Shkëlqimi dhe rënia e shokut Nano

[Albo]

Koha Jone, i shkruan Nanos:

NANO, IK !

Kryeministri eshte shkurorezuar plotesisht. Edhe ate pak veladon me te cilin mbulohej, ne kete muaj te ftohte ia hoqen dje perfaqesuesit e Bashkimit Europian, te cilet e kritikuan qeverine per ngadalesimin e reformave dhe i kerkuan qe te zevendesoje urgjent dy ministrat qe jane bosh, ministrin e jashtem dhe ate te Rendit Publik. Pas shuplakes qe i dha Edi Rama parmbreme ne emisionin e Blendi Fevziut, kryeministrit i erdhi dhe nje goditje ballore nga perfaqesuesit e Bashkimit Europian, goditje e cila e ka rrezuar plotesisht mandatin "Nano 5". Kacafytjet e gjata qe prej dhjetorit 2001 ne seline roze nuk kane sjelle asnje efekasitet ne administrimin e votes se popullit dhe ne realizimin e premtimeve elektorale. Situata ekonomike eshte ne renie, papunesia ne rritje, anarkia po shtohet dhe te gjitha keto bien ne kurrizin e njerezve te thjeshte, te cilet perhere votojne dhe enderrojne per nje qeverisje me te mire. Nderkohe qe mazhoranca ka mbi dy vjet qe vetem shamatohet mes vetvetes, a thua se jane nje stan me ujqer apo me sakte nje tufe grerezash ambicioze. Socialistet, realisht, mbajne mend vetem dy vitet e ish-kryeministrit Meta qe mund te quhen qeverisje efektive, ku u bene rruge dhe ku mori nje drejtim pozitiv ekzekutivi.

Me pas, me ardhjen e Nanos per te pesten here ne krye te Ekzekutivit, fitoi vetem nje grupim nepotik, njerez te lidhur me familjen Nano dhe bashkeshorten e tij Xhoana. Te tjeret u perdoren per te duartrokitur dhe spiunuar. Asnje meter rruge e negociuar ne kohen e Nanos nuk eshte firmosur. Edhe kur flet per "hambaret plot te Shtetit", zoti kryeminister me sa duket ka parasysh magazinat e tij personale dhe te firmes se, Xhoanes, ambjente qe jane mbushur plot e perplot me dollare, aq sa nuk i mjafton toka, por i duhet dhe ajri me shoqerine "Albacopter". Zoti Nano kishte shansin e tij te fundit per t'i bindur shqiptaret se di te qeverise. Bile mund te shtojme se muajt e kesaj qeverie kane qene muajt me te qete te 12 viteve te pluralizmit, pasi kishte dhe nje marreveshje te fshehte Nano- Berisha, e cila here-here behej publike e nganjehere prishej ne parlament per t'u kthyer tek pazaret e fillimit. Nga pikepamja e opozites zoti Nano ka qeverisur i patrazuar, ashtu sikurse i ka ndodhur me te padrejte ne vitet e tjera. Ne te gjitha qeverite e ketyre viteve te pluralizmit, ashtu sikurse ndodh shpesh ne boten e qyteteruar qeverite bien nga opozita.

Ndersa me zotin Nano kete radhe po ndodh e panatyrshmja, por e zakonshme per te. Ai po bie nga vetvetja. Sarkastike eshte kjo qe po ndodh me mazhorancen e sotme, porse pikesepari eshte vete zoti Nano burimi i konfliktit ne PS. Si asnjehere ne keto vite ai u be ne keto muaj njeriu i dhunes verbale, i presionit dhe shantazhit, i lidhur me pjee te krimit ekonomik e mafioz qe mbizoteron ne Ballkan. Ne vend qe te ofronte talentet e administrimit te Shtetit, qofshin socialiste apo demokrate, kryeministri ende ne detyre, solli shpuren e eunukeve ekzekutive, te cilet u turren duke i bere temena familjes "mbretnore socialiste", pra Nano-Xhoit. Ne vend qe te conte ne prokurori te gjithe ato deputete apo ish-ministra, ministra, politikane, te cilet i akuzoi gjate fushates per marrjen e pushtetit ekzekutiv beri te kunderten; shtoi thesin ne gunen e parave per familjen e tij, e cila e shikon Shqiperine si atdheun e dyte! Zoti Nano pati kohen, mundesine dhe levat per te bere nje administrim perfekt te shtetit. Presidenti i Republikes nuk e ka trazuar, madje u konvertua here pas here ne nanoist i fshehur nga salist i publikuar. Nderkohe qe me shume sherbime bente ne rolin e pare se sa ne te dytin. Si salist publik, vetem mesazhe, fjale te mire dhe asgje me shume. Ndersa si nanoist i fshehur, ai dha gjoja fryte ne sherbim te mazhorances, qe nga KQZ, e deri tek Kryekontrollorja e pasurive te paligjshme.

***

Por kryeministri-kryetar nuk deshi te jepte shenjat e fillimit te shtetit te se drejtes. Ai u miklua nga eskorta e theseparase qe vinte nga bregdeti dhe perfundonte tek restorant "Piaza", ku pijet mbretnore vinin, piheshin dhe taverna degjeneronte si ne ishullin e Madagaskarit, ne jug te Afrikes. Socialistet e thjeshte jane ata qe kane mbajtur mbi shpatulla pushtetin e Berishes ne vitet `92-'97 dhe qe aspirojne per nje jete me te mire. Socialistet shkojne dhe brohorasin neper konferenca partie, a thua se gjithcka u shkon ne rregull. Ata ende shpresojne se mos ndofta kthesa e liderit te tyre do te jete per mire. Por sa here i duhen votat e anetareve te PS-se zoti Nano "mbath opingat". Sapo iu merr voten dhe pushtetin e votes se tyre, teksa rrekellen xhin ne restorante te shtrenjta, thote: "fshataret e dreqit, duan dhe leke!". Zotit Nano, me sa duket, i ka ardhur koha te largohet. Tu leshoje vendin te tjereve, te cilet duan ta mbajne PS-ne ne pushtet, ndersa zoti Nano i lodhur nga mbipushteti ka filluar te shprehet ne mjediset nanoiste se: "do ti coje ne opozite dhe se vete do te bredhe si kryetar i opozites". Mire qe Nano na ka edhe imunitet parlamentar dhe politik, por ata dhjetra mije anetare te PS-se ku do ta marrin imunitetin, nderkohe qe nuk kane as te hane dhe asnje shans te rregullojne mireqenien e tyre? A mendon zoti kryetar - kryeminister se c'do te ndodhe me simpatizantet e PS-se?

Edi Rama ne emisionin e parmbremshem tek TV-Klan tha se nuk do te lejojme qe PS te kaloje ne opozite, edhe nese Nano e kerkon dhe e deshiron kete gje per te masakruar kundershtaret e tij ne parti. Bashkimi Europian, nje pjese e deputeteve dhe krereve roze thone se duhet bere ndryshimi i qeverise per te sjelle fryme te re dhe njerez te rinj, ne menyre qe te perballojne rikthimin e Berishes ne pushtet, kurse Kryeministri kerkon te rrije me zv/ministra dhe ministra ne shumice medioker. Ashtu cale-cale do te mbreteroje maje kalit te PS-se. Frika e kreut te tanishem te selise roze eshte se numri i kundershtareve te tij ne PS eshte shtuar me Edi Ramen, njeriun me te suksesshem te PS-se nga jeta civile. Pervec Metes, Klosit, Meidanit, Brokajt tani u shtua dhe anetari me i ri i PS-se, kryebashkiaku i Tiranes, njeriu qe duan amerikanet. Vota e tij eshte nje, ndersa trysnia dhe fryma qe eshte ne gjendje te krijoje mund te jete katastrofale per kryetarin aktual te PS-se. Te gjithe keta po perpiqen ta mbajne PS-ne nga renia ne humneren e opozites se ardhshme, nderkohe qe Nano uron renien ne fund te pusit, pasi "vete e ka bere burgun". Personalizimi i partise dhe i qeverise ka bere qe ai te shtoje pakenaqesite ne rradhet roze, bile ka nanoizuar edhe Gramoz Rucin, i cili thuhej gabimisht se ishte i pa koprementueshem. Edhe ate do ta marre me vete ne fund te gremines, ku ne maje te saj, nje hap perpara renies, tepelenasi do te degjoje piskamen e Berishes: "Pritma se po mberrij"!

Fatos Nano duket se ka lodhur jo vetem veten, por dhe te tijte, te cilet nuk duan ta leshojne mazhorancen, nje gje qe kryeministri e shumedeshiron. Per liderin socialist ka nje keqkuptim te madh. Ai mendon se nese nuk eshte vete ne gjendje te qeverise, atehere gjithe mazhoranca duhet te shkoje ne opozite. E irriton ideja se ka te tjere, shume burime njerezore, qe jo vetem mund te qeverisin me mire se ai, por qe sigurojne edhe rezultate me te mira per PS-ne ne zgjedhje.

Tani ka ardhur koha t'i thuhet Nanos: Ik!

[Llapi]

MESAZHET NGA SHBA E BE

Pauell mbështetje Nanos
Pat Cox: Zgjedhjet një hap para






TIRANE

Në prag të zhvillimeve tepër decizive partiake, Nano merr një mesazh nga Sekretari Amerikan i Shtetit Kolin Pauell. Numri dy i Shteteve të Bashkuara vlerëson punën e mirë të bërë deri tani nga qeveria shqiptare sipas të dhënave të nxjerra nga institucioni qeverisës.
Pauell vlerëson raportin e qeverisë shqiptare për progresin e reformave që përfshijnë periudhën janar-tetor 2003 dhe angazhimin për reforma specifike për vitin 2004. "Raporti është një përmbledhje impresionuese e veprimeve konkrete që qeveria shqiptare ka arritur gjatë 10 muajve të kaluar. Unë e vlerësoj angazhimin tuaj për të ratifikuar dhe për të forcuar më tej legjislacionin e nevojshëm mbi pronësinë, forcimin e veprimit të ligjit, hapat e ndërmarra kundër korrupsionit dhe ristrukturimin ushtarak në vitin e ardhshëm", shkruan Pauell në mesazhin e tij drejtuar kryeministrit shqiptar.
Pas deklaratave të ambasadorit amerikan Xhefri, vjen menjëherë edhe mesazhi mbështetës i ambasadorit amerikan.
Mbështetja Nanos dje i ka ardhur dhe nga Presidenti i Parlamentit Europian, Pat Cox, i cili vlerëson zgjedhjet e fundit vendore si një hap përpara për politikën shqiptare dhe zhvillimet demokratike të vendit. Ai siguron mbështetjen e Parlamentit Europian në procesin e përafrimit të Shqipërisë me BE-në.
Mbështetjen amerikane e përforcoi dhe Ndihmës Sekretari i Shtetit, Mark Grosman, gjatë takimit që zhvilloi dje me kryeministrin shqiptar. Ai vlerësoi rolin e qeverisë shqiptare si një faktor i rëndësishëm për konsolidimin e stabilitetit dhe sigurisë në rajon. Grosman dhe Nano rivlerësuan dhe njëherë nivelin shumë të mirë të marrëdhënieve midis dy vendeve. Zgjerimi i investimeve të kompanive më prestigjoze amerikane në Shqipëri, u cilësua nga të dy bashkëbiseduesit si një afirmim rrënjësisht të përmirësuar të Shqipërisë dhe ecurisë së procesit të reformave në vend.

[lis]

E Diele, 09 Nentor 2003


SHQIPERIA KUNDER SHBA-SE NE OKB

Diplomacia shqiptare shenon skandalin e radhes. E gjitha kjo vjen per shkak te nje prej dikastereve me te rendesishme qe perfaqeson Shqiperine ne arenen nderkombetare, ministrise se Jashtme. Kjo jo per fajin e zv/ministrit aktual, Luan Hajdaraga, por per faktin se ky dikaster ka pushuar se funksionuari qekurse ne krye nuk ka nje minister te Jashtem. Kete radhe eshte vene ne diskutim qeveria shqiptare ne sy te Shteteve te Bashkuara te Amerikes. Para tre ditesh ne OKB duhej te votohej pro ose kunder embargos qe SHBA ka te vendosur ndaj shtetit te Kubes. Ne kete takim, behet e ditur se shteti shqiptar ka votuar kunder mbajtjes se embargos ne Kube. Nga ky takim behet e ditur se votimi i Shqiperise ka shenuar nje problem te madh per vendin tone. Ndersa kubanezet duartrokitnin nga gezimi kur doli perfundimi i votimit, amerikanet mbanin shenim se kush votoi pro e kunder. Kane qene nje pjese e konsiderueshme e shteteve europiane qe kane votuar pro heqjes se embargos dhe kesaj pjese i eshte bashkuar dhe Shqiperia. Pare ne kete veshtrim shteti shqiptar e ka pare te justifikuar veten. Por nje votim i tille, kur Shqiperia eshte nen vezhgimin e Amerikes, eshte nje tregues negativ per ne. Ne kohen kur kryeministri, Fatos Nano merr telegrame urimi nga Sekretari amerikan i Shtetit, Kolin Pauell per punen qe po behet nga qeveria shqiptare, shteti yne del kunder vendimeve te SHBA-se. Ne rastin me te mundshem, qeveria shqiptare mund te kishte abstenuar, duke justifikuar dhe veten me argumentin qe mbetet per mos funksionimin e shtetit totalitar ne Kube. Por qendrimi me i fundit i qeverise shqiptare tregon me se miri se nuk mund te vazhdohet te punohet pa ministra ne dikastere te tilla, si ministria e Jashtme, apo ajo e Rendit. Kjo ben qe te linde dhe nje here si domosdoshmeri qe kryeministri, Fatos Nano t'i jape zgjidhje krizes qeveritare, duke gjetur menyren jo per nje arnim te qeverise por per nje ndryshim rrenjesor ne menyre qe ajo te behet funksionale.

E.Prenga

Burimi: "Koha Jone"

[Albo]

Edhe Nikolle Lesi e pret ne bese shokun Nano.

A ESHTE XHOANA AGJENTE GREKE?

NGA NIKOLLE LESI Deputet/ Jane shume ngjarje tash nje vit qe kane ndodhur ne Shqiperi, te cilat per nga rrjedha e tyre, menyra e ndodhjes dhe koicidenca me interesat e Shtetit grek, te bejne te dyshosh se dikush ketu sekretet e ketij vendi i nxjerr jashte me nje menyre te rrufeshme dhe te perkryer. Natyrisht qe, shume sherbime sekrete te huaja punojne me njerezit e tyre ne Tirane. Nje pjese e tyre jane ne koordinim me ate shqiptar ne luften ndaj krimit te organizuar, droges dhe disa veprimeve qe destabilizojne Ballkanin. Ne kete sens eshte normale bashkepunimi i tyre me SHISH. Por ka sekrete te tjera, qe jane per cdo shtet, nje gje e paprekshme dhe qe ruhet e paguhet me cdo cmim, shumehere edhe me koke. Por dyshimi im, te cilin po e bej publik dhe qe do t'i kerkoj dhe komisionit parlamentar te Rendit dhe SHISH per te hapur nje hetim, ndofta me dyer te mbyllura per arsye te ruajtjes se sekretit shteteror, ka te beje rreth akuzes publike qe beri para disa muajve ish-kryetari i Sherbimit Sekret Shqiptar ne Top Channel, zoti Fatos Klosi, rreth mundesise se perfshirjes se gruas se kryeministrit Nano, zonjes Xhoana Nano ne sherbimin sekret grek. E artikuluar me nje gjuhe lehtesisht te kuptueshme zoti Klosi, i cili njeh shume sekrete te Shqiperise, e jo vetem te saj, leshoi akuzen qe duhej te dritheronte gjithe drejtuesit e Shtetit, pervec zotit Nano, se gruaja e tij e dyte ka probleme me sherbimin sekret grek. Nese nuk do te kisha bere nje analize te fakteve qe kane ndodhur tash nje vit e ketej, kohe qe perkon me ardhjen e zotit Nano ne postin e kryeministrit, fakte te cilat ne brendine e tyre jane ne perputhje me strategjine greke per Shqiperine dhe kthimin e saj ne nje zone influence, pra pa keto ngjarje politike, pa kete gllaberim ekonomik te pikave kyce te strategjise ekonomike dhe te ndonje "investimi grek" ne ndonje zone ushtarake shqiptare, zor se do te mund te ngrija nje akuze mbi akuzen e leshuar nga Klosi, dhe per me teper pas kaq kohesh. Por duke qene deputet i Kuvendit te Shqiperise me lind obligimi i dyfishte qe te kerkoj dhe ne parlament ngritjen e nje komisioni parlamentar hetimor rreth kesaj akuze, pasi nuk flitet per gruan e bukur te ndonje karrocieri, tregtari ambulant, apo nepunesi te thjeshte shteteror, por pikerisht per Zonjen e Pare te Shqiperise e cila ka emrin e bukur Xhoana, dhe mbiemrin e zakonshem Nano. Pa shkelur etiken, ne kete shkrim mund te shtoj se nuk flitet as per lajthitje te Klosit, e te perforcuara edhe nga unesi deputet, por flitet per nje emer qe "fle" pernate me sekretet e krejt Shqiperise. Historia boterore e sherbimeve sekrete qe kur ato jane krijuar, dhe qe bene epoke ne kohen e Luftes se Dyte Boterore, tregon se ne shumicen e rasteve per te marre sekretet e nje burri shteti apo dikujt ne ushtrine e nje vendi, qe duhej pushtuar apo shkaterruar, futej nen sherbim, pra si agjente nje grua. Per te qene me te suksesshem gjendej nje femer, e cila te ishte e bukur, mikluese, me pamje si shenjtore, te ngjaje se malet, edhe nga me te lartet, luten para hijeshise se saj. Per ta bere edhe me popullor portretin e agjentes VIP, nga burimet sekrete financiare, i jepeshin qe te shperndante falas ushqime, rroba per te varferit, shkonte ne Kishe, lutej dhe "keputej" per te vobektit. Me pas, sajdiste burrin e Shtetit me lajkat e saj dhe, si profesioniste nen sherbim, niste pusullat drejt vendit ku ishte rekrutuar per cka dinte, c'kishte degjuar apo dokumenta sekrete. Me metodat joshese dhe ledhatuese, bente qe, "I PARI" i vendit te firmoste cka ajo donte dhe ishte urdheruar nga sherbimi sekret.

Dikujt mund t'i duket kjo qe po shkruaj si nje pjese tregimi, por mund t'i kujtoje te famshmen agjente te luftes se dyte boterore, Mata Hari, por, fatkeqesisht keshtu kane punuar dhe ende vazhdojne, sherbimet sekrete kur duan qe ne "krevatin" e kryetarit te Shtetit, kryeministrit apo te ndonje gjenerali te rendesishem te fusin "pergjuesin". Natyrisht qe, nuk mund te kemi te drejten per te hedhur paralelizma mes asaj qe kemi lexuar per spiunazhet dhe akuzes se Fatos Klosit. Por nese vazhdojme prape ne logjiken e nje deduksioni politik, atehere perse e luftoi hapur Fatos Nano ish-kreun e Sherbimit Sekret Klosi, bile beri dhe ujdi me Berishen per ta groposur e kalbur ne burg? Per 14 Shtatorin? Jo, vjen pergjigjia menjehere, pasi dihen tashme faktet dhe interpretimet. Akuza e Nanos per zotin Klosi per "implikim ne pergatitjen e 14 shtatorit bashke me Gjinushin, Meidanin, Berishen dhe Meten", eshte nje akuze qe nuk e beson as vete Nano. Mendja te shkon tek ajo qe edhe une nuk dua ta besoj per kryeministrin e vendit tim; qe zoti Klosi di shume gjera per Xhoana Nanon dhe sherbimet greke, aq sa, po te lihej prape ne krye te ketij sherbimi, apo te mos kerkohej t'i mbyllej goja, apo akoma me keq, te mos depersonalizohej neper gjyqe, atehere ai mund te nxirrte turpe dhe skandale shteterore. Eshte e rende kjo qe po them, madje dhe vete e shqiptoj me ndrojtje, sigurisht jo per hir te frikes, nga ndonje hakmarrje e Nanos, pasi nuk me ben shume pershtypje, sic ka ndodhur edhe ne kohe me te veshtira, si ne epoken e Bashkim Gazidedes dhe "gjeneraleve" te tij te shtypit. Hezitimi im ka te beje me turpin, zezonen qe bie mbi vendin tim, nese eshte i vertete pohimi i Klosit. Ndersa insistimi im ka te beje me detyrimin ndaj informimit publik per te mesuar te verteten e akuzes. Logjika e do qe, nje kryetar i Sherbimit Sekret te nje Shteti, di aq shume per vendin e tij, aq sa ne praktiken boterore kur nxirrej ne pension apo lirohej, nje person i tille ruhej nga Shteti si nje thesar, i cili nga casti ne cast mund te vidhet apo grabitet nga te interesuarit fqinje. Ndersa ne Shqiperine e pluralizmit ish-drejtuesit u shperndane "si zogjte e korbit" ne shtete fiqnje. Ndersa, nje kryetar i ketij sherbimi sekret tashme eshte larguar me revoltat e '97-es, tjetri eshte i shkarkuar dhe i paditur nga kryeministri i vendit per t'u futur ne burg per gjoja "disa tendera" (!). 'vlere ka nje tender, edhe nese eshte e vertete akuza, perballe "tenderave kryeministrore" qe flene ne krevatin e kryeministrit ose qe quhen sekrete shteterore? Akuza e Nanos dalengadale po zhvleresohet edhe para gjykates, cka shton dyshimet se arsyet e perndjekjes se Klosit jane te tjera, pra te lidhura me denoncimin qe ai beri per bashkeshorten e Kryeministrit.

Edhe gjate diteve te krizes se paradokoheshme, kur u rrezuan dy dekretet e kryeministrit per zoterinjte Dokle dhe Xhafa, sipas pohimeve te ish-kryeministrit Meta, zoti Nano kishte pergatitur doreheqjen para kryesise se PS-se, por ne momentin e fundit, teksti, pra doreheqja, i eshte grisur nga Xhoana Nano. Pyetja lind natyrshem: Cfare e lidh kete grua me pushtetin absolut te te shoqit, nderkohe qe i shoqi, pra zoti Nano ne momente krize dhe prekje te dinjitetit politik kerkon te jape doreheqjen? Nano ka dhene prova, here te tjera dhe me nje bashkeshorte tjeter, Rexhinen, nje grua e shkelqyer dhe me tipare te jashtezakonshme, qe ka dhene doreheqjen ne vend, madje, sic thone miqte nanoiste, "edhe me perkrahjen e Rexhines se mencur". Ne kete rast jemi te detyruar te bejme nje sqarim: Nuk duam te futemi ne pjesen e jetes private te Kryeministrit, por po marrim ato segmente, te cilat kane lidhje me fatin tone te perbashket si shqiptare. Dhe ketu kemi te drejte ligjore. Ne nuk po merremi me gjera, qe edhe "skandali Klinton" i nxorri ne publik, nuk po merremi me paralidhjen mes tyre, se ku ka punuar njeri apo tjetri, por me nje gje kapitale, qe mbetet akuza e Klosit: A eshte e vertete se kjo grua punon per agjenturen greke nen mantelin e bashkeshortes se kryeministrit? Besoj se kjo ceshtje, nuk eshte nje zone private e Nanos. Kjo na perket te gjitheve nga pak. Ne cdo shtet demokratik nje akuze e tille do te kishte krijuar nje stuhi te tere politike. Dikush duhej te pergjigjej para drejtesise dhe jo sic ka shkuar zoti Klosi "per tendera tullash"!

Kete kerkoj une te sqaroj. Nga pak e perdite. Cdo ore . Nuk do te interesohem me per Albacopter apo sa ka vjedhur ajo, sipas shtypit, duke perfituar nga pozicioni i te shoqit. Nuk do te permend me, se ka emeruar ne pikat kyce gjithe kusherinjte e njerezit e saj, pra lidhjet nepotike. As qe do te kerkoj here tjeter ne parlament ministrat Islami e Poci se si i ka vene milionat kjo grua qe na mbiu nga Athina e per Athinen, dhe qe per disa muaj u bene milionere. Jo, kjo eshte e fundit here qe po ia permend jo se dua, por per te garantuar publikun se une luftoj per nje ceshtje me te madhe se sa milionat e saj. Dua qe te mos jem nje nenshtetas shqiptar qe qeverisem nga nje "nenshtetase" e huaj, qe perdor hijeshine per te perlare cka vendi im.

Nese zoti Nano, per te larguar transparencen dhe per t'u fshehur, ka ndermend te perdore urdine e rojeve apo te vere ne perdorim te gjitha metodat dhe mekanizmat e sofistikuar te presioneve ndaj meje, pas ketij denoncimi publik, ku luhet me koke, jam i detyruar t'i kujtoj se koka shkon me koke!

[Albo]

Edhe Aliu ben divorc me shokun Nano.


Ali Ahmeti bojkoton Nanon

Lideri i Bashkimit Demokratik per Integrim, Ali Ahmeti, nuk eshte takuar me Kryeministrin Nano, gjate dy diteve te qendrimit ne Shqiperi. Ndonese eshte takuar me Presidentin Moisiu dhe ka biseduar nepermjet telefonit me kryetarin e PD, Sali Berisha, Ahmeti nuk eshte takuar me Nanon. Nje bojkot qe stafet perkatese nuk kane preferuar ta shpjegojne, ndonese Nano dhe Ahmeti jane takuar shpesh here gjate vitit te fundit. Ahmeti ndodhej ne Tirane per te marre pjese ne konferencen nderkombetare "Harmonia fetare ne Shqiperi", me ftese te Presidentit Moisiu. Gjate kesaj konference, Presidenti vuri ne dukje modelin e shkelqyer te harmonise, tolerances si dhe bashkejeteses fetare ne Shqiperi, duke permendur se te gjithe shqiptaret e priten me adhurim, viziten e Papa Gjon Palit II ne Shqiperi, apo lumturimin e Nene Terezes me 19 tetor. "Ky model perben nje aspekt shume pozitiv te kultures se shoqerise shqiptare, nga i cili kane cfare te mesojne edhe kombet e tjera. Ai nuk ka pesuar ndryshime, pavaresisht nga regjimet qe kane kaluar, izolimi i vendit, ndalimi i besimit apo hapja shumeplaneshe ndaj botes", u shpreh gjate fjales se tij Moisiu. Gjate konferences e mori fjalen dhe shkrimtari i shquar, Ismail Kadare, qe eshte dhe kryetar i Komitetit organizues i aktivitetit. "Aktualisht ne kushtet e veshtira ku ndodhemi edhe pse jemi nen projektoret e kritikes, ku cenet tona kane dale ne plan te pare, ka edhe dicka pozitive dhe kjo eshte toleranca fetare qe ndeshet ne vendin tone", theksoi Kadare.

[lis]

Albo me pelqeu shume ajo cfare shkruajte ne hyrje te postimit 198.
Une nuk e dija se Nikoll Lesi ka qene mik i Fatos Nanos por tani po cuditem me kete shkrim bombastik te Nikolle Lesit dhe njekohesisht ngelet akuza me e rende dhe me e rrezikshme per jeten e tij,dhe si duket paska qene e vertete se zoti Lesi kishte mardhenie me shokun Nano.

Tani ju jeni kundra shkrimit te zotit Nikolle Lesi apo pro tij se ne shkrimet tuaja te shpeshta jeni shume progrek, gje e cila eshte e veshtire te zbulohet nga syri i thjeshte i ndonje lexuesi te zakonshem?

[Albo]

Shiko shiko, edhe shqiptaro amerikanet e paskan marre inat shokun Nano. Bela e madhe kjo...

A do të shkojë Nano në Shtëpinë e Bardhë

Ambasador Jeffrey,

Ka thashetheme se Fatos Nano ka mundur apo është afër një vizite në Shtëpinë e Bardhë, dhe unë jam i sigurt se shqiptaro-amerikanët do të ishin shumë të interesuar të dinim nëse është e vërtetë një thashethem i tillë që të mund të jipnin mendimim e tyre tek presidenti Bush. Kam përshtypjen se ju jeni në atë pozicion sa të hidhni dritë mbi këtë çështje, ndaj ju kërkoj që ta mohoni apo ta pohoni. Nëse është e vërtetë, duhet të bëhet e ditur nëse ju apo Departamenti i Shtetit ia keni bërë me dije shefit të Kabinetit të Shtëpisë së Bardhë dhe/apo Këshilltarit për Sigurinë Kombëtare, akuzat që Nano ka llogari ilegale në Credit Suisse?

Gjithashtu kohët e fundit kam marrë një njoftim nga një burim mjaft i besueshëm se një biznesmen i huaj që vepron në Tiranë akuzohet se është "çantëmbajtësi" i Nanos. Kam marrë dhe informacione të tjera mbi këtë person dhe në të vërtetë ai ka biznese në Shqipëri dhe Zvicër, ndoshta dhe ju e njihni. Të lutem kini parasysh se unë po e shpërndaj këtë informacion tek zyrtarët e duhur të qeverisë amerikane.

Si një shqiptaro-amerikan po ju them se jam tejet i acaruar të kesh një individ të tillë imoral, të pështirë si Nano, të përfaqësojë Shqipërinë në takim me presidentin e SHBA-së dhe kam shumë besim se pjesa më e madhe e shqiptaro - amerikanëve kanë të njëjtin mendim, megjithëse duke gjykuar nga aktiviteti juaj me Nick Gage, duket se nuk do t'ia dish për opinionin e komuniteti tonë.

Sa për ta ditur të dielën e kaluar, në një takim vjetor kulturor shqiptar ku morën pjesë kryebashkiaku Bloomberg dhe kongresmeni Engel, si dhe 2 mijë shqiptaro-amerikanë, kur u përmend emri i Nanos, e gjithë salla lëshoi tallje të zgjatura si përgjigje. Natyrisht që ky nuk është një sondazh shkencor por, tekefundit, tregues i fortë i asaj që mendojnë shqiptaro-amerikanët për këtë ndyrësirë.

Gary Kokalari

[Albo]

lis, une nuk shkruaj qe te "kenaq" njerezit dhe perpara se te lexosh postin 198, lexo postin #1 dhe daten qe ai post eshte shkruar. Pastaj lexoi postet ne vazhdim me rradhe dhe numero listen e atyre qe kane dale kunder Nanos.

Nikolle Lesi eshte nje "opozitar i oreve te fundit", bashkeudhetar i shokut Nano per plot 10 vjet. Nuk i sjell shkrimet e tyre per te percjelle qendrimet e tyre por per te vertetuar fjalet e mia, qe ndryshe nga fjalet e shume "analisteve" shqiptare, nuk i merr era por i verteton koha.

Albo

[lis]

Nga mosha qe keni, une mund te ju them se nuk jeni me shume se nje adoleshent dhe djali im i ka te njezet e cate.
Jeta te meson more bir por ashtu sikur i them femijes tim po te them edhe ty, mos shkel aty ku mbjell se pastaj nuk ke se cfare te korresh.
Me dashuri babai, Lis
Me fal qe kjo replike u kthye ne familjare.

[Albo]

Shokun Nano e braktis edhe Atdheu i tij, Greqia.


SHEFI I DILPOMACISE GREKE REAGON ASHPER

Himara, grekët ankohen në BE
Papandreu: "Nano" s'përmbush standartet e BE

Greqia reagoi dje nëpërmjet Ministrit të saj të Jashtëm Papandreu në mbledhjen e Këshillit të Ministrave në Bruksel për incidentet zgjedhore në Himarë. Iu kërkua presidencës italiane të reagojë për zgjedhjet.

LAJMI

Greqia reagon shumë ashpër për procesin zgjedhor zhvilluar në Himarë. Reagimi nuk u bë thjesht nga strukturat zyrtare të shtetit grek, por në mbledhjen e Këshillit të Ministrave të Bashkimit Evropian mbledhur që prej dy ditësh në Bruksel. Ndërsa ky këshill po merrej me çështje të përgjithshme të politikës dhe organizimit të Bashkimit Evropian, në seancën kur do të flitej për Ballkanin, ka reaguar Ministri i Jashtëm grek Georges Papandreu i cili ka evidentuar problemet në Himarë me zgjedhjet, dhe ka kërkuar një reagim të qartë edhe nga strukturat e BE-së, në veçanti nga Shefi i politikës së Jashtme dhe Sigurisë Havier Solana. Shefi i diplomacisë greke i kërkoi këtij të fundit ti dërgojë një mesazh të qartë qeverisë shqiptare për procesin zgjedhor. Papandreu i kërkoi nga Brukseli qeverisë "Nano" dhe autoriteteve shqiptare të thonë fjalën e tyre "lidhur me incidentet në katër qendrat e votimit në Himarë". "Dje në Shqipëri u zhvilluan zgjedhjet në disa zona, mes të cilave dhe në Himarë ku ka një popullsi të madhe me origjinë greke. Gjatë të dy raundeve ka pasur incidente të cilat janë shënuar edhe nga vëzhguesit e OSBE-së e ata të SHBA-së", theksoi ministri i jashtëm helen. "Qeveria "Nano" krijoi skepticizëm rreth objektivave reale dhe provoi qartë se ka një deficit në përmbushjen e standarteve që çojnë drejt Bashkimit Evropian", tha Papandreu, duke i dhënë një goditje partisë dhe qeverisë si-motër në Shqipëri. "BE dhe Greqia mbeten të vendosur rreth politikave që mbështesin perspektivën evropiane të Shqipërisë, megjithatë kjo politikë është e bazuar në parime, kritere e kërkesa që duhet të respektohen nga Shqipëria", tha Papandreu. Reagimi i Ministrit të Jashtëm Grek në Këshillin e Ministrave në Bruksel vjen menjëherë pas incidenteve të ndodhura dy ditë më parë, gjatë procesit të votimeve në Dhërmi dhe disa zona të tjera. Ndër incidentet e paralajmëruara, më i rëndi ishte ai i plagosjes së një qytetari himariot në Dhërmi.