Metaj, Klosi e Idrizi krijojnë Grupin Parlamentar i Miqësisë Shqipëri-Turqi

[Albo]

TIRANE- Parlamenti shqiptar krijon Grupin Parlamentar të Miqësisë Shqipëri-Turqi. Grupi do të drejtohet nga Deputeti Blendi Klosi, dhe sipas kreut të Kuvendit, Ilir Meta, puna e përbashkët e dy grupeve të miqësisë në të dy Parlamentet do t’i shërbejë forcimit të shkëmbimeve ndër-parlamentare, ekonomike e kulturore mes dy vendeve.

Meta, i shoqëruar nga deputetët Blendi Klosi dhe Shpëtim Idrizi, pritën sot Zv.Kryeministrin e Turqisë, Emrullah Işler, i cili shoqërohej nga një delegacion deputetësh të Parlamentit të Republikës së Turqisë.

Işler u shpreh se Turqia i kushton vëmendje të veçantë forcimit të marrëdhënieve me Shqipërinë si në planin dypalësh ashtu edhe në planin ndërkombëtar. Në këtë kuadër z. Işler nënvizoi se bashkëpunimi i ngushtë mes Turqisë dhe Shqipërisë është një kontribut për stabilitetin dhe zhvillimin ekonomik të të gjithë rajonit.

Panorama

[Wordless]

E morët stafetën që la paraardhësi i kësaj qeverie ? Ju lumtë !! Forcojni mardhënjet me qeverinë Turke ... Sa më afër Turqisë aq më larg Europës !! Mjafton të shohësh punimet e rrugës së Kombit që ndërtoj kompania Turke apo menaxhimin e Korumit dhe fabrikës së bakrit dhe konkluzionet dalin vetë !