajo se të cilës anë janë. Unë e thashë që në fillim se i marr kandidatët të barabartë dhe vota do të vendosë edhe në Kongres.

A keni ndonjë konsideratë për secilin nga tre kandidatët?

Unë që të tre këta i çmoj dhe kam opinionin më të mirë, për Nanon, Ramën, Meidanin. Që të tre janë edhe shokët e mi, por janë edhe njerëz publikë. Nuk janë njerëz të panjohur. Janë njerëz të zotë, njerëz që mendojnë për përparimin e vendit.

Si më i vjetri në Partinë Socialiste, mendoni se do të sjellë ndryshime thelbësore ky kongres, kryesisht në drejtimin e partisë?

Çdo kongres ka ndryshime, sepse do të vijnë njerëz të rinj në komitetin drejtues, në kryesinë e partisë, sepse drejtimi është kolektiv, është një forum i tërë. Nëse do të merreshim vetëm me një njeri, do të binim në kultin e individit. Unë e shoh ndryshimin vetëm në cilësinë e Komitetit Drejtues dhe në kryesinë e PS-së. Këtë çmoj si cilësi dhe jo emra të veçantë.

[kundraRRYMES]

Ore a nuk e keni kuptuar qe Z Nano eshte personi me i pranuar ne krye te PS ne shqiperi ne kete moment.
Ke doni tju vije banda e Skraparit, me Meten ne krye apo doni tju vije 2K ne fuqi dhe te na behet edhe njehere e nje kohe si VEFA.

[D&G Feminine]

Aman vetem bandat e skraparit (tamam e ke thene) jo me, se kur qe Meta nuk la shef e drejtor pa hequr e pa vene skraparllijnte e vet. Ne me verte jemi shoqeri klanore, po klani i Metes eshte si ne kohen e bashkesise primitive.

[Brari]

g55

---------

Pushtetari" Me leje shoku Fatos, të vjedh sot unë?

Fatosi "Vidh, po jo që të ma kalosh mua|!

Që pushtetarët e zyrtarët e qeverisë Nano kur vjedhin i marrin leje shokut Fatos, këtë nuk po e them unë. Këtë e tha shoku i tij i bllokut dhe i partisë, si të asaj që ishin dhe të këtyre që janë mynafiki Skënder Et'hem Gjinushi. Të habit logjika e "hekurt"e profesor Gjinushit, megjithëse e quan veten të "ndershëm" dhe të "kulluar" në punë aferash e trafiqe gomonesh, e më the të thashë dhe këto nuk po i them unë, po ia tha çuni i Thanasit, shoku Fatos vetë. Atëhere përse Gjinushi sillet e nga sillet e në një hu nuk lidhet, kërkon prapë që të zërë një vend në qeveri të Nanos" Gjinushi e shan Nanon e bën leckë topi, por një vrimë për të hyrë e lë hapur në "familjen" e sallakëve ( të majtë). E lë vrimë hapur Kenua, sepse e ndien se po afrojnë zgjedhjet e përgjithshme dhe e di Kenua se pa patericat e Nanos nuk e kalon dot gardhin për të hyrë në kuvend. Eshte mynafik ( i djallëzuar) i madh Kenua, ai dihet se nuk e do Nanon, sepse "figura e Nanos e errëson atë të tijën ( paçka se të dy nga 155 cm janë) por Gjinushit i duket se i bën hije. Nejse, ata të dy kokat le të hanë, fjalën e kemi te leja që u ka dhënë Nanua KESH-it dhe Telekomit që të na vjedhin mirë në këtë fund dimri. Kushua i Nanos ai që zëvendësoi kanakarin e Tosit, Dhimitër Fatin, Apostol Noti, na tha një gjë që ne nuk e dinim gjer më sot se Tolin ( Apostolin) na e paska urdhëruar direkt "Romano Prodi" dhe "Havier Solana" që të na rritka çmimet e impulseve se rritja e impulseve na afroka me Europën!! Çudi e madhe! Prandaj shoku Noti i ka bërë rrogat e tij dhe të vartësve të tij dhe një çikë më të mëdha se sa rroga e Europianëve. More Apostol si nuk u the europianëve se ata xhepa shpuarit tanë nuk e kanë pagën sa një qytetar i Europës, por marrin një dollar në ditë? Si nuk u tha europianëve se akoma është larg "Lushnja nga Karbunara". O shoku Apostol mos të ka thënë gjë Tosi ty rrit çmimin e impulseve se na duhen lekë për kongresin, se ato që patëm i mbaruam dhe na duhen të tjera? Po KESH kodoshi që na i rriti çmimin e një KW orë energjie, por uli dhe tavanin nga 300 në 220 kw ( që u shembtë tavani e i zëntë brenda) Po Andis Llacit ( Harasanit) kush i tha të rrisi çmimin e një kw e të ulë tavanin e pagimit gjer në 220 kw. "Bushi apo "Kofi Anani"? Jo more jo që të dyve u ka dhënë leje për të vjedhur çuni i Thanas Nanos. Këtë e tha me gojën plot çuni i Ethemit të Gjinushajve, dhe kur e thotë ai është e vërtetë, sepse janë të një shkolle një "****" PPSH i ka nxjerrë nga një bark dhe ja dinë deri në një kodoshllëqet njëri tjetrit ata. Vetëm një gjë mos harroni zotërinj 420 se jeni bërë si uthulla e fortë, jeni bërë si acid në trupin e shqiptarëve. Mos harroni uthulla e fortë prish enën e vet.

Bujar Orizaj



--------------------------------------------------------------------------------

Si na gënjeve mos shoqja Vali?!

Në një konferencë për shtyp, shoqja Vali Leskaj, ministre e të papunëve, por dhe e atyre që punojnë, tha motamo: Te jeni të bindur se nuk do të ketë vonesa dhe ju garantoj si unë si dhe drejtori i ISSH, shoku Ilir Beqja se efekti financiar dhe pensionet do t'i merrni më 1 dhjetor e asnjë ditë më tutje!" ( Këtë siguri e ka shkruar të zezën mbi të bardhë edhe Orion Braçe në "Zheminzhinbaon" që boton sot e 61 vjet me radhë që nga koha e kanibalit legjendar. Le të thonë po desh në daçVali në daç Erioni se po gënjej e po shpif, ju them shikoni një nga numrat e muajit nëntor, aty nga fundi më duket. Po po vjen mesi i muajit dhjetor dhe lekët nuk i kemi parë me sy. Të vjen çudi të mendosh se tërë soja e socialistëve qenkan të një kallëpi. A nuk tha Fatosi se do t'ua jap barnat pa pagesë? Po ç'ndodhi? Opingën e Sheros morën pa para. Po i paguajmë si frengu pulën me para në dorë. Po si qenkan të tërë njëlloj këta maluketër! A nuk thanë në zgjedhjet e para se "nesër do të jetë më mirë!" Po ç'ndodhi? E pritëm më kot atë të nesërmen e shkretë po ajo nuk erdhi? Jo vetëm që nuk erdhi po është larguar dhe ca më shumë. Të tërë e dimë se të nesërme nuk ka kurrë, sepse nuk vjen kurrë! Po më vonë a nuk nxorri një llaf tjetër Fatos Nano"? Për një Shqipëri që ndryshon" llaf që zëvendësoi atë të Edi Ramës, "Voto për punën tonë". Si njëra si tjetra janë vetëm demagogji e tym për të dehur mendjet e regjura të militantëve që nuk duan as bukë e as punë, por vetëm t'u rojë kryetari me mjekër. Po shoqja Vali si na gënjeu. Goxha grua e goxha mami nga Tepelena të gënjejë ditën për diell. Ne kujtuam se shoqja simite elbasani do ta mbante fjalën ashtu siç e mbajti atëhere kur dërgoi miell për të blerë vota. Por jo këtë radhë i "bëri dredha plumbit". E po të gënjente goxha grua, kurrë nuk do ta besoja. Shoqja Vali me lekët që do të na shtojë kishim menduar të paguanim "taksën Noti" të telekomit por ti nuk na e dhe? Tani jemi të detyruar që t'i paguajmë me kamatë dhe me të drejtë se ka rregulla shteti juaj pa tjegulla. Po ti lekët që na ke borxh që nuk na i dhe më 1 dhjetor a do të na i japësh me kamatë, sepse i ke përdorur për interesa të shtetit hajdut. Po si nuk ndejtët një herë pa gënjyer e pa vjedhur. S'ke ç'i bën, ujku vetëm lëkurën ndërron, po zakonin kurrë nuk e harron. Tani po i thërrasim mendjes që të besuam se do të merrnim paratë që na shtuat. Ju besuam se harruam që Shqipëria ka ndryshuar vërtet. A nuk janë shtuar orët e errësirës? A nuk janë shtuar të pa punët? A nuk janë shtuar trafiqet e kondrabandat nëpër dogana. A nuk po ndryshohen drejtorët e rendit dhe të doganave për "punët e mira që kanë bërë" A nuk ka ndryshuar Ilir Meta nga numri 2 i qeverisë në numrin 1 të vjedhjeve e trafiqeve ( sipas fjalëve të Nanos). A nuk ka ndryshuar vetë kryeministri nga numri 1 i partisë dhe qeverisë në numrin 1 të mafias, ( sipas Ilir Metës) A nuk ka ndryshuar vetë PS nga një bashkim vullnetesh të lira, në një repart vullnetesh të ndrydhura. Ja kjo është Shqipëria që po ndryshon. Na për pak harruam, a nuk po ndryshon shoku Fatos nga një njeri që nuk ka shtypur një plesht në një njeri që ka shtypur një njeri që ka qenë anëtar i PS ( kjo sipas KJ dhe Nikollë Lesit) E ç'ta zgjas moj shoqja Vali ti je një gënjeshtare e mashtruese si tërë shokët e partisë tënde. Ti çdo të bësh tani pasi nuk e mbajte fjalën. Po të lemë ty vetë që të zgjedhësh.

Bujar Orizaj,

[Shkelqesia_E_Tij]

Shoke forumista nuk jemi as ne mbledhje celule as ne ate te shtabit te pergjithshem mos e haroni kete Jemi ne nje forum ku mund te shprehim mendimin ton demokrat :

Albo Redi Brari jeni nje trinitet qe une nuk e di ku i gjeni frymezimin ne ato qe ben apo jo Z Nano sipas jush ...

Me thoni Ju zoteria Juaj cilin do shani pas Nanos ate qe do vij ne Krye te PS? Kujt do ja atribuoni ironine dhe mungesen e llogjikes ne gjykimet tuaja...??

Keni parasysh nje gje Se nqs do te kritkosh dike mos u nisni nga te qenit Demokrat me fjale forumiste te dashur por ate cka ju jep dhe ju mes sot Pushteti tregojeni si ndodh realisht jo me ngjyrime Politike... bjeri ti biem se eshte i PS ????

e pra Albo Redi &Co ka nje rruge te vetme ku mund te nxirni ne pah mendimet e vertata te thena prej jush Ajo e mosshenjterimit dhe pseudo "politika" qe mundoheni te servirni ne kete forum...se kjo eshte tallje per forumin zoterinj... pasi nje popull e di ca po heq nga kjo politike e ndyre qe ben i madhi Pushtet sot dhe nje popull i ka akoma plaget e '97 hapur..ndaj mos u ulni para nje kompjuteri dhe tregoni zotesine tuaj me nje oratori cinike dhe nihiliste per ate cka ka ndodhur ndodh e do te ndodhi ne ate ardhmen e vendit tone....


psuptoj njeri pse i duhej Politika ate tha dhe Sokrati por u denua me Vdekje...